Post: #1
Title: لله الفضل .. ثم كمال شداد وصلاح إدريس ..
Author: طلحة عبدالله
Date: 10-22-2010, 09:02 AM
Parent: #0
في إنتصارات المنتخب والهلال الأخيرة .......
يتبع ......
|
Post: #2
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-22-2010, 09:06 AM
Parent: #1
وإذا فاز الهلال بلقب الكونفدرالية فواجب الأهلة أن يحمدوا
للأرباب صلاح إدريس جهوده الكبيرة التى أوصلت فريقهم لمنصات
التتويج الخارجية بعد إنتظار اكثر من ثماني عقود , وذلك قبل
أن يثنوا على مجلس الإدارة الحالي الذي تكرم مشكورا بالحفاظ
على أساس الأرباب وورثته الثمينة التى تركها ..
يتبع ........
|
Post: #3
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-22-2010, 09:12 AM
Parent: #2
وإتحاد الكرة الذي كان يقوده البروف شداد هو صاحب الفضل
في الظهور القوي الاخير لمنتخبنا الوطني بعد ان أوجده من رحم
المعاناة فرباه ورعاه حتى شب قويا فتيا يقارع الأقوياء
فيصرعهم رغم عثرات الخطى وعقبات الطريق ليوشح الكرة السودانية
بقلادة الفخر والإعزاز ..
يتبع ......
|
Post: #4
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-22-2010, 09:18 AM
Parent: #3
وبالمقابل يظل ظهور آخرين على سطح الأحداث تباهيا
وتفاخرا بإنتصارات الهلال والمنتخب دون الإشارة لأصحاب
الحق هو في الحقيقة تذاكي لا يمكن وصفه إلا أنه عيب
كبير ولا علاقة له بشهامة وفروسية الشجعان و..
للناس عقول وبصر وبصيرة ......
يتبع ..........
|
Post: #5
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-22-2010, 09:26 AM
Parent: #4
لا أنسي التذكير بحقيقة ظللت أكررها كثيرا وهي أن
معظم لاعبي الهلال والمريخ الحاليين هم صناعة المنتخب
وليس العكس ...
في كل العالم يختار المنتخب لاعبيه من الأندية إلا
في السودان فإن أنديتنا (الهلال والمريخ) يستقدمون
اللاعبين من المنتخب ..
الحقيقة أعلاه تقودنا مباشرة للقول أن فضل إتحاد
شداد على الكرة السودانية أكبر من فضل الهلال والمريخ
عليها....
يتبع .......
|
Post: #6
Title: Re: لله الفضل .. ثم كمال شداد وصلاح إدريس ..
Author: osman abdala
Date: 10-22-2010, 11:35 AM
Parent: #5
Quote: الحقيقة أعلاه تقودنا مباشرة للقول أن فضل إتحاد
شداد على الكرة السودانية أكبر من فضل الهلال والمريخ
|
طلحة السلام عليكم
من اكبر مشاكلنا الفي السودان تهليلنا للديناصورات
ما لاقي ليك يا طلحة اي سبب يخليك تساند شداد
شداد عمل شنو للمنتخب
غير انو يجيب ليهو العواطلية من المدربين (وازريك و قسطنطين)
واصرارو العجيب والغريب عليهم
وين شداد من ترقية البنيات التحتية من استادات حديثة ومراكز لتدريب الحكام والاداريين والمدربين
وين شداد من النهوض بالكرة السودانية من خلال الاهتمام بالصغار و تنظيم دوريات تحت راية اتحادو العام
كم وعشربن سنة ما شفنا منو غير قوة الراس في الصاح والغلط
|
Post: #7
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-22-2010, 02:09 PM
Parent: #6
أخونا عثمان سلامات
واضح جدا أنك ما متابع والكلام القلتو هنا دا ترديد لما تسمعه أو تقرأه .
شكرا يا خوي ع المرور .
|
Post: #8
Title: Re: لله الفضل .. ثم كمال شداد وصلاح إدريس ..
Author: احمد الأمين على إدريس
Date: 10-22-2010, 03:55 PM
Parent: #7
ياطلحة سلامات
لا ينكر خبرة وفضل البروف شداد الا مكابر
لكن تعال النقوليك هو وينو السمح العندنا عشان ننسبوا لشداد ولا لغيرو
تعادل المنتخب صدفة بحتة لم يعمل له لا شداد ولا الاتحاد ولا الجهاز الفنى
ودونك تجميع اللاعبين قبل المباريات بأيام ثم المدرب المتطوع للمنتخب
ولكن طغت الروح المعنوية العالية والهمة والحماس فأجاد اللاعبون وخرجوا بالتعادل
بدليل ان لا احد كان يتوقع الخسارة بأقل من هدفين سيبك من التعادل ..
انتصارات الهلال الافريقية سنعتبرها و سنحيلها للارباب فقط فى حال تخطى الصفاقصى والوصول للنهائى
فجميع المباريات التى لعبها الهلال فى الكونفدرالية لاترقى لمستوى وصف الفائز فيها بالفريق البطل
والممتاز والتصاوير اياها, كما ان مباريات الهلال فى الابطال كانت من السؤ بحيث خسر الهلال فى ام درمان
ومن الاسماعيلى كمان ,,
ياطلحة ياخوى : نعانى تخلف كروى جامد جداً فى كل المناحى الرياضية
بنى تحتية,,إدارات فنية وادارية ,,تصوير ,,تلفزة,,تحليل,,صحافة ...إلخ
الحقيقة الوحيدة اننا نملك جمهور يعشق اللعبة ويحبها لدرجة الجنون
وليس فى هذا فضل لشداد ولا للارباب.
امنياتنا للهلال بالتقدم واحراز كأس الكونفدرالية وسنهتف معك وقتها للارباب ولشداد ولمعتصم جعفر زاتو
|
Post: #9
Title: Re: لله الفضل .. ثم كمال شداد وصلاح إدريس ..
Author: خالد العطا
Date: 10-22-2010, 04:00 PM
Parent: #8
سلام يا غالي
في موضوع صلاح ادريس معاك 100%
اما بروف شداد ورغم علمه وشخصيته الفذه
الا انه لا ينسب له اي نجاح يتحقق للمنتخب
لانه ببساطة لاتوجد انجازات تزكر + شداد
كان مهمل المنتخب ولم يحضر له اي مبارة بل احضر مدرب
حارب النجوم
|
Post: #20
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 06:57 AM
Parent: #9
خالد العطا Quote: في موضوع صلاح ادريس معاك 100%
اما بروف شداد ورغم علمه وشخصيته الفذه
الا انه لا ينسب له اي نجاح يتحقق للمنتخب
لانه ببساطة لاتوجد انجازات تزكر + شداد
كان مهمل المنتخب ولم يحضر له اي مبارة بل احضر مدرب
حارب النجوم
|
طيب ياخ وين إنجازات صلاح لو شداد ما عندو إنجازات
قلت في البوست دا أنو الانتصارات الأخيرة التى حققها الهلال
يعود الفضل فيها بعد الله للأرباب صلاح إدريس بعد الجهود الكبيرة
التى بذلها أيام كان رئيسا للنادي ..
وبذات القدر فأن إنتصارات المنتخب الوطني تنسب للبروف شداد
|
Post: #10
Title: Re: لله الفضل .. ثم كمال شداد وصلاح إدريس ..
Author: osman abdala
Date: 10-22-2010, 04:19 PM
Parent: #7
Quote: أخونا عثمان سلامات
واضح جدا أنك ما متابع والكلام القلتو هنا دا ترديد لما تسمعه أو تقرأه .
شكرا يا خوي ع المرور . |
والله عجايب المنبر ده تحير الما بتحير
اها والمتابعة كيفنها يا أخوي
اناسب د. شداد ولا شنو؟
وكمان واضحة عدم متابعتي
غايتو الله يطولك يا روح
اها يا سيدها ورينا الحاصل شنو
تاني الكورة السودانية ما حتقوم ليها قايمة ما دام الدكنور كمال شداد شتت ( خبير زمانو)
|
Post: #11
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-22-2010, 09:10 PM
Parent: #10
Quote: غايتو الله يطولك يا روح
اها يا سيدها ورينا الحاصل شنو
|
هازول إتا وكت روحك قصيرة في زول قدم ليك دعوة عشان تجيء تقصرا
وبعدين اوريك لشنو بتدفع لي قروش ما تعرف براك ..
الفوق دا كلامي أنا عجبك عجبك ما عجبك اديني عرض أكتافك ما تملاني فقر ساي ياخ .
|
Post: #12
Title: Re: لله الفضل .. ثم كمال شداد وصلاح إدريس ..
Author: osman abdala
Date: 10-23-2010, 02:11 AM
Parent: #11
| Quote: الفوق دا كلامي أنا عجبك عجبك ما عجبك اديني عرض أكتافك ما تملاني فقر ساي ياخ . |
ده ما بيت ابوك ده اسمو المنبر العام
|
Post: #13
Title: Re: لله الفضل .. ثم كمال شداد وصلاح إدريس ..
Author: وليد محمد المبارك
Date: 10-23-2010, 02:28 AM
ان حمل الهلال كاس الكونفدرالية فبسبب ان شداد وصلاح ادريس خارج المعادلة الهلالية الان
صحيح صلاح ادريس هو من وضع اساسات الفريق لكنه ولنفس الاسباب كان خميرة عكننه للفريق في مثل هذه الاوقات مما يصرفه وصرفه قبلا عن الانتباه والتركيز في البطولة وقد حدث ذلك 2007 حين ضاع كاس الابطال بسبب تعنت صلاح ادريس الشخصي ، وان كان موجود لكررها ..
الان الجو المحيط بالهلال جو صحي فيه تركيز كامل على البطولة بدون منقصات او شق صفوف
اما شداد فيحدث منه دائما حينما تكون فرقنا السودان في مراحل متقدمة .. يفتعل شداد مشاكل ويمارس دكتاتوريته المعهوده مما يكهرب الجو ويشتت التركيز
يشكر لشداد وصلاح ما فعلوه
لكن وبالتجربة التاريخ القريب هذه المرحلة الدقيقة لا تحتاجهم وابتعادهم افضل للهلال وللفريق القومي
|
Post: #23
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 07:06 AM
Parent: #13
Quote: ان حمل الهلال كاس الكونفدرالية فبسبب ان شداد وصلاح ادريس خارج المعادلة الهلالية الان
|
دا برضو رأي
لكن الثابت والواضح لكل المتابعين أن الجهود التى بذلها صلاح إدريس
خلال فترة رئاسته والاموال التى دفعها في تدعيم صفوف الفريق بأفضل اللاعبين
الأجانب والمحليين هي اتلى قادت الهلال هذه السنة والسنوات الفائتة لوصول
مراحل متقدمة في البطولات الأفريقية وهذه لوحدها تعتبر إنتصارا كبيرا قياسا
بالعوائق والعقبات التى تمر بها الكرة السودانية .
وفي حال حصل الفريق على الكونفدرالية من الظلم والله أن ينسب هذا الإنجاز الكبير
لغير الأرباب صاحب كل الاموال التى سجل بها النادي هولاء اللاعبين ..
|
Post: #14
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 06:20 AM
Quote: ده ما بيت ابوك ده اسمو المنبر العام
|
يعني عادي ممكن اجيب سيرة أبوك وامك في المنبر العام دا واللا كيف ..؟
واللا يعني إتابس الوحيد البطل وحنش بحر وبتاع هناي ...؟
يللا إتوكل خلينا نشوف أشغالنا الله يهديك .. ولو خايف على روحك
تقصر ما تدخل مكان ممكن يكرفسوها ليك ويسلموك ليها في يدك عشان
تجىء تقول أبوك وامك واخوك .
أمش يا اللخو أمش وماتقول لي تاني ابوك عشان الأبوات ما عندهم دخل
في الفارغة الهنا دي .
|
Post: #15
Title: Re: لله الفضل .. ثم كمال شداد وصلاح إدريس ..
Author: osman abdala
Date: 10-23-2010, 06:33 AM
Parent: #14
حرقتك بيت ابوك
طيب لمن تقول لي زول ما متابع و بتردد في كلام غيرك دي ما حارة
صحي الفهم قسم
و عامل فيها كمان ناصح:
Quote: تقصر ما تدخل مكان ممكن يكرفسوها ليك ويسلموك ليها في يدك عشان
تجىء تقول أبوك وامك واخوك . |
غايتو عوارتك ناقصة الريالة
يا ولدنا انت البديت الكلام الكعب
ما تعمل فيها منقطها وامرق وفرتق وعرض كتافك
تحترم نفسك علي عينها وراسنا
تعمل فيها شفت ومقرم نديك علي راسك
|
Post: #17
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 06:46 AM
Parent: #15
Quote: تحترم نفسك علي عينها وراسنا
|
يازول لا تحترمني لا احترمك بس ما تجيب سيرة أبوي هنا تاني .
حتى لو أنا بديت الكلام الكعب لكن ما جبت سيرة أبوك واللا أهلك .
ما تجيب سيرة الاهل عشان إتا برضو عندك أهلك ما تجيب ليهم
الكلام ..
أظن كدا واضح .
|
Post: #16
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 06:38 AM
Parent: #14
احمد الامين إدريس
سلامات يا حبوب
الحقيقة أن كل البلاوي والإنتكاسات التى تحدث للكرة السودانية
ينسبها المغرضون للبروف شداد وبما ان الحال هكذا فتلقائيا يجب
أن تنسب له الإنتصارات والإشراقات .. دا المنطق كدا ..
من جهة ثانية وقياسا على العقبات العديد التى تواجه الكرة السودانية
والمتمثلة في ضيق ذات اليد وشح الإمكانات وتواضع الوعي الإداري الكروي
وغياب الإحترافية لدي معظم افراد الوسط الرياضي ، وفي خضم هذه الامواج
العالية من التخلف الكروي فإن ما تحقق من إشراقات على مستوي الاندية
والمنتخبات وحتى من الناحية الإدارية والعمرانية تحسب للجهة الحاكمة
لكرة القدم وهي إتحاد الكرة بقيادة البروف شداد ..
ومن هذه الإنجازات :
1/ صعود المنتخب الاول لنهائيات أمام أفريقيا بعد غياب 34 عاما
2/حصول ذات المنتخب على لقب سيكافا بعد 28 عاما
3/حصول منتخب الشباب لأول مرة في تاريخه على بطولة سيكافا
4/تقدم الهلال والمريخ إلى مراحل متقدمة في البطولات الأفريقية
5/وعلى المستوي الإداري فدونك الملاعب الملحلقة باكاديمية كرة
القدم في الخرطوم .
6/توفير أسطول من عربات الترحيل للمنتخبات والاندية
7/ بناء فندق سكني ما أزاح على خزينة الإتحاد اعباء الصرف
على السكن والترحيل .
8/ وإلى جانب ذلك كله فالمتوفر لإتحاد الكرة الآن من أصول ثابتة
يقدر بالمليارات ..
اعتقد أن هذا إنجاز عظيم لا ينكره إلا من لديه اجندة شخصية أخري
ضد البروف شداد .
|
Post: #18
Title: Re: لله الفضل .. ثم كمال شداد وصلاح إدريس ..
Author: osman abdala
Date: 10-23-2010, 06:53 AM
Parent: #16
ما واضح (وباالخط العريض)
و لتاني مرة
تحترم نفسك نحترمك
|
Post: #21
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 06:59 AM
Parent: #18
Quote:
ما واضح (وباالخط العريض)
|
خلاص أنا موجود هنا بإسمي وإسم أبوي وعندي اهلي تعال
وريني بتجيب سيرتم كيف هنا طالما انو الكلام ما واضح وبالخط العريض ..؟؟
|
Post: #22
Title: Re: لله الفضل .. ثم كمال شداد وصلاح إدريس ..
Author: وليد محمد المبارك
Date: 10-23-2010, 07:02 AM
Parent: #18
عارف يا اسامه طلحة ده مرضان بكمال شداد ..
اي زول يهبشو طوال ينفعل
وعاوز الناس ما تهبشوا .. انت كدي امرق ابوه وامو من المعادلة لانو ده ما صاح
ورش ليه كمال شداد خليك يكورك هنا
كمال شداد افه الكورة السودانية
دكتاتور .. متسلط .. يطوع القوانين ويشكلها حسب هواه .. وان اختلفت مع هواء جديد ليه يختلف معاها ولا يحترمها
الان وفي زمن قياسا اتخارج من الساحة .. اتقدم السودان في التصنيف والهلال ماشي تمام
|
Post: #24
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 07:12 AM
Parent: #22
Quote: عارف يا اسامه طلحة ده مرضان بكمال شداد ..
اي زول يهبشو طوال ينفعل
|
دا كلام غلط يا اخونا
انفعالي لما واحد يتجاوز العام للخاص بالنسبة لي
شخصيا ولكمال شداد ..
هسع إتا دا آخر المداخلة دي قلتا شداد فاشل وسبب بلاوي
الكورة السودانية دا كلام عام في رجل عام ..
لكن حاجات شخصية ما بخليها تعدي .
|
Post: #29
Title: Re: لله الفضل .. ثم كمال شداد وصلاح إدريس ..
Author: وليد محمد المبارك
Date: 10-23-2010, 07:26 AM
Parent: #24
يا طلحة غلط البتسوي فيه انت
اسامه انتقد الكدتور بكل ادب
انت ما رضيت ومرقت الزول جاهل عشان انتقد شداد وكلنا متفقين معاه
من حقو يتضايق من اتك تجهلو
وطالبك بانك توضح ليه اسباب جهله شنو
رفضت وكمان طردتو من البوست
يعني انت سقت الزول سواقة للشكلة
|
Post: #31
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 07:37 AM
Parent: #29
Quote: اسامه انتقد الكدتور بكل ادب
انت ما رضيت ومرقت الزول جاهل عشان انتقد شداد وكلنا متفقين معاه
من حقو يتضايق من اتك تجهلو
وطالبك بانك توضح ليه اسباب جهله شنو
رفضت وكمان طردتو من البوست
يعني انت سقت الزول سواقة للشكلة
|
القال ليك منو ما رضيت يا وليد اخوي ؟؟؟؟؟؟؟
ووين قلت ليهو جاهل عشان اجي اوضح ليهو أسباب جهلو ...؟؟؟؟
أصلا لا قلت ليهو جاهل ولا من عادتي أشتم لي زول في
صمة خشمو ..
قال سبب مشاكلنا في السودان أنو بنهتف للديناصورات
قلت ليهو ياخ إتاو اضح انك ما متابع وقاعد تردد ما تسمعو او تقرأهو
فقط فهل دي إساءة ...؟
إذا كانت دي إساءة فبنفس المفهوم حكاية نحن نهتف للديناصورات
إساءة بالغة كمان ..
من عادتي أرد للزول بطريقتو يا وليد ولو ردي حرق ليهو زول فطوالي
يراجع كلامو لي .
|
Post: #33
Title: Re: لله الفضل .. ثم كمال شداد وصلاح إدريس ..
Author: وليد محمد المبارك
Date: 10-23-2010, 07:44 AM
Parent: #31
تمام يا طلحة
هسع الامور هدت .. يلا واصل لينا في طنبجتك
|
Post: #19
Title: Re: لله الفضل .. ثم كمال شداد وصلاح إدريس ..
Author: امير عوض الجمري
Date: 10-23-2010, 06:54 AM
Parent: #16
Quote: وإذا فاز الهلال بلقب الكونفدرالية فواجب الأهلة أن يحمدوا
للأرباب صلاح إدريس جهوده الكبيرة التى أوصلت فريقهم لمنصات
التتويج الخارجية بعد إنتظار اكثر من ثماني عقود |
ده كلام صاح يا طلحة ... لكن ان شاء الله الهلال ما يشيل الكاس
يا زول والله يشيلوهو غايتو الا بس نعمل زي توم الكديس بتاع (توم وجيري)
بس نحفر حفرة ونرقد ونردمها ونخت الشاهد .
|
Post: #25
Title: Re: لله الفضل .. ثم كمال شداد وصلاح إدريس ..
Author: osman abdala
Date: 10-23-2010, 07:13 AM
Parent: #19
| Quote: انت كدي امرق ابوه وامو من المعادلة لانو ده ما صاح |
يا ولي
صاحبك داير شكل اقرا مداخلتي شوف فيها اساءة لابوهو
لكن اصلو ما ببيرد ليهو بطنو
شايفها اساءة علي كيفو
|
Post: #27
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 07:19 AM
Parent: #25
Quote:
صاحبك داير شكل اقرا مداخلتي شوف فيها اساءة لابوهو
لكن اصلو ما ببيرد ليهو بطنو
شايفها اساءة علي كيفو
|
والله بطني لا حارة عليك ولا غيرك
وما قلت ليك إتا أسئت لأبوي بس طلبت منك ما تجيب
سيرتو ولا سيرة الأهل عشان الكلام ما يجر لي بعيد..
لكن غير كدا قول وأكتب العايزو لو لقيت عندي وقت برد
ليك بجنس كلامك بالضبط ما لقيت بشوف أرد ليك متين .
دا كل ما في الموضوع .
|
Post: #28
Title: Re: لله الفضل .. ثم كمال شداد وصلاح إدريس ..
Author: وليد محمد المبارك
Date: 10-23-2010, 07:22 AM
Parent: #25
صحيح يا اسامه انت ما اساءت لي ابوه
دي حقيقة
لكن دخلتو في البوست وجبت سيرتو في امر لا يعنيه..
عليك الله يا اسامه جلي الاهل ورش ليه كمال شداد الديناصور
خلي طلحة ده ينكرش ويهستر
ولو عاوز تهيجو رش ليه كمال شداد تاني
بتعمل ليه ضغط وبنفصم فيك هسع 
|
Post: #30
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 07:30 AM
Parent: #28
Quote: ولو عاوز تهيجو رش ليه كمال شداد تاني
|
الرش بختلف يا وليد
في رش بموية باردة ودا عادي
وفي رش بموية حارة ودا بنجيب ليهو تلج
وفي رش بموية نار ودا عندنا ليهو علاجو
وفي رش بتاع مطافي يغرق الدنيا كلها ودا بصراحة
يلزم انو نقلع ليهو هدومنا وننزل نعوم فيهو ..
كمال شداد كرئيس إتحاد كورة فاشل وسبب بلاوي الكورة السودانية
دا رأي بقابلو رأي مختلف ولا إساءة فيهو لا من قريب لا من بعيد
ولو الدنيا دي كلها طعلت مظاهرات الشارع تكورك بالكلام دا
ما عندي بيها شغلة وإحتمال أخوض مع الخائضين لأنو دنيا كاملة
لو قالت ليك رأسك مافي اهبشو ..
لكن كمال شداد في عضمتو وعضمة حايتو الخاصة دا ما رأي
دي قلة أدب تلزما قلة أدب مضادة ..
واللا شنو يا ولي ..؟
|
Post: #32
Title: Re: لله الفضل .. ثم كمال شداد وصلاح إدريس ..
Author: وليد محمد المبارك
Date: 10-23-2010, 07:38 AM
Parent: #30
Quote: لكن كمال شداد في عضمتو وعضمة حايتو الخاصة دا ما رأي
دي قلة أدب تلزما قلة أدب مضادة .. |
هو يا طلحة كمال شداد في شخصة ما فيه كلام ولا في زول بقدر يقول فيه بغم
زمته المالية انضف من لسان شافع ( والزمة المالية النضيفة تختلف عن الصرف البزخي في امر التلفون عشان الناس ما تجي تنظر)
اخلاقو انضف من زمتو المالية ياخ ده ود الخرطوم بيتهم بعد سكة القطر طوالي ( انت قايلو محطة زيكم )
اكتر حاجة ممكن يقولها زول في شخص كمال شداد
انو يقول عليه متقندف
خلاف كده مافي زول بقدر يقول بغم
|
Post: #35
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 07:52 AM
Parent: #32
Quote: هو يا طلحة كمال شداد في شخصة ما فيه كلام ولا في زول بقدر يقول فيه بغم
زمته المالية انضف من لسان شافع ( والزمة المالية النضيفة تختلف عن الصرف البزخي في امر التلفون عشان الناس ما تجي تنظر)
اخلاقو انضف من زمتو المالية ياخ ده ود الخرطوم بيتهم بعد سكة القطر طوالي ( انت قايلو محطة زيكم )
اكتر حاجة ممكن يقولها زول في شخص كمال شداد
انو يقول عليه متقندف
خلاف كده مافي زول بقدر يقول بغم
|
يا وليد نحن ناس ضهرة ساي محطة ذاتو ما عندنا والقطر دا
بنجي ليهو مشوار عشان نتامل فيهو ...
عموما فتح الله عليك يا زول في كلام الطيب عن شداد ..
|
Post: #26
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 07:16 AM
Parent: #19
سلامات يا كابتن أمير Quote: ده كلام صاح يا طلحة ... لكن ان شاء الله الهلال ما يشيل الكاس
يا زول والله يشيلوهو غايتو الا بس نعمل زي توم الكديس بتاع (توم وجيري)
بس نحفر حفرة ونرقد ونردمها ونخت الشاهد .
|
عشان كدا يا جمري قاعدين نقدم في السبت بالحديث الطيب عن الهلال
لانو الجماعة ديل بيني وبينك قريبين شديد من البطولة دي .
|
Post: #34
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 07:49 AM
Parent: #26
ياوليد
اواصل شنو ..؟
أنا مصر على انو ( لله الفضل .. ثم كمال شداد وصلاح إدريس ..)
حتى ولو جاء كمال شداد وصلاح أدريس وقالوا نحن ما لينا فضل ..
|
Post: #36
Title: Re: لله الفضل .. ثم كمال شداد وصلاح إدريس ..
Author: خالد العطا
Date: 10-23-2010, 08:27 AM
Parent: #34
الاخ طلحة
سلام وتحية
Quote: طيب ياخ وين إنجازات صلاح لو شداد ما عندو إنجازات
قلت في البوست دا أنو الانتصارات الأخيرة التى حققها الهلال
يعود الفضل فيها بعد الله للأرباب صلاح إدريس بعد الجهود الكبيرة
التى بذلها أيام كان رئيسا للنادي ..
وبذات القدر فأن إنتصارات المنتخب الوطني تنسب للبروف شداد |
فريق الهلال الحالي
والذي اصبح متواجد بصفة دائمة
في نهائيات البطولات الافريقية
وفاز ببطولة الدوي الممتاز
لخمس سنوات متتالية
عاوز نجاح اكتر من كدا
في عهد منو من رؤساء الهلال السابقين
وصل الهلال لما وصل اليه اليوم
شداد
ازكر لي انجاز واحد غير صعود المنتخب
غانا 2008 وده اصلا كان ناتج من تألق الهلال والمريخ افريقيا
|
Post: #37
Title: Re: لله الفضل .. ثم كمال شداد وصلاح إدريس ..
Author: امير عوض الجمري
Date: 10-23-2010, 08:29 AM
Parent: #26
Quote: عشان كدا يا جمري قاعدين نقدم في السبت بالحديث الطيب عن الهلال
لانو الجماعة ديل بيني وبينك قريبين شديد من البطولة دي . |
والله يا طلحة تقدم ليهم الاسبوع كله ما يخلوك وده كلللللللللله ينكروهو ليك
عشان كده اخير نتفشّ من اسي وكان عملوها (لا قدر الله) وشالوهو نكب الزوغة ونكون
متفشيين .. وكمان يا طلحة لو ما شااااالوهو .. يااااااااااااااااا ( بس الله يدينا الفي مرادنا)
|
Post: #38
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 08:41 AM
Parent: #37
Quote: ازكر لي انجاز واحد غير صعود المنتخب
غانا 2008 وده اصلا كان ناتج من تألق الهلال والمريخ افريقيا
|
غايتو يا خالد العطا الما عايزنوا تحدروا ليهو في الضلام
يعني إذا حقق المنتخب انتصارات فدا يعود للاعبي الهلال والمريخ
وإذا لم يحقق فالسبب يعود لشداد وحده ليس غيره ..
هسع في ذمتك يا خالد أخوي دا منطق عدل دا ..؟؟؟؟
على العموم أمسك عندك من إنجازات اتحاد شداد :
1/ صعود المنتخب الاول لنهائيات أمام أفريقيا بعد غياب 34 عاما
2/حصول ذات المنتخب على لقب سيكافا بعد 28 عاما
3/حصول منتخب الشباب لأول مرة في تاريخه على بطولة سيكافا
4/تقدم الهلال والمريخ إلى مراحل متقدمة في البطولات الأفريقية
5/وعلى المستوي الإداري فدونك الملاعب الملحقة باكاديمية كرة
القدم في الخرطوم .
6/توفير أسطول من عربات الترحيل للمنتخبات والاندية
7/ بناء فندق سكني ما أزاح على خزينة الإتحاد اعباء الصرف
على السكن والترحيل .
8/ وإلى جانب ذلك كله فالمتوفر لإتحاد الكرة الآن من أصول ثابتة
يقدر بالمليارات ..
اعتقد أن هذا إنجاز عظيم لا ينكره إلا من لديه اجندة شخصية أخري
ضد البروف شداد .
|
Post: #40
Title: Re: لله الفضل .. ثم كمال شداد وصلاح إدريس ..
Author: خالد العطا
Date: 10-23-2010, 08:54 AM
Parent: #38
طلحة يا اخوي
Quote: اعتقد أن هذا إنجاز عظيم لا ينكره إلا من لديه اجندة شخصية أخري
ضد البروف شداد . |
معقولة بس ؟؟؟؟؟؟؟؟
Quote: 5/وعلى المستوي الإداري فدونك الملاعب الملحقة باكاديمية كرة
القدم في الخرطوم |
تم بناءها على نفقة السعوديون واظن المنحة جاءت قبل شداد والله اعلم
| Quote: 6/توفير أسطول من عربات الترحيل للمنتخبات والاندية |
اسمه شنو الاسطول ده وهل ملك للاتحاد العام ؟؟؟
Quote: 7/ بناء فندق سكني ما أزاح على خزينة الإتحاد اعباء الصرف
على السكن والترحيل . |
لازالت الفرق تنزل في المقر الدائم للمعسكرات وقد تم بناءه ايام نميري
اين الفرق السنية وفرق الشباب بالاندية
|
Post: #41
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 09:08 AM
Parent: #40
Quote: اسمه شنو الاسطول ده وهل ملك للاتحاد العام ؟؟؟
|
والله ياخ ممكن تسميهو الإسم البعجبك لكن الأسطول عبارة عن مجموعة كبيرة
من حافلات الترحيل وعربات صغيرة برضو للترحيل ..
وهو بالطبع ملك الإتحاد العام وليس غيره ...
Quote: تم بناءها على نفقة السعوديون واظن المنحة جاءت قبل شداد والله اعلم
|
فعلا كان هناك دعم من الأمير الراحل فيصل بالإضافة لدعم فيفا ولكن كلها قامت
في عهد شداد رغم انو الدعومات المالية دي كانت موجودة قبل مجىء شداد ..
Quote: لازالت الفرق تنزل في المقر الدائم للمعسكرات وقد تم بناءه ايام نميري
|
غير صحيح ...
المنتخبات والاندية تنزل بفندق الأكاديمية إلا إذا أرادت الاندية ان تعسكر علي
نفقتها في مكان آخر ..
Quote: اين الفرق السنية وفرق الشباب بالاندية
|
موجودة في دوري الدرجتين الثالثة والرابعة تحت رعاية ودعم
الإتحاد العام ، فضلا عن وجود خمس خانات للشباب في كل كشف فريق ..
الناشئين والبراعم لديهم هيئة قائمة بذاتها تحت إدارة أبو هريرة
وبالتنسيق مع الإتحاد .
|
Post: #49
Title: Re: لله الفضل .. ثم كمال شداد وصلاح إدريس ..
Author: خالد العطا
Date: 10-23-2010, 12:28 PM
Parent: #41
Quote: اكبر المتسببين في تدمير الكرة السودانية بتكبره وديكتاتوريته في ادارة اتحاد الكرة وتمسكه بالمناصب .
صراحة اخ نظام ماهي انجازات شداد ..؟؟؟
* الغاء درجة الاشبال من الفرق التي كانت تمد الاندية باحسن اللعيبة صغار السن الذين لايكلفون الاندية اي مبالغ مادية كبيرة ..
* الدوري السوداني الدوري الوحيد في العالم مشاتر ومقلوب . كل الدوريات العالمية موسم 2009/2010 انتهت وبدات
موسم 2010/2011 الا الدوري السوداني لم ينتهي موسم 2009/2010م وشداد مازال يصر انو الدوري السوداني من احسن توقيت في العالم ..
*شداد اكبر متكبر ومستخف بكل الرياضين السودانين هو الوحيد الشايف نفسه انو بعلم في كرة القدم وغيره لا ..
اليس شداد من وصف المدربيين السودانيين بناس زعيط ومعيط..؟؟؟؟
اليس هو من وصف اللاعب السوداني بمخزن الامراض والجهل ...
اليس هو من وصف الاعلاميين الرياضيين بالقعونجات ؟؟
شداد الرئيس الوحيد لاتحاد كرة قدم في العالم لا يدخل مباريات الدوري الذي يمثله رئيسا..(قال مستويات تعبانة وانا مابضيع زمني في عك كروي )
|
|
Post: #39
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 08:45 AM
Parent: #37
يا كابتن أمير ياخ Quote: اخير نتفشّ من اسي وكان عملوها (لا قدر الله) وشالوهو نكب الزوغة ونكون
متفشيين ..
|
يعني ح تكبوا الزوغة لمدة كم شهر بل قل كم سنة ..
اناو الله دا ما بقدر عليهو عشان كدا أحسن لي انتظرم هنا شايل درقتي ..
|
Post: #42
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 09:31 AM
Parent: #39
يا خالد العطا
ياخ ما وريتني رأيك في الانجازات الفنية للمنتخب بتاع إتحاد شداد
بس اوع تجىء تقول لي دا شغل الهلال والمريخ ..
|
Post: #43
Title: Re: لله الفضل .. ثم كمال شداد وصلاح إدريس ..
Author: امير عوض الجمري
Date: 10-23-2010, 09:39 AM
Parent: #42
| Quote: يعني ح تكبوا الزوغة لمدة كم شهر بل قل كم سنة .. |
طبعاً ده سؤال مهم جدا يا طلحة وفي محله تماماً لأنهم الجماعة ديل لو عملوها (لاقدّر الله)
تاني نحن لو شلنا كأس أندية العالم من انترميلان وللا برشلونة وطبعاً ده حا يكون عطفاً على اننا
شلنا كاس أبطال افريقيا .. برضهم ما حا يخلونا عشان كده الحل في حالة شالوه (وبرضو لا قدر الله)
انه الواحد ينتحر .. بث خلاث ويرتاح .
|
Post: #44
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 09:45 AM
Parent: #43
Quote: طبعاً ده سؤال مهم جدا يا طلحة وفي محله تماماً لأنهم الجماعة ديل لو عملوها (لاقدّر الله)
تاني نحن لو شلنا كأس أندية العالم من انترميلان وللا برشلونة وطبعاً ده حا يكون عطفاً على اننا
شلنا كاس أبطال افريقيا .. برضهم ما حا يخلونا عشان كده الحل في حالة شالوه (وبرضو لا قدر الله)
انه الواحد ينتحر .. بث خلاث ويرتاح .
|
يا أمير كل حاجة عندنا ليها حساباتا ومدروسة بعنابة ودقة
ومرتبطة بنظرة مستقبلية ..
الناس دي جابت البطولة والله نحن قلنا وشجعنا وما قصرنا وأهو
قاعدين وح نهنىء ونبارك ..
ما جابتا برضو قاعدين وعلى كيفنا يمكن يكون عندنا رأي ويمكن لا
لكن اهم حاجة مافي شىء يجبرنا على الزوغان ..
عرفت تقديراتي الخلتني أشجع الناس دي يا جمري
|
Post: #45
Title: Re: لله الفضل .. ثم كمال شداد وصلاح إدريس ..
Author: عامر تيتاوى
Date: 10-23-2010, 10:27 AM
Parent: #44
سلامات ياطلحة
مشتاقين كتير
... ياود الجمرى صفى النية
|
Post: #46
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 11:16 AM
Parent: #45
سلامات يا تيتا وأشواق عظيمة يا بلد
الجمري دا شايلا تقيلة منكم ياخ ..
|
Post: #47
Title: Re: لله الفضل .. ثم كمال شداد وصلاح إدريس ..
Author: امير عوض الجمري
Date: 10-23-2010, 11:18 AM
Parent: #45
اوووووووه حبيبنا عامر تتوة والله الشوق بحور
| Quote: ياود الجمرى صفى النية |
لو كل الهلالاب زيك والله كنا شلنا طارنا ومشينا تونس عدييييييييييل
ولبسنا الازرق والابيض .
|
Post: #48
Title: Re: لله الفضل .. ثم كمال شداد وصلاح إدريس ..
Author: وليد عبد اللطيف
Date: 10-23-2010, 11:53 AM
Parent: #47
استاذ طلحة ... كيف ياحبيب
فهم دكتور شداد الزائد عن اللازوم هو سبب كارثة الكرة السودانية
Quote:
وإتحاد الكرة الذي كان يقوده البروف شداد هو صاحب الفضل
في الظهور القوي الاخير لمنتخبنا الوطني بعد ان أوجده من رحم
المعاناة فرباه ورعاه حتى شب قويا فتيا يقارع الأقوياء
فيصرعهم رغم عثرات الخطى وعقبات الطريق ليوشح الكرة السودانية
بقلادة الفخر والإعزاز ..
يتبع ...... |
ورغم الجوع وقلة الامكانيات كان ممكن يكون عندنا فريق يهز العالم
لو تعامل بديمقراطية مع اهل الرياضة
وتوجد دول افقر مننا ولهم مكانتهم في التصنيف
بس نقول شنو الله يجازي اللي كان السبب في تدهور مستوى الكرة السودانية
وربنا يصلح الحال
|
Post: #50
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-23-2010, 08:56 PM
Parent: #48
كابتن وليد
سلامات ووين الغيبة يا رجل ؟
أنا ما عارف قصدك شنو من قولك لو شداد تعامل بديمقراطية دي
يعني مثلا يجامل ويمشي الخطأ ويقول باركوها يا جماعة واللا كيف ..؟
فوضي الوسط الرياضي وعشوائيته تحتاج رجل صارم وديكتاتوري كشداد والا لأصبحت الرياضة
مرعي تتربصه الذئاب والثعالب وتقتات من بقاياه البغاث ..
عموما هاهو شداد ترك الجمل بما حمل ولنري كيف وإلى أين سيقوده الخلفاء .؟
|
Post: #51
Title: Re: لله الفضل .. ثم كمال شداد وصلاح إدريس ..
Author: طلحة عبدالله
Date: 10-24-2010, 07:10 AM
Parent: #50
يتبع .....
|
Post: #52
Title: Re: لله الفضل .. ثم كمال شداد وصلاح إدريس ..
Author: طارق الكوتش
Date: 10-24-2010, 01:12 PM
Parent: #51
Quote: لو كل الهلالاب زيك والله كنا شلنا طارنا ومشينا تونس عدييييييييييل
ولبسنا الازرق والابيض . |
> شكرا يا امير > تيتاوى مفخرة الهلالاب
فى المنبر
.........
ياطلحة انا بتفق مع وليد مبارك فى الجزئية الخاصه بالسيد صلاح ادريس
> صلاح ادريس رجل بحب الهلال ده كلام ميه الميه > صلاح ادريس
سجل افضل اللاعبين و حافظ على نجومه ده كلام مليون الميه
... ولكنه بالاضافه للمشاكل فى 2007 > يوم مباراة مازمبى
والهلال على بعد خطوه ترك المعسكر وذهب للرشيد بدوى
فى الازاعة يرد على الساده المتصلين من فتاح يا عليم،
وكلنا يعلم اهمية وجود رئيس النادى فى المعسكر
فى مثل هذه المباريات > رئيس النادى ذى ام العريس
> تنفع ام العريس تترك بيتها يوم عرس ولدها >>
العوامل النفسيه تمثل 90 فى المئه من الاداء
>>> وياريت المجلس الحالى يستفيد من كل التجارب
السابقه لننعم باول كاس خارجى ونسكت بيهو ناس
الجمرى و هارون دياب ومن لفه لفهم >>> بس اكيد
لا ولن ولا نستطيع ان ننكر فضل الارباب عاشق الهلال
الاستاذ المحترم صلاح ادريس
.........
من انجازات بروف شداد الكتيييييره
> الدورى الممتاز بشكله الحالى >>>>>>>>>>>>>>>>>>>>
طبعا عملية سفر الفرق داخليا ( عطبره - بوتسودان ) وبشكل
دورى بعود اللاعبين على الاداء خارج الارض بشكل جيد وثقافة
الانتصارات الخارجيه ( الاتحاد الليبى مثال ) > لانهم بكونوا
تعودوا على نوعيات مختلفه من الميادين ودرجات حراره مختلفه
وجمهور مختلف والمحافظه على اللياقه اثناء الترحال وهكذا
|
Post: #53
Title: Re: لله الفضل .. ثم كمال شداد وصلاح إدريس ..
Author: وليد عبد اللطيف
Date: 10-24-2010, 02:04 PM
Parent: #52
استاذ طلحة
Quote: سلامات ووين الغيبة يا رجل ؟
أنا ما عارف قصدك شنو من قولك لو شداد تعامل بديمقراطية دي
يعني مثلا يجامل ويمشي الخطأ ويقول باركوها يا جماعة واللا كيف ..؟ |
الله يسلمك ياغالي
ياخي موضوع دكتور شداد رغم اني لا اجد افهم منه في كرة القدم
ولكن هذا لايمنع انه له طرف في تخلف الكرة السودانية
وطبعا الاسباب كثيرة وهو جزء منها
وانا لست مقتنع تماما بالغاء جهاز الاشبال
والله الحديث طويل في هذه الامور ومحتاج ترتيب للاحداث وبرجع ليك
|
|