تفأجات اليوم بكتابة مجتبى فى المنبر ولشدة ما سرنى هذا شهور بل سنوات وانا احاول اقناعة بالكتابة وفشلت
كم مرة قرأت الناس يشكرو فى زوجاتم هنا وكنت بتكيف شديد اقول ياربى كدى ان ننهز الراجل ده يمكن يبدأ يكتب فى البورد وشوية شوية اجيب رجلو امكن يرفع راسى بكلمة تانى اقول هووووى القصة دى ما مضمونه يعنى مجتبى اليوم كلو شايل همى وهم اولادى وجارى فى البلد الصعب ده جرى الجن زيو و زىباقى خلق الله لا مرتاح بره لا مرتاج جوة من يجى داخل يا بابا انا عاوز داك (ده كما لحقو اول باول بالتلفون) يا حسام يا ولدى اول سلم على بعدين قول عاوز شنو دى نصيبة شنو دى يا اخوانا يا بابا ما شفت الليله محمد خبطتنى لا هو اول عضانى والغلاط يبدأ واعجبكم انا اجى من هناك ناتلة بالله شوف ولدك ده اتكلم معاهو انا خلاس فترت ..ما ممكن الواحد يجى من الشغل القى مليون شكلة التقول هو جاى من الجيم والا من جلسة مساج يا بت خليك معقوله (وبعدين انتى يشكرو ليك شنو....لوووول)
اها زى كل الازواج قدر ما قزازتنا تتلولح يجتهد عشان يحصلها ما تجى داقة الواطه وكان قالت كده زاغت يلحقها بيدينو كرعينو كم احتمل (يا جماعةمن هسه "كما احتملت"...لوووول) عصبيتى وامراضى الكتيرة
والعجب العجاب بعد مصيبتنا الكبيييرة فى غدويتنا يا سهام قوى ايمانك يا سهام اصبرى يا مجتبى انا حلمانة انا حاسة انو ده حلم وانا ح اصحى منو والقى بتى تانى فى حضنى ياسهام قول بسم الله واستعيذى من الشيطان غادة ماتت ماتت ماتت اوعك تقعى فى الاوهام نحن زاتنا ح نموت ونحصلها اتذكرى محمد وحسام بتذكر فى ايام البكا جاء نادانى لبعض من زملائنا فجاءة لقيت انا وهو واقفين جنب بعض والناس بترفع الفاتحة معانا وبيمدو ايديهم بالدور يسلمو ويقولو لينا البركه فيكم الموقف كان اكبر من صبرى لقيت نفسى بترمى عليهو واقول ليهو الحى وووب الخاص بينا وارسلته همسا فى اذنه مجتبى معقول دى وقفتنا لغادة انا كنت قايلة ح نقيف كده فى مدخل صالة افراح انا كنت بحلم بوقفتنا دى وقاعدة اخطط ليها واحلم ليها مسكنى شديد وقال لى برضو همسا نعمل شنو يا سهام الله اراد لينا كده استغفرى وارجعى لحظتها اندهشت داخلى وقلت مجتبى ده ما طبيعى فانا اعلم من هى ديدى بالنسبة له وكيف هى عندو خفت عليهو شديد وبقيت شايله همو واوصى الناس القراب يا جماعة خلو مجتبى ده يبكى بكوه بالقوة انشالله غدوية ستو وست دلعو ياسهام ياخ غادة دى متضايقه انك حميتيها تمشى الحتة الفلانية ياخ البت دى عندها امتحانات وما قاعده تذاكر كويس (ما كنت عارفه انها مفارقة) ياخ عليك الله خليها تمشى ياااخ عاين ليها خاطرها مكسور كيف صحباتها كلهن ماشات ايوه ما انت لازم تكسر كلامى ح تخرب البت دى بالدلع يا ماما ياخ كلها بت وااااااحده (بيجرها فعلا طويله كده) غدوية تعالى كالعادة ابوك سمح ليك تمشى وانا كلامى لحستو ااااااااى شكرا يا بابا وانتى زاتك ياماما تقع فينا بوس واحضان اقول ليها امشى يا مستهبلة والله انا ما مستهبلة ياماما اوعدك لما اجى اقرأ قدر ما كنت بزعل منو حينها قدر ما انا سعيدة الان انو كان بعمل كده والا لما تكون دايرة حاجة نقوم نقول ليها حسب ظروفنا والله هسه مافى سكة خليها اخر الشهر تقوم مرات تنقنق لكن انا محتاجة ليها هسه بعد شويه ممكن تسترجع تجى تقول لينا ok I understand يقوم هو بعد شوية يلف عمتو يقول ليها قومى يلا نجيب الانتى عاوزاهو تقول ليهو لا والله يا بابا ما مشكله ما مهم يقوم يهيج انا البقرر مشكله والاما مشكله يلا اجى من هناك اقول ليهو طبعا الغالى يرخص فى سبيل دلوعتك هسه لزومو شنو البت واقتنعت طبعا انا بتقدر عاد ما ستك وستنا كلنا يقوم يتلفت على ويقول لى يا سهام دى بت وااااااحدة ما نكسر خاطرها والبت عينها بتتملى من بيت ابوها
لااذيع سرا و لا انوى فتح عزاء اخر فى البوست ده لكنى اقول لولا صبره وشده من ازرى لما صبرت انا من وفاة غادة بقى عندى ايام مخصصه لشى محدد محصور فى ايام الزهج الشديد والشكل ..ايام البكا الجد... ايام السكات..ايام الكلام الكتير اليوم كلو ادور كلام عن غادة مع مصيبتو كمان قادر يفهم ده و يطول حبال الصبر والله وانا بكتب هسه حسيت بانى كترتو شديد هو ايضا موجوع ...
مجتبى محسى كثير من بينكم يعرفونه ويعرفهم ولكن هو يعرفكم بوقفتكم معنا يعرفكم بعزاءكم الحار يعرف بانو فى البورد ده غادة ابواتها كترو حتى صارو يزاحمونه اساسى .. احمد التجانى .. عبدالرازق ..ابوبكر سيداحمد...كيكى..تمبس..الفاتح ميرغنى... ...سامر...الفحل...رضا...كوستاوى....عمر بوب...قيقراوى..ابوجهينة....ناجى الملك..بكرى ابوبكر يا جماعة هوى انا اتورطت فى الاسماء كثيرين و كثيرين اتصلو به معزيين والله نحن ما بنعرفك يا مجتبى لكن غادة المتنا شديد البركه فيكم جانى مرة قال لى يا سهام ياخ ناس سودانيزاون لاين ديل بيتصلو كتير وانا زعلان شديد انو ناس كتار منهم ما بعرفهم وما قدرت احفظ اسمائهم وزعلان اكتر انو انا هسه نفسى اشكر كل زول فيهم واحد واحد لكن الظروف الكانو بضربو فيهو كانت صعبة شديد قلت ليهو ياخ ما تشيل هم الناس ديل ضاربين يتفشو لى رقبتهم.. وبعدين يعزونا..غادويتنا دخلت عليهم شديد وهم اسياد من بفهم اسباب سقوط الاسماء من الذاكرة ولا اعتقد انو اى واحد فيهم كايس ليهو شكر اقبلو عذرو وعذرى حقيقى الظرف لا كان فى الخاطر ولا فى البال (فكرت امسح الاسماء لكن قلت يا بت يمكن الذاكرة تجى و نقدر نوفى كلو زول حقو) عارفاكم ما بتدورو ليكم شكر لكن اهو حتى يرضى مجتبى
المهم وقفتكم دى و وقفة بكرى من الجائزة شجعوه ان يأتى ليكون بينكم فرحبو به معى
مراحب كتيرة بالاخ مجتبى محسى تعزينا الحارة له فى فقدكم الكبير، و الحمد لله الذى الزمه الصبر على هذا المصاب الاليم. و تعازى لكى عزيزتى سهام، اتمنى ان تحولى حزنك على وحيدتك الى طاقة اٍيجابية مفيدة لكى و للمجتمع من حولك. جائزة الكتابة الابداعية باسم غادة خطوة جميله فى هذا الاتجاه و اكيد اكيد ذكراها و محبتها سوف تلهمكم المزيد من الافكار.
* لكى فى عنقى زيارة فى البيت و سلام حنين، سوف انجز ذلك متى وطئت قدمى ارض البلاد.
مرحبا بالاخ مجتبى وسعيدين بوجودك وسهام... والكتابه يا مجتبى بتغسل الروح وتهب الصبر ولا اقول نسيان ولكن هى زاد تترعنا لنكون بمعية من نحب حتى وان غيبه الثرى يظل حضوراً مشرقا وستظل روح غاده مشرقه وحاضره
. . .
Post: #10 Title: Re: رحبو معى بزوجى .... مجتبى محسى Author: Salah Abdulla Date: 10-16-2010, 00:08 AM Parent: #9
مرحب والله بالأخ مجتبى .. فرحان بوجودك معانا نشيلك وتشيلنا.. الدار دارك ونحن أخوانك..
شكراً يا سهام.
Post: #11 Title: Re: رحبو معى بزوجى .... مجتبى محسى Author: خالد المحرب Date: 10-16-2010, 00:19 AM
الم الفراق صعب .... لكنه طريق لي الصبر الصبر صعب لكنه عباده و صلة بينك وبين رب العالمين
فراقك لي غاده امتحان ... و ربنا بيمتحن عباده اللي بيحبهم يبقى محبة ربنا لينا تستاهل نقابلها بي الحمد
قولي الحمد لله يا سهام .... و ربنا يخلي ليك القدامك
انا ما بعرف غاده لكن الحزن اللي عم الانترنيت عرفني بي غاده
اكتبي و خلي مجتبى يكتب ... نفسوا عن نفسكم ... و ربنا يديكم الصبر
انا عن نفسي كنت بكتب في عز الامي و مرضي ... تصدقي يا سهام بكون سبعه يوم راقده في السرير لا بقدر اكل و لا طايقة روحي بعد جلسة الكيماوي ... كل البعمله افتح النت اقرا و اكتب
و لما اتوفت بت خالتي و انا كنت وحيده في كندا و كتبت عنها و الله يا سهام الناس الكتبت و عزتني في ماجدولين الله يرحمها ... قسموا معاي الحزن و خففوا عني كتير
البورد بقى لينا و طن و سكن
اكتبوا قدر ما الله اداكم ... و يا سهام امر المؤمن كله خير ... و ان شاء الله حتة منك سبقتك لي الجنة
Post: #13 Title: Re: رحبو معى بزوجى .... مجتبى محسى Author: فيصل عثمان الحسن Date: 10-16-2010, 00:42 AM Parent: #11
حبابك ألف يا مجتبى محسى , الدار دارك .
Post: #14 Title: Re: رحبو معى بزوجى .... مجتبى محسى Author: جمال الباقر Date: 10-16-2010, 00:51 AM Parent: #13
ككل الامال ان يجد فيه السلوي وذي ماخفف احزانك يخفف احزانو
ويلقي فيهو الاخوات والاخوان وينسي الاحزان
Post: #18 Title: Re: رحبو معى بزوجى .... مجتبى محسى Author: خالد العبيد Date: 10-16-2010, 03:36 AM Parent: #17
مرحب بالصديق مجتبى سعيد بانضمامك لهذا المنبر
Post: #19 Title: Re: رحبو معى بزوجى .... مجتبى محسى Author: محمد فضل الله المكى Date: 10-16-2010, 03:36 AM Parent: #17
اللهم أسألك أن تعوض غادة عن شبابها الجنّة
وأن تلهم والديها الصبر الجميل
ألف مرحب مجتبى
Post: #20 Title: Re: رحبو معى بزوجى .... مجتبى محسى Author: النصرى أمين Date: 10-16-2010, 03:47 AM Parent: #19
الف مرحب يا مجتبى...
ان شاء الله البركة فيكم.....
مرحب بيك فى البورد ..نتمنى الناس يرحبو بيك هنا زى ما رحبت بى فى بيتكم العامر فى ديسمبر 1990 ..انت ومجدى محسى و مصطفى مبارك ... ايام لن انساها ابدا ....
Quote: المهم وقفتكم دى و وقفة بكرى من الجائزة شجعوه ان يأتى ليكون بينكم فرحبو به معى
شكرا سهام مرة أخرى تبكينى كلماتك ... فعلا بذلت جهدا كبيرا لاكتب .. وانا بدورى أحول هذا الطلب لجميع كاتباتنا وكتابنا الشباب ليجعلوا من ذكرى مولد فقيدتنا غاده القادم (14 نوفمبر 2010) مولدا للكثيرات من الغادات والكثيرين من الغادين (كما قالت الخاله العزيزه / عائشه موسى السعيد) فى مخاطباتها للطالبات بمدارس أسماء عبد الرحيم ومدارس القبي .. لك الود والشكر
الشكر لكل من : محمد عبد الماجد / العوض / محمد عبد الرحمن/ أبوبكر صالح / بكرى الصائغ / صلاح عبد الله / خالد المحرب / فيصل عثمان / جمال الباقر / خليل / عبدالعزيز عيسى / خالد العبيد / محمد المكى / عاطف عمر / أبو حسين / أمانى الامين / حيدر لكم جميعا الشكر الجزيل على ترحيبكم الحار .. ولاقلامكم الرائعة وتضامنكم انحنى تقديرا واجلالا ,, ولا أراكم الله مكروها فى عزيز لديكم ...
Quote: والكتابه يا مجتبى بتغسل الروح وتهب الصبر ولا اقول نسيان ولكن هى زاد تترعنا لنكون بمعية من نحب حتى وان غيبه الثرى يظل حضوراً مشرقا وستظل روح غاده مشرقه وحاضره
ناهد .. صدقتى القول .. نسيان ده مافى لكنها زاد ورد فعل أيجابى يبين مدى حبنا للاخرين وحبهم لنا وثقتنا فيهم ليشاركونا ويبادلونا صدق المشاعر والافكار النيرة ويظللون نهاراتنا من لهب الحزن الجارف ويبردوا جوفنا وحشانا المحروق .. ليكون حضور غادتنا مشرقا وطيفها حاضرا وروحها الطاهرة ترفرف فرحة بما نكتب عن حسن سيرتها وطيبتها وحلاوة روحها وعفة لسانها .. لها الرحمة .. ولك الشكر
Quote: مرحب بيك فى البورد ..نتمنى الناس يرحبو بيك هنا زى ما رحبت بى فى بيتكم العامر فى ديسمبر 1990 ..انت ومجدى محسى و مصطفى مبارك ... ايام لن انساها ابدا ....
العزيز النصرى .. تلك أيام لا تنسى شكرا على الترحيب سلام لسهير والشباب
والما بتتداخل معاه فى بوست لاى سبب خصوصا اذا كان غامت ليك حق لبن
والا مواجبك فى بوست قبل ده يلاحقك بالماسنجر..
شكرا يا سناير شكرا صديق على التنوير المخيف والتعريف بتقاليد أعضاء المنبر فيما يخص المواجبه وهم أهل واجب .. زى ما شايف أخدت بنصيحتك وبالله ما دايرين أى حمير ولا حدير
الصديق العزيز محمد سيد أحمد .. والله زمان كيف أخبارك سعيد بالتواصل معاك بعد كل هذه السنين ما شاء الله محافظه تامه .. شباب .. عيننا بارده الفقد واحد والله يصبرنا
مرحبين حبابك اخى العزيز مجتبى ود محسى نورت دارك ويا زول البيت بيتك اخذ راحتك تب الناس الهنا كلهم بتعرفم و بعرفوك .....اخى مجتبى اخزننا كثيرا رحيل غادة........... لكن نقول شنو كلنا لها ما عليكم الا بالصبر و الدعاء لها....
يلا لى قدام تحياتى ليك و للعزيزة سهام
Post: #51 Title: Re: رحبو معى بزوجى .... مجتبى محسى Author: محمد عبد الماجد الصايم Date: 10-16-2010, 07:40 AM Parent: #50
أها يا مجتبى وغادة بكري دا ليهو زي 17 سنة ما كتب الكتابة دي كووولها بكون فقد سوائل هسي!!
... غايتو يا بت الهنا بكري شكلو اجتهد شديد .. دي ما كتابة هكــر دي كتابة بكري لما يجتهد غايتو بركة ما جا فتح ليه بوست كتب فيهو اكتب كلمة في حق مجتبي المحسي وشــتت .. كما كتبها لنا من قبل ..
يا جماعة سلامات الزول اصلو ما يفشل ثقتو فيكم والا شنو يعنى بس نقول ليكم رحبو تقومو ترحبو قدر ده و كمان طوالى دايرين تدخلو الزول ده فى الغرق وتدوهو الاريحية عشان يفك النضم ومنكم من نصب نفسو هادى للسبيل (ااااى انت يا ود الموج) هسه انا من ختيت راسى افتش للنوم وقمت لسه بفتش ليهو وانا عشمانه اجى القى الناس تقول لى يا وريفة و لطيفة القى الكلام نصو تحذيرات و كمان تحميش نيران (ااااى انت يا ابراهيم محمد الحسن) يعدين انت دفعتك كان عاجبك قدر كدى ما تديهو فرصه يسرح شويه
اها نستفيد من البرلوم مجتبى
Quote: محمد عبد الماجد / العوض / محمد عبد الرحمن/ أبوبكر صالح / بكرى الصائغ / صلاح عبد الله / خالد المحرب / فيصل عثمان / جمال الباقر / خليل / عبدالعزيز عيسى / خالد العبيد / محمد المكى / عاطف عمر / أبو حسين / أمانى الامين / حيدر
ابراهيم محمد الحسن... دوما... احمد طراوة..عفاف بابكر...هارون دياب..بكرى ابوبكر (ود الصايم ده وقفو بشوفو رفع الكلفة معاك شديد و لاتنسى هارون دياب فى معيته (عجبتنى والله معيته دى)) جد جد شاكرة ليكم الاستجابة ومجتبى يستحق الترحيب مش راجلى لوووووول انشالله انتو بالعافية جميعا
اباذر اتمنى لامنه و لوارف خالد العبيد التوفيق
___________________________________________ يا تراجى انا ما حصل بديت اكتب بتخطيط ببدأ وبلقى روحى اسرفت :) دمعك غالى لسه صوتك بتنتحبى معاى ما فارقنى ولا صوت الفاتح ميرغنى..بنات العباسى ضربن لى لما حنيت عليهن انشألله ربنا يوالى امهن بالعافية...حليمة عبدالرحمن..جنى يضرب ويوصى حتى خفت عليه عاطف عمر يضرب و يطمئن..تمبس..كيكى..دوما..ندى مصطفى ..اشراقة مصطفى..سناء خالد ضربت لما فترت وما لمت فينى ولسه ح اتذكر بأذن الله اما الجونى بالسكة ديل خليهم ساكت يا اخوانى واخواتى انا اقبل بيكم وين والله ما بتكلم ساى بالجد انا جادة انشألله ربنا يطرح فيكم/ن وفى وليداتكم البركه وما تشوفو فيهم/ن شر
اقول ليكم حاجة انا قررت ابطل اسراف لوووووول اها سكت دقيقة قبل ما اسكت حكت لى صديقة عموم ال طه المجمر هند مساعد انو فى واحد قريبهم كان عيان شديد الملاريا ضارباهو ضربه صاح اها الزول ده اصلو ما سكت من القنتى اه اه يا راسى اه اه اااااخ من وجع راسى انا راسى دايره اتكسر اتكسسسر الحمى هرستنى شديييييد ياالله يالله المهم اخوهو حارسو فى لحظه زهج منو شديد قام قال ليهو ياخ انت ما تريح خشمك ده انت كان سكت راسك ده بسكت اها صاحبنا العيان اخد ليهو قنده كده ووراها طوالى خلاس انا سكت والله سكت سكت انا يا جماعه سكت يالله انا سكت
ندمو ليك
Post: #59 Title: Re: رحبو معى بزوجى .... مجتبى محسى Author: Ishraga Mustafa Date: 10-16-2010, 08:32 AM Parent: #58
Quote: مجتبى مرحب بيك كنت اتمنى ان تكون بدايتك هنا غير ما اتت عليه ولكن لنا الصبر الجميل وانت خير من صبر
وانتى الصبر ياسهام الطاقة التى نثرها فيك مجتبى والطاقة الايجابية التى نثرتيها هنا وعلمتينا كيف يتحول الحزن الى فعل ايجابى ومثمر فعل يقول ويؤكد ان غاده بيننا غاده لكل البنات والاولاد لابداعهم ونجاحاتهن
وإن شاء الله تلقوها قدامكم ... وربنا يلزمكم الصبر ويعوضكم ...
ويخلي ليكم أولادكم ...
أبقى داخل يا مجتبى ... واضح أنك كتَّاب بالحيل ...
في إنتظار مساهماتك ...
Post: #69 Title: Re: رحبو معى بزوجى .... مجتبى محسى Author: Omar Bob Date: 10-16-2010, 11:30 AM Parent: #66
في العام 1988 كان سطوح منزل العم محسي هو المكان الذي اوانا ونحن علي اعتاب التخرج من الجامعه بعد ان شردنا حاج ماجد سوار من داخلياتها في الليالي المقمره والهمبريب النضيف انداح رهط من الشباب في ذلك السطوح باسرار لو قيلت الان لبيعت صلوات وهدمت صوامع مرحبا بمجتبي زوج خالتو سهام في انتظار مجتبي صاحبنا او كما قال عصام جبر الله
مليون مراحب بمجتبى محسى والله سرنا شديد وجودك هنا والبركة فيكم في فقيدتنا الراحلة غادة وربنا يقويكم ويعوض صبركم خير ويديكم العافية إنت وسهام والأولاد والحمدلله على ما أراد الله
سهام شكرآ على الكتابة الطاعمة الطالعة من القلب وألف مرحب بزوجك
ياسلاااام مجتبى محسى عضوا مرحب بيك ياصديقى شكرا سهام كل الود
Post: #77 Title: Re: رحبو معى بزوجى .... مجتبى محسى Author: عبد الرازق سعيد Date: 10-16-2010, 01:10 PM Parent: #75
أهلاً وسهلاً وألف مليون مرحب بالأخ مجتبى وسعداء بمقدمكم الكريم وإنضمامكم لهذا البورد ربنا يرحم فقيدتكم الغالية ويجعلها في عليين مع الصديقين والشهداء والصالحين ويحفظ حسام وأحمد ويجعلهم لكما زخرا في الدنيا والآخرة مع خالص الود
Post: #78 Title: Re: رحبو معى بزوجى .... مجتبى محسى Author: جمال محمود Date: 10-16-2010, 01:12 PM Parent: #77
مرحب الساع بالأخ مجتبى
تحياتى
Post: #80 Title: Re: رحبو معى بزوجى .... مجتبى محسى Author: عبد القادر شادول Date: 10-16-2010, 01:18 PM Parent: #77
الف مرحب بمجتبى فى البورد ..ونسال الله ان ينزل عليكم سكينة من عنده ..ويعوضكم خيرا ..
Post: #79 Title: Re: رحبو معى بزوجى .... مجتبى محسى Author: خضر حسين خليل Date: 10-16-2010, 01:16 PM Parent: #75
مرحباً بـ الأستاذ مجتبي محسي والامنيات له بإقامة طيبة هنا
مرحب بمجتبى محسي أرجو أن يطيب لك المقام هنا وأن تكون إضافة راسخة لمعسكر الوعي
تدخل هنا بعد تجربة قاسية واجهتها بالصبر الجميل وحسن الإحتساب
وأرجو أن تكون تعازي الناس هنا قد منحتك قبول وأعادت لك التماسك الذي رأيته في كتابات سهام وفي لقائها في التلفزيزن حيث نجحت في تحويل حزنها الداخلي من كونه إنكفائة على الذات والألم ليكون حزنآ منتجآ أنتج فكرة
يا بت الهنا يديك العافية ويعوض صبرك خير وانشألله ربنا يرحم ماجدولين ويغفر ليها من ترك سيرة عطرة كماجدولين انشألله وبقدرته فهو يعلم السر والنجوى لا خوف عليها و لاتحزن باذن الواحد الاحد
اشراقة سلامات اتمنى ان تكونى قد اطمئنيت على الاهل تحياتى لك ولهم
طارق ميرغنى
Quote: رغم انو كلامك الفوق ده عمل لينا غصه من الصباح
طيب انا اقول شنو ياخ :) هييييييع رايكم شنو فى قلب الكلام ده
ابراهيم محمد الحسن الصغير وجاهل برضو ما بحلك
الاخ بشير دفع الله تحياتى و كتر خيرك
اخونا عادل عثمان ياخ نحن ما بتقدر نشكرك على ما تقدمه من دعم لنا شغل التوثيق بتاعك كان خير عون لنا والله اهتمامك بالجائزة و رفعك لبوست الجائزة و دعمك ليهو بزمنك و جهدك انت ما داير عليهو شكر لكن هنا عاوز اقول ليك حقيقى نحن مستفيدين من مجهوداتك واصل معانا يازول انت زيادة لينا فى الخير بالنسبة لشغل الثقافة الصحية نحن بدينا فيهو برعاية د.اسماء السنى وهى طرحت علينا الفكرة باكرا و نفذت مباشرة و ضرب ضربة البداية بإصدار مطبق خاص بمرض الازمة والتنوير بيهو وختت فيهو صورة غادة وانشألله ح نواصل على حسب ماهو متفق عليه
شفت يا عادل الناس دى واقفه كيف معانا لغادة الرحمة ولنا الصبر بأذن الله الحق المبين
عصام جبرالله مداخلتك دى عاملة زى برقيات قف
وليد المبارك و حبابك الفين لكن مافى شكرا يا سهام ليه غايتو جنس طناش
الريس ابوجهينه ومرحب بيك انت كمان
اخونا عبدالله كسلا تقبل الله دعائكم لنا وشكر للترحيب والله انا بقول معاك انو كتااااب بس الله يجيب الوقت
والله يا عمر بوب جاياك بمهله
هدير الزين تحياتى وسلاماتى الكتارات انا متذكرة مرة كتبتى لى كلام اثر فينى شديد الله يديك العافية وتقبل الله دعائك لنا
اهاااااااااااااااااااااااا شوف حسين ملاسى لقى ليهو عضه
Quote: احذر و أوعك تبلع الطعم دا يا مجتبى فالجميع هنا يميز كتابات المجاملة و أداء الواجب
انت الحسادى العليك شنى؟؟؟؟ انا اداء الواجب والمجاملة دى زاااااتى كايسه ليها عالم اصلو ما تحب لى زول انو ينبسط ويرفع راسو وسط الناس البيشكروهم/ن
مزمل خيرى شكرا ليك وانا زاتى بتمنى ليهو اقامة طيبة بس بعد ما يعدل ملفو :)
يا جماعه معليش اخدتكم بالجمله كدى صراحة النت بيزهج كلو مرة عشان يجيب ليك صفحة
الف مرحب بمجتبى يا سهام وألف مرحب بكما معا دائماًً وانتما تحيلان حزنكما النبيل إلى إحتفاء رائع بغادتكما الحبيبة، والشكر لبكري أبوبكر الرائع الذي جعل مشاركتنا جميعا لكم ممكنة في سودانيزأونلاين التي تجمعنا كل يوم كأسرة واحدة وبيبت واحد سوداني أصيل نتشارك فيه جميعنا الأفراح والأحزان. مرحب بيك يا مجتبى في سودانيزأونلاين، لم أجد أجمل من كلمات غادة وصورة غادة، وضحكتها من القلب أهديكما وزوار بوستكما الكرام. شكراً لكوستاوي لإخراج كلمات غادة الحكيمة في هذا الثوب الجمالي البديع، ألف رحمة ونور تغشاك ياغادة في الخالدين.
______ يا سهام ..... بعد كده الدخول لي سودانيز حيكون شكلو مختلف ...
يعني لو الجهاز واحد في البيت (لاب توب والا ديسك توب) الحكاية حتكون بالحجز. وحتى لو كانوا أكتر من جهاز، بعد كده نلقى مداخلة في بوست .... وبعد ما الشمطة تقوم ... تجي تقولي: (والله دي ما كنت أنا ..... مجتبى كتب المداخلة .. وانا ما كنت عاملة "ساين آوت"). أسألوا نادوس وأبنوسة.
ويا مجتبى، حكاية برلوم ومنتظر نصايح السناير دي ما بتمشي علينا ..... يعني السينير المعاك دي أكيد ما حتكون قصّرت.
مرحب تاني.
Post: #96 Title: Re: رحبو معى بزوجى .... مجتبى محسى Author: فيصل محمد خليل Date: 10-16-2010, 06:05 PM Parent: #95
مرحبا بك الف و مليون ويسلم راس من دلك علينا
Post: #97 Title: Re: رحبو معى بزوجى .... مجتبى محسى Author: آدم جمال أحمد Date: 10-16-2010, 06:07 PM Parent: #95
الف مرحب بيك مجتبى محسى
فى سودانيز اون لاين
وحباك عشرة بلا كشرة
Post: #98 Title: Re: رحبو معى بزوجى .... مجتبى محسى Author: بكري عباس علي Date: 10-16-2010, 06:51 PM Parent: #97
الف اهلا ومرحب بالاخ مجتبي محسي وربنا يصبركم يا سهام علي الغالية غادة التي هي فقد لنا جميعا
لما سافرت السودان في صيف 2008 وصاني عصام جبر الله شديد واكتر من مرة قال لي " لو لقيتي اي طريقة قابل مجتبى وسهام " قابلت سهام واتوطدت علاقتي بيها للاسف ما نجحت في مقابلة مجتبى اهي فرصة نتقابل في الاسافير دي
ويا سهام جيداًجا مجتبى اتمنى انه يلقى سلوى في انضمامه للمنبر
Quote: تاريخ التسجيل: 04-02-2002 مجموع المشاركات: 12226
تغير كلمة السر مكتبة الفساد Re: رحبو معى بزوجى .... مجتبى محسى (Re: أبوذر بابكر)
مرحبين حبابك اخى العزيز مجتبى ود محسى نورت دارك ويا زول البيت بيتك اخذ راحتك تب الناس الهنا كلهم بتعرفم و بعرفوك .....اخى مجتبى اخزننا كثيرا رحيل غادة........... لكن نقول شنو كلنا لها ما عليكم الا بالصبر و الدعاء لها....
Quote: وقال لى برضو همسا نعمل شنو يا سهام الله اراد لينا كده استغفرى وارجعى لحظتها اندهشت داخلى وقلت مجتبى ده ما طبيعى فانا اعلم من هى ديدى بالنسبة له وكيف هى عندو خفت عليهو شديد وبقيت شايله همو
ألأخت/سهام..السلام عليكم...
ربنا يخليكم لبعض...نعم الرجل ساعة المحن...وربنا يعوض صبركم خير..ويرحم ألأبنه غادة...
قبل كم يوم "آمنة" بتى اصرت انها لازم تشارك فى مسابقة غادة
وما ارتاحت والله الا بعد مشت ودت المشاركة
وفى أعالى الجنان أكيد غادة
مع الناس البحبهم ربنا
أبا ذر أولا آسف جداجداعلى تأخرى فى الرد انشغلت كتير الايام الفاتت فى العمل ومرض الوالد والمذاكره مع الاولاد وعمل الجائزه وأمور الدنيا شكرا لك وأنت تضع صورة الخالد فينا خالد جبرالله ذلك الرجل البهى الذى غاب عنا فجأة .. تفاجأت برحيله تماما .. شكرا لامنه وكل الغادات الامنات والغادين الامينين فهم من نعدهم ليكونا سندنا فى مقبلات أيامنا لم الود كله
والنضم الكتير يا سهام دليل على عدة الروح الخفبفة ليكي وانشاء الله تكملوا بعض في الحديث الزين وتتطلعو لينا بحلو الحديث كل صباح...
مرحبين حبابك اخى العزيز مجتبى ود محسى نورت دارك ويا زول البيت بيتك اخذ راحتك تب الناس الهنا كلهم بتعرفم و بعرفوك .....اخى مجتبى اخزننا كثيرا رحيل غادة........... لكن نقول شنو كلنا لها ما عليكم الا بالصبر و الدعاء لها....
يلا لى قدام تحياتى ليك و للعزيزة سهام
Quote: مرحبين حبابك اخى العزيز مجتبى ود محسى نورت دارك ويا زول البيت بيتك اخذ راحتك تب الناس الهنا كلهم بتعرفم و بعرفوك .....اخى مجتبى اخزننا كثيرا رحيل غادة........... لكن نقول شنو كلنا لها ما عليكم الا بالصبر و الدعاء لها....
تلك السنون الغاربات ورائي سفر كتبت حروفه بدمائي ما عشتها لأعدّها بل عشتها لتبين في سيمائها سيمائي سيّان لو أني قنعت بعدّها عمري وعمر الصخرة الصماء ولبذّني يوم التفاخر شاطىء ما فيه غير رماله الخرساء لا حت لي العلياء في آفاقها فأردتها دربا ألى العلياء ومحبة للخير تسري في دمي ورعاية للضعف والضعفاء وعبادة للحق أين وجدته والحسن في الأحياء والأشياء ( شعر عمنا ايليا ابو ماضى)
Post: #105 Title: Re: رحبو معى بزوجى .... مجتبى محسى Author: بدر الدين احمد موسى Date: 10-16-2010, 09:11 PM Parent: #103
سهام المجمر تحياتي لك وللاخ العزيز مجتبى كل الود اهلا بمجتبى وسهلا
الاخ بكرى عباس والله اعلم انا غادة فقد لكم جميعا الله يصبرنا
الجندريه انا محارباك حوريب حوريب موش عندى وصيه بطرفك؟؟؟ وينها خلينا من وصايا العفاض عصام جبرالله ده وركزينا لينا فى وصايا ناس الساس والراس امانه ما بتقلوالقلب عارفه خالتى عيشه ام صاحبنا وخال غادة بهاء ود عيشه مرة ونستها طاعمه وحديثها بخش القلب وحلو وانا اساسابحب كلام الحبوبات والنسوان الكبار جاتنى فى يوم العيد ونستها ردت روحى المهم فى نص الكلام قالت لى اسمعى يا سهام يا بتى اعرفى شى بتك يا امى لا بدت الموت لا تمتو صدقى رغم كلامها كان حقيقة فاجعة لكن رقد لى قلبى
يا ودالموج والله انت وتمبس وكبيركم الذى علمكم السحر ود الصايم تركبو التونسيه انا مااهببو ليكم
الاخ اسماعيل عباس سلامات وتقبل الله دعائكم لنا
اووووو احمد التجانى لافح باسويرد عشان يرحب بالله شوف ليك سربعه لكن اقول شنو مااااا مجتبى بستاهل:)
اهلا عماد الشبلى ومرحب بيك وبى كميرتك
اسعد خلينا معاك وايليا ولنا موعد ننتظره
الاخ بدرالدين احمد ولك انت ايضا الود والتحيات
لاحولااااااا كمال كرار اتمنى ان تكون بخير وشكرا للترحيب
بتنا حفصه سلامات ارجعى لبوست الجائزه فى كلام ليك
الاخ ابراهيم عبدالحليم سلامات والله القلم فى لكن المشكله فى الوقت كمان مع شغلة جائزة غادة دى بس الله يهون
مرحب بيك كتير يا أخي الحبيب مجتبى وربنا يصبركم ويصبرنا في فقد الحبيبة الغالية غادة القطعت قلبنا لكن ككثيرين وكثيرات هنا معجبة بي تجربتكم في تحويل الحزن لطاقة جبارة..ربنا يصبركم ويعينكم ويسدد خطاكما إنه سميع مجيب.. محبتي ليك يا الحبيبة القريبة سهام لنا
مرحبا باخونا مجتبي المحسي البركة فيكم ياخ وربنا يصبركم في فقدكم الجلل ندعوا لغادة ان يشملها الله بواسع رحمته ويغفر لها ويرضي عنها ويدخلها الجنة وفقدكم هو فقدنا وتالمنا كثيرا وما زلنا الف مرحب بيك مرة اخري واقامة هنيئة بيننا
Post: #126 Title: Re: رحبو معى بزوجى .... مجتبى محسى Author: سيف الدولة كامل Date: 10-19-2010, 06:59 PM Parent: #125
مليون مرحب بالاخ العزيز مجتبى محسى,
ياسلام علي الرجل الجميل مجتبى من أميز
الطلاب الدرستهم بالخرطوم الجديدة الثانوية
علم وفهم واخلاق ,,, ربنايكرمكم ياأختي سهام.
والمنبر فعلا نور كتيييير بقدوم العزيز مجتبى.
ونسأل الله سبحانه وتعالي ان يخلف عليكم بالبركة
ويتغمد بنتنا برحمته ويجعلها شفيعة لكم يوم الموقف
العظيم ,,,أمين.
Post: #127 Title: Re: رحبو معى بزوجى .... مجتبى محسى Author: معاوية محمد الحسن Date: 10-20-2010, 07:18 AM Parent: #126
الاخ مجتبى الف مرحبا بك والبيت بيتك
سهام كمان عاوزين نشوف صديقى وعديلى الغالى الباشمهندس (محمد المجمر) فى المنبر خاصة بينا مكاواة شديدة فى الكورة عاوزين نكملها هنا همتك معانا
Post: #128 Title: Re: رحبو معى بزوجى .... مجتبى محسى Author: Mohammed Ibrahim Othman Date: 10-20-2010, 07:29 AM Parent: #127
سلامات يا انعام تلفوووووون سريع قولى لى ازهرى انا قاعده اعمل فى مانيول للرقابة القبلية لوووووووووووول
اخونا هشام والله شينه منك ياخ البوست ده كان منور الصفحة الاولى لكن نسيبك غرقان لشوشته فى الجرى لترتيبات الاحتفال وانا هنا شغاله بالنيابة عنه شفت كيف؟؟؟
سلامات يا نصرالدين ارجو فعلا ان يطيب المكان والزمان لمجتبى
لنا مهدى وين انتى ياخ الحى بيك سلامات وتحايا كتيرة شديد الوالده بطرفكم فى رحلة علاجية
سلامات يا محمد ابراهيم اشكرك كتير على المكالمه الهاتفيه التى تشد الضهر
اهلا يا شيخ الدين وشكرا للترحيب يا دفعة
وليد عبداللطيف سلام ومرحب بيك انت كمان
اخونا كمال قسم الله مجتبى ما شاف البوست ده يمكن ليهو يومين جارى جرى شديد ما بقدر اقول هو كما قلت عشان ما يمسكها لى لوووووووول شكرو انتو اصحابو شفت ليك مرة لازمه كده بتشكر راجلها افووووووو
بتنا راوية العباسى والله تبوية دى انا حارقانى بركه ياختى المرقت منك انتى الليله كان قلتها انا كان نصب لى مشنقة فعلا اسم الدلعبين الخاصه والاهل تبوية لوووووووووووووووول جيبى اضانك اعتقد والله اعلم هو بتغاظ منها اما انا فعجبتنى شديد كيف الوالده؟؟؟؟؟؟؟
العزيز اشرف سلامات كتر من دعائك وربنا يقبل يا رب
الاخ الاستاذ سيف الدولة سلامات اعتقد ان مجتبى سيسعد جدا بقرأة مداخلتك عارف يا استاذ الزول ده مرات يجى فرحان شديد فى شنو؟؟ والله الليلة لاقيت زول درسنى فى الثانوى العام او العالى.. الله يديك العافية
أباذر .. كتبت لك قبل قليل ولكنى لا أرى تلك المداخله الان .. اعتذرت أولا لك ولجميع من رحب بى وزار هذا البوست وحييت ذكرى صاحب الصورة .. الخالد فينا أبدا.. خالد حبرالله ذلك الجميل الرقيق الذى رحل عنا فجأة .. حقا تفاجأت برحيله الغادر فقد كان مليئا بالحياة وحبها وحب الناس فيها .. ورغم صخب حضوره كان هادئا وكذا ترجل عن صهوة جواده .. بكل هدوء مخلفا ورائه الفجيعة هؤلاء هم وهن من نفقد ونفتقد .. تجدهم فعلا مميزون .. متفردين لهم / لهن الرحمه ولنا الصبر
Post: #133 Title: Re: رحبو معى بزوجى .... مجتبى محسى Author: بدر الدين الأمير Date: 11-05-2010, 10:33 PM Parent: #132
Quote: مرحبين حبابك اخى العزيز مجتبى ود محسى نورت دارك ويا زول البيت بيتك اخذ راحتك تب الناس الهنا كلهم بتعرفم و بعرفوك .....اخى مجتبى اخزننا كثيرا رحيل غادة........... لكن نقول شنو كلنا لها ما عليكم الا بالصبر و الدعاء لها....
يلا لى قدام تحياتى ليك و للعزيزة سهام
العزيز أبوبكر الريس لك الشكر كله على الترحاب الجميل والدعم وعلى اتاحة الفرصة لولوج هذا التواصل الاسفيرى والظهور كجزء منه وآسف على التأخر فى الاستجابة وفى الرد على ترحيبكم الجميل مشاغل دنيا وعمل ومرض الوالد ومساعدة الاولاد على التحصيل وأمور الجائزة و... و.... البلد لك الشكر حتى ترضى وكل التقدير والتجله لكتابتك الجابت ليها قريص من تمبس والشباب ما صدقو سلام
Quote: الف مرحب بالاخ مجتبى حللت بوردا واضفت بوستا
تحياتي اختي سهام واخي مجتبي والصغار
سعيد بكم جدا كاسرة غلبت الحزن بالعمل
أساسى لست أدرى ماذا أقول كتبت لك الغالية الفقيدة غاده هنا .. وحدث كل ما حدث بعدها الحمد لله على ما أراد .. والشكر له على نعمه .. هو العاطى وكلنا لها شكراعلى الترحيب وانا سعيد بالتعرف بكم أنتم مدعاه حقيقه للصبر والجلد بتعاضدكم ومساندتكم لكم الحب والاحترام آسف على تأخر الرد
Quote: وانتى الصبر ياسهام الطاقة التى نثرها فيك مجتبى والطاقة الايجابية التى نثرتيها هنا وعلمتينا كيف يتحول الحزن الى فعل ايجابى ومثمر فعل يقول ويؤكد ان غاده بيننا غاده لكل البنات والاولاد لابداعهم ونجاحاتهن
شكرا للدروس والعبر يا سهام
أنت بالفعل اشراقه لك الود هى بينناوأحييك على التداخل الاثر من بين براثن اللغة والجندر الله يقوينا بيكم سلام
الاخ العزيز طارق أسف على الغصه وعلى التأخر فى الرد .. أتمنى أن تقدروا الظروف لكم الحب كله على المسانده ربنا يتقبل أدعو لها بالرحمه وللمشروع بالنجاح ولشباب البلد بتقديم نماذج حقيقه تسر وتبشر بمستقبل مشرق
البشير/وليد/أبو جهينه لكم الشكر كله على الترحيب والدعم
Quote: تعازينا لكما من جديد. واعجابنا بمولد جائزة غادة للكتاب الشباب. ومولد جمعية غادة الثقافية.
ارجو ان تخصص جمعية غادة الثقافية جزءآ من نشاطها للتوعية بأمراض الجهاز التنفسي عامة والأزمة خاصة.
الاخ عادل كما أوضحت سهام بذلت الكتوره الجليله أسماء اسماعيل السنى جهدا مقدرا وغير مسبوق فى خلق توأمه بين مؤسستها العامره(EB Lab) ومؤسسة غاده الوليده وخصصت ذلك الجهد فى ترويج مطبق باسم المؤسستين يتعلق بامراض الصدر ويتم توزيعه للفئة العمرية المستهدفة (جيل غاده) لها ولك انحناءة تقدير واجلال
الاخ عبدالله كسلا لك الشكر أجزله أتمنى أن تجدونى اضافة لكم فعلا وشكرا على التفريظ المخيف .. فالكتابةليست بالامر السهل رغم سلاسة ما تبدو عليه عند قرأتها .. الله يعين
Quote: في العام 1988 كان سطوح منزل العم محسي هو المكان الذي اوانا ونحن علي اعتاب التخرج من الجامعه بعد ان شردنا حاج ماجد سوار من داخلياتها في الليالي المقمره والهمبريب النضيف انداح رهط من الشباب في ذلك السطوح باسرار لو قيلت الان لبيعت صلوات وهدمت صوامع مرحبا بمجتبي زوج خالتو سهام في انتظار مجتبي صاحبنا او كما قال عصام جبر الله
الحبيب .. الحبوب .. خالتو دى ريحتنى أكتر من الترحيب الذى أنت أحق به منى أيها الاحباء .. كان الاخ عمر بوب فى زيارته الاخيرة للسودان وأتى لتقديم العزاء لى وسهام ومان مصادفا لاجتماع تأسيسى للجمعية وحضره واندمج فيه وبادر وصال وجال وقدم مقترحات قيمة وتحمس ودمعت عيناه البريئتان وتولى أمر الاحباء بالدوحة وظل على اتصال دائم ومتابعة ومثابرة وأود أن أعلنها هنا أنم عمر بوب كان أول متبرع لدعم وتقديم العون المالى للجائزة هذه معادن الرجال أخوان الاخوان دمتم وبلا تهديم صوامع يا عمر .. البيت بيتكم وكده الاشواق
ملاسى .. عملت حسابى لمن شكلو جاب لى اللوم .. عذرا والله ظروف خارجه تماما عن ارادتى منوره بيك
مزمل .. لك الشكر .. تطيب بينكم زبيكم
حامد الصاوى .. الحبيب .. ود الملاى .. يا سلالالالالالالام الله يديك العافيه أنتظر اللقاء على أحر من الجمر تحياتى لك والاسره وكل الاشواق .. صدقنى كل الاشواق لما الاقى زينب والوالده شويه ببل الشوق .. الله يديم المعروف أسماء الجنيد .. حباب شكرك الله يصبرنا ويجبر كسرنا أنا ألاكثر سعادة بالتعرف اليكم ومواجهة هذا السيل من الترحيب الجميل لك الود
خضر حسين لك الود .. نحن بخير والحمد لله .. وبفضل وقفتكم الرائعة معنا
سلام أبو ساندرا الله يديم المعروف ويقوينا.. شكرا على الترخيب والكلمات الرقيقه
الفاتح ميرعنى .. الشكر موصول
أستاذ شمس الدين لك التحايا
ألصديق أبوبكر عثمان سلام.. أنت فصيلة نادره .. حياك الله وأبقاك
محاسن حبابك وشكرا ليك
أشكر شعورك ود الزين .. لك الود
حباب معتصم الجبلابى
الاستاذ الموصلى شكرا وتقديرا على الترحيب
Quote: الف مرحب بمجتبى يا سهام وألف مرحب بكما معا دائماًً وانتما تحيلان حزنكما النبيل إلى إحتفاء رائع بغادتكما الحبيبة، والشكر لبكري أبوبكر الرائع الذي جعل مشاركتنا جميعا لكم ممكنة في سودانيزأونلاين التي تجمعنا كل يوم كأسرة واحدة وبيبت واحد سوداني أصيل نتشارك فيه جميعنا الأفراح والأحزان. مرحب بيك يا مجتبى في سودانيزأونلاين، لم أجد أجمل من كلمات غادة وصورة غادة، وضحكتها من القلب أهديكما وزوار بوستكما الكرام. شكراً لكوستاوي لإخراج كلمات غادة الحكيمة في هذا الثوب الجمالي البديع، ألف رحمة ونور تغشاك ياغادة في الخالدين.
ولا أنا سعود اجد أجمل منها ومن كلماتها لك الود والشكر ولها المغفرة والرحمة
يعنى شنو يا تماضر .. ما عندنا مانع لكن شكلك كده نسيتى أصلا أننا بنتعارف وخرف بيك البعد الطويل عن البلد عملنا معا فى المسرح الجامعى ودارالفنون الشعبية بامدرمان وغيرها .. لكن طال الزمن بيننا والتواصل .. وتواصلتى وسهام على العموم مافى مانع حبابك الف وشكرا على الترحيب
أبو الريش حبابك .. الدخول من بيت واحد ده زاتوجزء من المشكله الخلتنى أتأخر على الكل فى الرد .. المره دى مكنكشه فى الاب توب التقول داير يطير منها .. أها الصبر بس أسف للتأخير
Quote: لما سافرت السودان في صيف 2008 وصاني عصام جبر الله شديد واكتر من مرة قال لي " لو لقيتي اي طريقة قابل مجتبى وسهام " قابلت سهام واتوطدت علاقتي بيها للاسف ما نجحت في مقابلة مجتبى اهي فرصة نتقابل في الاسافير دي
ويا سهام جيداًجا مجتبى اتمنى انه يلقى سلوى في انضمامه للمنبر
الجندريه .. أعتذر عن الظروف التى لم تساعد على لقائنا حتى الان فلنلتقى وكفى .. قبل 2011 لك الود
الحبيب كمال قسم الله يا لك من صديق أنتظر قدومك وشكرا على المكالمة الرقيقة ولك العذر حتى نلتقى سلام
حاتم يوسف هلا بالعزيز شكرا كل الود كما تعلمه... وكفى
الود للاخ الشبلى
Quote: الى مجتبى مع خالص محبتى
تلك السنون الغاربات ورائي سفر كتبت حروفه بدمائي ما عشتها لأعدّها بل عشتها لتبين في سيمائها سيمائي سيّان لو أني قنعت بعدّها عمري وعمر الصخرة الصماء ولبذّني يوم التفاخر شاطىء ما فيه غير رماله الخرساء لا حت لي العلياء في آفاقها فأردتها دربا ألى العلياء ومحبة للخير تسري في دمي ورعاية للضعف والضعفاء وعبادة للحق أين وجدته والحسن في الأحياء والأشياء ( شعر عمنا ايليا ابو ماضى)
الله يصبرنا يا ودالريفى ..
شكرا بدر الدين أحمد موسى والعزيز كمال كرار
أهلا .. أهلا حفصه المحرب يا لكم من جيل جميل أتمنى لك التوفيق شكرا لحنيتك الدافئه
أهلا أبراهيم
معاويه عبيد ؟؟؟ !!! ازيك كيف الحال أبقى مارق
انعام .. سلام آل حيموره .. سلام .. التلفونات دى دخلونا فيها ولا بنسوطا ليكم
يا سلام .. أستاذى الجليل سيف الدوله أشكرك جزيل الشكر دوما تنخنى القامات لهامات الرحال العالية .. ولاساتذتنا الاجلاء على وجه الخصوص أشكر كثيرا ما ذكرت وأفخر بها شهادة تزين هذا المكان أمين يارب أتمنى أن نتواصل أستاذى ت: 00249910458045
ازيك يا هشام.. شكرا على التحسيب والتنسيب والله زمان مشتاقين نتمنى أن تحضر معنا سلام
نصرالدين شكرا على الترحيب
Quote: مرحب بيك كتير يا أخي الحبيب مجتبى وربنا يصبركم ويصبرنا في فقد الحبيبة الغالية غادة القطعت قلبنا لكن ككثيرين وكثيرات هنا معجبة بي تجربتكم في تحويل الحزن لطاقة جبارة..ربنا يصبركم ويعينكم ويسدد خطاكما إنه سميع مجيب.. محبتي ليك يا الحبيبة القريبة سهام لنا
شكرا كتير لنا .. الحبيبه لا تفارق خيالى ولا لحظه .ز لها الرحمه .. وليس لنا سوى الصبر يا لنا محبتى لك
محمد ابرهيم لك الود والشكر على الترحيب
شيخالدين .. ازيك يا دفعه .. وين أراضيك يا رجل .. خلينا نتواصل شكرا للمنبر اللى أتاح الفرصه دى.. وألف رحمه لغادتنا يا شيخ فقد كانت نور يضئ كل ما حولها
وليد عبد اللطيف سكر فى
العزيزه راويه عبدالحميد العباسى.. كيفك وكيف الست الوالده قولى تبويه لى بعد باكر عا########ى تب الله يخليك وربنا يتم الشفاء للست الوالده وشكرا على الترحيب مراحب أشرف .ز لك الشكر ربنا يتقبلها برحمته الواسعه
معاويه وبدرالدين وامانى العجب وجنى لكم الشكر على الترحيب الاعزاء قيقراوى ومعاويه عبيد سلام لكما الود
Post: #153 Title: Re: رحبو معى بزوجى .... مجتبى محسى Author: محمد الكامل عبد الحليم Date: 11-06-2010, 05:45 AM Parent: #110
تحيةطيبة...نرحب ايما ترحيب بوافد جديد..يبدو جميلا باتساق معانيك الموحية عنه ..وبرفقة الضياء بينكما ...رفقة تدوم وتقدم العطاء الانساني ..سبيل العطاء الانساني هوالتواصل الحميم والذي يبدو ناجزا حسب مدي ودرجة التفاعل مع الذين يعرفونكم والذين مدوا بساط الحب وباركو الاحتفاء النبيل ...
يقولون ان مصائب الايام قد تثير فينا معاني القوة والحق والخير والجمال وهذه كلها لألي لا تتواجد علي سطح النفس البشرية انما في القاع حيث لا يمكن الوصول اليها في بعض او كثير من الاحيان الا بهذا الفقد المزلزل بعيدا عن الهلع والجزع ...وهذا ما اتضح في معانيكم السامقة والتي نستشرف معها صباحات واعدة ومزن يهطل بالحب ...
فكم انتم رائعون ...ان تحسنوا صياغة الحزن وتنحتوا منه او تبحثوا فيه عن اللولؤ او عن النبت والاخضرار او ان يعاد صياغته الي معان موحيات بالخير كما تفعلون...لكم الاحترام
Quote: فكم انتم رائعون ...ان تحسنوا صياغة الحزن وتنحتوا منه او تبحثوا فيه عن اللولؤ او عن النبت والاخضرار او ان يعاد صياغته الي معان موحيات بالخير كما تفعلون...لكم الاحترام
لك الود والاحترام محمد الكامل بفضلكم جميعا أيها الاحباء الرائعون نقوى ونزداد يقينا بأننا نفعل الصواب
Post: #156 Title: Re: رحبو معى بزوجى .... مجتبى محسى Author: Elham Al Mugamar Date: 11-06-2010, 10:45 AM Parent: #154
يعنى يا مجتبى انت داير تقول عشان انا الايام دى قاعده مع امى انت لقيت فرصة عشان ترد على الناس و كده؟؟؟؟ والله انا مسكينة خلاس يا زول نصيحة من نصائح ود الموج شوف ليك مخارجة تانية لانو امى بأذن الواحد الاحد بتقيف حيلها وبرجع اها انت بتمشى وين غايتو ردك على الناس ياهو الكايسين ليهو لكن الفى بطنك عرفتها لوووووووووووووووووووول
لى بعدين
يا انعام حيمورة دايرة لى حجازة و شربط لاصق الحقينى بيهم. والا ح افتح بوست اكورك لى بكرى بباسورد لازهرى واقعد اتفرج
يا عمر بوب ويا احمد التجانى حكاوى الليل و الشجن على السطوح والسراير مجدعه والهمبريت ضارب كلها عندى ...لكن هل بتصدقو مجتبى ما حكى لى ولا واحده منها امانه ما بطنو غريقة لكن بما ان الايام دى الجو جو مسابقات تفتكرو منو الفتاكم لى؟؟؟ لو عايزين خيارات كلمونى جااااااهزه _______________________________ لا حولا و لاقوة الا بالله يعنى امرق من حساب مجتبى اقع فى حساب الهام يا جماعه المداخلة الفوق دى واضح انها منى انا سهام بت نعمات بت عيشة بت باشاب المعروفة بسهام المجمر
عاوزة انط وأرد عليك لكن اتحرجت من باقي الضيوف وكلهم عزاز
Post: #161 Title: Re: رحبو معى بزوجى .... مجتبى محسى Author: فدياس نجم الدين Date: 11-06-2010, 02:39 PM Parent: #159
مرحب بيك أخونا مجتبي
ويا ريت لو عرفناك في ظروف احسن من دي
حبابك ألف
Post: #162 Title: Re: رحبو معى بزوجى .... مجتبى محسى Author: رانيه محمد الشيخ Date: 11-06-2010, 02:53 PM Parent: #1
سهام ما عارفه ارتب كلماتى كيف اولا صياغتك لدواخلك قمه فى الروعه برغم الاوجاع فانتى تمتلكى زوج حفظه الله لك كنز من الانسانيه والعقل والاحساس تحسدى عليه انا جديده فى المنتدى لكن ما جديده فى الحياه وبقدر اميز النفوس الجميله والنقيه الزى نفسك وحرفك ربنا يعوضك خير ودا ابتلاء من الله سبحانه وتعالى وانت من احساسى بيكى قويه حتى برغم الدموع
يسعدنى ان اكون من المرحبين بزوجك ومن المحظوظين بالتواجد بينكم لقد اعطيتنى الامل ان فى الحياه اشخاص مازال يحملوا لقب الانسان الحقيقى
سلام فدياس ألف شكر على الترحيب الاخت رانيه مرحب بيك دفعه وبرالمه فى المنتدى .. حبابك وأشكر كلماتك الرقيقه الله يلهمنا الصبر مزيدا مزيد .. راويه مافى احراج يا حبيبه سلامى للست الوالده وقولى تبويه من أمريكا للسودان
Quote: خير ذكرى هي ألا ننسى ، نشتل شجرة باسمها ، وأن نسمي أجمل ما عندنا باسمها
شقلينى .. سلام عليك كيف ننسى .. لا ننسى بل كما قلت نحفظ الذكرى بأجمل ما يمكن أن نفعل أتمنى النجاح كل النجاح لمشروعات جمعية غاده الثقافيه وأول أنشطتها جائزة الكتاب المتميزين من الشباب
أهلا وسهلا أدم جمال الحوش كبير ومقشوش ومرشوش الله يخليكم لتثروه بالجديد الجميل
Post: #168 Title: Re: رحبو معى بزوجى .... مجتبى محسى Author: رانيه محمد الشيخ Date: 11-06-2010, 07:12 PM Parent: #164
لا لا اصلوا ما بستحمل زعلك منى انت يا زوله لا قويه لا بتاع معليث توبه كان قولت ق زاتو تانى