بدون زعل: لماذا يصر السودانيون على العيش في مصر؟!

سلام يا شباب
بعد قراءتي لخبر مقتل هذا السوداني
وبعد مجازر حديقة مصطفى محمود، بستغرب
السودانيين ديل بحبوا لمصر ليه؟!
بلد فقيرة جداً - أفقر من السودان
وشعبها لا يحترم السودانيين، يعني
ميتة وخراب ديار، أتمنى من كل السودانيين
الذين يعيشون في مصر العودة لديارهم
بدلاً من هذا الضياع. حتى الطلاب أنصحهم
بالدارسة في الدول الغربية.

وتحياتي للجميع

الزعل مرفوع - على الرغم من أني بكتب
هذه السطور وأنا زعلان.

الفاضل النذير حجازي

اقدر زعلك وانا مثلك...و

ولطن دهنى نفلفل هذا الكلام

منو قال لك انه التواجد هنالك هو بسبب الحب؟؟!!!

Quote: السودانيين ديل بحبوا لمصر ليه؟!

خذها مني كلمه فانهم يكرهونا كراهة التحريم

ولكن مجبرا اخاك لا بطل....

ممكن تقول هم متواجدين هنالك ليه؟؟!

لكن بلاش كلمة حب دي لانك اهنت بذلك الحب.






هم متواجدين النها الارخص من ناحية الوصول اليها وهذا كل ما هنالك.

فمصر يمكنك الوصول لها عن طريق القطار والبواخر.

فكر يوغندا الا بالطائره

كينينا الا بالطائره

اثيوبيا الا بالطائره

وهكذا...هذا فقط هو سبب تواجدهم صدقني.




وهو يشبه نزوج بعض الجنوبين شمالا

ظلت اجهزة الدوله تروج لماذا ينزوحون لنا لو هم مضطهدين عندنا

وفات عليهم ان من ينزح هم القربين جغرافيا فقط!

وانه هنالك اعداد مضاعفه لهم خرجت لكينينا ويوغندا واثيوبيا!!

غاليتنا تراجي
سلامات ومشتاقين

عليك الله شوفتي نوع المصائب دي
والله أنا من الزعل مفكر أرجع السودان
وأتحرش في المصرين وأضربهم، لكن لعنت الشيطان

وشكراً على توضيح نقطة الأقرب والأرخص بالنسبة
للسودان، لكن يا تراجي أنا بشوف السودانيين
الذين يفكرون من هذه الناحية فقط، بأنهم كسالى
فيمكنهم لو إجتهدوا قليلاً لهاجروا إلى كينيا
أو أثيوبيا.

تحياتي ليك يا ملكة

لماذا لا تقفل السفارة السودانية
في القاهرة أبوابها ويعود السفير
السوداني إلى السودان؟!
لماذا لا يسير السودانيون المظاهرات
للتنديد بهذا الفعل ال########؟!

Quote: السودانيين ديل بحبوا لمصر ليه؟!

Quote: خذها مني كلمه فانهم يكرهونا كراهة التحريم

احبها جدا .. تعجبني .. أجد فيها لنفسي أمن و احترام أكثر مما وجدته في بلدي للأسف .. أستفيد فيها جدا معرفيا ثقافيا.. بلد جميل أكتسب به خبرات و لاأحس فيه بغربة و لا وحشه .. لي فيه أصدقاء و صديقات كثر .. أينما تعاملت فيه مع أحد و عرف أني سوداني أكرمني واحتفى بي.

هذه بعض الاسباب التي تجعلني احب مصر و اقيم فيها و تجعلني أكذب تعميم تراجي و حكمها على مشاعري الخاصة .
ان لم تكن هذه الاسباب كافية فيمكن أن فتح بوست كامل أعدد فيه مبررات عيشي هنا و مبررات حبي لهذا البلد.

و مستعد ان اتحمل بعد ذلك تبعة أن يطردني بكري انتقاما لمقتل مواطن سوداني على يد مجرمين مصريين.

التحايا والاحترام لصاحب البوست و للجميع هنا

وددت ان ارد أو احاور لاخ الصديق حمور في بعض ما أورده ،

Quote: أجد فيها لنفسي أمن و احترام أكثر مما وجدته في بلدي للأسف

للأسف الاخيرة دي مفتاحية في الموضوع دا وللأسف انو دا صحيح في حال كتيرمن السودانيين في مصر لكن ليس الأغلبية منهم ،

Quote: أستفيد فيها جدا معرفيا ثقافيا.. بلد جميل أكتسب به خبرات و لاأحس فيه بغربة و لا وحشه .. لي فيه أصدقاء و صديقات كثر .. أينما تعاملت فيه مع أحد و عرف أني سوداني أكرمني واحتفى بي.

مع كامل التقدير لأسبابك دي يا حمور لا يخفي عليك انو دعوة الاخ النذير هنا هي نتاج غضب واحساس بالمهانة الناتجة عن ما يلاقيه الكتير من السودانيين في مصر ،

في المسألة دي يمكن النظر ايضا لاصطياد السودانيين المحاولين العبور لاسرائيل كمثال ،

مصر حاليا وفي احوال قبل كده هي دولة احتلال ، وكون انو الحكومة السودانية ضعيفة وساكتة عن حلايب فدا ما سبب لأنو انا كسوداني ارضي بالوضع دا ،

باكتب الكلام دا او الملاحظات دي وفي بالي انو المخاطب هو حمور زيادة صاحب الوعي العالي بالسودان والسودانية ،

وفي بالي ايضا جيوش المتبطلين من السودانيين في مصر اللي مستعدين يبيعوا السودان بتأشيرة لجوء لأي حتة !

نقطة أخيرة ياحمور : هل تعتقد انو المصريين الموجودين الان بالسودان واللي بعضهم بيمثل السودان بالنسبة ليهو ما تمثلو مصر بالنسبة لكتير من السودانيين او حتي اكتر ،

هل تعتقد انو واحد منهم ممكن يجي يوم ويتكلم عن السودان والسودانيين بالمودة والامتنان الظاهرين في كلماتك ؟

في توضيح اكتر هل في من المصريين في منابر الحوار او المواقع الالكترونية او الجرايد حتي من هم مجندين او ناذرين نفسهم للدفاع عن السودان كلما واحد اتكلم عنو زي ما بيحصل لما واحد هنا يقول اي حاجة عن مصر او المصريين ؟

وتقبل مودتي .

عزيزي زياد حمور تحياتي

ما عندي طريقة أعمل كوتيشن، اسمح لي أكتب كتابة

تقول : "أجد فيها لنفسي أمن واحترام"

هذا لم يجده ابن جلدتك عوض هجان ولا ضحايا ساحة مصطفى محمود

تقول " بلد جميل ... لي فيه أصدقاء وصديقات كثر ..

أينما تعاملت فيه مع أحد وعرف أنني سوداني أكرمني واحتفى بي"

هذا وجدناه في أي مكان ذهبنا إليه، وهو يحسب لنا لا لغيرنا

لكنهم لم يقتلونا

هذه ليست دعوة لطرد المصريين من المنبر أو من السودان

ولكنها دعوة للإفاقة من وهم السودانوية التي تعني عند الأغراب:

الطيبة

التي تعني عند المصريين -تحديدا- الغباء

أتمنى ألا تحتاج إلى سنوات طوال -مثلنا- لتدرك هذه الحقيقة الناصعة

التي أبينا أن نراها على حقيقتها منذ أيامنا الأول

...

لأننا طيبون

سلامات يا النذير
ما حدث لهجانة رحمه الله حادث مؤسف من مجرمين يحدث مثله في كل المعمورة
كل مرة في امريكا يموت سوداني قتلا
ليه الناس ما بتجي تقول دقوا الامريكان وقاطعوهم وما تقعدوا في امريكا؟
وكذلك في الدول الاوربية
في سويسرا قتل ابن احد اعضاء المنبر ماسوفا على شبابه من قبل عصابة عنصرية
وكذلك في المانيا قذف ابن احد اعضاء المنبر مأسوفا على شبابه من مبني عالي من قبل عصابة
عنصرية
ليه ما يتجو تكتبو هنا قاطعوا البلاد التي هم فيها
مع انعا جرائم كراهية وعنصرية اسوء انواع الجرائم ان تقتل لاجل لونك
والمرحوم هجانة مات في مشاجرة عينة وبينة دفاعا عن نساء سودانيات
ربنا يرحمه رحمة واسعة...

هذه البوستات بتوري اننا ناس ما موضوعين وتحركنا عواطفنا ..

واللهم ارحم هجانه وتقبله قبولا حسنا وصبر ذويه

Quote: مع كامل التقدير لأسبابك دي يا حمور لا يخفي عليك انو دعوة الاخ النذير هنا هي نتاج غضب واحساس بالمهانة الناتجة عن ما يلاقيه الكتير من السودانيين في مصر ،

و لما يجي النذير يطالب بطردي من المنبر عقابا لي اني قاعد في مصر و تجي تراجي تقول انو السودانيين الهنا بما فيهم انا بنكره مصر كراهية التحريم مفروض انا اكون كول و لطيف و ما اتضايق
يا الوليد يا اخوي انابطلت نقاش لناس هنا من زمان في قصة مصر دي. العايز يكرها مخيروالشايفا عدو براحتو.
لكن ما يصلني راس الصوت.
قصة المرحوم الاتقتل ده انا شايفا هنا و قريتا و قريت الخطرفة الاتكتب في المصريين حاقرين ينا و المصريين شنو شنو و ما اهتميت ارد.
لكل زول الحرية يحلل يقول الدايرو. و انا ما الناطق باسم الخارجية المصرية. فما خصاني. و اضطريت ما ادخل اعزي زاتو لأنو البوستات كلها عن مصر البتكهرنا ما عن المرحوم و العزاء فيو.

Quote: في المسألة دي يمكن النظر ايضا لاصطياد السودانيين المحاولين العبور لاسرائيل كمثال

اها يا وليد اقولا ليك انت عديل لأنو انت صاحبي .. جنس كلامك ده ياهو العقد ..
بيقتلو السودانيين المحاولين العبور لاسرئيل و خالين الباقي يعني ؟
أي متسلل عبر الحدود بيترصص. كون انو اكترم سودانيين ده تسأل منو السودانيين ليه بيتسللو لاسرئيل
لكن في تشاديين و روانديين و حبش بيضربو بالنار على حدود مصر و اسرائيل. لكن عنصريتنا بتخلينا ما نقرا اسمائم زاتو و لا نهتم. و عدنا بتخلينا نفكر انو بيضربوهم عشان سودانيين.
في المنبر ده اتنشر خبر الحكم على تنظيم حزب الله في مصر. منهم سوداني و الباقيين مصريين و لبنانيين. الناس قامت تكورك في ظلم مصر للسوداني. لو دي ما عقد يبقى مافي عقد في الدنيا. الزول قابضين معاو ناس. برئ او مذنب المهم انو ما مستهدف لجنسيتو. لكن الناس هنا فرشت في مصر الحقرت بالسوداني. اللبناني مافي زول عاين ليو.
بتعرف المابيك في الضلام يحمر ليك ؟

Quote: مصر حاليا وفي احوال قبل كده هي دولة احتلال ، وكون انو الحكومة السودانية ضعيفة وساكتة عن حلايب فدا ما سبب لأنو انا كسوداني ارضي بالوضع دا ،

اثيوبيا ما دولة احتلال هسه ؟ الفشقة ما سودانية ؟
ليه حب اثيوبيا وفرحانين بغنياتم و كم عضو معلق صورم و الناس بتمشي ليهم ؟
ريطانيا ما كانت محتلانا لمن كنا بنجري نمشي ليهم و فرحانين ليوم الليلة بتعلم لغتم الفرضوها على العالم بالاحتلال وله بس دي جات علىمصر و عليناالقاعدين في مصر ؟
بريطانيا دي مش اتقتل فيها محمد عبد السلام ؟
في كم سوداني او افريقي بيتقتل بجرائم عنصرية في اوروبا ؟
مصر الحيطة القصيرة .. عديلة .. ما بيزعلني .. بس ما زول يطعن في وطنيتي عشان انا قاعد في بلد هو بيكرها.

Quote: وفي بالي ايضا جيوش المتبطلين من السودانيين في مصر اللي مستعدين يبيعوا السودان بتأشيرة لجوء لأي حتة !

ده على اساس انو التمنين مليون مصري شغالين و في وظايففاضية حامين ليها السودانيين صح ؟
السودانيين هنا متبطلين لأنو مافي زول جا هنا عقد عمل.بيجو ينزلو ف عين شمس و يتكلو.
و مصر ملانة عطالة مصريين.
يعلو ليك شنو؟البلد دي ما فيها شغل.
يخلقو ليه شغل عشان سودانيين ؟

Quote: هل تعتقد انو المصريين الموجودين الان بالسودان واللي بعضهم بيمثل السودان بالنسبة ليهو ما تمثلو مصر بالنسبة لكتير من السودانيين او حتي اكتر ، هل تعتقد انو واحد منهم ممكن يجي يوم ويتكلم عن السودان والسودانيين بالمودة والامتنان الظاهرين في كلماتك ؟

هي حاكو حاكو وله رد جميل ي وليد ؟
عنو ما حباها
هسه يعني اي سوداني حابيالسودان عشان اطالب بتاع الشاورما المصري يحب السودان ؟
ثم اجاوبك عن البعرفم ؟
اي مصري لقيتو هنا زار السودان لقيتو مبسوط و سعيد بيها . من دكتور محمد بدوي الكان استاذ نقد في الجامعة لحدي صديق كان شغال تجارة موبايلات و شرد ايام احداث مقتل قرنق.
اما السواقين و بتوع الشاورما فما عارفم و لو كرهو السودان طبيعي جدا.

من المعجبين بالسودان صحفية مصرية ( صديقة لطلال عفيفي ولخالد عويس و الفاتح وديدي ) البوليس قبضا عشان بتصور في ست شاي في الشارع.
اتعرضت للاهانة و سوء المعاملة لكن رجعت حابه السودان عشان تعامل وديدي والناس اصاحبتم.

Quote: في توضيح اكتر هل في من المصريين في منابر الحوار او المواقع الالكترونية او الجرايد حتي من هم مجندين او ناذرين نفسهم للدفاع عن السودان كلما واحد اتكلم عنو زي ما بيحصل لما واحد هنا يقول اي حاجة عن مصر او المصريين ؟

لا اعرف و لا اهتم ان ابحث.
لكن لو اعتبر احد اني انا مجند روحي للدفاع عن مصر فاجابتي اني قابض من المخابرات المصرية مرتب كبير و شغال بلقمتي.
اظنها اجابة ماسبةتناسب تخوين الانتماء العايزين تمرقونا بيو من هنا.





ـــــــــــ
اتذكرت انو لاقتني شتيمة للسودان في تعليقات موقع اليوم السابع ..الشاتم كان سوري ..و المدافع مصرية.
لكن برضو ما شغلتي.
انا هنا بتكلم عني انا ما عن مصر.

Quote: هذا لم يجده ابن جلدتك عوض هجان ولا ضحايا ساحة مصطفى محمود

ابن جلدتي رحمه الله قتل في مشاجرة نقتل بعضنا في مثلها في السوق المركزي و يقتل المصريين بعضهم لأقل منها.
من ايام قتل مصري جاره لأن صوت التلفزيو عالي و يزعجه.
عايزم يدلعون يا معاوية و يعاملونا على غير طبعهم حتىمع انفسم؟
اكثر كلمة ساخرة قرأتها لبلال فضل عن احداث صطفى محمود قال اللاجئين كان بيطالبو بمعامتم كمصريين نحن نقول ليهم بلاش. فأصرو. اهو عاملوهم كمصريين.
النكلمك عن مصطفى محمود ( ساتاجوز عن اخطاء الضحايا لأنها في الاخرلا تبرر قتلهم باي حال )
الحكومة المصرية فاوتضم .. ثم اشتكت للاممالمتحدة السئولة عندهم فتنصلت .. و اشتكت لحكومة بلدهم فاوصت بالشدة.
و حاجيب ليك فيدوهات عنتعامل البوليس المصري مع المعتصمين المصريين عامل كيف.
لكن كدي امشي اعمل بحث في النت لاسم خالد سعيد.شوف البوليس عمل في الشاب ده شنو.
شوف البوليس عمل شنو فيبنات جامعة الزقازيق قبل يومين.
عشان تعرف انو ده ا عشان سودانيين. لو كانو مصريين كان ضربوهم من اول يوم.
بعد داك الحكومة اعتذرت و دفعت تعويضات . و زميلة لمنبر ده اسماء الحسيني في الاهرام كتبت انو ده ما كفاية و انو دي جريمة تمحوها الا المعاقبة.
اما عن رد فعل المصريين فحاجيب ليك شهادة مكتوبة من شاعر مصري نوبي للحصل اليوم داك في وسط البلد لمن جاهم الخبر و كيف كانو ماشين في الشارع بيبكو و منفعلين و حاسين بالعجز.
و لحدي ما اجيبا ليك اقول لك امبارح الظهر في قهوة التكعيبة مع قاص مصري شاب كان بيشكي لي من الحادثة دي و انو نفسو يعمل عنها فلم لكن النظام ما حيسمح باظهار جريمة زي دي في فيلم.

Quote: هذا وجدناه في أي مكان ذهبنا إليه، وهو يحسب لنا لا لغيرنا لكنهم لم يقتلونا

يحول كلامك ده لكل من يقول العرب بيحتقرونا.
اخرم صديقي حاتم علي في موضوع فيصل نوبي عن السوداني المتهم الاعتداء على المضيفة التونسية في طيرن دبي. و كيف انو اول كلامو كان انوالتوانسة بيحتقرونا.

اما لم يقتلونا فلو انت ما عملت مشكلة في بلد شمولي و شعبها عنيف ما عند عوجه.
لكن جرئم العنصرية في اوروبا طالت سودانيين برضو.
صح ؟
ثم يقتلونا دي مش كتيرة ؟
في كم مليون سوداني في مصر ليه ما رصصونا بلا سبب ؟

Quote: هذا وجدناه في أي مكان ذهبنا إليه، وهو يحسب لنا لا لغيرنا لكنهم لم يقتلونا

يحول كلامك ده لكل من يقول العرب بيحتقرونا.
اخرم صديقي حاتم علي في موضوع فيصل نوبي عن السوداني المتهم الاعتداء على المضيفة التونسية في طيرن دبي. و كيف انو اول كلامو كان انوالتوانسة بيحتقرونا.

اما لم يقتلونا فلو انت ما عملت مشكلة في بلد شمولي و شعبها عنيف ما عند عوجه.
لكن جرئم العنصرية في اوروبا طالت سودانيين برضو.
صح ؟
ثم يقتلونا دي مش كتيرة ؟
في كم مليون سوداني في مصر ليه ما رصصونا بلا سبب ؟

Quote: هذه ليست دعوة لطرد المصريين من المنبر أو من السودان

ماعندي شغلة.. اطروهم من اي حته
لكن كمان ما تزايدو على وطنيتنا و تدعو لطردنا زي ما عايز النذير عشا قاعدين عندهم و لا تجبرونا انو نكون بنكرهم زي ما بتقول تراجي.
العايز يطرد يطرد. العايز يكره يكره. حب مصر ليس من لوازم الايمان.
لكن لمن تصل وطنيتي .. افور و اهيج و اوقف اي زول عندحدو

سلامات تاني يا حمور

Quote: بس ما زول يطعن في وطنيتي عشان انا قاعد في بلد هو بيكرها.

ما اعتقد انو في زول طعن في وطنية زول لحدي هسه ،

وبالنسبة لي انا شخصيا فمن انا لاحكم علي الناس ،

وعنك انت يا حمور فما اظن اني محتاج لتوضيح رأيي في مسألة وطنيتك ، رغم انو رأيي دا قد لا يعني الشيء الكتير ،

Quote: اها يا وليد اقولا ليك انت عديل لأنو انت صاحبي .. جنس كلامك ده ياهو العقد .. بيقتلو السودانيين المحاولين العبور لاسرئيل و خالين الباقي يعني ؟

في النقطة دي باعترف اني اسأت الحكم بالتعميم وباعترف بالخطأ ، لكن كسوداني بيهموني السودانيين ،

Quote: لكن عنصريتنا بتخلينا ما نقرا اسمائم زاتو و لا نهتم

وهنا برضو باتفق معاك وللأسف نحن نعاني من عنصرية تخصنا ،

لكن لاحظ انو لو كان المتسلل دا من دولة عنها هيبة ما مان انضرب ودي طبعا ما مشكلة المصريين !

Quote: اثيوبيا ما دولة احتلال هسه ؟ الفشقة ما سودانية ؟

اثيوبيا لم ترفض الجلوس لحل المشكلة ،

اثيوبيا لا أطماع لها في السودان كما المصريين أو قول كما الحكومات المصرية ،

Quote: ليه حب اثيوبيا وفرحانين بغنياتم و كم عضو معلق صورم و الناس بتمشي ليهم ؟

لأنو اذا مشيت اي مطعم في اثيوبيا بتسمع الاغاني السودانية ،

واذا مشيت في شوارع اديس بيتكلموا معاك بلغتهم من حسن ظنهم بيك انك واحد منهم ،

بالنسبة لتنظيم حزب الله الاتكلمت عنو فانا ذاتي والله استغربت دفاع البعض هنا للزول السوداني المنتمي للتنظيم دا !

أخيرا يا حمور في نقطة الوطنية دي لا يستطيع احد اتهامك فيها وبالنسبة لي بديت ليك الكلام بالتالي:

Quote: باكتب الكلام دا او الملاحظات دي وفي بالي انو المخاطب هو حمور زيادة صاحب الوعي العالي بالسودان والسودانية ،

وباختمو هنا بانو للأسف انا من سودانيزاونلاين دي عرفت كتير من السودانيين القاعدين في مصر عديمي الوطنية عديل كدا !

انا يا وليد وجهت كلامي رداعلى النذير و تراجي.
النذير في بوستو التاني حق طرد المصريين من المنبر قال يطردونا نحن السودانيين الفي مصر اسبوع.
ليه ؟
مالنا؟
خونة؟
ما سودانيين ؟
و هنا تجي تراجي تقول السودانيين بيكرهو مصر .. اها انا البحبها ده ابقى شنو ؟
هو تشكيك الوطنية ده كيفنو ؟

الوليد اخوي انا فاير فوره ما اظن وصلتها قريب اله يرضى عليك.

حته الاثيويين البيحبونا و غنانا دي على فكرة نوعية برضو.
بحسب الاصدقاء المشو اديس كتير من الحبش لا يعرفونا لا شغالين بينا. لكنها مسألة نوعية.
و ما دام بتقيسا كده تعال احكي ليك.
مصري متشبك فني عايز اغاني شرحبيل احمد لأنو فنانو المفضل.
احتفاء المصريين بالطيب صالح يخجل. واحد مره قال ما قرا ليو غير موسم الهجرة المصريين قربو ياكلوهو. كييييييييييف ما تكون قريتو كلو؟ دي كلاسيكيات القرايةالاساسية.
ما عند صديق مصري في الفيس بوك ما كاتب في خانة الكتب المفضلة " روايات الطيب صالح ".
بعضهم حافظ مقاطع كاملة من كتاباته كأنها قران.
ازيدك.
شهر اتنين عملو تأبين ليو.حضروهو ما اكتر من تسعة سودنيين.
لو سمعت المدح و الحزن و الانبهار تخجل.
انت عارف انو جايزة الطيب صالح في السودان دي بدت فكرتا من هنا و فيها مساهمين مصريين ؟ منهم محمود سالم حق المغامرين الخمسة داك.

دي مصر البعرفا وبتعرفنا.
كون انوبتاع التكس ما بيعرف السودان دي مشكلتو و ما بيهمني.
كون انو الصعلوق في الشارع الحايم يعاكسالبنات المصريات بالفاظ قبيحة يقول لسودنية يا سودا. ما شغلتي. ده رمه اساساو ما بعاين ليو و لا قايلو اتخلق اصلا

و عشان اقول ليك الناس دي معقدة كيف يا الوليد..
عندي رواية حتمرق بعد يام من دار نشر مصرية كبيرة .. الرواية مرت بلجان قراءة و قروها نقاد و كتاب و صحفيين و محتفين بيها قبل تنزل.
الرواية فيهاشخصية مصرية واحدة و سيئة و فيها العبر.
مافي غير واحد علق على الحته دي و ما احتجت ارد عليو. سخرو منو المصريين زاتم و ردو عليو.
تفتكر لو كان كاتب الرواية مصري و جاب شخصية سودانية سيئة كان حيكون رد فعلنا شنو ؟

التحايا تاني وتالت يا حمور

بديت ارد ليك علي واحدة من المداخلات ولما انتهيت لقيتك نزلت كم واحدة فاعذرني لو جا الكلام مبتور ،

طيب ، اول حاجة ياخي ما تخلي نفسك حار وتشتت الكورة ،

نحن متفقين في حاجات اكتر من المختلفين عليها !

Quote: Quote: وفي بالي ايضا جيوش المتبطلين من السودانيين في مصر اللي مستعدين يبيعوا السودان بتأشيرة لجوء لأي حتة ! ده على اساس انو التمنين مليون مصري شغالين و في وظايففاضية حامين ليها السودانيين صح ؟ السودانيين هنا متبطلين لأنو مافي زول جا هنا عقد عمل.بيجو ينزلو ف عين شمس و يتكلو. و مصر ملانة عطالة مصريين.

ما عارف انت فسرت كلامي هنا كيف !

لكن انا بادين في السودانيين العطالة في مصر والمستعدين لبيع السودان باللجوء المزيف ،

بالنسبة للمصريين ما لي دخل انهم شغالين والا لا ، وما من حقي اصلا كسوداني اطالب دولة تانية انها توفر شغل لناسي ، ياريت تقرا الكلام مرة تانية ،

Quote: هي حاكو حاكو وله رد جميل ي وليد ؟

ابدا يا حمور ، ما حاكو حاكو ولا حاجة !

انا بس عاوز ناسي السودانيين ينظروا للاخر بعيدا عن هالة التقديس والانبهار بالاخر ، والكلام دا ما شخصي ليك عشان نقيف عندو ، وفي النقطة دي باتفق مع ما كتبو الاخ معاوية الزبير فوق ،

Quote: ثم اجاوبك عن البعرفم ؟

برضو دي ما نقطة مهمة لانو انا طرحي ما شخصي يا حمور كا قلت ليك فوق ،

Quote: لكن لو اعتبر احد اني انا مجند روحي للدفاع عن مصر فاجابتي اني قابض من المخابرات المصرية مرتب كبير و شغال بلقمتي. اظنها اجابة ماسبةتناسب تخوين الانتماء العايزين تمرقونا بيو من هنا.

كلام محزن ومؤسف منك يا حمور وما حأرد عليهو !


ويبقي الود برضو .

حمور زياده السوى ليه حضيمات في مصر
يا اخي اشكالاك دي فاضحننا اصلا
يكونوا عاملين عندنا خشب عبد الله عبد الناشف
(مع انه مـاكده انك كنت بتضرب لحمه كل يوم في بيكمت في السودان)
تمشوا مصري يحشوكم كشري تفرهدوا(وكاننا بلاد مجاعه)(هههههه)

اها ده سلام بالجنبه كده عشان جضيماتك ديل الربيتهم في مصر.
مبروطات عليك وماشاء الله تبارك الله عشان ما تقول سحرتك بكره.




نجيء للسودانين البكروها كراهة التحريم
لاحظ انا اتحدثت عن من يصلونها لانها الارخص
مش المشوا مبسوطين ومتجدعين مثلك ويصادقون مثقفيها!!


انا لا اعبر عنك يا حمور انا اعبر من يواجهون القتل هنالك
على اساس يومي.من سمتهم الاجهزه المخابرات المصريه الزناجرة !!

ان لم تكن من زناجرة السودان فانت غير معني بكلامي!!

أهلا يا تراجي ..
صراحة احرجتيني و خليتيني اخجل من ظني ..
انا في قمة غضبي اغلظت لاصدقاء كالوليد و محترمين كمعاوية كنت متحفزا جدا لردك لأني توقعتك تتهميني اني ما مهتم بالموضوع عشان الميت ما جلابي.
فخذلتي ظني السئ و طلعت احسن مني.
فانا مدين ليك باعتذار.


بالنسبة لمن اسماهم الامن المصري زناجرة فما عندي معلومات كتيرة موثقة عن الموضوع ده.
انا م مرطب و ساكن المهندسين لكن احمد الله لقمتي لاقيها و حياتي كويسة هنا والأوساط البتحرك فيها جيدة.
عشان ما نمرق من حته الكلام الرئيسي اللي هو الحادث السئ و الاجرامي الحصل للمرحوم تقبله الله شهيدا.
خلينا نكون متفقين انوده في الحي العاشر و انت عارفه الحي العاشر.
يعني انا الشايفاني مرفه لو مشيت اتشاكلت مع الخدرجية هناك كان كتلوني.
و المرحوم لو كان في المهندسين و ادى الخدرجي كف كان قال ليو خدامك يا بيه.
الفقير للفقير لعنة و امام الغني خدام.
في اي بلد حسبما اظن.


اما موضوع الامن المصري فيمكن نقاشو في بوستات اعتقل الامن المصري لناشطي دارفور.
لكن كمان من المهم ان نسأل لماذا تتنكر لهم مفوضية اللاجئين ؟


تحياتي.

تصويب ضروري يا تراجي :
انا ما باكل كشري نهائي.

يا معاوية الزبير و بقية الاخوة ..
ربما لا استطيع الايفاء بوعدي بانزال فيديوهات عن تعامل الشرطة المصرية لأن هذا الأمر يعتبر جريمة بحسب القانون المصري ..
لكن يمكنك مشاهدة هذه المشاجرة اللطيفة بين فتاة راقية و رجل في الطريق .. و احكم لو كان المتشاجرون رجال و من بيئة فقيرة حيكون الحال كيف.

للعلم هذا الفيديو دلني عليه صديق مصري دون ان يرى في طلبه عيبا او في دله لي عليه عنصرية ضد مواطنيه من سوداني


http://www.izles.org/qhqzsszlzc-zuqza-z1qqpzw-zz-znzc-33.html

بالنسبة لحادثة مصطفى محمود فهذا هو موقف مصر الذي اخذه في حسباني و اهتم به لا موقف ضابط شرطة يمكن ان يفعل هذا مع اي شخص :

Quote: إرهاب الدولة المصرية يقتل العشرات ويصيب المئات في ميدان مصطفى محمود أقالوا الالفي بعد مذبحة الأقصر فلماذا لا يقيلون العادلي بعد مجزرة حي المهندسين؟ 30/12/2005 نحن المنظمات والهيئات المصرية الموقعة ادناه إذ نعلن تضامننا الكامل مع اللاجئين السودانيين الذين اضطرتهم ظروف القمع والحرب الاهلية في بلادهم الى الدخول الى مصر لتقديم اوراقهم للمفوضية العليا لشئون اللاجئين طلبا للحماية والتوطين ونعتبر ان ما شهده ميدان مصطفى محمود فجر يوم الجمعه الموافق 30 ديسمبر 2005 يعد بكل المقاييس جريمة عنف وقتل جماعي ارتكبتها قوات الأمن المصرية بالتواطؤ مع المفوضية العليا لشئون اللاجئين ضد لاجئين عزل أغلبهم من النساء والأطفال والعجائز ونلفت نظر الرأي العام الى أن المجرم الحقيقي وراء تلك الأحداث هو الداخلية المصرية التي لا تعرف سبيلا للتعامل مع البشر، سواء كانوا مواطنين أو لاجئين سوى الضرب والسحل والقتل خارج القانون والاعتقال والترحيل الى أماكن احتجاز غير قانونية ردا على أي تحرك احتجاجي سلمي.. كما نوجه انتقادا بالغا الى وسائل الإعلام المحلية والفضائية التي تصر على التعتيم الإعلامي بشأن حقيقة موقف هؤلاء اللاجئين الذين عاشوا ثلاث شهور من الجوع والبرد والهوان والإذلال وموت عشرة منهم بعد أن يأسوا من التزام المفوضية السامية لشئون اللاجئين بالقيام بواجبها وسأموا ملاحقة الأمن المصري وليالي الحجز في أقسام الشرطة المصرية فاختاروا الاعتصام السلمي سبيلا ليسمعوا العالم صوتهم وقصصهم المأساوية وليطالبوا أصحاب الشأن بالالتزام بالمعايير التي قامت المفوضية على اساسها والتي وافقت الحكومة المصرية على أساسها استضافة المفوضية على أرضها. نعلن تشكيل لجنة تقصي حقائق من المنظمات الموقعة أدناه للمتابعة والبحث في ملف اللاجئين السودانيين في مصر والجرائم المرتكبة ضدهم وما يتعرضون له من انتهاك لحقوقهم من قبل الحكومة المصرية ومفوضية حقوق الإنسان، ونطالب بما يلي: · العمل على الإفراج الفوري عن اللاجئين السودانيين الذين ما كانوا ليحضروا الى مصر لولا أن مصر تستضيف المفوضية السامية لشئون اللاجئين مما يعني التزام الحكومة المصرية بتوفير كافة حقوق اللاجئين من عيش كريم وخدمات اساسية لحين توطينهم · إقالة حبيب العادلي وزير الداخلية الذي تلطخت يداه بدماء المصريين والسودانيين من جراء العنف البوليسي والقتل خارج القانون والتعذيب والاحتجاز في مقار أمن الدولة · أن يقوم النائب العام فورا بانتداب قاضي تحقيق يقوم بفتح تحقيق جدي وشفاف في وقائع اعتداء قوات الأمن المصري على اللاجئين السودانيين والاستخدام المفرط للقوة ضدهم وما ترتب على ذلك من قتل لأعداد منهم من بينها أطفال ونساء، على أن يتم التحقيق على وجه الخصوص مع كل من حبيب العادلي وزير الداخلية ومدير أمن الجيزة ومدير جهاز مباحث أمن الدولة بالجيزة والإعلان عن نتائج تلك التحقيقات · الإعلان عن أسماء القتلى وعرضهم على مصلحة الطب الشرعي للوقوف على أسباب الموت وإعلانها للرأي العام، وكذلك الإعلان عن أسماء المتهمين بالقتل تمكين منظمات المجتمع المدني من زيارة اللاجئين في أماكن احتجازهم لتقديم المساعدات الطبية والقانونية كذلك · نناشد كافة المنظمات الحقوقية والأحزاب الديمقراطية المصرية باتخاذ موقف الإدانة من أداء وزارة الداخلية والتدخل من أجل الإفراج عن اللاجئين المحتجزين في معسكرات الأمن المصري. و نطالب المفوضية السامية لحقوق الإنسان بتشكيل لجنة تحقيق دولية للتحقيق في جرائم القتل والعنف التي ارتكبتها الداخلية المصرية في تواطؤ واضح مع المفوضية العليا لشئون اللاجئين الموقعون (أبجديا) جمعية المساعدة القانونية لحقوق الإنسان الجمعية المصرية لمناهضة التعذيب الشبكة العربية لمعلومات حقوق الإنسان مؤسسة حرية الفكر والتعبير المبادرة المصرية للحقوق الشخصية المرصد المدني لحقوق الإنسان مركز الدراسات الاشتراكية المركز المصري الاجتماعي الديمقراطي المركز المصري لحقوق السكن مركز النديم للعلاج والتأهيل النفسي مركز هشام مبارك للقانون القاهرة في 30 ديسمبر 2005

كلامك.......صاح يا حمور
للاسف العنصريه منتشره وسط الطبقات الفقيره فعلا بكثره
وفي كل العالم وبين الطبقات المثقفه قليله:

Quote: خلينا نكون متفقين انوده في الحي العاشر و انت عارفه الحي العاشر. يعني انا الشايفاني مرفه لو مشيت اتشاكلت مع الخدرجية هناك كان كتلوني. و المرحوم لو كان في المهندسين و ادى الخدرجي كف كان قال ليو خدامك يا بيه. الفقير للفقير لعنة و امام الغني خدام. في اي بلد حسبما اظن.

!!



وعشان كده بنشفق على ناس علاء الدين وامثالهم من العنصرين!!

تراجي ..
و الله اتفاقنا شفقني
لوووول
عليك النبي
خشي الرابط الانا ختيتو فوق لمعاوية ده
اتفرجي .. و شوفي الفيديوهات البجمبة .
و حتفهمي باقي كلامي براك من غير ما اقولو

تصبحو على خير

هنيئا لك سكنة المهندسين يا حمور ( بية )


مالى اراك دوما تسعى لتؤكد لخلق الله انك الافهم والاعلم والقارى الجيد للاحداث والمفسر

العالم ببواطن الامور ؟؟؟


تواضع يا اخى واعلم ان من خلقك قد خلق من هو احسن واعلم منك. نقطة سطر جديد


دوما فى كتاباتك تستميت فى الدفاع عن المصريين وتقلل وتهمش ردود بنى جلدك ووطنك


حقيقة واضحة كوضوح الشمس تجعل منك وتصنفك فى خانة الخارجين البائعين لجلدهم.

الأخ النذير ، تحياتى ، الله يريحك فلقد نقلت مافى خاطرى، مافى مبرر لوجودهم هناك ومعظمهم عطالة أو مهن هامشية ، اضافة الى أنهم غير مرحب بهم هناك ، وموضع التندر والسخرية، اضافة الى الاستغلال السياسى من قبل النظام المصرى البغيض ، مودتى .

مبروك عليك يامصر
مبروك زيادة
حمور ولد الدمور
جاءك وزيادة
وانا كت جاييك عيادة
لكن يا حلوة
ما فيش سعادة

Quote: التحايا والاحترام لصاحب البوست و للجميع هنا وددت ان ارد أو احاور لاخ الصديق حمور في بعض ما أورده ،

العزيز الوليد، يا زول أخد راحتك بالكامل مع حمور زيادة
ونحن بنشجعك

تحياتي ليك يا ملك

Quote: سلامات يا النذير ما حدث لهجانة رحمه الله حادث مؤسف من مجرمين يحدث مثله في كل المعمورة كل مرة في امريكا يموت سوداني قتلا ليه الناس ما بتجي تقول دقوا الامريكان وقاطعوهم وما تقعدوا في امريكا؟ وكذلك في الدول الاوربية في سويسرا قتل ابن احد اعضاء المنبر ماسوفا على شبابه من قبل عصابة عنصرية وكذلك في المانيا قذف ابن احد اعضاء المنبر مأسوفا على شبابه من مبني عالي من قبل عصابة عنصرية ليه ما يتجو تكتبو هنا قاطعوا البلاد التي هم فيها مع انعا جرائم كراهية وعنصرية اسوء انواع الجرائم ان تقتل لاجل لونك والمرحوم هجانة مات في مشاجرة عينة وبينة دفاعا عن نساء سودانيات ربنا يرحمه رحمة واسعة... هذه البوستات بتوري اننا ناس ما موضوعين وتحركنا عواطفنا .. واللهم ارحم هجانه وتقبله قبولا حسنا وصبر ذويه

الدكتورة العزيزة نجاة
تحياتي ليك يا ملكة

شكراً على مداخلتك الموضوعية، وتعرفي يانجاة
والله أنا أيضاً لا أحب أوروبا وعيش السودانيين
فيها، ولكني أحب أمريكا، لم ولن تحصل جريمة
عنصرية ضد السودانيين في أمريكا، تعرف يا د. نجاة
الأمريكان البيض بحبوا الأفارقة الأصليين وليس
الأفريكان أميركان، وبدوهم دائماً وظائف مرموقة
بالمناسبة أنا ما بكره مصر أو المصريين أبداً
وشكلي يحسب بأني مصري، فكل العرب وحتى المصريين
يفتكرون أنني مصري، ولكن شتان ما بين صورتي
وجوهري السوداني الأصيل.

تحياتي ليك يا ملكة

Quote: الأخ النذير ، تحياتى ، الله يريحك فلقد نقلت مافى خاطرى، مافى مبرر لوجودهم هناك ومعظمهم عطالة أو مهن هامشية ، اضافة الى أنهم غير مرحب بهم هناك ، وموضع التندر والسخرية، اضافة الى الاستغلال السياسى من قبل النظام المصرى البغيض ، مودتى

العزيز هاشم محمد الحسن، شكراً لكن على هذه المشاركة
القيمية

تحياتي ليك يا ملك

Quote: احبها جدا .. تعجبني .. أجد فيها لنفسي أمن و احترام أكثر مما وجدته في بلدي للأسف .. أستفيد فيها جدا معرفيا ثقافيا.. بلد جميل أكتسب به خبرات و لاأحس فيه بغربة و لا وحشه .. لي فيه أصدقاء و صديقات كثر .. أينما تعاملت فيه مع أحد و عرف أني سوداني أكرمني واحتفى بي. هذه بعض الاسباب التي تجعلني احب مصر و اقيم فيها و تجعلني أكذب تعميم تراجي و حكمها على مشاعري الخاصة . ان لم تكن هذه الاسباب كافية فيمكن أن فتح بوست كامل أعدد فيه مبررات عيشي هنا و مبررات حبي لهذا البلد.

عزيزنا الأستاذ حمور زيادة، بس نسيت أهم
نقطة بتعيش كيف، فأنت وغيرك في مصر
عالة على أهلكم في الخارج، صاح وللأ أنا
غلطان؟!

بصراحة بشوف السودانيين المقيمين في
مصر، كسالى وغير مسئولين، فجميع المغتربين
ينفقون على أنفسهم وعلى أهليهم في السودان
ولكن المقيمين في مصر يفعلون العكس



تحياتي ليك ياملك

عزيزي النذير

معليش ياخ دخلنا بيتك بدون سلام ولا حاجة وطوالي على موضوع البوست

فلك التحية والاعتذار

--------------------------

أخي حمور زيادة

أولا أعتذر لك عن كتابتي اسمك معكوسا وكمان ناقصا حرف

رايك شنو تسمي ولدك إن شاء الله زياد حمور-زيادة

.. أنا بس استغربت -ما اعتبرته- شخصنة منك للموضوع

وكأن ما تلاقيه في حياتك في مصر هو المثال

وإنو السودانيين الآخرين (المعنيين) هم الغلطانين

بدأت علاقتي بمصر منذ عام 1981 عندما ذهبت للدراسة

وعشت هناك نحو ست سنوات ولا تزال العلاقة والتفاعل مستمران بصورة شبه يومية

منذ أكثر من عشرين عاما أعيش في الخليج، السعودية الإمارات قطر

واسمح لي أقول إنو نظرة المصريين تجاه السودانيين هي الأسوأ في تجربتي

مقارنة بما عايشته في الخليج

الخليجي ينظر للسوداني بتقدير واحترام إلى أن يثبت غير ذلك

والعكس يحدث في مصر، فهناك نظرة دونية مبدئية تاريخية

دا موضوعي معاك. ولا شأن لي بالوطنية أو الطرد

في النهاية الوطن هو حيث تكون كرامتك محفوظة وحقوقك الأساسية مصانة

فالمرء لا يخلق كي يكون برازيليا أو نرويجيا أو مصريا أو سودانيا

إنما ليعيش إنسانا فحسب

ومن هذا الفهم مرحب بأي جنسية سواء في هذا المنبر أو في السودان

فإذا كان ذلك كذلك معك هناك، فمصر وطنك

ما تنسانا من نسخة من روايتك الجديدة وإن شاء الله تلحق معرض الكتاب بالدوحة

ديسمبر المقبل


لك كل الود

العزيز الوليد و معاوية الزبير
اعتذر عن حدتي امس ليلا التي اخرجتني في كثير من الموضوعية و حدود اللياقة و الاحترام.
ارجو أن اعود ليلا و أنا اهدأ لأعيد صياغة ما كتبته "هرجاً".

اظن انه من المهم أن أقول ( لغيركما لا لكما ) أن نقاشي هنا شخصي تماما .. لا ادافع عن مصر او المصريين .. من يريد حرب مصر فهنيئا له من يريد سحل المصريين في شوارع الكلاكلة فهذا شانه و من يريد طرد اسماء الحسيني فلن أقف في طريقه.
لكني مهتم هنا بالشخصي حول اجباري لتبني موقف مختلف او اطرد من المنبر و يكون بقائي في بلد استضافني موضع سؤال.

ناهيك عن ما خطه النذير اخيرا :

Quote: بس نسيت أهم نقطة بتعيش كيف، فأنت وغيرك في مصر عالة على أهلكم في الخارج، صاح وللأ أنا غلطان؟!

حدد لي يا النذير أنا عايش عالة على منو من أهلي في الخارج لو سمحت.

Quote: هنيئا لك سكنة المهندسين يا حمور ( بية )

ارجع اقرا تاني .. لأنو انا نفيت بالواضح سكن المهندسين .

Quote: حقيقة واضحة كوضوح الشمس تجعل منك وتصنفك فى خانة الخارجين البائعين لجلدهم

سمح

الأخ العزيز النذير حجازي
و ضيوفه الكرام

تحية و إحترام

أولا دعوني أثمن مداخلة الأخ معاوية الزبير الواعية :

Quote: هذه ليست دعوة لطرد المصريين من المنبر أو من السودان ولكنها دعوة للإفاقة من وهم السودانوية التي تعني عند الأغراب: الطيبة التي تعني عند المصريين -تحديدا- الغباء أتمنى ألا تحتاج إلى سنوات طوال -مثلنا- لتدرك هذه الحقيقة الناصعة التي أبينا أن نراها على حقيقتها منذ أيامنا الأول ... لأننا طيبون

ثم ندلف لبعض النقاط :

ذكر بعض الإخوة هنا أحداث حدثت لسودانيين في عدة مناطق من العالم ، أنا شخصيا تم إغتيال إبن أختي بلندن على يد شباب بريطانيين ، و لكن لم ننبس ببنت شفة ضد البريطانيين.
و الأمثلة كثيرة

نعود لسؤالك أخي النذير
لماذا يصر السودانيين على العيش في مصر ؟

هناك قناعة لدى السودانيين ، قناعة غير معلنة ، و لكنها تعيش معهم أينما حلوا في أرض مصر ، بأنهم ليس غرباء على هذه الأرض التي دكتها أرجل أجدادنا و حكموها على مر خمس قرون.
ثم أتت هذه القناعة بعد ولادة الدولة الواحدة أيام الملك الأرناؤوطي فؤاد و من بعده فاروق.
ثم أتت مرحلة الهجرات السودانية للعمل في مصر من قِبل المزارعين الذن ضاقت بهم أراضيهم الزراعية فهجروها و قبلوا أن يعملوا في كنف قصور الباشوات و البهوات و الأثرياء في مهن لم يكن ليقبلوها في وطنهم ( سفرجية و بوابين و طباخين ) عملا بالمقولة : بلدا مو بلدك إنطلق فيها عريان ، و هي مقولة يطبقها ملايين السودانيين في المنافي حيث يعمل الكثيرون في مهن لا يرتضوها في بلدهم مهما كان العائد المادي.
ثم
أتت مرحلة التكامل أيام نميري و تدفق السودانيون إلى مصر و خاصة تجار و تاجرات الشنطة.
ثم أتت مرحلة الإغتراب في الخليج حيث تدفق السودانيون بالأف إلى القاهرة و الأسكندرية في هجمة محمومة لشراء الشقق و الفيلل و إلى فتح مجالات في البيزنيس. ( رغم أن الآن الهجمة قد خفت قليلا ) لأسباب إقتصادية بحتة.
و يغمر كل هذا و ذاك ، عدد مقدر من السودانيين الذين تزوجوا من مصريات ( و كما يعلم الجميع أن المصرية ما عندها قشة مرة في إختيار الزوج ، حيث لديها مقولة تتمسك بها و هي : الراجل ما يعيبوش إلا جيبو ) ...
ثم تأتي سهولة التنقل ما بين البلدين و بطرق عدة و بأسعار زهيدة.
و تأتي بعدها هذا الكم الهائل من التصاهر بين الأسر في صعيد مصر و شمال السودان. و أسر مصرية تعيش بيننا من الأقباط و النقادة.


ثم نعرج على مداخلة الأستاذ حمور زيادة ، التي ذكر فيها هذه الفائدة الجمة من مصر ثقافيا ، و هذا الكم الهائل من خريجي جامعاتها و معاهدها. و إحترام أهلها لنا
لا ننكر أن هناك من يكرهنا و ينظر إلينا بدونية
و لكن أنا عشت في مصر و تزوجت مصرية هي أم عيالي رحمها الله ، لم أتعرض يوما واحداً لإهانة أو مجرد إحتكاك.

كل هذا لا يعطي مصريا مهما بلغ من سطوة أن يمس شعرة من سوداني ، و لا يعطينا الحق أن نطرد مصريا من السودان ، فالقانون الذي أتى بقتلة إبن أختي في لندن ( هشام جلال ) ، يجب أن ننادي به من منافذه شعبيا لو تعذر رسميا

ختاما ً

نعود لمداخلة الأستاذ معاوية :

هذه ليست دعوة لطرد المصريين من المنبر أو من السودان

ولكنها دعوة للإفاقة من وهم السودانوية التي تعني عند الأغراب:

الطيبة

التي تعني عند المصريين -تحديدا- الغباء

أتمنى ألا تحتاج إلى سنوات طوال -مثلنا- لتدرك هذه الحقيقة الناصعة

التي أبينا أن نراها على حقيقتها منذ أيامنا الأول

...

لأننا طيبون

كل المشكة تكمن أخي النذير في عدم تحرك سفارتنا بالقاهرة و هذا الوجوم و الصمت المطبق في حالة المرحوم و في حالة ميدان مصطفى محمود ..
يبقى أن ننتظر الجهات الأخرى

دمتم

"تسمح ليك العافية يا حمور"


لكن هذة هى شخصيتك التى تطل علينا من كتاباتك

Quote: ولن تحصل جريمة عنصرية ضد السودانيين في أمريكا،

العزيز النذير

الاسكن هيد والكوكلاس كلان ديل قاغدين يعملو شنو في امريكا؟

الجرائم العنصرية بالكوم
بس افضى اجيب ليك الضحايا بالاسسم

مع المودة

Quote: الأخ العزيز النذير حجازي و ضيوفه الكرام تحية و إحترام أولا دعوني أثمن مداخلة الأخ معاوية الزبير الواعية : Quote: هذه ليست دعوة لطرد المصريين من المنبر أو من السودان ولكنها دعوة للإفاقة من وهم السودانوية التي تعني عند الأغراب: الطيبة التي تعني عند المصريين -تحديدا- الغباء أتمنى ألا تحتاج إلى سنوات طوال -مثلنا- لتدرك هذه الحقيقة الناصعة التي أبينا أن نراها على حقيقتها منذ أيامنا الأول ... لأننا طيبون ثم ندلف لبعض النقاط : ذكر بعض الإخوة هنا أحداث حدثت لسودانيين في عدة مناطق من العالم ، أنا شخصيا تم إغتيال إبن أختي بلندن على يد شباب بريطانيين ، و لكن لم ننبس ببنت شفة ضد البريطانيين. و الأمثلة كثيرة نعود لسؤالك أخي النذير لماذا يصر السودانيين على العيش في مصر ؟ هناك قناعة لدى السودانيين ، قناعة غير معلنة ، و لكنها تعيش معهم أينما حلوا في أرض مصر ، بأنهم ليس غرباء على هذه الأرض التي دكتها أرجل أجدادنا و حكموها على مر خمس قرون. ثم أتت هذه القناعة بعد ولادة الدولة الواحدة أيام الملك الأرناؤوطي فؤاد و من بعده فاروق. ثم أتت مرحلة الهجرات السودانية للعمل في مصر من قِبل المزارعين الذن ضاقت بهم أراضيهم الزراعية فهجروها و قبلوا أن يعملوا في كنف قصور الباشوات و البهوات و الأثرياء في مهن لم يكن ليقبلوها في وطنهم ( سفرجية و بوابين و طباخين ) عملا بالمقولة : بلدا مو بلدك إنطلق فيها عريان ، و هي مقولة يطبقها ملايين السودانيين في المنافي حيث يعمل الكثيرون في مهن لا يرتضوها في بلدهم مهما كان العائد المادي. ثم أتت مرحلة التكامل أيام نميري و تدفق السودانيون إلى مصر و خاصة تجار و تاجرات الشنطة. ثم أتت مرحلة الإغتراب في الخليج حيث تدفق السودانيون بالأف إلى القاهرة و الأسكندرية في هجمة محمومة لشراء الشقق و الفيلل و إلى فتح مجالات في البيزنيس. ( رغم أن الآن الهجمة قد خفت قليلا ) لأسباب إقتصادية بحتة. و يغمر كل هذا و ذاك ، عدد مقدر من السودانيين الذين تزوجوا من مصريات ( و كما يعلم الجميع أن المصرية ما عندها قشة مرة في إختيار الزوج ، حيث لديها مقولة تتمسك بها و هي : الراجل ما يعيبوش إلا جيبو ) ... ثم تأتي سهولة التنقل ما بين البلدين و بطرق عدة و بأسعار زهيدة. و تأتي بعدها هذا الكم الهائل من التصاهر بين الأسر في صعيد مصر و شمال السودان. و أسر مصرية تعيش بيننا من الأقباط و النقادة. ثم نعرج على مداخلة الأستاذ حمور زيادة ، التي ذكر فيها هذه الفائدة الجمة من مصر ثقافيا ، و هذا الكم الهائل من خريجي جامعاتها و معاهدها. و إحترام أهلها لنا لا ننكر أن هناك من يكرهنا و ينظر إلينا بدونية و لكن أنا عشت في مصر و تزوجت مصرية هي أم عيالي رحمها الله ، لم أتعرض يوما واحداً لإهانة أو مجرد إحتكاك. كل هذا لا يعطي مصريا مهما بلغ من سطوة أن يمس شعرة من سوداني ، و لا يعطينا الحق أن نطرد مصريا من السودان ، فالقانون الذي أتى بقتلة إبن أختي في لندن ( هشام جلال ) ، يجب أن ننادي به من منافذه شعبيا لو تعذر رسميا ختاما ً نعود لمداخلة الأستاذ معاوية : هذه ليست دعوة لطرد المصريين من المنبر أو من السودان ولكنها دعوة للإفاقة من وهم السودانوية التي تعني عند الأغراب: الطيبة التي تعني عند المصريين -تحديدا- الغباء أتمنى ألا تحتاج إلى سنوات طوال -مثلنا- لتدرك هذه الحقيقة الناصعة التي أبينا أن نراها على حقيقتها منذ أيامنا الأول ... لأننا طيبون كل المشكة تكمن أخي النذير في عدم تحرك سفارتنا بالقاهرة و هذا الوجوم و الصمت المطبق في حالة المرحوم و في حالة ميدان مصطفى محمود .. يبقى أن ننتظر الجهات الأخرى دمتم

عزيزنا الأديب الأريب أبو جهينة
يا ألف مرحب بك في البوست، وبزيارتك بيتنا نور وللأ نور
وكلو زينة، والله يا أبو جهينة العين بصيرة والإيد قصيرة
ولولا ذلك لضبحنا ليك عديل كدا، ويا ريت لو كان في أيكون
في منبر بكري دا يرمز للضبيحة.

وألف رحمة ونور تتنزل على روح حرمكم المصون، وقريبك
المستشهد في لندن.

وشكراً لك على مداخلتك الضافية وسردك للعلاقات التأريخية
من هجرة السودانيين إلى مصر، وأتفق معك تماماً بأن جميع
اللوم يقع على الجهات الرسمية.

تقبل فائق تقديري
وكل احترامي

Quote: حدد لي يا النذير أنا عايش عالة على منو من أهلي في الخارج لو سمحت.

العزيز حمور زيادة، والله سعدت من القلة الذين
يعشون بمصر، ولا يعتمدون على الإعانات الخارجية

تحياتي لك، وآسف على كلماتي الجارحة أعلاه، لك
ولكل المقيمين بمصر.

Quote: العزيز النذير الاسكن هيد والكوكلاس كلان ديل قاغدين يعملو شنو في امريكا؟ الجرائم العنصرية بالكوم بس افضى اجيب ليك الضحايا بالاسسم مع المودة

غاليتنا الدكتورة نجاة
تحياتي مجدداً ياملكة

طبعاً يا د. نجاة، قد علمتُ من برنامج زيارة
خاصة في قناة الجزيرة بأنك وأسرتكم الكريمة
قد أقمتم بأمريكا زهاء الخمس سنوات، هذه
فرصة جيدة لتحكمي على الشعب الأمريكي العظيم
أقر بأن هنالك وحتى اليوم جماعات عنصرية
أمريكية ضد السود، ولكن بالتحديد الآفريكان
أمريكان وليس الأفارقة (السودانيون)، وكذلك
العكس صحيح فهنالك مجموعة من الآفريكان أمريكان
يكرهون البيض، وهذه العنصرية التأريخية منذ
الحرب الأهلية.

وفي إنتظار قائمتك بأسماء السودانيين الذين
قد قتلوا في أمريكا بسبب العنصرية بسبب اللون
أما العنصرية الدينية تجاه المسلمين فهي قليلة
ولهم دوافعهم.

تحياتي ليك يا ملكة

احتمال عشان ارخص
قروشنا لمن نحولها بالدولار ومنها بالمصرى بتعمل ليك مبلغ بيعيشك هناك احسن من هنا
ودا ما عذر
لكن مصر والسودان متشعبين فى بعض شديد منذ الازل
يعنى ما زى اى دوله اخرى
بينا نسب وتواصل ودم
السلبيات اكيد موجوده لكن ما بتقدر تمسح بيها الايجابيات
والمصريين الموجودين حاليا فى سودان قرب عددهم يصل عدد السودانيين بهناك
فالحكايه ما انها افقر منا
بالعكس بلدهم مطوره فى نواحى مختلفه اكتر منى
لكن على الوجه الشخصى ما بخلى بلدى

Quote: احتمال عشان ارخص قروشنا لمن نحولها بالدولار ومنها بالمصرى بتعمل ليك مبلغ بيعيشك هناك احسن من هنا ودا ما عذر لكن مصر والسودان متشعبين فى بعض شديد منذ الازل يعنى ما زى اى دوله اخرى بينا نسب وتواصل ودم السلبيات اكيد موجوده لكن ما بتقدر تمسح بيها الايجابيات والمصريين الموجودين حاليا فى سودان قرب عددهم يصل عدد السودانيين بهناك فالحكايه ما انها افقر منا بالعكس بلدهم مطوره فى نواحى مختلفه اكتر منى لكن على الوجه الشخصى ما بخلى بلدى

العزيزة رانية الشيخ، شكراً لك
على مرورك الكريم ومداخلتك الضافية

ومرحب بيك في المنبر العام

تحياتي

قول لي يا منبطح الفوراول
انت لمن ربوك ما قالوا ليك الكلام الانت قلتة امس دا اسمو قلة ادب
تاني الكلام دا حتلقاهو قدامك في اي حتى
لو نفضت ملايتك احتمال تلقاهو والا تقول واي

Quote: قول لي يا منبطح الفوراول انت لمن ربوك ما قالوا ليك الكلام الانت قلتة امس دا اسمو قلة ادب تاني الكلام دا حتلقاهو قدامك في اي حتى لو نفضت ملايتك احتمال تلقاهو والا تقول واي

شوف يا كيبوردي يا عفــن يا جبـأن
أنا ما كيبوردي و######## زيك، وبشتم
الناس بدون سبب، وما فعلته كان
أضعف الإيمان، وبعرف بلم فيك برة
المنبر دا وأنظمك كويس، وتف في وشك
وفي وش العلمك الإنترنت

Quote: وبعرف بلم فيك برة المنبر دا

هاهاهاهاهاهاها

Quote: وتف في وشك

دي اسمها تف على وشك
اهااا يلا اطربنا واشجينا
المشكلة انو الواحد ما بقدر يرد عليك بلغتك الهابطة دي
لانو الواحد عندو ما يخسرو وانت زول الظاهر عليك زول مطلوق ساي
لا عندك حسيب ولا عندك رقيب ..


_______
عليك الله احساسك كان شنو لمن انبطحت لحسن موسى والنور اللحمر ؟
هههههههههههههه

Quote: حتى الطلاب أنصحهم بالدارسة في الدول الغربية

ماري إنطوانيت الناس شالو حالا ساكت لمن قالت للجعانين ما ياكلوا كيك

غايتو ما أسهل التنظير طيب ما تشوف ليهم منح من بريطانيا كندا أو أمريكا عشان ما يتذلوا في مصر

تراجي سلام أنا إفتكرت إنو مصر عندها معزة خاصة عندك بصفتك خريجة جامعة الأسكندرية حسب ما أعلم

يعني لوما مصر وجامعاتها كنتي طلعتي فاقد تربوي وكنا خسرنا تراجي المفكرة والناشطة في منظمات المجتمع الدني وبورد سودانيزاونلاين

انت اقعد قل في ادبك
وانا حأحولك لمضحكة واراجوز هنا شايف كيف ؟
انت قايلني صحفي ولا شاعر ولا قاص انا قاعد هنا للصعاليك الزيك ديل
وحأخليك تندم على اليوم القلت فيهو الكلام دا

_______________

Quote: ثم هبط علينا الشقاء الأكبر حين تبرع اخونا النذير و نفحنا من رندوك شباب الأسافير هكذا عفو الخاطر: " باين عليك دمّك خفيف" و هو يخاطب شخصا لا يعرف عنه اكثر من الكليمات المعدودات في منبر الحوار هذا.يالنذير ياخي أنحنا في مجلسنا دا نوزن تفاكير الناس [ و هيهات] بغرض الأستبصار في تجاربهم و التعلم منهم، و هذا النور الذي تبرعت بوزن دمه مجانا شخص عاكف على الكتابة منذ آلاف السنين لكنك يا نذير[ وأخوانك الكاشف] لم يسترع إنتباهك من نصه إلا ذلك الموضع من الوزة فماذا دهاكم؟

هاهاهاهاهاهاهاهاها
يتبع ...