Post: #1
Title: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 10:11 AM
الأخوة بورداب هولندا أرجو أن تمدوني بهواتفكم على المسنجر لو سمحتم
|
Post: #2
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 10:14 AM
Parent: #1
لو قيل لي بأنني سأزور هولندا في يوم من الأيام لما صدقت، لأنني لم أفكر يوماً في زيارة ذلك البلد سواء للتسوق أو العمرة أو العمل، لكن من حسن حظي أنني سأقابل بورداب هولندا بوجوههم النيّرة، وأتمنى أن أقضي معهم أياماً جميلة أزور خلالها المعالم البارزة فيها بعد أن أكمل إجراءات استلام مبلغ المليوني دولار أمريكي وهي قيمة الجائزة التي فزت بها..
وعندي نية كذلك في شراء عشر بقرات فريزيان إسلامية سمان تسر الناظرين، وشحنها للسودان وأتمنى لو يساعدني الأخوة بورداب هولندا في ذلك..
|
Post: #3
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 10:17 AM
Parent: #2
جاءني بالبريد مظروف بداخله رسالة مكتوبة في ورق فاخر وجميل توضح بأنني فزت بجائزة قيمتها مليون وثمانمائة وواحد وخمسون ألف دولار وعليّ الحضور لاستلامها من هولندا في خلال أسبوع واحد..
اعتقدت في الأول بأنها مثلها مثل رسائل النصب التي تردني لكنني عندما فحصتها جيّداً أيقنت فعلاً في صحة الرسالة..
|
Post: #5
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 10:22 AM
Parent: #3
سأواصل..
عليّ الآن الذهاب لإكمال بعض الإجراءات الخاصة بالجائزة وسوف أعود إليكم..
|
Post: #4
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: أبوعبيدة محمد الأمين
Date: 10-11-2010, 10:20 AM
Parent: #2
نصرالدين ياقريبي
كل عام وأنت بخير
شكلك كده جاك إيميل من شاكلة أنا زوجة الرئيس مين كده ماعارف
أو رئيس قسم المراجعة ببنك لهفستان ولدي مبالغ أريد تحويلها لحسابك
لكن هولندا واثنان مليون دولار؟ دي جديدة وشديدة ولضيضة
بالمناسبة ماهو إسم العملة الهولندية يانصرالدين؟
|
Post: #6
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: عبد الله كسلا
Date: 10-11-2010, 10:38 AM
Parent: #4
نصر الدين أخوي ...
أولاً ... شريكك في الجائزة ... 
وتانياً .. خت الصورة دي في بروفايلك عشان نرتاح منها ...
محل ما نقبل نلقاها ...
 |
Post: #7
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: ود الخليفه
Date: 10-11-2010, 10:54 AM
Parent: #6
السلام عليكم ورحمه الله
ذكرتني صديق ماخد الدنيا بي بساطه شديده جدا
قابله صديق مشترك وسالو وين مختفي ما ظاهر
قال ليه والله انا قنعت من البلد دي ومسافر امريكا ان شاء الله
- يا زول ربنا يوفقك ويسهل ليك امورك اها السفر متين؟
- والله لسه ما حددت
- اها السفر دا ساهل كده؟ وانت التاشيره جاتك كيف؟
-والله التاشيره لسه ما جات
- طيب حتسافر كيف؟
-قدمت في اللوتري
|
Post: #11
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 11:21 AM
Parent: #7
Quote: ذكرتني صديق ماخد الدنيا بي بساطه شديده جدا
قابله صديق مشترك وسالو وين مختفي ما ظاهر
|
أخونا ود الخليفة
وعليكم السلام ورحمة الله وبركاته
أنا ما عاوز أدخل بينك وبين صديقك ده عشان أخرب العلاقة البينكم
وكمان ما تفتكر أنا ماخد الحياة ببساطة زي ما إنت قلت..
أنا جاتني جائزة وحاأستلمها والأيام بيناتنا..
|
Post: #21
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: عفاف الصادق بابكر
Date: 10-11-2010, 12:56 PM
Parent: #11
| Quote: أنا جاتني جائزة وحاأستلمها والأيام بيناتنا.. |
نصر الدين .. انت مش جاري ..؟؟ وان مش بعز الجار..؟؟ .. اها .. وتيييييب ...
واصل يا اخوي .. اصلو انا لسانى مواصل فى الدعاء:-
اللهم ارزقنا من حيث لا ندري ولا نحتسب ..
|
Post: #23
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 01:30 PM
Parent: #21
Quote: واصل يا اخوي .. اصلو انا لسانى مواصل فى الدعاء:-
اللهم ارزقنا من حيث لا ندري ولا نحتسب .. |
صديقتي (سابقاً) عفاف
كيفك يا بروليتاريا..
مشكورة على الدعاء وإن شاء الله ربنا يستجيب
وأستعيد مبلغ الاتنين دولار التي صدورت مني بلا وجه حق..
إنت رخصة السواقة بتاعتك لسه معاك ولا بعتيها؟
عشان لو ربنا استجاب لدعائك لي ورجعت قروشي، جائزتك
حاتكون برادو ومعاها رقم مميز من أم القيوين..
أها قصّرت معاك؟
|
Post: #9
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 11:17 AM
Parent: #6
كيفك يا كسلا ووين أراضيك يا اخ
صورتي ما بأباها لكين الفيك اتعرفت..
|
Post: #8
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 11:14 AM
Parent: #4
Quote: نصرالدين ياقريبي
كل عام وأنت بخير
شكلك كده جاك إيميل من شاكلة أنا زوجة الرئيس مين كده ماعارف
أو رئيس قسم المراجعة ببنك لهفستان ولدي مبالغ أريد تحويلها لحسابك
لكن هولندا واثنان مليون دولار؟ دي جديدة وشديدة ولضيضة
بالمناسبة ماهو إسم العملة الهولندية يانصرالدين؟ |
تحياتي يا أبو عبيدة وعساك والأهل بخير
أنا العملة الهولندية ما عارفها لأنو الجائزة جاتني بالدولار..
الأوراق كلها سليمة وما تخاف على أخوك أنا زول تفتيحة وواقع من السماء مية مرة..
تحياتي للاهل وما تكلمهم بالجائزة عشان أعملها ليهم مفاجأة..
|
Post: #10
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Abdlaziz Eisa
Date: 10-11-2010, 11:20 AM
Parent: #8
| Quote: وأتمنى أن أقضي معهم أياماً جميلة أزور خلالها المعالم البارزة فيها |
الأخ نصرالدين
سلام
وبالله ما تنسى تزور غرفة البشير وتكتب لينا وصف دقيق وتعريف بمكان رئيسنا الهمام..
تحياتي
|
Post: #12
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 11:26 AM
Parent: #10
Quote: وبالله ما تنسى تزور غرفة البشير وتكتب لينا وصف دقيق وتعريف بمكان رئيسنا الهمام..
|
سلام يا عبد العزيز
يا اخي أنا ماشي في رحلة بيزنيس
ما تخلط لي رحلتي بالسياسة..
أخوك بعد كده بقى بيزينس مان..
|
Post: #14
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 11:30 AM
Parent: #12
يجب أن اعترف بأنه لم يكن معي في ذلك الوقت الذي استلمت فيه الرسالة حتى قيمة تذكرة إلى كيش بالطيران الاقتصادي لزوم فيزا جينج، لكنني لم أهتم بتكلفة السفر وقيمة التذكرة إلى هولندا وأنا أملك رصيد غني من الأصدقاء الهلالاب أسياد البلد، ولكن قبل أن استلم الجائزة وأصير من الأغنياء غلب عليّ اسرافي وتبذيري وقررت أن اقترض مائة ألف درهم فقط لرحلة هولندا وقلت في نفسي هذا المبلغ يمكن تدبيره بتلفون للحلاوي أو الريّس أسامة إدريس أو هيثم عبد العزيز أو ود البشرى، ولو خلاااااص اضطرتني الظروف للاستدانة من المريخاب فسوف أفعل، فرغم أنهم مريخاب وكدا لكنهم في النهاية بشر زينا، فعندي من الأصدقاء المريخاب حمودة والزنجي ونادر أبو كدوك وعبد الخالق عابد بتاع دوار الساعة وغيرهم تلاتة أو أربعة هم كل مريخاب الإمارات..
لم أخبر أحداً بالجائزة لكن في خلال دقائق جاتني خمسماية مكالمة من داخل وخارج الإمارات يباركون لي الجائزة ويتمنون لي الخير والزيادة وبعضهم يعرض نصائحه لي عند سفري إلى هولندا مع أن أغلبهم لم يسافر إلى هولندا والبعض الآخر يعتذر لي عن إهماله لي خلال العشر سنوات الاخيرة ويطلب مني أن ننسى الماضي ونفتح شنطة جديدة أقصد صفحة جديدة..
جهزت كل أوراق وتذاكر السفر وودعت الناس وأنا أتحرق شوقاً إلى زيارة هولندا وبينما أنا ألوح للمودعين بيدي فإذا بالمنبه الذي يرقد تحت سريري يصيح جِك جِك جِك..
فاسكته بيدي وأنا أخاطبه بحسرة وغيظ: جِك جِك يا ابن ال...؟
والأخيرة هي العبارة التي أوجهها دائماً للخائن عندما ينتقم منه البطل في نهاية الفيلم، فأتحمس مع البطل وأظل اضرب بيدي وأرفس برجلي وأقول للبطل الذي لا يسمعني.. دقو ابن ال...
بعد ذلك توكلت علي الحي القيوم وقمت على حيلي وأنا أردد كلام حميد:
(أخخخ من حظك يا الجابرية)..
|
Post: #22
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: محمد عبد الماجد الصايم
Date: 10-11-2010, 01:15 PM
Parent: #14
Quote: وبينما أنا ألوح للمودعين بيدي فإذا بالمنبه الذي يرقد تحت سريري يصيح جِك جِك جِك..
فاسكته بيدي وأنا أخاطبه بحسرة وغيظ: جِك جِك يا ابن ال...؟ |
كاااااااااااااااااااااااكـ!
|
Post: #24
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 01:33 PM
Parent: #22
| Quote: كاااااااااااااااااااااااكـ! |
عليك الله يا ود الصايم المنبه ابن ال...
أنا خاتي عليهو لو شتمتو بالكلمة المحذوفة دي؟
|
Post: #26
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: محمد عبد الماجد الصايم
Date: 10-11-2010, 01:39 PM
Parent: #24
ياخ إنت كويس النبذتو بس .. أنا كنت ح أطبق فيهو نظرية فيثاغورث!!
|
Post: #30
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 02:11 PM
Parent: #26
| Quote: ياخ إنت كويس النبذتو بس .. أنا كنت ح أطبق فيهو نظرية فيثاغورث!! |
يا اخي أنا ذاتي غلطان كونو أرد ليك الآتو!!
نحن نحذف وإنت تضيف..
|
Post: #13
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: ود الخليفه
Date: 10-11-2010, 11:28 AM
Parent: #10
الاخ نصر الدين
اسف جدا اذا افتكرت انا انو دا بوست ( ماخد الدنيا بي بساطه)
لانو بتجي في الايميلات رسائل زي دي لو صدقت كنت حقدم استقالتي من الشغل
اتمنى لك التوفيق وربنا يوصلك بالسلامه غانما بالملايين
|
Post: #15
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 11:37 AM
Parent: #13
يا جماعة والله الحلم ده كان صحيح وكنت على مرمى حجر من القروش
لكين زي ما بقولوا كلو شي قسمة ونصيب..
أنا ما ندمان على قروشي الضاعت لكين مستغرب ليه استلام الجائزة كان في هولندا بالذات وما كان في أي دولة تانية..
إن شاء الله دول عدم الانحياز؟!!
قعدت أحلل في الحلم ده مع نفسي لقيت إنو دي بشارة خير..
هولندا بلد الحليب والحليب أبيض والبياض قالوا كويس في الحلم
عشان كده بيني وبينكم أملي ما انقطع في الجائزة دي حتى الآن..
|
Post: #17
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: عبد الله كسلا
Date: 10-11-2010, 11:51 AM
Parent: #15
|
Post: #20
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: عبد الله كسلا
Date: 10-11-2010, 12:33 PM
Parent: #17
وأنا حالتي قلت خلاس ... أشيل لي منك عجلين فريزيان أربيهم في مزرعتي ...
تطلع لي الحكاية حلم يا نصر الدين ... قال منبهي قال تك .. تك .. تك ...
و تقول لي الفيك إتعرفت كمان ...
|
Post: #28
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 01:43 PM
Parent: #20
Quote: وأنا حالتي قلت خلاس ... أشيل لي منك عجلين فريزيان أربيهم في مزرعتي ...
تطلع لي الحكاية حلم يا نصر الدين ... قال منبهي قال تك .. تك .. تك ...
و تقول لي الفيك إتعرفت كمان ... |
يا أبو حسين
الفيك اتعرفت دي أنا قلتها ليك قبل أعرف حكاية المنبه، لزوم تطفيش
الأصدقاء من دغشاً بدري والاستئثار بالجائزة ، وأهو الواحد بيزرع ما حصد..
عشان كده ما تتصل علي وتقول لي عملية لينا شنو في موضوع العجول..
|
Post: #16
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 11:42 AM
Parent: #13
| Quote: اتمنى لك التوفيق وربنا يوصلك بالسلامه غانما بالملايين |
الله يبارك فيك يا ود الخليفة يااخ..
دعوتك دي براها بتساوي اتنين مليون دولار (بالقديم)
ربنا يقبل منك ونرجع بالملايين..
|
Post: #18
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Adam Mousa
Date: 10-11-2010, 12:18 PM
Parent: #16
| Quote: وعندي نية كذلك في شراء عشر بقرات فريزيان إسلامية سمان تسر الناظرين، وشحنها للسودان وأتمنى لو يساعدني الأخوة بورداب هولندا في ذلك.. |
الشراء ساهل من هولندا لكن القصه يدخلن السودان كيف..؟؟؟ اولا تمشى وزارة التجاره الخارجيه عشان شهادة الوارد
بعداك ..الثروه الحيوانيه لاخذ تصديق بادخالها ثم الحجر الصحى فى المطار او الميناء للموافقه بعد ابراز شهادة
الوارد ..ثم يطالبونك باوراق الحجر الصحى الهولندى بشرط توثيقها فى السفاره السودانيه ..ووووووووووووو
كميه من الاجراءات لمن بقرك دى تفطس لكن ما تخش اصلا السودان.. ولا تشوف ليك شريــــــــــــــــك..!!!
|
Post: #19
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: عبدالرحمن الحلاوي
Date: 10-11-2010, 12:27 PM
Parent: #18
| Quote: يمكن تدبيره بتلفون للحلاوي |
نصراً ما تنسى نصيبنا في القسمة ..وإذا حضر القسمة ...بعد ما تستلم رجع لينا المائة ألف بتاعتنا بالجديد دورار او رسله رصيد في دو ...عبدالله كسلا شريكك ...برضو باصرو لينا إن شاء الله خمثين ألف بالقديم ولو وان صيني برضو يمشي
وما تنسى تقرص لينا أوكامبو دا في أضانو ...الزول متلح زولنا تليحة ...ما عندو ملف غير زولنا دا ...خلاص العالم امتلأ عدلاً ....ولا بقرة حلوبة تتضرع ( سماعين حسن ) ...لو عايز تموت واقف على حيلك جرب تستثمر في السودان حاتفطس قبل بقرك ..أسأل طبيب ولا تسأل مجرب ( حكمة الأمس )
|
Post: #25
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: هشام آدم
Date: 10-11-2010, 01:35 PM
Parent: #19
| Quote: يا بورداب هولندا أنا في طريقي إليكم لاستلام جائزة قيمتها اثنان مليون دولار |
الأخ: نصر الدين بشير
لو طلعت الرسالة سليمة والجائزة مُؤكدة أغشانا في السعودية :)
+
|
Post: #37
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 08:09 PM
Parent: #25
Quote: الأخ: نصر الدين بشير
لو طلعت الرسالة سليمة والجائزة مُؤكدة أغشانا في السعودية :)
|
الأخ العزيز هشام آدم
أشكر لك اهتمامك الزائد
اطمئن الرسالة سليمة والقروش مضمونة
أما بخصوص دعوتكم الكريمة لنا فأنا أقبلها كمبدأ
لكن بعد رحلة هولندا ستكون عندي رحلة طويلة إلى لاس فيجاس بانكوك باريس
وسوف ألبي الدعوة بعد عودتي من باريس إن شاء الله..
|
Post: #27
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: عبد اللطيف السيدح
Date: 10-11-2010, 01:39 PM
Parent: #19
إنت عارف يا ود البشير
معناها الهلال شال الكأس
|
Post: #29
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: النذير حجازي
Date: 10-11-2010, 01:49 PM
Parent: #27
Quote: الأخ: نصر الدين بشير
لو طلعت الرسالة سليمة والجائزة مُؤكدة أغشانا في السعودية |
لوووووووووول @ هشام آدم
شكلك كدا يا هشام قريت العنوان وجيت داخل
الراجل طلع حلمان، والحلم ذاتو خشم بيوت
إحتمال المرة الجاية يحلم بحجة ويجيكم في
السعودية
تحياتي
|
Post: #31
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Abdlaziz Eisa
Date: 10-11-2010, 03:06 PM
Parent: #29
Quote:
سلام يا عبد العزيز
يا اخي أنا ماشي في رحلة بيزنيس
ما تخلط لي رحلتي بالسياسة..
أخوك بعد كده بقى بيزينس مان.. |
سلام
يا نصرالدين اخوي..
انت لسه نائم..
منتظرين نهاية الحلم ولا الكابوس ده!!!
|
Post: #42
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-12-2010, 08:38 AM
Parent: #31
| Quote: منتظرين نهاية الحلم ولا الكابوس ده!!! |
كيفك يا عبد العزيز
الحلم بطيخة وقعت واندلقت في الظلط (زي ما قال سيف قسوم)..
|
Post: #40
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-12-2010, 08:33 AM
Parent: #29
Quote: لوووووووووول @ هشام آدم
شكلك كدا يا هشام قريت العنوان وجيت داخل
الراجل طلع حلمان، والحلم ذاتو خشم بيوت
إحتمال المرة الجاية يحلم بحجة ويجيكم في
السعودية
|
تحياتي يا النذير
الموضوع فعلاً طلع حلم رغم محاولاتي المستميتة إنو يكون حقيقة
لكين بيني وبينك أنا حتى الآن ما قطعت العشم في الجائزة..
|
Post: #38
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 08:18 PM
Parent: #27
Quote: إنت عارف يا ود البشير
معناها الهلال شال الكأس |
يا عبد اللطيف لو حاولت تربط حلمي بحلم الهلال في الكاس، النتيجة ما بتكون في صالح الهلال..
قول لي كيف..
تسليم الجائزة لو كان في اسبانيا كنا ربطنا بين اسبانيا والهلال، وطالما اسبانيا فازت بكاس
العالم ممكن نقول الهلال حا يفوز بكاس الكونفيدرالية، لكن كونو التسليم في هولندا ده مؤشر
بقول إنو الهلال حا يكون الوصيف في الكونفيدرالية زي ما هولندا كانت وصيف لاسبانيا..
نتمنى أن يحرز الهلال كأس الكونفيدرالية..
|
Post: #36
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 07:53 PM
Parent: #19
Quote: نصراً ما تنسى نصيبنا في القسمة ..وإذا حضر القسمة ...بعد ما تستلم رجع لينا المائة ألف بتاعتنا بالجديد دورار او رسله رصيد في دو ...عبدالله كسلا شريكك ...برضو باصرو لينا إن شاء الله خمثين ألف بالقديم ولو وان صيني برضو يمشي
وما تنسى تقرص لينا أوكامبو دا في أضانو ...الزول متلح زولنا تليحة ...ما عندو ملف غير زولنا دا ...خلاص العالم امتلأ عدلاً ....ولا بقرة حلوبة تتضرع ( سماعين حسن ) ...لو عايز تموت واقف على حيلك جرب تستثمر في السودان حاتفطس قبل بقرك ..أسأل طبيب ولا تسأل مجرب ( حكمة الأمس ) |
حلاوي يا صديقي من زمن الفلس وفول أبو العباس..
يا حليلها تلك الايام الجميلة قبل ما الواحد يبقى مشغول بالدولار والبورصة وتجارة الدهب وغيرها
من مشغوليات البيزينس المرهقة.. إنت وعبد الله كسلا ناس عزاز الواحد ما بقيّمكم بقروش الدنيا كلها
وأنا مستعد أمول ليكم أي مشروع تختاروهو.. أنا جيبي سدادة ليكم..
بس حكاية أوكامبو دي أبعدني منها أنا بيزينس مان ما عاوز أدخل البيزينس مع السياسة وتانياً بالجد
زولكم ده موضوعو خسران الظاهر ورقو زايد ولو ما إندكت حا يقبضوهو بالأربعتاشر ورقة..
|
Post: #32
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: عبدالكريم أحمد الامين
Date: 10-11-2010, 05:48 PM
Parent: #18
| Quote: الشراء ساهل من هولندا لكن القصه يدخلن السودان كيف..؟؟؟ اولا تمشى وزارة التجاره الخارجيه عشان شهادة الوارد بعداك ..الثروه الحيوانيه لاخذ تصديق بادخالها ثم الحجر الصحى فى المطار او الميناء للموافقه بعد ابراز شهادة الوارد ..ثم يطالبونك باوراق الحجر الصحى الهولندى بشرط توثيقها فى السفاره السودانيه ..وووووو كميه من الاجراءات لمن بقرك دى تفطس لكن ما تخش اصلا السودان.. |
## الاخوين ود البشير وآدم موسى..
** مساءكما خير..
### الحمد لله من بعد ومن قبل أن هذا الحِلم كان خارج دولة سازونيا الإسلاميه ,, مثل هذا الحلم يستوجب عليك الزكاه فى المال الذى لم تستلمه وضريبه مُضافه ورسوم نفايات وجباية طريق ودمغة السلام ودمغة الإنفصال ورسوم إستفتاء الإنفصال وتبرع لمسيرات الوحده الجاذبه..
*** بركه الصحيت ,,, عشان ماتتحمل الأعباء المذكوره أعلاه.. وناس عـودى راكـــب ..
| Quote: ولا تشوف ليك شريــــــــــــــــك..!!! |
### الــمُــتــعــافـــى ... 50% وإنت 50% - وأنسى كل الإجراءات التعجيزيه..
(ودام الود بيننا)
|
Post: #33
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: طارق الكوتش
Date: 10-11-2010, 06:41 PM
Parent: #32
فيثاغورث
>>>>>>>>>>>>>
انا مره عملت فيهو خليل
|
Post: #47
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-12-2010, 06:12 PM
Parent: #33
Quote: فيثاغورث
>>>>>>>>>>>>>
انا مره عملت فيهو خليل |
يا كوتش
عملت فيثاغورث في خليل
ولا خليل في فيثاغورث؟
|
Post: #45
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-12-2010, 10:12 AM
Parent: #32
Quote: الحمد لله من بعد ومن قبل أن هذا الحِلم كان خارج دولة سازونيا الإسلاميه ,, مثل هذا الحلم يستوجب عليك الزكاه فى المال الذى لم تستلمه وضريبه مُضافه ورسوم نفايات وجباية طريق ودمغة السلام ودمغة الإنفصال ورسوم إستفتاء الإنفصال وتبرع لمسيرات الوحده الجاذبه..
|
تحياتي يا أبو محمد فؤاد وعساك بخير
تعرف يا أستاذ عبد الكريم، لما أنا عرفت بموضوع الرسوم والزكاة والجبايات والدمغات الكتيرة دي، قلت الحمد لله إنو الموضوع طلع حلم، ديل ممكن كانوا يجيبوا ليك رسوم وزكاة بتلاتة مليون..
| Quote: الــمُــتــعــافـــى ... 50% وإنت 50% - وأنسى كل الإجراءات التعجيزيه.. |
المتعافي بتعفف يدخل صفقات تعبانة زي دي، الراجل طموحو ياخد 50% من السودان ما أظن يقبل بمبلغ بسيط زي ده..
|
Post: #35
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-11-2010, 07:42 PM
Parent: #18
Quote: الشراء ساهل من هولندا لكن القصه يدخلن السودان كيف..؟؟؟ اولا تمشى وزارة التجاره الخارجيه عشان شهادة الوارد
بعداك ..الثروه الحيوانيه لاخذ تصديق بادخالها ثم الحجر الصحى فى المطار او الميناء للموافقه بعد ابراز شهادة
الوارد ..ثم يطالبونك باوراق الحجر الصحى الهولندى بشرط توثيقها فى السفاره السودانيه ..ووووووووووووو
كميه من الاجراءات لمن بقرك دى تفطس لكن ما تخش اصلا السودان.. ولا تشوف ليك شريــــــــــــــــك..!!! |
الزعيم آدم موسى
تحياتي وأشواقي الزائدة ومشتاقين كتير
الحمد لله في بقيراتي الجابنك راجع..
بقولوا خذ نصف رأيك من أخيك ومداخلتك دي وقعت لي في جرح وكنت حأتورط في مشروع البقر الفريزيان ده
وببقى من الصعب الواحد يتحلى بأخوي وأخوك وأنا جني وجن الإجراءات الطويلة وامشي وتعال وجيب الأوراق
الفلانية وغيرها.. أنا زول أمسك لي واقطع ليك (حبيبي أمسك لي وأنا اقطع ليك)..
المهم.. ورغم إنو عندي معارف كتيرين في مختلف الوزارات بالإضافة لناس التهريب والهمباتة وقطاع الطرق
وممكن أمشّي أموري معاهم لكنني رافض مبدأ أقدم رشوة لأي مسئول مهما كانت قيمة الرشوة لأني ما عاوز أبدأ
مسيرتي التجارية بالرشاوي والطرق الملتوية، أنا القروش دي ما جمعتها بالساهل عشان أديها للموظفين
الفاسدين وعصابات الخدمة المدنية..
حأعمل بنصيحتك دي واتخلى عن مشروع البقر ده وطبعاً أصلاً مسألة الشراكة دي ما مقتنع بيها..
شكراً على التنوير يا ريس ودي استشارة ما بدوها إلا للناس الغاليين..
|
Post: #34
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Haytham Abdulaziz
Date: 10-11-2010, 06:48 PM
Parent: #1
| Quote: أو هيثم عبد العزيز |
حاضربن يابوحازم والله حتى لو أبيع السيارة لحدي ما تقبض و بعداك البينا عامرة....
يعني هسي لو ما المنبه دا كورك (جك جرك سحبو مني) كان بقيت مليونير البورض....
و أنا كنت أكون وزير المليونير البوردابي ... لكن صباح الخير و أصبحنا و أصبح الملك لله.....
_____________
مشتاقين يا حبيبنا.....
|
Post: #39
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: عبد الخالق عابد
Date: 10-11-2010, 11:20 PM
Parent: #34
وانت بتحلم يا عبدالله بموية الزير
فكوا دربنا وجعتوا قلبنا حتى ######نا اكل جرجير
ياخى مشتاقين
كن بخير
|
Post: #41
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: نعمات حمود
Date: 10-12-2010, 08:35 AM
Parent: #39
يا ابوالنصر ...
قلت اسي من دربي على القنصلية ...اوثق اوراقي كلها
ومرافق مرافق ...خطوه خطوه ...
لكن يا خساره !!
محبتي
|
Post: #43
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nader Abu Kadouk
Date: 10-12-2010, 09:05 AM
Parent: #41
| Quote: (أخخخ من حظك يا الجابرية).. |
نصر الدين يا حبيب
لمن قريت اول الموضوع طوالي قررته ابقى هلالابي نظام دهنسة و كده
لكن منبهك ده ما ادانا فرصه
|
Post: #44
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: صديق_ضرار
Date: 10-12-2010, 09:15 AM
Parent: #41
نصر الين أخوى
أوعك تكون مسافر مرافق لعمر البشير ؟!
|
Post: #46
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: حافظ كنجال
Date: 10-12-2010, 12:21 PM
Parent: #44
شوف ياعمك
بمعيار انو انا زول مريت بالبوست ده
وده من البوستات الفيها كنجالات يعني بوست راقي
وانت زول ها تبقى هامور....ماقبل المنبه
2 مليون من ابو الجورج فتى الاحلام حاجة اتز نوت جوووك
انا ما من هولندا انا من اصول بقارية يعني الهولندين اولاد همنا
شايل هم تربية البقرات التلاتة الغني بيهم الحداااي حقنا..
على كل الفريزين البتشتريهم مافي زول برعاهم ليك غيري اناده وياهو من هسه كلمتك...
وده بمخطوط رسمي من وزارة الداخلية السوداني فانا مهنتي في الجواز عامل تربية مواشي
يعني كااابوي شاءت الاقدار انو نشتغل شغلانة تااانية وربنا جاب لينا الفرصة لحدي عندنا
نربي مواشي ولدنا ولا مواشي طال عمرك الماشفناها
المعيار التاني انا ماشي الحج لانو وزارة الحج قررت تشغل قطر مناحي هذا العام
وما احلى رحلة بالقطر من منى لي عرفات كان كدرللي 8 ساعات
الله يوفقك في الجائزة ودعواتنا ليك في عرفات كان القطر وصلنا
|
Post: #49
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-12-2010, 06:52 PM
Parent: #39
Quote: وانت بتحلم يا عبدالله بموية الزير
فكوا دربنا وجعتوا قلبنا حتى ######نا اكل جرجير
|
شفت كيف يا عبد الخالق!!
بقينا نتوحم على المصاري في النوم..
جهز لينا المبلغ للحلم الجاي..
أشواقنا بحر..
|
Post: #48
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: Nasruddin Al Basheer
Date: 10-12-2010, 06:21 PM
Parent: #34
Quote: حاضربن يابوحازم والله حتى لو أبيع السيارة لحدي ما تقبض و بعداك البينا عامرة....
يعني هسي لو ما المنبه دا كورك (جك جرك سحبو مني) كان بقيت مليونير البورض....
و أنا كنت أكون وزير المليونير البوردابي ... لكن صباح الخير و أصبحنا و أصبح الملك لله.....
|
سلام يا هيثم يا حبيب
المية والميتين ألف ما بيناتنا وعارفك ما بتقصر
المرة الجاية حأبعد المنبه بعيد أو أوقت كويس للحلم
الحلم الفات كان بسبب الفول..
شفت كيف؟ .. واحد فول طيّر علي 2 مليون دولار..
نقول خيرها في غيرها..
|
Post: #50
Title: Re: يا بورداب هولندا أنا في طريقي إليكم لاستلام جائزة قيمتها اثنان مليون دولار
Author: الرشيد البصيلى
Date: 10-12-2010, 07:11 PM
Parent: #1
***
الخــــزين ...... الخـــزين ........ فولك أكلتو ..... خلاص أرجع :D :D
أنا خايف تبقى عليك رزق الخزين فى دنقلا .... الراجل الوقعتلو البلحة ..
كمان انتو يا ناس هولندا الراجل ما تقصرو معاهو بدل فول اعملوها حاجة
تانية إسكلوبانية ولا اى حاجة تانية .
اخى نصر الدين البشير ....إن شاء الله تعود ظافرا سالما غانما... لكن قروش
الخواجات دى ما بتمرق بالساهل ...إلا تكون راقدلك فوق رأى ...
بالمناسبة اليومين دى عمليات الإسكامنغ دى مدورة شديد لدرجة ويوميا بنستلم
إيميل يدعى او تدعى مرسلته بأنها أبنة مسئول سودانى وقصة طويلة ....
بس بعدين ما تلقى نفسك جوة مزارع كولمبيا للمخدرات عشان تشتغل شغل التيران
ليل نهار واى عصلجة منك راس مالك طلقة ..... تعرف يا نصر الدين انا خايف
عليك .... لكن كمان معاك المال ما بجى بالساهل .... غامر والله معاك...
***
|
|