Post: #1
Title: احلام الفتي الراكي
Author: ياسر بيناوي
Date: 10-18-2010, 03:33 PM
اها طلعت ليكـ من صباح الرحمن
ومشيت علي علي موقف المواصلات
وعلي غير العادة لم تمضي سوي بضع لحظات
حتي اتت حافلة وفاضية كمان
ركبت وانا غير مصدق
سالت الكمساري : عربي
رد : نعم يا استاذ
فغرت فاهي وانا مندهش ما بين رد الكمساري المهذب
وشكل الحافل ذات المقاعد الوثيرة
والكندشة الضاربة
لم افق من دهشتي بعد واذا بالكمساري :
طبعا يا استاذ صدر منشور اليوم بتخفيض التزكرة الي النصف
المهم
نزلت من الحافلة وانا غير مصدق
واتجهت نحو احدي المصالح الحكومية
ومجرد ماوصلت تلكـ المصلحة
لاحظت الابتسامة الواضحة في وجوه الموظفين
احد الموظفين ( مرحبا ) : اتفضل يا استاذ نحن هنا في خدمتكـ
وفي سرعة البرق انجزت مهمتي وانا غير مصدق
فكرت انو ياخي طالما الموضع الكنت متوقع انجازو في شهر
تم في ربع ساعة
اذا لدي بعض المواضيع في مصالح اخري
وشرعت في انجاز تلك المواضيع
والتي فاقت العشرة
وقد انجزتها كلها
وفجأة
|
Post: #2
Title: Re: احلام الفتي الراكي
Author: ياسر بيناوي
Date: 10-18-2010, 03:40 PM
Parent: #1
صحيت من النوم
طبعا
خالص الود
|
Post: #3
Title: Re: احلام الفتي الراكي
Author: زهير عثمان حمد
Date: 10-18-2010, 04:46 PM
Parent: #2
ياسر
مساء الخير
الحق نفسك وصلت مرحلة خطيرة جدا أنشالله ما تحتاج لفكي شوية راحة وح تكون كويس بس أرتاح
طبيبك المعالج
زهزهون
|
Post: #4
Title: Re: احلام الفتي الراكي
Author: عبدالعزيز الفاضلابى
Date: 10-18-2010, 05:13 PM
Parent: #3
ود عمى بيناوى
نعالك طيب
عليك بإثنان من شعاع الشمس وإثنان من شعاع القمر ,, واخلطهما واخلط خليط الخليط فى هون بلا قعر ,, تشفى بإذن الله.
حا اشوف ليك تعبير الرؤيا دى فى إبن سيرين.
|
Post: #6
Title: Re: احلام الفتي الراكي
Author: ياسر بيناوي
Date: 10-20-2010, 11:25 AM
Parent: #4
الفاضلابي ود عمي
والله مشتاقين ياخي وين انت ماظاهر
انا في انتظار التفسير
خالص الود
|
Post: #5
Title: Re: احلام الفتي الراكي
Author: ياسر بيناوي
Date: 10-20-2010, 11:01 AM
Parent: #3
تعرف يازهير مشيت لي فكي كارب في مايو وصفو لي خدر حسين زماااااان
اها قام قال لي لازم تشرب لبن سحلية عزباء
وتتعشي بي نص كيلو كبد النمل
خالص الود
|
|