أولاً...من واقع حوار سابق منشور على صفحات هذا الموقع فيه نزع عطاء لشركات إتصالات بعينها ل"ذوي القربى" نقرأ:
Quote: * معناها ممكن تغادر مقعدك في الهيئة؟ - أغادر ونص وخمسة. * تغادر منصبك عشان القضية دي؟ - أنا ما حريص على المنصب والوزارة دي أسألوا الرئيس والنائب الاول، أنا لما عينوني زعلت جداً ومشيت شاكلتهم. * كنت عايز تقعد في التلفزيون؟ - «صمت لفترة».. وأجاب.. التلفزيون أنا ما دايروا ولو قالوا لي هسة أرجع ليهو ما برجع. * الطيب مصطفى بحوِّل المؤسسة البديرها الى مؤسسة الرجل الواحد؟ - كيف يعني. * بتختزل المؤسسة في الطيب مصطفى وتتعامل بشمولية؟ - وبعد ما الطيب مصطفى يمشي بتتصلح وألا بتتعب زيادة. * نمسك فترة ادارتك للتلفزيون قالوا كانت عندك مصادر تمويل تانية غير وزارة المالية؟ - «ضحك» والله ما عندي أي مصادر تمويل تانية.. بس كنت بعرف أقلع القروش كيف..! * عشان انت خال الرئيس؟ - الموضوع ما كده.. أنا كنت بمشي أسكن في وزارة المالية.. لدرجة كنت بقول ليهم حقو تعملوا لي مكتب جنبكم وكانت عندي عبارة طريفة بقولها ليهم لمن أوصل الحدَّ. * بتقول ليهم شنو؟ - ببدأ خطابي.. اللهم إني اشكو اليك ضعف قوتي وقلة حيلتي وهواني على وزارة المالية، لمن أصل الحدَّ ده بيدوني القروش.
وأعتقد أن هذا العرض هزيل بشدة...وفي رأيي كان على الطيّب مصطفى أن يعرض كفالة من كفله في الخليج سابقاً مثلاً...أو أن يعرض كفالة مثل التي كانت متاحة لأسامة بن لادن في سنوات التسعينيات!
لأن أتيم قرنق قيادي وصاحب حق في هذا البلد على الأقل...