نـــبــــــوح ســـر الـغــــــــرام عـصـــــــــرا

وحيح الشوق

سرق ظنا عشق وصفك

جدع فوق المسافت نم

يخضر في سراب الصي

سرح فيني الخيال صورا تقالد للثريا دوام

مرح فيني الغرام خيلا تجقلب بالقصيد الحي

صدح فيني النفم

وشم مداخل في العصب رسمك.

علي باب الدخول ليكي

القمر علق غناويكي

وعلى باب المروق مني

النجم دندن حكاويكي

وشعشع في القناديل ضي.

عشقتك والكلام اخضر

بدايات الهوى الطامح

سحابات الغرم تنتح

تقاوم لي هجير لافح

برق عبادي دابو صبي.

رايتك في منابع النيل

لمحتك في مديح دامر

نشقتك في السحر دوبيت

ندهتك في البريات كون

وكيفن في بعادك اكون

بعد بينا الموصال قسرا

شحب لون القمر قهرا

نضب دمع السما الكالح

سكت صوت العنادل والقماري الوالهة بي لون الخريف

فجرا

صمت اذان
شرق صوت الجرس

حزنان

تندهي لي

اجيك شايل مخالي الزاد

صبر علف السنين العاجفة

اتغربت اتدردرت ما اتراجعت ما ونيت

شايل فوق حمولي الكي

تعالي نقالد القيفة

تعالي نوشوش الموجة

ونبوح سر الغرام عصرا

اغيب بين المسام الشوق
واعود بين الحروف الشايلة
من سمتك بروق

وبرضو مشتاق ليك

فوق

بيني بينك حاجة ما بتتقال جهار

حا

Quote: وحيح الشوق سرق ظنا عشق وصفك جدع فوق المسافت نم يخضر في سراب الصي سرح فيني الخيال صورا تقالد للثريا دوام مرح فيني الغرام خيلا تجقلب بالقصيد الحي

يا سلام عليك يا دكتور ...غايتو وحيح دي حاجه بتكوي عديل .. وما بيقوله إلا زولاً ممكون وصابر ...

عموماً الله يعين يا دكتور على تحمل ويلات الوحيح .. ياخي الحب ده أجمل حاجه في الدنيا ... مش بالله ؟ ...

غايتو إبداع يتنفس فينا صبح مساء ...

دامت الوحاويح يا دكتور .. وتعيش وتكتب ...

مع خالص الود والمعزّه ...

اخي الكريم ادريس

ان تترك بلادك قسرا بحثا اللقمة الحلال
مش يخليك تتوحوح
يهري جوفك عديل

لك اعزازي ومودتي
وكثير تقديري

الف شكر ليك

أخي د.محمد حسن

نص جميل و معبر جدا
شفت كيف أحزان الغربة تحتلّ بيوتات الفرح في دواخلنا
هذه الابيات كتبتها و انا بين براثن الغربة




تحياتي أخي و تمنياتي لك دوما بالتوفيق

محمد بدوي بانقا

Quote: أخي د.محمد حسن أذرف يـا قــلـب آخـر دمـيـعـاتـك و ارحـلي يـا طـيـور غـيـمـة الـمـطـر فـاتـت أهـلا يـا ضـلام نـور الـعـمـر ولى ودّعـنـي الـحـبـيـب لى شــوقـي مـا بـلّ اشـتـاقـت خطـاي تـمـشـي و تـجـيـك ءالا درب الـريـد عـديـل بس الـقـلب ضــلّ

اخي الكريم بانقا

سكت الكلام
نص ملحن جاهز

الف شكر ليك على هذه الاطلالة الرائعة

لك مودتي

بيني بينك

كلاما اصلو مابتقال جهار

وشوش مسامات الضفاف

بهرج عوينات النهار

وانداح قصيد

انبجس في الجوف حنان

وياتلق فيني انبهار

يا بنية من عمق الشجون

يا زولة زي طعم البهار

توهان قليبي المشتهيك ما كان ضهب
كان انفعالات الحروف
لما الغرام فيني انسكب

دسيني فيك نغما يغازل روعتك

جرف وشوش مسامع نبضي قبال السحر
وفرست ليك كل الدروب
والعين تعاين للسهر

ما عندي قول؟

وانت الحروف في حضرت

كل الكلام في حضرتك بصبح جديد

ومن بهاك

بتبرج القول الندى ويصبح فريد