Post: #1
Title: بيان لنساء السودان
Author: زهرة حيدر ادريس
Date: 10-10-2010, 01:12 PM
Parent: #0
الى كل الأمهات .. ربات البيوت .. كل المكافحات من أجل لقمة العيش الكريمة .. الى كل المطحونات جراء سياسات التجويع و الذل و التهميش ... الى كل النساء في وطننا الحبيب
إننا في التحالف النسوي السوداني لم نجدا بدا من مخاطبتكن مباشرة, بعد أن فاض الكيل بما حمل, وبعد أن بات الصمت جريمة في حق انفسنا قبل ان تكون في حق الوطن في ظل التردي الشامل و الدفع الدؤوب لأبناء الوطن الواحد للولوج اكثر فاكثر في الصراع و الاحتراب و التقتيل, وبيع المستقبل و الأمل الذي هو كل ما نملك لحتمية التشرذم والفقر و الجهل و المرض.
يا نساء السودان ... إن ما تعشنه متناميا يوما بعد يوم من ضائقة اقتصادية وارتفاع جنوني في اسعار السلع و الضروريات , وفيما تشاهدونه من اكتزاز للأسواق و المحال بالخضر و الفواكه و اللحوم المحسنة بالهرمونات والمنتجات الغذائية المستوردة المملوءة بالمواد الحافظة و الكيماويات و المتغاضى عن مدى ومدة صلاحياتها. لهو مثال واضح للتهاون و التجاهل لإحتياجات المواطنين ومقدرتهم على العيش الكريم, بل وصحتهم وسلامتهم, لصالح ارباب النظام من سماسرة و مؤسسات النبت الشيطاني , تحت دعم وعين ومباركة الدولة ووزاراتها.
يا نساء السودان ... إن طول الصمت و الصبر و الركون للتبرير و الأنكفاء على مقولة: (( البتعرفوا اخير من الما بتعرفوا)) إمعانا في التخوف من التغيير وما يحمله في معيته, اودى الى رزوح السواد الأعظم من الاسر السودانية تحت كاهل الفقر والدين و التسول و التشرد, بل وهددها بالتفكك في ظل العجز عن سداد إحتياجاتها و إعالة افرادها ... فبات هروب العائل وسقوط الأبناء في درك الإنحلال و الشذوذ ظواهر متكررة في مجتمعنا, وأختلط الحابل بالنابل حتى صارت الأم لا تأمن على طفلها لحظة بعيدا عن احضانها وحتى اصبح التفسخ الأجتماعي واقاعا لن يجدي دفن الرأس منه في التراب.
يا نساء السودان ... إن صمتكن وصبركن بل وتبريركن لما يحل بوطننا و مجتمعاتنا لهو الفخ الأكبر الذي حرص النظام على ايقاعكن فيه, ضمانا للتغاضي عن ما يرتكب وسلامتا له وتوطيدا لقبضته على رقاب شعبنا , لذا ... تاتي دعوتنا في التحالف النسوي السوداني الجهورة لكن لكسر هذا القيد والإفلات من درادر الجمود و الياس و الإستسلام, ولإحقاق الحق و الوقوف و التصدي بصلابة لكل ما تحيكه حكومة السماسرة و الفساد ضد أبناء شعبنا... وليصنع التغيير بأيديكن وبوعيكن
يا نساء السودان ... يدعوكن التحالف النسوي السوداني لمقاطعة كل السلع المشكوك في سلامتها وخلوها من المفتكات بما فيها الخبز المحسن و الخضر و الفواكه واللحوم المضخمة بالهرمونات, وندعوكن لإقامة الجمعيات التكافلية في الأحياء , ولنشنها حرب ضد المتاجرين باقواتنا .. كما نجدد دعوتنا لكن بالتسلح بالوعي ومحاربة كل الظواهر السالبة في مجتمعنا.. واخيرا .. تنظيم أنفسكن في مواكب الوعي و التغيير, ولتتفوقن بعزمكن ولتقدمن البديل المنشود و الذي طال انتظاره. فأنتن الأقدر على فتح نوافذ التغيير نحو الأمل بغد افضل لأبنائنا
يا نساء السودان ... لكن في كل حدب وصوب ... التحايا والتقدير و الأعتزاز .. وإن غدا لناظره لقريب
التحالف النسوي السوداني
10/10/2010
|
Post: #2
Title: Re: بيان لنساء السودان
Author: محاسن أحمد محمد
Date: 10-11-2010, 06:01 PM
Parent: #1
التحيه لك الاخت زهرة حيدر والتحيه
للتحالف النسوي السوداني وانتم مهمومين بى قضايا المرأة فى السودان
وبالجد وضع المرأة فى السودان يحتاج الى مجهود وعمل كبير وسط النساء من اجل التوعيه والتنوير
حتى لابسط الحقوق
والحاجه المؤسفه رغم كل هذه الضغوط عد كبير من النساء مهمومين
بالفارغه والتسابق من اجل حياة مليانه بالمظاهر والترف وحتى الماعندها دايره اكون عندها ومن وين ............
.......... وما هو الثمن......ما مشكله
ربنا اقويكم لانو دى مسئوليه ما سا هله فى زمن صعب
|
Post: #3
Title: Re: بيان لنساء السودان
Author: زهرة حيدر ادريس
Date: 10-13-2010, 11:25 AM
Parent: #2
ولكي التحايا وافرة اخت محاسن
وكل الود
|
Post: #4
Title: Re: بيان لنساء السودان
Author: مزمل خيرى
Date: 10-13-2010, 12:00 PM
Parent: #3
التحية لنساء بلادى ولكـ مثلها أختى زهرة ...
|
Post: #5
Title: Re: بيان لنساء السودان
Author: زهرة حيدر ادريس
Date: 10-14-2010, 07:45 AM
Parent: #4
ولك كل التقدير يا مزمل
يديك العافية يا ابو جوان
|
Post: #6
Title: Re: بيان لنساء السودان
Author: Hassan Bakri Nugud
Date: 10-14-2010, 10:14 AM
*
|
Post: #7
Title: Re: بيان لنساء السودان
Author: doma
Date: 10-14-2010, 10:31 AM
Parent: #6
Quote: يا نساء السودان ... يدعوكن التحالف النسوي السوداني لمقاطعة كل السلع المشكوك في سلامتها وخلوها من المفتكات بما فيها الخبز المحسن و الخضر و الفواكه واللحوم المضخمة بالهرمونات, وندعوكن لإقامة الجمعيات التكافلية في الأحياء [/QUOTE
|
Post: #8
Title: Re: بيان لنساء السودان
Author: doma
Date: 10-14-2010, 10:35 AM
Parent: #7
استاذه زهره حيدر تحيه طيبه
هل تنتج او تقدم هذه الجمعيات التكافليه في الاحياء
منتجات بديله لتك ا المنتجات الضاره بالصحه ا وغاليه الاسعار ؟؟؟
|
Post: #9
Title: Re: بيان لنساء السودان
Author: زهرة حيدر ادريس
Date: 10-18-2010, 08:48 AM
Parent: #8
ماما دومة تحية طيبة
وشكرا على السؤال وعذرا للتاخر في الرد
فكرة الجمعيات البديلة الفضل فيها للاستاذة امينة والدة الشهيد نصر الدين الرشيد,بداية المقترح ان تنشئ بين النساء في الاحياء وان تقوم بانشاء صناديق تدعم الاسر المحتاجة وفي المناسبات وممكن ان تتطور لتدريب النساء على المهارات و الحرف..وفي المقترح تحديدا صنع الخبز وبيعه و بعض المنتجات الغذائية الصحية.. واعتقد في الريف او في المدن في البيوت ذات المساحات الكبيرة ممكن تنشئ مشاريع زراعة بعض الخضراوات وتربية الدواجن
عموما ده واحد من الافكار والي اعتقد محتاجة الناس تعمل فيها بجدية
لكي فائق ودي وتقديري
|
Post: #10
Title: Re: بيان لنساء السودان
Author: محمد علي شقدي
Date: 10-18-2010, 09:09 AM
Parent: #9
لكل نساء الوطن كل التقدير ولوالدة نصر الدين الرشيد الف تحيه
والف سلام لك يا زهرة
---------------------
وزير المالية بخاطب بشكل مباشر نساء السودان بقصة العوده للكسره والعواسه
اهلنا الغبش بنابرم ما فارقت الدوكه لو في بنيات ما بعرفن القرقريبه
اكيد التاهيل للمرحله الجايه مطلوب .. بلد المحن وادمان الفشل يا زهرة
بالجد لك اشواق كتير
|
Post: #11
Title: Re: بيان لنساء السودان
Author: زهير عثمان حمد
Date: 10-18-2010, 06:00 PM
Parent: #10
الاخت زهرة
مساء الخير
في البداية في تنظيم أسمو (تعالوا نأكل حلال) ضد كل الاغذية الضار والغير مطبق للمواصفات الادمية والناس ديل عند هم بنك معلومات عن أشياء كثيرة موجودة في السوداني هم سودانيون بحاول أتصل بالامين العام من قرايت بوستك عشان تتواصل يكون عمل مفيد تلفونو مغلق
يوف أبزل جهد لانو ديل ناس عندهم حقائق مدعمة بنتائج فحص معاملي لتكامل الفكرة
|
Post: #12
Title: Re: بيان لنساء السودان
Author: بدر الدين اسحاق احمد
Date: 10-18-2010, 06:24 PM
Parent: #11
التحالف النسوي السوداني
10/10/2010
زهرة السلام عليكم ...
الكيان دا اول مرة اقرأ لــه شــئ ..
ممكن نبذة صغيرة عنــو ..
|
Post: #15
Title: Re: بيان لنساء السودان
Author: زهرة حيدر ادريس
Date: 10-19-2010, 08:50 AM
Parent: #11
زهير سلام وشكرا كتير على المرور و الايجابية في التناول
وده حقيقي كلام جميل شديد حارسل ليك تلفوني لو ما في مشكلة عشان اتابع معاك تفعيل الشغل ده
دمت
|
Post: #14
Title: Re: بيان لنساء السودان
Author: زهرة حيدر ادريس
Date: 10-19-2010, 08:43 AM
Parent: #10
سلام يا محمدعلي وشكرا على المرور
التحية للصامدة الخالة امينة وحقيقة هي مثال للام السوداني
ولك اشواقي الحارة اكيد
|
|
|