Post: #1
Title: إعتذار
Author: أبوذر بابكر
Date: 10-13-2010, 05:37 PM
للجميع
عوين ورجال
جداد وقدام
الناس الجوه البلد والبره البلد
ناس الحكومة وناس المعارضة
ههههههههه
واعتذار خاص لى شيخ الدفة بكرى
لى "بشتنة" المنبر الحصلت الليلة بى سبب "الوجوه" التى تمطت وتمطت
ومطت معاها روحنا
والحمد لله
خلاس اخونا بكرى شكله ازال الأذى وآثار عدوان المط العجيب
وشكرا لكل الزملاء العزاز الواسونا فى تلك البلوة
ولا أراكم الله "مطا" فى بوست لكم
وامسحوها لينا فى وجوهنا كلهن
وارقدو عافية وسعادة
|
Post: #2
Title: Re: إعتذار
Author: اساسي
Date: 10-13-2010, 05:46 PM
Parent: #1
يا لورد
والله حننتني , ياخ دي شفافية غير عادية مبزولة بدون قيود وشروط
ياخي لو جينا للحق المفروض يتم الاعتذار لك من اصحاب الشاشات (المتقزمة) ما ذنبك يا لورد تكون امكانيات جهاز كمبيوترك اعلي من طاقة تحمل البورد
او طاقة تحمل شاشات الرشاشات
|
Post: #3
Title: Re: إعتذار
Author: ABUHUSSEIN
Date: 10-13-2010, 05:49 PM
Parent: #2
أبو ذر أخدت الموضوع بي جدية مبالغ فيها
أقول ليك حاجة وكلني أنا خليني عليهم و الزول الفوق لي دا اللي هو أساسي ببدأ ليك بيه
ياخي بتبالغ
الموضوع ما بستاهل كل الجدية دي
إنت وكلني و خلي الموضوع علي
|
Post: #4
Title: Re: إعتذار
Author: طيفور
Date: 10-13-2010, 06:29 PM
Parent: #3
غايتو جنس غايتو
هببت شنو انت يا وغد؟؟
وحات الله ورصول الله مشتاق ليك انت والوغد الضلامي التاني دا
:)
اسااااااااسي الضلامي ازيك ياخي
|
Post: #5
Title: Re: إعتذار
Author: اساسي
Date: 10-13-2010, 06:31 PM
Parent: #4
اووووو عمك طيفور يا
نعيما ياخ
|
Post: #6
Title: Re: إعتذار
Author: ABUHUSSEIN
Date: 10-13-2010, 06:34 PM
Parent: #5
طيفور إنت عايز ليك سبب معاي و لا شنو ؟؟؟؟
البوست دا فيه تلاتة سلمت على إتنين و فطيتني أنا
و الله ما أسلم عليك إلا تسلم علي إنت أولاً
|
Post: #7
Title: Re: إعتذار
Author: اساسي
Date: 10-13-2010, 06:37 PM
Parent: #6
والوغد الضلامي التاني دا يا ابو حسين محسن خالد ؟
انت شايف روحك يعني وغد كشافة يعني وعلماني
ما ياهو انت الوغد التاني دا الا بتفتش ليك سبب ساكت مع الخال
|
Post: #15
Title: Re: إعتذار
Author: أبوذر بابكر
Date: 10-14-2010, 04:03 PM
Parent: #6
ما فطاك يا ابو حسين ياخ
ما تبقى زول بتاع شبك
عمكم ده شيشكم عليهو
|
Post: #14
Title: Re: إعتذار
Author: أبوذر بابكر
Date: 10-14-2010, 04:02 PM
Parent: #5
عمك طيفور يا اساس كان "مشعف" ولا شنو ؟
لكين اعمل حسابك منه
الزول ده خترى جدن جدن
براك عارفو
ما يقوم يعوقك
|
Post: #10
Title: Re: إعتذار
Author: أبوذر بابكر
Date: 10-13-2010, 07:55 PM
Parent: #4
طيف + ور
وين يا عم الحاج
الشوق ارتال والله ليك
قبيل وفى صبيحة هذا اليوم الأغبش
حاولنا نخت لينا شوية "وجوه" لبعض الحاجات
قوم يا العنوان اتمطا وابقى سلبة بس
عليك امان الله بقا بى تلاتة كروت
ههههههههههههههه
وهاك يا نبيشة وهاك يا قومة ويا قعدة
لكين عمك بكرى لحقو سريع
ونفذ فيهو امرا قاضى
على قول الفرجونى
|
Post: #9
Title: Re: إعتذار
Author: أبوذر بابكر
Date: 10-13-2010, 07:51 PM
Parent: #3
يا ابا حسين
يا اب اضنين
نحيل سعادتكم الى ردنا على السيد اساسى
الشهير ب السمانى
على قول عمك السر قدور
ما جدية طبعا
لكين ما دام عولقنا ليكم الفجة قبيل
الاعتذار واجب
ولا شنو
|
Post: #8
Title: Re: إعتذار
Author: أبوذر بابكر
Date: 10-13-2010, 07:49 PM
Parent: #2
سمانى يا حبنا
والله ما قصة شفافية ولا شتين
لكين مشكلتى أنا بس ما بريد الحاجات الشينة والمبعزقة
طوالى بتضرسنى
وبحس بى نفسى دوراش دوراش
طالما انا عولقت لى شى سمح، مفروض طوالى نعتذر
المهم يا حاج خلاس الشغلانة اتفكت
تعرف يا اساسى اكتر شى مضحكنى شنو
انه البعزقة الحصلت دى كلها أنا ما شفتها
يعنى زولك شغال على المغطى ساى
ههههههههه
|
Post: #11
Title: Re: إعتذار
Author: محمد عبد الماجد الصايم
Date: 10-14-2010, 10:32 AM
Parent: #8
يا مطر .. ما مستاهلة ياخ!
زي ما قال أساسي دي شفافية زيادة عن اللزوم
ولا بتنفع مع ناس القناية القاعدين هنا ديل!!
شكرا ليكـ ياخ!
|
Post: #12
Title: Re: إعتذار
Author: بشير أحمد
Date: 10-14-2010, 10:41 AM
Parent: #11
المستنير /ابوذر
تحياتي وليك وحشة والله ؛
خليك كووول ياخي وبطّل حساسيه .
اسمع :
تلفونك ياهو زاتو ؛ ولاّ غيرتو ؟
التوقيع:الظلامي:بشير احمد
جدة أُم جداد.
|
Post: #13
Title: Re: إعتذار
Author: النذير حجازي
Date: 10-14-2010, 10:45 AM
Parent: #12
عزيزنا أباذر، ياخي والله إنك لعلى خلقٍ كريم
من مداخلاتك معانا الناس سمعتك كلام فارغ
وإنت بترد عليهم بكل تهذيب، والله بتغرب
إن يكون في سودانيز أون لاين ناس مهذبين
زيك، وكمان معاها إعتذار، يا زول أفتل
البورد زي ما عايز
وربنا يكتر من أمثالك الذين نفتقدهم بشدة
في هذا المنبر
|
Post: #19
Title: Re: إعتذار
Author: أبوذر بابكر
Date: 10-14-2010, 04:14 PM
Parent: #13
ازيك يا حجازى
يا زول يا سمح
وشكرا ياخ على الدعوات الجميلة
عادى والله
ويفترض الناس كلهم يكونو كده
حاجات بسيطة وساهلة وما بتكلف اى شى
يعنى مهما الزول عمل شى ما حلو، صغير ولا كبير
لو اعتذر يكون افضل طبعا
وما صعب برضو الزول يتعامل مع أى زول بالحاجات الايجابية
حتى لو جاتك منه حاجات سلبية
حتغير الوضع كله
عليك الله يا النذير نحن حنعيش فى الدنيا دى كم يعنى؟
الدنيا والحياة ممحوقة وشوية جدا، نحن ما حاسين بالشى ده
عشان كده لازم حاجتنا كلها نحاول على الأقل نخليها اجمل واحلى
ولا شنو بالله
بعدين شنو
ما تشوف المسكنة دى ساى
انا زول "سعلوق" جدا وكتال كوتلا ما تشوفنى كده
هههههههههههههههههههههههه
لكين دى حاجات كعبة طبعا
شكرا ليك ياخ
|
Post: #17
Title: Re: إعتذار
Author: أبوذر بابكر
Date: 10-14-2010, 04:10 PM
Parent: #12
عزيزنا بشير
كيف الأحوال يا حاج
زى ما قلت لى الخال اساسى
ما قصة حساسية والله
لكين شعرت بى انى سويت لى شى كعب
بغض النظر عن حجم الكعوبية او نوعها
عشان كده وجب الاعتذار
بالنسبة للتلفون
حتصدق لو قلت ليك انا لى زى تسعة شهور ما عندى رقم
كان عندى موبايلى، قام قالو بشتغل فى السودان
اها رسلته ليهم هناك وبقيت متلح تلفون المكتب بس
انا اكلت راسهم طبعا وخليتهم يجيبو شرائح موبايلى للمكتب
ملح ملح ساى يعنى
الله يسامحنا غايتو
ههههههههه
|
Post: #16
Title: Re: إعتذار
Author: أبوذر بابكر
Date: 10-14-2010, 04:06 PM
Parent: #11
الصايم
يا ابو دحكه جنان
على قول عب حليم حافظ
هههههههه
ولا اقول ليك
يا البيك نور اقليمك
ياخ كفاية على الأقل سعدنا بى قعدتك معانا دى
تعرف اقول ليك شى
اقسم بالله العظيم يا محمد
انا قاعد اتفائل بيك
والله جد
صعب جدا الزمن ده الزول يتفائل اصلا
فما بالك لما يلقى ليهو زول عنوان تفاؤل
شكرن ليك اتا ده
|
Post: #18
Title: Re: إعتذار
Author: طارق جبريل
Date: 10-14-2010, 04:12 PM
Parent: #16
شفافية غير معتادة هنا يا حبيب
|
Post: #20
Title: Re: إعتذار
Author: أبوذر بابكر
Date: 10-14-2010, 04:24 PM
Parent: #18
ازيك يا طارق
خلاس طيب نخلى الناس كلهم يبدو
ويكون شى معتاد ومألوف
شى بسيط والله وساهل وما بكلف اى شى
شكرا لى الطلة ياخ
|
|