Post: #1
Title: سلوفاكيا تبادر باعفاء ديونها علي السودان البالغة 40 مليون دولار
Author: Wasil Ali
Date: 10-09-2010, 07:16 PM
Parent: #0
Quote: الخرطوم فى 9/10/2010(سونا) اعلنت دولة سلوفاكيا عن الغاء كافة ديونها علي السودان كاول دولة اوروبية تلغي ديونها علي السودان والتي تبلغ حوالي 40 مليون دولار
وقالت المستشارة التجارية بسفارة سلوفاكيا بالقاهرة والمسؤولة عن السودان هيلينا مرافيكوفا التي افتتحت معرضاً للمنتجات السولوفكية بالخرطوم بشارع المطار قبالة صالة الحج والعمرة ان العلاقات التجارية بين بلدها والسودان في تطور كبير وان نسبة الصادرات ارتفعت الي 120% مؤكدة ان العلاقات بين البلدين لا تقتصر على المجال التجاري فقط وان سلوفاكيا تسهم الي حد كبير في المجال الانساني وقدمت 39 مليون يورو دعماً للاعمال الانسانية في السودان وابتعثت عدد من الاطباء والممرضين للاسهام في تطوير العلاقات
واكدت هيلينا ان العلاقة مع السودان في تطور كبير وان افتتاح هذا المعرض هو دليل علي ذلك وان بلادها تعمل ان يكون السودان بوابة سلوفاكيا الي بقية دول القارة
واكد القنصل الفخري لجمهورية سلوفاكيا بالسودان الدكتور نصر الدين شلقامي ان القنصلية الفخرية ظلت تتابع باهتمام وحرص قيام المعرض الذي تفتتحه شركة (OMS) في السودان الذي يعتبر داعماً لربط السودان تجارياً واقتصادياً مع سلوفاكيا مؤكدا ان العلاقات الان في احسن احوالها
وأبان أن سلوفاكيا بادرت كاول دولة اوروبية بالغاء ديونها علي السودان والبالغة 40 مليون دولار دون اي شروط كعربون للصداقة وتطويرا للعلاقات بين البلدين
وقال وكيل شركة (OMS) بالسودان محمد عفيفي ان المنتجات السلوفاكية تعتبر من المنتجات المتميزة والمعروفة باهتمامها بصحة الانسان داعيا رجال الاعمال الي العمل الي استقطاب الشركات السلوفاكيا للعمل في السودان |
|
Post: #2
Title: Re: سلوفاكيا تبادر باعفاء ديونها علي السودان البالغة 40 مليون دولار
Author: أحمد أمين
Date: 10-09-2010, 07:33 PM
الاخ واصل
كيفك
تعرف دى بدايه كويسه، العارفوا انا ال 37 بليون دولار ممكن تلغى، بس بشروط.... بس الجماعه ديل يختوا الرحمن فى قلبهم.
يخلوا الهبل والعباطه البيعملوا فيها دي. شنو يعنى على محمود وزير الماليه (ماشى لاجتماع البنك الدولى بورقة لمحاربة الفقر- لا تسوى الحبر الذى كتبت به) دى حيرموها فى الزباله: Poverty Reduction Strategy Paper (PRSP
ده شغل معقد مش استهبال
|
Post: #3
Title: Re: سلوفاكيا تبادر باعفاء ديونها علي السودان البالغة 40 مليون دولار
Author: Alshafea Ibrahim
Date: 10-09-2010, 07:41 PM
Parent: #2
لا حولا ياواصل
سلوفاكيا ومتى وفي شنو ؟ ربك يستر ما تطلع لينا الصومال كمان وتعفي ديونها ...
وين بتروح تلك الديون الأجنبية ؟
الشفيع
|
Post: #4
Title: Re: سلوفاكيا تبادر باعفاء ديونها علي السودان البالغة 40 مليون دولار
Author: د.محمد بابكر
Date: 10-09-2010, 08:23 PM
Parent: #3
سلوفاكيا كتر خيره لكن نحن يا واصل نكون اتدينا منهم شنو بقدر ده؟؟
|
Post: #5
Title: Re: سلوفاكيا تبادر باعفاء ديونها علي السودان البالغة 40 مليون دولار
Author: اساسي
Date: 10-09-2010, 08:49 PM
Parent: #4
لا خلاص ما خليتي حاجة يا سولفاكيا
اسع عليكم الله دي ديون يعفوها ؟؟
سادومبا الماسورة لو خت الرحمن في قلبه بحاسبهم ناس سولفاكيا ديل ويكون طالبهم باقي
|
|