Post: #1 Title: يا شباب دا الهكر ولا كلام ادارة ؟ Author: Maawya Hussein Date: 10-23-2010, 10:54 AM Parent: #0
Post: #2 Title: Re: يا شباب دا الهكر ولا كلام ادارة ؟ Author: Maawya Hussein Date: 10-23-2010, 10:56 AM Parent: #1
ولو دا ما شغل تهكير هل قامت الجهه المنظمه بارسال تتلك المناشده علي الاعضاء لطرحها باسمائهم ام قامت الادارة بكتابة الا المناشدات انابه عن الاعضاء؟
Post: #3 Title: Re: يا شباب دا الهكر ولا كلام ادارة ؟ Author: محمد عبد الماجد الصايم Date: 10-23-2010, 10:57 AM Parent: #2
مناشدة من الأعضاء كل باسمه يا معاوية ماف تهكير وماف أي حاجة مجرد محاولة للفت النظر للحملة الثانية لإغاثة طوكر
الأمر ممكن يكون مزعج شوية لكن القضية تحتاج أكتر من كـدا
Post: #5 Title: Re: يا شباب دا الهكر ولا كلام ادارة ؟ Author: Maawya Hussein Date: 10-23-2010, 11:02 AM Parent: #3
Quote: الأمر ممكن يكون مزعج شوية لكن القضية تحتاج أكتر من كـدا
دا ما ازعاج يا محمد دي فوضه منظمه مع احترامي ليك وللقائمين علي المناشده ..رساله واحده مثبته اعلي المنبر او اسفله كافيه للفت نظر الاعضاء والضيوف
Post: #9 Title: Re: يا شباب دا الهكر ولا كلام ادارة ؟ Author: محمد عبد الماجد الصايم Date: 10-23-2010, 11:05 AM Parent: #5
Quote: دي فوضه منظمه
طيب ومالو .. ما ياهو استحملتوا الجبهة العريضة والجبهة الطولية .. وأقوال وأفعال .. استحملونا شوية ياخ! لحدي ما الريس يصحى ويديكم ليها بدل (الحالة شلش)!!
Post: #6 Title: Re: يا شباب دا الهكر ولا كلام ادارة ؟ Author: نجلاء سيد أحمد Date: 10-23-2010, 11:02 AM Parent: #3
شكرا الناس فى جنوب طوكر تحتاج للتحرك بسرعة والباقى سبعة ايام فقط وشكرا لتضامنكم من اجل انسان جنوب طوكر
Quote: مناشدة من الأعضاء كل باسمه يا معاوية ماف تهكير وماف أي حاجة مجرد محاولة للفت النظر للحملة الثانية لإغاثة طوكر
الأمر ممكن يكون مزعج شوية لكن القضية تحتاج أكتر من كـدا
Post: #8 Title: Re: يا شباب دا الهكر ولا كلام ادارة ؟ Author: nazar hussien Date: 10-23-2010, 11:05 AM Parent: #3
يا معاوية ازيك
البوست الوحيد الخشيتو بشأن المبادرات دي هو بوستك دا...وافترضت بان في الامر تهكير ما ولا زلت غير مطمئن...
كان يمكن ان تكون المبادرة واحدة... ومدعومة من قبل بكري...كأن يتم تثبيتها مثلا... وتكرار العنوان يفهم علي انه من هكر...كما تعودنا هنا من بوستات بعناوين مثل 99999
999999 99999999 او @@@@@@@@@@@@@@@@@@@
Post: #11 Title: Re: يا شباب دا الهكر ولا كلام ادارة ؟ Author: Maawya Hussein Date: 10-23-2010, 11:12 AM Parent: #8
ما كان الاجدي ينزار بدل اغراق المنبر والصفحه الاول بمناشده واحده ان يتم الاتفاق مع الاعضا المعنييين برفع بوست واحد للمناشده !؟
Post: #4 Title: Re: يا شباب دا الهكر ولا كلام ادارة ؟ Author: لؤى Date: 10-23-2010, 11:00 AM Parent: #1
Post: #10 Title: Re: يا شباب دا الهكر ولا كلام ادارة ؟ Author: Maawya Hussein Date: 10-23-2010, 11:09 AM Parent: #4
سلامات يا لؤي
Quote: فـي إدارة بتـعمل كدا فـي موقعها ؟
والله يا لؤي ماعارف اقول ليك شنو غير انو دي فوضي مؤسسه وما عندها اي علاقه بالعمل المؤسسي وبالعكس لو علم صاحب هذه الفكره بانه اضر بمناشدته ووئدها بهذا التصرف المبني علي اسلوب الهكر
Post: #13 Title: Re: يا شباب دا الهكر ولا كلام ادارة ؟ Author: Maawya Hussein Date: 10-23-2010, 11:18 AM Parent: #10
هل تقوم ادارة المنبر بتطبيق الفقره 18 من قوانين المنبر العام لكل من شارك في هذا العمل
Quote: - لا يسمح باغراق المنبرالسيرفا بصورة متعمدة برفع مواضيع لعضو معين او بمواضيع معينة الى الصفحة الاولى او بشكل لا نهائي أو بفتح عدد لا نهائي من البوستات في وقت واحد….أو فتح بوستات مختلفة من نفس العضو لنفس الموضوع
Post: #14 Title: Re: يا شباب دا الهكر ولا كلام ادارة ؟ Author: Nasruddin Al Basheer Date: 10-23-2010, 11:19 AM Parent: #10
Quote: واشك ان الاخ بكري علي علم مسبق بهذه البوستات ..يا نصر الدين
يعني ممكن نقول ده هكر مسلم.. أي هكر من الإدارة..
______________ غايتو بكري حر في منبرو الحر يهكرو، يأرشفو، يشلخو.. ما علينا..
Post: #15 Title: Re: يا شباب دا الهكر ولا كلام ادارة ؟ Author: عبدالعزيز حسين عبدالرحيم Date: 10-23-2010, 11:21 AM Parent: #10
شكرا يا معاوية
تصدق أنا كنت قايل الموقع مهكر بالجد
Post: #17 Title: Re: يا شباب دا الهكر ولا كلام ادارة ؟ Author: Maawya Hussein Date: 10-23-2010, 11:26 AM Parent: #15
Quote: تصدق أنا كنت قايل الموقع مهكر بالجد
الرساله موجهه للاخ محمد ود الصايم ومتبنيي الفكره ..مافي زول ضد عمل الخير ولا ضد نشر عمل الخير لكن ما بي الاسلوب الهمجي دا
Post: #18 Title: Re: يا شباب دا الهكر ولا كلام ادارة ؟ Author: نجلاء سيد أحمد Date: 10-23-2010, 11:26 AM Parent: #15
سلام واحترام للجميع من اجلهم نحتمل الموت موش الايقاف مرحباب اى تصرف من الادارة
سرعة تحركنا يوقف موت فرد من جنوب طوكر
Post: #16 Title: Re: يا شباب دا الهكر ولا كلام ادارة ؟ Author: محمد البشرى الخضر Date: 10-23-2010, 11:24 AM Parent: #10
Quote: لكن القضية تحتاج أكتر من كـدا
نفس منطق هباني و مصطفى محمود و الهكر كل واحد شايف انو قضية ما تستحق عدم المراعاة للآخرين
Post: #19 Title: Re: يا شباب دا الهكر ولا كلام ادارة ؟ Author: محمد عبد الماجد الصايم Date: 10-23-2010, 11:30 AM Parent: #16
مصطفى وهباني .. بالغت جنس بوليغ!
Post: #22 Title: Re: يا شباب دا الهكر ولا كلام ادارة ؟ Author: طلحة عبدالله Date: 10-23-2010, 11:35 AM Parent: #19
والله بصراحة انا كنت قايلو دا هناي لكن اها فوق .
Post: #21 Title: Re: يا شباب دا الهكر ولا كلام ادارة ؟ Author: بخاري عثمان الامين Date: 10-23-2010, 11:35 AM Parent: #16
Quote: هل تقوم ادارة المنبر بتطبيق الفقره 18 من قوانين المنبر العام لكل من شارك في هذا العمل
الاخ معاوية .. انا شاركت في هذا العمل وحتي لا احرج الادارة فستكون هذه المداخلة اخر ما اكتبه في
البورد واتمني ان تكون فعلتي قد لفتت لو نظر قارئ واحد وكتب العناوين ليرسل ان شاء الله درب تروية
لطفل يموت هناك من الجفاف وما تزعل يا حبيب.
لسنا مثل اولئك الذين يغرقون البورد بعناوين صارخة كلها البشير فعل والبشير ترك ...
Post: #23 Title: Re: يا شباب دا الهكر ولا كلام ادارة ؟ Author: نجلاء سيد أحمد Date: 10-23-2010, 11:42 AM Parent: #21
Quote: الاخ معاوية .. انا شاركت في هذا العمل وحتي لا احرج الادارة فستكون هذه المداخلة اخر ما اكتبه في
البورد واتمني ان تكون فعلتي قد لفتت لو نظر قارئ واحد وكتب العناوين ليرسل ان شاء الله درب تروية
لطفل يموت هناك من الجفاف وما تزعل يا حبيب.
لسنا مثل اولئك الذين يغرقون البورد بعناوين صارخة كلها البشير فعل والبشير ترك ...
وابصم على كلام رفيق دربى بخارى واتحمل المسئولية
Post: #24 Title: Re: يا شباب دا الهكر ولا كلام ادارة ؟ Author: Maawya Hussein Date: 10-23-2010, 11:43 AM Parent: #21
سلام يا بخاري ونجلاء
عشان نكون منطقييين وواقعييين وما نكابر ساكت ممكن سريع كدا تعملوا نظره عامه علي الصفحه الاولي في المنبر واعملوا احصائيه علي عدد الـ100 بوست المفتوح للمناشده وشوفوا عدد المشاهدين للبوستات كم ؟ شوفو عدد الناس المتداخلين كم ؟ للاسف بي اسلوبكم دا نسفتوا مجهودكم لدعم طوكر واهل طوكر ونفرتوا الناس من الفكره بدل ما تجزبوهوم ليها لانكم بي بساطه اتبعتوا اسلوب مرتبط هنا في اذهان الكثيرين باسلوب الهكر والتهكير المر علي الموقع ..خليكم منطقييين شويه وقضية طوكر قضيه انسانيه في المقام الاول اتمني الا تلوث وتاخذ صبغه سياسيه في المنبر العام
Post: #25 Title: Re: يا شباب دا الهكر ولا كلام ادارة ؟ Author: محمد البشرى الخضر Date: 10-23-2010, 12:20 PM Parent: #24
Quote: سلام واحترام للجميع من اجلهم نحتمل الموت موش الايقاف مرحباب اى تصرف من الادارة
وماذا سيستفيد مواطني طوكر من إيقافكم أو الموت لا سمح الله
Post: #26 Title: Re: يا شباب دا الهكر ولا كلام ادارة ؟ Author: سمندلاوى Date: 10-23-2010, 12:21 PM Parent: #24
Post: #27 Title: Re: يا شباب دا الهكر ولا كلام ادارة ؟ Author: Maawya Hussein Date: 10-23-2010, 12:31 PM Parent: #26
ودي مساهمه مني علي نشر المناشده في الفيس عشان ما احسب اني ضد عمل الخير لاهل طوكر
Post: #28 Title: Re: يا شباب دا الهكر ولا كلام ادارة ؟ Author: عبدالعزيز حسين عبدالرحيم Date: 10-23-2010, 12:43 PM Parent: #27
يا معاوية
ما تحتسس مافينا زول همته واطيه والحمد لله الناس كلها عارفه ومجتهدين والعمل الغير معلن برضه كبير كنا نفضل أنه يتم التنسيق مع بكري لوضع شعار للنداء في مكان يشوفوه الاعضاء والزوار بي ايقونه او عنوان او اي طريقة مناسبة
شكرا على نشرك النداء في الفيس بوك بس لو لقيت ليك طريقة تشيل الاعلان بتاع الجبهة العريضة دا كمان لانو برضه حا يضر اكتر مما ينفع
Post: #29 Title: Re: يا شباب دا الهكر ولا كلام ادارة ؟ Author: Maawya Hussein Date: 10-23-2010, 12:50 PM Parent: #28
عمل الخير ما مختصر علي اعضاء وقراء الاون لاين يا عبد العزيز ..كنت اتمني ان يسعي القائمين علي الفكره علي توزيع جهودهم لايصال الفكره علي جميع المنتديات والمواقع السودانيه او التي يتواجد فيها سودانيين بدلا من تكرار الفكرة والنداء بشكل ممل ومكرر في موقع واحد ولمدة ساعه واحده ..
بدوري قمت بنشر الفكره في الفيس بوك وفي موقعي الشخصي تحت هذا الرابط واتمني من الاعضاء القيام بنشره في المواقع التي تتيح لهم عمليه النشر
Post: #30 Title: Re: يا شباب دا الهكر ولا كلام ادارة ؟ Author: جمال الباقر Date: 10-23-2010, 01:10 PM Parent: #29
Quote: ما بي الاسلوب الهمجي دا
؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!
Post: #32 Title: Re: يا شباب دا الهكر ولا كلام ادارة ؟ Author: heba Elmahi Date: 10-23-2010, 02:43 PM Parent: #30
Quote: عشان نكون منطقييين وواقعييين وما نكابر ساكت ممكن سريع كدا تعملوا نظره عامه علي الصفحه الاولي في المنبر واعملوا احصائيه علي عدد الـ100 بوست المفتوح للمناشده وشوفوا عدد المشاهدين للبوستات كم ؟ شوفو عدد الناس المتداخلين كم ؟ للاسف بي اسلوبكم دا نسفتوا مجهودكم لدعم طوكر واهل طوكر ونفرتوا الناس من الفكره بدل ما تجزبوهوم ليها لانكم بي بساطه اتبعتوا اسلوب مرتبط هنا في اذهان الكثيرين باسلوب الهكر والتهكير المر علي الموقع ..خليكم منطقييين شويه وقضية طوكر قضيه انسانيه في المقام الاول اتمني الا تلوث وتاخذ صبغه سياسيه في المنبر العام
مـعـاويـة سـلام أتفق معاك تماما" في رأيك ، مافي داعي لإغراق المنبر بعدد لانهائي من البوستات لنفس الموضوع ، و صدقوني من لم بهتم بالموضوع من المناشدة الاولي أو البوست الاول لن يهتم بالخمسين بوست المفتوحين الان !! الحكاية ما دايرة ليها لفت نظر عن طريق الفوضي الحاصلة دي الحكاية و مافيها موقف انساني و محتاج سرعة تحرك و الكلام دا ممكن يتكتب في بوست واحد و الناس المهتمة دي كلها تحرص انها ترفعه بالكتابة عن حجم الماسأة هناك و بالصور و دا براهو كفاية ! بالاضافة الي رفع البوست في العناوين الرئيسية .
نجلاء و بخاري بطلًوا حردان و واصلوا مجهوداتكم المقدرة من غير ما تدفنوا لينا المنبر تحت أتربة طوكر البعرفها ديك
Post: #31 Title: Re: يا شباب دا الهكر ولا كلام ادارة ؟ Author: نجلاء سيد أحمد Date: 10-23-2010, 02:22 PM Parent: #27
Quote: وقضية طوكر قضيه انسانيه في المقام الاول اتمني الا تلوث وتاخذ صبغه سياسيه في المنبر العام
الاخ المحترمMaawya Hussein
سلام واحترام فى المقام الاول ومنعول ابوها السياسة الجابت على الشعب السودانى السجم والرماد
بس وين الصبغه السياسية وانا ماجبت سيرة حكومة فى كل بوستاتى عكست مأساة انسانية واناشد الناس من اجل انسان طوكر وحتى الوزير لمن سير قافلة انا صورت تحركها وافرته مساحة لان القافلة يحتاجها انسان طوكر لو من الدولة او خلافها