Post: #1
Title: شاهدوا الآن البث الحي لصعود أول العامال المحتجزين في المنجم بتشيلي
Author: عوض عبدالله طه
Date: 10-13-2010, 03:56 AM
على الجزيرة
كل العالم يشاهد الحدث
حشود من الصحفيين من جميع أنحاء العالم
وبحضور رئيس جمهورية تشيلي
....
|
Post: #2
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عوض عبدالله طه
Date: 10-13-2010, 04:11 AM
Parent: #1
....
فلورينسو آفالوس
أحفظوا هذا الإسم
أول الصاعدين
لأن فضائيات العالم ستجعله مشهوراً
.....
تم اختياره بحكم أنه بدنياً أقوى وأصح العمال المحتجزين
....
|
Post: #3
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عوض عبدالله طه
Date: 10-13-2010, 04:15 AM
Parent: #2
....
تستغرق عملية الصعود 20 دقيقة
مرت منها حالياً 11 دقيقة
العالم يحبس أنفاسه
.....
|
Post: #4
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عوض عبدالله طه
Date: 10-13-2010, 04:21 AM
Parent: #3
خرجت الكبسولة الآن
...
70 يوماً تحت الأرض
استقبله أبنه
لحظة تاريخية
....
|
Post: #5
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عبد الحكيم نصر
Date: 10-13-2010, 04:42 AM
Parent: #4
شاهدت الموقف يا عوض وكان مؤثرا جدا
فقط اعجبني التجهيز وانهم لم يتركوا
شيئا للاحتمالات..
المشكلة في الزول الاخير ياخي ده حيكون
عايش في قلق الي ان يري ظهر الارض..
لحظات مليئة بالامل والترقب
|
Post: #6
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عوض عبدالله طه
Date: 10-13-2010, 05:23 AM
Parent: #5
| Quote: شاهدت الموقف يا عوض |
شفتك ... وابتسمت يا غالي 
....
عبد الحكيم (عامر) حبابك
غايتو أنا (أحمد) دي شفتها
وقلت :
قطع شك عمك عبد الحكيم ده
افتكرني أحمد محمد بشير
ونوبية كده ساي
اتداخل معاي في البوست
...
لك الشكر
عبد الحكيم نصر وشكراً على المرور
...
|
Post: #7
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عبد الحكيم نصر
Date: 10-13-2010, 06:05 AM
Parent: #6
والله يا عوض
ههههههههههههه
احمد ده جا من وين انا ما عارف
الظاهر المنظر بتاع الزول وهو يحتضن
اسرته ومستقبليه والرئيس عمل لي ارتجاج
في المخ..
تسلم يا عزيزي
|
Post: #8
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عوض عبدالله طه
Date: 10-13-2010, 09:01 AM
Parent: #7
.
.
7/33
حتى الآن
|
Post: #10
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: معتصم محمد صالح
Date: 10-13-2010, 09:11 AM
Parent: #8
تحياتي يا عوض ..
طبعا شاهدت حتى خروج الثالث بعد صيانةالكبسولة ..
لكن السؤال المحيرني هو لماذا يتم اخراج الاصحاء اولاً؟؟ مع انه في جميع حالات الطوارئ والكوارث يتم اسعاف وتقديم الضعاف والمرضى ..
|
Post: #11
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عثمان رضوان
Date: 10-13-2010, 09:23 AM
Parent: #10
الأخ عوض
تحياتي..
فعلاً الموضوع مؤثر جداً
مشاعر أهل المحجوزين لا يمكن وصفها.
الجميل في الأمر أن كل واحد منهم كان
يطلب أن يكون آخر من يخرج( يؤثرون على أنفسهم).
كل حكومات الدنيا تهتم برعاياها إلا ....
|
Post: #12
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: طه إبراهيم عبد الله
Date: 10-13-2010, 09:53 AM
Parent: #6
الأخ العزيز عوض عبد الله طه
سلام يا زول ويا زول سلام
| Quote: شفتك ... وابتسمت يا غالي |
والعبد لله أفشك هنا وابتسم مرتين 
بمناسبة الباكوورد بتاع عمك عبد الحكيم ( له التحية ) أنا محتاج منك هاتريك باكوورد
تعرف لغاية الآن وأنا لسه برلوم في المنبر خاطبني خمسة زملاء بصفة ( الزول سابقاً )
وأنا كل مرة أقول يا جماعة الزول سابقاً ده الأستاذ عوض عبد الله طه
وأنا البرلوم طه إبراهيم عبد الله .
الظاهر إنو اشتراكنا في اسمين ( عبد الله وطه ) التبست على الزملاء
وكمان أنا عارف إنك عقدت مؤتمر صحفي هنا يوم تنكرت للزول
ولم تنتظر حتى 9 يناير القادم ، ( هسع الزول دي عيبها شنو ؟ )
إنت حا تظل زوووول حتى لو أرسلت نسخة من شهادة الميلاد
لكل من عرفك هنا .
من ناحية أخرى أنا تفاءلت بالحكاية دي وقلت والله دا فأل حسن
الواحد لسه يومين ما تماهن في المنبر والزملاء يخاطبوه بهذا
الإرث الجميل والسمعة الطيبة .
لأنو لو كان حظي وحش لا سمح الله كان الاشتباك ده وقع لي
مع واحد من زملاء المنبر المشاكسين وكان اتنيلت نيله منيلة
في ستين نيلة وهكذا .
شفت السيرة الحسنة ينالك فضلها وتفيض لي غيرك كمان .
والحمد لله أصابتنا فيوض سيرتك الجميلة بين زملائك هنا .
لك الود يا جميل
|
Post: #13
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: على محمد الخير
Date: 10-13-2010, 11:06 AM
Parent: #12
| Quote: لكن السؤال المحيرني هو لماذا يتم اخراج الاصحاء اولاً؟؟ مع انه في جميع حالات الطوارئ والكوارث يتم اسعاف وتقديم الضعاف والمرضى .. |
اعتقد بانه تم اخراج الاصحاء اولا وذلك خوفا من ان تتعرض العمليات الاولية لسحب الكابسولة لاى عائق او طاريء تستغرق عمليات معالجتة الى مزيد من الانتظار والتريث واخذ زمن اطول، خاصة بالنظر الى المساحة الضيقة التى بالكابسولة مما يفسر حتمية ان يكون المستخرجون الاوائل على قدر كافى من الصحة تمكنهم من الصبر والانتظار فى هذه المساحة الضيقة محددوة الاكسجين الصعب فيها تقديم اى خدمات غذائية ربما تمد لوقت اطول ... واضعين فى الاعتبار الخروج باقل خسائر او ضرر اذا ما حدث اى مانع غير منظور... وهذا هو الفرق فى تفكير الناس وهذا هو الفرق فى ان نكون نحن فى العالم الثالث وغيرنا فى العالم الاول... ويبقى الانسان وحياته هى الاهم ...
فائق تقديرى ،،
|
Post: #14
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: معتصم محمد صالح
Date: 10-13-2010, 12:01 PM
Parent: #13
Quote: اعتقد بانه تم اخراج الاصحاء اولا وذلك خوفا من ان تتعرض العمليات الاولية لسحب الكابسولة لاى عائق او طاريء تستغرق عمليات معالجتة الى مزيد من الانتظار والتريث واخذ زمن اطول، خاصة بالنظر الى المساحة الضيقة التى بالكابسولة مما يفسر حتمية ان يكون المستخرجون الاوائل على قدر كافى من الصحة تمكنهم من الصبر والانتظار فى هذه المساحة الضيقة محددوة الاكسجين الصعب فيها تقديم اى خدمات غذائية ربما تمد لوقت اطول ... واضعين فى الاعتبار الخروج باقل خسائر او ضرر اذا ما حدث اى مانع غير منظور... وهذا هو الفرق فى تفكير الناس وهذا هو الفرق فى ان نكون نحن فى العالم الثالث وغيرنا فى العالم الاول... ويبقى الانسان وحياته هى الاهم ...
|
شكرا اخي علي
|
Post: #15
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: على محمد الخير
Date: 10-13-2010, 12:29 PM
Parent: #14
الله يديك العافية اخى معتصم...
وهذه من اول الصور التى نشرت فى العالم ... ويبدو فيها اول و اصح واقوى الناجين ...
|
Post: #16
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عوض عبدالله طه
Date: 10-14-2010, 04:12 AM
Parent: #15
33/33
....
|
Post: #17
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: طه إبراهيم عبد الله
Date: 10-14-2010, 04:40 AM
Parent: #16
حاجة تفرح والله
وبالمناسبة دي لو مريت علي بوست أخونا أبوبكر ( صور وصور )
حا تلقى روحك مرة تفرح ومرة تسرح ومرة تغلبك القراية
ومرة صابر فوق أساي ومرات ومرات تأكل الأحزان جواي
لما تشوف الصور تبعنا .
لكن 33/33
تفرح
|
Post: #18
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عوض عبدالله طه
Date: 10-14-2010, 05:55 AM
Parent: #17
....
زوولنا طه
المسقفاتي
كدى ما دام جيتنا بى هنا
النديك حقك من الشكر
تعرف مريت كم مرة على بوستك بتاع الكتب داك كم مرة؟؟
ياخي بوست رهيب ... ما بوست برالمة
لكن لقيت ليك الكلام كبار كبار ...فلاسفة وكده
قمت اكتفيت بالفرجة
حتى لينكاتي الجبتها عشان اعاشيكم بيهو ...مسكتها علي
قلت استر نفسك يا ود يا عوض ، ولم عليك لينكات المغامرون الخمسة ورجل المستحيل وألف نكتة ونكتة
وما تلخبت على الناس المسقفاتية ديل حاجاتم الكبار كبار دي
ياخي انتو أحسن عنوان مفهوم عندكم يقول :
(الفكر التلقائي المتفشي بين اللاارادي والعقل الجمعي في رؤية الفيلسوف بيشوب كاماتشو)
....
طه أخوي ...الكلام الفوق ده هظار ساي ...
فعلاً بوست ممتاز وقريباً سنأتيكم بما عندنا ...
ولك شكري الجزيل
...
موضوع الزوول دي بجيك ليها مرة تانية
....
|
Post: #19
Title: Re: شاهدوا الآن البث الحي لصعود أول العامال المحتجزين في المنجم بتشيلي
Author: عوض عبدالله طه
Date: 10-14-2010, 05:57 AM
Parent: #18
....
التكلفة الكلية
لإنقاذ 33 عاملاً
هي 22 مليون دولار
غاية الدقة في التنظيم والإنضباط
هنئياً لهم اهتمام حكامهم بهم
وهاردلكم
...
|
|