طيب البيوت دي حقت منو؟

معظم الكيزان من جيلي و الجيل الذي سبقنا و الذين بدأت حياتهم العملية
خلال سنوات الانقاذ تمكنوا من اختصار الزمن الذي يستغرقه السوداني عادة في
انجاز اوليات هذه الحياة من تكوين اسرة و بناء منزل الخ.
الناس ديل نجحوا في بناء منازل جيدة و مكلفة،أو ممتازة و فاخرة احيانا في
مختلف انحاء الخرطوم ، و هذه حقائق معروفة للجميع. أن يدقس هشام هباني
و زي ما بيقولوا مصدق يا مؤمن ينزل اي صور يرسلها له من يفترض أنهم المواطنون
الشرفاء في الداخل الساعين لفضح النظام ثم يتضح أن الحكاية مجرد مقلب
و أن يكون هناك بعض الكيزان لم يستفيدوا من الوضع و لا زالوا يعيشون حياة
عادية مثل السواد الاعظم من الشعب ذلك لا يعني باي حال من الاحوال أن اعضاء
حزب المؤتمر الوطني لم يستفيدوا من سيطرة حزبهم على الحكم في السودان
و أنهم قد تطاولوا في البنيان و عددوا في الزوجات و عاثوا في البلاد
و حتما سيأتي اليوم الذي ينقلب ذلك عليهم وبالا و خسارا.

Quote: معظم الكيزان من جيلي و الجيل الذي سبقنا و الذين بدأت حياتهم العملية خلال سنوات الانقاذ تمكنوا من اختصار الزمن الذي يستغرقه السوداني عادة في انجاز اوليات هذه الحياة من تكوين اسرة و بناء منزل الخ.

و كل الكيزان الذين زاملونا من الثانوي الى ما بعد الجامعة
اصبحوا من اثرياء الداخل هكذا دون مجهود
و بقدرة انقاذ انزال قيم السماء الى الارض و دولة المدينة
لا لدنيا قد عملنا

غايتو السويتا فينا ما بتمرق بالساهل و الخراب الذي سببه صنائعك و تلاميذك
قد لا يمكن اصلاحه لاجيال و اجيال!

Quote: معظم الكيزان من جيلي و الجيل الذي سبقنا و الذين بدأت حياتهم العملية خلال سنوات الانقاذ تمكنوا من اختصار الزمن الذي يستغرقه السوداني عادة في انجاز اوليات هذه الحياة من تكوين اسرة و بناء منزل الخ. الناس ديل نجحوا في بناء منازل جيدة و مكلفة،أو ممتازة و فاخرة احيانا في مختلف انحاء الخرطوم ، و هذه حقائق معروفة للجميع.

نعم يا سيف نعرف هذا... لكن ألا تتفق معي في أننا نقلل من شأن كل هذا المظالم عندما ننحط بالخطاب السياسي إلى مستوى خطاب هشام هباني. يعني هسع كلامك الفوق دا والله أثره في تنيبه الناس و تذكيرهم بإجرام النظام و أذنابه أكبر مليون مرة من إنك تجي تقول لي مرة البشير ولا تستند ليك على قوالات في كلامك.
و زي ما قلت سيأتي اليوم الذي سينقلب عليهم كل إجرامهم و ما فعلوه بهذا الشعب وبالا و خسرانا. و قبل اليوم دا عليك الله يا سيف لو قالوا لأي واحد مننا يتبادل معاهم المواقع بيرضى؟ والله اللقمة التي نطعمها لأولادنا معطونة بالعرق و الجهد و مشتراة بالمال الحلال أفضل بما لا يقاس من لقمة معطونة بعرق شعبنا المسكين و دمائه و متبوعة بلعناته و غضبه.

Quote: و كل الكيزان الذين زاملونا من الثانوي الى ما بعد الجامعة اصبحوا من اثرياء الداخل هكذا دون مجهود

ما تظلم الجماعة يا علاء الدين بدون مجهود كيف يعني؟
انت اللغف ده قايلوا بيجي بالساهل كده؟
ده محتاج مجهود جبار في التملق و التقرب من القادة و الكبار و بيحتاج
مجهود اكبر في اثبات الجدارة و تنفيذ كل المهام مهما كان رأيك الشخصي
فيها و مهما كانت درجة عدم اقتناعك بها. و لكن المجهود الاكبر هو مجهود
الصراع مع الضمير.

Quote: ما تظلم الجماعة يا علاء الدين بدون مجهود كيف يعني؟ انت اللغف ده قايلوا بيجي بالساهل كده؟ ده محتاج مجهود جبار في التملق و التقرب من القادة و الكبار و بيحتاج مجهود اكبر في اثبات الجدارة و تنفيذ كل المهام مهما كان رأيك الشخصي فيها و مهما كانت درجة عدم اقتناعك بها. ولكن المجهود الاكبر هو مجهود الصراع مع الضمير.

من أبلغ ما مررت به مؤخراً..
سَلِمت وسَلِم قلمك يا سيف النصر

العوض سلامات

Quote: لكن ألا تتفق معي في أننا نقلل من شأن كل هذا المظالم عندما ننحط بالخطاب السياسي إلى مستوى خطاب هشام هباني

هشام هباني ليس عضوا في ايا من الاحزاب السياسية الموجودة على الساحة حسبما اعلن هو نفسه و في اكثر من مناسبة .
هو مواطن سوداني ضد هذا النظام و ما يمثله و هو قد اختار لنفسه خطا في مواجهة النظام و قام بتحديد ملامح هذا الخط بنفسه
و بالتالي مواجهة هشام في كل مرة باقوال مثل: يلعن ابو المعارضة لو كانت كده او أن المعارضة كيت و كيت هو من باب ذر الرماد
على العيون ، فلا هشام يمثل المعارضة و لا كل ما يصدر عنه غير صحيح او غير لائق . و هشام و غير هشام في رأيي محركهم
الاساسي و مشعل كل هذا الغضب في نفوسهم الى جانب النظام و افعاله هو ضعف و تراخي القوى السياسية في مواجهة النظام
و غياب المشروع الوطني للخروج بالبلاد من ازماتها الراهنة.

و عليكم السلام يا سيف
أنا أتفق معك تماما لذلك لم أحمل أي مؤسسة سياسية تبعة كلام هشام و لم ألعن المعارضة بسببه بل تحدثت عن أسلوبه كشخص. في تقديري أن استخدام أسلوب هشام غير سليم و ضار... و غبن هشام ليس أكبر من غبن الصادق ولا الميرغني ولا نقد ولا غيرهم من قادة المعارضة بل و من المواطنين العاديين. و غياب المشروع الوطني للخروج ببلادنا من مأزقها الذي قادنا إليه هذا النظام يأكل قلب كل حادب على السودان أكلا... لكن ألا يكفي كل هذا لنزداد غما على غم بمطالعة عناوين مثل كلاب تمارس شنو ما عارف و غيرها من تجليات هشام؟

Quote: هشام هباني ليس عضوا في ايا من الاحزاب السياسية الموجودة على الساحة

منو القاليك ؟
هسي لو جاك هنا وقال ليك انا اخصائي بتاع مخ واعصاب بتصدقو ؟
هشام هباني وبيجو مؤتمر وطني بيمارسو في دور قذر وسط المعارضة
زيهم وزي خالد ابو احمد (رغم اعتراضي المسجل على الغرر الذي وقع عليه)
حينكشفوا يوما ما ... وصاحب العقل يميز ... قول لي يادكتور
من وين لواحد زي بيجو دا بجيب مصاريف الاقامة في القاهرة قاعد في شقة براهو ايجارها اقل شي 2000 جنيه مصرى
وغير مصاريف الاكل والشراب و(الشراب) وحق المواصلات ؟
شغال شنو ؟ تقدر تقول لي ؟ ياخ ربنا دا عرفوهو بالعقل ...
تقدر تقول لي هباني جاب من وين تكاليف رحلتو الماكوكية الاخيرة دي ؟
من وين بصرف على بيتو وهو طول النهار والليل مصاقر النت ؟
ياجماعة خليكم صاحيين شوية ما كدا !!!

Quote: هشام هباني وبيجو مؤتمر وطني

سلام يا وهبة
الناس ديل مؤتمر وطني عن قناعة ؟
يعني هل كانوا من زمان اسلاميين و اعضاء في ما يعرف بالاتجاه الاسلامي و للا الحكاية
بيع و شرا و للا شنو بالضبط؟
و هل المواقف المعلنة دي ما عندها قيمة؟
نحن زي ما قالوا ناس الشريعة بنحكم بالظاهر و ما عندنا طريقة لنعرف ما في الضمائر و الدواخل و انا لو كنت
محل منعم و للا هشام كنت جيت و جاوبت ليك على سؤال السفر و المصاريف و الحاجات دي.

Quote: قد لا يمكن اصلاحه لاجيال و اجيال!

لسه باقي فيكـ روح يا دكتور وتقول ( قد ) ؟؟
لا ( قد ) هنا فما حدث للناس بس ، من روح الإنتظار والشكر لله ، إلى روح الحزن ( وقنع ) من خيراً فيها " إن كان للحزن روح "
المرارات قوية ونبتته متينة وما حا تموت بي اخوي واخوكـ

د.سيف ازيك

وشكرا على البوست لحد ما نجيه برواقه



كدي النوشف زولنا ده المجننه هباني:

Quote: تقدر تقول لي هباني جاب من وين تكاليف رحلتو الماكوكية الاخيرة دي ؟ من وين بصرف على بيتو وهو طول النهار والليل مصاقر النت ؟ ياجماعة خليكم صاحيين شوية ما كدا !!!

بالله هي دي مكوكيه وخطيره؟؟؟
اي زول قاعد في الغرب ده ممكن يقوم بيها.

وتذكرتها على فكره ارخص من تذاكرة واحد للسودان.




اها ميتن هباني قاعد في النت اربعه وعشرين ساعه؟؟؟؟
هباني بشيل لابت توبه للتاكسي بتاعه
التاكسي طريقة شغله تختلف من عندكم يا سيء وهبه بتكون واقف ومنتظر
يظهر في الكمبيوتر القدامك طلب لزبون!لو في المنطقه الانت واقف فيها بيدوك ليه
لانك لما تقف لازم تتصا بشكرة التاكسي وتبلغهم انت في ياتو محطه او مكتب كما يقال له
وهي تعني(موقف/Parkin)يبقى شنو؟؟؟الهباني من اين يصرف؟؟!!


اي تكاسي عنده لاب توب عشان الملل من الانتظار كثر خير هباني
البدل يتفرج في مواقع سجمانه ويتسلى قاعد مهموم بالوطن!!

Quote: لانك لما تقف لازم تتصا بشكرة التاكسي وتبلغهم انت في ياتو محطه او مكتب كما يقال له وهي تعني(موقف/Parkin)يبقى شنو؟؟؟الهباني من اين يصرف؟؟!!

خلاص جيتي يافلانة ؟
العرفك شنو انتي بالتاكسي وشغل التاكسي في تكساس
العرفك شنو بقانون التاكسي ؟
بتعرفي شنو عن الليموزين ؟
والفرق بينو وبين الـ(يلو كاب) شنو ؟
ياخ بالله عليك الله قومي لفي كدا جني وجن الزول يكون ماعارف كوعو من بوعو
ويجي يتفاصح ...
شوفي ياتراجي تاني تجي تلقيني (مكربن) هباني دا في حتة تجي تتداخلي بيني وبينو ببقى معاك ماكويس !!!
شوف قلة الشغلة والفياقة بتاعة الزولة دي بالله !!!

دكتور سيف ..سلامات ...

الحزب لمن يكون دولة مافي حاجة بتغلبوا يادكتور ...وقصة البيوت دي اصغر مؤتمرجي متسلق بيبنيها ...البترول والشركات التى تم تخصيصها والارض والحرث كلها حقهم ...بيوت زي دي بتبنيها البنوك بضمانات منهم وفيهم ...
بنك اسيوي يقدم قروض بطلبات معينة منها تقديم دراسة وضمان بنكي بقيمة تساوي 3% من قيمة السلفة تخيل واحد من كيزان الداخل قال ليهم انا بجيب ليكم ضمان بنكي حتى 30 مليون دولار ..مندوب البنك رفض وقال نحن بنوك السودان صراحة مامضمونة بالنسبة لينا ولا عندها قانون بحكمها ..والله هكذا قالها وانا اسمع ..فواحد زي ده من السهل يجيب ضمانات مابقدر يقدمها عشان يبني بيوت زي دي ؟!!

Quote: قول لي يادكتور من وين لواحد زي بيجو دا بجيب مصاريف الاقامة في القاهرة قاعد في شقة براهو ايجارها اقل شي 2000 جنيه مصرى وغير مصاريف الاكل والشراب و(الشراب) وحق المواصلات ؟ شغال شنو ؟ تقدر تقول لي ؟ ياخ ربنا دا عرفوهو بالعقل ...

ياوهبة ..سلامات ..

معقولة ياوهبة اى انسان مابتعرف مصدر صرفه معناها زول مؤتمر وطني او غواصة ؟!! عبدالمنعم زول قريبي وانا بعرفه عايش كيف في القاهرة وبيتصرف كيف ؟!! ماهو زول مقطوع من شجرة ياوهبه ...منعم عنده اخوانه في اوروبا و2000 دولار مابتعجزهم خلي 2000 جنيه مصري وغيراخوانه اهله يسدوا عين الشمس ..اى والله ....فما تاخد ذنب الراجل بالظنون لمجرد اختلافات لاترقي لتصل الى هذه الدرجة من الخصومة بينكم ...

مع ودي واحترامي ياصديقي

Quote: اي تكاسي عنده لاب توب عشان الملل من الانتظار كثر خير هباني البدل يتفرج في مواقع سجمانه ويتسلى قاعد مهموم بالوطن!!

الاخت تراجي

انت من زمن اللاب توب المسألة بقت بالتلفون طوالي للنت, و الله تلفوني ده من الصباح يصحيني عشان يوريني حالة الطقس, و لما شكيت من ازعاجو ولدي كتر خيرو عملو سايلنت, بعد علي راس كل ساعة يجيني ليك خبر حصل في مثل هذا اليوم.

الله يعين السودان

جدي الشيخ لطفي صاحب الوحدة الجاذبة عندو بيت شعر واحد قال فيه

لو كان بعض الناس يهتم بالغني لنيل ظهور او لرفعة جاه ***** فغاية ما ارجوه اصلاح امتي ووفر لعرضي مع رضاء الهي

مع تحياتي لك و لصاحب البوست و المتداخلين

لطفي