أضبط المصريون دخلوا مشروع الجزيرة : إحنا هو مش اي كلام !!! " صور "

تحقيق / حسن وراق
الوجود المصري بمشروع الجزيرة لم يعد سرا يتداوله النافذون في الحكم
او داخل الدوائر الاستراتيجية التي تضع سياسات الدولة .
التواجد المصري بمشروع الجزيرة ليس تواجدا طبيعيا لحركة افراد فقط
ولكنه تواجد منظم من خلال انتشار كثيف للمصريين
الذين يمتهنون اعمالا تجارية قوامها البيع بالتقسيط وسط مواطني قري ومدن المشروع تحديدا .
تصريح وزير الزراعة واستصلاح الاراضي المصري امين اباظة
حول الاتفاق بزراعة نصف مساحة المشروع ١٫١ مليون فدان من قبل المصريين
وصفه الوزير السوداني الدكتور المتعافي بانه كلام ساكت
الا ان الوزير المصري عاد مؤكدا علي انه تم توقيع وثيقة الاتفاق المنظم لعملية
الزراعة التعاقدية مع الوزير المتعافي .
الوجود المصري في مشروع الجزيرة يؤكده المواطنون بالمشروع الذين تلقوا عرضا
ببيع حواشتهم وباسعار متفاوتة من قبل بعض السماسرة الذين نجحوا في شراء بعض الحيازات
واتضح في ما بعد انهم يعملون لصالح بعض المستثمرين المصريين الذين يفضلون الاحتفاظ بملكية
اراضي داخل المشروع.

راجع كامل التحقيق صفحة 4 صحيفة الميدان
http://www.sudaneseonline.com/almidan/wp-content/uploads/2010/10/MIDAN2284.pdf

الأخ الـحـبيـب الـحـبـوب،
خـالد العبيـد،
تحياتي ومـودتي،

***- شايفك ياخالد زي المستغرب من دخول المصريين لولاية الجزيرة زرفانآ ووحدانآ?!!، انت نسيت انو الرئيس حسنـي مبارك في نوفمبر 2008 دخل الخرطوم بطائرته ومعه وفد حكومي بدون مااي واحد في نظام البشير الهامل ويعرف بدخوله لحد مانزل بالمطار، ووصل للقصر وبعدها طار للجنوب ورجع للخرطوم ومنها عاد للقاهرة، وده كلو وناس الحكومة كانوا بس بتفرجوا في الفيلم المصري بطولة حسني مبارك?!!،

***- يبقي اصلو ماغريبة ويدخلوا المصريين مشروع الجزيرة زي مادخلوا قبلهم البناغلة والهنود المطرودين من الكويت!!

***- يازول زمن الانـدهاش ولـي وراح...وجاء زمن الانبـراش والانبطاح كان لمصري ولااميريكي!!

***- لك مودتي اخـي خالـد.

عزيزنا وحبيبنا بكري
تحياتي
فعلا انه زمن الانبطاح الكامل
الانقاذ مزقت الوطن وباعت البلاد
فعلا من يان اتى هؤلاء ؟

خالد
العبيد كل عام وانت بخير
ياخ خنقتني العبرة .معقولة مشروع الجزيرة
يتفتت حواشة حواشة في ايدي السماسرة
طيب الحل وين من هذا السرطان الكيزاني

باسط
تحياتي
وانت بخير
يا ريت لو لو بقت على تفكيك مشروع الجزيرة
كلاب الجبهة الاسلامية فككو السودان ولاية ولاية

الوجود المصري في مشروع الجزيرة
يؤكده المواطنون بالمشروع الذين تلقوا عرضا
ببيع حواشتهم وباسعار متفاوتة
من قبل بعض السماسرة الذين نجحوا في شراء بعض الحيازات

.

التواجد المصري بمشروع الجزيرة ليس تواجدا طبيعيا لحركة افراد فقط
ولكنه تواجد منظم من خلال انتشار كثيف للمصريين
الذين يمتهنون اعمالا تجارية قوامها البيع بالتقسيط وسط مواطني قري ومدن المشروع تحديدا

Quote: الد العبيد التواجد المصري بمشروع الجزيرة ليس تواجدا طبيعيا لحركة افراد فقط ولكنه تواجد منظم من خلال انتشار كثيف للمصريين الذين يمتهنون اعمالا تجارية قوامها البيع بالتقسيط وسط مواطني قري ومدن المشروع تحديدا

دعم لوجيستى.......نجيب الصور والمصدر

كمان فيها خلف رجل وتكيه بى مزاج




بالله يا خالد هسه ده ما احتلال عديل كده

شكراً على البوست التنبيهى

نفر واحد محتل!
عشمنا فى اسرائيل قوى

جنى

Quote: كمان فيها خلف رجل وتكيه بى مزاج بالله يا خالد هسه ده ما احتلال عديل كده شكراً على البوست التنبيهى

بالله يا محمد زكريا قارن بين هذا التربال المصري المجدوع فوق عنقريب في العراء وجاي يشتغل ويأكل من عرق جبينه وبين قعادك إنت في بلاد الفرنج وقاعد خالف كراعك وتأكل من عرق جبينهم .. قارن بس .. والمقارنة موصولة لخالد العبيد ..

1

2/2

في معلومة خطا هنا وهو ما يتعلق بزراعة الارز حيث انه تمت تجربته في ايام نميري في بعض التفاتيش ومنها نفنيش طيبة شرق
ولم تحرز التجربة نجاحا

ومعلومة اخرى
المهندس الذي اشترى الارض في مشروع الجزيرة هو ابن شكري مصطفي بتاع حزب العمل الاسلامي المصري وهو من اوائل من منحت لهم الانقاذ ارضا ليزرعوها واذكر انني زرت مشروعا له بالقرب من منطقة ام جر بالنيل الابيض 1995 وبرضو كان زارع ارز واصلا المشروع من ايام نميري كان عبارة عن منحة يابانية لمشاريع الاعاشة في النيل الابيض

حاجة غريبة..شيوعى بحرض ضد الطبق العاملة المصرية..هذا الرجل الذى يظهر فى الصورة يبدو أنه عامل مصرى بسيط جاء بدافع اسمه الهجرة للسودان....والهجرة طبعاً ظاهرة دولية زى ماأخوانا الفوق ديل هجرة فيرست كلاس مدعومة بخيار أعادة التوطين ..فى هجرة برضو للسودان التعيبان ده ممكن نسميها (هجرة الحد الأدنى) ههههههه# من دول الجوار أثيوبيين وأرتريين وتشاديين ونجيريين ومصريين وغيرهم من خلق الله....فبالله عليكم الله هونوا على أنفسكم ولاتضيفوا لواقعنا المتخم بالصراعات أزمات جديدة من صنع خيالكم المحض

---
# هههههه (معناها أرجو أن تجدوا دمى خفيف)

Quote: حاجة غريبة..شيوعى بحرض ضد الطبق العاملة المصرية..هذا الرجل الذى يظهر فى الصورة يبدو أنه عامل مصرى بسيط جاء بدافع اسمه الهجرة للسودان....والهجرة طبعاً ظاهرة دولية

حاتم، انت ليه شابك، في ود العبيد دي، الذي نقل الخبر من الميدان لسان حال الحزب الشيوعي
الا اذا كان لك خيار وفقوس، في غضبتك من الخبر والتحقيق بالجريدة.
والخيار والفقوس، معاييرها اخري، الا انت ادخلت علينا عامل اخر، الغضب.
ليس في حالة انتقاد او تأيد التواجد المصري بمشروع الجزيرة، ودلقت رأي في بوست عني بهذا الموضوع
سابقا.
لكن تدخلك ياحاتم، دلل علي تمنطق فطير، ودفاع هش كالهبوت.
تحياتي ود العبيد ولضيوفك.

مودتي

ياالفاضل يسن..خالد العبيد عندنا موضع لأحترام وتقدير لاينتهى فما (تلخبت) وبعدين الميدان أنا أصلأ وماقاعد تقع لى (مافيها أحترافية مهنية) ..تانى حاجة أنت وجعك دفاعى عن الوجود المصرى كما فى بوست سابق ذكرته ولاوجعك شيتن تانى ..

نكتب يالفاضل وكأننا نطرد ناموس شتوى من عيون الوطن





__
تلفونك بالخاص لوسمحت

Quote: بالله يا محمد زكريا قارن بين هذا التربال المصري المجدوع فوق عنقريب في العراء وجاي يشتغل ويأكل من عرق جبينه وبين قعادك إنت في بلاد الفرنج وقاعد خالف كراعك وتأكل من عرق جبينهم .. قارن بس .. والمقارنة موصولة لخالد العبيد ..

وانت معانا ولا مع غانا!
جنى

Quote: وانت معانا ولا مع غانا!

المصريون يزرعون بحصة السودان من مياه النيل


والكلام دخل الحوش


أحمد الشايقي

كتب Mnir

Quote: بالله يا محمد زكريا قارن بين هذا التربال المصري المجدوع فوق عنقريب في العراء وجاي يشتغل و يأكل من عرق جبينهوبين قعادك إنت في بلاد الفرنج وقاعد خالف كراعك وتأكل من عرق جبينهم .. قارن بس .. والمقارنة موصولة لخالد العبيد ..

لاكن مقارنه ومفارقه قويه...........ومنو القال ليك انو انا هنا بأكل من عرق جبين الافرنج؟ انا القدامك ده اشتغلت موزع جرايد وعامل نظافه وغسال صحون وسواق شاحنه بضائع وسواق بص و
كل هذه الاشغال قبل ان اؤهل نفسى دراسياً وان اكون مستشار ببلديه عاصمه النرويج ومترجم مستقل بشركتى .
ما تفتكر كل القاعدين فى بلاد الافرنج بتاعين ويلفير ...........ولو ان الويلفير حق على كل من فى حوجه لذلك ولا عيب في ذلك ايضاً......حتى الافرنجه يستمتعون بها
ياخ اولاً صاحبك المصرى ده ما دخل بلادنا بنفس الطريقه الدخلنا بيها انحنا بلاد الفرنجه ديل.........هم حكومتنا جابتهم واعطتهم وحكومتهم رسلتهم ومتابعه حوقهم وانحنا حكومتنا حوجتنا وشردتنا وحكومات الافرنجه استقبلونا واكرمونا
وبرضوا عند الافرنجه ديل انحنا شغلاين بعرق جبيننا وبنلقى حقوقنا زى ما هم بياخدوها.....وكلنا مواطنين
واؤكد لك هنا فى بلاد الافرنج الناس ما بتخجل تشتغل بعرق جبينها لانه مقجر ومحترم مهما كانت طبيعه العمل وناس كتيره اشتغلت نضافات وعتاله وحصاد فى المزارع وغسيل عده فى المطاعم وهم يعتزون ويتشرفون بما جنوه من عرق جبينهم فى بلاد الغربه ومعززين مكرمين اكثر من ان يكونوا فى بلادهم حيث حكوماتنا تفضل علينا غيرنا لانهم يخافون من رد فعل جرم اقترفوه


============
كنت قايلك معانا... .......طلعت مع ال غانا

أخونا محمد زكريا .. كويس إنو كلامي قرصك خلاّك تفتُّو ..
ياخي طيب إنت طالما مرقت لغاية آخر الدنيا والناس قبلتك بينهم ورحبت بيك وشغلتك واتاحت ليك الفرصة إنك تأكل لقمة عيشك بكرامة فلماذا ياخي عاوز تضيِّقها علي خلايق الله الجايين يأكلوا عيش بعرقهم وضاقت بهم الدنيا مثلما ضاقت بك - رغم إنهم جيرانك وأخوانك في القارة والدين ؟؟ ليه بس كده بس كده بس؟؟ .. ..

Quote: هم حكومتنا جابتهم واعطتهم وحكومتهم رسلتهم ومتابعه حوقهم وانحنا حكومتنا حوجتنا وشردتنا وحكومات الافرنجه استقبلونا واكرمونا

ياخي منو القال ليك حكومتهم رسلتهم؟؟ اسه الزول القاعد في العنقريب ده مش شكله برضو هارب من الجحيم ؟؟ إنت السودان الحار ده غلبك تقعد فيهو، فهل تظن الزول التربال ده في حاجة بتجبره علي الحر ده غير الأحر منه؟؟ ..الكوتش ده لو كان شفت زيك وعرف درب بلاد الفرنجة باقيلك كان عتَّب بي جاي؟؟

Quote: كنت قايلك معانا... .......طلعت مع ال غانا

هسه المصري ده لو كان من غانا كنتوا حتكرنكوا ؟؟ ..
ياخي آل غانا ديل منذ مئات السنين بيجوا يكسروا ركبة هنا ، لماذا لم يعترض أحد ؟؟ .. أنا بعتبر أن إزدواج المناظير هنا سببها لعنصرية واضحة ..

محمد زكريا
سلام يا صاحب
لم يتبقى سوى الاتراك ليعيد التاريخ نفسه بمهزلة
شكرا لدعمك الوجستي

كلام محزن و مخيف


بس اتوقع الصور قديمه من الارشيف لان لبس التوب بالصروه دي خلوه زمان و كمان الراجل شكله زمان لبسه كلاسيكي و العنقريب و البيت شكلهم ده قديم

حـينطردوا زي الترتيب.

سلام يا جني
وتحياتي
انت قايل اسرائيل بعيدة
بالله عاين الامام بتاعهم واقف مع منو؟!!
اريل شارون وزير دفاع اسرائيل!!

Quote: الوجود المصري في مشروع الجزيرة يؤكده المواطنون بالمشروع الذين تلقوا عرضا ببيع حواشتهم وباسعار متفاوتة من قبل بعض السماسرة الذين نجحوا في شراء بعض الحيازات واتضح في ما بعد انهم يعملون لصالح بعض المستثمرين المصريين الذين يفضلون الاحتفاظ بملكية اراضي داخل المشروع.

عزيزي ،
ليس المهم الخبر ،
المهم كيف نقاوم.
العدو المصري لن يكتفي بمشروع الجزيرة؛
العدو المصري لن يكتفي بغير تحقيق
أهداف الباشا محمد علي في بلاد السودان

Quote: فعلا من يان اتى هؤلاء ؟

لايهم من أين أتوا ،
بل علينا طردهم من هنا.

Quote: حاجة غريبة..شيوعى بحرض ضد الطبق العاملة المصرية..هذا الرجل الذى يظهر فى الصورة يبدو أنه عامل مصرى بسيط جاء بدافع اسمه الهجرة للسودان....والهجرة طبعاً ظاهرة دولية زى ماأخوانا الفوق ديل هجرة فيرست كلاس مدعومة بخيار أعادة التوطين ..فى هجرة برضو للسودان التعيبان ده ممكن نسميها (هجرة الحد الأدنى) ههههههه# من دول الجوار أثيوبيين وأرتريين وتشاديين ونجيريين ومصريين وغيرهم من خلق الله....فبالله عليكم الله هونوا على أنفسكم ولاتضيفوا لواقعنا المتخم بالصراعات أزمات جديدة من صنع خيالكم المحض

عزيزي ،
الطبقة العاملة لا تتكون من الجواسيس والمحتلين
هؤلاء رأسماليون مولتهم حكومتهم للإستيلاء على المشروع
هؤلاء أتوا بعد قرار برلمانهم
بتسهيل زواج المصريين من السودانيات
ولم يحتج على ذلك ديوث واحد.

Quote: لم يتبقى سوى الاتراك ليعيد التاريخ نفسه بمهزلة

خالد ؛
لم يكون
وا أتراكاً ،
بل كانوا مصريين ،
في عام 1898، تم استرداد السودان
للسيادة المصرية،
لا السيادة التركية؛
تحياتي)

Quote: حـينطردوا زي الترتيب.

كما طرد أجدادهم من قبل،
بلادنا ستنجب آلاف المهديين
دعك من هذا .


تحياتي

يا سلام يا أخ خالد العبيد,

Quote: سلام يا جني وتحياتي انت قايل اسرائيل بعيدة بالله عاين الامام بتاعهم واقف مع منو؟!! اريل شارون وزير دفاع اسرائيل!!

بالله دي صورة الإمام جعفر نميري أمير المؤمنين الكيزان من أولهم لآخرهـم أصحاب بيعة المنشط والمكره, مع اليهود بني قريظة وبني النضير ؟؟,

في توقيت الإجتماع دا مع اليهود كان الشيخ الترابي والبقية الباقية من قيادات الإخوان المسلمين, مسئولين حكوميين رسميين في حكومة نميري, بالله معقول ما عندهم خبر, وبعدها في 1983 عملوا البيعة المشهورة ؟؟؟؟؟


أحمد الشايقي

ولا يزال مسئولينا يطلقون التصريح وراء التصريح نافيين التعاقد مع المصريين.

الأخت دانيا المكي:

Quote: بس اتوقع الصور قديمه من الارشيف لان لبس التوب بالصروه دي خلوه زمان و كمان الراجل شكله زمان لبسه كلاسيكي و العنقريب و البيت شكلهم ده قديم

أرجو أن لا تنظري لصورة آتية من إحدى القرى التي أقصى ما تحلم به من التطوّر، دخول الكهرباء، أرجو أن لا تنظري لها بعيون المدينة. لا تستغربي وجود أناس يتنقلون من قرية إلى قرية على ظهور الحمير، في وقت ترسلي أنت وأنا تعليقنا على الموضوع بالإنترنيت.

تحياتي ود العبيد.

Quote: هسه المصري ده لو كان من غانا كنتوا حتكرنكوا ؟؟ .. ياخي آل غانا ديل منذ مئات السنين بيجوا يكسروا ركبة هنا ، لماذا لم يعترض أحد ؟؟ .. أنا بعتبر أن إزدواج المناظير هنا سببها لعنصرية واضحة ..

Munir يامنير يامنور دنيانا
برضك فهمتها غلط
يعنى الا نقولها ليك عديييييييييل كده..........الشغله ما شقلبوها عشان تكون مستساغه شويه
وهى اصلاً كده......{معانا ...ولا مع الخيانه}
وفى مقوله سودانيه كيزانيه بيقولوا ليك......معانا........... ولا مع الجماعه التانيين؟
لو قلت ليهم معكم......بيقولوا ليك انحنا الجماعه التانيين وبقطعوا راسك..............ولو قلت ليهم مع الجماعه التانيين.........برضو بقطعو راسك
اها هسه انت مع منو؟
.طيب ورينا ليخط يراعنا.........وعشان نشمر ضراعنا
قول لى وين نخت كراعنا......مع الفرنجه ولا الفراعنه

..هههه

=====
الشاعر ود زكريا

الشاب محمد زكريا .. نوَّر الله عليك ياخ .. بالمناسبة يازول أنا متابع مشاركاتك وروحك المرحة ..
بعدين ياخوي إنت عاوز تفهِّمني 'معانا واللاَّ مع الخيانة' ياود بحري إنت؟؟ نحن اولاد الشعبية ياخ ..
طبعاَ آآي معانا واللاّ مع الخيانة ، لكين طالما جبتوها لي مقنطرة فلازم أشوت وأعمل المقارنة مع غانا التي أرمزتها للجهة وسألتكم لو كان التربال ده جاي من غانا - أومن جهة غانا - كنتوا حتكرنكوا كده؟؟ .. وقلنا ليكم ياشباب إنو ناس غانا ديل كاسرين ركبة عندنا هنا من زمان ومافي زول بيسألهم .. الناس بتجي كداري من ديار تمبكتو وأقصي غرب افريقيا بدون جوزات ولا تأشيرات ولا إحم ولا دستور ومافي زول جايب خبرهم .. الناس بتجي كاسرة من هضاب اثيوبيا ويملأوا العاصمة والأقاليم بدون فيزا ولا يحزنون ويجدون كل ترحيب وشغل زي ما دايرين ولم يعترض أحد .. العالم بتجي متدفقة من جهات الجنوب ما معروف دينكا واللاّ كينيين وينتشروا في البلد ونحن نقول أخوان جنوبيين .. وكل هؤلاء القوم يأتون عابرين الحدود بلا نظام ولا تدقيق ولا أختام ولا جوازات ولا ولا ولا .. ويجوا بدون ما يكون عندهم شغل محدد ولادخل معلوم ولا نعلم لهم محل عمل أو سكن معلوم .. سكنهم بس ياهو الدفَّار الهامل الإسمه السودان ده .. أها الجيران الوحيدين البيجوا لهدف واضح وبيجوا بالدرب العديل وبيقطعوا تذاكر وبيشتغلوا شغل معروف ومرغوب ومنتج هم المصريين .. فلماذا هم الوحيدين الذين تقوم لهم قرون استشعاركم وتتنرفزوا ضدهم؟؟ ده رد فعل أنا شايفو غريب جداً ..
الغريبة إنو السوداني لو أدوه مليون دولار وقالوا ليهو أمشي قضي بيها إجازتك في انجمينا واللاّ كنشاسا أو أسمرا أو كمبالا ما يمشي، لاكين تلقاهو يكابس وريقه ينشف جرياَ وراء السفر للقاهرة حتي لو أدوه طلقة في زقاقاتها .. فلذلك ياخوي كدي أقيف مع نفسك وتمعَّن في سبب غضبتك وعدائيتك ضد هذا الرجل المصري الغلبان .. وأحمد ربك إنو ربنا هيأ ليك البلد النضيفة وهو كان قدره السودان الذي اصبح جحيماَ حتي لأهله .. تذكر ما أنت فيه من نعمة وماهو فيه من بؤس ولا تحقد عليه في بؤسه فينزع الله عنك رحمته ..
.
.

يعني كان لازم أنا اقعد اشرح قدر ده؟؟ ]

المهاجر
تيحاتي يا صاحب
مشكور على المرور والدعم السمين
خليك معنا!

Quote: Munir الشاب محمد زكريا .. نوَّر الله عليك ياخ .. بالمناسبة يازول أنا متابع مشاركاتك وروحك المرحة .. بعدين ياخوي إنت عاوز تفهِّمني 'معانا واللاَّ مع الخيانة' ياود بحري إنت؟؟ نحن اولاد الشعبية ياخ .. طبعاَ آآي معانا واللاّ مع الخيانة ، لكين طالما جبتوها لي مقنطرة فلازم أشوت وأعمل المقارنة مع غانا التي أرمزتها للجهة وسألتكم لو كان التربال ده جاي من غانا - أومن جهة غانا - كنتوا حتكرنكوا كده؟؟ .. وقلنا ليكم ياشباب إنو ناس غانا ديل كاسرين ركبة عندنا هنا من زمان ومافي زول بيسألهم .. الناس بتجي كداري من ديار تمبكتو وأقصي غرب افريقيا بدون جوزات ولا تأشيرات ولا إحم ولا دستور ومافي زول جايب خبرهم .. الناس بتجي كاسرة من هضاب اثيوبيا ويملأوا العاصمة والأقاليم بدون فيزا ولا يحزنون ويجدون كل ترحيب وشغل زي ما دايرين ولم يعترض أحد .. العالم بتجي متدفقة من جهات الجنوب ما معروف دينكا واللاّ كينيين وينتشروا في البلد ونحن نقول أخوان جنوبيين .. وكل هؤلاء القوم يأتون عابرين الحدود بلا نظام ولا تدقيق ولا أختام ولا جوازات ولا ولا ولا .. ويجوا بدون ما يكون عندهم شغل محدد ولادخل معلوم ولا نعلم لهم محل عمل أو سكن معلوم .. سكنهم بس ياهو الدفَّار الهامل الإسمه السودان ده .. أها الجيران الوحيدين البيجوا لهدف واضح وبيجوا بالدرب العديل وبيقطعوا تذاكر وبيشتغلوا شغل معروف ومرغوب ومنتج هم المصريين .. فلماذا هم الوحيدين الذين تقوم لهم قرون استشعاركم وتتنرفزوا ضدهم؟؟ ده رد فعل أنا شايفو غريب جداً .. الغريبة إنو السوداني لو أدوه مليون دولار وقالوا ليهو أمشي قضي بيها إجازتك في انجمينا واللاّ كنشاسا أو أسمرا أو كمبالا ما يمشي، لاكين تلقاهو يكابس وريقه ينشف جرياَ وراء السفر للقاهرة حتي لو أدوه طلقة في زقاقاتها .. فلذلك ياخوي كدي أقيف مع نفسك وتمعَّن في سبب غضبتك وعدائيتك ضد هذا الرجل المصري الغلبان .. وأحمد ربك إنو ربنا هيأ ليك البلد النضيفة وهو كان قدره السودان الذي اصبح جحيماَ حتي لأهله .. تذكر ما أنت فيه من نعمة وماهو فيه من بؤس ولا تحقد عليه في بؤسه فينزع الله عنك رحمته .. . .

يا ود الشعبيه.......لا حولا انت المحامى طارق عبدالهادى {طارق كندشه} صاحبك ولا شنو؟

Quote: يعني كان لازم أنا اقعد اشرح قدر ده؟؟ ]

يبّا يووووووووو
حدى يتبرع يشرح بالمختصر لحدى ما نرجع

..