نفي انتساب الى عائلة القريش وابراء ذمة

سكوت قريشن
ليس من عائلة القريش
ولا ينتسب اليها لا من قريب ولا من بعيد

الشينة منكورة ولا شنو الجكة

يا القريش بعيدا عن سكوت أنا بسال عن الصديق المرحوم ابراهيم القريش هل هو قريبك فقد كان صديق أسره في كنانه بمثابة الأخ ما هي أخبار بناته و أسرته

Quote: سكوت قريشن ليس من عائلة القريش

يتم تعميم النفي درءا للفتنة ....

يازول جيب شجرة العايلة مختومة من اتنين عمد وواحد سيناتور (وليد المبارك ما بينفع)

الشي شنو تنكرو الزول ده حطب كدة (في تركة ظهرت ولا شنو)

Quote: سكوت قريشن ليس من عائلة القريش ولا ينتسب اليها لا من قريب ولا من بعيد

يعني طلع من (كفار قريش) واللا شنو ؟


درء الفتنة واجب - كما قال شيخنا ود الباوقة ؟!
بس لو الحكاية فيها ميراث دولارات .. يُنظر ويُفاد ؟!


مودتي ،


( ليمو )

Quote: يازول جيب شجرة العايلة مختومة من اتنين عمد وواحد سيناتور (وليد المبارك ما بينفع) الشي شنو تنكرو الزول ده حطب كدة (في تركة ظهرت ولا شنو)

كيفك يا ود ابراهيم
يا أخوي مش لما يكون من إندينا أصلا

Quote: يتم تعميم النفي درءا للفتنة ....

هذا ما قصدناه
ولم نقصد الاساءة للرجل

تشكر على التعميم

أهلين يا عفراء

Quote: يا القريش بعيدا عن سكوت أنا بسال عن الصديق المرحوم ابراهيم القريش هل هو قريبك فقد كان صديق أسره في كنانه بمثابة الأخ ما هي أخبار بناته و أسرته

المرحوم ابراهيم محمد القريش عمي (ابن عم أبي)
نسأل الله له الرحمة والمغفرة
أما أسرته زوجته وأولاده موجودين في الدويم
مع جدهم لأمهم (سيد علي جن)
وهم بخير وعافية ..

تسلمي على السؤال




ـــــــــــــــ
أما قريشن هذا فلا علاقة له بعائلة القريش

Quote: الشينة منكورة ولا شنو الجكة

والله لا جكة ولا حاجة
كل الموضوع انو الراجل بدأ يستغل اسم العائلة
في أغراضه الدنيئة (على قول أبي ساندرا)

دا كلام شنو يامعتز

الزول دا واصل بتلقا لا قدام

Quote: سكوت قريشن

ود القريش سلام يا دفعة *

سكوت دي اكيد ما من عندكم

بس قريشن و حسب طرق الإنتساب في الإنجليزية فيها وجهت نظر مثل ان تقول :
India and Indian
قريش--> قريشن

إنت متأكد إنو ما عندكم واحد ناسب الخوجات ديل أيام كان السودان بخير
















====================
*دفعة دي في المدرسة مش في الدفاع الشعبي

ود القريش

ما داير تقسموا لي في الورثة ,,

Quote: دفعة دي في المدرسة مش في الدفاع الشعبي

لووووووول
تعرف يا عمار احسن حاجة عملتها وزارة التربية في التعليم في ذلك الزمان انها ما وزعت معتز قريش ده
في مدرسة النيل الابيض الثانوية بالدويم... لانو كان (دفعة) الرجفت منها انت دي راس صوتها وصلني تماما وجهجت باكاتي معاك

------------
الغايظني يا معتز قريش ...غريشن ده ما تنكروا الا حسع دي..!!
ايامات الانتخابات وايام غريشن شايل دلوكتو وبدي الخج والرج الانتخابي شرعية دولية كنت عميان منو ولاشنو..؟؟

عمار يس يا صديق الزمن الجميل
وزميل بخت الرضا العزيزة

Quote: ود القريش سلام يا دفعة * سكوت دي اكيد ما من عندكم بس قريشن و حسب طرق الإنتساب في الإنجليزية فيها وجهت نظر مثل ان تقول : India and Indian قريش--> قريشن إنت متأكد إنو ما عندكم واحد ناسب الخوجات ديل أيام كان السودان بخير

يا زول أنا متأكد مية في المية
بعدين نحنا أصلا عندنا كره وراثي ضد الخواجات
وحاجات تانية حامياني

شوف يا اللخو لو قعدت تحلل لبكرة
الزول دا لا من عايلتنا ولا بنعرفو
وما سمعنا بيهو قبال مشكلة الاستفتاء دي

كلامي دا واضح ولا أعيدو ليك

Quote: ==================== *دفعة دي في المدرسة مش في الدفاع الشعبي

هو الخشا دفاع شعبي منو
الدفاع الشعبي دا حق المواطنين


نحنا دفاعنا الشعبي في الكيبورد دا

Quote: دا كلام شنو يامعتز الزول دا واصل بتلقا لا قدام

طيب كان على الأقل يكلمنا انو عايز استعمل اسم العيلة
كنا اتفاوضنا معاهو وعملنا تنسيق وشكلنا لجان
وكل لجنة تنبثق منها عشرة لجان
ووصلنا لخارطة طريق (سمعتها كدا وما حصل سمعت انها تنفذت)
أي والله عشان كلو زول يعرف حقو
والأولو شرط آخرو نور
ولا ما كدي ؟

معتز سليل القرايشه

خلاص ياخ الراجل غير إسمو من (أولمرت) لي (قرويشن) تقربا وزلفى (للثقافه) السودانيه ولحرقصن في نفسو ماتكسر خاطر الزول ...خاصة وأن عايلة (القرايشه) ولفهمها العالي وثقافتها المحيطيه (منوط) بيها رفع أسهم الثقافه السودانيه الى مصاف الدول الاسكندنافيه المتقدمه مع ملاحظة (تأصيل) تلكم الثقافه التي لا تمت الى الانضباط بصله

شكرا عزوز

ودالقريش دا شنو؟؟؟

>>المثل بقول اهلك كان كلاب سوي ليك ضنب<<

Quote: >>المثل بقول اهلك كان كلاب سوي ليك ضنب<<[/B] [/QUOTE] يعني القصة كلها خوف من الضنب ياالحبر ؟!!! .... يامعتز انتو أصغر من قريشن لذلك هو الذي ينفى انتسابكم اليه وليس العكس ... ـــــــــــــــــــــــ معتز سلامات ...