Post: #1 Title: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-21-2010, 10:47 AM
العجب عرفة المريخ وصبر علية ورد لهم الدين بأنة لاعب من طراز فريد وتوقف قطار الابداع في محطته ولاخلاقة الجميلة احبة جمهور الهلال والمريخ وكل رياضي مثيرته كانت حافلة بالابداع والاهداف الجميلة ماكر ساحر من تابع العجب ومسيرته الكروية اذا كان مع روابط كوبر او مع الفرق العسكرية او مع المريخ يجده قدم الكثير وسطر اسمه من ذهب لكي يسجل من ضمن الاساطير الكروية التي مرة بالسودان انه لاعب لم يتكرر في القريب من السنيين لذلك ممكن طلق علية محطة الابداع الاخيرة في السودان
قبل كل شيء رايكم شنو ياهلالاب المنبر في هذا اللاعب الفلته وعن نفسي اتمنى ان يعتزل كرة القدم لكي يقف وقفة الملوك مثل زين الدين زيدان
Post: #2 Title: Re: العجب الملك .. محطة الكرة السودانية .. هل من مشكك في ذلك ؟ Author: khaleel Date: 10-21-2010, 11:12 AM Parent: #1
شكرا يا وليد
في الوقت الذي انعدم فيه لاعبي القرار في كل العالم ونضبت الملاعب من شاكلة هولاء اللاعبين
يظل فيصل العجب اعظم من ظهر في الملاعب السودانية مناصفة مع البرنس
صانعي الالعاب قلة علي اصابع اليد والعجب منهم
فنان ماهر باهر قاهر
ربنا يحفظو
Post: #3 Title: Re: العجب الملك .. محطة الكرة السودانية .. هل من مشكك في ذلك ؟ Author: omer osman Date: 10-21-2010, 11:18 AM Parent: #2
وما الكرة اذا جفت ينابيعها من امثال العجب .........
Post: #4 Title: Re: العجب الملك .. محطة الكرة السودانية .. هل من مشكك في ذلك ؟ Author: omer osman Date: 10-21-2010, 11:21 AM Parent: #3
هاك العينة دي ......
Post: #5 Title: Re: العجب الملك .. محطة الكرة السودانية .. هل من مشكك في ذلك ؟ Author: امير عوض الجمري Date: 10-21-2010, 11:27 AM Parent: #4
Quote: يظل فيصل العجب اعظم من ظهر في الملاعب السودانية مناصفة مع البرنس
شكرا وليد الفنان شكراً خليل الجميل شكرا جنابة الحبيب
غايتو بعد غيابم حتى المناكفات دي حا تبقى مسيخة.. عشان كدة نلحقها بي واحدة .
العجب 60 % وهيثم 40 % يا خليل ...ههههههههههههههههها .. طبعا ريحتك يا جنابو .
Post: #6 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-21-2010, 11:53 AM Parent: #3
خليلوف
Quote: يظل فيصل العجب اعظم من ظهر في الملاعب السودانية مناصفة مع البرنس
صانعي الالعاب قلة علي اصابع اليد والعجب منهم
فنان ماهر باهر قاهر
ربنا يحفظو
عند تسجيل العجب للمريخ وانا في شارع المستشفى بالخرطوم شايف ليك مسيرة عاتية تهتف تقول وتغني ( العجب حبيبي ) ضحكت جدا لاني اعرف العجب جيدا كما اعرف اسمي انه سوف يوريهم العجب العجاب بهذه المجنونة وعندما تعثر في بدايته مع المريخ هو و صديقه الزين حزنت لهم جدا ولكن الحمد لله اثبت جدارته العجب اخيرا واثبت انه فعلا عجب وشقيق العجب الفنان لاعب التحرير سيد الاسم وعلاقتي بالعجب كاولاد بحري كان يفترض العب معهم للصعود للاولى بعد ان ارسل لي المدرب جعفر عبد الرازق احد الاشخاص ولعبت معهم كم تمرين وفي نفس الوقت ارسل لي على الكوارتي ياسر ابو ورقة ووليد النقر لكي العب لفريق الشاطي اربعة مباريات صعود للدرجة الثانية المهم ذهبت للمدردب جعفر عبد الرازق الى المنزل بحكم علاقته معي واعتزرت له وفضلت الاربعة مباريات مع الشاطي عن احدي عشر مباراة مع كوبر بمبلغ 450000 الف جنية لاني كنت مسافر الى السعودية وما ممكن اقعد الفترة كلها شفت كيف البزنس الكروي هههههههه العجب كوبرا قاتل سفاح مدمر وديع وهذه اجمل صفة تلازمة اين ماتجده ولا انسى هدف بنا ( فريق الرابطة امدرمان ) الذي استعمل فيه عملية هندسية (مسطرة وقلم ) من كره تمريره باتقان من مجدي كوبر ( الهلال )
Post: #7 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-21-2010, 12:03 PM Parent: #6
عمر جنابو
Quote: وما الكرة اذا جفت ينابيعها من امثال العجب .........
ياخي العجب زي ابار البترول لم تجف وتنضب تصاب بالحسرة وهذه نهايات العجب بالمريخ وكم في هدفة الذي جلبته لنا درس وعبره من لايعتبر وخصوصا اللاعب الكابتن والمحلل السادة بأن الرجل اليسرى ميزة ونعمة وليس قصور في اللاعب الهدف كلاتي : راوغ الاول براسة الثاني برجله اليمنى ياله من هدف جميل استعمل به المهار زايد الدقة في التصويب . . جنابو شكلكم بعد ذهاب العجب سوف تذهبون معه عن المريخ ( الجريح )
Post: #9 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-21-2010, 12:10 PM Parent: #7
غايتو يا امير الجمري بتاع مشاكل
Quote: غايتو بعد غيابم حتى المناكفات دي حا تبقى مسيخة.. عشان كدة نلحقها بي واحدة .
العجب 60 % وهيثم 40 % يا خليل ...ههههههههههههههههها .. طبعا ريحتك يا جنابو .
غايتو ممكن تقول هيثم مصطفى يتفوق على العجب فقط في القيادة لانه ليدر محنك لكن غياب هيثم عن الهلال مثل غياب الشمس كما يقول الفنان محمود تاور (الشمس غابت وينو القمر طيب ) وهيثم قمر الملاعب السودانية الان وتربع على عرش افضل اللاعبين
Post: #8 Title: Re: العجب الملك .. محطة الكرة السودانية .. هل من مشكك في ذلك ؟ Author: omer osman Date: 10-21-2010, 12:04 PM Parent: #6
Quote: ياسر ابو ورقة
ياوليد ده ولدنا ما تقول لي بحري وامدرمان ومش عارف شنو ....
اتعلم الكرة عندنا في نمرة 2 ومشي بحري وامدرمان محترف أجنبي ...
Post: #10 Title: Re: العجب الملك .. محطة الكرة السودانية .. هل من مشكك في ذلك ؟ Author: محمد يوسف الزين Date: 10-21-2010, 12:32 PM Parent: #6
وليد حكاويك جميلة بس ممكن سؤال؟ العجب مواليد كم؟!
هل عمر اللاعب السوداني قصير؟! وهل عمر اللاعب السوداني بسمح ليهو يلعب مثلاً في سن الثالثة والثلاثين (هيثم مصطفى عمرو كدا بالمناسبة) والاربعة وثلاثين والخامسة والثلاثين وأكثر؟! هيثم نفسه مثلاً دفعته انتهى مشوارها الكروي ونسي الناس اسماءهم
حالات نادرة حتى في الكرة العالمية ، (لاعب مخضرم يدخل في الربع ساعة الأخيرة) وحتى المثال الأشهر حالياً في العالم خافيير زانيتي (37 سنة) كابتن انترميلانو ومع كل عطاءه ولياقته الاكسترا أوردنري (يلعب 90 دقيقة ومباريتين اسبوعياً) تبهدل بالأمس من مهاجم توتنهام الويلزي الذي انتظر حتى الدقائق الأخيرة من المباراة ليحرز ثلاثة أهداف بالكربون وكلها بطريقة واحدة - اجري يا زانيتي وراي وهاك قون -
رأينا كثير من اللاعبين السودانيين تنتهي مسيرتهم الكروية في سن مبكرة.
هل هو عامل السن أم انتهاء فترة العطاء ونزول المستوى وليست اللياقة وحدها؟!
تحية ليك وللملك فيصل
Post: #11 Title: Re: العجب الملك .. محطة الكرة السودانية .. هل من مشكك في ذلك ؟ Author: طارق الكوتش Date: 10-21-2010, 01:43 PM Parent: #10
يوم ما زازه اخدت نظره انا من قصاد الطاقه توب الكرب الساده الجابوه النقاده >>> العجب حبيبى
غايتو السنوسى لو مر من هنا اكيد حيعرف مناسبة الاغنيه اعلاه > لوووولز
Post: #12 Title: Re: العجب الملك .. محطة الكرة السودانية .. هل من مشكك في ذلك ؟ Author: عمر علي حسن Date: 10-21-2010, 03:58 PM Parent: #1
لاتسأل اخي عن رأي الهلالاب فانهم قد اعلنوا له الحب ومدحوه وهو يلعب ضدهم لانه لاعب من طينة ابداع خالصة .. هو فنان ملهم قبل ان يكون لاعب كورة .. وهو في رأيي قد ضل طريقه من العالمية وهبط علي ارض لاتفتأ ترتوي بفيضه دون ان يشرب منها .. ما بالك لو وجد هذا المبدع في البرازيل مثلا واختلطت عبقريته بعبقريات عباقرتها اذن لما نزل عن مرتبه بيليه وامثاله .. ولكن حظه جاء به الينا لنبحث له عن محطة !! وأجمل ما فيه انه ظل يبدع علي مدي زمني قياسي دون ان يضارعه احد
Quote: يظل فيصل العجب اعظم من ظهر في الملاعب السودانية مناصفة مع البرنس
الحديث عن العجب وهيثم مصطفي ينبغي ان يمتد الي قلة من العباقرة لم تشهدوهم من امثال طلعت فريد وعبد الخير صالح والنور بله وهاشم ضيف الله وبرعي احمد البشير وزكي صالح وقرعم وصديق منزول والقرود وكشيب وسليمان فارس وجكسا وكمال عبد الوهاب ..
لقد اغلق جيلكم تاريخ الكرة علي العشرين عاما الماضية واسقط ما سبقها من ارث لو اضيف اليه العجب وهيثم لكانا تسلسلا لعبقريات سودانية تمهد لغد ربما يكون افضل وامتن ..
الملك العجب والسلطان عجبنا والبرنس وسيدا قطرة مزن في صحراء كرتنا القاحلة اليابسة .. امد الله في عطائهما واستنسخ لنا منهما ما يحفظ النوع ويثري غدنا الكروي ..
عمر علي حسن
Post: #13 Title: Re: العجب الملك .. محطة الكرة السودانية .. هل من مشكك في ذلك ؟ Author: Abdlaziz Eisa Date: 10-22-2010, 06:48 AM Parent: #12
العزيز الصفوي/ وليد
سلام
العجب اسم وماركة مسجلة...
فريد زمانه لا يشاطره تفرده أحدا..
تحياتي
Post: #14 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-22-2010, 12:54 PM Parent: #13
عمر جنابو...... سلامات وكيف جنابو الصغير وامه
Quote: ياوليد ده ولدنا ما تقول لي بحري وامدرمان ومش عارف شنو ....
اتعلم الكرة عندنا في نمرة 2 ومشي بحري وامدرمان محترف أجنبي
عندما حمله جمهور بورتسودان كما كان يحمل الاسطورة الطاهر حسب وطاف به الملعب وقتها كان بلعب بفريق السواح رابطة الدناقلة بحري وحتى اذا تلهم ابجديات الكرة عندكم لاتنسى في بحري سحر خاص يضفية على اللاعب يعني ياعمر جنابو انت زاتك لو جيت لعبت في بحري كان ممكن تكون مثل هيثم مصطفى والعجب ههههههه بعدين ياخي شقيقة ناجي كان حارس خطير جدا ودرس الثانوي العام معنا ببحري ولو لا الدراسة للعب الى هلال مريخ . عندك المعلم اسامة سكسك عندما لعب للتحرير طبع به الاسلوب المدهش الممتع وبعدها ذهب للمريخ شفت كيف صبغة بحري قوية ..
Post: #15 Title: Re: العجب الملك .. محطة الكرة السودانية .. هل من مشكك في ذلك ؟ Author: هاشم أحمد خلف الله Date: 10-22-2010, 12:59 PM Parent: #14
وليد الجميل ياخي بصراحة انا بطلت الكورة بس للزمن وللتاريخ ( العجب ملك ) مبدع وفنان راقي . هيثم ايضا مبدع وفنان لكن العجب يمتاز بمهارات اكثر من هيثم وإن شاء الله ناس الهلال ما يزعلوا مني
كورتنا الله يعلي شانا يا ناس
Post: #16 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-23-2010, 08:00 AM Parent: #15
محمد يوسف الزين ... سلامات
Quote: وليد حكاويك جميلة بس ممكن سؤال؟ العجب مواليد كم؟!
هل عمر اللاعب السوداني قصير؟! وهل عمر اللاعب السوداني بسمح ليهو يلعب مثلاً في سن الثالثة والثلاثين (هيثم مصطفى عمرو كدا بالمناسبة) والاربعة وثلاثين والخامسة والثلاثين وأكثر؟! هيثم نفسه مثلاً دفعته انتهى مشوارها الكروي ونسي الناس اسماءهم
كلامك منطقي وجميل في قصة الاعمار ولكن بلدنا تفتقر المواهب اي بمعني اصح مافي تطور كروي وحتى مافي ناس بتعمل لكي تطور الرياضة بالسودان شوف ياحبيبي اللاعب السودان بيلعب كرة القدم في السابعة السابعة من عمره ولكن يفهما في سن الخمسة وعشرون يختلف عن كل الدول وكما تعمل الكرة فهم وليس جري فقط مهما كانت موهبتك وفي هذا السن في البلاد الاخرى اللاعب يفكر في الاعتزال ..
Quote: هل هو عامل السن أم انتهاء فترة العطاء ونزول المستوى وليست اللياقة وحدها؟!
عامل السن طبعا له اثر كبير في ذلك لان الانسان يصل مرحلة لايستطيع رفع معدل لياقتة وقد يحدث له ضمور في بعض العضلات التي تساعد على الحركة زائد فقدان المرونه ..
-----------------------------
Quote: تحية ليك وللملك فيصل
يانسيم بالله اشيكلو تباريح شوقي وهيامي لك مني الاف التحايا وخلي قلبك يكون معايا ) ماتمشي بعيد
Post: #17 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-23-2010, 08:10 AM Parent: #15
الخبير طارق الكوتش
Quote: يوم ما زازه اخدت نظره انا من قصاد الطاقه توب الكرب الساده الجابوه النقاده >>> العجب حبيبى
غايتو السنوسى لو مر من هنا اكيد حيعرف مناسبة الاغنيه اعلاه > لوووولز
هنا لي ذكريات مع والدتي ربنا يديها العافية عاشقة هلال الملايين في يوم زمان كنا جاين من مشوار في الخرطوم وكنت برفقتها فركبنا حافلة جديدة من ابوجنزير وبها شريط كارب لمحمود عبد العزيز طرب شديد دلوكة ابو استك ولما وصلنا كانت اخر اغنية هي العجب حبيبي عندما نزلنا قالت والله الحافلة دي تمام وشريطم تمام فعملت على تصحيح بعض الكلمات واضافة بعض الكلمات لم تذكر في هذه الاغنية لان قالتها كما هي حين ظهرت والله امي دي خطير واخطر من العجب وهيثم مصطفى زاتو كل الاغاني القديمة عارفه الشاعر والمودي و مناسباتها وقصتها ولها صوت حنين وجميل وللاسف لم تورثني له ربنا يحفظها لنا واشكرك لسؤالك الدايم عنها ياطارق ياكوتش
Post: #18 Title: Re: العجب الملك .. محطة الكرة السودانية .. هل من مشكك في ذلك ؟ Author: طلحة عبدالله Date: 10-23-2010, 08:14 AM Parent: #17
كلام رائع عن لاعب رائع من زول رائع ... العجب وقبله سكسك إبداع كروي ممتع ..
Post: #19 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-23-2010, 08:29 AM Parent: #18
الريس .. عمر علي حسن .. حفظك الله ورعاك امامك لا اعرف من اين ابدا حديثي معك للذي سمعته عنك والذي اراهو هنا وانت مشاركنا الراي والكلمات .ويعجز وصفي عند دخولي نادي الهلال اول مره كيف كان شكل حفاوة الاستقبال لهذا النادي العملاق بحق وحقيقة وكيف شاركتهم وكيف ذهبت منهم انه منظر لايمسح من الذاكرة وهذا ماعودنا له اداري نادي الهلال ولعيبته وجمهورة وكلامك هنا عن الاسطورة العجب انه يعكس الروح الطيبة لهذا اللاعب رغم انه ينتمي لند الهلال وهنا ذكرتنا في يوم عندما دخلت مع النجوم الدولين لتكريم زميلنا اسامه سكسك لاعب المريخ كان اول الحضور رجل الانسانية والخير هو (عبد المجيد منصور ) وكان هذا درس لنا بأن الرياضة محبة واخاء
Quote: لاتسأل اخي عن رأي الهلالاب فانهم قد اعلنوا له الحب ومدحوه وهو يلعب ضدهم لانه لاعب من طينة ابداع خالصة .. هو فنان ملهم قبل ان يكون لاعب كورة .. وهو في رأيي قد ضل طريقه من العالمية وهبط علي ارض لاتفتأ ترتوي بفيضه دون ان يشرب منها .. ما بالك لو وجد هذا المبدع في البرازيل مثلا واختلطت عبقريته بعبقريات عباقرتها اذن لما نزل عن مرتبه بيليه وامثاله .. ولكن حظه جاء به الينا لنبحث له عن محطة !! وأجمل ما فيه انه ظل يبدع علي مدي زمني قياسي دون ان يضارعه احد
Quote: يظل فيصل العجب اعظم من ظهر في الملاعب السودانية مناصفة مع البرنس
ياسلام عليك ياريس كلامتك الجميلة هذه شهادة له ولنا انه فعلا محطة الابداع الكروي للكرة السودانية وسوف نفرد مساحة الى قمر الملاعب السودانية ( هيثم مصطفى ) وكما يقول الفنان محمود تاور (الشمس غابت وينو القمر طيب )
------------------------------ ياريس تريس وقود هذا البوست كما يحلو لك وخليك قريب
التعديل في بعض الكلمات وترتيبها
Post: #20 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-23-2010, 11:28 AM Parent: #19
عبد العزيز عيسى .... سلامات
Quote: العجب اسم وماركة مسجلة...
فريد زمانه لا يشاطره تفرده أحدا..
وباستطاعته تغيير الاحداث في اي لحظة ويقلب الرتبيزة ويقلب كل التوقعات والموازين له خيال كروي كبير في ذلك
Post: #21 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-24-2010, 11:48 AM Parent: #20
الاستاذ الشاعر الفنان هشام خلف الله
Quote: وليد الجميل ياخي بصراحة انا بطلت الكورة بس للزمن وللتاريخ ( العجب ملك ) مبدع وفنان راقي . هيثم ايضا مبدع وفنان لكن العجب يمتاز بمهارات اكثر من هيثم وإن شاء الله ناس الهلال ما يزعلوا مني
كورتنا الله يعلي شانا يا ناس
تعرف يا استاذنا انا مقتنع تماما بأن كرة القدم لاتنفصل عن الفن لذلك اكيد لك تزوق خاص لكرة القدم كابتن العجب مقطوعة موسيقية ويجب تدريسها لمعهد الموسيقى لكل الاجيال القادمة
Post: #22 Title: Re: العجب الملك .. محطة الكرة السودانية .. هل من مشكك في ذلك ؟ Author: وليد عبد اللطيف Date: 10-25-2010, 06:58 AM Parent: #21
يا سلام استاذ طلحة
Quote: كلام رائع عن لاعب رائع من زول رائع ... العجب وقبله سكسك إبداع كروي ممتع .
شكرا للاطراء وانت جبت لينا ابو السكاسك دي حاجة جميلة احكي ليك زمان لما سكسك كان لاعب لفريق التحرير ووقتها مدربهم سليمان فارس عند وضع التشكلة وبلهجتة المصريه كان يوزعها يافلان انت روح العب يمين ويافلان انت روح العب ياسر اما يا اسامة (سكسك ) انت العب اي حاجة وهذا اللاعب الوحيد الذي كان مقتنع به سليمان فارس في السودان لانه يمتلك موهبة قائقة تفوت حد الخيال . ابو السكاسك حبيبنا حتى ولو انت خصمة تستمتع بفنياتة ياسلام ياطلحة ..
