Post: #11 Title: Re: الترجــــــــــــي X الأهـــــــــــلي Author: كمال حسن Date: 10-17-2010, 08:25 PM Parent: #10
عبد الرحمن كلامك صاح وقبل كده الكره أصلا ما كورنر يعني طلعها لاعب الترجي لكن عموما صعبه على الحكم أن يرى دخول الكره بيد اللاعب ولكن تبقى المسؤولية أكبر على رجل الخط
Post: #12 Title: Re: الترجــــــــــــي X الأهـــــــــــلي Author: كمال حسن Date: 10-17-2010, 09:37 PM Parent: #11
ما زمبي قبل كدا جهجه الترجي يا خليل في تونس ..الكاس لمازيمبي دون شك ..الحكم اتحامل علي الاهلي بصوره غريبه حتي حالة الطرد مفروض تكون للاعب من الاهلي ولاعب من الترجي ..لكن دا التحكيم الافريقي الخايفييين منو نحن زاااااتو
Post: #16 Title: Re: الترجــــــــــــي X الأهـــــــــــلي Author: Mahmoud Mustafa Mahmoud Date: 10-17-2010, 09:53 PM Parent: #14
Quote: لا احب هذا الترجي علي الاطلاق
ما زالت مرارته مع الهلال احسها في حلقي
يا ريت مازيمبي يعملا ولكن الترجي شرس ومنظم
والنهائي علي ارضه لن يفرط بسهولة في بطولة هذا العام
بعدين يا خليل ما تنسى.. الحكاية دي بتعمل motivation رهيب للصفاقصي عشان يجي
يصفقص ليكم الهلال الشفناهو امبارح دا...
أمانة في ذمتك يا خليل.. فرقنا السودانية دي كلها .. فيها قوة زي الشفتها الليلة دي؟؟
أحلى حاجة الاستوديو التحليلي والطريقة الغياظة بتاعة طارق ذياب في عكننة المصريين..
حاجة من أمتع ما يكون..
تحياتي يا بتاعين السوبر...
Post: #17 Title: Re: الترجــــــــــــي X الأهـــــــــــلي Author: كمال حسن Date: 10-17-2010, 09:54 PM Parent: #13
صدقت أخي معاويه واضحة كالشمس، ولكن أعتقد أن الحكم وضعه يكون في حالة الركنية عكس رجل الخط، وبالتالي كان يجب أن يحتسب رجل الخط المخالفة، لأن اللاعب إسعمل يده اليمنى أثناء (الدايفينق) مما يصعب على الحكم في الجانب الآخر رؤية الحالة. على كلٍ، متى يلجأ الإتحاد الإفريقي لكرة القدم لزيادة حكام المباريات في الكونفدرالية والأبطال إلى خمس حكام على الميدان على قرار الإتحاد الأوربي من أجل منع أهداف مثل هذا الهدف أو تحديد أدق للكرات التي تتجاوز خط المرمى أو لاتتجاوزه لأن قرارات كهذه تضيع في الغالب مجهود لاعبين بذلوا عرقهم وإلتزموا بقوانين اللعبة، ليخرجوا في نهاية الأمر خاسرين بغير وجه حق
بالعكس يا كمال الحكم كان اقرب للحاله من رجل الخط وكان متابع الكوره ومافي اي دربكه ..والكوره اصلا ما كانت كورنر ..التحكيم الافريقي مخيف ماعدا الحكم بتاع جنوب افريقا الحكم كورة السودان وغانا راجل نضيف
Post: #19 Title: Re: الترجــــــــــــي X الأهـــــــــــلي Author: كمال حسن Date: 10-17-2010, 10:28 PM Parent: #18
معاويه كلامك عن الحكام الأفارقه صحيح جدا، وأتفق معاك فيهو وأؤكد أيضا على الحضور الممتاز للحكم الجنوب أفريقي لكن بالنسبة للحالة التي إحتسبها الحكم اليوم أرى أن الحكم كان في موقع سليم، ولكن مجموعة اللاعبين أمامه كل واحد منهم قد يتسبب في عدم مشاهدته ليد اللاعب وهو يدخل بها الكرة للمرمى، أما رجل الخط فكان الوضع أمامه مكشوفا،وكان رجلي خط المباراة اليوم أسوأ من بعضهما كل إحتسب حالات تسلل لا وجود لها بوقوفهما الخاطئ وعدم متابعتهما للكرات في لحظة لعبها لتحديد ما إذا كان اللاعب في حالة تسلل أم لا
Post: #22 Title: Re: الترجــــــــــــي X الأهـــــــــــلي Author: فيصل نوبي Date: 10-18-2010, 06:51 AM Parent: #21
في زول منكم حضر الجولة الاولي ؟ هدف الاهلي في الجولة الاولي برضو باليد .
Post: #23 Title: Re: الترجــــــــــــي X الأهـــــــــــلي Author: محمد عبد الماجد الصايم Date: 10-18-2010, 07:38 AM Parent: #22
يا نوبي .. هدف الأهلي ما باليد باليدين الاتنين عدييييييييل كـدا!!
النجيضة: استمعت بالكورة والله!! مش قالوا العصر لـ مصر؟ وتيب؟
بعدين الكورة دي أمس كان فيها جنس صرف! اللاعب يرفع عينو ساي يلاقي التاني صرف ليهو (كـ **** كـ)!! والحكم كان صاحب النصيب الأكبر من الصرف!!
بعدين الحكم دا ######## ياخ! بقى يخاف من لاعبين الأهلي عديل بعد الكرت الأحمر! ياخ معقولة اللاعب يخت يدو على الحكم ويدفر وينهر والحكم يعاين ليهو ساي!!
Post: #24 Title: Re: الترجــــــــــــي X الأهـــــــــــلي Author: محمد عبد الماجد الصايم Date: 10-18-2010, 07:39 AM Parent: #23
عفوا ما سلمنا عليكم يا شباب السلام عليكم ورحمة الله وبركاته
_ الـ ####### دي: جـبان!
Post: #25 Title: Re: الترجــــــــــــي X الأهـــــــــــلي Author: Sayed Bekab Date: 10-18-2010, 07:55 AM Parent: #24
سلام يا شباب
مباراة نارية ....
حكم ضعيف المستوي والشخصية....
السبب الرئيسي فى هزيمة الاهلي المصري امس عدم جاهزية لاعبي الاهلي نفسيا للمباراة مثال حسام غالي و حسام عاشور ووائل جمعة و كلهم لاعبو ذوي خبرة لكن نجح لاعبي الترجي فى استفزازهم و المصية الكبري في لاعب ذو خبره تزيد عن العشرين عام واقصد محمد بركات يقع فى خطاء ساذج .
لم يتحرك اداري النادي الاهلي لتجنب الكارثة النفسية اثناء المباراة بالاخص الشوط الاول بعد الهدف المشكوك .
تغاضا الحكم عن الغاء الهدف التونسي و لكنه ايضا تغاضا علي طرد لاعبين من الاهلي حسام عاشور ووائل جمعه يعني لو كان طبق نص القانون الاهلي كان مغلوب مغلوب.
بصراحه الترجي فريق شبابي شرس لكن مازيمبي محنك و اشرس.
الحكم العامل زي الوتد ده ما فاهم اي حاجه طرووووووووووووووشه فى الحكم و الشخصية ..المصيبة لو كان بفهم عربي كان دربو عددددديل لعملية غسيل اضان :)
Post: #26 Title: Re: الترجــــــــــــي X الأهـــــــــــلي Author: كمال حسن Date: 10-18-2010, 04:54 PM Parent: #25
الشباب سلامات أولا والله انا ما شفت هدف الأهلي في القاهره وإذا كان بي يد اللاعب والله لا، وإذا كان كده يبقى الجزاء من جنس العمل عموما أنا شايف الحكم والله كان لازم يعمل كده في لعبه مشحونه بالتوتر زي الحصل ده يعني لو كان ما طلع اللاعب الأهلي بالكرت الأحمر كان المباراه دي طلعت فيها سواطير من تحت الفنايل عدييييل كده وبعد الكرت الأحمر لو كان أدى أي لاعب من الأهلي كرت تاني وعمل بي نص القانون بس من غير روحو كان الموضوع جاط وكان اللعبه باظت ويمكن كان ما تمت زاتو غايتو هو قدر يسوق المباراه بي جاي جاي لي بر الأمان تعرفو بي قدر ما قعد نحمل التحكيم الإفريقي تدهور الكورة الأفريقية، لكن أنا برى إنهم واقعين تحت سندال ومطرقة الجماهير، ياخي مافي أي ضمانه لي حكم إفريقي يطلع من الإستاد إذا حكم بما يرضي ضميرو الفي بعض المرات تراه الجماهير عكس فريقهم، فما ممكن نحمل الحكام الأفارقه فوق طاقتهم تعال شوف في أوروبا في بعض الأحيان تقوم الجماهير كلها ضد قرار للحكم تستطيع الإعاده على شاشة الإستاد من إنصاف الحكم فتمتص غضبة الجماهير فورا بالإضافه للأمن المتواجد حول الميدان وعمله لحماية الحكام في جميع الحالات بالإضافة للتصوير من أكثر من زاويه، الذي يجعل الحكم يأتـي للمباراة ليقدم أفضل ما عنده، حتى لا تقوم الكاميرات بفضح مقدراته عموما كرة القدم الإفريقية تحتاج للإرتقاء في مجالات عده بدءا بالميادين، الجماهير، الصحافة والإعلام، إبعاد الحكومات من التدخل في اللعبة، والإهتمام باللاعب الإفريقي نفسيا وبدنيا وماليا وغيره وغيره