Post: #1 Title: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-13-2010, 09:29 PM Parent: #0
استاذي بدرالدين الأمير المُحترم
قرأت وزوجي مُداخلاتك القيمة والتي تُخص القامة الراحل المقيم ونظرا معرفتنا التامة بالمرحوم ومقابلاتنا الكثيرة معه في منزل عمه عبدالمتعال المقبول بالعرضه وقربنا من عثمان وزمالتنا له. اود ان اورد بعض الحقائق والتي طرأ عليها تغيير من الآخ خضر ربما بسبب النسيان في الحوار الصحفي المذكور والفترة التي سبقته وتلته. ما دعاني ان ارسله لك على ايميلك الخاص هو انه ليس لدي باس وورد في سودانيز أونلاين وكذا المهندس الخلوق عثمان حيث طلب ذلك من بكري ابوبكر وقد كنا ندفعه لذلك حتى نوقف المزايدات وكما ترى الكثير تاجر بالمرحوم حيا ومتوفيا. * بعض الحقائق: لم يكن عرض النادي السوداني بداعي الشفقة كما صورها الاستاذ خضر (ومصطفى لايحتاجها وعثمان لايقبلها لشقيقه مصطفى ) بل كان عرضا تجاريا مُجحفا وكان الأستاذ خضر يطلب من المهندس عثمان حث مُصطفى على قبوله وكان رده حاسما وبالحرف الواحد اذا مصطفى وافق فانا رافض ومصطفى أطلق يدي مقدما في الموضوع وهو ليس بمبتديء يتلمس الظهور للعلن . عثمان هاتف من منزله بالشارقه وفي وجودنا مصطفى في الغسيل بعد ان عمل ترتيبات الغسيل بالامارات مع البروف مصطفى نور الهُدى في مستشفى دبي وقال له العقد مرفوض مقدما الا اني وعدتهم ان ارسله لك او ابلغك فحواه. سبب وجود صورة الجواز والصورة الشخصية بيد الأستاذ خضر طلبها من عثمان حتى يتمكن من التحرك بها في اتجاه آخر لأن عثمان ساعتها تلقى بخصوص اقامة الأستاذ إعتذارا من د. يوسف عايدابي وتلقى وعدا من محمد الزرعوني(لاحقا حصل الزرعوني على الموافقة من الجوازات في نفس يوم وفاة الاستاذ وقد ابلغه عثمان بذلك واوضح له انه ينوي ترك الشقة لينتقل لبيت اكبر الا ان المرحوم عاجله بانه لاداعي للتصرف في اي شيء غير الأوراق فقط وهذه خطوة لاحقه وبثينه والأولاد حضورهم سيتأخر بعض الشيء وختم الحديث بقوله مامعروف بكره بيحصل شنو؟) اسفه جدا اخي الكريم للتطاول وارسال رسالة على بريدك الخاص واسفه مرة أُخرى للإطالة (بسبب زعلي وزوجي على المزايدات التي تعرض لها سليل المقبول وهو في مرقده). اتمنى ان كانت لك زيارة للأمارت ان نلتقيك انا وزوجي، لدينا الكثير عن من يتاجرون به ولا زالو وقد كنا ننوي وقفهم الا ان مشيئة الله متمثلة في رفض المهندس بكري منح ثلاثتنا (عثمان عبدالمتعال وزوجي وشخصي) اسم مستخدم للدخول لسودانيز اونلاين
عنوان الايميل هذا نستخدمه انا وزوجي ولاتتردد في مخاطبتنا عليه او على هواتف المهندس عثمان المقبول وسأمدك بها ان لم تكن لديك بعد ان استأذنه
ودمت بقلم (كيبورد) يضاهي السيف البتار في رد الحق والإعتبار لمبدع شامخ كالمنار
اختك خنساء محمد خير تلك رسالة وصلتنى عبر الايميل من الاخت خنساء وطلب نشرها تحقيقا للحقائق
Post: #2 Title: Re: صلاح عبدالله قف تأمل وياريت تجيب معك اساتذك خضر عطا المنان Author: Salah Abdulla Date: 10-13-2010, 09:33 PM Parent: #1
وقفنا ، وتأملنا !! هات ما عندك..
Post: #3 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-13-2010, 09:47 PM Parent: #2
صلاح عبدالله عود لبوستك عن مصطفي سيد احمد وتدليس استاذك خضر عطا المنان
Post: #9 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-13-2010, 10:01 PM Parent: #7
Quote: البدر ,,
أعتقدانك أوردت مداخلتك بالبوست أدناه عن طريق الخطأ وفتحت بها بوست هذا!!!
او قل عكست المداخلات المهم خلينا في الواقع هل استاذك خضر مصر على التدليس ام انت مصر على استاذيته لك
Post: #8 Title: Re: صلاح عبدالله قف تأمل وياريت تجيب معك اساتذك خضر عطا المنان Author: Salah Abdulla Date: 10-13-2010, 09:57 PM Parent: #5
Quote: صلاح عبدالله عود لبوستك عن مصطفي سيد احمد وتدليس استاذك خضر عطا المنان
بدرالدين
ليس لدي ما أقوله هنا ، ولا أتصور أنك والأخ خضر لديكما ما تضيفانه.. أعرض عن هذا يا صديقي ودع الأستاذ مصطفى (رحمه الله) يرقد بسلام.. فقد قتلتم سيرته نقة وكلام ، وحكاوي ، كفاية ، كفاية، كفاياااااااا.. إنتو ما بتفتروا ولا بتتعبوا من السيرة دي؟؟
رحم الله مصطفى سيدأحمد وأسكنه الجنة ، وجعل البركة في أهله وزوجه وذريته، ومعجبيه..
Quote: فقد قتلتم سيرته نقة وكلام ، وحكاوي ، كفاية ، كفاية، كفاياااااااا.. إنتو ما بتفتروا ولا بتتعبوا من السيرة دي؟؟
Post: #11 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-13-2010, 10:22 PM Parent: #8
Quote: بدرالدين
ليس لدي ما أقوله هنا ، ولا أتصور أنك والأخ خضر لديكما ما تضيقانه.. أعرض عن هذا يا صديقي ودع الأستاذ مصطفى (رحمه الله) يرقد بسلام.. فقد قتلتم سيرته نقة وكلام ، وحكاوي ، كفاية ، كفاية، كفاياااااااا.. إنتو ما بتفتروا ولا بتتعبوا من السيرة دي؟؟
صلاح عبدالله من حقك ان تهرب ولو من باب الحفاظ على الوسام الذى منحك له استاذك (المدلس خضر عطا المنان) بس مصطفي كان حقيقى والباحثين عن حقيقة من هو مصطفى كثر لذا من حقك ان تهرب من الحانة حين خصك بها بس سيرته حين تتناولها بونسة اركز لها تمنيت لو انك عقبت على رسالة الاخت خنساء او حتى احلتها لاستاذك خضر
Post: #12 Title: Re: صلاح عبدالله قف تأمل وياريت تجيب معك اساتذك خضر عطا المنان Author: Salah Abdulla Date: 10-13-2010, 10:37 PM Parent: #11
بدرالدين ،
كلامك أصبح مكرر ، وما فيهو أي جديد ، هذا أولاً . ثانياً ، أنا صلاح عبدالله ، وأتحدث عن نفسي وأعبّر عنها فإذا أردت مناقشتي أنا ، فمرحباً بك ، ونشوف منو البيهرب !! ثالثاً ، يبدو أنك تجبن من مواجهة ( الأستاذ ) خضر عطا المنان لذلك وجهت الكلام لي أنا وطلبت مني دعوة الاستاذ خضر !!! إنت مالك ،، محنن؟؟ ما تدعيه إنت !! خايف منو؟؟
لو عايزني أرد عليك وعلى الرسالة التي أوردتها فوجه كلامك لي أنا ده براااي ، بعدها ح أقيف واتأمل وأرد عليك..
زول قلت ليه قف تأمل قال ليك وقفت وتأملت تاني يسوي شنو يعني ؟ مع انو الرسالة الفوق دي ما فيها اي شئ يتأموه ولا يقيفو فوقوا .. وبعدين هل خنساء هذه معصومة أول ما تقول كلام .. نقوم نحنا نبصم عبهو بالعشرمية
كرهتنا مصطفى ذاتو بنقتك الكتيرة فيهو
Post: #15 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-14-2010, 09:14 AM Parent: #13
Quote: ثالثاً ، يبدو أنك تجبن من مواجهة ( الأستاذ ) خضر عطا المنان لذلك وجهت الكلام لي أنا وطلبت مني دعوة الاستاذ خضر !!! إنت مالك ،، محنن؟؟ ما تدعيه إنت !! خايف منو؟؟
صلاح عبدالله قلتها هنا من قبل اكثر من سنتين وكنت اعنى بها الخطل خضر وسميته باسمه (كونك لاتحب شخص ما فهذا لايعيبه ولا هو مسؤل عنه لكن كونك لاتحترم شخص فهذا يعود لشىء معيب فيه وانا لا احترم خضر عطا المنان ذلك المدلس لذا قلت لك انت جيبو معاك لتستبين الغى من الرشد ولانه استاذك
Quote: لو عايزني أرد عليك وعلى الرسالة التي أوردتها فوجه كلامك لي أنا ده براااي ، بعدها ح أقيف واتأمل وأرد عليك..
الكلام موجه ليك ياصلاح عبدالله لانى بحترمك ولانك صديق قديم اختلف معك برقة او بعنف ليس المهم لان هناك ثوابت انسانية جمعتنا وبها مستمرة العلاقة الاهم حين نؤرخ لشخصية عامة ولو من باب الونسة معها وعلينا التجرد من الانا الصغيرة مش عشان خضر دخل بوستك وقاليك انه تداخل من باب تقديره لك تقوم تغض الطرف عن اكاذيبه وتدليسه
Post: #16 Title: Re: صلاح عبدالله قف تأمل وياريت تجيب معك اساتذك خضر عطا المنان Author: محمد عبد الماجد الصايم Date: 10-14-2010, 10:40 AM Parent: #15
إنت وكت ما بتقبل في مصطفى .. بتقول على ود الأمين أراجوز ليه؟
Post: #17 Title: Re: صلاح عبدالله قف تأمل وياريت تجيب معك اساتذك خضر عطا المنان Author: محمد عبد الماجد الصايم Date: 10-14-2010, 10:41 AM Parent: #16
أيها القرّاء الكرام .. هذا البوست مثال حي لحالة بلع مزمنة!!
Post: #18 Title: Re: صلاح عبدالله قف تأمل وياريت تجيب معك اساتذك خضر عطا المنان Author: محمد عبد الماجد الصايم Date: 10-14-2010, 10:42 AM Parent: #17
Post: #27 Title: Re: صلاح عبدالله قف تأمل وياريت تجيب معك اساتذك خضر عطا المنان Author: كمال سالم Date: 10-14-2010, 02:05 PM Parent: #26
Quote: حقو الواحد يمسكك يعضيك في راسك العورة ده
ياعماد عبدالله حدد .. طاقيتك الفكيتها دى ممكن تلبس فى روسين كتيره هنا ,, ود الصائم راسو عوره وبدر الدين راسو عوره وأخوك راسو عوره وأظن خضر ذاتو راسو عوره . فدحين يا أخوى إنت قاصد ياتو رأس فى الريسين ؟؟
Post: #28 Title: Re: صلاح عبدالله قف تأمل وياريت تجيب معك اساتذك خضر عطا المنان Author: Salah Abdulla Date: 10-14-2010, 02:15 PM Parent: #27
Quote: ليس لدي ما أقوله هنا ، ولا أتصور أنك والأخ خضر لديكما ما تضيفانه.. أعرض عن هذا يا صديقي ودع الأستاذ مصطفى (رحمه الله) يرقد بسلام.. فقد قتلتم سيرته نقة وكلام ، وحكاوي ،كفاية ، كفاية، كفاياااااااا.. إنتو ما بتفتروا ولا بتتعبوا من السيرة دي؟؟
رحم الله مصطفى سيدأحمد وأسكنه الجنة ، وجعل البركة في أهله وزوجه وذريته، ومعجبيه..
Post: #29 Title: Re: صلاح عبدالله قف تأمل وياريت تجيب معك اساتذك خضر عطا المنان Author: Salah Abdulla Date: 10-14-2010, 02:21 PM Parent: #28
بدرالدين..
Quote: امسكو في كلام ودالأمير دا مجرم وصادق وذو ذاكره قويه جدا وتحياتي محمد طه الحبر
يلا إتفضل إستلم!!!!!!!
Post: #30 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-14-2010, 09:48 PM Parent: #29
Quote: اذكر حتي الان ماذا كان يرتدي وكل ذلك
بفضل الاستاذ صديق الزمن الجميل الشاعر
مدني النخلي......وحاجات كتيييييييييييرة
مافي داعي لذكرها......
حتى انت ياهرون عندك حاجات وكتييرة كمان بل ومستشهد بالشاعر مدنى النخلى كمان ؟؟؟؟؟ فعلا (والذين إذا خاطبهم الجاهلين قالوا سلامة ) تعال وقول لوعندك قول
.............. * من كتاب المطالعة " الأولية " .. الله يلوي خشم ... منو ؟!!
Post: #35 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-14-2010, 10:22 PM Parent: #30
Quote: بدرالدين..
Quote: امسكو في كلام ودالأمير دا مجرم وصادق وذو ذاكره قويه جدا وتحياتي محمد طه الحبر
يلا إتفضل إستلم!!!!!!!
صلاح تلك واحد من الورطات الرطنا لها مصطفي ومضى ومحمد طه الحبر يعبر عن نفسه في علاقتها بمصطفى وماسمعه عن من كانوا مع مصطفى في محطته الخيرة وذلك من خلال ونسات قبل ان تخلق هذه الاسافير هل تلعم حين رحل مصطفى محمدطه كان عمره ست سنين يعنى لمن كنت انت بتتونس ونستك ديك مع مصطفى محمد طه كان عُمر ثلاثة سنين لذا حين نتحدث عن شخصية عامة عشنا معها ونقول ذلك من خلال الكتابة فنحن نؤرخ حتى ولو قلنا انها ونسة هى لجيل اخر تاريخ يجب التحقق منه ومن صدق قائله ولذلك الجيل ادواته في التحقيق تعجبنا ام لم تعجبنا
Quote: فعلا (والذين إذا خاطبهم الجاهلين قالوا سلامة )
Quote: صلاح تلك واحد من الورطات الرطنا لها مصطفي ومضى ومحمد طه الحبر يعبر عن نفسه في علاقتها بمصطفى وماسمعه عن من كانوا مع مصطفى في محطته الخيرة وذلك من خلال ونسات قبل ان تخلق هذه الاسافير هل تلعم حين رحل مصطفى محمدطه كان عمره ست سنين يعنى لمن كنت انت بتتونس ونستك ديك مع مصطفى محمد طه كان عُمر ثلاثة سنين لذا حين نتحدث عن شخصية عامة عشنا معها ونقول ذلك من خلال الكتابة فنحن نؤرخ حتى ولو قلنا انها ونسة هى لجيل اخر تاريخ يجب التحقق منه ومن صدق قائله ولذلك الجيل ادواته في التحقيق تعجبنا ام لم تعجبنا
كلامك صح يابدر في لقاء مع مصطفي بإذاعه قطر ذكرت المذيعه لمصطفي الجاليه تطلب التخفيف في الآداء (يعني أغاني إستماع) وحينها بتسم مصطفي وقاطع حديثها وقال لها انا بغني الي جيل لم يأت حتي الأن... ودي سمعتها ع الطايش
وليس لدي دليل لإثبات صدقها أو تكذيبها
ومنتظرين كتابك يابدر حق الادوحه لمحطه الآخيره لمصطفي محمد طه الحبر
Post: #45 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-15-2010, 07:09 PM Parent: #44
Quote: شغالين على كيفكم هنا .. آيات و محايات و شخارم بخارم ..
اهلا بالمتنبى
Post: #46 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-15-2010, 07:26 PM Parent: #45
Quote: في لقاء مع مصطفي بإذاعه قطر ذكرت المذيعه لمصطفي الجاليه تطلب التخفيف في الآداء (يعني أغاني إستماع)
محمد طه اذاعة قطر اجرت لقاء واحد مع مصطفى خلال حفل عيد الاضحى 1995م وقد اجرى اللقاء الاذاعى القدير الصديق العزيز حازم طه والحفل كان تحت رعاية وزارة الاعلام والثقافة القطرية قبل ان تلغى الوزارة وتعود مرة اخرى بمسمى جديد ويعود لها بعد اكثر من عشرة سنوات وزيرها السابق والحالى الدكتور : حمد عبدالعزيز الكوارى
Post: #47 Title: Re: صلاح عبدالله قف تأمل وياريت تجيب معك اساتذك خضر عطا المنان Author: محمد عبد الماجد الصايم Date: 10-15-2010, 11:12 PM Parent: #46
يسألني الله أول مرة أشوف لي زول يسأل نفسو ويجاوب براو .. يدردق الكورة لنفسو ويشوتا براو برضو!!
Post: #48 Title: Re: صلاح عبدالله قف تأمل وياريت تجيب معك اساتذك خضر عطا المنان Author: Salah Abdulla Date: 10-15-2010, 11:58 PM Parent: #46
بدر .. سلام.
Quote: الكلام موجه ليك ياصلاح عبدالله لانى بحترمك ولانك صديق قديم اختلف معك برقة او بعنف ليس المهم لان هناك ثوابت انسانية جمعتنا وبها مستمرة العلاقة الاهم حين نؤرخ لشخصية عامة ولو من باب الونسة معها وعلينا التجرد من الانا الصغيرة مش عشان خضر دخل بوستك وقاليك انه تداخل من باب تقديره لك تقوم تغض الطرف عن اكاذيبه وتدليسه
رغم حرصي على عدم المشاركة في مثل هذه السيرة ولكن ، طالما أنك وجهت الحديث لي ، فهاك ردودي.. أولاً أختلف معك في أن الأستاذ خضر كاذب ومدلس ، فمن خلال ما أورده من مشاركات وكذلك في حديثه الصحفي مع الراحل مصطفى سيد أحمد لم أر له كذباً أو تدليساً، بل أورد ما حدث معه وأستشهد بأناس ما زالوا على قيد الحياة ودونك النصين ( نصك ، ونصه ) ويمكنك المقارنة لمعرفة الفروقات ، وستجد أنه لم يأتِ بما يخالف فكرة الراحل ، أو يغير في المقصود .. ثانياً ، بعد أن وقفت وتأملت في الرسالة التي أوردتها السيدة خنساء وجدت أنها لا تشكل في نظري إدانة للأستاذ خضر فمثلاً هذه الفقرة :
Quote: اود ان اورد بعض الحقائق والتي طرأ عليها تغيير من الآخ خضر ربما بسبب النسيان في الحوار الصحفي المذكور والفترة التي سبقته وتلته
فقد ذكرت السيدة أن بعض الحقائق طرأ عليها تغيير من الأخ خضر علماً بأن الحقائق الورادة في الحوار الصحفي ، وفي مسودة الحوار المكتوبة بيد الراحل لا يوجد بها فروقات تشكل تغيير في الحقائق !!!! (أرجع للنصين). الحقائق التي تهمنا ، هي الحقائق الواردة في النصين ، فأي حقائق تعنيها السيدة خنساء؟؟ وأحمد للسيدة خنساء أنها أوجدت العذر للأستاذ خضر وعزت التغيير الذي طرأ ( للنسيان ) ! (أنصح السيدة خنساء بمراجعة نص الحوار ومقارنته بردود الراحل بخط يده لتدرك أنه لم يطرأ تغيير على الحقائق الواردة في حوار الأستاذ خضر ، وليس للنسيان دخل فيها)!!!! أما هذه الفقرة :
Quote: لم يكن عرض النادي السوداني بداعي الشفقة كما صورها الاستاذ خضر
لم يصور الاستاذ خضر عرض النادي السوداني كأنه ( شفقة ) ، على الأقل هذا ما فهمته من خلال ما كتبه الأستاذ خضر الذي كتب الأتي :
Quote: ومن خلال وضعي رئيسا للفرقة الفنية وعضوا باللجنة الثقافية بالنادي السوداني بابوظبي فسأحاول احضاره الى الامارات لاحياء حفل هنا لو ظرفه الصحي يسمح وذلك في اطار دعمه ماديا تقديرا للظروف التي كان يمر بها وابدى الراحل موافقته
ويتبين من ذلك أن الموضوع كان عرضاً لإقامة حفلات بالامارات ، كما انه حدد الاطار ، وهو دعم الراحل مادياً فأين الشفقة هنا ؟؟ وهل كان سيوافق الراحل على ذلك لو علم أنها بدافع الشفقة ، وليس لأنه فنان يستحق أن تُقطع له الفيافي والبحور للاستماع إليه؟؟ وكذلك هذه الفقرة :
Quote: بل كان عرضا تجاريا مُجحفا
شخصياً أرى أنه لم يكن عرضاً مجحفاً ، حيث أن العرض كان ينص على أن يكون 40% لصالح النادي و60% لصالح الراحل في الحفل الأول . الحفلات الأخرى 20% لصالح النادي و 80% لصالح الراحل ، والأهم من ذلك أنه كان يمكن التفاوض حول هذا العرض ، وكان يمكن أن تتغير النسب لصالح الراحل ، فمثل هذه الاتفاقات دائماً قابلة للتفاوض. أما بقية ما ورد في الرسالة ، فلا شأن لي به ، حيث أنه حدث بين أشخاص محددين بالاسم يهمهم مصطفى ويمتون له بصلة القرابة ، يعني حديث عائلي ، أسري ..
هذا ما كان من شأن وقوفي وتأملي فيما أوردته أنت ودعوتني إليه وأعلم أن حديثي هذا لن يجد في نفسك هوى ، لأنه غير ما تريد ولكن ما باليد حيلة ، فما اراه حقاً يظل حقاً ولو أبيت..
أرجو أن نقف هنا ونترحم على الراحل مصطفى سيدأحمد ، ونعمل جميعاً على أن نحافظ على ذكراه دون منغصات ، ودون أن ندع ما يدور بينكم أنتم أحبابه وأصدقائه المقربين ، يؤثر على معجبيه ومحبيه ويؤلمهم..
Post: #49 Title: Re: صلاح عبدالله قف تأمل وياريت تجيب معك اساتذك خضر عطا المنان Author: نيازي مصطفى Date: 10-16-2010, 00:56 AM Parent: #48
وأرجو أن تضم ، في ميعة إعجابي بملاحظاتك ، إعجابي كذلك ب ود البشرى وبالمناسبة ، من زمن بعشق الثنائيات المعبرة بشرى / بشارة ميرغني المامون / أحمد حسن جمعة ود البشرى / ودالصايم ثنائي العاصمة ثنائي النغم ثنائي الجزيرة سعد الفن / رمضان
لكن أكتر ثنائي يصعب الفصل بينهما إن لم يكن مستحيل زولك البقنطر السؤال ده ، والبيشوت
Post: #55 Title: Re: صلاح عبدالله قف تأمل وياريت تجيب معك اساتذك خضر عطا المنان Author: محمد عبد الماجد الصايم Date: 10-16-2010, 01:21 PM Parent: #54
Quote: لكن أكتر ثنائي يصعب الفصل بينهما إن لم يكن مستحيل زولك البقنطر السؤال ده ، والبيشوت
والله يا عمكـ .. دي زاتا مرات ممكن تتبلع! المشكلة إنو مرات بهدي بوستات لنفسو .. شفت كيف؟
Quote: أرجو أن نقف هنا ونترحم على الراحل مصطفى سيدأحمد ، ونعمل جميعاً على أن نحافظ على ذكراه دون منغصات ، ودون أن ندع ما يدور بينكم أنتم أحبابه وأصدقائه المقربين ، يؤثر على معجبيه ومحبيه ويؤلمهم..
ده اكان فضل فيهم وااااااحد
خليها علي الله يازول....!!!!
Post: #58 Title: Re: صلاح عبدالله قف تأمل وياريت تجيب معك اساتذك خضر عطا المنان Author: Salah Abdulla Date: 10-16-2010, 06:43 PM Parent: #57
Quote: الا توافقني بان مصطفي السمحة قالو مرحلة وغدار دموعك افضل بكثير
من مصطفي اقترحتك ونوارس ومجدلية
لو سالتني انا يا ابو خليل
لا اوافق
Post: #61 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-16-2010, 10:54 PM Parent: #60
Quote: زولك البقنطر السؤال ده ، والبيشوت
ياوش الحمار الخطل خضر دلس كذب لكنه لم يبلغ مابلغته انت من عدم انسانية وقولك لمصطفى حا (ابول ) على راسك
Post: #62 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-16-2010, 11:44 PM Parent: #61
Quote: شخصياً أرى أنه لم يكن عرضاً مجحفاً ، حيث أن العرض كان ينص على أن يكون 40% لصالح النادي و60% لصالح الراحل في الحفل الأول
صلاح خلينا من الحوار الصحفي الذى كذب ودلس فيه استاذك خضر وقوله انه اخر حوار مع مصطفي وبديك فرصة اخرى للعودة لحوار الخطل خضر وما اوردته انا من اجابات مصطفي على ذلك الحوار واتحدى استاذك خضر يجيب اسئلته التى خطها بيده لمصطفى وكيف غير فيها او غيرتها الصحيفة حين رات عمق اجابات مصطفى لاسئلة الخطل الساذجة ناهيك عن ما اضافة الخطل من عنده .. وبرجع لباقى مداخلتك فقرة فقرة لانك تعنينى وبعلم ان سبورة بكرى لاها اهلك ولاقبيلتك ولاهى مصدر صداقاتك او مصهرك لمعدنك الذى تخاف لو ان عدم الرد عليك نسف لكونك موجود ناهيك عن عن وعن
Post: #63 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-16-2010, 11:50 PM Parent: #61
Quote: شخصياً أرى أنه لم يكن عرضاً مجحفاً ، حيث أن العرض كان ينص على أن يكون 40% لصالح النادي و60% لصالح الراحل في الحفل الأول
صلاح خلينا من الحوار الصحفي الذى كذب ودلس فيه استاذك خضر وقوله انه اخر حوار مع مصطفي وبديك فرصة اخرى للعودة لحوار الخطل خضر وما اوردته انا من اجابات مصطفي على ذلك الحوار واتحدى استاذك خضر يجيب اسئلته التى خطها بيده لمصطفى وكيف غير فيها او غيرتها الصحيفة حين رات عمق اجابات مصطفى لاسئلة الخطل الساذجة ناهيك عن ما اضافة الخطل من عنده .. وبرجع لباقى مداخلتك فقرة فقرة لانك تعنينى وبعلم ان سبورة بكرى لاها اهلك ولاقبيلتك ولاهى مصدر صداقاتك او مصهرك لمعدنك الذى تخاف لو ان عدم الرد عليك نسف لكونك موجود ناهيك عن عن وعن
Quote: وبرجع لباقى مداخلتك فقرة فقرة لانك تعنينى وبعلم ان سبورة بكرى لاها اهلك ولاقبيلتك ولاهى مصدر صداقاتك او مصهرك لمعدنك الذى تخاف لو ان عدم الرد عليك نسف لكونك موجود ناهيك عن عن وعن
Post: #95 Title: Re: صلاح عبدالله قف تأمل وياريت تجيب معك اساتذك خضر عطا المنان Author: Salah Abdulla Date: 10-18-2010, 04:15 PM Parent: #94
Quote: أنا ذاتي رفعتو مزاج تضامنا مع مديري الجديد
والله يا معتز أخوي ، مديرك الجديد قدر ما يزح من الشغب ، يلقاه لاحقو!! أمسك مني ودالصايم وود الأمير ديل.. الجماعة ديل عايزين يرجعونا بعد ما تبنا. بقوا جنهم شغب ، الله يكفينا الشر..
هارون يا قريبي ، يا ريت لو يرضوا ، والله بكرة دي ألمهم الناس ديل أخواني وأصحابي ..
ده كان زمان ، لمن الشكلة ذاتو كانت بتجيي إستروبيا يعني بالصدفة وبدون سبق إصرار وترصد ، عفوية كده فعشان كده أي محاولة للملمة والمطايبات بيصير منها وبتجدي فتيلا ( دي ممكن تستخدمها لاحقآ ) زي ، شروي نقير
اليوم العنكبة بيكون مخطط ليها بإتقان ومتعوب فيها فما ممكن نهدر ريعها سااااكت لمجرد مطايبة لا بتودي لا بتجيب ، أي ، لاتجدي فتيلا ، برضو وبيكون هدفها النهائي أن ترمي البايظ
تاني مجاني كده ، أقوم أدخل البايظ جيبي ؟
قوم لف أنت واللي معاك
قبل ما الواحد يفككم دبل بايظ ، سمبهار
Post: #97 Title: Re: صلاح عبدالله قف تأمل وياريت تجيب معك اساتذك خضر عطا المنان Author: Salah Abdulla Date: 10-18-2010, 04:56 PM Parent: #96
Quote: قبل ما الواحد يفككم دبل بايظ ، سمبهار
وسمبهار كمان يا بركة ، لكن كده ورقك ( بينقص ) والكوتشينة ( بتتدَّكَ )!!
اليوم العنكبة بيكون مخطط ليها بإتقان ومتعوب فيها فما ممكن نهدر ريعها سااااكت لمجرد مطايبة لا بتودي لا بتجيب ، أي ، لاتجدي فتيلا ، برضو وبيكون هدفها النهائي أن ترمي البايظ
تاني مجاني كده ، أقوم أدخل البايظ جيبي ؟
قوم لف أنت واللي معاك
قبل ما الواحد يفككم دبل بايظ ، سمبهار
ارجع تعال عود لينا
ورجع لينا ايام ...شروي نقير
والله فاقدين الجمال الفيك
والفيك اتعرفت.....!!!!
وهاك ديل هوادة
Post: #102 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-20-2010, 10:02 PM Parent: #100
Quote: اوعك تكون قاصدالآية الكريمة دي Quote: { وإذا خاطبهم الجاهلون قالوا سلاما }
ياتو وعى وياتو سلام ياهارون وقدرى ان اخاطبك ومن هم على شاكلتك حين تدعى وانت (كاذب ) ان عندك من سيرة مصطفى في الدوحة ما هو خاص ومعيب في حق الاخرين ولانك عاقل ماداير تبوح به وإستشهد بصداقتك ومعرفتك بالشاعر مدنى النخلى وانك كنت في صحبته اي الشاعر مندنى حين استقبال مصطفى بمطار الدوحة ياهارون دياب اتحادك واتحدى صديقك مدنى النخلى ان يقول انك غير كاذب
Quote: ياتو وعى وياتو سلام ياهارون وقدرى ان اخاطبك ومن هم على شاكلتك حين تدعى وانت (كاذب ) ان عندك من سيرة مصطفى في الدوحة ما هو خاص ومعيب في حق الاخرين ولانك عاقل ماداير تبوح به وإستشهد بصداقتك ومعرفتك بالشاعر مدنى النخلى وانك كنت في صحبته اي الشاعر مندنى حين استقبال مصطفى بمطار الدوحة ياهارون دياب اتحادك واتحدى صديقك مدنى النخلى ان يقول انك غير كاذب
يازول الجاب سيرة الوعي والسكر منو حسع....!!!!
ومنو القال عندو من سيرة مصطفي سيد احمد.....؟
يازول انت بتقرا بي شنو....؟
يازول هوي كدي اقرا المداخلة دي
تاني وبعدين رد
Quote: انا كنت من مستقبلي المرحوم مصطفي
بمطار الدوحة لحظة وصوله والله العظيم
اذكر حتي الان ماذا كان يرتدي وكل ذلك
بفضل الاستاذ صديق الزمن الجميل الشاعر
مدني النخلي......وحاجات كتيييييييييييرة
مافي داعي لذكرها......
لكن....
علي الطلاق بالتلاتة كرهونا غنا مصطفي واليوم
السمعنا فيهو الغناء ده زاااااااااااااااااتو
ياخي الدوحة جاها المرحوم الطيب صالح قبال مصطفي بعشرات
السنين....والمرحوم النور عثمان ابكر ايضاء بعشرات السنين
والكثيرييييييييييييييييين
رحلو بكل هدوء رغم انهم شغلو الدنيا بابداعهم عندما كانو احياء .
Post: #103 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-20-2010, 10:30 PM Parent: #101
Quote: إلى محمد عادل: رجّع الباسوورد لي صاحبو
ابو العزائم كلامك صاح (والباسورد البينى بينك انكسرت فيه قشة)
Post: #105 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-21-2010, 11:32 PM Parent: #103
Quote: شخصياً أرى أنه لم يكن عرضاً مجحفاً ، حيث أن العرض كان ينص على أن يكون 40% لصالح النادي و60% لصالح الراحل في الحفل الأول .
صلاح عبدالله اراك تقول ماهو مخجل في حقك وحق مصطفي وانت القانونى والإدارى والفنان هل كنت ترى ان يذهب مصطفى ويقيم حفل في الامارات على حساب دخل الحفل الذى يقيمه مهما كانت تكاليف ذلك الحفل المنظور منها والغير منظور ومن ثم يحاسب مصطفى على الربح والخسارة حسب دخل الحفل
Post: #106 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-22-2010, 11:50 AM Parent: #105
والله يا بدر الدين حقو تفتو ولاني زااتي استاهل كوني دخلت عش دبابير مبني علي خطاب متهتك.. وانت يا بدر يبدو انو البوصلة الاسفيرية بتاعتك فلتت وبقيت زول كايس للشينة وبتقابض من طرف ويبدو انو كااااكا ت ود الصايم وبعض الكاكااات الكاثوليكية لوووووووول قد ضربتك في مقتل اسفيري ولحقت بك الي غنم زهرة... والصورة اعلاه ولمصلحة القاري هي صورة في رحلة بورداب الدوحة والتغميضة دي ما عندها علاقة باي كركبة روحية وفبالله ما تتاجر بيها با بدر الدين وعاوز تقول اني طاشم ...ولانو انت عارف باني ما قاعد اعمل حاجة زي دي ...وطبعا لو شحنتها بدلالات مضللة ح اخليك لله وشيخي شكرالله..وعلي الاطلاق ما ح افكر انزل معاك الي القاع... واحنا فوووق عزنا صورة مغمضة ما بتهزنا
افووو افووو يا قريش انا ابو الكيك ابو كرعين مساويك اخضع لابتزاز وتهتك اسفيري واهرب من ساحات المعارك بدواعي الخوف من الفت..؟؟ فت بتاع فنيلة بدر الدين..!! وبدر الدين خلي الكركبة والتقريعات السوووهو فيهو الفووق دي كلها وعاوز يقزقز بي انا ويقعد يهدد فيني
Quote: افووو افووو يا قريش انا ابو الكيك ابو كرعين مساويك اخضع لابتزاز وتهتك اسفيري واهرب من ساحات المعارك بدواعي الخوف من الفت..؟؟ فت بتاع فنيلة بدر الدين..!! وبدر الدين خلي الكركبة والتقريعات السوووهو فيهو الفووق دي كلها وعاوز يقزقز بي انا ويقعد يهدد فيني
هلا يا سكورتا وتحياتي يا زول يا سمح واخا عزيز ورجل نبيل وراقي انت ياهارون فلك كل الشكر والتقدير .. وبدر ده الليلة يبدو قرر يجغجغ النحلة الاسفيرية بتاعتنا ودايرنا نتكركب معاه ونصرف عربي اسفيري حيبقي ليهو بمبي وكحلي والاثنبن معا.. وانا حسسع ح اجلس طوالي القرفصاء في هذا البوست وطلعت قرار باحتلاله وانتظار الفت يا بدر الدين ياخي عليك الله وشيخي شكر الله فتني ياااااخ وطلع عيني زااتو وخلينا نشوف ايش لون الفت
Quote: يا كي كي بطل مكابرة بدر الدين دا صعب ومتكل بالشعب
حاول تتفاوض معاهو
اصلو عيشتكم كلها بقت تفاوض
هلا يا ظلامي يا رعديد وطبعا انت كجمجاري اسفيري الحكاية دي وقعت ليك في جرح وشايفك عاوز تسمسر فحقو تعمل ساتر لانو الرش التقيل الجاي ورا احتمال راس صوتو يصلك .... مافي اي تفاوض بل هناك مطلب كبير وعريض بان يفتي بدر الدين والزول ده مادام صحبك فحقو تكلمو وقول ليهو فت كيكي ده والا ما ح اخليك الا تهنق حمار الوادي الاسفيري يا بدر الدين بالله تعال فتننننننني ياااخ عليك الله وشيخي شكر الله..
Quote: هلا يا سكورتا وتحياتي يا زول يا سمح واخا عزيز ورجل نبيل وراقي انت ياهارون فلك كل الشكر والتقدير .. وبدر ده الليلة يبدو قرر يجغجغ النحلة الاسفيرية بتاعتنا ودايرنا نتكركب معاه ونصرف عربي اسفيري حيبقي ليهو بمبي وكحلي والاثنبن معا.. وانا حسسع ح اجلس طوالي القرفصاء في هذا البوست وطلعت قرار باحتلاله وانتظار الفت يا بدر الدين ياخي عليك الله وشيخي شكر الله فتني ياااااخ وطلع عيني زااتو وخلينا نشوف ايش لون الفت
هلا يا قريش وعاااااااااقل يا معتز وكورتي كلها واطا وماعندي اي مطالب في هذه المرحلة سوي ان يفتني بدرالدين فتة تقيل ولا تاخذه بي رحمة ولا شفقة واعتقد بانو دي مطالب عادلة وعاقلة
بدر الدين وحامل ابريقه السابق معتز قريش بالله ما تميعو الصراع والقضية الاساسية بتاعتي في هذه المرحلة فانت يا بدر الدين قلت عاوز تفت فخش في الموضوع بالله توووش وسلمني الفت كاش وخلينا نقلل النقاش...
وسنتابع
Post: #124 Title: Re: صلاح عبدالله قف تأمل وياريت تجيب معك اساتذك خضر عطا المنان Author: بدر الدين الأمير Date: 10-22-2010, 10:53 PM Parent: #123
Quote: بدر الدين وحامل ابريقه السابق معتز قريش
إنت زعلت يادكتور
Post: #125 Title: Re: صلاح عبدالله قف تأمل وياريت تجيب معك اساتذك خضر عطا المنان Author: محمد عبد الماجد الصايم Date: 10-23-2010, 07:56 AM Parent: #124
كيكي يقاتل لكيلا يتم فتّه!!
الظاهر الواحد ح يضطر يقيف مع بدر الـ (دين) ويقول فتتوووووووو