تقدم الهلال في هذه البطولة اصبح امراً مقلقا

بل ومخيفاً , الهلال بهذه الجدية وهذا الفريق المكتمل اصبح يشكل خطرا حقيقياً علي الاندية الاخري المتنافسة معه علي كأس الكونفدرالية بل ويكاد يكون هو الفريق المرشح الابرز حتي الان الامر الذي يكاد يكون خطرا محيقا علي ( الفرمالة ) التي تخرجنا من الزنقات كلما اشد التناحر الرياضي مع الرشاشات ولجؤنا الي نعتهم باصحاب الصفر الدولي , والذي يبدو انهم بصدد تعديله قريبا , لذا اهيب بكل الاخوة الحادبين علي مصلحة الرياضة في السودان واستمرارها بصورة طبيعية ان يبتهل الي الله ويدعوا الله ان يجعل امر الهلال عسرا بعد يسر في هذه البطولة .

أساسي
بالله قول لي هارون دياب ما عاوزين اي كااااااااااك في البوست دا.

تحياتي

الزول دا خلوهو يكمل الكلام الفي بطنو كلو ..
البوست دا ضبابي

يا تمبس .. الزول دا داير يعمل
نظام الكُج المضاد .. لكن كان ليو!!

عارف يا اساسي
مع انو الكلام ده حا يمغسنا

لكن ان الاون انو الهلال يشيل كاس وهو بستحقو


الهلال نجيض الايام دي وظروفوا مساعده

التيم مكتمل
اكتر تيم يمتلك خبرة بطولات افريقيا بعد مازمبي الان من ناحية الاعبين
صلاح ادريس مافي عشان يشاتر ليه ويعمل ليه مشكلة في الزمن الضايع
شداد مافي عشان يتدكتر عليهم ويفرض ليه اوامر ما في محلها يتنشن بيها الجو


الهلال بعد رش التيحة رايح جاي بقى المرشح الاول
وحا يقابل التيحية في الكاس تااااااااااااااااااني

ده كلام ده يا اساسى ..وينها الوطنيه..؟؟!!! ..؟؟

لم اكن ادري كيف يقول شخص ما
الروووووووب
الي ان قرأت هذا البوست
شكرا اساسي ان جعلت ذلك ممكنا او كما قال تمبس