كتر خير ديل الما قصروا ,,, النشوفكم إنتوا ,,, غياب نهي ,,,

قاعد لي زمن وسنين فى خشم الباب ,, زول فيكم عبرنى مافى

يجى صيف , وأنا فى عز الهجير , ويعقبه خريف والمطر يدق فينى مطر , وبعد داك السقط الناشف داك يزيد فى نشاف جلدى ,

وأنا صامد تحت راكوبتى ,, وحبايبى جوه الدار ما حاسين بي , ولا عارفين الحاصل علي ,, " ما مرتاحين " اللهم لا حسد ,,

لحدى ما ربنا سخر لي المبروك ود صباحى , ساقنى من يدى ودانى للشيخ الكبير ود ابوبكر ,, وقلنا كده دخلنا عليه , وأنا أتمتم .

يا ربى تسخر لي الجنا ده ,, قام سألنى . إنت من ناس شيخى ود شريف ؟ قلت له : أيا , قالى حبابك , حبابك ألف ,, و إن درت ذيادة بنذيدك ,

قلت ليهو كفانى , قال لى أها أبقى داخل لى جوه ,, ود صباحى قال لى أبشر , الشيخ رحب بيك ,,, الحمد لله , أها عاد دخلنى على الناس ديل النسالمن ,

قعدنا نكوس , ونكوس , ونكورك ليكم , وما لقينا رد ,, انتوا قاعدين وين ؟؟ أنا جيتكم ومانى فايتكم تانى , وراكوبتى وهبتها وقف للجايين بعدى لحدى

ما ربنا يسهل ليهم الدخول , تعالوا لي ما جيتكم بالساهل , وكتر خير ود شريف , وود صباحى , وود ابوبكر , ورحاب , الجابونى ليكم , أها قودونى لى جوه .

Salam
U r welcome

كتر خير الكرام أبناء الأكرمين , وأول الأصحاب المرحبين ,,

التحية والمودة والتقدير لكم اخوتى :

عبد القادر شادول .

صالح عبده .

شهاب الفاتح .

مرحبتين حبابك يا حاتم ..

وأبقى داخل لا جوة ...

وأهلين وسهلين بيك في حوش بكري العامر ..

يلا ورينا مساهماتك ...

أحلى تحية من أحلى ناس ,,, وسلم لى على عموم أهلنا بالشرق الجميل ,

المساهمات جاية فى الطريق ,, بس الدماغ يروق شوية يا زعيم ,

ودى وتقديرى .