Post: #1
Title: ها ناس سنار الكوز حكمكم 21 سنة ياكم زاتكم و لا فى جديد ؟
Author: صديق مهدى على
Date: 10-19-2010, 02:42 PM
طبعا فى جديد السوق مليان بضاعة و القروش عند الكيزان . السوق مليان بضاعة عاوز البشتريها .
السوق مليان دكاكين جديدة و تجار جدد هم الكيزان .
ها ناس سنار وين دخلتكم و مرقتكم بحريتكم لا جاسوس و لا مدسوس و لا عرق سوس . يا ناس سنا يا حليل
اكشاكم و ليمونكم المخلوط ابو زبد بالطاسات السمحة ديك ناس سنار يا حليل زراعتكم المطرية
و سوقكم المليان عيش و مخازنكم البتشن و ترن لا ديوان زكاة و صندوق شهيد .
يا حليلكم يا ناس سنار و حليل السكر الرخيص و اللحم الرخيص و الخضار الرخيص حليلكم يا ناس
سنار و حليل التدريس المجانى و العلاج المجانى حليلكم يا ناس سنار و حليل خزانكم الجميل .
حليلكم يا ناس سنار و حليل عشرتكم السمحة حليلكم يا ناس سنار و حليل نفوسكم الطيبة .
ابكوا يا ناس سنار على الماضى الجميل الصافى الخالى من الحقد و العفانات .
ابكوا يا ناس سنار على
ممتلكاتكم الشالوها الكيزان ابكوا يا ناس سنار على السودان اليتيم ابكوا يا ناس سنار على تاريخكم
الجميل ابكوا يا ناس سنار على جوبا الراحت التى غنى لها الفنان المرحوم محمد احمد عوض يا جوبا
مالك على . ابكوا يا ناس سنار على اغانى الحقيبة الراحت ابكوا يا ناس سنار على مشروع الجزيرة
الراح . يا ناس سنار ماكلين لشنوا و شاربين لشنو و انتوا ترتدوا ثياب الحداد 21 سنة .
|
Post: #2
Title: Re: ها ناس سنار الكوز حكمكم 21 سنة ياكم زاتكم و لا فى جديد ؟
Author: ABUHUSSEIN
Date: 10-19-2010, 03:27 PM
Parent: #1
| Quote: ابكوا يا ناس سنار على رجولتكم الانتهت |
|
Post: #3
Title: Re: ها ناس سنار الكوز حكمكم 21 سنة ياكم زاتكم و لا فى جديد ؟
Author: محمد عبدالرحمن محمد
Date: 10-19-2010, 04:00 PM
Parent: #2
Quote: Quote: ابكوا يا ناس سنار على رجولتكم الانتهت
|
ABUHUSSEIN
إزيك..
ياخ من كل القطعه البليغة أعلاه والتي تحرك الصخر الجلمود وتذيب الحديد الصلد لم يلفت نظرك الا ما أوردته في الكوت؟
يا عاالم أخونا صديق دا كتابته في جيهه وانتو فهمكم في جيهه، فبالله عليكم دعوه يكتب لمن يفهمونه!
ألا هل بلغت؟
يا صديق لا تلفت الى الوراء واتحفنا -جزيت خيراً- بالمزيد!!!
|
Post: #4
Title: Re: ها ناس سنار الكوز حكمكم 21 سنة ياكم زاتكم و لا فى جديد ؟
Author: ABUHUSSEIN
Date: 10-19-2010, 04:09 PM
Parent: #3
محمد إزيك
Quote: ياخ من كل القطعه البليغة أعلاه والتي تحرك الصخر الجلمود وتذيب الحديد الصلد لم يلفت نظرك الا ما أوردته في الكوت؟
يا عاالم أخونا صديق دا كتابته في جيهه وانتو فهمكم في جيهه، فبالله عليكم دعوه يكتب لمن يفهمونه!
ألا هل بلغت؟ |
إنت شايف دي بلاغة و أنا شايف إنها غباء.... المشكلة وين إنت أدخل و أكتب فيه معلقة و خليني أنا أقول رأي
يعني إذا إفترضنا إنو دي بلاغة هل دا بديهو الحق إنو إقول كلامو الأنا جبتو دا ؟؟؟
لو كنت من ناس سنار أفتكر كان رأيك في بلاغتو إتغير....
محمد إنت جديد في البورد فما تتعجل الحكم على الناس سواء كلام صديق أو كلامي أنا و لو عايز أجيب ليك أمثلة
لي بلاغة صديق في البوست دا أنا مستعد بس إنت أطلب.
تحياتي
|
Post: #5
Title: Re: ها ناس سنار الكوز حكمكم 21 سنة ياكم زاتكم و لا فى جديد ؟
Author: صديق مهدى على
Date: 10-19-2010, 04:29 PM
Parent: #4
ابو القدح ما قلنا ليك خليك تحت قعر الزير يا كوز و بعدين عقلك المتحجر دا زى قدحك قولنا ليك الفهم
قسمة و نصيب . يا ناس سنار زى ناس ابو القدح ديل بخافوا من الكلام الزى دا
لذا لا تهتموا لكلام هذا المندس انشاء الله قريب تتخلصون من امثاله .
العينة دى لا تقروا مداخلاتها لان همهم صرف الناس عن اعمالهم البشعة و فضحهم عبر الانترنت
العينة دى الحكومة بتدفع ليها فلوس عشان يقولوا ليكم صديق مهدى على كعب
لذا الرجاء عدم الاهتمام او الالتفات لمداخلاتهم العقيمة .
|
Post: #6
Title: Re: ها ناس سنار الكوز حكمكم 21 سنة ياكم زاتكم و لا فى جديد ؟
Author: محمد عبدالرحمن محمد
Date: 10-19-2010, 04:39 PM
Parent: #4
| Quote: إنت شايف دي بلاغة و أنا شايف إنها غباء.... |
ABUHUSSEIN
حولااا..
عليك الله أرجع لي مداخلتي واقراها براحه كدي وشوف البلاغه الأنا شايفه!!
|
Post: #7
Title: Re: ها ناس سنار الكوز حكمكم 21 سنة ياكم زاتكم و لا فى جديد ؟
Author: صديق مهدى على
Date: 10-19-2010, 04:50 PM
Parent: #6
ياخ انت عندك مداخلات يا مندس يا كوز قوم لف لفاك بلا يخمك يا قرف .
|
Post: #8
Title: Re: ها ناس سنار الكوز حكمكم 21 سنة ياكم زاتكم و لا فى جديد ؟
Author: ABUHUSSEIN
Date: 10-19-2010, 07:02 PM
Parent: #7
| Quote: ياخ انت عندك مداخلات يا مندس يا كوز قوم لف لفاك بلا يخمك يا قرف . |
يا مناضل هدئ أعصابك
|
|