ده لعب ده دي مهارتك البنعرفها دي شوتاتك ده جريك مع الرجال معقولة بس انانية وطفيش كورة ولعب بدون نفس بتلعب كده زي التقول شاحتنك تلعب ياخي في ملايين من الناس اسياد بلد وما برضو الحقارة ولعبك الامبارح ده حقارة عديل بالناس ديل لو عندك راي ياخوي اقعد في بيتكم العب مع الوصيف ألعب مع غيرنا لكن ما تلعب علينا تخش تلعب عشان تخرمج لا والف لا ما بنقبل ولا منك ولا من غيرك نحن الهلال ده روحنا ودمنا لا بنقبل فيهو ولا بنقبل من الفيهو يا مهند يا اخوي الهلال ده وجماهيره هم الخلوك تبقى نجم من ما جيت الخرطوم الهلال شايلك وبسبب الهلال لعبت في الفريق القومي وكل تغيير للاحسن في حياتك كان سببه الهلال واقول ليك حاجة كمان انت اطلاقا ما بتلعب باص لولدنا بكري المدينة ولو لعبت ليهو باص بيكون ما مريح عشان تفشلوا قدام الجماهير يعني الفهم شنو يا مهند اجندتك شنو قاصد شنو ورينا كمان اقول ليك حاجة لو ترجع للارشيف في الموقع ده قبل كم سنة انا كتبت بوست هنا طالبت بي شطبك لانك غير مؤهل للدفاع عن الهلال ولا شعار الهلال وانت كل مرة بتثبت لي انه كلامي صاح انت بتجي الملعب وفي راسك حاجات تانية بتعرفها براك وبالذات مباراة الامل بالامس كانت امورك واضحة وحقو الناس ما تدفن راسها في الرمال لعب نوع لعب مهند ده لا بجيب دوري لا كاس لا كونفدرالية يازول اقول ليك حاجة لو دي طريقتك معانا لحدي هنا وسعيك مشكور
Post: #2 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: عمر علي حسن Date: 10-21-2010, 02:19 PM Parent: #1
مع التاييد التام واضف من عندي كمان احمد عادل الذي لا افهم سبب تمسك المدرب بادخاله كل مرة وترك لاعبين مثل النعيم وسامي عبدالله ..
مهند اصبح خطرا علي الهلال
عمر علي حسن
Post: #3 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: عبدالوهاب علي الحاج Date: 10-21-2010, 02:26 PM Parent: #2
وبدون تكريم كمان ... يللا بلاش وجع قلب
______ حقو نحولو للمريخ ويدونا راجي عبدالعاطي ولدنا ونديهم فرق
ياخ انا كان عرفت المريخاب العطاله ديل فرحانين ليه برتاااح > ياخ جنس عدم شغله، السنوسى رشهم رشاهم امكلعلع وخصوصا ناس دول البحر الابيض المتوسط والخليج العربى و النسوان فى مشارق الارض و مغاربها .........................
Post: #11 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: عبدالوهاب علي الحاج Date: 10-21-2010, 03:31 PM Parent: #10
Quote: عارف يا وهبة
نحن محتاجين للاعب واحد بس
ما سوداني
عارفه منو
اللاعب الكاميروني بتاع سان جورج الاثيوبي
وميشو بيعرفه كويس
جقو الادارة تكون اتحركت من بدري عشان تجيبو
لانه بيشبه في لعبو لعب البرنس
لا ياجمال انت ما عارف الزول الكويس واللي نحن بالجد محتاجين ليهو الطرف اليمين الغاني بتاع الترجي ياخ دا صاقعة نجم بحاور كويس وبعكس تمام وجراااااي وسريع ومشاكس ياخ دا لو جانا بدل يوسف محمد الطيرة دا الهلال ممكن يلعب في البوندس ليقا
Post: #12 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: بكري عباس علي Date: 10-21-2010, 04:38 PM Parent: #11
ياخي الزول دا الايام دي لعبو فعلا كعب لكن لكل جواد كبوة
Post: #13 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: عمر علي حسن Date: 10-21-2010, 05:10 PM Parent: #12
يا جماعة
جاءني الان من مصادر اثق بها ان مهند يلعب تحت ضغوط تفقده التركيز وان امره الان بيد مجلس الادارة لازالة تلك الضغوط واعادته لوضعه القديم كمرشح ليكون من افضل اللاعبين في السودان
عن نفسي تراجعت لاري ما يستجد .. اما عن احمد عادل فمازلت استغرب وجوده في قائمة الهلال.
عمر علي حسن
Post: #14 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: رانيه محمد الشيخ Date: 10-21-2010, 05:25 PM Parent: #13
برغم ماليش فى الكوره لكن كان عمل القولته طوالى اكشحوا بره
جاءني الان من مصادر اثق بها ان مهند يلعب تحت ضغوط تفقده التركيز وان امره الان بيد مجلس الادارة لازالة تلك الضغوط واعادته لوضعه القديم كمرشح ليكون من افضل اللاعبين في السودان
عن نفسي تراجعت لاري ما يستجد .. اما عن احمد عادل فمازلت استغرب وجوده في قائمة الهلال.
** ود السنوسى.. ** مساءك خير.. ## وزى ماقال ليك الريس :- 1/ أحمد عادل. 2/ مهند الطاهر .. ## ومن عندى البيرفع الضغط وبكون خايف منو أكتر من مُهاجمين الخصم :-3/ المُعز محجوب ... إى نكسه قادمه للهلال سوف يكون سببها هذا الحارس الغير مسؤول . (ود الود بيننا فى حب سيد البلد) (ابو محمد فؤاد) - الماكيكى..
Quote: واقول ليك حاجة كمان انت اطلاقا ما بتلعب باص لولدنا بكري المدينة ولو لعبت ليهو باص بيكون ما مريح عشان تفشلوا قدام الجماهير يعني الفهم شنو يا مهند اجندتك شنو قاصد شنو
دي شنو المديدة الحارة دي يا جمال .. ده كلام خطير جدا .. لكن بكري المدينة علاقتو شنو بمهند يعني لا بينافسو في خانتو ولا حتى في مهاراتو يعني مافي حاجة تخليهو يعمل كده .. وصراحة زي ما قال خليل مهند عنده ايادي طولى في زرع الفرح في الهلالاب فحرام عليكم يكون ده جزاهو .. ما معروف الظروف البلعب فيها شنو والضغوط اللاعب تحتها شنو والحاجة العارفها انه ما بيتمرد ويزوغ من المباريات زي كتير من اللاعبين يعني ممكن يكون عليهو ضغوط كتيييرة وظروف غير عادية وبرغم كدة بيجي ويدفع ضريبة ناديهو .. فيا جمال لا تقسو على الولد قبل التأكد من الحاصل .. وياريت ما تطلق اتهامات خطيرة زي دي في حق لاعب بمستوى مهند ياااخي وانت زول واعي وعارف وعاقل وانا اكتر زول بعرفك هنا فما تخلي حبك للهلال وحماسك ليهو يخليك تطلع من طورك للدرجة دي ..
الله ........الكلام دخل الحوش وقت بقت ولدنا وولدكم مهند ده مابنرضى فيهو الحبه همك كلو نجاح ولدكم قباض الثعالب ده السنه كلها دايرنو فى القمه ماكتير كان زى الفت بس امس عشان ما لعب ولدكم
لأ يا جماعة..مهند فعلا لاعب لا يجيد اللعب الضاغط على الخصم، لكنه في بعض المباريات يكون مفتاحا للنصر بصواريخه العابرة للقارات. أعتقد أن مهند محتاج لفرصة مع ميشو وسيثبت أنه لاعب من طراز فريد، خاصة إذا تم تطوير قدراته في الالتحام وأداء بعض الأدوار الدفاعية وعدم الاستستلام عند قطع الكرة منه. أما أحمد عادل، فالأفضل له أن يذهب إلى مكان آخر. شاهدت مباراة للمنتخب التنزاني قبل أسبوعين، وأعتقد أن هذا البلد فيه لاعبون موهوبون حاليا وعلى ادارة الهلال أن تضع عينها على بعضهم خاصة في خط الهجوم.
السلام عليكم ونشكر صاحب البوست إنو أدنا فرقه ننداح فيها اللاعب مهند الطاهر يصلح نموزج لتبيان كل أمراض الكورة السودانية وعيوبها
البطء فهو أبطأ من أبو القدح زاااتو الأنانية بيكون فى واحد فاضى ومواجه المرمى وسعاتدو يشوووت ( وياريت فى القون) البنيه الجسمانيه تعبان جدا جدا فى الحته دى (تقول بياكل دلاقين) عدم التركيز أمام المرمى (ودونكم لقاء الأمل) وأى كوره لقها دير يشوتا ومابعرف يفك باص قون والله مستواه بالكتير أحد فرق الروابط
أما أحمد عادل لو سايق الكورة والمدافع قال ليهو وه بخليها ولا يفكها غلط وأرجو إنو مانكون طولنا عليكم
Quote: [عارفين يا جمال انها ما تصفية حسابات يعني انت حسابات شنو العندك مع مهند انت لمن اغتربت مهند امه ما عرسوها .. ههههههههههههههها
وبرضو عارفك ما من النوع البيصفي حساباتو باللفة
غايتو ان شاء الله صوتك ده يصل مسعولين الهلال ويقولوا كدي يعملوها ونقول كدي نسويها
يا امير ماقالوا ليك البوست ده للهلالاب عشان يتناقشوا فى شأن داخلى وخاص جدا اطلع منها وامشى الحق ناس الشغيل ديك قبلى مايكتلوا ليهم زول مشتاقييييييييين ياخى
Quote: يا امير ماقالوا ليك البوست ده للهلالاب عشان يتناقشوا فى شأن داخلى وخاص جدا اطلع منها وامشى الحق ناس الشغيل ديك قبلى مايكتلوا ليهم زول مشتاقييييييييين ياخى
حاااااضر يا قرجاج حا ننكشح من هنا وان كان انتو وسيد البوست اصحابي وكرمكم معروف لكن الظاهر الايام دي قدحكم انكفأ..
بس مرة مرة كده بنجي بتاوق بالحيطة نشوفكم عملتوا لينا شنو في موضوع ولدنا مهنّد ده عشان نجهّز ليهو الحمامات للغسيل .. هههههها
Post: #35 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: عثمان جلال الدين Date: 10-22-2010, 12:33 PM Parent: #33
مهند لعاب وصاحب حلول يحتاجها الفربيق في كثير من الأوقات يا سنوسي بس الجهاز الفني عليه معرفة أحواله وكيفية الاستفادة منه ببدء المبارة والاستبدال في الوقت المناسب حسب الحال أو الدفع به في الوقت المناسب ودي شعبة على ميشو لاختلاف الثقافاات والخلفيات لأنها مرتبطة بالمعنويات ومطلوب من طارق أحمد أدم والكادر الوطني تولي هذا الأمر.. احتراماتي..
Quote: الهلال ده وجماهيره هم الخلوك تبقى نجم من ما جيت الخرطوم الهلال شايلك وبسبب الهلال لعبت في الفريق القومي وكل تغيير للاحسن في حياتك كان سببه الهلال
جمال السنوسي وضيوفه سلامات .... يمين بالله مافي زول في السودان ده احرف من ولدنا مهند الطاهر .... معليش عنده بعض العيوب الا انه لاعب مهاري وصاحب حلول فردية لا يستهان بها .... بالارقام مهند الطاهر هداف الهلال الافريقي تاريخياً بـ 16 هدف ودي يتخيل السنة الفاتت يعني السنة دي ما محسوبة .... الي الآن مهند هداف الهلال في الدوري الممتاز بتسعة اهداف .... يعني بعد ده الا يقلب ليكم هوبة .... وزي ما قال صديقي خلي كم من مرة انقذ فيها مهند الهلال .... وكمان استاذ الكل د. عبد اللطيف البوني قال مهند يتعامل مع الكورة كما يتعامل مع الوردة .... ولا يحلو لجماهير الهلال الا منادته بوردة .... يمين بالله لمن اخش كورة للهلال .... لو الهلال غالب مثلاً 3 صفر وزول سالني الهلال غالب كم بقول ليهو اربعة ... بحسب قون مهند بقونين واحد للقون والتاني للهوبة ....
ارفعوا اياديكم عن مهند الطاهر ,,,, وزي ما قال ليكم كبيرنا الاستاذ عمر علي حسن انه مهند لديه مشاكل ويلعب تحت ضغط ومجلس الادارة يسعي لحل هذه الاشاكاليات ... يجب ان ننتظر الا ان تمر سحابة الصيف هذه .... يا ناس مهند ايقونة من ايقونات الكرة السودانية فلا تفرضوا فيه .... حتي استايل لعبه لا يشبه المريخ ....
يا جماعة كسلا دي ما بتجيب ليها زول وهم ساكت وكان ما مصدقني اسالوا ياسر معتصم ده ...
Quote: لا ياجمال انت ما عارف الزول الكويس واللي نحن بالجد محتاجين ليهو الطرف اليمين الغاني بتاع الترجي ياخ دا صاقعة نجم بحاور كويس وبعكس تمام وجراااااي وسريع ومشاكس ياخ دا لو جانا بدل يوسف محمد الطيرة دا الهلال ممكن يلعب في البوندس ليقا
غايتو ناس الهلال لو ماسجلوا اللاعب دا وهبه بموت وبضيع فيها فعلا لاعب يشبة هلال مريخ
Quote: واقول ليك حاجة كمان انت اطلاقا ما بتلعب باص لولدنا بكري المدينة ولو لعبت ليهو باص بيكون ما مريح عشان تفشلوا قدام الجماهير يعني الفهم شنو يا مهند اجندتك شنو قاصد شنو ورينا كمان اقول ليك حاجة لو ترجع للارشيف في الموقع ده قبل كم سنة انا كتبت بوست هنا طالبت بي شطبك لانك غير مؤهل للدفاع عن الهلال ولا شعار الهلال وانت كل مرة بتثبت لي انه كلامي صاح
طبعا انا اوافق كلام الريس عمر على حسن
Quote: مع التاييد التام واضف من عندي كمان احمد عادل الذي لا افهم سبب تمسك المدرب بادخاله كل مرة وترك لاعبين مثل النعيم وسامي عبدالله ..
مهند اصبح خطرا علي الهلال
عمر علي حسن
كثيرا ما سالتكم اين اللاعب النعيم لكي ينعم لكم وسط الميدان وينعشكم بحركته وتمريراته الجميلة شاهدته اكثر من ثلاثة مرات وكلها لا تتعدى الساعة ولكن يبشر بميلاد نجم قادم لماذا لم ياخذ فرصته حتى يقوى عوده .
--------------------------------- جمال براحه على مهند لان هذا ليس وقته واكيد في سبب وراء ظهور اداءه الباهت في مباراة الامل عطبره . ياخي كلهم كانوا سجمانين وليس مهند وحدة
الناس المعي مهند والناس الضد مهند سلام .. نعم مهند لاعب حريييييييييييييييييييييييييف وهداف من ظراز فريد لكن بعد مرات .. بجيب الصمرقعي .. ويعمل حمي في العيون وصداع في الركب - يخليك تكره المريخ والمريخاب مليون مرة ..
والله يا عبد الله عاد نحن الهلال بنكرهوا لكن ما بنكره الهلالاب مافي حاجة تخليني اكره فتحي ومجدي وشهاب الجمري وعبد الله كع وعبد الغفار وبدر الدين ابقاوون وكل حبايبنا هلالاب المنبر (وده مثال وليس حصر)
كتيرة كتيرة يا كعاكيعو الحق عدلها وانا بسحب دي
مهند ولدنا انتو بس فكوهو عشان ما يكرهكم اي حاجة وما يصمرقعكم .. هههههههههها
امير سلامات .... وليه كمال عبد الوهاب الزمان داك .... ما قدامي العجب من امهر واحرف لاعبي الكرة السودانية خلال العشرين سنة الماضية .... وكتار زيه ... بس قصدي انه في لاعب استايله بيمشي مع فريق ومع فريق تاني لا .... لا يتنازع اثنان علي موهبة ابراهيموفيتش بس ما نجح في برشلونة والامثلة كثيرة .... ليس القصد التقليل من شان المريخ .... علي العكس انا اري بان المريخ فريق كبير ولا يقل عن الهلال في شئ .... الا ان استايل كل فريق يختلف عن الآخر .... وهي مدرستين مختلفين يتوارثها جيل ليورثها لجيل آخر ....
Post: #43 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: سامي عبد الوهاب إدريس Date: 10-23-2010, 04:52 PM Parent: #41
الأخ جمال وكل الأخوة الكرام
مهند الطاهر دا واحد من أحرف وأميز لاعبي كرة القدم بالسودان
نعم به بعض العيوب ولكن يظل هو الأميز في المركز الذي يلعب به عادة
وأنا أعتقد أن نادرا ما نجد المدرب الذي يعرف كيف يوظف مهارات مهند وهذا ما حدث يوم مباراة الأمل فلم يكن لاعب الوسط الذي يساند الهجوم ويصنع الألعاب ولم يكن مهاجما...
مهند لاعب حريف وفنان...
وأفرحنا كثيرا... ربما كان لديه مشكلة ما زي ما ذكر أحد الأخوان فلازم نصبر عليه... والجاي أكيد أحلى إن شاء الله
وزي ما قال ليك أحد الأخوان شوف بس هدفه في حرس الحدود
وجمال لازم نتقبل بعض نتائج الهلال السيئة لأنو دا الهلال زارع الفرح لأعوام وأعوام
ودا ما الوقت المناسب لتوجيه مثل هذه الإنتقادات الحادة والقاسية للاعبين أسعدونا كثيرا
Quote: امير سلامات .... وليه كمال عبد الوهاب الزمان داك .... ما قدامي العجب من امهر واحرف لاعبي الكرة السودانية خلال العشرين سنة الماضية .... وكتار زيه ... بس قصدي انه في لاعب استايله بيمشي مع فريق ومع فريق تاني لا .... لا يتنازع اثنان علي موهبة ابراهيموفيتش بس ما نجح في برشلونة والامثلة كثيرة .... ليس القصد التقليل من شان المريخ .... علي العكس انا اري بان المريخ فريق كبير ولا يقل عن الهلال في شئ .... الا ان استايل كل فريق يختلف عن الآخر .... وهي مدرستين مختلفين يتوارثها جيل ليورثها لجيل آخر ....
مععععععذرة يا زهير فهمتك غلط ..وانا طبعا ضربت المثل بكمال عبد الوهاب لأنه وجكسا والدحيش وبشارة العب ناس على مر تاريخ السودان وغيرهم كتير طبعاً ..
اعتذر مرة تانية يا زهير .. بس بالجد زي ما قلت لو فرطّوا فيهو وحاتك ما بنخليهو كان استايلو زينا وللا ما زينا ...هههههههههههها
امير سلامات .... لا شئ يستحق الاعتذار .... اذا ما سجل المريخ مهند الطاهر قد ينجح وقد لا ينجح ... الا انه ناجح في الهلال بكل تاكيد .... هنالك لاعبون ينجحون في كل مكان ... مثل اللاعب علاء الدين يوسف نجح في المريخ وفي الهلال .... اتفق معك ان الهلال لو فرض في مهند التاريخ فانه خسارته قد لا تعوض .... كلام جمال السنوسي كلام زعل ساكت ... شخص عاشق للهلال ..... لا يقبل سوي بالنمرة الكاملة ... قد يرضي عن مهند وتعود المياه لمجاريها ....
انا اكتر زول متكيف من تالق مهند امبارح ...... لاني براهن عليه .....
Post: #51 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: omer osman Date: 10-24-2010, 07:01 AM Parent: #50
Quote: يا جماعة
جاءني الان من مصادر اثق بها ان مهند يلعب تحت ضغوط تفقده التركيز وان امره الان بيد مجلس الادارة لازالة تلك الضغوط واعادته لوضعه القديم كمرشح ليكون من افضل اللاعبين في السودان
عن نفسي تراجعت لاري ما يستجد .. اما عن احمد عادل فمازلت استغرب وجوده في قائمة الهلال.
جنابو ما تقول ليهم كده (زي حقت وليد) خليهم يفكوهو لينا
قول ليهم الميرغني حمااااااااام ميت خالص وما مقياس ومهند ياها دي فلاحتو يلعب مع الفرق التعبانة بس ..
Post: #53 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: إدريس محمد إبراهيم Date: 10-24-2010, 07:23 AM Parent: #51
سلام يا جمال السنوسي وكافة الأخوة المتداخلون ...
مهند راجل لعاب مافي شك لكنه دائماً ما يركن للمزاجية ، ويمكن كما قال الريّس لو اتحلت مشاكله يكون كما نتمنى لهذا الغزال الأسمر ...
يا جماعه بصراحه نحنا محتاجين لحارس مرمى أهلي مدني ... بصراحه المعز ما بيطمن ومرات كده عندو طبزات أجارك الله ... والهلال في حاجة ماسة لحارس مرمى بمستوى هذا الحارس الذي أشرت إليه ....
Post: #54 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: عبدالوهاب علي الحاج Date: 10-24-2010, 07:24 AM Parent: #51
Quote: ابو الجيم ووهبة يمكنكما بلع البوست مناصفة بواقع تلاتة ارباع جمال وربع وهبة للظروف الصحية طبعا بعد السلام وإزجاء التحيات العطرات
حبيبنا احمد الامين دي آخرتها .. داير تبلع خالك البوست قبال الفطور ههههههه لو ملاحظتك قوية امس مهند لم تخرج تصرفاته عن المعتاد انا فوق قلت انو بشوت كور طائشة مرة تصيب ومرات كتيرة بتخيب القون الاول بتاعو ما كان في داعي اساس يشوت من حتة بعيدة كدا والاولى كان يمرر لبكري المدينة الخالي تماما ولولا ضعف الحارس ما كانت خشت والقون التاني الباص المقشر من علاء الدين يوسف اي زول بجيبو ولكن لو لاحظت ليهو شات الكورة باستهتار وبساقه بمنتهى عدم المسئولية أكرر تاني وتالت مهند الطاهر لاعب ليس في قامة الهلال بنية ضعيفة ،بطء في الحركة والتصرف ،اناني ويضيع مجهود زملاءه
Quote: كثيرا ما سالتكم اين اللاعب النعيم لكي ينعم لكم وسط الميدان وينعشكم بحركته وتمريراته الجميلة شاهدته اكثر من ثلاثة مرات وكلها لا تتعدى الساعة ولكن يبشر بميلاد نجم قادم لماذا لم ياخذ فرصته حتى يقوى عوده .
وليد
نعيم شنو بالله الفاكيها في روحو
كمان عايزه يفكها فينا
نحن دايرين زي ناس العوني
ناس تخش تقلع الكورة كان حقتك كان حقتهم
وصوا نهائي االابطال مرتين
ديل رجال الحارة
ونحن شغل اللميس ده ما بنفع معانا
التجنيس مفتوح
يعني نقوم هسه نجنس لينا كم واحد
زي الوصيف
ونلعب بيهم كاس العالم الجاي للاندية
ما كفاية هسه العندنا ديل بنلعب بيهم في الفريق القومي
ودرنا ليكم بيهم امام غانا في بلدها
وخلي ناس النعيم للبطيخاب
Post: #59 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: وليد عبد اللطيف Date: 10-25-2010, 07:19 AM Parent: #58
Quote: زي ناس العوني وجمال ابوعنجة والله انت متفائل جدا
ولّي وود السنوسي سلامات
جمال ابو عنجة كان برجع من المبارة النادي يقلع الشرّاب يلقى ضفرو الكبير طاير و معلّق في الشراب وهو ما جايب خبرو .
Quote: خليهم للبطيخاب
هههههههها ضحّكتني يا جيمي انت عارف لاعبي وسط المريخ على مر التاريخ معروفين بالشراسة والقوة واشهرهم طبعاً عمر احمد حسين الودا شواطين العناية المركّزة . وبشارة ومازدا وجمال ابو عنجة وبدر الدين بخيت وجنبهم بيكون في طبعا لعيبة فنانين زي كمال عبد الوهاب مع عمر وبشارة وان كان بشارة برضو فنان جدا وسامي عز الدين (الله يرحمه) وعادل امين وابراهومة وسكسك وباكمبا برضو من اللاعبين الزي بشارة فنان وقوي وشرس وان كان لمن مشى الهلال اداها فنسة (ههههههههههههههههههههههههاي) ..
عشان كده يا جيمي لازم يكون في لعيبة فنانين زي مهند ده وكمان لعيبة بنسميهم الطلب يعني هم البيدافرو زي علاء يوسف وعمر وخليفة .
Post: #61 Title: Re: يا مـهـــند الطـاهـر ... لـحـدي هـنـا وســعـيـك مـشــكــور !!! Author: وليد عبد اللطيف Date: 10-25-2010, 10:37 AM Parent: #60
امير الجمري ... سلامات
Quote: جمال ابو عنجة كان برجع من المبارة النادي يقلع الشرّاب يلقى ضفرو الكبير طاير و معلّق في الشراب وهو ما جايب خبرو .
غير ان جمال ابو عنجة عنيف إلا انه رشيق جدا جدا ياخي عمل لينا حركة في تكريم سكسك بنادي الاسرة مع حسن حامد حيرنا زاتو تقول عمرو 15 سنه اخر مره ذهبنا له منزلهم بالموردة انا وصاحبك محمد البربري عند وفاة شقيقته وبعدها قابلته في الامتداد مع فريق الامتداد فطلب مني ان انضم للامتداد فأخرجت له جواز السفر وقلت له تاني كرة القدم دي دا طرفنا منها ..
Quote: وباكمبا برضو من اللاعبين الزي بشارة فنان وقوي وشرس وان كان لمن مشى الهلال اداها فنسة (ههههههههههههههههههههههههاي) ..
هههههههههه دي جمجرة قوية لكن تخيل يحب المريخ اكتر من الهلال وصاحبك دا زي ود الموية يوم في الرياض ويوم في الشرقية ويوم في جدة يستحل تلم فيهو كنا عايزين نعزيهو في وفاة المدرب عامر كلانا قريبة . . امثال عادل امين والرشيد المهدية وحمد والديبة والعوني وعصام عباس الى ان وقفت عند هيثم مصطفى والعجب تاني تكرارها صعب جدا
Quote: اما الريح كاريكا ده يا ولي فحكاية لوحدو زي ما بقولو المصريين .
ده اخطر واحرف مهاجم مرّ على البلد هو وحمد النيل بتاع النيل الخرطومي .
تخيل الريح كاريكا برضو له اخ اسمو حمد النيل ولعب لفريق الزهرة لمدرمان وطبعا دا احرفهم طبعا عندما حضر الريح كاريكا هنا في جدة عملنا له تكريم جميل وجلسنا كثيرا مع بعض وتكلمنا كيف يعامل الهلال قدام اللاعبين ويحاربهم ودكتاتورية بعض الاشخاص في نادي الهلال دا موضوع طويل .. بالنسبة لحمد النيل : ود خالة ناس طارق كادوسة وبرضو طارق كادوسة دا فنان بمعنى الكلمة احكي ليك عن حمد النيل وهدفة الجميل في تكريم سكسك بنادي الاسرة حمد طبعا فنان وفايز نصر الدين عوير وهيثم السعودي مجنون ياخي هذه المباراة يستحيل تمسح من الذاكره بقدر ماشاركنا امتع وامهر لاعبي كرة القدم في السودان من الدحيش وقاقرين الى خالد حلبي ( النيل ) اجمل من هدف حمد النيل لم ارى طبعا حمد النيل بتاع النيل الخرطومي جانا لابس كدارة بيضا الزمن داك حاجة غريبة يازول ختف قون بالكعب من باص بتاع زول حريف لمن عوير ( فايز نصر الدين ) فضحكت وقلت لحمد النيل الحارس كان بيتفرج في الكدارة بتاعتك لذلك لم ينتبه للهدف كابتن وليد الجمري كما تعلم متعة كرة القدم لما تكون داخل الميدان مع الناس المجانيين ديل لها نكهه وطعم خاص طبعا تكريم سكسك بنادي الاسرة مرة باحداث كثيره جدا جدا لذلك تجدني ذكرته اكثر من مره هنا اسامه سكسك فنان وللاسف لم تجود به الملاعب قريب
-------------------------------- بوست جمال السنوسي ملايناهو ونسة وذكريات سامحنا ياجمال ( نخشى من كلمة سعيك مشكور )