ما افتكر !!!!!!!!!!!!!!

ما افتكر
اني ارجع ليك تاني وليك احب
ما خلاص البينا راح وسديتها ابواب القلب
جفت مشاعري وضاع هواك
وقلبي تاني محال يحب
وجاي عايز تعتذر ما افتكر
......................
لو خيالك يوم تصور
اني ايمكن ليك احن
واعطف عليك واعذرك
واقول اسامحك يا ضنين
وانسى جرحي وقسوتك
والشفتو من ظلمك سنين
صدقني اصبح ده المحال
وراجي السماح لي منتظر
ما افتكر
..........................
اللي فات من عمري ما برجع
ومااظن ليك احب
اديتك اغلى واندى ريدة
بالحروف ما بتنكتب
ضحيت عشانك ياما كم
مشيت معاك طول الدرب
خليتني احصد في الندم
يا قاسي ارجع افتكر
ما البينا اصبح ماضي فات
ايه يعني جاي وتعتذر
بعد الزمن سرق العمر

ما افتكر

فعلا ما افتكر
اللي فات من عمري ما برجع
ومااظن ليك احب
اديتك اغلى واندى ريدة
بالحروف ما بتنكتب
ضحيت عشانك ياما كم
مشيت معاك طول الدرب
خليتني احصد في الندم
يا قاسي ارجع افتكر
ما البينا اصبح ماضي فات
ايه يعني جاي وتعتذر
بعد الزمن سرق العمر


روعه يا رشويه

ماشاء الله يا رشا ورانيه.
مزاجكم رايق الظاهر و كتبتو الكلام الجميل ده.
الله يدينا راقة المزاج عشان نحاول نكتب ونبدع زيكم كدة.


نحنا ناس عجم ساكت وبتكلم العربي بي الله وجلاله.
ولازم يوم كدة ح أحاول اكتب قصيدة
بس ما تضحكوا فيني لو ما قدرت اعبر.

ازيك رانيا
ومرحب بيك في المنتدى
مشكورة ع المرور الجميل

لك التحية اخي احمد
شكرا لتواصلك