Post: #1 Title: حارس المرمى يحرز هدف التعادل لفريقه من ضربة ركنية(فيديو) Author: النصرى أمين Date: 10-19-2010, 08:54 PM
قبل يومين و فى الدورى العام لكرة القدم (امريكا وكندا) وفى مباراة بين فريق تورنتو و كولومبس ..انتهى الزمن الرئيسى بتقدم الفريق الكندى ... فى الزمن بدل الضائع ..وفى هجمة اخيرة لمنتخب كولمبس خرج حارس الفريق من مرماه وانضم للمهاجمين واستطاع احراز هدف التعادل.....
فى ثقافة الرياضة هنا فى امريكا ان الهزيمة هزيمة ... بهدف او عشرة اهداف .... لايهم ....
فى الهوكى ..فى الدقائق الاخيرة يخرج الحارس من مرماه ويحل محله مهاجم سادس ....وينتقل كل اللاعبين لمنطقة الخصم فى محاولة اخيرة للتعادل ....
فى كرة القدم الامريكية ..نفس الشى ويسمونها Hail Mary pass
شاهد الفيديو وراقب حارس المرمى يرتدى الفنيلة بيضاء
Post: #2 Title: Re: حارس المرمى يحرز هدف التعادل لفريقه من ضربة ركنية(فيديو) Author: النصرى أمين Date: 10-19-2010, 09:04 PM Parent: #1
ربما لان الهدف فى كرة القدم حار ومؤلم زى السيك فى الوست(كسر الواو)
غالبا تفضل الفرق الخروج بالهزيمة بدلا من محاولة يائسة تكون اخرتها "سيكين" مؤلمتين بدلا واحدة..
معظم حراس المرمى عندنا طوال القامة (ستة متر ولفوق) لو افترضنا انو المباراة فى لحظاتها الاخيرة والفريق مهزوم ..لماذا يقف الحارس بعيدا فى مرماه ويشاهد اخر ضربة ركنية لصالح فريقه؟ مفروض يجى ويقيف فى نص المهاجمين .. شوكة حوت بس ...
على الاقل بلاوز للمدافعين ...
Post: #3 Title: Re: حارس المرمى يحرز هدف التعادل لفريقه من ضربة ركنية(فيديو) Author: Adam Omer Date: 10-19-2010, 11:36 PM Parent: #2
الاخ النصرى الحارس لمن يدخل هدف فى شباكو.
زر الســـــــــيك فى قبولو!!!!!!!!!!!
Post: #4 Title: Re: حارس المرمى يحرز هدف التعادل لفريقه من ضربة ركنية(فيديو) Author: محمد حيدر Date: 10-20-2010, 01:11 AM Parent: #3
الأعزاء
النصرى أمين
Quote: معظم حراس المرمى عندنا طوال القامة (ستة متر ولفوق)
يا راجل ديل ناس عاد لاعبين ضد فريق ثمود و لا شنو
Post: #5 Title: Re: حارس المرمى يحرز هدف التعادل لفريقه من ضربة ركنية(فيديو) Author: النصرى أمين Date: 10-20-2010, 03:02 AM Parent: #4
سلام يا ادم انا ما حريف ويست ..وما لعبتها كتير.... لكن اخدتا لى اسنا قبل 16 سنة لحسى خشمى ملح ملح .... ياخى دى مؤلمة بشكل عجيب .....
Post: #6 Title: Re: حارس المرمى يحرز هدف التعادل لفريقه من ضربة ركنية(فيديو) Author: النصرى أمين Date: 10-20-2010, 03:31 AM Parent: #5
سلام يا حيدر ... حسى المعز محجوب بكون اقل من 7 متر!!!
لو الهلال مغلوب واحد صفر(لا قدر الله) والزمن الاضافى انتهى والهلال عنده اخر فرصة فى ضربة ركنية لصالحه...
المعز محجوب ده يقيف بعيد لشنو... وحارس مرماه فوق كم؟
خلى يجى يكابس مع المكابسين زى ما عمل حارس مرمى كولمبوس ..
Post: #7 Title: Re: حارس المرمى يحرز هدف التعادل لفريقه من ضربة ركنية(فيديو) Author: النصرى أمين Date: 10-20-2010, 03:58 AM Parent: #6
قريت النكتة دى فى الفيس بووك ولانها ما مضحكة شديد ما بتحتاج بوست براهو فقلت ارشها هنا واخلص
Quote: مسطول سألوا شنو الفرق بين الاكل زمان واسى قال زمان الناس لماتجى تاكل بتقول بسم الله وبعد الاكل بتقول الحمدلله اسى بقولوا الحمدلله الاكل جا وبعدالاكل بقولوا بسم الله متين انتها