Post: #1 Title: عنصرية الخليجين(داؤد حسين)فيديو يتمسخر على السودانين!! Author: Tragie Mustafa Date: 10-29-2010, 03:42 PM Parent: #0
لاحظوا صبغة وجههم والباروكه الخشنه ركز للشعور المجعده يعني انتو منكوشين ومنفشين يا سودانين...ولاحظوا الاشاره لنوع الموبايل الزي الطوبه يعني شايلين موبليلات قديمه.....واقحام كلمة زول (قطعت جهيزه قول كل خطيب)!! و الغريبه بعض السودانين لم ينتهبوا لكم العنصريه و الاستهزاء بهذا الشريط!!
للمقيمين بتلك الدول ربنا يعينكم على تحمل كل هذا القرف نحن بيصيبنا رشاش بس وبتفور بطونها عليهم فمبالكم انتم وانتم عجزة....ولا توجد جهات رسميه يمكن الشكوى لها و التظلم!!
Post: #2 Title: Re: عنصرية الخليجين(داؤد حسين)فيديو يتمسخر على السودانين!! Author: Tragie Mustafa Date: 10-29-2010, 03:51 PM Parent: #1
طبعا لا احتاج ان الفت النظر لانه المتمسخر عليه هو السوداني الشمالي بمنظره التقليدي الجلابيه.
يكفيكم شرفا ان هذا راي الخليجين بكم سمرا مقرقدين الشعر!! وانتم فقط المتوهمين انكم بيضا مسبسبي الشعر!! اشبعوا مهانه يا المتلصقين بالعروبه!!
الغنيه مأخوذه من اسكتش كوميدي لفرقه كوميديه, وهم قلدوهو بي طريقتهم, بصراحه ماشايفه أي عنصريه في الموضوع, بالعكس الفيديو ظريف عديل, يعني شنو لو شايفننا بشرتنا سمراء ما أصلنا بشرتنا سمراء المشكله وين ؟!!!! وللا عشان شعرهم مجعد؟ برضو عادي, ياتراجي الناس ديل لو قلّدوا هنود مش كانو لبسوا لبسهم ونسوانهم لبسوا ساري وعملوا نقطه حمراء في جبهتهم؟ نحن ما بنتعقّد من سمارنا, وشكلنا عاجبنا, خليهم يقلدونا يعني شنو؟ !!!
Post: #7 Title: Re: عنصرية الخليجين(داؤد حسين)فيديو يتمسخر على السودانين!! Author: محمد الامين احمد Date: 10-29-2010, 04:28 PM Parent: #3
غايتو بـ الباروكة دى بيكون قاصد طارق الامين عديل كده
و يا طارق الامين ... الزول ده جاك فى مكانك .. اهه الرد الرد
ادناه الهيلاهوب و اغنية "يا شمس" للفنان الكويتى نبيل شعيل
Post: #14 Title: Re: عنصرية الخليجين(داؤد حسين)فيديو يتمسخر على السودانين!! Author: Tragie Mustafa Date: 11-02-2010, 05:38 AM Parent: #7
محمد الامين
شكرا على المرور
هم الكوميدان بتاعننا لو بردوا....بشكل حاسم بحق ما كان ده حالنا!!
Quote: و يا طارق الامين ... الزول ده جاك فى مكانك .. اهه الرد الرد
Post: #4 Title: Re: عنصرية الخليجين(داؤد حسين)فيديو يتمسخر على السودانين!! Author: omer osman Date: 10-29-2010, 04:14 PM Parent: #2
تراجي ازيك ....
الزول ده هو زاتو بقي خليجي متين ما قريب ده ......
داؤود حسين باكستاني الاصل ...........
Post: #15 Title: Re: عنصرية الخليجين(داؤد حسين)فيديو يتمسخر على السودانين!! Author: Tragie Mustafa Date: 11-02-2010, 05:43 AM Parent: #4
الفاضل عمر عثمان
شكرا على المرور
Quote: تراجي ازيك ....
الزول ده هو زاتو بقي خليجي متين ما قريب ده ......
داؤود حسين باكستاني الاصل ...........
اولا يا غالي حتى لو لم يكن خلجيي اصلي
فان الانتاج خليجي!!المرخج المنتج...الملحن كاتب المنلوج...الخ
لذا هم كدول مسؤلين من مثل هذا الاعلام البائس.
وبقية الرد تجد اخونا هيثم كتبه هنا.....
Quote: صحيح يا عمر الزول البلوشي دا أدوهوا الجواز الكويتي
و بعد واسطات قبل خمسة سنوات تقريباً أو أكثر..... يعني كان (بدون) .....
بعدين من لا له ماضي و تاريخ في الفن ليس له حاضر و لذلك يستمدوا درامتهم أو قل أكل عيشهم من تقليد السودانيين في كل المناسبات و بيعتقدوا إنهم بتمسخروا منهم... وهم هؤلاء الجهلة من ممثلين الخليج... أمثال داؤد و بلال مبارك و محسن عبدالله.... مع العلم إنه الثاني قبل ثلاث سنوات أخد علقة ساخنة ليلاً في أحد مناطق دبي من سودانيين كانوا لابتين ليهوا منذ فترة و ذلك لتحقيره للسودانيين و دهن بشرته باللون الأسود في الكاميرا الخفية.....
Post: #5 Title: Re: عنصرية الخليجين(داؤد حسين)فيديو يتمسخر على السودانين!! Author: وليد الطيب قسم السيد Date: 10-29-2010, 04:16 PM Parent: #2
Quote: طبعا لا احتاج ان الفت النظر لانه المتمسخر عليه هو السوداني الشمالي بمنظره التقليدي الجلابيه.
يكفيكم شرفا ان هذا راي الخليجين بكم سمرا مقرقدين الشعر!!
لا ادرى انما اجد بدخلك عقده ما من انسان الشمال لم اكشف سرها....
اما ما يقدمه الهندى وليس الكويتى(داؤد حسيت) لهو امر غير مقبول لكننى اجده مقبول طالما انتو انسان السودان المن شاكلتك بدخله نفس الاحساس وان كان بطريقه عكسيه...هم يرونا كما يرونا وانتم ترونا بما ترونا
كان الله فى العون......
هنالك فرقة دراميه سودانيه قامت بمعالجة الامر دراميا بتغمس الفنان نبيل شعيل...صادنى والله صيده....
Post: #6 Title: Re: عنصرية الخليجين(داؤد حسين)فيديو يتمسخر على السودانين!! Author: كمال حامد Date: 10-29-2010, 04:25 PM
عرفنا السياسة فلانه بقت تتكلم فى الفن هذا ابداع ما بعده ابداع والفنان الذى يؤدى كل الادوار يستحق رفع القبعة له والناس الماناقشة خليكم فى ما انتم فيه التحية للفنان داؤد على هذا الابداع
Quote: الزول ده هو زاتو بقي خليجي متين ما قريب ده ......
داؤود حسين باكستاني الاصل ...........
صحيح يا عمر الزول البلوشي دا أدوهوا الجواز الكويتي و بعد واسطات قبل خمسة سنوات تقريباً أو أكثر..... يعني كان (بدون) .....
بعدين من لا له ماضي و تاريخ في الفن ليس له حاضر و لذلك يستمدوا درامتهم أو قل أكل عيشهم من تقليد السودانيين في كل المناسبات و بيعتقدوا إنهم بتمسخروا منهم... وهم هؤلاء الجهلة من ممثلين الخليج... أمثال داؤد و بلال مبارك و محسن عبدالله.... مع العلم إنه الثاني قبل ثلاث سنوات أخد علقة ساخنة ليلاً في أحد مناطق دبي من سودانيين كانوا لابتين ليهوا منذ فترة و ذلك لتحقيره للسودانيين و دهن بشرته باللون الأسود في الكاميرا الخفية.....
Post: #11 Title: Re: عنصرية الخليجين(داؤد حسين)فيديو يتمسخر على السودانين!! Author: Tragie Mustafa Date: 11-02-2010, 04:21 AM Parent: #9
.
Post: #12 Title: Re: عنصرية الخليجين(داؤد حسين)فيديو يتمسخر على السودانين!! Author: حبيب نورة Date: 11-02-2010, 05:12 AM Parent: #11
الحبيبة تراجي ...
تحية طيبة وحاتك يا أمي أنا قدُر ما أتفرجت في الفيديو ده ما لقيت فيه إساءة للسودان ! أنا حسب معرفتي بي داؤود حسين هو مجرّد كوميديان و ( مضحكاتي ) ما أكتر والمعروف إنو من أصول باكستانية ولولا ضحاكتو دي ما كان بِقي داؤود ولا حسين !
أقول ليك كيف الفيديو ده عادي جداً .... عارفة في برنامج تلفزيوني شهير مُش علي المستوي السعودي فحسب ! وكمان ما علي المستوي الخليجي إسم البرنامج ( طاش ما طاش ) ! البرنامج ده الأعلي مشاهدةً في رمضان وتقريباً بعد الأذان مباشرةً لدرجة إنو قنوات الإم بي سي بتظبط ( ريموت كونترولها ) مُش عشان مسلسلاتها و خلاص ! القناة الأولي السعودية والإم بي سي بعد البرنامج ده يادوبك بتظبط برنامجها بما فيه من مسلسلات و كاميرا خفية و غيرو ! يعني بعدما ينتهي برنامج طاش ما طاش بعد ده الناس بتشوف الحاصل شنو في الدنيا ! العالم كلو بتابع في ناصر القصبي وعبد الله السديحان !! أديك من الشعر بيت ! أجمل حلقة من ضمن حلقات البرنامج البعالج مشاكل المجتمع السعودي بجرءة غير مسبوقة ، هي الحلقات التي تناقش مشاكل العمالة الآسيوية و الأجمل من ذلك الحلقات التي تناقش مشاكل العمالة السودانية ! يعني مثلاً تلاقي طبيب سوداني حاصل علي أعلا الدرجات العلمية ، وفي نفس الوقت يعمل بمهنةِ عامل مواشي !!! هذا ما يثر عجب العاملين بأمرِ البرنامج ! وكذلك البرنامج يناقش ( حَرارة ) قلِبْ السودانيين وعدم قُدرتهم علي تحمُّل المزاح !!! و بقدرةِ قادر أصبحنا مادة دسمة جداً في الخليج ... تماماً مثلما نفعل مع ( الأحباش ) ونحن نتظارف و ندرج سيرتهم في كل طُرفةٍ مصطنعة ٍ و في كلِّ موقفٍ زائف ! و يقيني .. أن الفن لا يُناقش مُطلقاً ناس الخرطوم بسخروا من أهل الضواحي و أهل الضواحي بسخروا من ناس الرِيف والعاصمة ( تمدُّ لسان ) عنصريتها إلي الأقاليم وأصقاع الولايات ...
الموضوع ما عندو علاقة بالعنصرية لا من قريب ولا من بعيد القصة قصة فن ! داؤود حسين ده لو جات للعنصرية كنا قلنا ليه يا باكستاني يا إبن ######ـــــــة علي الطريقة المصرية بل و سمِع منّا شعراً يغنيه عن ذم المتنبئ لكافورِ الإخشيدي !
لكن ده يا يمة ( كوميديان ) ما أكتر !
الفن لا يعترف بالإثنيات و الأقليات و الأجناس و الأوطان ! هسة ممكن نعمل لينا فيديو يسخر من الباكستان والكوايتة علي إختلافِ درجاتهم وماهم دُون ! يعني عملنا شنو ؟؟؟
لما تقولي عنصرية الخليجيون
جيبي ليك خليجي أُمُّو بِت أعم أبُوهو !
مع علمي التام بأن الرجل لا يبحث إلا عن البسمة !
شكرن كتيرن !
Post: #13 Title: Re: عنصرية الخليجين(داؤد حسين)فيديو يتمسخر على السودانين!! Author: Tragie Mustafa Date: 11-02-2010, 05:32 AM Parent: #12
حبيب نوره الغالي يا رايق يا جميل انت..... سلام
الفيديو البوضح انه موبيلاتكم قيدمه وقدر الطوبه
وبتشيولها في السروال !!كل ده ما فيه حاجه!!
Quote: الحبيبة تراجي ...
تحية طيبة وحاتك يا أمي أنا قدُر ما أتفرجت في الفيديو ده ما لقيت فيه إساءة للسودان ! أنا حسب معرفتي بي داؤود حسين هو مجرّد كوميديان و ( مضحكاتي ) ما أكتر والمعروف إنو من أصول باكستانية ولولا ضحاكتو دي ما كان بِقي داؤود ولا حسين !
أقول ليك كيف الفيديو ده عادي جداً .... عارفة في برنامج تلفزيوني شهير مُش علي المستوي السعودي فحسب ! وكمان ما علي المستوي الخليجي إسم البرنامج ( طاش ما طاش ) ! البرنامج ده الأعلي مشاهدةً في رمضان وتقريباً بعد الأذان مباشرةً لدرجة إنو قنوات الإم بي سي بتظبط ( ريموت كونترولها ) مُش عشان مسلسلاتها و خلاص ! القناة الأولي السعودية والإم بي سي بعد البرنامج ده يادوبك بتظبط برنامجها بما فيه من مسلسلات و كاميرا خفية و غيرو ! يعني بعدما ينتهي برنامج طاش ما طاش بعد ده الناس بتشوف الحاصل شنو في الدنيا ! العالم كلو بتابع في ناصر القصبي وعبد الله السديحان !! أديك من الشعر بيت ! أجمل حلقة من ضمن حلقات البرنامج البعالج مشاكل المجتمع السعودي بجرءة غير مسبوقة ، هي الحلقات التي تناقش مشاكل العمالة الآسيوية و الأجمل من ذلك الحلقات التي تناقش مشاكل العمالة السودانية ! يعني مثلاً تلاقي طبيب سوداني حاصل علي أعلا الدرجات العلمية ، وفي نفس الوقت يعمل بمهنةِ عامل مواشي !!! هذا ما يثر عجب العاملين بأمرِ البرنامج ! وكذلك البرنامج يناقش ( حَرارة ) قلِبْ السودانيين وعدم قُدرتهم علي تحمُّل المزاح !!! و بقدرةِ قادر أصبحنا مادة دسمة جداً في الخليج ... تماماً مثلما نفعل مع ( الأحباش ) ونحن نتظارف و ندرج سيرتهم في كل طُرفةٍ مصطنعة ٍ و في كلِّ موقفٍ زائف ! و يقيني .. أن الفن لا يُناقش مُطلقاً ناس الخرطوم بسخروا من أهل الضواحي و أهل الضواحي بسخروا من ناس الرِيف والعاصمة ( تمدُّ لسان ) عنصريتها إلي الأقاليم وأصقاع الولايات ...
الموضوع ما عندو علاقة بالعنصرية لا من قريب ولا من بعيد القصة قصة فن ! داؤود حسين ده لو جات للعنصرية كنا قلنا ليه يا باكستاني يا إبن ######ـــــــة علي الطريقة المصرية بل و سمِع منّا شعراً يغنيه عن ذم المتنبئ لكافورِ الإخشيدي !
لكن ده يا يمة ( كوميديان ) ما أكتر !
الفن لا يعترف بالإثنيات و الأقليات و الأجناس و الأوطان ! هسة ممكن نعمل لينا فيديو يسخر من الباكستان والكوايتة علي إختلافِ درجاتهم وماهم دُون ! يعني عملنا شنو ؟؟؟
لما تقولي عنصرية الخليجيون
جيبي ليك خليجي أُمُّو بِت أعم أبُوهو !
مع علمي التام بأن الرجل لا يبحث إلا عن البسمة !
شكرن كتيرن !
ما حاقول لك حاجه
عارف ليه...بس لانك مقيم في العالم الثالث!!
(ودي ما شتيمه ولا مسبه....لكنه بتوضح مدى حساسيتنا كما يبدو للخرمجه
لكن انتو الخرمجه متصالحين معها)
ولن الومك عارف ليه....لانه لا
اعلام منضبط...ولا كوميديا منضبطه
هنا يا زول لما تكون اعلامي فلسانك ده تبقى عليه عشره
يا اخي حفيد الملكه ود ديانا قال عن الباكستان (باكي)
وهي زي كلمة الخليجين لما يقولوا للسوداني يا زول وللصومالي يا وريا وللهندي يا رفيق!
وحياتك الجاليات الباكستانيه وقفته على فت رجل!!
انتو اضحكوا لكن نحن لا.
وخليني انا ورد على الاخ هيثم عبد العزيز
الكتب انه (احدهم)انضرب قبال كده من سودانين!!
تفتكر ليه ؟؟!!
Quote: أمثال داؤد و بلال مبارك و محسن عبدالله.... مع العلم إنه الثاني قبل ثلاث سنوات أخد علقة ساخنة ليلاً في أحد مناطق دبي من سودانيين كانوا لابتين ليهوا منذ فترة و ذلك لتحقيره للسودانيين و دهن بشرته باللون الأسود في الكاميرا الخفية.....
اها تفتكر السودانين ديل لبدوا ليه ؟؟وضربوهوا؟؟!!
Post: #16 Title: Re: عنصرية الخليجين(داؤد حسين)فيديو يتمسخر على السودانين!! Author: راشد فضل Date: 11-02-2010, 10:55 AM Parent: #13
ماذا يقول الكويتيون عنه
Quote: نريدك كويتياً , خليجي , عربي ..... يا داوود حسين
Post: #17 Title: Re: عنصرية الخليجين(داؤد حسين)فيديو يتمسخر على السودانين!! Author: Tragie Mustafa Date: 11-06-2010, 04:10 AM Parent: #16
شكرا راشد على الرابط....
Post: #18 Title: Re: عنصرية الخليجين(داؤد حسين)فيديو يتمسخر على السودانين!! Author: Elhadi Date: 11-06-2010, 07:47 AM Parent: #17
رئيس الوزراء الكويتي :)
Post: #20 Title: Re: عنصرية الخليجين(داؤد حسين)فيديو يتمسخر على السودانين!! Author: عثمان نواي Date: 11-06-2010, 09:59 AM Parent: #18
العنصريه دي شنو ما عارف لو ما بقت في كلام داؤد ده يا تراجي هو الزول راضي شن دخل القاضي الجاب العنصريه شنو غير علي شاكلة راعي غنم ..وتربية شنو كده ما عارف علي فكره ح تكون في وظائف في دولة الجنوب الجديده بتاعت كاوبوي.... الكومديا كم سنه كده.. يسخر من الكاوبوي
غايتو.. دنيا
Post: #19 Title: Re: عنصرية الخليجين(داؤد حسين)فيديو يتمسخر على السودانين!! Author: دينا خالد Date: 11-06-2010, 09:51 AM Parent: #17
غايتو يا رجروج ضحككككنا عالم تالت عالم تالت شوفتى البشيير ؟؟ اصلو البششير دا ما بعرفو لى .. وكلللللو كوم والشيالين كووم تانى ههههههههههههها عليييك الله ما كتلهم ياهم ذااتهم ..
هسه شفتى طارق الامين حاكاهم كيف ؟ صالحين دا مبدع عدييييل ونبيل شعييل ولااااا زعل ولا الكويتيات قالوا السودانيات ديل حقرونا ..
ماسمعت غايتو كلمة مسيئة كان للشكل ياهو شكلنا وحاولوا يظبطو معاهو اللون الا اذا نحن كنا شايفين اللون الاسود معرة وسبة ! مالو اللون الاسود حلااااتو يعنى كيف ح يقلد السودانيين وشعرو مسبسب ؟ انتى كمان ,,, يضحك صباحك يا تراجى ياخ لووووووووووووووووب
