Post: #1 Title: نافع يجهش بالبكاء من اجل وحدة السودان (بكا ياناس بكا) Author: عوض الصديق Date: 10-27-2010, 03:05 PM Parent: #0
فى قاعة الصداقة اليوم اجهش الكثير من الحضور من بينهم قائد صقور الوطنى نافع على نافع بالبكاء حينما تحدثت احدى المتحدثات باسم الحركة الشعبية عن الوحدة
Post: #2 Title: Re: نافع يجهش بالبكاء من اجل وحدة السودان (بكا ياناس بكا) Author: أحمد الشايقي Date: 10-27-2010, 03:26 PM Parent: #1
Quote: فى قاعة الصداقة اليوم اجهش الكثير من الحضور من بينهم قائد صقور الوطنى نافع على نافع بالبكاء حينما تحدثت احدى المتحدثات باسم الحركة الشعبية عن الوحدة
Post: #3 Title: Re: نافع يجهش بالبكاء من اجل وحدة السودان (بكا ياناس بكا) Author: jini Date: 10-27-2010, 03:30 PM Parent: #2
بعد دا كمان بتبكى ما كفاية الشفتو منك والله أكتر من ببكى!! جنى
Post: #5 Title: Re: نافع يجهش بالبكاء من اجل وحدة السودان (بكا ياناس بكا) Author: معاذ حسن Date: 10-27-2010, 03:34 PM Parent: #3
ما قاد السودان للتشرذم الا طمع وانانية نافع وجماعته لن نغفر لهم ولن ننسى أبدا
Post: #6 Title: Re: نافع يجهش بالبكاء من اجل وحدة السودان (بكا ياناس بكا) Author: عبدالرحمن طبيق Date: 10-27-2010, 03:35 PM Parent: #3
اتمنى أن لا تكون هذا الدموع ندم على ما فات كانت الوحدة في فترة ما هي الاقرب ولكن
Post: #7 Title: Re: نافع يجهش بالبكاء من اجل وحدة السودان (بكا ياناس بكا) Author: ود الباوقة Date: 10-27-2010, 03:39 PM Parent: #3
عندما يبكي نافع فانه يبكي
كمواطن بالدرجة الاولى وليس بصفته مسؤولا
في الدولة حسب اعتقادي
وذلك لانفصال جزء عزيز من وطننا الغالي
حيث لا يتحمل نافع او اي سياسي اخر في السلطة
مسؤولية الانفصال ....
هذه مسؤولية تاريخية يتحملها كل مواطن سوداني
منذ عام 1947
Post: #21 Title: Re: نافع يجهش بالبكاء من اجل وحدة السودان (بكا ياناس بكا) Author: musadim Date: 10-27-2010, 06:14 PM Parent: #7
بل العصابة الحاكمة وحدها من يتحمل مسئولية هذا الإنفصال وما سيليه من إنفصالات
متى تكف عن تطبيلك المقرف وتبريراتك الساذجة لموبقات هذه العصابة المجرمة ؟
Post: #24 Title: Re: نافع يجهش بالبكاء من اجل وحدة السودان (بكا ياناس بكا) Author: M A Muhagir Date: 10-27-2010, 07:31 PM Parent: #7
Quote: هذه مسؤولية تاريخية يتحملها كل مواطن سوداني
لا
يتحملها الكيزان لوحدهم
فهم من صي الزيت على نار الحرب بعد ان
اوشكت ان تنطفى
وهم من نفخ فيها نار الخيعة باسم الجهاد
فاتخذت طابعا دينيا بعد ان كانت حرب اهلية
بحتة اسبابها ودوافعها سياسية
الحرب فى الجنوب اصبحت فى عهد الكيزان حربا مقدسة
لذلك تمسك كل طرف فيها بموقفه ودينه وهويته
وهنا اصبح هامش التنازلات ضيقا
انتم من دفعتم الجنوبيين الى اختيار الانفصال
ولن تخدعوا احدا
Post: #32 Title: Re: نافع يجهش بالبكاء من اجل وحدة السودان (بكا ياناس بكا) Author: Ishraga Mustafa Date: 10-28-2010, 08:44 AM Parent: #7
Quote: عندما يبكي نافع فانه يبكي
كمواطن بالدرجة الاولى وليس بصفته مسؤولا
في الدولة حسب اعتقادي
يعنى هو زولين يا ود الباوقة؟ زول مواطن وزول سلطة؟
ديل بينفصلوا من بعض؟ تعال نسأل ناس الرقشات؟
Post: #4 Title: Re: نافع يجهش بالبكاء من اجل وحدة السودان (بكا ياناس بكا) Author: نيازي مصطفى Date: 10-27-2010, 03:33 PM Parent: #1
موضة البكاء دي شنو عند ناس المؤتمر الوطني ؟ قبل فترة تم انزال صورة واحد لحظة انضمامه للمؤتمروهو يبكى امس القريبة دي نزلوا مقطع( تجسسي )على واحد هنا وبرضو بيبكي لانه بيحب المؤتمر ياربي يكون السبب شنو ؟
Post: #8 Title: Re: نافع يجهش بالبكاء من اجل وحدة السودان (بكا ياناس بكا) Author: عبد الناصر الخطيب Date: 10-27-2010, 04:01 PM Parent: #4
Quote: حيث لا يتحمل نافع او اي سياسي اخر في السلطة
مسؤولية الانفصال ....
هذه مسؤولية تاريخية يتحملها كل مواطن سوداني
منذ عام 1947
أثني يا ود الباوقة **بس تقوم تثبت لى أنو المواطن السوداني ده عندو مسئولية مباشرة أو غير مباشرة أو حتى أضعف الايمان لى راى بالبحصل في بلدوا
ولا الحكاية كلام والسلام يمكن الزول ده فجأة أتذكر أنو الجنوب ده لما يستقل كتير من الموارد حتقل ويمكن ده ياثر على مكاسبوا ومخصصاتو فبكي على أيام النعيم
----------------------------------------------------------------------------------------- ياخي كل ما تجي سيرة مسئول من العيار الثقيل تجي جارى وتخت مداخلة متزمزغة
Post: #9 Title: Re: نافع يجهش بالبكاء من اجل وحدة السودان (بكا ياناس بكا) Author: معاوية المدير Date: 10-27-2010, 04:32 PM Parent: #8
خلوهو اليتنخ لآمن ينفقع، زول يسعلوا مافي...
Post: #10 Title: Re: نافع يجهش بالبكاء من اجل وحدة السودان (بكا ياناس بكا) Author: فيصل محمد خليل Date: 10-27-2010, 04:39 PM Parent: #8
بكى على خيبتو و خيبةالانقاذ
__ بعد ايه جيتا تبكي العملتو كان بيدك
Post: #11 Title: Re: نافع يجهش بالبكاء من اجل وحدة السودان (بكا ياناس بكا) Author: ismeil abbas Date: 10-27-2010, 05:01 PM Parent: #10
يا الحبيب ودالباوقه..شوف كلام عبدالناصر الخطيب ده ورد علينا....
Quote: مسؤولية الانفصال ....
هذه مسؤولية تاريخية يتحملها كل مواطن سوداني
منذ عام 1947
أنا غايتو ما كنت مولود....وما بتحمل أدنى مسؤولية..دى مسؤولية الحكام والساسة وما نكابر...خليهو يبكى ودموعو ما بتفيدو...بس الله يستر.....
لو حصل إنفصال ياودالباوقة ستكون وصمة عار على الشريكين....
Post: #12 Title: Re: نافع يجهش بالبكاء من اجل وحدة السودان (بكا ياناس بكا) Author: محمد حسن العمدة Date: 10-27-2010, 05:05 PM Parent: #11
يا عوض الصور الصور بالله
اليومين دي عاوزين نوثق للبكاء
لينا عشرين سنة بنبكي من الح يحصل الان وهم عاملين فيها اشفت ناس والزارعنا غير الله يجي يقلعنا
Post: #18 Title: Re: نافع يجهش بالبكاء من اجل وحدة السودان (بكا ياناس بكا) Author: Mustafa Mahmoud Date: 10-27-2010, 05:22 PM Parent: #16
كما بكي عصام الضهبان ود خالة البطل صاحب الجزمة ,,.??????????????????
Post: #36 Title: Re: نافع يجهش بالبكاء من اجل وحدة السودان (بكا ياناس بكا) Author: ahmed haneen Date: 10-28-2010, 10:15 AM Parent: #14
اتفق تماما مع ود الباوقة
فهذة مسئولية الجميع منذ الأستقلال
وما الأنفصال الأ تراكمات لكل الغبن الذي احاق بالأخوة الجنوبيون
اما المؤتمر الوطني فأنفرد بالطامة الكبري
وهو انقسام الوطن نتيجة لسياساته المنفرة والعنصرية ..
يا ود الباوفة
عليك الله .. اخذ ليك جعرة اخيرة قبل اسدال الستار علي البلد الذي كان
مليون ميل ..ز
Post: #17 Title: Re: نافع يجهش بالبكاء من اجل وحدة السودان (بكا ياناس بكا) Author: محمد مصطفي مجذوب Date: 10-27-2010, 05:22 PM Parent: #1
حسبي الله وهو نعم الوكيل
طالما طلعتو ده
ود عم ده
كدي اهبشو دي
اكان تلقو لينا فرقة عشان نعمل واحد زي دة
إنبكي مثل النساء ملكا :::::::: لم نحافظ عليه مثل الرجال
Post: #20 Title: Re: نافع يجهش بالبكاء من اجل وحدة السودان (بكا ياناس بكا) Author: محمد مصطفي مجذوب Date: 10-27-2010, 05:58 PM Parent: #1
حسبي الله وهو نعم الوكيل
طالما طلعتو ده
ود عم ده
كدي اهبشو دي
اكان تلقو لينا فرقة عشان نعمل واحد زي دة
إنبكي مثل النساء ملكا :::::::: لم نحافظ عليه مثل الرجال
Post: #22 Title: Re: نافع يجهش بالبكاء من اجل وحدة السودان (بكا ياناس بكا) Author: mayada kamal Date: 10-27-2010, 06:57 PM Parent: #20
ليييييييييييه هي قالت شنو الزولة دي أصلو!!!!!
Post: #23 Title: Re: نافع يجهش بالبكاء من اجل وحدة السودان (بكا ياناس بكا) Author: othman mohmmadien Date: 10-27-2010, 07:08 PM Parent: #22
Quote: موضة البكاء دي شنو عند ناس المؤتمر الوطني ؟ قبل فترة تم انزال صورة واحد لحظة انضمامه للمؤتمروهو يبكى امس القريبة دي نزلوا مقطع( تجسسي )على واحد هنا وبرضو بيبكي لانه بيحب المؤتمر ياربي يكون السبب شنو ؟
السبب سبدرات... من استنى سنة كان له اجرها واجر من عمل بها ...
Post: #25 Title: Re: نافع يجهش بالبكاء من اجل وحدة السودان (بكا ياناس بكا) Author: أيمن التوم حسن Date: 10-27-2010, 07:32 PM Parent: #22
دموعك مابتفيدك
العملتو كان بإيدك
Post: #26 Title: Re: نافع يجهش بالبكاء من اجل وحدة السودان (بكا ياناس بكا) Author: عبدالأله زمراوي Date: 10-28-2010, 07:35 AM Parent: #25
من الرقص على جثث الضحايا الى البكاء المر على السلطة والثروة بعد أن عاثوا فسادا وإفسادا واقتربت الساعة وشق القمر,,,
يا للهوان...
Post: #27 Title: Re: نافع يجهش بالبكاء من اجل وحدة السودان (بكا ياناس بكا) Author: Saifelyazal Elmaki Date: 10-28-2010, 07:44 AM Parent: #26
من بعد ما فات الأوان الليلة جاي تعتذر ترجع ايامنا الزمان من وين نجيب ليك العمر
Post: #28 Title: Re: نافع يجهش بالبكاء من اجل وحدة السودان (بكا ياناس بكا) Author: Amany Elamin Date: 10-28-2010, 07:49 AM Parent: #26
ابكي كالنساء على مُلك لم تحافظ عليه كالرجال ..
Post: #29 Title: Re: نافع يجهش بالبكاء من اجل وحدة السودان (بكا ياناس بكا) Author: Hassan Senada Date: 10-28-2010, 08:31 AM Parent: #28
ابكي كالنساء على مُلك لم تحافظ عليه كالرجال ..
Post: #30 Title: Re: نافع يجهش بالبكاء من اجل وحدة السودان (بكا ياناس بكا) Author: Ishraga Mustafa Date: 10-28-2010, 08:38 AM Parent: #29
Quote: إنبكي مثل النساء ملكا :::::::: لم نحافظ عليه مثل الرجال
الملك يحافظ عليه الرجال دون النساء البكاء للنساء دون الرجال
كدى تاملوا المقتبس الفوق ده وحللوه وبعدين نعرف ليه اجهش هذا النافع بالبكاء
امانى ازيك
Post: #31 Title: Re: نافع يجهش بالبكاء من اجل وحدة السودان (بكا ياناس بكا) Author: Ishraga Mustafa Date: 10-28-2010, 08:42 AM
Quote: لا
يتحملها الكيزان لوحدهم
لا يا مهاجر كدى بتكون فيها مغالطة للتاريخ صحيح الحركة الاسلاموية ليها الدور الاكبر لكن لازم نعيد قراية التاريخ ونشوف شوف تانى
كلنا لينا مسئوليتنا ويجب تحملها وبهذا اتفق مع ود الباوقة ولكن مسئولية من فى يده السلطة خاصة لو جات على رأس دبابة ومشت على الاخضر واليابس تبقى افدح, تبقى الفداحة بذاتها
Post: #33 Title: Re: نافع يجهش بالبكاء من اجل وحدة السودان (بكا ياناس بكا) Author: Amany Elamin Date: 10-28-2010, 09:13 AM Parent: #31
هلا يا شرّوقه, طبعا انتي عارفه انو مناسبة البيت ده سقوط غرناطه لما استلم فرديناند وايزابيلا مفاتيح المدينه من الملك العربى الضعيف عبد الله الصغير قيل انه بكى وقال لأمه اللي لامته على تسليم المفاتيح: هذا سلام الشجعان
فأنشدته البيت الشهير: ابكى مثل النساء على ملك لم تحافظ عليه مثل الرجال
البيت معبّر جدا ياشرّوقه, وهو ما تنميط جندري للمرأه أو الرجل في اعتقادي, مش طول عمره الرجل هو الحامي والجلّاب, والمرأه عاطفيه وحسّاسه ودموعها قريبه !
مش؟
--- مبسوطه انك رجعتي تكتبي في البورد,, :)
Post: #34 Title: Re: نافع يجهش بالبكاء من اجل وحدة السودان (بكا ياناس بكا) Author: محمد حلا Date: 10-28-2010, 09:48 AM Parent: #33
[
Quote: B]موضة البكاء دي شنو عند ناس المؤتمر الوطني ؟ قبل فترة تم انزال صورة واحد لحظة انضمامه للمؤتمروهو يبكى امس القريبة دي نزلوا مقطع( تجسسي )على واحد هنا وبرضو بيبكي لانه بيحب المؤتمر ياربي يكون السبب شنو ؟
دي ما موضة .. البكي دا إمتداد للحملة الاعلامية الساعية وراء تبرير الانفصال والتنصل عن مسؤلية دفع الجنوب بعيد عن السودان ومحاولة للخداع بحثا عن صك براءة للمؤتمر الوطني .. ليقولو .. (نحن عملنا للوحدة حتى البكاء) .. تمثيلية جميلة جدا ذي كلام زلهم المنافق الكبير في ندوة نقلتها الجزيرة يقول ما جاء في القران ان لكل دابة رزقها .. والبسمعو يردد هذه يستغرب طيب ليهو بتسرقوا في أموال الشعب والمال العام وتكدسو في القروش في ماليزيا وتركيا.. هكذا ونحن نقول له كما جاء نصا (كبر مقتا عند الله ان تقولو ما لا تفعلون)
Post: #35 Title: Re: نافع يجهش بالبكاء من اجل وحدة السودان (بكا ياناس بكا) Author: عبد الناصر الخطيب Date: 10-28-2010, 10:13 AM Parent: #34
حبيبنا ود الباوقة
Quote: مما يدل انهم مغبونون من تصرفاتنا تجاههم
او ربما هو احساس داخلي لديهم وهو بلاشك غير موجود
لدينا ...
ما فرقت التسمية أستقلال أنفصال , المهم الناس ديل عوزين يعملوا دولتهم وفي بلدهم وهم أحرار في ذلك , حته الغبن يا حبيب ما هم براهم كتار من الشمالين برضوا عندهم غبن تجاه دولة الإقصاء البخليهم اللحظة دي رغم حزنهم على إنفصل جزء عزيز من بلدهم لكين بالجد فرحانين للجنوبيين ديل على الاقل حيكون عندهم امل جديد بعيد عن الدولة المركزية الفاشلة في الخرطوم
كلامك أنو المواطن السوداني هو المسئول عن الانفصال ده صعب منطقيا يتقبل اللهم لو بتعني المواطن الفي يدو القرار في الدولة الفاشلة
ولك التحية ,,,
Post: #37 Title: Re: نافع يجهش بالبكاء من اجل وحدة السودان (بكا ياناس بكا) Author: عثمان نواي Date: 10-28-2010, 11:21 AM Parent: #35
Quote: بعد دا كمان بتبكى ما كفاية الشفتو منك والله أكتر من ببكى!! جنى
دموع تماسيح يا عمك ده تمساح كبير
Post: #38 Title: Re: نافع يجهش بالبكاء من اجل وحدة السودان (بكا ياناس بكا) Author: عوض الصديق Date: 10-28-2010, 12:32 PM Parent: #37
نافع يستمع قبل لحظة البكاء
Post: #39 Title: Re: نافع يجهش بالبكاء من اجل وحدة السودان (بكا ياناس بكا) Author: عوض الصديق Date: 10-28-2010, 12:57 PM Parent: #38
حالة من البكاء اجتاحت القاعة
وبقا كل واحدة تقلد فى التانية
ملاقاة والميت الوحدة
Post: #40 Title: Re: نافع يجهش بالبكاء من اجل وحدة السودان (بكا ياناس بكا) Author: عوض الصديق Date: 10-28-2010, 01:24 PM Parent: #39
Post: #41 Title: Re: نافع يجهش بالبكاء من اجل وحدة السودان (بكا ياناس بكا) Author: عوض الصديق Date: 10-28-2010, 03:50 PM Parent: #40
*
Post: #42 Title: Re: نافع يجهش بالبكاء من اجل وحدة السودان (بكا ياناس بكا) Author: محمد مصطفي مجذوب Date: 10-28-2010, 11:31 PM Parent: #22
العزيزة ميادة
اصل القصة انه وقف أبي عبد الله الصغير ملك غرناطة على الأطلال باكياً وهو يودع ملكه فصاحت به أمه السلطانة المتجبرة أيقصا لاهورا التي شعرت بالمهانة من ضعف ابنها: فقالت له أتبكي كالنساء على ملك لم تحافظ عليه كالرجال وعندما لحق به وزيره ابن كماشة راح يعزيه بقوله: إن سوء الطالع الشديد كحسنه يا مولاي, إذا استطاع الإنسان أن يخرج منها بشهامته دون أن يمس. لكن دموع أبي عبد الله الصغير ظلت تسيل على خديه, فلا شيء يمكنه أن يعزيه, وبين شهقاته راح يردد: الله أكبر.. هل من تعس مثلي. وعلى الهضبة التي وقف عليها تل مرتفع سمي (فلز الله أكبر) . ويذكر التاريخ أن اسم أبي عبد الله الصغير (ببدول) ملك غرناطة وعندما سلم مفاتيح المدينة للملك فردناند قال له بنفحة من الحزن والولاء والأسى وقال: هذه المفاتيح هي آخر ما لدى العرب من امبراطوريتهم الإسبانية, هي لكم أيها الملك, بها مجدنا وبها ملكنا وبها شخصنا, وتلك إرادة الله, فخذها برأفتك المعهودة والتي نرجوها من يديك العظيمتين فد عليه الملك فردناند باستعلاء قائلاً: إياك أن تشك بوعودنا ولا ما ستناله من صداقتنا من ازدهار حرمتك إياه الحرب وأخذ منه المفاتيح وأعطاها للملكة التي قدمتها بدورها إلى الأمير جوان الذي أعطاها إلى الكونت دي تنديلا الذي عين اً« على كل مملكة غرناطة.
منقول بتحفظ
Post: #43 Title: Re: نافع يجهش بالبكاء من اجل وحدة السودان (بكا ياناس بكا) Author: jini Date: 10-29-2010, 07:11 AM Parent: #42
عبد الله الصغير آخر ملوك بنى الأحمر يبكى ضياع الاندلس امام أمه فزجرته قائلة ( ابك كالنساء ملكاً مضاعاً لم تحافظ عليه مثل الرجال ) ! ما أشبه اليوم بالبارحة التاريخ يكرر نفسه وللاسف فى نادونسنا الذى كل شئ فيه بالقلبة المال عند بخيله والسيف عند ج ب ا ن هـ فتبا وسحقا للسلطة والثروة! وبعد توقيع الفرمان ستذهب الى لاهاى مخفور لتقضى بقية العمر تندب اليوم الذى ولدت فيه!
جنى
Post: #44 Title: Re: نافع يجهش بالبكاء من اجل وحدة السودان (بكا ياناس بكا) Author: البحيراوي Date: 10-29-2010, 09:40 AM Parent: #43
شكراً محمد حلا غفد جبنها من الآخر
Quote:
دي ما موضة .. البكي دا إمتداد للحملة الاعلامية الساعية وراء تبرير الانفصال والتنصل عن مسؤلية دفع الجنوب بعيد عن السودان ومحاولة للخداع بحثا عن صك براءة للمؤتمر الوطني .. ليقولو .. (نحن عملنا للوحدة حتى البكاء) .. تمثيلية جميلة جدا ذي كلام زلهم المنافق الكبير في ندوة نقلتها الجزيرة يقول ما جاء في القران ان لكل دابة رزقها .. والبسمعو يردد هذه يستغرب طيب ليهو بتسرقوا في أموال الشعب والمال العام وتكدسو في القروش في ماليزيا وتركيا.. هكذا ونحن نقول له كما جاء نصا (كبر مقتا عند الله ان تقولو ما لا تفعلون)
Post: #45 Title: Re: نافع يجهش بالبكاء من اجل وحدة السودان (بكا ياناس بكا) Author: عبدالكريم الامين احمد Date: 10-29-2010, 09:53 AM Parent: #44
اختشي يا نافع الباكي ليها شنو فقد قيل في الاثر التسوي كريت في شعبها تلقي في الانفصال
Post: #46 Title: Re: نافع يجهش بالبكاء من اجل وحدة السودان (بكا ياناس بكا) Author: بدر الدين الأمير Date: 10-29-2010, 09:54 AM Parent: #44
Quote: عندما يبكي نافع فانه يبكي
لانه لن يجد جنوبيين يعذبهم
Post: #47 Title: Re: نافع يجهش بالبكاء من اجل وحدة السودان (بكا ياناس بكا) Author: د.محمد بابكر Date: 11-01-2010, 08:11 AM Parent: #46
فى المنطقه التى اتى منها نافع يعد بكاء الرجال نذير شؤم عليهم يا ربى فى شنو؟..غايتو.
Post: #48 Title: Re: نافع يجهش بالبكاء من اجل وحدة السودان (بكا ياناس بكا) Author: عبدالقادر علي عبدالرحيم Date: 11-01-2010, 08:53 AM Parent: #47
عندما يبكي نافع فانه يبكي
كمواطن بالدرجة الاولى وليس بصفته مسؤولا
في الدولة حسب اعتقادي
وذلك لانفصال جزء عزيز من وطننا الغالي
حيث لا يتحمل نافع او اي سياسي اخر في السلطة
مسؤولية الانفصال ....
هذه مسؤولية تاريخية يتحملها كل مواطن سوداني
منذ عام 1947
الانفصال سيحدث ياود الباوقة
لانو ماممكن شعب الجنوب يقبل بوحدة علي الاسس القديمة
وانا نفسي منفصل وجدانياً من دولة الانقاذ
واذا وجدت انفصال جفرافي لي يكون افضل من الوحدة معكم فكيف يكون الحال لشعب الجنوب معكم
المانافع علي نافع
والكرور بتاعنو
حقو يمشو بعد الانفصال
Post: #49 Title: Re: نافع يجهش بالبكاء من اجل وحدة السودان (بكا ياناس بكا) Author: أحمد الشايقي Date: 11-01-2010, 09:30 AM Parent: #48
