Post: #1 Title: اغنيه اهديها لكل بورداب سودانيزاونلاين فى كل دول العالم ... واولهم الريس Author: خالد المحرب Date: 10-24-2010, 08:37 PM Parent: #0
السنين العشت فيها معاكم كانت هنيئه بمعنى الكلمه انا من هنا ارسل ليكم حبى ليكم ياناس البيت الجميل دا منير سودانيز اون لاين
Post: #2 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: الطيب شيقوق Date: 10-24-2010, 08:48 PM Parent: #1
يا سلام يا خالد اخوي والله والله بكري دا يستحق جائزة نوبل للم شتات السودانيين في بلدان المهجر
صحيح يا خالد اخوي لم نلتق وجها لو جه ولكننا عرفنا بعضنا البعض عبر هذه النافذة الاسفيرية
والله يا خالد انا بقيت احب كل البورداب بدون تمييز لاسباب سياسية او عرقية او جهوية
صحيح يا خالد اخوى صار كل من ينتمي لسودانيز ذكرا كان ام انثى هو الاخ او الاخت الذي يؤرقني فراقه ولو لثواني
صحيح يا خالد اخوى بقينا حتى في المناسبات الاجتماعية لا نبحث عن ابن العم او الاخت وانما عن اخوتنا في سودانيز
تسلم تسلم تسلم يا اب احمد فانت تاج وقار يتلألأ على هامة هذا المنتدى
محبتي
شيقوق
Post: #3 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: خالد المحرب Date: 10-24-2010, 09:01 PM Parent: #2
Quote: والله يا خالد انا بقيت احب كل البورداب بدون تمييز لاسباب سياسية او عرقية او جهوية
صحيح يا خالد اخوى صار كل من ينتمي لسودانيز ذكرا كان ام انثى هو الاخ او الاخت الذي يؤرقني فراقه ولو لثواني
صحيح يا خالد اخوى بقينا حتى في المناسبات الاجتماعية لا نبحث عن ابن العم او الاخت وانما عن اخوتنا في سودانيز
تسلم تسلم تسلم يا اب احمد فانت تاج وقار يتلألأ على هامة هذا المنتدى
اخى الطيب قد يتهمنا الاخرون اننا نرتب لهذه اليوستات ياسلام والله بتجى الصدفه فقط نعم حصل تواصل كبير جدا عبر هذا المنير بيننا وبين ناس كثر انا ريئس رابطة البطاحين فى الرياض لكن ما لقيت نفسى الا مع بورداب سودانيز اون لاين سواءا فى الرياض و خارج الرياض فى دول العالم المنبر بالنسبه لى يمثل السودان شكرا يا بكرى على هذا الانجاز الكبير المتجدد دوما
Post: #4 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: الطيب شيقوق Date: 10-24-2010, 09:06 PM Parent: #3
Post: #5 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: Mohammed Tirab Date: 10-24-2010, 11:42 PM Parent: #4
الا قلبي
يا حبيبي
في هواك
طال إغترابو
شكرا اخي خالد
على نكأ الجراح الدامية
وكم طالت غربتنا جميعا
طالت الغربة
وتاهت دروبها
غادرنا تراب الوطن
ولم نبلغ العقدين
وجالت الأقدار
قارات الدنيا
أحتضنت جليد أوربا
عقد ونصف في موسكو
وأكتوت بلظي الخليج
عقد ونيف في دبي
وها هو موج القدر يقذف بالاقدار,,
على شواطئ الدنيا الغربية
الى بلاد العم سام.....
تركناه وطناً
مليونا كاملا
وزيادة ,,,
فهل عند العودة
سيكون وطنا كما كان....
كم ظلمك بنوك يا وطني.........
شكرا بكري أبوبكر
الذي جعل لنا
وطنا ممكنا
شكرا خالد
د.محمد تيراب _______________ الحق يعلوا ولا يُعلى عليه
Post: #6 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: عبدالله ابوشوارب Date: 10-25-2010, 03:14 AM Parent: #5
الاخ خالد المحرب
الهدية في الصميم ولاشك انها قد لامست وترا حساسا في نفوس الكثير من البورداب
اغاني الغربة وكلمات الوداع والحنين الي الوطن هي اكثر ما يثير شجوني
رغم طول اغترابي وكثرة ترحالي الا ان بوصلة قلبي كانت دائما تشير الي الوطن
وكم رددت مقاطع هذه الاغنية
الغريب عن وطنو مهما طال غيابو
مصيرو يرجع تاني لي اهلو وصحابو
ما يمزق قلبي الان خوفي ان اعود وان اجد الوطن ليس هو الوطن الذي تركته
سامحك الله اخي خالد
اتمني من الاخوة المتداخلين ان يجلوا نفوسنا بمزيد من اغاني الغربة والاغتراب
Post: #7 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: الطيب شيقوق Date: 10-25-2010, 06:39 AM Parent: #6
المحرب
ما تتاخر من البوست
البوست عايز المدوعلة
قرب ليهو ولو بحتحات مشك
تعرف المشك ولا اقبل عليك بالمضبب دا؟
Post: #11 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: خالد المحرب Date: 10-25-2010, 07:54 AM Parent: #7
Quote: رب ليهو ولو بحتحات مشك
تعرف المشك ولا اقبل عليك بالمضبب دا؟
الطيب ات قايل المضبب دا فى ناس كتار هنا ما بعرفوه وبعدين المشك والمضبب ليهن علاقه مع بعض الزول يملى مريسه وتلقى المضبب بعد شويه تاح تاح فى راس واحد من الجماعه وطوالى الى الطيب المحامى عشان يمسك القضيه مصايب قوم عند قوم فوايد
Post: #9 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: خالد المحرب Date: 10-25-2010, 07:37 AM Parent: #6
Quote: ما يمزق قلبي الان خوفي ان اعود وان اجد الوطن ليس هو الوطن الذي تركته
سامحك الله اخي خالد
الاخ عبد الله ابوشوارب انشاء الله كل الامور تمشى وتنساب انسياب النيل بى سلام وكل شى يكون فى محلو شكرا ابوشوارب
Post: #10 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: عثمان محمد كرار Date: 10-25-2010, 07:40 AM Parent: #6
مشكور الاخ خالد وعن اذنك دي
Post: #8 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: خالد المحرب Date: 10-25-2010, 07:33 AM Parent: #5
Quote: شكرا بكري أبوبكر
الذي جعل لنا
وطنا ممكنا
شكرا خالد
د.محمد تيراب
الاخ د محمد تيراب شكرا على الكلمات الجميله والتواصل
Post: #12 Title: Re: اغنيه اهديها لكل بورداب سودانيزاونلاين فى كل دول العالم ... واولهم الريس Author: أحمد الشايقي Date: 10-25-2010, 08:37 AM Parent: #8