Post: #1
Title: مخطط غربي لتقسيم السودان إلى 3 دويلات
Author: عثمان رضوان
Date: 10-20-2010, 09:47 AM
أوردت صحيفة الخليج الإماراتية الصادرة اليوم 20/10/2010:
كشفت تقارير بثها موقع (ديبكا) الاستخباراتي الإسرائيلي أمس نقلاً عن مصادر استخباراتية أفريقية عن وجود نشاط وتعاون محموم بين اجهزة المخابرات الأمريكية والإسرائيلية والفرنسية لتنفيذ مخطط يهدف إلى تقسيم السودان إلى ثلاث دويلات ( دولة السودان الإسلامية، ودولة دارفور، ودولة في الجنوب ) . واشارت إلى أن أجهزة المخابرات المذكورة تعمل حالياً على تفكيك السلطة المركزية عبر عملاء داخليين وحركات متمردة، وفي وقت دعت الخرطوم أمس على لسان وزير دفاعها عبدالرحيم محمد حسين عقب لقائه الرئيس مبارك في القاهرة إلى تاجيل الاستفتاء المقرر إجراؤه في التاسع من يناير المقبل في جنوب السودان إلى حين تسوية القضايا الأمنية والحدودية. واعتبر( أن اعلان الإنفصال من جانب واحد أمر غير قانوني، ولن يعترف به الاتحاد الأفريقي أو غيره لانه سيتناقض مع إجراءات اتفاق السلام).
وتحدثت مصادر دبلوماسية أن وفداً مصرياً رفيع المستوى يضم وزير الخارجية والوزير عمر سليمان، سيزور السودان خلال ساعات للقاء عدد من المسؤولين السودانيين على رأسهم الرئيس البشير والفريق سلفا كير رئيس حكومة الجنوب.
|
Post: #2
Title: Re: مخطط غربي لتقسيم السودان إلى 3 دويلات
Author: البحيراوي
Date: 10-20-2010, 10:32 AM
Parent: #1
تحياتي محمد رضوان
يا زول ما في خبر في التقرير دا . نحن في كردفان تبعونا لي ياتي جيهه. ما دام الكلام في تقرير مصير نحن ذاتنا عايزين نقرر مصيرنا ونشوف وين موقعنا من الجوطة دي .
بحيراوي
|
Post: #3
Title: Re: مخطط غربي لتقسيم السودان إلى 3 دويلات
Author: عثمان رضوان
Date: 10-20-2010, 12:10 PM
Parent: #2
الأخ عبدالله البحيراوي
تحياتي
ناس كردفان ينضَموا (بفتح الضاد) لأي واحدة
من الدول التلاتة ديل، ولو ما قبلوا بيكم
تعالوا لينا في دولتنا المرتقبة(سنار)
نشيلكم في راسنا معززين مكرمين.
المشكلة حتكون في المسيرية!!
|
Post: #4
Title: Re: مخطط غربي لتقسيم السودان إلى 3 دويلات
Author: فايزودالقاضي
Date: 10-20-2010, 01:25 PM
Parent: #3
غايتو نحن الولايات الشرقية (القضارف ، كسلا ، بورسودان ) اكثر الاقسام مؤهلة لأن تكون دولة ...ميناء في بورسودان وسواكن وغيرهم وثروة سمكية محترمه ، وزراعة ذرة وقمح وسمسم في القضارف ، والفواكه في كسلا ، وعندك الثروة الحيوانية في البطانة ، بالاضافة للانهر العذبة القاش وعطبرة وبركة وعندنا تهريب في الحدود ..يازول نحن فكونا من الشمال والغرب والجنوب ونرتاح للاخر ....
يعني ياناس التقرير بدل 3 دويلات خلوهم 4
|
Post: #5
Title: Re: مخطط غربي لتقسيم السودان إلى 3 دويلات
Author: عثمان رضوان
Date: 10-21-2010, 06:07 AM
Parent: #4
الأخ فايز
قالوا
( دار أبوك كان خِربت، شِيل ليك فيها شَِليَّة)
مثل سوداني قديم.
تنويه:
قديم ترجع للسودان وليس للمثل
|
Post: #6
Title: Re: مخطط غربي لتقسيم السودان إلى 3 دويلات
Author: عثمان نواي
Date: 10-21-2010, 06:19 AM
Parent: #5
خربانة ام بناية قش دولة الانقاذ
نحن مصيرنا في جبال النوبه معلوم
وقلنا قولتنا زماااان
دولة المصير
|
Post: #7
Title: Re: مخطط غربي لتقسيم السودان إلى 3 دويلات
Author: jini
Date: 10-21-2010, 06:25 AM
Parent: #6
3 بس!
ناس المؤتمر الوطنى مابرضو الا بى تسعة!
جنى
|
Post: #8
Title: Re: مخطط غربي لتقسيم السودان إلى 3 دويلات
Author: عثمان رضوان
Date: 10-21-2010, 09:45 AM
Parent: #6
الأخ/عثمان
تحياتي
شِدوا حيلكُم..
الفرج جاي بإذن الله.
|
Post: #9
Title: Re: مخطط غربي لتقسيم السودان إلى 3 دويلات
Author: عثمان رضوان
Date: 10-21-2010, 10:05 AM
Parent: #8
Quote:
3 بس!
ناس المؤتمر الوطنى مابرضو الا بى تسعة!
جنى |
الأخ/حيدر(جني)
تحياتي
رايك شنو نديهم التُسُع هم وصحبانك ناس الحركة
وبعد ما يتصافوا ويفَضوه نرجعوا تاني..
(خربانة أم بناياً قزاز)
مثل سنّاري
|
|