Post: #1
Title: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: أحمد أمين
Date: 10-14-2010, 11:24 AM
الاحد الماضى داهمت سلطات البوليس منازل ثمانيه اسره من جنوب السودان تسكن منطقة المعموره بالخرطوم، وازالت مبانيهم وصادرت ممتلكاتهم بمافيها الاسره واغراضهم المنزليه الاخرى، مع العلم ان معظم هذه الاسر تسكن فى هذه المنازل الغير مكتمله أوالاراضى الخاليه بموافقة صاحب الارض او المنزل. مقابل حراسة الارض ، او المنزل تسكن الاسره بدون دفع اجار (فى غالب الاحوال). معظم هذه المنازل لا توجد بها انارة او امدادات مياه، لكن تضطر هذه الاسر للسكن فيها لأنها قريبه من اماكن عملهم (فى الغالب نظافة المنازل او التشييد...الخ)، والمدارس لابنائهم. معظم معسكرات النازحين بالخرطوم تبعد كثيرا عن وسط المدينه ما بين 25 الى 40 كيلو متر. حيث أن تكلفة المواصلات لهذه المناطق احيانا تصل الى 4 الى 8 جنيه فى اليوم. غالبية هذه الاسر سكنت لسنوات طويله فى هذه الأماكن رغم ان هؤلاء النازحين كانوا يتعرضون من حين لاخر لهجمات البوليس وازالة منازلهم لكن لم تكن السلطات تصادر ممتلكاتهم واغراضهم الشخصيه، وتقوم بحراسة الارض او المنزل لمنعهم من العوده مرة اخرى. هذا هو الجديد والخطير فى الامر.
طوال الفترة السابقة تعرضت اسر كثيره من النازحين للترحيل القسرى. حيث تقدر الامم المتحده انه منذ عام 1990 تم ترحيل مايقارب ال 500 الف نازح الى مناطق نائيه عن وسط الخرطوم معظمهم من جنوب السودان، تحت دعاوى التخطيط.
فى عام 2007 كان الاتحاد الاوربى و (منظمة هابتات) وقعوا اتفاقيه مع حكومة ولاية الخرطوم تخضعها وتقيدها بمراعاة معايير حقوق الانسان عند ترحيل النازحين من منطقه الى اخرى، مقابل ذلك تلقت الولايه مبلغ 27 مليون يورو. لكن الولاية الخرطوم اخذت المبلغ ولم تلتزم باتفاقها، ومازالت اعمال الازاله والترحيل القسرى للنازحين يتكرر بنفس الوحشيه والقسوه منذ عام 2007.
الان بعد تصريحات مسؤلين كبار فى حكومة الانقاذ تهدد الجنوبين بفقدان حقوق المواطنه، منهم وزير الاعلام، وانتشار منابر الكراهيه الرسميه كصحيفة الانتباهه، ومنابر بعد المساجد بالخطب التحريضيه، اضف الى ذلك عمل بعض اللجان الشعبيه فى الاحياء المحرض ضد الجنوبين. تتحرك بعض الجهات لتنفيذ اجندة الكراهية وتشرد النساء والاطفال بدون وازع اخلاقى او أنسانى.
على الرغم من الرئيس عمر البشير الاسبوع الماضى فى تصريح له قال انه "سيقوم بحماية جميع الجنوبين وممتلكاتهم حال وقوع الانفصال." لكن يبدو ان ليس هناك يسمع تصريحات رئيس الجمهوريه بل العكس هو الذى يحدث، فكيف بالله يحميهم بعد الانفصاال وهو ليس قادر على حمايتهم الان؟
|
Post: #2
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Hussein Mallasi
Date: 10-14-2010, 11:30 AM
Parent: #1
Quote:
مع العلم ان معظم هذه الاسر تسكن فى هذه المنازل الغير
مكتمله أو الاراضى الخاليه بموافقة صاحب الارض او المنزل.
|
هذه ممارسة معتادة من السلطات لا تفرق فيها بين جنوبي و غير جنوبي.
_____
و ليست حكراً على المعمورة.
|
Post: #3
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: د.نجاة محمود
Date: 10-14-2010, 11:36 AM
Parent: #2
| Quote: الان بعد تصريحات مسؤلين كبار فى حكومة الانقاذ تهدد الجنوبين بفقدان حقوق المواطنه، منهم وزير الاعلام، وانتشار منابر الكراهيه الرسميه كصحيفة الانتباهه، ومنابر بعد المساجد بالخطب التحريضيه، اضف الى ذلك عمل بعض اللجان الشعبيه فى الاحياء المحرض ضد الجنوبين. تتحرك بعض الجهات لتنفيذ اجندة الكراهية وتشرد النساء والاطفال بدون وازع اخلاقى او أنسانى. |
كلام ساذج وغير مسؤول والعجب العنوان
الفتنة نائمة لعن الله من ايقظها
يحول لبوست اسكيل العضارة في المعارضة
لو دي ياها المعارضة ال. واط.ة في حشم الشعب
|
Post: #4
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: أحمد أمين
Date: 10-14-2010, 11:37 AM
Parent: #2
Quote: هذه ممارسة معتادة من السلطات لا تفرق فيها بين جنوبي و غير جنوبي.
|
حسين ملاسى،
الموضوع مقصود يا اخوى- امش اسأل اى بتاع لجان شعبيه، بعدين المعتاد شنو فى مصادرة ممتلكات الناس وتشريد الاطفال - انتو يا جماعه القلوب القويه دى بتلقوها وين...
|
Post: #5
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Hussein Mallasi
Date: 10-14-2010, 11:45 AM
Parent: #4
يا أحمد امين .. من فترة لأخرى تزال الرواكيب الملحقة
بالمباني غير المكتملة في جميع أنحاء العاصمة .. أياً كن قاطنها.
_____
الكلام دا لا من الليلة لا من امبارح؛ بس
انتو المابتشوفوا إلا وكت عايزين تشوفوا.
|
Post: #6
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Hussein Mallasi
Date: 10-14-2010, 11:46 AM
Parent: #5
يا أحمد امين .. من فترة لأخرى تزال الرواكيب الملحقة
بالمباني غير المكتملة في جميع أنحاء العاصمة .. أياً كن قاطنها.
_____
الكلام دا لا من الليلة لا من امبارح؛ بس
انتو مابتشوفوا إلا وكت عايزين تشوفوا.
|
Post: #7
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: مزمل خيرى
Date: 10-14-2010, 12:01 PM
Parent: #6
ياخى اتقوا الله فيما تكتبون ...
مافى اى كلام زى دا ... دى حملات درجت عليها شرطة محافظة الخرطوم ضمن خططها فى
محاربة بيع الخمور البلدية والكلام دا ماجديد يا أخ أمين ... لكن الظاهر كنت برة البلد وجيت صادفت الحملة دى .!
وبعدين الناس ديل يلقوا ليهم اى نمرة فاضية بيعملوا فيها راكوبة وبسكنوا
فيها حتى بدون علم صاحب القطعة وبعدين هى قطعة ارض فاضية يحرسوا فيها شنو .؟
ياراجل قول كلام غير كلام دا .!
بس المحيرنى توقيت البوست دا .!!!!!!!!!
|
Post: #8
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Dr. Ahmed Amin
Date: 10-14-2010, 12:03 PM
Parent: #6
أستاذ أحمد أمين
كلام ملاسي صحيح .. الموضوع ده قديم جدا
حتى من أيام الراحل نميري ...
لأن مثل هذا السكن له إفرازات أمنية وبيئية
فسلطات المحليات بتحاول تسيطر على الأمر
لكن الذي نرفضه تماما التعامل غير الإنساني
أو أن يتم إخراجهم للشارع دون توفير بديل
يحفظ لهم كرامتهم وآنسانيتهم
تقديري
|
Post: #9
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: بشير أحمد
Date: 10-14-2010, 12:13 PM
Parent: #8
بالله رواكيب العرقي والمريسة بقت مساكن ؟
انا شخصيا ازلت راكوبة بتاعت عرقي من قدام بيتنا
في الجريف غرب ؛اخر محطة ؛اكثر من مرة ؛
الناس دي بتتغوط وبتبول في اي حته
تعال شوف كمية السكاري البتحاومو فيها ؛
العرقي بيدفنوه في الارض.
قال يصادر ممتلكاتها قال.
|
Post: #10
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: أحمد أمين
Date: 10-14-2010, 12:23 PM
Parent: #8
| Quote: لأن مثل هذا السكن له إفرازات أمنية وبيئية |
الاخ دكتور احمد
المشكله انه ده هو الذى تروج له اللجان الشعبيه، انا شخصيا تحدثت مع واحده من هؤلاء الذين اذالوا بيتهم..
اولا هى تعيل 4 اربعه اطفال، زوجها غير موجود بالخرطوم..لديها اوراق من صاحب المنزل تفيد بانه يسمح لها بالسكن هناك..
وهى تعمل فى المنازل المجاوره (غسيل نظافه ...الخ) هذا هو مصدر دخلها الوحيد، لا تملك مكان سكن اخر بالخرطوم. ولا تستطيع الاجار بدخلها البسيط...بالله كيف تكون مثل هذه مشكلة امنيه او بيئيه...ولماذ تصادر السلطات ممتلكاتها البسيطه....هل هناك قسوه اكثر من هذا؟
|
Post: #11
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: الزبير صالح الزبير
Date: 10-14-2010, 12:26 PM
Parent: #8
أو أن يتم إخراجهم للشارع دون توفير بديل
يدوهم بديل مقابل شنو ناس ساكنيين عشوائي يجو يدوهم بديل لية وعشان شنو
عشان بس جنوبيين ........ يعني شنو ........ وعشان شنو
زيهم زي الباقيين بيستحقوا خطة إسكانية يدوهم
ما بيستحقوا يرموا ليهم عفشهم في الشارع
ويرحلوا
ويشتتوا
اي واحد يجي يتبكي لينا ..... الجنوبيين عملوا ليهم وسوا ليهم
لماذا يطالب الكثيرين بمعاملة تفضيلية للجنوبيين
واحد ما قادر يوفر مسكن لائق لة ولاسرتة المقعدة هنا شنو ما يمشي اهلة
عاوز يسكن عشوائي يمشي يتعشوا في حلتة هناك
هنا في نظام
عجبك عجبك
ما عجبك انفصل وارحل
ترتاح ونرتاح
|
Post: #12
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: أحمد أمين
Date: 10-14-2010, 12:47 PM
Parent: #11
بالنسبه للاخوان والاخوات مؤيدى النظام فى هذا البوست..
من حقكم ان تدافعوا عن المؤتمر الوطنى (غلط ولا صاح) لكن المشكله انه هذا الحزب الان على اعلى مستوياته يدعو لوحدة السودان.
الوحده عندها ثمن، اقل ثمن هو معاملة الجنوبين بشكل انسانى..وحتى لو كان بعضكم يؤيد انفصال الجنوب الخ( لابد ان يكون انفصال غير عدائى..لأن الحرب تكلفتها عاليه وما حتقدروا عليها) واقل ثمن هو ايضا معاملة الجنوبين بشكل انسانى فى الشمال على الاقل حتى موعد الانفصال الحقيقى- فى 9 يوليو 2011 واعلان دولة الجنوب.
رئيس الحزب أعلن قبل ايام قليله انه سوف يحمى الجنوبين وممتلكاتهم فى الشمال(الناس دايرين افعال مش كلام)، هؤلاء هم اكثر الفئات فقرا وسط الجنوبين بالخرطوم، ومعالجة اوضاعهم لا تتم بهذه الطريقة اللاانسانيه. تلفون واحد او اجتماع مع والى الخرطوم سوف يعالج المشكله...لكن هل لديه الاراده ولا حيصهين ويتجاهل الموضوع حتى تحدث كارثه كما صهين وتجاهل مشاكل اخرى منها مشكلة دارفور-لغاية ماانفجرت فى وجهه.
|
Post: #13
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Mohammed Awad
Date: 10-14-2010, 02:08 PM
Parent: #12
Quote: بالنسبه للاخوان والاخوات مؤيدى النظام فى هذا البوست..
من حقكم ان تدافعوا عن المؤتمر الوطنى |
طيب ياخينا خلينا من كلام المعارضين ومن شابههم من امثلة كتيرة فى البورض دا
على حسب بروفايلك انت فى UK وما اظن تشوف ليك حاجة زى دى هناك
لما تجى البلد دى وتسكن فى بيت ولصقك طوالى راكوبة وحمير وغنم ومريسة وهلم جرا
بتعرف مؤيدى النظام ديل كان بيقولو فى شنو..
ماتلفح ليك كلام ماشوفتو بى عينك والبتشوفو زاتو ماتصدقو بالظاهر..
خليك عميق شوية... مافى زول بيقول كلمة حق ساكت طواى تنسبوهو للنظام
وقاتل الله الفقر ياخ الخلا الناس زاتا تسكن فى الرواكيب
تحياتى
|
Post: #14
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: ABUHUSSEIN
Date: 10-14-2010, 02:15 PM
Parent: #13
كـــلام للفتنة فـقــطــ و رخــيــــيــيــــص
|
Post: #15
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Tragie Mustafa
Date: 10-14-2010, 02:18 PM
Parent: #13
يا احمد امين
طبعا للاسف صمتت المعارضه وجوك صبية الانقاذ!!
ولكل الكذابين و المدعين
انا شخصيا كان لينا بيت في امتداد ناصر
وجيرانا الحيطه بالحيطه مستقطعين قرابة الاربعه متر من الميدان القدامنا
ومسورونه ولهم حصين بتاعت كاروا...هذه هي زريبتها!!
الجماعه اعضاء في اللجنه الشعبيه
مافي زول قادر يقول لهم ثلث الثلاثه كم.
هجرناالبيت من ريحة الحصين وبرازهم وعدم التزام الناس بالنضافه!
ويجيك د.بشير احمد يقول لك انا ازلته!!
بالله؟؟!!اها ورينا امر الازاله ده بتقدر تحصل عليه كيف
لما يكون المتجاوز هو عضو لجنه شعبيه وكوز وشمالي عرقيا!!
بطلوا دجل!!
هاقد بدأوا التحرش بالجنوبين
ونقضوا عهودهم
خلي ناس جوبا طوالي يردوا بترحيل املاك الكوز
الانقاذي عضو البرلمان طيفور استثمارته ماليه جوبا!!
النشوف وقتها س ك ل ب ة ناس الانتباهه حتصل لوين!!
|
Post: #16
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: ABUHUSSEIN
Date: 10-14-2010, 02:25 PM
Parent: #15
من أقوال خالتي فرنصا
Quote: هاقد بدأوا التحرش بالجنوبين
ونقضوا عهودهم |
Quote: خلي ناس جوبا طوالي يردوا بترحيل املاك الكوز
الانقاذي عضو البرلمان طيفور استثمارته ماليه جوبا!! |
.
|
Post: #18
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Mohammed Awad
Date: 10-14-2010, 02:40 PM
Parent: #16
| Quote: من أقوال خالتي فرنصا |
|
Post: #17
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Khalid Kodi
Date: 10-14-2010, 02:33 PM
Parent: #13
الأخ أحمد أمين،
تحياتى، وشكرا لهذا البوست.
محير فعلا إصرار البعض على التنميط رغم أنه الناس هنا (كى بورداتها) إنقرشت فى الحديث على ان ربط سلوك معين (إجرامى) بإثنية معينه يعتبر تنميط لايمارسه الا الجهلاء - محدودى المعارف والتجارب. أو العنصريين فى لاوعيهم...
فيعنى شنو يجى واحد يقول ليك لأسباب أمنية يجب ترحيل هؤلاء الذين إضطرتهم ظروف الحروب الى النزوح ليعملوا كحراس فى منازل لم تكتمل مقابل سكنهم فيها وهى غير مكتملة حتى؟ ... وهذا طبعا مع ملاحظة (يجب ان نكون إنسانيين فى معاملتهم) ونحن نجعل حياتهم جحيما أكثر من ماهى جحيم؟
ولماذ هم المجرمون وليس الآخرين؟
فالفقر لايؤدى الى الاجرام... ولو أن الأمر إثنيا لكان كل سودانى شمالى مجرم...
أوليس رئيس الدولة ورمز سيادتها مجرم عالمى؟ أهأ تانى شنو؟
هؤلاء لايدرون ماهم مقدمين عليه... فهم يهيئون لواقع أكثر تباعدا بين أهلنا فى الشمال والجنوب بمثل هذا السلوك.
فالتجارب الانسانية (الصغيره) مثل هذه هى التى تكون رؤى الانسان عن الآخر... وهى التى تحدد مواقف الناس عندما ياتوا للموضوعات (الكبيره)...
ففكرة الوحده، والمساواه...والخ تبدأ بإنزالها على الواقع لتنعكس على حياة الناس ...
يجب توفير حياة أفضل لهؤلاء النازحين ...
.
|
Post: #19
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: ABUHUSSEIN
Date: 10-14-2010, 02:40 PM
Parent: #17
| Quote: فيعنى شنو يجى واحد يقول ليك لأسباب أمنية يجب ترحيل هؤلاء الذين إضطرتهم ظروف الحروب الى النزوح ليعملوا كحراس فى منازل لم تكتمل مقابل سكنهم فيها وهى غير مكتملة حتى؟ |
الحرب إنتهت قبل 5 سنوات
|
Post: #20
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Tragie Mustafa
Date: 10-14-2010, 02:46 PM
Parent: #19
| Quote: الحرب إنتهت قبل 5 سنوات |
والمجاعه انتهت قبال عشرات السنين ولم يرجع احد من تلك البقاع!!
والسد العالي انتهى قبال 40 سنه ولم يرجع احد لتلك البقاع!!
قوم شوف لك شغله يا عنصري.
اها ما قلت لي موضع عمك طيفور ده كيف حرقكم مش كده؟؟!!
|
Post: #22
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: ABUHUSSEIN
Date: 10-14-2010, 02:53 PM
Parent: #20
خالتي فرنصا
طولي بالك
| Quote: قوم شوف لك شغله يا عنصري. |
| Quote: اها ما قلت لي موضع عمك طيفور ده كيف حرقكم مش كده؟؟!! |
دا جد ياسر طيفور ... ؟؟؟؟؟؟؟؟؟؟؟؟؟؟
|
Post: #23
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Tabaldina
Date: 10-14-2010, 02:54 PM
Parent: #20
..
.
Quote: هاقد بدأوا التحرش بالجنوبين
ونقضوا عهودهم
خلي ناس جوبا طوالي يردوا بترحيل املاك الكوز
الانقاذي عضو البرلمان طيفور استثمارته ماليه جوبا!! |
وهو المطلوب هو زاتووو ############ ما كان يستثمر فى الشمال ولا ماليزيا
-------------
يا جماعة بالمناسبة عنصرى وانفصالى دى بقت ما نبذ
عليكم الله .. العايز يستخدمها معاااى طوالى .. مرحب بيهو
|
Post: #21
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: Khalid Kodi
Date: 10-14-2010, 02:50 PM
Parent: #19
كتب أبوحسين،
(الحرب إنتهت قبل 5 سنوات)
وماذا تعرف أنت عن الحروب يا (ABUHUSSEIN) ؟
ماتخلفه الحروب ، و مالايفهمه المهوسيين أيا كانوا تحتاج الى الاجيال لتداركه.
الحرب تترك أثارا عميقة ديمقرافية ، و إقتصادية، وبيئية ... ونفسيه...
فتوقف إطلاق النار لايعنى تلقائيا أن كل شىء سيعود اليوم التالى الى الطبيعى بالنسبة لهؤلاء الذين دارت الحروب فى مدنهم وقراهم.. وبيتوتهم...
فالدمار الذى تتركه الحروب يحتاج كما قلت الى أجيال للتغلب عليه،
حيث لايمكن إزالته تماما أبدا.
وهذا مالم تستطع عقول الانقاذيين الصغيره تداركه...
فالشعوب التى مرت بالحروب تنشىء البرامج الضخمه التى تخطط لازالة آثار الحروب ولاعادة تأهيل ضحاياها ،
ولاعادة تأهيل المناطق التى دمرتها الحروب... فعم تتحدث فيما لاعلم لك به؟.
.
.
|
Post: #24
Title: Re: البوليس يشرد أسر جنوبيه ويصادر ممتلكاتها فى منطقه المعموره بالخرطوم
Author: ABUHUSSEIN
Date: 10-14-2010, 03:13 PM
Parent: #21
Quote: كتب أبوحسين،
(الحرب إنتهت قبل 5 سنوات)
وماذا تعرف أنت عن الحروب يا (ABUHUSSEIN) ؟ |
الحرب إنتهت قبل 5 سنوات و الحركة الشعبية حددت في الإتفاقية موعد الإستفتاء
و تحديد موعد الإستفتاء يعني أنهم يعلمون متى يكونو جاهزين للإنفصال
و الإنفصال يعني أنهم جاهزين لإدارة الجنوب و به كل أبناءه.
أليس هذا كافياً لكي أحدد أنا الشمالي بأن الحرب إنتهت
يا حكيم زمانك الحركة الشعبية هي التي حددت و ليس أبو حسين
| Quote: فعم تتحدث فيما لاعلم لك به؟. |
أتمنى أن تكون قد إستوعبت ما أتحدث عنه
.
|
|