Post: #1
Title: زول.. كضـــاااب
Author: وليد محمد المبارك
Date: 10-23-2010, 06:03 PM
Parent: #0
شتان ما بين الواهب فِكرو نضيف
والمالي الناس كلام ولغة
شتان بين التغيان وخفيف
وصاحب الإيمان وتُقى
يادرويش الحَّلَقَة .. الكلمة وعاء
مليان مرات وكتير فاضي
ما فيه سُقى
كضاب البملا الناس كلمات جوفاء
وبناقض نفسو
حافظ الأمثال وكلام الحكماء وشعر الشعراء
ومرتب نفسو
كأنه مدير ومتلبس أفعال المدراء
وهو ده الفي نفسو
لكن لو فتشت عميق
تلقاو حفيظ ما فاهم
تلقاو قراي .. ما بحس
قاشر بالمفردة والملبس
ده الفالح فيهو وبس
جهرا وناس لكن بالدس
بعمل عكس البيقول للناس
ما زول وناس !!
وسواس خناس
كلامو كتير .. افعالو شوية
كلامو القالو من الكراس
ما من الراس ..
|
Post: #2
Title: Re: زول.. كضـــاااب
Author: محمد أبوالعزائم أبوالريش
Date: 10-23-2010, 06:19 PM
Parent: #1
هسي إنت كلامك ده من الراس والا من الكراس؟
يا زول كان دي والا دي .... وقع لي وقعة شديدة.
وفي ناس كده .... ما فضل إلاّ يجيب إسمهم عديل.
_____
إزيك يا شفت
|
Post: #3
Title: Re: زول.. كضـــاااب
Author: سفيان بشير نابرى
Date: 10-23-2010, 06:51 PM
Parent: #2
سلام يا ولي
ده كلام منو ؟
|
Post: #5
Title: Re: زول.. كضـــاااب
Author: وليد محمد المبارك
Date: 10-23-2010, 07:24 PM
Parent: #3
مرحب سفيان
اخبارك ياخ .. ووين الحي بيك ؟
انا ..!
|
Post: #4
Title: Re: زول.. كضـــاااب
Author: وليد محمد المبارك
Date: 10-23-2010, 07:19 PM
Parent: #2
ابو الريش ازيك ياخ
| Quote: وفي ناس كده .... ما فضل إلاّ يجيب إسمهم عديل |
|
Post: #6
Title: Re: زول.. كضـــاااب
Author: Abdelmuhsin Said
Date: 10-23-2010, 07:32 PM
Parent: #4
Quote: Quote: ده كلام منو ؟
انا ..! |
والله كضاب وانت لو بتعرف تكتب زي الكلام دا المقعدك معنا شنو........ قوم لف
|
Post: #7
Title: Re: زول.. كضـــاااب
Author: وليد محمد المبارك
Date: 10-23-2010, 07:38 PM
Parent: #6
| Quote: والله كضاب وانت لو بتعرف تكتب زي الكلام دا المقعدك معنا شنو........ قوم لف |
الاخ عبد المحسن
شكرا على الاشادة
___________
يعني هو الكلام ده هسع سمح شديد ؟
لمن اعمل فيها حسن موسى
|
Post: #8
Title: Re: زول.. كضـــاااب
Author: سفيان بشير نابرى
Date: 10-23-2010, 07:43 PM
Parent: #7
ياو ولي والله كلام سمح شديد وجميل وفيهو فهم
بس كمان ما لدرجة
| Quote: اعمل فيها حسن موسى |
ما تفكها في روحك قدر ده ياخ .
|
Post: #10
Title: Re: زول.. كضـــاااب
Author: وليد محمد المبارك
Date: 10-23-2010, 07:47 PM
Parent: #8
| Quote: ما تفكها في روحك قدر ده ياخ . |
خلاس اعمل فيها نجاة
|
Post: #9
Title: Re: زول.. كضـــاااب
Author: Abdelmuhsin Said
Date: 10-23-2010, 07:45 PM
Parent: #7
Quote: يعني هو الكلام ده هسع سمح شديد ؟
لمن اعمل فيها حسن موسى |
سمح بالحيل ومن هنا وماشي حا نقول ليك الاديب وليد المبارك (ليك وحشه)
|
Post: #11
Title: Re: زول.. كضـــاااب
Author: وليد محمد المبارك
Date: 10-23-2010, 07:51 PM
Parent: #9
| Quote: سمح بالحيل ومن هنا وماشي حا نقول ليك الاديب وليد المبارك (ليك وحشه) |
الاخ عبد المحسن نشكر مشاعرك الفطيرة
ثم ماذا ( ليك وحشه ) هذه
انت عاوز تعمل فيها صاحب الاديب؟!
|
Post: #12
Title: Re: زول.. كضـــاااب
Author: ود شاموق
Date: 10-23-2010, 07:58 PM
Parent: #1
دا أوعى يكون صاحبك المنغولي ؟ والله تكون بالغتا
|
Post: #13
Title: Re: زول.. كضـــاااب
Author: وليد محمد المبارك
Date: 10-23-2010, 08:11 PM
Parent: #12
| Quote: دا أوعى يكون صاحبك المنغولي ؟ والله تكون بالغتا |
السيد ود شاموق سليل مولى العباس .. ارجو منك ان لا تمارس اسقاطك النفسي واستلابك في هذا البوست
عيييييييييييييييك
|
Post: #14
Title: Re: زول.. كضـــاااب
Author: osman righeem
Date: 10-23-2010, 08:35 PM
Parent: #13
مالو محسن خالد
غيبو ليهم ؟؟؟؟؟؟؟؟
|
Post: #16
Title: Re: زول.. كضـــاااب
Author: وليد محمد المبارك
Date: 10-23-2010, 08:47 PM
Parent: #14
عمنا رغيم اخبارك
والله محسن ده انا قاعد ادورو
عشان كده ولا بهظر بيه ولا بلمو مع شلة المتقندفين والتامنها موية ديك
يا عمنا انا عجبي صعب خالص ، ما ود امدرمان وكده
ومحسن ده عاجبني
فعليك الله ما تركب لينا حسن موسى مع محسن
حسن موسى تاميهاالوان موية سااكت
هو زاتو ما بعرف يرسم
|
Post: #15
Title: Re: زول.. كضـــاااب
Author: منتصرمحمد زكى
Date: 10-23-2010, 08:38 PM
Parent: #13
جميل والله
فيهو نفس الكتيابي وشوية من عاطف خيري وحبة من حميد ونتشة من القدال .......
------------
سلامات وليد
|
Post: #17
Title: Re: زول.. كضـــاااب
Author: اساسي
Date: 10-23-2010, 08:51 PM
Parent: #15
هشام ادم بكل تاكيد هو من يتمتع بكل هذا التناقض هو الاب الروحي للسماجة* في هذا المنبر
ــــــــــــــ
* السماجة كما اسلفنا هي احساس يتولد احساس تراه يتبع البعض هي مثل قشر بريتكان وموز وبطيخ يتم ادخالهم في كيس ويترك عدة ايام ويضاف اليهم ملاح ويكة بايت تلاتة ايام في الحلة برة التلاجة , يترك هذا المزيج لخمسة ايام في كيس القمامة وتنسي عربية القمامة ان تمر علي الدار ويجلس اسبوع اخر و ليرمي في الشارع وتمر سيارة مسرعة تدوس علي هذا الكيس وما يخرج منه لحظئذً هو مقارب للسماجة التي يشيعها هشام ادم حوله
|
Post: #19
Title: Re: زول.. كضـــاااب
Author: osman righeem
Date: 10-23-2010, 09:01 PM
Parent: #17
| Quote: هو زاتو ما بعرف يرسم |
اهو نوع الرأي ده بيقولوا عليهو (مع الكراعة) والله اعلم
هو بس قالوا مشكلتو في مزج الالوان
|
Post: #21
Title: Re: زول.. كضـــاااب
Author: وليد محمد المبارك
Date: 10-23-2010, 09:23 PM
Parent: #19
عليك الله يا عمك انضم معانا عربي 
_______
غايتو محمد ولدي برسم اخير منو
|
Post: #20
Title: Re: زول.. كضـــاااب
Author: وليد محمد المبارك
Date: 10-23-2010, 09:12 PM
Parent: #17
| Quote: هشام ادم بكل تاكيد هو من يتمتع بكل هذا التناقض هو الاب الروحي للسماجة* في هذا المنبر |
اسااااااااااااااااااااااسي ..
|
Post: #18
Title: Re: زول.. كضـــاااب
Author: وليد محمد المبارك
Date: 10-23-2010, 08:55 PM
Parent: #15
مرحب منتصر
اخبارك
| Quote: فيهو نفس الكتيابي وشوية من عاطف خيري وحبة من حميد ونتشة من القدال ....... |
كان كده تعبتوا معاي
اشكر كلماتك المشجعة
شكرا كتير
|
Post: #22
Title: Re: زول.. كضـــاااب
Author: إدريس محمد إبراهيم
Date: 10-24-2010, 06:52 AM
Parent: #18
أنت بلا شك يا ولي زول كتـــاااااب ...
لكن يا أساسي ختيتها تاخ كده ... ياخي ما بيعرف يجامل أصلو ...
عارف يا ولي مهما بلغت من الأدب ومهما نلت من جوائز فأنت بلاشك في النهاية خاسر إذا لم تؤمن بالله ورسوله ... ومصيرك إلى جهنم وبئس المصير ...
أخي وليد العاقل من هداه عقله إلى نعمة الإيمان .. والضال لا يأبه إن تاه في غياهب الضياع والخسران ...
ولا فائدة في عقل لا يهديني إلا الصراط المستقيم ... كده ولا أنا غلطان ؟...
مع خالص تحياتي وحبي وتقديري ؛؛؛
|
Post: #23
Title: Re: زول.. كضـــاااب
Author: وليد محمد المبارك
Date: 10-24-2010, 07:44 AM
Parent: #22
سلامات ادريس
بالتاكيد من يتجبر على ربه سهل عليه التجبر على خلقه
ربنا يهدي الجميع
ودي
|
Post: #24
Title: Re: زول.. كضـــاااب
Author: فايزودالقاضي
Date: 10-24-2010, 08:12 AM
Parent: #23
ياولي ياصديقي ..
رغم البينا لكن كلامك ركيك ..واقرب الى كلام هلالاب في ليلة عطبراوية مظلمة...لغوياً الكلام منتهى ..وشعرياً غير موزون وفطير ...
اساسي معروف زول حاقد على المبدعين وقبل كده قال عنى كلام زي ده ...فلا استبعد يقول كلام زيو على زميلي هشام آدم وغيرنا من المبدعين ..
|
Post: #25
Title: Re: زول.. كضـــاااب
Author: Ammir Mohamed
Date: 10-24-2010, 08:35 AM
Parent: #24
Quote: اساسي معروف زول حاقد على المبدعين وقبل كده قال عنى كلام زي ده ...فلا استبعد يقول كلام زيو على زميلي هشام آدم وغيرنا من المبدعين ..
|
وليد مالك إنشاء الله خير كتمت ولا شنو! بعدين ود القاضي المستلب ده كيف تسمح ليه يضم نفسه لي زمرة المبدعين!
قبل فترة كنت بحضر اللقاء العاملة معاك الجزيرة أيام الانتخابات .. شلت هم السودان لو كنت فزتا!
سلامات يا بتاع الكي بورد وحجر عكاشة!
|
Post: #26
Title: Re: زول.. كضـــاااب
Author: بدر الدين اسحاق احمد
Date: 10-24-2010, 08:51 AM
Parent: #25
للضمان كــدا
وللتاريـخ
انا فطرت يوم فى رمضان مــع المبدع دا على ضفاف الثورة ( الثورة )
ممكن اخـش فى زمرة معارف / اصحاب / قول اصدقاء ( وليد بن المبارك )
مشتاقين يا man ادينا سلك
|
Post: #31
Title: Re: زول.. كضـــاااب
Author: وليد محمد المبارك
Date: 10-24-2010, 12:38 PM
Parent: #26
بدر الدين الكوز صحبي جدا
والله الشوق بالكراتين ياخ ... تلفوني باظ
وبيني وبينك انا اتكيفت انو باظ
اتحليت منو
اسمع ما جيتوني انت والشلك المنقحة تاني !!!
|
Post: #27
Title: Re: زول.. كضـــاااب
Author: محمد المسلمي
Date: 10-24-2010, 08:52 AM
Parent: #25
| Quote: سمح بالحيل ومن هنا وماشي حا نقول ليك الاديب وليد المبارك (ليك وحشه) |
ياوليد الصحة والاخباروالله ليك وحشة
|
Post: #32
Title: Re: زول.. كضـــاااب
Author: وليد محمد المبارك
Date: 10-24-2010, 05:00 PM
محمد المسلمي
اخبارك واخبار العيال
والله انا قاعد لكن مدروش مع الدنيا دي
تحياتي ومشتاقين
|
Post: #30
Title: Re: زول.. كضـــاااب
Author: وليد محمد المبارك
Date: 10-24-2010, 12:21 PM
Parent: #25
يا امير
كتمت كتمة نصاح هي
ود القاضي ده سيبو عامل فيها مصاحب الشعراء الزينا
اسمع قول لي بشير البلد اتمات حبش .. كنتو حاقننا يا عوارض
|
Post: #28
Title: Re: زول.. كضـــاااب
Author: وليد محمد المبارك
Date: 10-24-2010, 12:10 PM
Parent: #24
ود القاضي يا اديب
معروف انو الحسد بين الادباء الزينا موجود فاخد راحتك يا اديب
|
Post: #29
Title: Re: زول.. كضـــاااب
Author: فايزودالقاضي
Date: 10-24-2010, 12:18 PM
Parent: #28
Quote: ود القاضي يا اديب
معروف انو الحسد بين الادباء الزينا موجود فاخد راحتك يا اديب |
الزميل الاديب وليد ... عرفنا حسد الادباء الزينا لكن الناس العاديين ديل الحسد العليهم شنو لاشاركناهم في موهبة ولازاحمناهم في ابداع !!
| Quote: بعدين ود القاضي المستلب ده كيف تسمح ليه يضم نفسه لي زمرة المبدعين! |
|
Post: #33
Title: Re: زول.. كضـــاااب
Author: عبداللطيف خليل محمد على
Date: 10-24-2010, 05:19 PM
Parent: #29
وليد :
كيف حالك ياخي ؟
( قلبت هوبة ) و الله ..
|
Post: #35
Title: Re: زول.. كضـــاااب
Author: وليد محمد المبارك
Date: 10-25-2010, 06:21 AM
Parent: #33
عبد اللطيف
انا بخير انت كيفك ؟
يديك العافية
|
Post: #34
Title: Re: زول.. كضـــاااب
Author: وليد محمد المبارك
Date: 10-24-2010, 07:07 PM
Parent: #29
الاديب ود القاضي
لا تعره بالاً او كما قال الجيش : اشتغل شُغلك
|
Post: #36
Title: Re: زول.. كضـــاااب
Author: Ammir Mohamed
Date: 10-25-2010, 06:25 AM
Parent: #34
الأدباء وليد وود القاضي
قال الشاعر
أقول لها تعالي ... لا تجيء
تصور ... صار يزعجها المجيء!
لأني والكلام لها ...جريء
أمد يدي إلى حد يسيء
السؤال ... ما هو الحد الذي يقصده الشاعر وإلى أي حد يمكن أن يمد الشخص الجريء يده!؟
وما هو موقع اليد من الإعراب؟
وخسئتم انتم وصحبكم
وليد حبش شنو ياخي تعرف ود عكاشة ده هسع قرب يبقى وزير النقل في سانتا ماريا هسع بقى مع الأسبان والبوست بتاع أبواليد (اللواط في القانون الجنائي السوداني).. حبش انت ياخي!
أمير
|
Post: #37
Title: Re: زول.. كضـــاااب
Author: وليد محمد المبارك
Date: 10-25-2010, 06:31 AM
Parent: #36
| Quote: هسع بقى مع الأسبان |
بالله !!
يهني مثلا بعرف كاسياس ؟
نقل شنو تلاقاه سايق ليه دفار من دفارات الامريكان الكبيره ديك .. انا عارفو فهمو تقيل .. السواقة ذاتها هنا ما كان بعرفها
|
Post: #38
Title: Re: زول.. كضـــاااب
Author: هاشم نوريت
Date: 10-25-2010, 06:54 AM
Parent: #37
سلام يا الشفت
انت قايل الكضب دا هين ولا لين ياخ عشان تكضب لازم تلفونك يكون سنين وعندك قدرات فائقة كمان
لكن انت ######## ليه لا فى الصينية الطويلة دى غايتو انا قطعت ليك نص المسافة كمل براك
|
Post: #39
Title: Re: زول.. كضـــاااب
Author: وليد عبد اللطيف
Date: 10-25-2010, 07:04 AM
Parent: #38
كضاب كضاب مستعد احلف بكتاب
كتاب جغرافيا وللا حساب
---------------------------
سلامات ياولى
|
Post: #40
Title: Re: زول.. كضـــاااب
Author: فدياس نجم الدين
Date: 10-25-2010, 07:19 AM
Parent: #39
وليد المبارك
إنت ما دام بتكتب كلام زي ده المقعدك معانا هنا شنو
ما شاء الله عليك وعيني بارده
ماعارف ليه في لمن قريت كلامك ده جاء في خاطري أغنيه عقد الجلاد دي
Quote: شين ودشن
حر سيافى شين
شين ودشن كلمةمافى شين
وهظاروا خشن
بسموم وسوافى
تسال شن الحبة الفيهو
الحب في ذاتو مبرر كافي
ماشين ودشن حار سيافى شين
عشان بقعة خراب
مافيها شجر
راويها سراب واطاطا حجر
حصحاصا يولع في الرمضاء
الحب سلطان مسلط نافى
لغيروا مرض لكن شافي
الشعب الحر الفعلو بسر
آب لحما مر
في الزنقة أم لوم قدام ميلين
البسمع فيهم يا أبو مروة
بي فرارة ينط من جوة
يبادر ليك من غير تأخير
دا اخو الواقفة يتعشى الضيف
الحافظ ديمة حقوق الغير
سيد الماعون السالي السيف
الهدمو مترب وقلبو نظيف
لا تسالنى عن حب وطني الفقران وغنى |
ضمنا بالله لرابطه المعجبين
|
Post: #41
Title: Re: زول.. كضـــاااب
Author: الشاذلى خيرى عبد الله
Date: 10-25-2010, 07:54 AM
Parent: #40
| Quote: السماجة كما اسلفنا هي احساس يتولد احساس تراه يتبع البعض هي مثل قشر بريتكان وموز وبطيخ يتم ادخالهم في كيس ويترك عدة ايام ويضاف اليهم ملاح ويكة بايت تلاتة ايام في الحلة برة التلاجة , يترك هذا المزيج لخمسة ايام في كيس القمامة وتنسي عربية القمامة ان تمر علي الدار ويجلس اسبوع اخر و ليرمي في الشارع وتمر سيارة مسرعة تدوس علي هذا الكيس وما يخرج منه لحظئذً هو مقارب للسماجة التي يشيعها هشام ادم حوله |
ماينتابنى اكثر من هذا يا اساسى ..
اكثر بكثير والله ..
ــــــــــــ
سلامات يا وليد.
|
Post: #42
Title: Re: زول.. كضـــاااب
Author: Ammir Mohamed
Date: 10-25-2010, 08:01 AM
Parent: #37
| Quote: نقل شنو تلاقاه سايق ليه دفار من دفارات الامريكان الكبيره ديك .. انا عارفو فهمو تقيل .. السواقة ذاتها هنا ما كان بعرفها |
والله فهمو تقيل دي في لكن بيني وبينك الفهمو تقيل ده لمن يعلمك الطباعة على لوحة المفاتيح!! سواقة شنو يا عمك ده هنا كان شغال سواطة وأكله كله ماشي في لسانو وسيقانو!
أها انت وأخوك الكاشف ود القاضي يعني عملت رايح من الشعر الرصين الأنا رسلتو عشان أدخل معاكم نقابة المبدعين!
|
Post: #43
Title: Re: زول.. كضـــاااب
Author: فايزودالقاضي
Date: 10-25-2010, 08:31 AM
Parent: #42
| Quote: أها انت وأخوك الكاشف ود القاضي يعني عملت رايح من الشعر الرصين الأنا رسلتو عشان أدخل معاكم نقابة المبدعين |
الاخ امير من غير زعل نحن الزى شعرك النقلتو ده ماقاعدين ننكفئ ليهو ...انا والاخ الاديب وليد مشغولين اليومين ديل بإجراءت اطلاق جائزة (الاديب وليد المبارك للآداب ) ..جائزة الطيب صالح راحت عليها ...
|
Post: #44
Title: Re: زول.. كضـــاااب
Author: وليد محمد المبارك
Date: 10-25-2010, 09:56 AM
Parent: #43
يا جماعة اسمحو لي اعمل الحركة دي من زمااااان ماكلاني
وهي انو اكتب ليكم
السادة الحضور اشكركم فردا فردا
ساتي للرد عليكم معقبا واحدا واحدا ... لاحقا..
وكاااااااااااااااااااااااااااااااااااااااااااك
_______________
يا جماعة واحد يشففني
بعد كتبت الكلام ده مفروض اغيب كم يوم كده حتين ابدا ارد على الناس
|
|