المريخ اشتهر بالخمسات مع المورده وياحليلك يالسعودي بس الخندقة تعمل معاها شنو نحن بتعمل توتر للاعبين الناس من اول دقائق يقعدوا يتخندقوا وفي الاخير فرصة يجبيو قوووووون والله دي مصيبة وسبب من أسباب تدهورنا دائما
لالالا يا هشام يااخي ما تبخس الولد مجهودو وحرفنتو ياخي اي زول كان متخيلو يلعب لي برة الهدف حلو يا هشام وحا نهتف راجي لعاب يا هلالاب قريباً
Quote: هذا الفريق لا يشبه المريخ ابدا ومن حظ المريخ اليوم ان خرج فائزا بهدية من حارس مرمى الموردة
المريخ اغتقد هيبتو الهجومية الاشتهر بيها على مر الاجيال ودي خلت في شفقة ومحاولة تحمل مسؤولية اكبر من اللاعبين لتعويض فقدانهم لخط هجومهم بالكامل ولظروف مختلفة .
ان شاء الله يتعافى المصابين ويدعم خط الهجوم بمهاجم من طراز مميز الوعد كاس ابطال افريقيا القادم ان شاء الله .
كبير دي ما بختلفوا عليها اتنين لكن اناصراحة مزعلني القراقير ديل يتفنسوا قدام الهلال ويجوا يستأسدوا علينا وكمان المزعلني زيادة سيد محمد صالح ده . والله يا ايومصطفى لو ماغلبناهم انا كنت حا اموت عديل.
Post: #6 Title: Re: رااااااااااااااااااااجي ريحتني ياخ الله يريّحك دنيا وآخرة Author: خالد درق Date: 10-18-2010, 09:37 PM Parent: #4
الحبيب خالد درق تحياتي ياخي والله راجي بااالغ معانا وادانا بالزيادة وحاتك لمن الكورة دي دخلت الشبكة جريت اعاين وراء التلفزيون قلت امكن القى لي حتة ادخل بيها للولد ده .. ياخي ده فكانا من جنس هاجس .. المريخ كبير وراجي كبير ولعاب يا هلالاب . تسلم يا خالد وسلم لي على ود عمي عمر محمدالحسن القردابي
Quote: الروح العاتيه هبوب ممتع , والديبه جراءه و سرعه , اما الراجي فهو عبقريه الخيال ..
الصفوة الصافي شهاب تحياتي الديبة دي لازم نلصق فيها ياسر عشان براها كده ما مبلوعة هههههههها والله الولد شكلو حا يكون ليهو شأن كبير . اما راجي ده فهو الحلم القادم للزعيم وللكرة السودانية
Post: #9 Title: Re: رااااااااااااااااااااجي ريحتني ياخ الله يريّحك دنيا وآخرة Author: معتصم الجمري Date: 10-19-2010, 02:29 AM Parent: #1
ابن عمي الحبيب / لك التحية
والله الشوق بحوووووووووووووووووووور .... كيفك وكيف ام عثمان والشباب الحلوين ....
ههههههههههههههههههههههههههههههههههههههههههه
ياخي انا مبسوووووووووووط جنس بسطة بالزنقة دي .... كانوا معاي مريخاب بحضرو في الكورة العجبني في الزنقة واحد حكه راس التاني .. بالله شفت زنقة زي دي
وراجي ده كان راجي الري من بداية الكورة ... قال راجي قال
Post: #10 Title: Re: رااااااااااااااااااااجي ريحتني ياخ الله يريّحك دنيا وآخرة Author: هجو الأقرع Date: 10-19-2010, 05:03 AM Parent: #9
حبينا الجمرى يا صفوة ، امس المريخ كان ذى الزفت بفضل المدرب كروجر ، هذا الرجل وضع هنو فى مباراة وهو بعيد تماما عن الاجواء ، و تاخر فى دخول قلق ، لا ارى مبررا امس لخروج النفطى لانه كان مصدر الخطوره امس ، مالم يفرج كروجر عن لاسانا و مرابط وبن ضيف الله ، سوف نتعذب فى باقى المباريات . فعلا الهدف جميل بس حارس المرمى فعلا كان عايش فى دور ان الكوره سوف تعكس . القراقير امس ماتوا من شدة الغضب لان هزيمة المريخ بتحرقهم شديد ، يستاهلوا اكثر من كده .
Post: #11 Title: Re: رااااااااااااااااااااجي ريحتني ياخ الله يريّحك دنيا وآخرة Author: Hassan Senada Date: 10-19-2010, 05:27 AM Parent: #10
هدف ولا اغلى الاهداف من باكنباور الكرة السودانية راجى عبد العاطى الصاروخ القادم باذ ن الله
Post: #12 Title: Re: رااااااااااااااااااااجي ريحتني ياخ الله يريّحك دنيا وآخرة Author: ALGARADABI Date: 10-19-2010, 05:56 AM Parent: #11
ود عمي والله حالتكم تحنن خالد درق كان قاعد جنبي والله حنيت عليهو لا تعرفو غمران لا تعرفو ميت غايتو هنيئاً لنا بخماسية في شباك طفل الحجارة وكمل كمل يا هناي
ابن عمي العزيز عمر محمد الحسن القردابي الشهير بـ (القرضابي) تحياتي واشواقي يا رشاشة
Quote: والله حالتكم تحنن خالد درق كان قاعد جنبي والله حنيت عليهو لا تعرفو غمران لا تعرفو ميت غايتو هنيئاً لنا بخماسية في شباك طفل الحجارة وكمل كمل يا هناي
والله انا نفسي نلاقيكم في الايام دي يا عمر خاصة بعد مباراة الصفااااقسي
Post: #13 Title: Re: رااااااااااااااااااااجي ريحتني ياخ الله يريّحك دنيا وآخرة Author: Sayed Bekab Date: 10-19-2010, 05:59 AM Parent: #11
Quote: امس المريخ كان ذى الزفت بفضل المدرب كروجر
مبروك الفوز يا شباب لكن بالجد حالتكم تحنن.
اها خلاص قمتو علي كروجر!!!!
Post: #14 Title: Re: رااااااااااااااااااااجي ريحتني ياخ الله يريّحك دنيا وآخرة Author: الحاج حمد الحاج Date: 10-19-2010, 06:27 AM Parent: #13
راجي لاعب موهوب و صاحب امكانيات كبيرة..استطاع أن يخدع حارس المرمى بل و كل من شاهد المباراة كان يعتقد ان راجي سوف يعكس الكورة. سفاري رغم أنه استعاد مستواه لكن لسع عندو جلطات..موسى الزومة مرض الله يمرضو.
Post: #16 Title: Re: رااااااااااااااااااااجي ريحتني ياخ الله يريّحك دنيا وآخرة Author: عبدالله كع Date: 10-19-2010, 07:08 AM Parent: #14
Quote: والله اتزنقت لي جنس زنقة
هئ هئ هئ هئ
ـــــــــــــــــــــ وحاة النبي تقابلونا بالجنائز ديل تترشو قبل المباراة بي اسبوع بالله كترو لينا من نوعية الشغيل دي ...
.......... وحارس المورده عمي هدايه -
Post: #17 Title: Re: رااااااااااااااااااااجي ريحتني ياخ الله يريّحك دنيا وآخرة Author: tmbis Date: 10-19-2010, 08:15 AM Parent: #16
Quote: والله اتزنقت لي جنس زنقة
والله يا امير الجمري تعجبني صراحتك اقوليك حاجة .. انا الدامك دا اتزنقته خليكم إنتو
Post: #20 Title: Re: رااااااااااااااااااااجي ريحتني ياخ الله يريّحك دنيا وآخرة Author: إدريس البدري Date: 10-19-2010, 08:29 AM Parent: #17
والله ما براك يا امير
غايتو نحمد الله
Post: #23 Title: Re: رااااااااااااااااااااجي ريحتني ياخ الله يريّحك دنيا وآخرة Author: وليد عبد اللطيف Date: 10-19-2010, 08:47 AM Parent: #20
امير الجمري ... سلامات
Quote: والله اتزنقت لي جنس زنقة
تخيل لم اشاهد المباراة ولكن حسب الاهداف التي شاهدتها هنا الاول جميل وصعب دخولة والثاني الحارس يظهر بقبض في طير يعني كان ممكن تعادل المباراة ولكن عندي ود عمتي موردابي متعصب في حالات زي يكورك ويقول ديل اولاد باطلين . مع الهلال لو جدعوا ليهم شرباتهم في الميدان يهزمونهم . . . اين هيبة المريخ وشراسة هجومة زيكو والدحيش ودحدوح وقاقارين وقلة وسانتو والمرحوم ايدهور تعرف زمان كنا لا نشيل هم لمباريات الهلال وهذا ليس لضعفهم ولكن يلعبون كرة باردة وجميلة ويعطونك فرصة ان تقاسمهم اللعب ولكن المريخ عكس ذلك ارهاب داخل الميدان شراسة نسور وذئاب جائعة الى ان تنتهي المباراة تكون مافهمت حاجة إلا تاني يوم تسأل الناس امبارح الحصل شنو
---------------------------- شايف صاحبي قريبك فرحان ( عالم شماته )
Quote: تخيل لم اشاهد المباراة ولكن حسب الاهداف التي شاهدتها هنا الاول جميل وصعب دخولة والثاني الحارس يظهر بقبض في طير يعني كان ممكن تعادل المباراة
القون الاول جميل جدا والتمريرة ولا احلى من نجم الدين وياسر اتعامل مع الكورة بطريقة حلوة، لكن برضو كان قون درون ودرون مع موردة الزمن ده صراحة اكعب من الهزيمة .
اما قون راجي ففعلا لو انت ما حاضر الكورة وشفت بس لقطة القون بتقول كلامك ده لكن حرارة الكورة والضغط وراجي الشوط الاول كان تركيزو اقل بس الشوط اجتهد وفعلا كان عايز يضرب القراقير عشان كده مع حماسو الزايد والنفس الحاروالدقيقة 43 ويتصرف كده وكمان قون غلب يااااخي ده كان روعة الروعة
Quote: والله يا امير الجمري تعجبني صراحتك اقوليك حاجة .. انا الدامك دا اتزنقته خليكم إنتو
تامبا العريس والله بالجد انا اتزنقت وشت الكرسي والتربيزة وشاكلت شفعي لكن بالجد والله راااااجي ريحني راحة عجيبة .. ياخ تعرف انا قاعد وكل دقيقة اتخيل لي واحد فيكم مرة تجيني انت مرة عمر الفاروق مرة الكوتش مرة معتصم دفع الله مرة جمال السنوسي مرة المجمر مرة ود البشرى مرة وليد عبد اللطيف مرة بيكاب مرة الخ الخ غايتو كل هلالاب المنبر جو في بااالي ومعاهم شهاب الجمري اخوي الصغيّر ... بس اووول ما رجاريجو الحلو جاب لي القون التحفة القون السينما كلللللللللللللللللللللللللكم اتبخرتو يا جبناء ما عارفكم مشيتو وين حتى في الخيال تزوغوا.
Quote: مرة تجيني انت مرة عمر الفاروق مرة الكوتش مرة معتصم دفع الله مرة جمال السنوسي مرة المجمر مرة ود البشرى مرة وليد عبد اللطيف مرة بيكاب مرة الخ الخ غايتو كل هلالاب المنبر جو في بااالي ومعاهم شهاب الجمري اخوي الصغيّر ...
والله يا أمير انا مقدر ظروفك دي شديد والحالة الكنت فيها امس .. لكن اديك سـر لاول مرة اذيعـو .. عارف لو أمس كان الاولاد ديل بس كربو بطنم التمنية دقايق دي وثبتو المسمار دا كويس ..؟ والله يا أمير الصباح ما كان رجيتكم ليهو .. كان بعمل ليكم يوم مفتوح عديل كدا
Quote: عارف لو أمس كان الاولاد ديل بس كربو بطنم التمنية دقايق دي وثبتو المسمار دا كويس ..؟ والله يا أمير الصباح ما كان رجيتكم ليهو .. كان بعمل ليكم يوم مفتوح عديل كدا
تمبس!! انت حا تقول لي !! ياخ انا ما عارفكم وعارف لسانكم والله انا كنت خايف من جنس ده اكتر من انه الدوري يطير .. ياخي نحن وصلنا نهائي الكونفدرالية 2007 قلتو دي بطولة جعرانية بطولة جوعى بطولة حمام ميت .. اسي انتو فيها بتقولوا وصلنا دور الاربعة (الكبار) انتو ما بتتقدروا ياخي (فلسان وطويل لسان) (لابس صديري و.......) لا حولالالالالالالالالا منكم انتو .
ما عارفكم نحن السنة الجاية لمن نشيل بطولة رابطة الابطال ونمثل افريقيا في كاس العالم للاندية حا تقولوا عليها شنو!..... مش اينرامو جايلنا وكليتشي اتعالج ! (وش فيهو حاجب مرفوع والتاني نازل)
Quote: وحاة النبي تقابلونا بالجنائز ديل تترشو قبل المباراة بي اسبوع بالله كترو لينا من نوعية الشغيل دي ...
والله يا عبد الله اكتر حاجة متمنيها انو نقابل الهلال اليومين ديل عشان نقتس حجركم
طبعا مريخ هلال دي بالمناسبة هي البتنعوش بالفريق .. زيكم بالظبط يعني لو ما هزيمة الهلال للمريخ في الدورة الاولى كان كاريكا اسي معار لفريق مسيكتاب حق ناس عوض كمبا داك وكان ابو الهل ذاتو معار لفريق نهضة ام ضريوة .
Quote: راجي لاعب موهوب و صاحب امكانيات كبيرة..استطاع أن يخدع حارس المرمى بل و كل من شاهد المباراة كان يعتقد ان راجي سوف يعكس الكورة.
راجي فناااااااااااااان يا حاج حمد الله يحفظو من عيون الجماعة (عينم حااارة ياخ لحقت حتى وارغو )
Quote: سفاري رغم أنه استعاد مستواه لكن لسع عندو جلطات..موسى الزومة مرض الله يمرضو.
الجماعة ديل ما ننشر ليهم غسيلنا كده هنا خلينا ماسينجرات
سفااااري تمااام وكان شايل دفاع المنتخب وموسى داير شوييييية تركيز .
عندي ود عمي وصحبي بكري محمد الحسن اخو عمر (القرضابي) مريخابي ما عندو حاجة اسمها ممكن المريخ يكةن كعب ولا الهلال ممكن يكون كويس وعنده كاسروكا احسن من طارق احمد ادم .. لكن بيني بينك لقيت معاهو حق .
لا والله يا هجو ما كنا كعبين لكن ناس الموردة كانوا متخندقين خندقة سخييييفة ولاعبين المريخ شعروا بالقلق واستعجلوا الفوز عشان كده حصلت شوية ربكة لكن الكورة 90 دقيقة عند المريخاب بس الترجمة اتاخرت وياسر الديبة مشروع مهاجم ناجح بكل المقاييس ويملك كل المقومات (السرعة والقوة والبنية بكسر الباء عشان ما ينطوا لينا في حلقنا وكمان حريف يعني شوية ثقة كده حا يكون المهاجم رقم 1 في المريخ وبالتالي طبعا في السودان )
Quote: لا ارى مبررا امس لخروج النفطى
دي صااح ولا حتى في المباراة الفاتت مع هلال بورتسودان .
Quote: القراقير امس ماتوا من شدة الغضب لان هزيمة المريخ بتحرقهم شديد
احيييييييييييييييييييييييييي ان شاء الله يموتوا كمان وكمان وزي ما قال هارون : (اسود علينا نحن بس).
طبعا يموتوا مغسة وغضب يا جماعة وبرضو عشان ما ينطوا لينا في حلقنا
Quote: الدنيا منى واحلام ياسلام .... ترررلم لم ترررلم
طبعا زي حلمكم العايشنو اليومين ديل لكن بالله بالجد رايك شنو في راجي؟
Post: #39 Title: Re: رااااااااااااااااااااجي ريحتني ياخ الله يريّحك دنيا وآخرة Author: خالد أميقو Date: 10-19-2010, 04:12 PM Parent: #1
والله يا امير الجمري الكورة مابتدي حريف بقيت تجشع راجي وموسي الزومة وبله جابر يا حليل زمنكموزمن عادل شاويش قول لعثمان ولدك بدل اديني الزمن ده الزمن ده الكورة فيها قروش لكن مافي لاعب يمل العين عكس زمان في لاعب لكن مافي ماده زمان يقولوا ليك فلان ده بيخرب كورنا يعني العشرة بيكون كويسين واحد بس الكعب فيهم لكن الزمن ده بيقولوا ليك فلان بيصلح كورنا يعني العشره الباقين هبوب عشان كده يا ود العم احسن ليك ناس ميسي اناساك من وجع القلب والضغط والهلال الفرحانين بيه ده حدو هنا طالما ناس عم هدايا قاعدين( مساوي والمعز )
Quote: والله يا امير الجمري الكورة مابتدي حريف بقيت تجشع راجي وموسي الزومة وبله جابر يا حليل زمنكموزمن عادل شاويش قول لعثمان ولدك بدل اديني الزمن ده
هي يا اميقو ما ياهو حال الدنيا عاد .. اهو ده طارق احمد ادم واقف في الخط وبشجع اسامة التعاون وهي كان بتدي حريف كنت انت اتكسرت في الاسبوع التالت للدوري ال ممتاز وانت نجم التلاتة اسابيع والكسرة الياها!!!
Quote: والهلال الفرحانين بيه ده حدو هنا طالما ناس عم هدايا قاعدين( مساوي والمعز )
احييييييييييييي يا مقة الله يجيب اليوم ده .
على فكرة يا شباب خالد اميقو هلالابي بس عاقل وبيعرف كويييييس
اووووووووووووووووووووووووووووووووووووووووووووووووه شقاشيقو والله الشوق حاشينا حشي وينك يا لذيذ عليك النبي امبارح راجي ده ما ريحك زي ما ريحني كدي .. خلينا على اتصال ياخي وادينا شوية من وقتك المديهو كلللو للطباخين ده تعال شوية بي هنا مكان العقد ووضرب الرصاص .. هههههههههها
Quote: والله يا امير الجمري الكورة مابتدي حريف بقيت تجشع راجي وموسي الزومة وبله جابر يا حليل زمنكموزمن عادل شاويش( أحرف ســوداني) قول لعثمان ولدك بدل اديني الزمن ده
أحرف سوداني دي من عندي أنا ويشهد عليها كل من شاهد عادل شاويش
مشتاقييين ياجمــــري
فعلا العربي خالد بعرف كوره وكوييسس جدا , بالله الناس الفوق ديل ما حيــــرووا الهلال والنجوم الدوليين لمن كانو فعلا نجوم دولييون.
المدرب سيد محمد صالح مدرب شاطر خلق من القرقور شربات بصمته ظهرت
كروجر تعامل بعقلية مدربي الروابط خرمجته كادت تمسخ الدوري
أنا في رأي الضعيف هدف الديبة أجمل وأصعب , وجاء بطريقة أوربية
Quote: المدرب سيد محمد صالح مدرب شاطر خلق من القرقور شربات بصمته ظهرت
شطارة شنو وبصمة شنو دي اجتهادات لاعبين ساكت .. وسيد ده منظراتي ليس الا وصدقت امبارح بالصدفة معاه وبرضو اخد على راسو.. واسي شوفو في كورة جاية للقراقير حا يترشّا
Quote: أنا في رأي الضعيف هدف الديبة أجمل وأصعب , وجاء بطريقة أوربية
هدف الديبة فعلا احلى بس الفرحة بي هدف راجي كانت اكبر لانه هدف فوز وجاء في زمن صعب ورجعنا للمنافسة لانو لو المباراة انتهت تعادل كان بنسبة 90 في المية الدوري اتحسم .
