سيلفاكير في طريقه لتحقيق امنية قرنق بشـرب الجبنه في المتمة!!

نعم وقبل اجراء الاستفتاء في يناير القـادم
ربما يشــرب سلفاكير القهوة أو الجبنه في المتمة ودنقلا وكريمة.... الخ الخ

شغل سيلفاكير منصب النائب الأول لرئيس الجمهورية بعد وفاة قائده الراحل جون قرنق
مما يعني ان له خمس سنوات وهو في هذا المنصب
طيلة هذه الفترة لم يفكر سيلفاكير في زيارة الولايات الشمالية عموما والولاية الشمالية تحديدا
فما الذي تغير يا ترى؟
ولماذا هذه الزيارة في هذا التوقيت بالذات؟
واضيف متى سيزور سيلفاكير دولاً عربيه اخــرى غير مصر!!
هلى ستكون دولة جنوب السودان دولة أفريقية فقط ولا تسعى لاقامة أية علاقات مع الدول العربية؟
..
..
يتبع

كيف سيتم استقباله في بعض الولايات الشمالية
خصوصاً بعد تصريحاته الصادمة والتي اغلقت كل أمل وباب للوحدة
معظم الشعب السوداني يعتقدون ان سيلفاكير انفصالي بعكس الراحل قرنق
الذي كانت له رؤية جديدة لبناء السودان على أسس جديدة
..
..

يتبع

لم اقصد الشمال الجغرافي تحديدا بل اقصد الشمال ككل
ولايات الشرق وولايات الغرب الولايات الشمالية وولايات الوسط
أقصى ما وصل اليه سيلفاكير ربما كان الجيلي شمالا
لم لم يسعى خلال هذه الفترة لتسويق نفسه للشعب السوداني
بطرح رؤاه وافكاره كما كان يفعل قرنق فحاز على قلوب وأفئدة الشعب السوداني
..
..

يتبع

واتمنى يا امين ان يزورج جنوب طوكر ايضا
قبل رحيله عنا فاهل جنوب طوكر يستحقون تحيته.

Quote: واضيف متى سيزور سيلفاكير دولاً عربيه اخــرى غير مصر!! هلى ستكون دولة جنوب السودان دولة أفريقية فقط ولا تسعى لاقامة أية علاقات مع الدول العربية؟ .. .. يتبع

سلفاكير لم يجد زمنا يا امين....
ولكني اطمأنك بان معظم الدول العربيه على فكره عنده بجوبا!!
حاضره بقنصلياتها واستثمارتها....

ايران افتحت قنصلياتها بجوبا....

البحرين استثمارت تهز وترز في جوبا!!

الامارات اسثمارت بالمليارت في جوبا....

وقطر في الطريق.....ومصر طبعا قبلهم جميعا....

ولبنان العنصريه ذاتها...باركه بهناك!!

هل ستكون علاقة دولة الجنوب الوليدة بالدول العربية
كعلاقة ابي دلامة بالوسامة!!
لماذا؟
وقد صرح قادة الحركة الشعبية مبكراً برغبتهم في إقامة علاقات مع اسرائيل
هل من الحكمة ان تبني علاقاتك الدبلوماسية مع دولة واحدة وتتجاهل هذا الكم من الدول العربية؟
يبدو ان العروبه في دولة الجنوب ستكون مثل الغول والعنقاء والخل والوفي
..
..

يتبع

قرات هذا الخبر ونطت بذهني كل هذه الأسئلة
وإليكم الخبر
..
..


يتبع

Quote: جولة لسلفا كير بالولايات الشمالية قال ياسر عرمان نائب الأمين العام للحركة الشعبية نقلاً عن راديو «مرايا. أف. أم» أمس إن الفريق أول سلفا كير ميارديت النائب الأول لرئيس الجمهورية سيقوم بجولة في الولايات الشمالية في وقت سيحدده المكتب السياسي للحركة، موضحاً أن الهدف من الجولة هو إيصال رسالة للمواطنين الشماليين ترتبط بتحقيق التعايش السلمي بين الجنوب والشمال حتى في حال انفصال الجنوب. وكالات

ماف زول قال ليهو كيف ممكن يستقبل فيما لو أقدم على هذه الجولة الآن؟
..
..

اكييييييييد يتبع

يعني لو كان قام بهذه الزيارات قبل الانتخابات
وحاول كسب ود الناس مش كان ممكنا لأمر تتغير؟
وكان ممكن يفوز في الانتخابات الرئاسية زاتو بالحسابات كدا
الجنوب مقفول ليهو + جبال النوبة + 1.500.00 جنوبي في الشمال + اجزاء من الشرق + اجزاء من الغرب + أجزاء من الشماليه +جنوب النيل الأزرق
وكان يغير من الداخل بدل الانفصال والتمزيق
اكتر حاجة ممكن أقــولها إنو الحركة الشعبيه ومنذ توقيع الاتفاقية وهي حاسمة موقفها
وساعية للانفصال وهذا تؤكده الشواهد
..
..


يتبع

الشريكان رايكم شنو بعد غرقتوا المركب دا؟
وقسمتوا البلد دي ومسحتوها من الخريطة
هل انتم مستعدون لتحمل مســؤولية تفتيت السودان؟
المنتسبين للحركة الشعبية من غير الجنوبيين
ليه ما في زول فيكم قال لسيلفاكير دا امشي زور الناس ديل طيله هذه الفترة؟؟

لو قدر لقرنق ان يعيش مائة عام اخـرى
لربما لن يتمكن من تحقيق امنيته بشــراب الجبنه في المتمة
ولكن بعد التوقيع على الاتفاقية كان ممكن اهلنا في المتمة
وفي اجزاء السودان المختلفه ان يكرموه ايما اكرام ويقدموا ليهو القهوة والجبنه
وبذلك تتحقق امنيته في شــراب الجبنه في أية بقعة من السودان
..
..

يتبع

الراحل قرنق لم يتمكن من دخول جــوبا بالســلاح طيلة فترة تمرده
لأن الســـلاح لا يحل القضايا
مهما تكن قوة الســـلاح فان له لغة بغيضة ومميته
يمكن للســـلاح ان يلفت النظر الى قضيتك او مطالبك وعند تصل هذه المطالب
وتســـمع صوتك يجب أن تتوقف لغة الســـلاح والقتل
قاتلت الحركة الشعبية أكثر من 22 عاماً ولم تحقق طيلة هذه الفترة
ما حققته عبر الاتفاقية والتفاوض بما فيها تكوين دولة الجنوب المتوقعة
يعني يا الشـــفيع الكاكي ما بحلك وكذلك مناصري الحركة السلاح ما بحلكم
الحرب تعني الدمار فقط للطرفين

لقد اكتوى الشعب الســوداني بنار الحرب السابقة
ويكاد لا يخلو أي بيت ســـوداني
من قتيل أو شهيد
جريح او مصاب
معوق او معوقة
نعم أي شمالي او جنوبي كان ولكم ان تبحثوا
اما جارك او اخوك او صديقك او ابن عمك ... الخ الخ قد ذهب ضحية لتلك الحرب البغيضة
فكـفوا عن دعوات الحرب يرحمكم الله
..
..

يتبع

Quote: سلفاكير لم يجد زمنا يا امين.... ولكني اطمأنك بان معظم الدول العربيه على فكره عنده بجوبا!! حاضره بقنصلياتها واستثمارتها....

ام حازم وسند

ســـلام ... يازوله البدخل السياسة دي مفروض يسمع ويقرأ أكتر مما يتكلم
فباللاي ما تخلي عواطفك تســـابق حروفك
وبالتــالي تقعي في غير المقبول والمعقـول
يعني كلامك الفوق دا ما مقبول بالنسبة لي اطــلاقاً
البخلي سيلفاكير كل يومين يمشي كينيا ويوغندا ... الخ الخ
5 سنوات ما كفاية طيب عايز كم سنة عشان يزورنا؟
مش كان اولى يزور اهلو في السودان في الشمال والغرب والشرق
سيلفاكير طبعا جنرال وليس له في السياسة
ولكن ما هو دور كمية المستشارين الحولو ديل شكلهم لا يشاروا ولا يستشاروا

Quote: أن الهدف من الجولة هو إيصال رسالة للمواطنين الشماليين ترتبط بتحقيق التعايش السلمي بين الجنوب والشمال حتى في حال انفصال الجنوب.

جيت متأخر يا سيلفاكير
غايتو تعال اشرب جبنتك وشتت
الله يعدل طريقكم ويهنيكم بدولتكم الجديدة
الزيارة ستشمل ولايات كردفان ودارفور والولايات الشمالية
لكن كان بالامكان احسن مما كان
..
..


يتبع

يا امين بشاري
طلعتها عاوطف بضربة كي بورد؟؟!!

Quote: ام حازم وسند ســـلام ... يازوله البدخل السياسة دي مفروض يسمع ويقرأ أكتر مما يتكلم فباللاي ما تخلي عواطفك تســـابق حروفك وبالتــالي تقعي في غير المقبول والمعقـول يعني كلامك الفوق دا ما مقبول بالنسبة لي اطــلاقاً البخلي سيلفاكير كل يومين يمشي كينيا ويوغندا ... الخ الخ

ردي اولا كان عن الدول العربيه عشان ما تقلوني ما لم اقله!
ومش عن زياراته لاقاليم السودان.
اوكي.


وسلفاكير انا مصره برضو انه المؤتمر الوطني هو من كان يعيق
زياراته للشمال بافتعال مشغوليات فارغه واجتماعات وهميه.


اها قهوته مبروكه عليه
وكما قلت الانفصال وقع
ويجينا زائر ان شاء الله كرئيس دوله مجاوره
رغم انه زولنا وولدنا واخونا وسيظل.

Quote: اكتر حاجة ممكن أقــولها إنو الحركة الشعبيه ومنذ توقيع الاتفاقية وهي حاسمة موقفها وساعية للانفصال وهذا تؤكده الشواهد

ودي النجيضة حقت ود الصايم


كيفك يا البشاري

يا زول منو القال ليك الكاكي لبسناهو عشان نحارب الجنوبيين؟

ام حازم وســند

مرحبا بك من تاني
كتبت ما يلي:

Quote: يا امين بشاري طلعتها عاوطف بضربة كي بورد؟؟!!

انا ما طلعتها يا تراجي ولكن كلامك يدل على دفاعك عن سيلفاكير
بل وجدت له المبررات في قولك هذا:

Quote: سلفاكير لم يجد زمنا يا امين....

خمسه سنوات يا تراجي وما لقى ليهو زمن يزور حتى حلفاؤه في بعض الولايات
ما هو الخطاب الذي وجهه للشماليين والمناصرين للحركة الشعبية من غير الجنوبيين؟
سيلفاكير يا تراجي ومن وجهة نظري ارسل الكثير من الاشارات السلبيه عنه وعن توجهات الحركة الشعبية
المســـؤولية مشتركة بين الشريكين في تفتيت السودان

Quote: ردي اولا كان عن الدول العربيه عشان ما تقلوني ما لم اقله! ومش عن زياراته لاقاليم السودان. اوكي.

المفروض الدولة المتوقعة لاستقلالها ان تسعى لكي تقيم علاقات جيدة مع دول العالم
وليس العكس يا تراجي لأنو دولة الجنوب ستكون في حوجة للاعتراف بها من دول العالم
ولذلك يجب عليها التوازن في علاقاتها في هذه المرحلة.
هل تتوقعين ان يرحب به في الولايات التي سوف يزورها؟
اعتقد أن هذه الزيارة تأخرت كثيرا من طرف سيلفاكير

Quote: اها قهوته مبروكه عليه وكما قلت الانفصال وقع ويجينا زائر ان شاء الله كرئيس دوله مجاوره رغم انه زولنا وولدنا واخونا وسيظل.

حبابو ألف في أي وقت مهما يكن فهو سوداني وسيظل

كوني بخير

Quote: ودي النجيضة حقت ود الصايم

الشـــفيع وراق

ســـلام يا صاحب
النجيضة يا الشفيع ناسكم عرفوها متأخر جدا
لأنهم وقت توقيع الاتفاقية لم يكونوا يفكروا إلا في 5 سنوات من الاستقرار
والامريكان والغرب عملوها فيكم وكنتم كأنكم تساقون الى الموت وأنتم تنظرون
أها النجيضة دي هسي بقت ليكم حارة وبقيتوا تفتشوا في الوحدة
الجنوب كتبت شهادة انفصاله يوم التوقيع على الاتفاقية ودي النجيضة الاكيدة

Quote: يا زول منو القال ليك الكاكي لبسناهو عشان نحارب الجنوبيين؟

هههههههههه ضحكتني والله يا الشفيع
نعلو بس عايزين تحاربوا امريكا والمجتمع الدولي
الشفيع يا اخوي مصنع الشفا لغاية اسي ما عارفين ضربوه بشنو؟
ومن وين؟
وكيف؟
غايتو لو دايرين تحاربوا ديل الله معاكم بس خلونا نخارج اهالينا ديل
والله يعدل طريقكم ويثبتكم في الحرب وعند اللقاء طبعا دا لو شفتوا ليكم زول متحاوم

كن بخير

Quote: هل من الحكمة ان تبني علاقاتك الدبلوماسية مع دولة واحدة وتتجاهل هذا الكم من الدول العربية؟

عزيزي ،

مصر ، ذاتها ،
مصر ، أم الدنيا وزعيمة كل الدول العربية:

(من الميط الهادر ،
إلى الخليج الثائر ،
لبيك عبد الناصر!!!)

مصر ، ذاتها ،
أقامت علاقات مع إسرائيل ،
ما الذي يمنع غيرها ،
دولة الجنوب
أو دولة الشمال
او دولة السودان الموحد؟؟؟


تحياتي

اخوتى الافاضل

و لماذا لا تكون هذه الزيارة " جس نبض " للشعور الحقيقى للمواطن السودانى الذى تم تغيبه عند توقيع اتفاق نيفاشا.
و الحصول على اجابة حقيقية للشعور الشعبى العام تجاه اخوته فى الجنوب .. بعد التصريحات المقززة لبعض كبار حكومة الانقاذ .
و هل سيكون لهذه الزيارة اى اثر على قرار الاخوة فى الجنوب عند الاستفتاء ؟
الايام القادمة حبلى بالكثير و المثير و الغير متوقع !!!

تحياتى

الأخ يوسف محمد يوسف

ســـلام ...
ما قصدته هو ان سلفاكير جزء أصيل من عملية تفتيت السودان
وتشـــترك الحركة الشعبية مع المؤتمر الوطني في ذلك
سيلفاكير لم يســـعى لزيارة الولايات الشمالية طيلة فترة توليه منصب النائب الأول
الاعلان عن الزيارة في هذا التوقيت غير موفق خصوصا بعد تصريحة بالتصويت للانفصال
أنا مع الجنوبيين واحترم خيارهم بالوحــدة او الانفصال
ولكن كان بالامكان افضل مما كان

Quote: مصر ، أم الدنيا وزعيمة كل الدول العربية

مصر ان شاء الله عيشتها تطير يــااااخ
وهي ليست زعيمة في نظري وسوف لن تكون
بل هي عميلة يتم تمرير كل السياسات الأمريكية والصهيونية عبرها
اعتقد جازماً انك لم تفهم مغزى تســـاؤلي
قصدت احسن دولة الجنوب دي تعمل علاقات مع الدول العربية أم مع اسرائيل؟
في حال انفصال الجنوب ستكون الدولة الوليدة بحاجة الى اعتراف
من دول العالم بها ولو سعت للدول العربية ربما تم الاعتراف بها وهي ما تحتاجه
تضمن دولة الجنوب تدفق الأموال العربية والاستثمار في الجنوب

تحياتي يا دريري