Post: #1
Title: واحدة فرضت نفسها عديل كدا!
Author: زهير عثمان حمد
Date: 10-22-2010, 01:32 PM
#
شوفي يافلانة بت ناس علان
عاملة ظريفة وأخر رشاقة
عارفك لانضيفة ولا مستحميه كمان
و قالت بتمشي السونا والكوفير
ويتعشي في أمواج
وعضوة في نادي التنس
وعربيتا كلاك هونداي
و شلتاناس بكينام ورهام
ما بتدخن ولا بتشرب الشيشه
(تمباك ؟أخيييييييييي
ألله أقرفك)
خلاص ياقرفنابت ليمون
ياشبه النسوان سنة ستا
تعرفي أنا أتكلمت معك ليه
والله ما ع########ي
لكين من ناحية أنسانية
عايز أرفع معنوياتك
وأمجاملك نحن مأ أصلوا
ظارف وبندي الانثي مكانتا
والله كان شوفتوها تصوروا
معهاللذكري والتاريخ
وغير النعجة دوللي حقيقة يابت الناس ما ليك مثيل
الشعر قالت أخر صيحة أفرو دائري وفيهو تموجات ألوان والله تعبانة مالك خليهو كان منفوش أحسن
عليك الله لشنو انت بتمشي الكوفير ما الصلعة أجمل والكري بيليق عليك بالله أبعد من المجتمعات عشان أطفالناما يتخلعوا في النوم
بالله أبعدي مني عشان دنياي تصف
انت قايلة القبة تحتا فكي
والله ما عندي غير ###### ولاب توب
بتوجاز وغسالة بس يابانية
وشاغل في وظفيتي جربانة جدا
ياحافظ وكان دايرا تعرفي التفاصيل أسالي الجندريات الجدد
ح اكون صريح معك من البداية أسمك تقليدي و كمان بلدي جدا وعاملة فيها عصرية ومتحضرةوبتقولي لوكة اللبن مخسرة الاسلو دانص قلة أدب والله وبصراحة كدا أنت من عصورا سحيقة وضاربة في القدوم المهم حسي أنا نيام الجابك هنالي شنو في الحلم جنس عكلتا ومحاولات أحتواء لكين لقيتك جريئة وخطيرة بس ما أنا يا أجمل حاجة فيك توبك من دبي مش كدا !
بالله حالتي دي محتاجة لشنو ؟ سؤال صريح جدا وبمنتهي الشفافية بسألكم ما تقصروا
الاخت انت برا المسألة كفاية عكنانه عليك الله .
كنت نيام بعمق والله لقيتا في المنام والماسنجر وأظنها ضربت تلفون .
*الحل يا ود الصايم
*أنعام حميورة ألله ما بسألك مافي داعي للمؤامرات !
|
Post: #2
Title: Re: واحدة فرضت نفسها عديل كدا!
Author: منال
Date: 10-22-2010, 01:43 PM
Parent: #1
هههههههههههههههههههههه
غايتو يازهير انت عسل بتروح الزهجه عديل كده .....
|
Post: #3
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 01:45 PM
Parent: #2
منال
كيفك
لكين دي ما انا قربت أنتحار منها !؟؟
|
Post: #5
Title: Re: واحدة فرضت نفسها عديل كدا!
Author: رانيه محمد الشيخ
Date: 10-22-2010, 01:50 PM
Parent: #3
لكن ما خليت ليها جنب تتقلب عليه
لكن قولت لى داير راينا بصراحه
فى شنو بالضبط
غير انك مسحت بيها الواطه ما فهمت اى حاجه
|
Post: #7
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 01:58 PM
Parent: #5
الاخت ولاالابنة المهم
رانية أزيك وأهلابيك بيننا وأنشالله ما تكوني من الجندريات الجدد
أنا عايز نصائح والمسألة رانية ليها تاريخ في المنبر هنا انت ما كنت معنا المهم هي والله ثقيله لكين الحق يقال صاحبة أمكانيات لكين أخوك عايزة أتجوز أنسانة ما صرافة مشاعر وأحاسيس وكمان شكل معقول الجمال دا جمال الروح يابت الشيخ
شكر ليك رانية
|
Post: #4
Title: Re: واحدة فرضت نفسها عديل كدا!
Author: سارة علي
Date: 10-22-2010, 01:48 PM
Parent: #2
ههههههههههههههههه
وجودك هنا اهم من وجود بكري سيد الحوش
|
Post: #6
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 01:51 PM
Parent: #4
الاخت سارة علي
تحياتي
وشكرا ليك دا من ذوقك لكين ما لدرجة دي
بس تعبت من البت دي أنا جدا
|
Post: #8
Title: Re: واحدة فرضت نفسها عديل كدا!
Author: osman righeem
Date: 10-22-2010, 02:07 PM
Parent: #6
شاعر مابعد الحداثة شاعر الواقع المعطون بالم التقصير
و جفاف الموارد وتناسل الاحتياجات
شاعر الواقعية المقرؤة من دواخل الاحداث ونمطية اعادة التاريخ لنفسه
في نمطية غبية تحكمها متلازمة الفقر المثقبة و الشواكيش
واحابيل صائدات الجوائز و عوانس المطارات الحزينة
و فردات الحزن القديم وقدراتهن الانتهازية الواعية كما اللذين إتمرو بعد
تم التملص من الشيخ حسن
ايها الشعار المعطار وقف الليل ببابك المحروس بالـكـلـب الذي تفوح منه روائح الشامبو
يسالك الليل عن الصباح والطائرات القادمات برجال ونساء
اين منك فرحة الغيد وهل تكون هذا العيد فرحتان
ايها الشاعر المعطار غني للنوارس علي شواطئ البحيرات الصغيرة
ودع ناذر يغني أم ستهرب كما عهدناك دائما
هارب من الدامة الي الدامة
اين المفر .... التتر قادمون ؟؟؟
عشان تقول عايزلي عروس ... خليك قدر الكلام
|
Post: #9
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 02:23 PM
Parent: #8
أستاذي وصديقي عثمان متعك ربي بالعافية
وجمعة مباركةلك وللاسرة الكريمة
تعرف ما هارب بس دي هجوم مسلح عديل من مقاس الجزامة لون الكرافتا معقول ياأستاذ من عدم الفقر للموت الاجتماعي والانساني كل شيء كمان بالعقل مطلوب والغربيه عارفة أنو انا عارف تاريخا السري والشخصي بس دا أسمو أستغلال ظروف والله أخر لي ######ي المعطر بالشامبومن رفقة العدم بمعناهو ال########
لن أهرب ولكن الحرب بدأت ياصديقي والحصار رهيب نملة ما تمرق حتي أتصلو بأقرب الاقربيين طلبو صورة الجواز بس ما أنا اللي بغرق في صورة جميلة ولا وعود ورديةأو جاري وراء أقامة في عاصمة مخمية
لك كل الود
كونوا معاي بالله الزوالة جادة جدا
وقالت لواحدة صاحبتا (للعرس خمسين مليون وللفكي عشرة مليون شوف أخوك غالي كيف )
ليك أنا برضو من الذكرين السحر ما بيمشي فيني
ولك كل الشكر أستاذي
|
Post: #10
Title: Re: واحدة فرضت نفسها عديل كدا!
Author: رانيه محمد الشيخ
Date: 10-22-2010, 02:29 PM
Parent: #8
ما عرفت يعنى شنو جندرات
لكن دى ما مهمه حسى
خلينا فى الحكايه اللى ليها جذور وخلفيات انا ما عرفاها
وعشان اساعدك برائى ادينى ملخص بدل اتفلسف فيك ساى بدون فهم اخى الفاضل
|
Post: #11
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 03:01 PM
Parent: #10
رانية
والله القصة طويلة بس حسي أقري البوست القديمة من خلال البوست ح تعرفي حاجةوأمكن تقدري تحددي منو اللي بدأ المعركة معي في مسألة أنو أنا ببحث عن زوجة بمواصفاتي أناالمهم ما حصلت الربط للموضوع القديم لكين االمسألة زواج مازواج بس دي حسي عاملة هي ست الجلد والرأس ربنا يفكني منها
|
Post: #12
Title: Re: واحدة فرضت نفسها عديل كدا!
Author: رانيه محمد الشيخ
Date: 10-22-2010, 03:23 PM
Parent: #11
أقوليك حاجه بصراحه
اذا الفهمتوا صح
ان الزوله دىى مضيقاك
وما عايز معاها تواصل
مديها فرقه تتكلم معاك ليه
فى ماسنجر او تليفون
مافى اسهل من قطع التواصل
كان لبنت كان لولد
انت البتقدر تحدد منو يتواصل معاك ولا لا بطرق كتيره
لكن غاوى تعذب نفسك بوجودها بان تجعل التواصل متاح وتشتكى دى ما منطقيه
وفكرة الزواج لا تأتى بالكلام
قالوا لا تقف تلعن الظلام وابحث عن شمعه تضيئها
احتمال اكون فهمت الفكره والموضوع غلط
اعفى لى لو تفسيرى ما كان متوافق فعليا مع جوهر قصدك
|
Post: #13
Title: Re: واحدة فرضت نفسها عديل كدا!
Author: حمور زيادة
Date: 10-22-2010, 03:33 PM
Parent: #12
حبيبة سودانية .. نورت المنبر
|
Post: #14
Title: Re: واحدة فرضت نفسها عديل كدا!
Author: haroon diyab
Date: 10-22-2010, 03:41 PM
Parent: #13
زهير ياصاحب
شكيتك علي الله
|
Post: #19
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 08:00 PM
Parent: #14
أخوي هارون دياب
مساء الخير
لكين ما فقعت مرارتي ياخي أسوي شنو غير كدا
|
Post: #15
Title: Re: واحدة فرضت نفسها عديل كدا!
Author: willeim andrea
Date: 10-22-2010, 03:47 PM
Parent: #13
لاكين بالغته يا زهير :)
|
Post: #20
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 08:04 PM
Parent: #15
الفنان وليم
تحياتي
عادي ما تحزن أصلو المعركة بدات وكان لازم فض الاشتبك كدا
|
Post: #16
Title: Re: واحدة فرضت نفسها عديل كدا!
Author: رانيه محمد الشيخ
Date: 10-22-2010, 03:54 PM
Parent: #13
منور بيكم والله يا حمور
|
Post: #17
Title: Re: واحدة فرضت نفسها عديل كدا!
Author: منال
Date: 10-22-2010, 04:00 PM
Parent: #16
Quote: أستاذي وصديقي عثمان متعك ربي بالعافية
وجمعة مباركةلك وللاسرة الكريمة
تعرف ما هارب بس دي هجوم مسلح عديل من مقاس الجزامة لون الكرافتا معقول ياأستاذ من عدم الفقر للموت الاجتماعي والانساني كل شيء كمان بالعقل مطلوب والغربيه عارفة أنو انا عارف تاريخا السري والشخصي بس دا أسمو أستغلال ظروف والله أخر لي ######ي المعطر بالشامبومن رفقة العدم بمعناهو ال########
لن أهرب ولكن الحرب بدأت ياصديقي والحصار رهيب نملة ما تمرق حتي أتصلو بأقرب الاقربيين طلبو صورة الجواز بس ما أنا اللي بغرق في صورة جميلة ولا وعود ورديةأو جاري وراء أقامة في عاصمة مخمية
لك كل الود
كونوا معاي بالله الزوالة جادة جدا
وقالت لواحدة صاحبتا (للعرس خمسين مليون وللفكي عشرة مليون شوف أخوك غالي كيف )
ليك أنا برضو من الذكرين السحر ما بيمشي فيني
ولك كل الشكر أستاذي |
ههههههههههههههههههههههههههههههههه
غايتو حاولت اركب الكلمات عشان اطلع بى جملة ما قدرت .
|
Post: #22
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 08:07 PM
Parent: #17
الحمد لله يا منال بقيت أكتب بالرمزية المعاصرة في شوارع أمدرمان أيد عايزليك مترجم من حواري العباسية
أنت عايزا تطلعي بشنو والله أشرح ليك
|
Post: #18
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 07:56 PM
Parent: #12
لكن غاوى تعذب نفسك بوجودها بان تجعل التواصل متاح وتشتكى دى ما منطقيه
شوفي عافي ليك دنيا وأخر والله أنت أنسانة برئية بس ما عارفة دنيا العوانس فيها ألله ما يجعلك منهن
ليك كل الود رانية
وبعدين دي عندها أساليب ولا المخابرات مصرية !
المهم سعدت بتواصل عزيزتي المبجلة
|
Post: #21
Title: Re: واحدة فرضت نفسها عديل كدا!
Author: ود الباوقة
Date: 10-22-2010, 08:05 PM
Parent: #18
زهير
اتعاني من حب مكرفس في ضلوعك
ام هي خواطر فيل ...........
|
Post: #23
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 08:35 PM
Parent: #21
ودالباوقه
أخوي كيفك
أها الحرب متين بالله فكني من الواقع المرير دا أناأول متطوع معكم أنشالله يا فردة
|
Post: #24
Title: Re: واحدة فرضت نفسها عديل كدا!
Author: ود الباوقة
Date: 10-22-2010, 08:40 PM
Parent: #23
| Quote: أها الحرب متين بالله فكني من الواقع المرير دا أناأول متطوع معكم أنشالله يا فردة |
يعني خلاص بقيت على الحور العين
قنعت من العرس .......
|
Post: #25
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 08:49 PM
Parent: #24
ياله حور عين تمام برضو نهاية سعيدة
|
Post: #26
Title: Re: واحدة فرضت نفسها عديل كدا!
Author: ود الباوقة
Date: 10-22-2010, 08:53 PM
Parent: #25
| Quote: ياله حور عين تمام برضو نهاية سعيدة |
خلاص خليك جاهز .............
|
Post: #27
Title: Re: واحدة فرضت نفسها عديل كدا!
Author: الوليد الرشيد وراق
Date: 10-22-2010, 09:37 PM
Parent: #26
Quote: يعني خلاص بقيت على الحور العين
قنعت من العرس |
|
Post: #28
Title: Re: واحدة فرضت نفسها عديل كدا!
Author: معاوية عبيد الصائم
Date: 10-22-2010, 09:43 PM
Parent: #27
المغرب والتمدن ؟
|
Post: #29
Title: Re: واحدة فرضت نفسها عديل كدا!
Author: محمد البشرى الخضر
Date: 10-22-2010, 10:14 PM
Parent: #28
| Quote: يعني خلاص بقيت على الحور العين |
يا ود الباوقة يقول ليك عايز يتطوع طوالي تقول ليه حور عين
حربكم دي اتجاه واحد ما فيها نصر ولاّ كيف ؟
يا ابو الزهور الحاصل شنو ؟ الحلقة الفاتت المسائل كانت ماشة كويس
|
Post: #30
Title: Re: واحدة فرضت نفسها عديل كدا!
Author: زهير عثمان حمد
Date: 10-22-2010, 10:40 PM
Parent: #29
ود البشري
تحياتي
والله دي واحدة سمعت أخوك عايز عروس جاءت بكل فرضيات الممكن والمعقول ولا معقول وقالت هي العروس وزهير ما حبا غيرا وقصةأستهبل وأسلوب الحالة واحدة داك وكم من المغريات والاشاعات في عدد من مدن الخليج زي دبي وأبوظبي وجدة والرياض وصلالة وكمان الخرطوم العاصمة مسألة تخريب سوق أسلوب ومقاصات كدا بدعم من شلة الصديقات وكمان قالوا خلاص أنا رسالت صورة الجواز عشان الزيارة ومقاس الجزمة ولون البدلة ومقاسابالله مالي حق أهيج وأهجوها هذا الهجاء البشع
المهم دا كل الموضوع يا صديقي دعواتك بالفكاك منها بأقل خسائر !
لك كل الود الاجلال
|
Post: #31
Title: Re: واحدة فرضت نفسها عديل كدا!
Author: Mohamed Bannaga
Date: 10-23-2010, 04:52 AM
Parent: #30
ابو الزهور
مالك اّزول خبارك .. نحنا ما خليناك قربت تقبض بى غادي
قبضوك في رغبتك
غايتو الزولة دي ان بقت قرضت عليك كويس معناها حلتك حرقت
اها انت قوم سايسا شوية شوية .. شكلها كدي دايرة WD40
يا زول ربك بحلها ما تشيل هم
تحياتي دوما و تمنياتي لك بالتوفيق
|
Post: #32
Title: Re: واحدة فرضت نفسها عديل كدا!
Author: محمد عبد الماجد الصايم
Date: 10-23-2010, 06:16 AM
Parent: #31
أبو الزيكـ يا فـردة
ما خليت لينا حاجة نتمتها ليكـ زاتو!!
_
أنا داير إنعام .. نادوا لينا إنعام .. يجازي محنكـ يا إنعام
|
Post: #50
Title: Re: واحدة فرضت نفسها عديل كدا!
Author: انعام حيمورة
Date: 10-25-2010, 08:38 AM
Parent: #32
| Quote: *أنعام حميورة ألله ما بسألك مافي داعي للمؤامرات ! |
الليلة وووب على قول اميرة الشيخ انا اسمي مكتوب .. طيييب
ياخ انت لاقي واحدة تفرض نفسها عليك كنا وين وبقينا وين يا زهير ههههههههههههههههههههههههههههههههه
| Quote: أنا داير إنعام .. نادوا لينا إنعام .. يجازي محنكـ يا إنعام |
--
الله يجازي محنك يا عثمان ههههههههه
|
Post: #51
Title: Re: واحدة فرضت نفسها عديل كدا!
Author: محمد عبد الماجد الصايم
Date: 10-25-2010, 09:04 AM
Parent: #50
النجيضة يا إنعام .. الشربوت بلوهو من هسي!
بتاع السنة الفاتت كان درجة رابعة .. السنة
دي إن شاء الله نلقاهو درجة تلاتة وخمسين طوالي!
|
Post: #53
Title: Re: واحدة فرضت نفسها عديل كدا!
Author: انعام حيمورة
Date: 10-25-2010, 09:26 AM
Parent: #51
النجيضة ياود الصايم زهير دا طلع مفتح خلاص
ههههههههههههههههه
|
Post: #33
Title: Re: واحدة فرضت نفسها عديل كدا!
Author: زهير عثمان حمد
Date: 10-23-2010, 06:17 AM
Parent: #31
الاخ محمد بانقا
صباح الخير
تعرف خلاص أقول ياود دنياك أبتسمت ليك أجي ألقي التعقيد من العلاقات و الخرمجة القديمة هن ما قعدت مقاعد المتفرجين لكين لما يحسوا أخوك خلاص قاب قوسين أو أدني منه تحاك التكتيات الخبيثه للتدمير كل المساعي المهم لكين أخوك واعي في تأخير بس ح يكون ( سوف الانجاز ) موتوا بغيظكن أيتها الجندريات الجددلك ودي
|
Post: #34
Title: Re: واحدة فرضت نفسها عديل كدا!
Author: طارق عمر مكاوي
Date: 10-23-2010, 06:51 AM
Parent: #33
انا ح اصلي ربنا ينقذها منك .
|
Post: #35
Title: Re: واحدة فرضت نفسها عديل كدا!
Author: زهير عثمان حمد
Date: 10-24-2010, 08:34 PM
Parent: #34
أخوي طارق
تحياتي تكون كدا خدمتني
|
Post: #36
Title: Re: واحدة فرضت نفسها عديل كدا!
Author: زهير عثمان حمد
Date: 10-24-2010, 09:07 PM
Parent: #35
#
قالت (بموت كان أبتني وفضحتني !)
شوفوا عايزا تستعطفني والله ما بحن
ولا بلين أبدا
وماأنا
يا عروس المولد
ما الدنيا يابت فيها مليون فارس
وكوم من أخوان فاطمة قاعدين حدك
بالله نشي وما تحاولي
تتعلقي بأوهامك كتير
ياخي أمشي أنتحري وفجري نفسك
موتي ودعتك الله
موتي ماماتت الليدي ديانا
موتي ماتن السمحات
موتي ياجربانة
موتي والموت علينا حق
أخ منك ومن أساليبك
التعبانة
موتي عشان أحفرليك نفق
ما قبر
وأدفنك جواي وفي الدنيا
أنت ما أصلو مدفونة
خلقا لا مذكرة وسط الناس
ولا معروفة بين بنات حوا
بالرقةوالحنان
يانكرة من زمن النكرات البشع دا
أخ أنا متوجع من أكاذيبك
وعمايلك
عارفك بس حيه تقرصس
عشرة ما واحد ولا أتنين
موتي كمان ولا في البلد
في غربتك هناك
والله أنت ممثلة ممسوخة
لا تنفعي كمبارس ولا مشخصاتيه كمان
موتي ياتعيسه
قبل ما أموت أنا
وحتك ما بنموت سوا
حتي الاخرة خليتا ليك
من كعابتك وقبح خقلتك وأخلاقك
موتي والله يرحمك ياختي كمان
|
Post: #37
Title: Re: واحدة فرضت نفسها عديل كدا!
Author: ود الباوقة
Date: 10-24-2010, 09:13 PM
Parent: #36
غايتو الموت ارحم ليها الف مرة لو كانت تدري .....
يا زهير...
من تندفن حية ........
|
Post: #38
Title: Re: واحدة فرضت نفسها عديل كدا!
Author: زهير عثمان حمد
Date: 10-24-2010, 09:32 PM
Parent: #37
صديقي ودالباوقة
تحياتي
أخوك محروق منها دي أنت ما عارف بس !
اللهم لا أسالك رد القضاء ولكن أسالك اللطف
|
Post: #39
Title: Re: واحدة فرضت نفسها عديل كدا!
Author: أحمد الشايقي
Date: 10-24-2010, 09:43 PM
Parent: #38
تضامن عاطفي مع المرهـف زهير
حتى إنجلاء الموقـف, على خير إن شاء الله
أحمد الشايقي
|
Post: #40
Title: Re: واحدة فرضت نفسها عديل كدا!
Author: زهير عثمان حمد
Date: 10-24-2010, 09:53 PM
Parent: #39
صديقي الانسان أحمد الشايقي
تحياتي
شكرا لانك تفهمت الموقف الانساني لي والمحنة التي أمر بها
دمت لي أخ وصديق
|
Post: #41
Title: Re: واحدة فرضت نفسها عديل كدا!
Author: Mohamed Bannaga
Date: 10-24-2010, 10:13 PM
Parent: #40
يا ابو الزهور
الزولة دي لو حثاثة بتكون جرحت مشاعرا
انت ما سمعت المثل البيقول البريدك و لا البتريدو .. انت كدي استخير
لو ما سلكت .. اجدع البايظ خلي زول تاني ينزل بيهو و تغيّر الجرّة بتاعتك
تحياتي أخي العزيز
|
Post: #42
Title: Re: واحدة فرضت نفسها عديل كدا!
Author: زهير عثمان حمد
Date: 10-24-2010, 10:19 PM
Parent: #41
ودبنقا
مساءالخير
قلت شنو حساسة والله أنت راجل طيب وحلو كمان والله تعرف في بيت للشاعر التجاني يوسف بشير بيقول فيهو
لقيت من عنت الزيود من عمرو من أصحابه أنا كمان عنيت من البت دي أكتر من معاناة نضال الداخل وضغوط الحياة بس الحمدلله علي كل شيء
شكرا ياأخي علي الواقفة البطولية معاي
|
Post: #43
Title: Re: واحدة فرضت نفسها عديل كدا!
Author: محمد البشرى الخضر
Date: 10-25-2010, 04:39 AM
Parent: #42
يا النبي يا الرسول ...
أبو الزهور بي جربها دا كان عندها بيت و عربية بتفك ليك الحيرة برضو
|
Post: #44
Title: Re: واحدة فرضت نفسها عديل كدا!
Author: زهير عثمان حمد
Date: 10-25-2010, 05:50 AM
Parent: #43
أخي محمد البشري
صباح الخير
كيفك وكيف الشارقة معك بالله عربية شنو وبيت شنو تقدر تعيش مع قرد وحيه قول يالطيف
|
Post: #45
Title: Re: واحدة فرضت نفسها عديل كدا!
Author: ALZOLZATOO
Date: 10-25-2010, 06:07 AM
Parent: #44
يازهير
حالتك دي مافيها اي حل الا تشوف ود الباوقة ينظم ليك عملية انتحارية مستعجلة ويناله الثواب من باب من جهز زهير فقد غزى يامشيت للحور العين يارجعت احدب نوتردام ورجعت للعروس الاولانية وتعيشو الاعمي شايل المكسر
ربنا يفك كربتك لووووووووولز
تحياتي
زاتوووو
|
Post: #46
Title: Re: واحدة فرضت نفسها عديل كدا!
Author: السمؤال بدرالدين
Date: 10-25-2010, 06:10 AM
Parent: #44
غايتو الله شافا وامها داعية ليها
انو ربنا خارجا منك
دي كان حا تركب ماسورة امها بت عم ابوها
|
Post: #47
Title: Re: واحدة فرضت نفسها عديل كدا!
Author: زهير عثمان حمد
Date: 10-25-2010, 06:51 AM
Parent: #46
زي مواسيرك يافردة الحمدلله انا بلاستك لكين الحدييد وين
ما تصلي معها بالله عشان تقدر تنسي
|
Post: #48
Title: Re: واحدة فرضت نفسها عديل كدا!
Author: السمؤال بدرالدين
Date: 10-25-2010, 06:59 AM
Parent: #47
اجعلني لك من الناصحين
بطل البتعمل فيهو ده
راجع المداخلات الفوق دي
كلها تريقة عليك
|
Post: #49
Title: Re: واحدة فرضت نفسها عديل كدا!
Author: زهير عثمان حمد
Date: 10-25-2010, 07:13 AM
Parent: #48
كتير خيرك
هنالك خيط رهيف بين الجدية المللة والعبث الموضوعي
شوية عبث علها تكون الحياة بطعم أفضل المهم تقودنا لمعرفة أنفسنا بطريقة أبسط مدارس التحليل النفسي ، والسخرية كل مني وعلي وعليهم تمثل الواقعية والرأي الحقيقي في حالة الاسي والاحباط
المهم شكرا علي مرور سعدت أنك من الناصحين
وكلناكسودانيين بنعتبر دي مسخرة لكين ياسمؤل ما مضرة ولا تعدو الهزل والداعبة
لك شكري
|
Post: #52
Title: Re: واحدة فرضت نفسها عديل كدا!
Author: عبد الناصر الخطيب
Date: 10-25-2010, 09:18 AM
Parent: #49
زهير عثمان حمد
| Quote: وكلناكسودانيين بنعتبر دي مسخرة |
ياخي تابعت ليك كم بوست بتطلب في عروس ... هسع ناو
وده كلام ما فيهوا اى نوع من المسخرة , زول حار بي الدليل من حقوا يطالب
عسي ولعل يحقق امنيتوا بكل الوسائل المتاحة مدام (((غرضك شريف )))
مع انو الحته كلها ما واقعه لى زول بصل سنك ده أكيد في حصيلة معرفتوا كتيرات بينهم وبينوا حبال الود
موصولة ولو خته الرحمن في قلبوا أكيد في جارة ولا زميلة ولا قريبة حيلقي فيها كل مواصفاتوا لزوجة المستقبل
*** حته مسخرة من عدمه أو الناس بعتبروا شنو دي انساها
بس الاحبط الواحد أنو عندك المقدرة الماعدية دي من الإستخفاف والسخرية بمشاعر الاخرين
| Quote: واحدة فرضت نفسها عديل كدا! |
أكيد يا زهير بكون في اسلوب افضل تقدر تتفاهم بي معاها من تنزل بوست بكلام زي ده
وياخي ده مجرد رأى
وربنا يسعدك ويوفقك في مقبل أيامك
|
Post: #54
Title: Re: واحدة فرضت نفسها عديل كدا!
Author: معاوية عبيد الصائم
Date: 10-25-2010, 03:02 PM
Parent: #52
دعوة للمتداخلين
تكوين جمعية حماية( مهندنا ) زهير
من تلك البت الفارضة نفسها عليهو
شروط الانضمام؟-
ا يكون العضو افتراضى
2-ان يودى كل الفرائض الخمسة
3-ان لايكون ادين فى جريمة مفترضة
4-لايكون سبق وعمل فى مفترضات اخرى
5-ان يكون فرضى الجنسية بالميلاد لا الافتراض
6 -ان لاتكون له بالبت الفارضه نفسها اى علاقة اسفيرية مفترضة
|
Post: #55
Title: Re: واحدة فرضت نفسها عديل كدا!
Author: زهير عثمان حمد
Date: 10-25-2010, 09:12 PM
Parent: #54
الرجل اللطيف زاتووو
لك كل التحيا
شكرا ياصديقي علي المرور ومتعك ربي بكل شيء بهيج
|
Post: #56
Title: Re: واحدة فرضت نفسها عديل كدا!
Author: زهير عثمان حمد
Date: 10-25-2010, 09:27 PM
Parent: #55
الاستاذ عبدالناصرالخطيب
تحياتي
شكرا لكل حرف خطته قلمك
لك شكري
|
Post: #57
Title: Re: واحدة فرضت نفسها عديل كدا!
Author: زهير عثمان حمد
Date: 10-25-2010, 09:56 PM
Parent: #54
المناضل العظيم معاوية
لك التحية
لست مهندا التركي ولا شامي كابور الهندي ود زرقه عديل كدا ساكن حواري أمدرمان سليل أسرة أمدرمانية عريقة بس أخوك طلع تقليد ما أصلي عشت أروع أيام العمر في عروس النيل أم كل المدائن بسودانا الحبيب أمدر زي عارف بأكل بوش وبشرب العرق وبستحما في البحر زي عربات الصحافة زلط وواقعي حتي النخاع بقرأ المادية الجدلية وبسمع موسيقي القرب بتطربني أغاني الحقيبة وبلعب الدافوري بميدان الخليفة في أمدرمان بأكل فول عمك لا أنام الموجودبشارع الكبجاب وماشي كدري وعاطل أبدي لانو ما مقتنع بالوظيفة كاتب عمود فنتازي في جريدة مغمورة لازالت طامع في الوزارة بكل قوة أن جات بمعركة ولا بكفاح مسلح طريد حركة شباب الحزب الشيوعي الصيني فرع السودان العام 2002 عازف كمان و منشد أشعار جهادية في مأتم الرفاق ولا أمشي وراء أي جثمان محمول علي الاعناق أفضل المجاملة في الافراح لا الاتراح أكل لحم الضأن في سعة الجيب وفي حالة الفقر عضام وكوارع و روؤس سمك وفتة .السمك في موسم الشتاء يكون صيده بمعرفتي ومن سمك تحت كبري شمبات بالتحديد بمشي الخرطوم كل يوم سلفقه يعني بدون ماأدفع مليم !
(أظن شخص عايش حياة كما ورد ما محتاج جمعية لحمايتو أمكن لدعمو لتكون الحياة أسهل لا أعقد وأكتر بؤسا)
شكرا علي الاقتراح وأظن لاطائلة منه يارفيق
سلام ونم مجبور الخاطر
|
Post: #58
Title: Re: واحدة فرضت نفسها عديل كدا!
Author: ود الباوقة
Date: 10-25-2010, 10:04 PM
Parent: #57
| Quote: بالتحديد بمشي الخرطوم كل يوم سلفقه يعني بدون ماأدفع مليم ! |
يعني يا زهير
مستنكح ولا بتمشي كداري ...
غايتو العروسة دي مرقت من تحت ضل السيف ..
ربنا لطيف بي عبادو ....
|
Post: #60
Title: Re: واحدة فرضت نفسها عديل كدا!
Author: محمد حيدر المشرف
Date: 10-25-2010, 10:22 PM
Parent: #58
زهير ..
موضوع انك من أمدرمان ده صحيح ؟..
|
Post: #59
Title: Re: واحدة فرضت نفسها عديل كدا!
Author: زهير عثمان حمد
Date: 10-25-2010, 10:16 PM
Parent: #57
السلام عليكم
بهذا قررت أنا المدعو زهير قفل هذا البوست بعد سيل المناشدات المنهمرمن كل بقاع الدنيا والجهود الانسانية والدبلوماسية وتحدديا من الاخوان والاخوات في الخليج الفارسي والاصدقاء في منظمات الدولية والمجتمع المدني في العاصمة الخرطوم وكل الاقاليم السودانية
كما لايفوتني هنا شكر كل الاخوة العابرين الذين أيضا كان لهم القدح المعالي في أغراق بريدي بالرسائل المستهجنة لهذا الاسلوب وكذلك الشكر للجندريات الجدد وذلك لألتزماهن بفضيلة الصمت
وعدم الاعتراض أو أفتعال أي سلوك أستفزازي بل أتاحت المجال للجميع بالمشاركة في جو من الهدؤ ورحبة الصدر وتجدوني ممتن للجندريات الجدد علي هذا المسلك الحضاري
والشكر الجميع أيضا سلام
|
|