ما مع الانفصال ولكن .....مع الانفصاال

نعم اشعر بألالم وبالحثره حيث اسمع كلمة الانفصال واسأل نفسى كثيرا بالجد ده حأصل وحيكون الجنوب دوله .....جوازات

وعمله,,.وتاشيرة خروج ودخول والله احساس ومرير..........لكن

ومن ما قمنا فى السودان اخوانا واخواتنا شفناهم وسطنا وزى ما سعنا وقرينا فى السودان عن جغرافية السودان ومناطق السودان عرفنا

حلفا وجوبا وبورتسودان وملكال والابيض وكسلا وجبال النوبهوابيي والخ ................وعلى طول كل هذه السنين وكل منطقه وبى

معناتها الخاصه بيها فى ظل وطن منذ ان ولدنا لم نشعر بالراحه والطمأنينه , العسكريه الطائفيه الديمقراطيه وا وا......... ده

ازفت من ده


العالم كل ماشى لى قدام الا نحنا واخيرا قاسمة الظهر انفصال الجنوب وبعد شويه الشرق ودارفور والخ احساس عجيب بالجد

ولذالك اقول بصوت عالى انا مامع الانفصال لانى احب ان نكون وطننا واحدا فهم جميعهم من لحمى ومن دمى

ولكن هل هذا من حقهم نعم وبكل صدق لا الومهم فهذا حقهم الشرعى

وانا منذ صغرى اعيش فى سودان لم ارى ولو فى يوم واحد شعب الجنوب تتوفر لهم حتى ابسط سبل الحياة شعب اتولدو فى ظل حروب دائمة

تشتتو على نواحى السودان وخارج السودان بحثا عن انتماء التقيت بهم كثيرا الحزن يقتلهم الخوف فى داخلهم اغلبهم بعيدا عن

اسرته وبعضهم ليس له اسره ولا يعرف معنى الاسره


التقيت بهم كانو خير الاخوه والاخوات احبتهم واحبونى

لذا يجب عيلنا ان نحترم خيارهم عاشو سنين وسنين وحقوقهم مهضومه

وجميعنا نعلم ذالك

لذا يا اخوتى لكم ما اريتم ومهما كان خياركم نحن معكم ونساندكم

وحقيقه للتاريخ اينما وجدو فرصه للتعليم ولحياة فضلى كانو من المتفوقين وكانو دائما فى مقدمة العمل الاجتماعى والانسانى

والشئ الزى يعذبنى اكثر الى تلك اللحظه ويدور ما يدور وكل المنابر تدلو بدلوها الانفصال حيكون أم لا؟ والعالم كل مقلوب

وانا اعمل فى واشنطون فى مجال الامن بالبنك الدولى ومنذ سنتين التقى بعدد كبير من الموظفين يعملون هم واقسامهم للتحضير

والاستعداد لانفصال يتحدثو معى عن جنوب السودان


وصدقونى اشعر بالمراره وابلع ريقا مرا فيه طعم الوطن الغالى

وليس بالبعيد سالتنى امرأة لا اعرفها فقط تعلم اننى من السودان وهى عاوزه تعرف اين جوبا

وكيف الناس يعيشون فى جوبا وهل هى بلد امنه ولا والخ ماكنته عارف اقول شنو فقط كنت اشعر با لحزن

الشديد لان ابنها ذاهب لى جوبا


والله زى الاطرش فى الزفه

بس عاوزه اقول كلمه بسيطه لاخوتى فى جنوب السودان اذا كان هذا الانفصال هو الخيار الافضل فما عليهم الا بالحرص الشديد من اجل ان

يتححقق لهم ما ارادو وان هنالك من يعمل جاهدا ليثبت للعالم باجمعه بانه لاخير فى شعب الجنوب الجنوب اذا بقوا او انفصلوا

لا املك الا ان ادعو المولى عزو جل ان يرأف بوطننا واهلنا
تحيات محاسن

الاخت محاسن

تحية طيبة

فوق كل المرارات سوف نفقد الفرمالة التي تميزنا ونتفاخر بيها

وهي أن السودان أكبر بلد في أفريقيا والوطن العربي

الاخ المبدع إبراهيم عبد الحليم شكرا ليك كتير وفعلا لم يبقى
غير الدعوات

اخى حمد عبد الغفار عمر تسلم يا سيدى نحنا خلاص اتشتتنا

وما معروف الجاى شنو بعد ده خوفى عليك يا وطنى الحبيب

يا محاسن كل اهل السودان او السواد الاعظم تحت خط الفقر لا حياة كريمة لا ضمانات لا مستقبل !
النضال يجب ان يكون من اجل دولة مواطنة وتنمية عادلة مستدامة!
الانفصال ليس حلا وربما يزيد الطيمن بلة ان لم ياتى سلسا!
جنى

نعم اشعر بألالم وبالحثره
ربنا يهدء النفوس وكل المراحل تمر بالسلام
بس الحثرة دى شنو؟ سؤال جادى!

صديقتى العزيزه شاديه احمد لعلك بخير انتى والاسره
وانا افهم حاجه واحده الخيار الخيار...................

يا أستاذة محاسن سلام
أكان على التهميش فكل السودان بإستثناء الخرطوم وبعض مناطق الجزيرة
هامش
نعم هو حق يجب أن يكفل لكل الشعوب
ومافي طريقة لإقناع شخص مهضوم الحقوق
عشان يحافظ ليك على وطن لم تهتم حكوماته المتعاقبة به
ولا صانت حقوقه

بس كنت بفضل الإستفتاء يكون في وضع ديمقراطي
مهتم بوضع خطط لإستنهاض كل السودان
وإعتماد التنمية المتوازنة
وإحترام المواطنين جميعآ على قاعدة المساوة والمواطنة

كنت سوف أضمن حق تقرير مصير يرجح الوحدة
بل يعض عليها بالنواجز إدراكآ لأهميتها
ومعايشة لفوائدها الماثلة على الأرض

نعم الاخ جنى شكرا ليك كتير ... ده المفروض ولكن اين نحن الان من ما نحلم به

Quote: يا محاسن كل اهل السودان او السواد الاعظم تحت خط الفقر لا حياة كريمة لا ضمانات لا مستقبل ! النضال يجب ان يكون من اجل دولة مواطنة وتنمية عادلة مستدامة! الانفصال ليس حلا وربما يزيد الطيمن بلة ان لم ياتى سلسا! جنى

الاخ هاشم نوريت سلام
الحثره دى بس عاين لى بروفايلك المؤلم والمعبر فهذا يكفى اخى هاشم

استاذنا أبو ساندرا

الف تحيه ليك والله اتفق معاك تماما فى كل ماذكرت

ولكن نحن شعب يفتقر للحكومات التى تاتى من اجل الشعب وقضاياه الاساسيه واولها الوحده والسلام و الحريه و الديمقراطيه

ونحنا طلعنا كيت من ده كل

نحنا وطن اتهرس و اتعفص والله يا استاذ حزينه لانى حاسه بى كارثه سوف تحل بالسودان ربنا اكضب الشينه

نتمنى ان يبقى السودان موحد
و نحترم خيار اخوتنا الجنوبيين فهم ادرى بما يريدون

عادل

+


يا محاسن كل اهل السودان او السواد الاعظم تحت خط الفقر لا حياة كريمة لا ضمانات لا مستقبل


كل ما يكتب شيئ عن الظلم الذي وقع لي أهل الجنوب، يأتينا
جني بالتعميم للفقر ومعانات كل أهل السودان.
يا جني محاسن بها من الذكاء ما به، فلا تنقصها حقها التعبير
عما تحس به أعطيها حقها في أن تعبر عن حزنها دون املآت وسياسة.
لم ألمس أي سياسة بكلمات الأخت محاسن، بل
نحيب وألم تعتصر له الجوانح لضياع وطن ولظلم وقع علي أهل
الجنوب لا يراه الا الذين في قلوبهم زيغ ومرض.
يا ريت ركز علي موضوع البوست، حزن صاحبة البوست، الظلم الذي
وقع علي أهل الجنوب ثم أنفصال الجنوب. حتي ينعم حديثك
بالموضوعية.







دنقس.

الاخ عادل همزه تسلم اخى
فالوحده ماهى الاحلم فى ظل وطن مهدد بالحروب
وعدم الاستقرار و رغم كل ذالك حلمنا سوف يلازمنا
ونعم سوف نحترم خيارهم

الاخ المحترم دنقس اشكرك كتير على المداخله

وبالجد ونعم كان ممكن ان ااتيك من السياسه ما تحب ان تقرأ وبالكتير

ولكن السياسه زاته خشم بيوت وفى سودانيس اولاين كتبو ماكتبو عن الاحوال السياسيه فى السودان من تحليل سياسى وتعليق واستفتاء وحقائق وحقا بالنسبه لى وهذا يكفى ولا داعى للتكرارا

وايضا يا اخى السياسه ممكن تدخل ليها من مليون باب وفى واحده ممكن تتكلم بس فى السياسه لانو ماقدره تشد حلة ملاح واحده فمن حقها ان تعبر

فيكفى المى وحسترتى اتت و انا حولى كل يوم ناس طالعه وداخله و بتتكلمو عن السودان ومسافرين السودان للتحضير للانفصال والخ....

Quote: ما مع الانفصال ولكن .....مع الانفصاال

ده شنو يااستاذة العامل زي الحلو مر ده
ليت ساسة بلادي يعوا الدرس قبل ضحى الغد لكن بكل اسف too late
الانفصال اصبح حقيقة وواقع ملموس بس بقت مسألة 9 يناير وبعد كدة ترجعي للكسرة وكفاكم خم بترول جنوبيين
كان نفسي اقول ليك ارجعي للزراعه بتاعتكم في مشروع الجزيرة لكن اتذكرت ان المتعافي باعوا للمصريين
طيب في الحالة دي ماترجعي لاي ماضي خليك في امريكتك دي
الى ان يقضي الله امرا كان مفعولا

+




ألأخت المحترمه، أستاذه محاسن تحيات طيبات.
في قرأتي لحديثك، لمست صدقا وكلمات لأمست موطن الحلم.
الصورة التي رسمتيها بكلامك "وحيكون الجنوب دوله .....جوازات
وعمله,,.وتاشيرة خروج ودخول والله احساس ومرير." تصور أليم يعكس
اخفاقاتنا جميعا. الوطن يا عزيزتي محاسن لم نعطيه القدسية التي يستحقها بالمحافظة
علي ما يجمعنا كسودانيون. معك نتشارك مرارة الأحساس.
حقيقة لمست دعوة انسانية عظيمة ومتجردة، بل الذي دعاني لأعلق هو الحزن النبيل
الذي تحسينه تجاه ما ستؤل اليه المصائر ببلادنا.
ليت السياسة ببلادنا تنهج نهجك، عندها سنكون موضوعيون وسنتقدم خطوات وخطوات
الي الأمام، لأن بنهجك موضوعية.
لم أعني الأنتقاص من قدر حديثك، بل داعما له حتي وان أخذت الحقيقة مجري يخالف رغباتنا وأمزجتنا.
أأمن علي كلماتك أعلاه رغم مرارة الحساس، ان اختار أهل الجنوب الأنفصال، أتمني لهم التقدم و
الازدهار ودون شك سأعمل ما بوسعي للتواصل معهم في بلادهم الوليدة.
لك العتبي عزيزتي.








دنقس.

Quote: العالم كل ماشى لى قدام الا نحنا واخيرا قاسمة الظهر انفصال الجنوب وبعد شويه الشرق ودارفور والخ احساس عجيب بالجد ولذالك اقول بصوت عالى انا مامع الانفصال لانى احب ان نكون وطننا واحدا فهم جميعهم من لحمى ومن دمى ولكن هل هذا من حقهم نعم وبكل صدق لا الومهم فهذا حقهم الشرعى

الأخت العزيزة / محاسن ...

تحية التقدير والمودة ...

اتفق معك تماماً في كل ما قلت .. العالم كله يتجه نحو الكيانات الكبيرة والتجمع من أجل المصلحة العامة ، ولكن يبدو إننا نسير حثيثاً نحو الانفصال .. نعم يا محاسن كلنا مع الوحدة ونتمنى أن لا يحدث الانفصال ، ولكن إذا كان ذلك هو خيار الأخوة في الجنوب فعلينا أن نحترم رغبتهم رغم الشعور بالأسى والمرارة ... القلب يعتصره الحزن ويلفه الأسى يا محاسن ، والخوف الأكبر على مصير السودان الكبير ... الخوف أن تطالب كل التجمعات الأثنيه بالانفصال .. الشرق والغرب وربما الشمال ... يتشظى الوطن الملاذ أمام أعيننا ونحن نتفرج كأن الأمر لا يعنينا ...

(تأبى الرماح إذا اجتمعن تكثراً
وإذا افترقن تكسرن آحادا ... )

مع خالص تحياتي وتقديري ؛؛؛

خالدنا - صديق واخ من الزمن الجميل
يكفينى رغم المسافات والمدن والمحيطات مازلنا نتقاسم
كل المرارت والمحن
تحياتى لى الحبيبه رقيه والشباب الحلوين
والله انا كمان مشتاقه ليكم كتير

يا عادل عبدالرحمن يادفعه سلامات بس انااصغر منك حبه

والله ياهو زاتو الحلو مر
وبالجد يا عادل الحكايه كلها بايظه واما عارفين النهايه شنو
ولكن مهما طالت غربتنا سوف يظل حلمى سودان واحد نلتقى فيه جميعا

Quote: كل ما يكتب شيئ عن الظلم الذي وقع لي أهل الجنوب، يأتينا جني بالتعميم للفقر ومعانات كل أهل السودان. يا جني محاسن بها من الذكاء ما به، فلا تنقصها حقها التعبير عما تحس به أعطيها حقها في أن تعبر عن حزنها دون املآت وسياسة. لم ألمس أي سياسة بكلمات الأخت محاسن، بل نحيب وألم تعتصر له الجوانح لضياع وطن ولظلم وقع علي أهل الجنوب لا يراه الا الذين في قلوبهم زيغ ومرض. يا ريت ركز علي موضوع البوست، حزن صاحبة البوست، الظلم الذي وقع علي أهل الجنوب ثم أنفصال الجنوب. حتي ينعم حديثك بالموضوعية.

يا دنقس دى احصائيات الامم المتحدةحرام الواحد يكون وحدوى يا اخى فى جنوبيين كتار وحدويين منهم قرنق ذاتو
جنى

الاخ الحترم عبدالقادر
والله اشكرك كتير للتوضيح فهذا كرم منك يا اخى
والحمدلله انو اتفقنا وحتى لو اختلفنا يكفى انو جميعا مهمومين من اجل وطن واحد
واحد اسمه السودان
تسلم ولك منى كل الود والاحترام

شاعرنا المبدع ادريس
اتمنى ان تكون بخير يا صديقى
ويا سلام على الاغنيه سرحته بعيد معاها
وانا بعاين وبفتش لى رقراق حتى لو صغير
نقعد تحتو ونحلم بي وطن واحد