Post: #1
Title: يا نوبي مزمل مع الحقد الدفين طلع كضاب ..
Author: عمر الفاروق
Date: 10-11-2010, 02:46 PM
صاحبك مزمل وفي اخر فقات عموده كضب الحقيقة قال:
Quote: * سافر المعتصم برفقة جنوده إلى غانا ولم يخذلوه.
* خطوة عديلة يا جعفر. |
وحسب الصحف الصادرة اليوم معتصم جعفر لم يسافر لغانا وهاتف المنتخب من نيروبي بعد ان كان مراقباً لمباراة رواندا وبنين ..
وهنا خبر صحيفة قوون ..
| Quote: رئيس اتحاد الكرة يهاتف البعثة من نيروبي مهنئا بالاداء البطولي والرجولي |
Quote: اشاد الدكتور معتصم جعفر سر الختم رئيس الاتحاد الرياضي السوداني لكرة القدم بالاداء البطولي الذي ادي به لاعبو منتخبنا الوطني الاول
مباراتهم امس امام المنتخب الغاني المدجج بالمحترفين في الدوريات الاوروبية وقال جعفر الذي كان يتحدث من مقر اقامته بالعاصمة الكينية بنيروبي انه يتحسر لعدم لحاقه بالطائرة التي غادرت مطار نيروبي الي العاصمة الغانية اكرا وبالتالي عدم تمكنه من مشاهدة اللقاء من داخل ملعب بابا يارا بكوماسي مهنئا في الوقت نفسه الشعب السوداني بهذه النتيجة التي تحققت وقال ان المردود الذي قدمه لاعبو الهلال في بطولة الكونفدرالية الافريقية اضافة لمردود لاعبي المريخ في الدوري الممتاز قد اسهم بدرجة كبيرة في هذه النتيجة داعيا كل افراد الشعب السوداني للالتفاف حول المنتخب الوطني في الفترة القادمة مضيفا ان شعارهم في الاتحاد ومنذ خوضهم الانتخابات الاخيرة هو دعم المنتخبات الوطنية واستطرد جعفر ليس هناك شيئ صعب ولا مستحيل في كرة القدم الحديثة ويمكننا الوصول الي النهائيات الافريقية 2012. وقال جعفر بان هذه النتيجة شراكة بين كل الاسرة الرياضية بدءا من الوزير الثائر حاج ماجد سوار الذي كان معنا علي قلب رجل واحد والتفاف كل الاسرة الرياضية حول هذا المنتخب وتجاوب القمة واضاف جعفر بانهم سيقوموا بتوفير كافة الاجواء التي من شأنها الارتقاء بهذا المنتخب وتنفيذ كل البرنامج الذي يضعه المديرالفني للمنتخب كابتن مازدا مجددا فيه الثقة.
يذكر ان الدكتور معتصم جعفر كان مراقبا لمباراة رواندا وبنين التي جرت بالعاصمة الرواندية كيجالي. |
اها دي بكرة حا يكتب يبرر عنها كيف؟؟ ويقول شنو ؟
نصدق منو ولا منو ؟
عن نفسي مقتنع إنو مزمل كضاب وكتب الكلام ده وما عارف معتصم جعفر وين وناسي إنو الشغلانة ما سودانير براها طيران افريقيا ده كلللو ما مضمون 
تخريمة:
ظهرتها عاااملة يا مزمل
|
Post: #2
Title: Re: يا نوبي مزمل مع الحقد الدفين طلع كضاب ..
Author: حيدر حسن ميرغني
Date: 10-11-2010, 02:52 PM
Parent: #1
الزول ده دائما "متزمزغ" مع نفسو ياعمر
|
Post: #4
Title: Re: يا نوبي مزمل مع الحقد الدفين طلع كضاب ..
Author: عمر الفاروق
Date: 10-11-2010, 03:35 PM
Parent: #2
يا حيدرا :
| Quote: الزول ده دائما "متزمزغ" مع نفسو ياعمر |
بل هو متزمزل
|
Post: #3
Title: Re: يا نوبي مزمل مع الحقد الدفين طلع كضاب ..
Author: فيصل نوبي
Date: 10-11-2010, 02:53 PM
Parent: #1
هسي بكره يكتب ليكـ
* خاطبنا احد القراء بخصوص سفر المعتصم الذي نزل من الطائرة في طريقها الي غانا في مدينة نيروبي
|
Post: #5
Title: Re: يا نوبي مزمل مع الحقد الدفين طلع كضاب ..
Author: Maawya Hussein
Date: 10-11-2010, 09:42 PM
Parent: #3
اتوقع انو مزمل يوقف موقع الجريده في الانترنت زي ما عمل يا امولادي وكورايزما والدي اتش ال .ياخ بي الطريقة دي سوقو حا يقيف والله ..مزمل بيكتب لي ناس لو قال ليهم الحج السنه دي ودهو الهند بيقولوا صدق مزمل بن ابي القاسم :) واموروا ماشه والحمد لله ما تجهجهو ليهو زباينو
|
Post: #6
Title: Re: يا نوبي مزمل مع الحقد الدفين طلع كضاب ..
Author: yasir Abdelgadir
Date: 10-11-2010, 09:44 PM
Parent: #3
سلامات عمر
دا زول بيكتب إستفزازت و تبخيس للاخرين (خصوصا في نادي الهلال)وبيقول إنو بيستمتع بي ردود الفعل...لا أعتقد أن شخصا كهذا يستحق صفة صحفي
|
|