عام 1978م بالرياض ( السعودية ) كان الأستاذ الكابلي يعمل مترجما إجتمعت به في منزل أحد الأقارب تطرق الحديث إلى الفن المنتقل منا إلى دول الجوار و بالعكس فتطرق الأستاذ إلى ( يا سمسم القدارف ) التي تتغنى بها الإثيوبيات على بساط القهوة و طقطقة الفحم و إلى أن الفن السوداني ينتقل بسرعة النار في الهشيم في دول الجوار الأفريقي و خاصة في أثيوبيا.
و ها هو الأستاذ يعود بنا إلى نفس النقطة بهذه الأغنيات الممزوجة كما اقهوة تنغمس في روح الزنجبيل و الهبهان
( يا هِلة تنوري ) .. ما أسعد الحلة بهذه النغمة
الإثيوبيات عندما ينطقن بحرف العين .. تشفق على الحرف من أن ينبلع و لا يعود إلى فمهن. و لكن هنا : يا هلة تنوري .. أحس بأن الحلة دخلتها كهرباء سد مروي
***
تم حذف الفيديو لأن الأخ محمد عبدالرحمن قام بإنزال نسخة أوضح و أشمل
أخونا الهميم هارون تحياتي و عودا حميدا و مشكور على المرور
Post: #3 Title: Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) Author: محمد عبدالرحمن محمد Date: 10-22-2010, 01:55 PM Parent: #1
Quote: ود جبريل سلام يا زول يا زين طرينا بالأغنية دي أتبرا و ناس أتبرا مالك لا تفتأ تهيج أشجاننا دمتم
دا يا أبو جهينه لومك لي طارق جبريل.. قال إيه: مالك لا تفتأ تهيج أشجاننا؟
طيب يا خينا البتسوي فيهو دا جنسو شنو؟ أخير ياتو تهييج الأشجان ولّا الكتل عديل؟!! غايتو أنا عافيلك لاكين ما بضمنلك عفو طارق ومحمد المرتضى لو جو شافو الموت اللحمردا!!!!
تعرف يا محمد كلو من ود جبريل ، طارق دة قعد يقول : لناس الليل و الناس المكسرة ، و قعد يلهلب في مشاعرنا و نحن برانا رويحتنا قاعدة على الهبشة ، لغاية ما سمعت الغنيوة دب اللت مروي بكورال حبشي ، عليك أمان الله ، أول شي إتْدشيت زي ال شارب لي كنتوش بقنية، و فنجلت عويناتي ، و وقفن قرون إستشعار حواسي ، و كل مرة أرجع الحتة بتاعة ( يا هلة تنوري ) ، لغاية ما حاجة كدة زي الرتينة بقبقتْ قدام عيوني الله يجازيك بالخير يا ود جبريل
غايتو ... يا ناس القوز .. ألينا جنس زُلُم
دمتم
Post: #8 Title: Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) Author: محمد عبدالرحمن محمد Date: 10-22-2010, 05:22 PM Parent: #7
Quote: محمد عبدالرحمن سلام ماكن و تحايا أمكن تعرف يا محمد كلو من ود جبريل ، طارق دة قعد يقول : لناس الليل و الناس المكسرة ، و قعد يلهلب في مشاعرنا و نحن برانا رويحتنا قاعدة على الهبشة ، لغاية ما سمعت الغنيوة دب اللت مروي بكورال حبشي ، عليك أمان الله ، أول شي إتْدشيت زي ال شارب لي كنتوش بقنية، و فنجلت عويناتي ، و وقفن قرون إستشعار حواسي ، و كل مرة أرجع الحتة بتاعة ( يا هلة تنوري ) ، لغاية ما حاجة كدة زي الرتينة بقبقتْ قدام عيوني الله يجازيك بالخير يا ود جبريل غايتو ... يا ناس القوز .. ألينا جنس زُلُم دمتم
عارف يا ريس جنا جبرين دا يوم بيودرلو زول.. لاكين ياخ انت رد فعلك ما يبقى قدر دا.. بالطريقه دي بتكتلك بلتون عديل ياخ!! بعدين شفتا فنجطت البنوت ديل كيفنها؟.. عِلِّي الله يجازي المخرج كوجن كتير بي تقطيعو للمشاهد الما عندو عَدَل وقال يعني نظام بيتفنن!! بعدين انت عارف انو القوز (الزَلَم) العالم دا تبعنا؟ ودا المخلي إهساسنا (بالزُلُم) يبقى زايد!! تسلم ياخ.. خليتنا نبعد من ال(..............) المالي البورد اليومين ديل!! يديك العافي...
قريبى ابو جهينة (ابو مرتضى) من أجمل الأغانى وازدادت حلاوتها بالرقص الإثيوبى الرائع... الجماعة ديل لازم نعمل معاهم اتحاد كوشى وبلاش من العرب الما منهم فايدة......
عجيب .... الأغنية من قلائل أغانى كابلي البتعجبنى , الموسيقي الأثيوبية و رقصهم أداها طعم تانى و خففت من سغالة كابلي غايتو الواحد يبارى ابوجهينة و ودالمرتضي لما يغتسو حجرو.... غتيس حجر السرور
أبو جهينه يا مكتول كمد الناس جيرانا السمحين ديل متأثرين بموسيقانا وغنانا شديد جداً عندهم أغنية للراحل تلهون قسسا الموسيقى بتاعت الأغنية ياها عازه في هواك كوبي وبيست مع الترجمة من اللهجة السودانية إلى الأمهرية. وهناك الكثير من الأغاني التي يدخل في تكوين مفرداتها الموسيقية حاجه سودانية فهل هذه مصادفه ولا الشئ مقصود. هناك نجمة إسمها همل مال أبتا (أمل مال) لديها أغاني بالعربية وباللهجة السودانية الدارجة وياق لأن شاعراً سودانياً مركلساً في الهضبة الأثيوبية كتب لها بعض القصائد. غايتو السلم الخماسي مع لهجة الحبش خليط يمكن أن تحصي معه دقات قلب المرء. أقول ليك حاجه في حته إسمها دبرا ماركوس وهي في الطريق ما بين أديس أبابا في إتجاه الشمال إلى بحر دار الحته دي لو مسافر بالبص البص بيقيف فيها نظام lunch break وكده المهم الناس كلها جرت على مطعم كده شكلوا راقي قلت يا ود خليني أخالف دخلت لي مطعم راكوبه إلا شوية وكانت المفاجأة لقيت ليك الصوت الما يغباني تصوروا ترباس في دبرا ماركوس يغني والناس آخر إنبساط فكان لزاماً على أن آكل واحد شورو وواحد فرفر وحبست بي كباية شاي بالرغم من أنها تعبانه إلا أنها بتكيف ودفعت 23 بر.
Quote: بعد دا ياخوي انتا وحسن الشايقي منكم زوغة!! ههههه: (( أنا حالف ما بباريك وما بدليها التهمة فيك ))
عبداللطيف يا أخوي الحكاي شنو؟؟ حسي زغتك من الريس أبو جهينة في رحلة أمستردام دي كمان ماشي تسويها معاي في أتفاقنا حق أديس؟؟؟ طبعاً مولانا أحمد الشايقي ما معانا في موضوع أديس عشان ما يعمل لينا لخـبتــة..... (( سفر التلاته والله عدم **** يا ناس القوز ألينـــــا زلـــــم...... ))
هناك نجمة إسمها همل مال أبتا (أمل مال) لديها أغاني بالعربية وباللهجة السودانية الدارجة وياق لأن شاعراً سودانياً مركلساً في الهضبة الأثيوبية كتب لها بعض القصائد.
دي بالذات حاجة ما بتخلص
آكل واحد شورو وواحد فرفر وحبست بي كباية شاي
عليك الله يا الملاعمر واحد ياكل الحاجات دي و يحبس بي شاي ؟ ديل عندهم حاجة إسمها ( ميس ) أحسن حاجة تحبس بيها الشورو
ياخ ما معقول الشربكة دي،،، الواحد بقى يقوم من الصباح بدل ما يقول يا فتاح يا عليم يا رزاق يا كريم ،،، يقوم جاري يفتح البوست ويكوس "أليـنا زَلّــــم" ده غير السماع الليلي، ......
كدي يا ريس خليك من الحبش والمزيكة رأيك شنو في الصورة دي على أرض الواقع (زماااااااااان) وزمان دي أعمل حسابك فيها من ناس عبداللطيف بكري: جيت ماري العصير لقيتها تملى فوق بير... الرقيبة قزازة عصير والسنون براقن يشيل ما بتحش قش التناقير وما بتشيل جردل على الزير...
Post: #36 Title: Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) Author: خالد العطا Date: 10-27-2010, 07:00 AM Parent: #35
محمد عبدالرحمن
السلام يا راقي انت
هسه عليك الله يردو يقول ليك شنو في الجمال
ملاحظة
لاحظ الكورس يتفاعل مع الاغنية والموسيقى حتى الاوكسترا
وناسنا جامدين حتى في اداء الاغنية الطروبه
Post: #39 Title: Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) Author: عمران حسن صالح Date: 10-27-2010, 10:17 PM Parent: #36
Quote: الإثيوبيات عندما ينطقن بحرف العين .. تشفق على الحرف من أن ينبلع و لا يعود إلى فمهن. و لكن هنا : يا هلة تنوري .. أحس بأن الحلة دخلتها كهرباء سد مروي
والله يا جلال جبتها من الآخر والكلام ده بيعرفوا العاشوا معاهم ، تسعة سنوات من عمري كانت الأجمل وسط هذا الشعب الجميل ( الأمهرا ) . الشي التاني يا جلال غنانا ده ناقصوا التعبير الشكلي ، يعني شوف كمية الفرح البيظهر في وش الزول مع ظهور فتيات الفرقة الأثيوبية وكمان خيال كابلي في اختيار الأغنية بيوري انو الناس ديل حاجتم ما كملت ياخي ده فيديو فرح موبااااالغ
_________________________________ مشكلتي مع اللون الأصفر الفاقع اتحلت مع الفيديو ده وياللوري تشيل منو ن لووووووووووووووووووووووووووووووووووول