Post: #1
Title: شَــفَـــــقَة (يوجد احراج)
Author: Mohammed Awad
Date: 10-25-2010, 06:45 AM
والشفقانين كتار
لكن فيهم عينات تمحن
اها نبدا ليكم من جوا البورض ولا برة؟
الخيار مُتاح للجمهور
|
Post: #2
Title: Re: شَــفَـــــقَة (يوجد احراج)
Author: نادر النور آدم
Date: 10-25-2010, 06:49 AM
Parent: #1
دي ذاتا الشفقة الخلتني أرد أول زول هنا
وآآآدي قعدة ..
صباحاتك ندية يا عمكـ
|
Post: #4
Title: Re: شَــفَـــــقَة (يوجد احراج)
Author: Mohammed Awad
Date: 10-25-2010, 06:59 AM
Parent: #2
| Quote: دي ذاتا الشفقة الخلتني أرد أول زول هنا |
اووووو حبيبنا نادر
والله عشان جيتك دى اديك حاجة تليق بى مقامك ياخ
ومن حوشنا دا كمان ايه رأيك؟
|
Post: #6
Title: Re: شَــفَـــــقَة (يوجد احراج)
Author: Mohammed Awad
Date: 10-25-2010, 07:10 AM
Parent: #4
الشفقة المذكورة ادناه مُهداة للزملاء نادر وملاسى
كتب محمد كابيلا عن جوك بيونق:
Quote: شخص يجبركــ على إحترامه
رغم إختلاف الأفكار السياسية والإجتماعية ..!!
إلتقيت به عن طريق الصدفة فى مدينة جوبا
العاصمة المرتقبة لدولة جنوب السودان..... لو
كان خيار الجنوبيين........... هو الإنفصال ..!!
إضافة إلى أنه دفعة دراسة فى جامعة
جوبا عندما كانت الجامعة موزعة على مدن العاصمة القومية
بين الخرطوم وأمدرمان وبحرى ...صديق الكل بغض النظر
عن الإنتماء السياسى أو الإجتماعى ورغم ما عرف عنه فى المنبر
العام عن تطرف فى بعض آرائه فيما يتعلق بقضايا أبيي ..إلا أنه فى
علاقاته الإجتماعية تحترمه وكفى |
ثم كتبت تراجى مباشرة
Quote: شكرا اخي محمد كابيلا
على الكتابه المنصفه لابن ابيي الرائع جوك بيونق.
فعلا تعرفت عليه هناوتوثقت علاقتنا باتصالات رائعه
وحضرت له مشاركات مبدعه بغرف البالتوك.
واذكر مدخلاته هنا ايام كانت الدنيا بخير
وكان لازال هنالك امل بان ننجز ديمقراطيه ونحلم بدولة المؤسسات.
ظل جوك سوداني رائع مجامل وطيب
يعزي ويبارك يمازح اخوته الجعلين تحديدا
ويقول بانه درس بشندي واعرف محبته لاهلها.
الا انه مع تمادي البعض لم يجد غير فراملته اياها يرددها لهم.
اعلم قلبه الابيض واعلم حلمه بالسودان الواحدولكن اعلم كذلك انه لا يجامل في مطالبته بالعلمانيه
ورغبه في التخلي عن سيطرة دين محدد على مفاصل الدوله.
وهذا من حقه.
جوك قلبه ابيض جدا...واحس به لا يتذكر حتى مطادريه و المتحرشين به.
التحيه له صديقي جوك بيونف فخورة باخوته وساظل. |
ثم حضر جوك بيونق زاتو الذى تسبب فى شتات بعض المتداخلين قائلآ:
Quote: الاخ محمد كابيلا
شكرا لك كثيرا لكن اريد اصححك شويه...
انت قاصد جوك بيونق اخر وليس شخصيا عفوا.
لم ادرس بالجامعة جوبا.
لم اقوم بزيارة جوبا.
شخصي خريج اقتصاد جامعة الخرطوم 1995 وقادم من شندي الثانوية متفوقا.
لدي ذكريات خالدة مع زملاء واصدقاء ايام دراسة وعرفت السمح والشين
عند اهل الشمال ولكن سنظل نسرد ذكريات حلوة وبائسة.
استاذتي تراجي
حلم سودان جديد موحد على اسس جديدة ستظل فينا بعد استقلال الجنوب
2011..
تحيات لكم
جوك بيونق
|
ثُم عاد كابيلا مُحرجآ بعض الاطراف:
Quote: يبدو أن هناكــ لبس فى الإسم ومن أعنيه هو : JOK PAULINO NYOK
وفى الجامعة كنا نقول له جوك بيونق ويعمل الآن مساعد تدريس
بــ جامعة أعالى النيل ..!!!
شكراَ على أى حال . |
فـــــتأمـــل
|
Post: #3
Title: Re: شَــفَـــــقَة (يوجد احراج)
Author: Mohammed Awad
Date: 10-25-2010, 06:53 AM
Parent: #1
احد الاشخاص اُطلق عليه لقب شفقة وكانت المناسبة
انو فى صلاة الظُهر انضم للصلاة بعد تكبيرة
الاحرام وفى الركعة الاخيرة وبعد انتهائه من التشهُد...
سلم وقام فات 
|
Post: #5
Title: Re: شَــفَـــــقَة (يوجد احراج)
Author: فايزودالقاضي
Date: 10-25-2010, 07:03 AM
Parent: #3
وين ياحبيبنا المجافينا ....نجي الخرطوم لا تسألوا مننا ولا تعبرونا !!!طيب !!!!
Quote: احد الاشخاص اُطلق عليه لقب شفقة وكانت المناسبة
انو فى صلاة الظُهر انضم للصلاة بعد تكبيرة
الاحرام وفى الركعة الاخيرة وبعد انتهائه من التشهُد...
سلم وقام فات |
يعني مفروض يطلع طبنجته ويرش المصلين ولا شنو ؟!! ولامفروضة عليهو صلاة الجنازة ؟!!!
انت السيد المسلمي قريبك ولا انتو في مدينة واحدة ولا كلكم سيارات كوري ؟!!!!!
|
Post: #7
Title: Re: شَــفَـــــقَة (يوجد احراج)
Author: Mohammed Awad
Date: 10-25-2010, 07:14 AM
Parent: #5
| Quote: وين ياحبيبنا المجافينا ....نجي الخرطوم لا تسألوا مننا ولا تعبرونا !!!طيب |
ود القاضى سلامات ياخ... متين الكلام دا؟
يمين بالله لا حس ولا خبر لكن اللوم واصل برضو
| Quote: يعني مفروض يطلع طبنجته ويرش المصلين ولا شنو |
ياعمك انت مثال آخر للشفقة
الزول دا سلم قبل الامام زاتو وفرتق
|
Post: #8
Title: Re: شَــفَـــــقَة (يوجد احراج)
Author: Mohammed Awad
Date: 10-25-2010, 07:52 AM
Parent: #7
ومن الشفقات العينة
نوعية البيعشق العربية قبل مايدور المكنة زاتا
الغريبة انو لو العربية زاتا ابت تدور مابيرفع كراعو من الكلتش...
بحكم انو العربية معشقة وكدا
|
Post: #9
Title: Re: شَــفَـــــقَة (يوجد احراج)
Author: السيد المسلمي
Date: 10-29-2010, 08:42 AM
Parent: #8
| Quote: انت السيد المسلمي قريبك ولا انتو في مدينة واحدة ولا كلكم سيارات كوري ؟ |
الغريبة يافايز أخوي ... طبنجة دا في مدينة ونحن في مدينة تانية !!
شوف توارد الخواطر دا كيف ..!!؟
لكن بيني وبينكـ محمد عوض دا شكلو كدا تجميع ساهي !
|
Post: #10
Title: Re: شَــفَـــــقَة (يوجد احراج)
Author: عبدالوهاب علي الحاج
Date: 10-29-2010, 09:02 AM
Parent: #9
انت ماسمعت بحاج شفقة الاصلي دا كان في نواحي شندي .. وكان زول زعيم وضو قبيلة
مرة حدثت وفاتين في حلتين مجاورتين وبقوا ماشين على العزاء وطبعا هو الزعيم
ودايرين ينجزوا المشوارين في يوم واحد ...
وبقى ينبه الناس : شوفوا ياجماعة نحن ما عندنا قعدة الفاااتحة والجبنة ونقوم طوالي
وبقى يردد ليهم في الكلام دا طول الطريق : شوفوا ياجماعة نحن ما عندنا قعدة الفاااتحة والجبنة ونقوم طوالي .... شوفوا ياجماعة نحن ما عندنا قعدة الفاااتحة والجبنة ونقوم طوالي ...
لحدي ما وصلوا مكان العزاء الاول وطبعا هو متقدم الوفد ووقف اهل العزاء ورفع يدينو وقال : الجبنة ياجماعة 
___
بوست ظريف بجيك راجع كان المناضلين ديل ادونا فرقة
|
Post: #11
Title: Re: شَــفَـــــقَة (يوجد احراج)
Author: omer osman
Date: 10-29-2010, 09:33 AM
Parent: #10
عمك عباس ... زول واجب شديد ...
عندو واجب الفاتحة والعزاء والدفن .... ده اهم من الأكل والشراب ...
قاعد مع جماعة اهلو في المستشفي عندهم زول عيان ........
سمعوا صوت نسوان وبكاء وكواريك .......... (الزول جار زولم العيان في العنبر مات ...)
قام على اهل الميت وبي كواريك النسوان والكبسيبة ماقدر يشيل الفاتحة مع الرجال ....
جاء راجع قعد ...... لكن زي القاعد ليهو في جحر نمل .... ململة شديدة .....
عدم شيل الفاتحة مع الرجال بالحيل واجعو .......
هو قاعد شاف جماعة مارقين من العنبر شايلين ليهم زول مغطي في النقالة ......(قال بس ده زولي)
طوالي قام ..... قفل عليهم الطريق (الليلة كان ما شال فاتحتو مابرتاح) ...
ورفع ليك يدينو وباعلي صوت الفاتحة ياجماعة ......
زول رده عليهو مافي !!!!!!!!!!!
شاب صغير اخدو على جنبة ياحاج زولنا ده ما مات نحن بس وادنو يعملو ليهو صور اشعة ؟!!!
|
Post: #12
Title: Re: شَــفَـــــقَة (يوجد احراج)
Author: معاوية المدير
Date: 10-29-2010, 09:53 AM
Parent: #11
انواع الشفقات:
شفقة بت العطا اللحقوها سجما في المقابر.
شفقة سيد الدكان.
شفقة ود الكرار.
وهكذا...
|
Post: #13
Title: Re: شَــفَـــــقَة (يوجد احراج)
Author: خضر الطيب
Date: 10-29-2010, 01:02 PM
Parent: #12
محمد عوض كيفنك
بوست لذييييذ خالس
Quote:
انواع الشفقات:
شفقة بت العطا اللحقوها سجما في المقابر.
شفقة سيد الدكان.
شفقة ود الكرار.
وهكذا... |
ود المدير... اخطر من الشفقات الفوق ديل
في شفقة بت حريكه ....
دي قالوا شنقلوها يطهروها لقوها حامل
ما اظن في اشفق من كده
|
Post: #14
Title: Re: شَــفَـــــقَة (يوجد احراج)
Author: معاوية المدير
Date: 10-29-2010, 11:13 PM
Parent: #13
Quote: ود المدير... اخطر من الشفقات الفوق ديل
في شفقة بت حريكه ....
دي قالوا شنقلوها يطهروها لقوها حامل 
|
|
Post: #21
Title: Re: شَــفَـــــقَة (يوجد احراج)
Author: Mohammed Awad
Date: 11-03-2010, 07:01 AM
Parent: #13
Quote: في شفقة بت حريكه ....
دي قالوا شنقلوها يطهروها لقوها حامل |
|
Post: #20
Title: Re: شَــفَـــــقَة (يوجد احراج)
Author: Mohammed Awad
Date: 11-03-2010, 06:47 AM
Parent: #12
Quote: انواع الشفقات:
شفقة بت العطا اللحقوها سجما في المقابر.
شفقة سيد الدكان.
شفقة ود الكرار.
وهكذا... |
ود المدير سلامات
وينك مسجل غياب ياحبيبنا
الا نجيب ليكم سمك بالمواسير ولا كيف؟
|
Post: #19
Title: Re: شَــفَـــــقَة (يوجد احراج)
Author: Mohammed Awad
Date: 10-31-2010, 11:53 AM
Parent: #11
Quote: عمك عباس ... زول واجب شديد ...
عندو واجب الفاتحة والعزاء والدفن .... ده اهم من الأكل والشراب ...
قاعد مع جماعة اهلو في المستشفي عندهم زول عيان ........
سمعوا صوت نسوان وبكاء وكواريك .......... (الزول جار زولم العيان في العنبر مات ...)
قام على اهل الميت وبي كواريك النسوان والكبسيبة ماقدر يشيل الفاتحة مع الرجال ....
جاء راجع قعد ...... لكن زي القاعد ليهو في جحر نمل .... ململة شديدة .....
عدم شيل الفاتحة مع الرجال بالحيل واجعو .......
هو قاعد شاف جماعة مارقين من العنبر شايلين ليهم زول مغطي في النقالة ......(قال بس ده زولي)
طوالي قام ..... قفل عليهم الطريق (الليلة كان ما شال فاتحتو مابرتاح) ...
ورفع ليك يدينو وباعلي صوت الفاتحة ياجماعة ......
زول رده عليهو مافي !!!!!!!!!!!
شاب صغير اخدو على جنبة ياحاج زولنا ده ما مات نحن بس وادنو يعملو ليهو صور اشعة ؟!!! |
جنابو عمر
عمك دا كويس ما لقا لى هوك
|
Post: #16
Title: Re: شَــفَـــــقَة (يوجد احراج)
Author: Mohammed Awad
Date: 10-31-2010, 10:00 AM
Parent: #10
Quote: انت ماسمعت بحاج شفقة الاصلي دا كان في نواحي شندي .. وكان زول زعيم وضو قبيلة
مرة حدثت وفاتين في حلتين مجاورتين وبقوا ماشين على العزاء وطبعا هو الزعيم
ودايرين ينجزوا المشوارين في يوم واحد ...
وبقى ينبه الناس : شوفوا ياجماعة نحن ما عندنا قعدة الفاااتحة والجبنة ونقوم طوالي
وبقى يردد ليهم في الكلام دا طول الطريق : شوفوا ياجماعة نحن ما عندنا قعدة الفاااتحة والجبنة ونقوم طوالي .... شوفوا ياجماعة نحن ما عندنا قعدة الفاااتحة والجبنة ونقوم طوالي ...
لحدي ما وصلوا مكان العزاء الاول وطبعا هو متقدم الوفد ووقف اهل العزاء ورفع يدينو وقال : الجبنة ياجماعة |
| Quote: بوست ظريف بجيك راجع كان المناضلين ديل ادونا فرقة |
انشالله جمعتو بس..... بالنسبة لى سيد البيت
|
Post: #15
Title: Re: شَــفَـــــقَة (يوجد احراج)
Author: Mohammed Awad
Date: 10-31-2010, 09:47 AM
Parent: #9
Quote: الغريبة يافايز أخوي ... طبنجة دا في مدينة ونحن في مدينة تانية !!
شوف توارد الخواطر دا كيف ..!!؟
لكن بيني وبينكـ محمد عوض دا شكلو كدا تجميع ساهي |
التجميع زاتو اشكال والوان يامسلمى
شى تايوانى
شى صينى
شى هندى
شى محمد عادل
شى كدا بس عدى مشى
|
Post: #17
Title: Re: شَــفَـــــقَة (يوجد احراج)
Author: الشاذلى خيرى عبد الله
Date: 10-31-2010, 10:08 AM
Parent: #15
| Quote: الزول دا سلم قبل الامام زاتو وفرتق |
نعل ماجاتو عوجة
ـــــــــ
طبنجة ازيك ياخ ..
|
Post: #18
Title: Re: شَــفَـــــقَة (يوجد احراج)
Author: Mohammed Awad
Date: 10-31-2010, 11:46 AM
Parent: #17
والله الحبة ماجاتو...
عٍلا الاجُر ماعرفناهو وصل ولا لسة
|
Post: #22
Title: Re: شَــفَـــــقَة (يوجد احراج)
Author: ود الخليفه
Date: 11-03-2010, 07:11 AM
Parent: #18
قصه حقيقيه لاقربائي حدثت في مستشفي الخرطوم الحوادث
جابو زول كبير للمستشفي وحالتو منتظره تصريح الدفن بس
خالنا زول عاقل قال لي ولد العيان يا ابني انت زول كبير والموت حق بدل قعادك هنا امش الحله(احدى قري شرق النيل)
جهز حالك ودقق العيش وجهز الديوان والكفن وباقي الحاجات
طوالي الولد دور علي الحله وانتظر الجماعه لغايه المغرب ما رجعو طوالي دور جا للمستشفي
وقبل السلام لقي خالنا دا قال : ليه ما جيتو لغايه هسه ليه؟
خالنا قال ليه : ابوك ما مات نخنقو ليك؟
قرات القصه بروايه مختلفه عند مني سلمان في جريده حكايات
|
Post: #23
Title: Re: شَــفَـــــقَة (يوجد احراج)
Author: Mohammed Awad
Date: 11-03-2010, 07:38 AM
Parent: #22
| Quote: خالنا قال ليه : ابوك ما مات نخنقو ليك؟ |
هههههههه ياخ الزول دا اكيد رباطابى
|
|