Post: #1
Title: الاخوة الجنوبيون .. مبروك الانفصال مقدما
Author: بكري عباس علي
Date: 10-08-2010, 02:18 PM
Parent: #0
اذا انتو شايفين ان الانفصال احسن ليكم فمبروك عليكم والله يسهل عليكم
|
Post: #2
Title: Re: الاخوة الجنوبيون .. مبروك الانفصال مقدما
Author: بكري عباس علي
Date: 10-08-2010, 02:20 PM
Parent: #1
لانه انا بعتقد انه احسن نكون جيران متحابين بدل نكون اخوان متشاكلين
|
Post: #3
Title: Re: الاخوة الجنوبيون .. مبروك الانفصال مقدما
Author: بكري عباس علي
Date: 10-08-2010, 02:22 PM
Parent: #2
واذا كمان عايزين تقعدوا معانا فالبيت بيتكم والدار داركم
|
Post: #4
Title: Re: الاخوة الجنوبيون .. مبروك الانفصال مقدما
Author: بكري عباس علي
Date: 10-08-2010, 02:23 PM
Parent: #3
والله يلعن الكانوا السبب في الفتنة والتفرقة
|
Post: #5
Title: Re: الاخوة الجنوبيون .. مبروك الانفصال مقدما
Author: Nasr
Date: 10-08-2010, 06:16 PM
Parent: #4
الانفصال وشرذمة هذا الوطن العملاق ما دايرنها وما حنتعامل معاها علي أساس أنها أمر واقع إلا أن نراها واقع فعلا
المطلوب مننا نحن في الشمال أن نعمل علي أن تكون الوحدة جاذبة
وكلامك دا في الشرق والوحدة الجاذبة في الغرب
| Quote: لانه انا بعتقد انه احسن نكون جيران متحابين بدل نكون اخوان متشاكلين |
وبعدين
إذا كنت إنت وأخوك متشاكلين فما بتفتح الباب وتقول ليه إتخارج
بتقعد معاه في الواطة وتسأله من السبب والداسيه في بطنه
حاجات من زمن الطفولة ولا مظالم بسبب الورثة ولا شنو بالضبط
وكان رفض يتكلم معاك بتشوف أعمامك وأهلك الكبار تدخلهم واسطة
لانه حتي لو مرق منك بمغايص ما أظن المسألة تنتهي علي كدا
وإنت لو فتحت الباب بالطريقة دي لواحد من الاخوان
الحيمنع الباقيين يمرقوا شنوا في أول زعلة منك ؟؟؟؟؟
بإفتراض إنك الاخو الكبير وأبوك وصاك علي أخوانك !!!!!!
من زمان أهلنا بعيدوا لينا درس
تأبي الرماح إدا إجتمعنا تكسرنا
ويبدو إنه راسنا قوي
والصناجة ضيعتنا وحتضيعنا أكثر من كدا
وإذا بقيت براك في البيت
إنت مطمئن خالص علي جيرانك ديل؟؟؟؟؟؟
معقول تجيهم الايام الكعبة
ويكتروا
وبيوتهم تضيق عليهم
ما يفكروا يجوا يزاحموك في بيتك ؟؟؟؟؟؟
الاروبيين بعد حروبهم الما بتتعدا عالمية ومحلية وحرب مائة عام وحرب فلاحين
وبروتستانت وكاثوليك ولا دينيين
ماشين في الوحدة بجدية وخطوات مدروسة
بدأ من السوق الاوربية المشتركة والبرلمان الاوربي وفتح الحدود وتوحيد العملة
والنهاية ما عارفنها وين
الدول الكبري في العالم بقت كبيرة بحجمها
وعدد سكانها
أمريكا والاتحاد السوفيتي سابقا، والهند والصين والبرازيل واليابان وتركيا
وبقت كبيرة أولا وأخيرا بقدرتها علي حل مشاكلها
كدي بالله شوف الهند فيها كم ديانة وكم إلاه يعبد وكم لغة وكم إقليم
وكم نسمة
هندوس بوذيين مسلمين نصاري يهود وعبدة فيران وعبدة جراثيم وعبدة قرود
سود وبيض وعيون كبيرة وعيون زي قدود الجلد
قدروا يخلوا كل الناس يعيشوا في قدر من الانسجام وكثير من الرفاهية
كنا زمان نقرأ في الاخبار عن مجاعات الهند
والتي كانت تحدث بإنتظام
والهند الان قادرة علي مساعدة باكستان أخوها الاصغر والذي خرج مغاضبا
وجيرانهم من الباكستانيين والذين أرادوا الانفصال عن الهند اوان الاستقلال
سنييها ما قادرين يصبروا علي شيعتها
ولا يصبر طالباننها علي الجميع
المهم
ما تبقي علينا قصة سأل سائل بعذاب واقع
فإذا هو عذاب وواقع إستعجاله بفيد شنو؟؟؟
|
Post: #6
Title: Re: الاخوة الجنوبيون .. مبروك الانفصال مقدما
Author: بكري عباس علي
Date: 10-08-2010, 10:19 PM
Parent: #5
الاخ نصار
التحايا النواضر
| Quote: المطلوب مننا نحن في الشمال أن نعمل علي أن تكون الوحدة جاذبة |
والله انا شايف انه الوحدة الجاذبة دي زمنه فات زمان من سنه 1955 ونحنا ما خليناها جاذبة معقول نجي اسي نعملها جاذبة في 3 شهور بس صعبة عديل كدة
ومعظم اخواننا الجنوبيين ديل بحملونا نحنا المسوؤلية وماخدين مننا في خاطرهم شوية عشان كده انا رايي انه ممكن يجربوا الانفصال واذا حبوا يجوا راجعين لينا تاني برضو حبابهم الف ( زي ما حصل في المانيا واليمن )
انا شايف انه في هواء ساخن في الصدور ( احداث يوم الاثنين الاسود ) لازم يطلع وبعدين الناس ممكن تجي تتفاهم وتتصالح تاني
ياخي الوحدة دي اذا بقت بتجيب لينا المشاكل والزعل ما دايرنها
تاني حاجة لما اخوي يزعل بطلع بره البيت كم يوم يغير جو ويجي راجع والزعلة تروح
بجيك تاني
|
Post: #7
Title: Re: الاخوة الجنوبيون .. مبروك الانفصال مقدما
Author: بكري عباس علي
Date: 10-09-2010, 08:52 AM
وبعدين ياخي طالما نحنا ما قدرنا نحافظ علي البلد ووحدتها مافي داعي هسي نجي نبكي عليها خلينا ناخد درس عشان نتعلم
|
Post: #8
Title: Re: الاخوة الجنوبيون .. مبروك الانفصال مقدما
Author: Nasr
Date: 10-09-2010, 06:24 PM
Parent: #7
لو فشلنا ألف مرة ما في حاجة تمنعنا أن نجرب النجاح
Never give up
الفشل الحقيقي هو أن نقنع من رحمة الله
كدي إستغفر وإتذكر قصص الانبياء يونس في بطن الحوت وأيوب وسنوات إبتلاءه الطويلة
كل المطلوب مننا لكي نجعل الوحدة جاذبة ليكي يوافق الإخوة الجنوبيين علي التصويت للوحدة
هو إعتذار عن عقود وقرون من الاسنعلاء العرقي الاجوف
( زي الكأننا لم نسمع بوصية أبن جلدتنا لقمان لابنه: لا تمشي علي الارض مرحا أن الله لا يحب كل مخنال فخور)
ونرضي بدولة مواطنة عادلة يتساوي فيها كل الناس
أسودهم مع أصفرهم وبنيهم
شماليهم مع جنوبييهم وغرابينهم
الصعب في الحكاية دي شنو عشان نربع يدينا ونقول خلاص فشلنا خلوهم الينفصلوا؟؟؟؟؟؟؟؟؟
|
Post: #9
Title: Re: الاخوة الجنوبيون .. مبروك الانفصال مقدما
Author: بكري عباس علي
Date: 10-25-2010, 10:26 PM
Parent: #8
اخي نصار
الحكاية اعتقد اكبر من قصة اعتذار الشماليين للجنوبيين
المسالة فيها لاعبين كبار من الخارج والداخل
والله يكضب الشينة
|
|