قناة هارموني: في فنانة من ما وصلوا نيجيريا ما شافوها تاني الى في الطياره وهم راجعين

هكذا اخبرني من شاهد دعاية لبرنامج سيبث يوم الاربعاء مساءا على قناة هارموني

تعبنا من السياسة زاتو، قلنا نشوف مواضيع
الهشتك بشتك




الخبر!!

البرنامج يتضمن لقطات مصورة مع احدى الفنانات المشاركات

وفي اجابتها على سؤال: هل كل حفلاتكم كانت في مشارح والحضور عام؟

نعم، في مسارح وعلى الهواء مباشرة

نعم، الرجل المستضاف في البرنامج ذكر ان رئيس البعثة هو من اخبره
بالفنانة الما شافها الا لمن جو يركبوا الطيارة راجعين

بس هو ما ح يقول اسمها

طشت وين دي؟؟

يمكن مانزلت من الطيارة من جو .. ماتظلمها ساي !!!




ـــــــــــــــ
ابن عوف ... سلامات ..

ود القاضي
ههههههههه

Quote: يمكن مانزلت من الطيارة من جو .. ماتظلمها ساي !!!

يا زول لا اظلمها لا شيتين
دا كله على ذمة هارموني والحساب يوم الاربعاء

خلاس يورونا الجواز نشوف فيه ختم دخول وللا لا؟
ودي زااااتو ما مضمونه
لانو في حاجة اسمها Visa out of passport
بدوهوا ليك لو تاشيرة بلد معينه في جوازك ممكن تجيب (ليك الكلام) لووووووول

يعني خلاص نسجلك معانا يا دفعة؟
ســـوادنيزاونلاين عالم جميل
.....
....
...
..
.
__
انا غايتو بساعدك بالصور الجابها السيالي

بعدين يا ود القاضي لقوها كيف تاني في الطياره وهم راجعين؟؟
الشيء مضيفة جوية وللا شنو؟؟
لا لا لا يا ود القاضي، مرافعتك مخستكه هههههههه
شوف ليك مكنه خارج بيها الزولة دي من هسع

امينو

اول هام، ابعد لينا مرصدك من البوست بتاعي دا، الغريق قدام

تاني هام

Quote: يعني خلاص نسجلك معانا يا دفعة؟ ســـوادنيزاونلاين عالم جميل

سجل يا حبيب، تصويت وما ح نصوت، نفسنا قايم في الفاضي ساااكت

Quote: انا غايتو بساعدك بالصور الجابها السيالي

النبي فوقك لا، كان دي صور العجول ديلاك هههههههههه

يعنى قصدك مانزلت كرعيها اصلو فى الواطه؟؟

اللهم ربى لاحساده...

ناس فى الكتاحه وناس على اكف الراحه،،،

Quote: النبي فوقك لا، كان دي صور العجول ديلاك هههههههههه

احيييييييييييييييييييييييييييي انــا
كدا انت زاتو ما بتنفع معانا

Quote: يعنى قصدك مانزلت كرعيها اصلو فى الواطه؟؟

لا حول الله ده اسمو شنو

ابن عوف



سلام

قالوا في مسارح متعددة على مختلف مدن ولاية الشريف..
يمكن ناس لدة ما أخذوها من الطيارة لحفلاتهم ورجعوها يوم العودة...
طبعا بيكون كمان عندها عازفين محليين.. مش الشريف مرتب كل شئ!!

Quote: يعنى قصدك مانزلت كرعيها اصلو فى الواطه؟؟ اللهم ربى لاحساده... ناس فى الكتاحه وناس على اكف الراحه،،،

ودالموج
سلام

ياخي كتلتني بالضحك..
أحسن الواحد تاني ما يدخل بين سطورك الخطيرة..

سامي وعبدالعزيز انتو الموديكم بين السطور شنو ؟!!

الصفوة صافي النية ...


حتى الآن لم يثبت انها نزلت *



ـــــــــــــــــ
*من الطيارة

الاخ صديق الموج
هههههههههه
بلنتيك دا

Quote: يعنى قصدك مانزلت كرعيها اصلو فى الواطه؟؟

اخير منو الفاول في خط ستة بتاع حكم مبارتنا مع غانا
الا يوقفوا البعثة كلها في خط المرمى

امينو
ههههههههههه

Quote: احيييييييييييييييييييييييييييي انــا كدا انت زاتو ما بتنفع معانا

مش قلت ليك ابعد مرصدك من البوست دا

العزيز عبدالعزيز
غايتو الشريف دا بذكرني ليك الشريف الما شريف بتاع افلام الكاوبويات
بتتذكروا بكون عفن عفانه، وما بكون سائل ليك في اي زول

Quote: قالوا في مسارح متعددة على مختلف مدن ولاية الشريف.. يمكن ناس لدة ما أخذوها من الطيارة لحفلاتهم ورجعوها يوم العودة... طبعا بيكون كمان عندها عازفين محليين.. مش الشريف مرتب كل شئ!!

احتمال برضو، منطقط اقوى شوية ما مكنة ود القاضي القال ما نزلت من الطيارة

لكن اصلوا الشريف دا ولايتو دي قدر شنو؟؟

Quote: ودالموج سلام ياخي كتلتني بالضحك.. أحسن الواحد تاني ما يدخل بين سطورك الخطيرة..

عبد العزيز عيسى سلام

يازول ما تأول قصدى (الشريف) ده..

لوووووول،،،

احتمال راحوا فى المطار يا عمك مطار نجيريا دة ما كبير كمان

ابو عوف سلامات

من اجل (الصحة) العامة للبوست يرجى من المدعو فائز ود القاضى الالتزام بتعليمات (الكمسارى و المضيفة ) شكرا

يمكن راحت عليها نومة وما صحت إلا يوم المغادرة عشان كدة ما شافوا
وعلي رأي المثل نوم في العسل من تمشي لامن تصل
يا إخونا أحمد بن عوف
يمكن زولك غلطان ولا غلطانة قناة هارموني؟
فالاجدي التثبت وعدم الخوض في الموضوع بالقوالات علي القنوات
واللهم رخص الرغيف
وأحفظنا من إنبساط (الشريف)

Quote: سامي وعبدالعزيز انتو الموديكم بين السطور شنو ؟!! الصفوة صافي النية ... حتى الآن لم يثبت انها نزلت * ـــــــــــــــــ *من الطيارة

فايز ودالقاضى كيفك

يا اخوى ديل مشو بين الشطور،،،،

Quote: يا اخوى ديل مشو بين الشطور،،،،

والله يا صديق الموج يمكن بين النحور

يا ود ابونعوف بطريقتك دي يوم ح تقتل فنانه

عثمان نواي

هو بالله ده موضوع...

نحن في شنو والحسانية في شنو؟؟

هسع قناة هارموني دي غير الهمز واللمز ما عندها شيء..

البلد في كف عفريت ويقولوا ليك فلانة كانت ما عارف؟؟؟

اللهم لا إعتراض في حكمك...

صحي الفتن من جنس العمل...

أحمد أخوي...

أخير السياسة على علاتها

تحية للكل

كدى النبدأ بي دا
المصدر: جريدة الوطن الالكترونية

Quote: تفيد تحريات «الوطن» أن بعض الفنانات السودانيات العائدات من رحلة نيجيريا الشهيرة، واجهتهن مشكلات أسرية كبيرة، بسبب الحملة الصحفية ضد الرحلة المشبوهة. وشنّ الفنان عبدالقادر سالم هجوماً عنيفاً على هذا النوع من الرحلات بهذه الكيفية، واعتبرها فوضى وتمثيلاً بالسودان وليس تمثيلاً له، وأنها تسيء لسُمعة الفن والشعب السوداني. وقال:«أنا ضد سفر المغمورين». وأن هذا النوع من الرحلات يجب أن يتم عبر القنوات الرسمية الخارجية والإعلام واتحاد الفنانين. وطالب سالم بالإسراع في تفعيل قانون المهن الموسيقية حتى ينظم مثل هذه الأمور ويوضع حداً لمثل هذا العبث. من جهته قال زيدان إبراهيم عضو اتحاد الفنانين إن هذه السفرية تمت بدون علم الاتحاد. وأبدى دهشته لمعايير الاختيار. جاء ذلك في سياق برنامج خاص ستبثه قناة هارموني في الأيام القادمة، حيث أجرت المحطة التلفزيونية المذكورة حواراً شفافاً مع رئيس التحرير الأستاذ عادل سيدأحمد والناقد المعروف الأستاذ السر السيد.

اولا الكلام بتاع الفنانة التي لم تظهر على المسارح قالوا عادل سيد احمد
وثانيا اقول انا من اشد المعجبين بالناقد السر السيد، شاهدته في كذا برنامج
ثالثا اللقطات او المقتطفات التي بثت ههههههههههه
زيدان ابراهيم : والله ما عارف ابدأ من وين وانتى من وين
عبدالقادر سالم : ما تختني في حتة ضيقة

البرنامج اسمه مواجهة تقديم شاب اسمه طارق يسن

كلام عجيب

فى الاسلام لا يثبت الزنا الا بشهادة اربعة شهود عدول

بعدين خلو الخلق للخالق و ما تدخلو فى خصوصيات الناس

عيب والله هذه المطاعنات والحديث كمان يأتى من رجل و على قناة تلفزيونية

بالله دى رجالة دى!!!!!!

احمد بن عوف سلامات

ياخي عجبني تعليق زيدان ابراهيم بس مفروض يلاقي ليهم عذر لانو زيدان زاتووو بعد مرات المسرح بيكون قداموا وبروح منو هاهاهاها خليك من مطار وجوازات .

تحياتي

زاتوووو

Quote: يعنى قصدك مانزلت كرعيها اصلو فى الواطه؟؟ اللهم ربى لاحساده... ناس فى الكتاحه وناس على اكف الراحه،،،

هههههههههههههههاي
ود الموج ..
هو في حسادة أكتر من كلامك ده..
نيجيريا دي بلد ( القدو قدو )

تقول لي واطة ؟؟

عثمان نواي

Quote: يا ود ابونعوف بطريقتك دي يوم ح تقتل فنانه

ههههههههه
دا عادل سيد احمد
انا ناقل الخبر بس

اخوي الكبير كمال كرار
كلامك عين العقل
لكن البحصل دا جزء من مأساتنا الاقتصادية والسياسية والاجتماعية
الحاجات ما بتنفصل من بعض، الانهيار بطال اي حاجة
POWER CORRUPTS, ABSOLUTE POWER CORRUPTS ABSOLUTELY

المنافسه شديدة بين القنوات، وقناة هارموني بتحاول تلقى ليها سوق
واعتقد الحلقة دي من برنامج مواجهة بتجيب ليها دخل ما بطال
حقو يدوني معاهم كوميشن هههههههههه

Quote: اخير السياسة على علاتها

هلكتنا هلاك

الاخ هشام المجمر
تحياتي

Quote: كلام عجيب

مافي شك، لكن انت قاصد شنو، الكلام في فنانة ما شافوها؟
وللا انو في كلام زي دا يطلع في الاعلام؟
المهم، الاتنين عجيبين

Quote: فى الاسلام لا يثبت الزنا الا بشهادة اربعة شهود عدول

براحه علينا يا هشام، طالع لينا بتعشيقه رقم اربعه طوالي هههههه
مافي زول هنا لحد هسه جاب اي اتهامات من اي نوع لا زول

Quote: بعدين خلو الخلق للخالق و ما تدخلو فى خصوصيات الناس

ديل مشو يمثلوا لفن السوداني، نخليهم كيف يعني؟؟
زمان قالوا (اها النجيب كلام السياسة) زمان قالوا لينا مشكلة
دارفور دي مشاكل عادية بين الرعاه والمزارعين، وبعض عصابات
النهب المسلح، الا في يوم استفاق الشعب السوداني ليكتشف
ان 300 قتلوا و4 مليون مشردين و 16 الف قوات دولية.

Quote: عيب والله هذه المطاعنات والحديث كمان يأتى من رجل و على قناة تلفزيونية بالله دى رجالة دى!!!!!!

برضو احسن من ما يوم نلقى الفيديوهات ماليه اليوتيوب ونبقى في فضحتونا
ووطيتو راسنا. الصدمة علينا بعدين ما بتكون شديدة

وخليني اهديك مقال وصلني بالايميل مع زميل البورد بابكر زيكو

Quote: مقال بقلم أحلام مستغانمي وصلتُ إلى بيروت في بداية التسعينات، في توقيت وصول الشاب خالد إلى النجوميّة العالميّة. أُغنية واحدة قذفت به إلى المجد• كانت أغنية "دي دي واه" شاغلة الناس ليلاً ونهاراً. على موسيقاها تُقام الأعراس، وتُقدَّم عروض الأزياء، وعلى إيقاعها ترقص بيروت ليلاً، وتذهب إلى مشاغلها صباحاً. كنت قادمة لتوِّي من باريس، وفي حوزتي مخطوط "الجسد"، أربعمائة صفحة قضيت أربع سنوات في نحتها جملة جملة، محاوِلة ما استطعت تضمينها نصف قرن من التاريخ النضالي للجزائر، إنقاذاً لماضينا، ورغبة في تعريف العالم العربي إلى أمجادنا وأوجاعنا.لكنني ما كنت أُعلن عن هويتي إلاّ ويُجاملني أحدهم قائلاً: "آه.. أنتِ من بلاد الشاب خالد!"، واجداً في هذا الرجل الذي يضع قرطاً في أذنه، ويظهر في التلفزيون الفرنسي برفقة ######ه، ولا جواب له عن أي سؤال سوى الضحك الغبيّ، قرابة بمواجعي. وفوراً يصبح السؤال، ما معنى عِبَارة "دي دي واه"؟ وعندما أعترف بعدم فهمي أنا أيضاً معناها، يتحسَّر سائلي على قَدَر الجزائر، التي بسبب الاستعمار لا تفهم اللغة العربية! وبعد أن أتعبني الجواب عن "فزّورة" (دي دي واه)، وقضيت زمناً طويلاً أعتذر للأصدقاء والغرباء وسائقي التاكسي، وعامل محطة البنزين المصري، ومصففة شعري عن جهلي وأُميتي، قررت ألاّ أفصح عن هويتي الجزائرية، كي أرتاح. لم يحزنّي أن مطرباً بكلمتين، أو بالأحرى بأغنية من حرفين، حقق مجداً ومكاسب، لا يحققها أي كاتب عربي نذر عمره للكلمات، بقدر ما أحزنني أنني جئت المشرق في الزمن الخطأ. ففي الخمسينات، كان الجزائري يُنسبُ إلى بلد الأمير عبد القادر، وفي الستينات إلى بلد أحمد بن بلّة وجميلة بو حيرد، وفي السبعينات إلى بلد هواري بومدين والمليون شهيد ... اليوم يُنسب العربي إلى مطربيه، وإلى الْمُغنِّي الذي يمثله في "ستار أكاديمي" ... وهكذا، حتى وقت قريب، كنت أتلقّى المدح كجزائرية من قِبَل الذين أحبُّوا الفتاة التي مثلت الجزائر في "ستار أكاديمي"، وأُواسَى نيابة عنها .... هذا عندما لا يخالني البعض مغربية، ويُبدي لي تعاطفه مع صوفيا. وقبل حرب إسرائيل الأخيرة على لبنان، كنت أتابع بقهر ذات مساء، تلك الرسائل الهابطة المحبطة التي تُبث على قنوات الغناء، عندما حضرني قول "ستالين" وهو ينادي، من خلال المذياع، الشعب الروسي للمقاومة، والنازيون على أبواب موسكو، صائحاً: "دافعوا عن وطن بوشكين وتولستوي". وقلت لنفسي مازحة، لو عاودت إسرائيل اليوم اجتياح لبنان أو غزو مصر، لَمَا وجدنا أمامنا من سبيل لتعبئة الشباب واستنفار مشاعرهم الوطنية، سوى بث نداءات ورسائل على الفضائيات الغنائية، أن دافعوا عن وطن هيفاء وهبي وإليسا ونانسي عجرم ومروى وروبي وأخواتهن .... فلا أرى أسماء غير هذه لشحذ الهمم ولمّ الحشود. وليس واللّه في الأمر نكتة. فمنذ أربع سنوات خرج الأسير المصري محمود السواركة من المعتقلات الإسرائيلية، التي قضى فيها اثنتين وعشرين سنة، حتى استحق لقب أقدم أسير مصري، ولم يجد الرجل أحداً في انتظاره من "الجماهير" التي ناضل من أجلها، ولا استحق خبر إطلاق سراحه أكثر من مربّع في جريدة، بينما اضطر مسئولو الأمن في مطار القاهرة إلى تهريب نجم "ستار أكاديمي" محمد عطيّة بعد وقوع جرحى جرّاء تَدَافُع مئات الشبّان والشابّات، الذين ظلُّوا يترددون على المطار مع كل موعد لوصول طائرة من بيروت. في أوطان كانت تُنسب إلى الأبطال، وغَدَت تُنسب إلى الصبيان، قرأنا أنّ محمد خلاوي، الطالب السابق في "ستار أكاديمي"، ظلَّ لأسابيع لا يمشي إلاّ محاطاً بخمسة حراس لا يفارقونه أبداً .. ربما أخذ الولد مأخذ الجد لقب "الزعيم" الذي أطلقه زملاؤه عليه! ولقد تعرّفت إلى الغالية المناضلة الكبيرة جميلة بوحيرد في رحلة بين الجزائر وفرنسا، وكانت تسافر على الدرجة الاقتصادية، مُحمَّلة بما تحمله أُمٌّ من مؤونة غذائية لابنها الوحيد، وشعرت بالخجل، لأن مثلها لا يسافر على الدرجة الأُولى، بينما يفاخر فرخ وُلد لتوّه على بلاتوهات "ستار أكاديمي"، بأنه لا يتنقّل إلاّ بطائرة حكوميّة خاصة، وُضِعَت تحت تصرّفه، لأنه رفع اسم بلده عالياً! ولا حول ولا قوّة إلاّ باللّه.. أواه.. ثمّ أواه.. مازال ثمَّة مَن يسألني عن معنى "دي دي واه"!

الاخ د. عمر
تحياتي

Quote: يا إخونا أحمد بن عوف يمكن زولك غلطان ولا غلطانة قناة هارموني؟ فالاجدي التثبت وعدم الخوض في الموضوع بالقوالات علي القنوات

الكلام مسئول منو القالوا، ووقت طلع على التلفزيون فبعد كده
دفن الرؤوس في الرمال ما بجيب نتيجة، طبعا البوست دا مفتوح
لاي زول داير يناقش اي حاجة، انهيار الفن انهيار الاعلام، الاعلام
السوداني ماشي في ياتو سكة...
لكن قطعا ما همانا هي منو وطشت وين وكانت بتعمل في شنو
تأكد اخي دكتور عمر ان هذه الامور لا تهمني ولا اريد ان اعرف
من هي.

Quote: واللهم رخص الرغيف وأحفظنا من إنبساط (الشريف)

آمين

يمكن شالاتا نومة والجماعة ماشافوها إلا في الطيارة المغادرة لو في السعودية نقول عمرة وزوغة وطالما هناك حديث لما يجيش (بالصدور) وكلمات تحت (السطور) فالنقول )نقطة( سطر جديد وحان وقت النقاط علي الحروف

Quote: ديل مشو يمثلوا لفن السوداني، نخليهم كيف يعني؟؟

اولا السؤال : ياتو فن سودانى ؟

اثنين:

هل تم اختيارهن لهذه الرحلة من جهة حكومية لتمثيل الفن السودانى او اختارهن اتحاد فنانين او اى جهة أخرى لكى تتم محاسبتهن على أدائهم الفنى؟ ( لاحظ الاداء الفنى و ليس السلوك)

Quote: زمان قالوا (اها النجيب كلام السياسة) زمان قالوا لينا مشكلة دارفور دي مشاكل عادية بين الرعاه والمزارعين، وبعض عصابات النهب المسلح، الا في يوم استفاق الشعب السوداني ليكتشف ان 300 قتلوا و4 مليون مشردين و 16 الف قوات دولية.

هل اتت احدى هذه الفنانات ما يخالف القانون او تم القبض عليها بالجرم المشهود؟ الجماعة الذاكرهم انت فوق ديل كانو بيقتلو وبيشردوا و بيخالفو القانون

هذا الموضوع الذى اعتبر احداثه عادية جدا و لا تستحق هذه الضجة.


يا احمد ما يجرى للسودان الآن هو الحدث الاكبر و المهم

البلاد ماشة للتقسيم وانتو بتتكلمو عن فنانة ما عرفتو مشت وين؟

الاخ هشام المجمر
تحياتي

Quote: اولا السؤال : ياتو فن سودانى ؟

ياهو القاعدين نشوف فيهو اليوم كله، 11 قناة فضائية سودانية
لابد وفي احسن الاحوال ان 6 منهم بكونوا مشغلين فن سوداني في نفس اللحظة
ياخي في يوم من ايام العيد ترباس كان بغني في 3 قنوات في نفس اللحظة
احنا شعب فنان ياخي

Quote: هل تم اختيارهن لهذه الرحلة من جهة حكومية لتمثيل الفن السودانى او اختارهن اتحاد فنانين او اى جهة أخرى لكى تتم محاسبتهن على أدائهم الفنى؟ ( لاحظ الاداء الفنى و ليس السلوك)

دي كانت نقطة او يبدو انها ستكون نقطة حوار ساخنة في البرنامج

Quote: هل اتت احدى هذه الفنانات ما يخالف القانون او تم القبض عليها بالجرم المشهود؟

حنكذب على نفسنا يا هشام، في زول ما شاف العوامه في القروش
مع انها ما جريمة، لكن هل قبلانها؟؟ الحكم في هذه المسائل لا يشترك
فيه الجرم والذي يعاقب عليه القانون

Quote: الجماعة الذاكرهم انت فوق ديل كانو بيقتلو وبيشردوا و بيخالفو القانون

300 الف ماتوا و 4 مليون ديل كلهم مجرمين؟؟!!! دا كلام شنو يا هشام
لكن انساك من الحته، دا ما موضوعنا، المهم ما يستفاد من الدرس
ان الناس ما تعمل غبيانه من الحاصل حوليها وتعمل نايمه، في مشكلة كبيرة
يعني في مشكلة كبيرة، ما يخصنا هنا هو مشكلة التمثيل الخارجي للفنانين

Quote: هذا الموضوع الذى اعتبر احداثه عادية جدا و لا تستحق هذه الضجة.

نتمنى ان تكون احداث نيجيريا عادية ولا يكون فيها ما يستحق الضجة

Quote: يا احمد ما يجرى للسودان الآن هو الحدث الاكبر و المهم البلاد ماشة للتقسيم وانتو بتتكلمو عن فنانة ما عرفتو مشت وين؟

ملينا من السياسة، لازم ترجعونا ليها، بمزح معاك، هههههههههه منذ انضمامي للمنبر ولم
اكتب الا في السياسة وحال البلد المايل، خلونا نغير شوية

يا لسهولة الخوض فى اعراض الناس و سمعتهم فى هذا المكان البائس

الزول زاتو
كيفك يا رجل

Quote: ياخي عجبني تعليق زيدان ابراهيم بس مفروض يلاقي ليهم عذر لانو زيدان زاتووو بعد مرات المسرح بيكون قداموا وبروح منو هاهاهاها خليك من مطار وجوازات .

تابع البرنامج، نشوف باقي كلامه

اخونا عوض محمد احمد
تحياتي

Quote: يا لسهولة الخوض فى اعراض الناس و سمعتهم فى هذا المكان البائس

قصدك بالمكان قناة هارموني وللا سودنيزاونلاين؟؟
وللا بوستي دا تحديدا
والله بسألك وما داير منك اجابة، وبسالك ولا بحمر ليك ولا بحدر ليك في الضلمة

الموضوع دا من السفره الاولى ديييييييك واحنا راسنا بفور، وشايف لحد هسع
مافي زول من المتداخلين وانا اشكرهم على ذلك، لا جابوا اسم فنانه لا رسموا
سيناريوهات خادشة للحياء.

لكن الح يذيعوه بكره دا اي زول ح يشوفه، زوجتي وزوجتك وابنائي وابناءك
نودي وشنا وين
نرد نقول شنو ونحكي لاولادنا عن عظمة السودان والفنان السوداني كيف؟؟
اها، بعد كلامي دا ممكن توافقني انو المكان البائس لا هو قناة هارموني ولا هو موقع سودانيز
ذنبهم شنو وهم وسائط اعلامية لا اكثر ولا اقل
المكان البائس يا هو السودان او نيجيريا او كلاهما معا، فكلا حكامهم يخوضان
في اموال بترول شعوبهم بالحرام والسرقة

Quote: تعبنا من السياسة زاتو، قلنا نشوف مواضيع الهشتك بشتك

الهشتك الزي في السياسة بتلقاهو ..

هارموني لو عاوزة تجيب كلام زي دا بتضر نفسها بنفسها

العزيز محمد حسن العمدة
تحياتي

Quote: الهشتك الزي في السياسة بتلقاهو ..

غلبني تب انزل لمستوى عضوية المؤتمر الوطني والكيزان عموما في لغتهم المنحطه
في بعضهم ممكن تتحاور معاهم وبناقشوك بأدب لكنهم قله قليله جدا

Quote: هارموني لو عاوزة تجيب كلام زي دا بتضر نفسها بنفسها

هارموني جابتو وانتهى في لقطات من البرنامج للدعاية
وهي وحساباتها، ديل خبراء في الاعلام وهم ادرى بمصالحهم
احنا كمستهلكين ما علينا الا التعليق النقد زاتو ما بنقدر عليهو

الناس ديل عديل كده قاصدين ندى القلعة وندى
ردت ليهم في اغنية واضحة

وحقيقي هي الفنانة الاولى حاليا في السودان
اذا ابو او رفضو
نقدر اي رحلة فنية للخارج

هنالك تنسيق مسبق وعقد مدفوع لندى
زولة وعاية ومحترفة بتعرف كيف تاخد حقها

والشريق انبسط منهاالله يزيده

الاخ حافظ

Quote: الناس ديل عديل كده قاصدين ندى القلعة وندى ردت ليهم في اغنية واضحة

حسب علمي انو ندى ما كانت تبع الجوقة الاخيرة المشت نيجيريا
هم قاصدين زوله تانية

المصيبه يابن عوف قالوا الشريف جاى الخرطوم
هذا ماتناقلته الأنباء .
ياربى الزول ده حيبسط الشعب السودانى كلوا ؟
بس إنشاء الله الكرعين كلها تكون واطه !!

الاخ كمال سالم
تحياتي

Quote: ياربى الزول ده حيبسط الشعب السودانى كلوا ؟

لمن يحكمك نظام رأسمالي بغيض زي بتاع الكيزان
لمدة عشسرين سنة، والشعب يفهم انو الزول الما عنده
قروش لاقيمة له، عشان كده لا نستغرب ان تسيل لعاب
البشر عندما يرون المال (راقد هبطرش)

لمن تسمع خبر ان جريدة زي الانتباهه انتهت سريع جدا في المكتبات
يوم صدورها، فيبقى كلام الامام صاح، انو البلد فيها ازمة اخلاقية كبيرة

الشريف
مبسوط
منهم
عشان هو بريد
فنهم

ابن عوف

يازول مش كان
اخير ساس يسوس
وهو سايس,,,

بكون عندها خالتها هناك

Quote: بكون عندها خالتها هناك

ههههههههههه
دي قوية يا ابقوته
تابع اليوم على قناة هارموني الساعة عشرة
تحياتي

Quote: تعبنا من السياسة زاتو، قلنا نشوف مواضيع الهشتك بشتك

...
والله .. اخير يك سياستك .. هشتك بشتكك دا وبعض ما كتب هنا يطمم البطن ..
التحية لي معتصم الجعيلي .. وكل كوادر قناة هارموني ..
..

بلاي البورد دا عادي الواحد بقى يدخل ويلقى الهشتك بشتك بتكتب على الهواء كدا ومن غير اي اهتبارات ..
عادي جدا يعني ..

ازيك يا تمبس
تحياتي
ومن اساء الى معتصم الجعيلي او الى قناة هارموني؟

Quote: وبعض ما كتب هنا يطمم البطن ..

اي زول مسئول من البكتبوا يا تمبس، ونعتذر مقدما لو البوست حمل اي اساءه
تسببت في ازعاج، لكن دا حال الدنيا على الاقل في سودانيز، مافي بوست بمشي
زي ما صاحبه عاوز ولا زي ما المتداخلين عايزين

Quote: عادي جدا يعني

Quote: بلاي البورد دا عادي الواحد بقى يدخل ويلقى الهشتك بشتك بتكتب على الهواء كدا ومن غير اي اهتبارات .. عادي جدا يعني ..

الكام دا يحول لصاحب البورض، انا برضو ما مسئول منو

الاخ تمبس
وسط الركام الفوق في حاجات كتيرة كويسه اتقالت وتعليقات تستحق الوقوف عندها
كده قول لينا توقعاتك لبرنامج الليله، هل سيفجر مزيد الاسئلة المحرجة للبعثة الفنية
ام سيضع النقاط على الحروف واي زول يرتاح

يا ود القاضى
الما شافوها الإ فى الطيارة عادى جدا ما تعقدوا المواضيع دى بتكون راكبة ترانزيت بس
بشى من المنطق
اذا كان لرحلة اهداف أخرى فما هو الهدف من تسفير هذا العدد الضخم؟
يعنى الشريف دا حاوى؟

سلام يا حبيب الكل
وشكرا لمرورك

يا اخوانا عندنا تصحيح لكلام كتبتو فوق

الصحيح ليس رئيس البعثة من اخبر الاستاذ عادل سيداحمد بنظرية وصل ولم يظهر

بل حسب افادته في البرنامج، ان شخصا يثق به، اخبره ان الفنان حسين شندي
هو من اخبره بأن فنانه لم تظهر الا عند رجعونا في الطياره.

ما علينا

البرنامج كان جيد، لكن مقدم البرنامج محتاج تدريب زيادة، ياخي في زول بقول (الهناي)!!

الاستاذ السر السيد، كان مرتب وعارف داير يقول شنو
الاستاذ عادل سيد احمد كان واضح ولم يجرح احد

وليد زاكي الدين، قدر ما حاولت اعرف هو قال شنو او داير يقول شنو ما عرفت

الاستاذ احمد المك : نظام ديل مرقوا لي من وين ديل

الاستاذ حسين شندي : متمني اعرف الزول دا غير الغناء كان او بيشتغل شنو؟

الاساتذة زيدان وعبدالقادر سالم (لهم التحية) كانوا مستائين جدا من الحاصل

انصاف مدني : شجاعة وشكلها مستعدة تواجه اي زول

وجدان الملازمين : كانت خايفه جدا، والزول العمل معاها اللقاء التقول بتاع امن
ياخي هرشها ليك وهي خافت، كان مفروض يكون الطف شوية ويطرح الاسئلة بشكل سلسل
مش التقول تحري في جريمة قتل.

سلامات أخ أحمد

أنا تابعت الجزء الأخير من البرنامج امس ، وأول ملاحظة طلعت بيها تحامل عادل سيد احمد الغير مبرر تجاه الفنانات ديل بي صورة مبالغ فيها . وكانو متاكد من إنو في ممارسات غير أخلاقية تمت في الرحلة دي !

رغم إنو كل الناس العملو استطلاعات معاهم ( انا شفت حسين شندي + إنصاف مدني + وجدان الملازمين ) كلهم أكدوا إنو الحفلات كانت في إطار أحتفالات عادية بي عيد إستقلال نيجريا ، وكان معاهم فنانين من جنسيات تانية ، وما كان فيها أي حاجة معيبة . وكانو نازلين كلهم في نفس الفندق .

أجمعوا برضو علي إنو الحفلات كانت تقام في أماكن عامة ( إستاد + صالة مناسبات كبيرة ) وحضروها مجموعة كبيرة من النيجيريين .

يعني ما بتقدر تأكد من خلال كلامهم إنو في شئ ما طبيعي حصل !

كونو الإختيار للفنانات ديل ما تم عن طريق إتحاد الفنانين أو غيرو من الجهات ده ما بيخلينا نقول إنو ده وضع ما طبيعي ، لأنو عادي بمشو فنانات كتار يغنوا بره السودان في حفلات كتيرة بدون ما يكون الإتحاد عندو دخل بي الموضوع ده.

الشئ الداير أقولو ، إنو تناول سيرة الناس بي الغمز واللمز والخوض في الأعراض بدون دليل بي النسبة لي مرفوض تماماسواء ان كان من أفراد أو جهات زي الجرائد او القنوات ، شوف في كم شخص وكم أسرة ممكن تضرر من تناول زي ده ، وقد يكون بلا سبب من أساسو؟!

وفي ظني برضو إنو الشريف ده لو عندو غرض ما سوي لا سمح الله في دعوتو لي فنانة بي عينها كان ممكن الموضوع ده يتم بي كل هدوء وبعيدا عن أعين الصحافة ، وفي الحالة دي برضو ما بنحكم علي كل الفنانات البيسافرو بره بي انهم سافرو لي أغراض مشبوهة .. يعني ما صح نطلع الموضوع من إطارو الفردي ونعممو بي الصورة المخلة دي.






___________
هو عليك الله يا أحمد يا أخوي مشاكل البلد الكتييييييرة دي خلاااص كلها انحلت لامن بقينا في فلانة سوّت وعلانة فعلت !

أهلين يا ابنعوف ..

Quote: ازيك يا تمبس تحياتي ومن اساء الى معتصم الجعيلي او الى قناة هارموني؟

.. الاساءة دي يا سيدي ما غلا تجي مباشرة تقول للواحد أعور في عينو .. في البورد دا .. الاساءة خشم بيوت وليها مية طريقة كأن تفتح إنت مجال لي كدا .. ويجي غيرك بي سبب وبدون سبب ياخد راحتو شديد ..
عنوان البوست وكمية الاثارة الفيهو بيوحي إنو قناة هارموني هي الصادر عنها التصريح ..

Quote: يا زول لا اظلمها لا شيتين دا كله على ذمة هارموني والحساب يوم الاربعاء

وكلامك بيؤكد تثبيت الحقيقة دي ..

Quote: اولا الكلام بتاع الفنانة التي لم تظهر على المسارح قالوا عادل سيد احمد وثانيا اقول انا من اشد المعجبين بالناقد السر السيد، شاهدته في كذا برنامج ثالثا اللقطات او المقتطفات التي بثت ههههههههههه زيدان ابراهيم : والله ما عارف ابدأ من وين وانتى من وين عبدالقادر سالم : ما تختني في حتة ضيقة البرنامج اسمه مواجهة تقديم شاب اسمه طارق يسن

.. انا كنت حريص جدا على حضور البرنامج وفي نفس الوقت ظروفي حرمتني لكن كنت محظوظ إنو سمعت راي زيدان وعبد القادر سالم وبعض الاراء من الشارع ..
حرصي على حضور البرنامج كان تنفيذ لي رغبتك من ناحية ومن ناحية تانية علشان كلام الجرايد بقى يتقطع ساي من الراس وعامل زي الكتابة في البورد دا .. الواحد يجي يكتب اي كلام أو كلام مشاتر .. ويستفز الناس ويبقى ليهو اسم ما بين يوم وليلة ..
على العموم ... الكلام الاتقال .. والحضرتو .. ما طلعت منو بي نجيضة .. عبد القادر سالم وزيدان متملصين من حته .. وأحمد المك ضبابي .. وعادل سيد أحمد عايز يعمل فيها سلطة اكتر من كان فيهم موضوعي هو الناقد السر السيد لانو عارف بيقول في شنو وعايز يوصل شنو .. ودا النقد والتمكن من الادوات ..

ازيك يا تمبس
تحياتي

Quote: ويجي غيرك بي سبب وبدون سبب ياخد راحتو شديد ..

قلت ليك يا تمبس وانت زول مخضرم في البورد دا، دي لا انا لا انت بنقدر
نحكم على الناس يكتبو شنو في مداخلاتهم

Quote: ومن ناحية تانية علشان كلام الجرايد بقى يتقطع ساي من الراس

ما قاعد اقرأ جرايد سودانية، ودي حسب آراء كتيرة، رحمة من رب العالمين

Quote: على العموم ... الكلام الاتقال .. والحضرتو .. ما طلعت منو بي نجيضة

بس العملتوا قناة هارموني وتشكر عليها، بعض القنوات الاخرى قد تتشجع
وتقدم اجابات للاسئلة الكتيرة

Quote: اكتر من كان فيهم موضوعي هو الناقد السر السيد لانو عارف بيقول في شنو وعايز يوصل شنو .. ودا النقد والتمكن من الادوات ..

الاستاذ السر السيد انا اول مره اشوفه في قتاة النيل الازرق، والحلقة كانت
عن تعدد الزوجات، وكان حقيقة رهيب.
وفعلا في الحلقة هو من استطاع ان يؤثر في المشاهدين، او هو من ترك بصمه في الحلقة
لكن الاستاذ عادل بقدر حماستة وغيرته التي ابداها، لم ينجرف كثيرا وكان موضوعي
احيانا كثيرة.، ولولا مداخلة الاساتذة زيدان وعبدالقادر سالم لكان بقى في امرا
ضيق.