الحكم على نشال .... لنشله لسفيرنا بنيجريا 20 الف دولار اثناء تسوقه

http://www.sudaneseonline.com/en3/publish/Latest_News_1...Sudanese_Envoy.shtml

يا ربى زول ماشى يتسوق ب 20 الف دولار فى البيت او البنك يكون عندو كم???
قايتو ال 20 الف دولار دايرة ليها سنوات علشان تلمها فى USA .......

Quote: . Nigeria: Man Jailed for Stealing 20,000 Dollars From Sudanese Envoy Hussein Yahaya and Ibraheem A. Fatai 7 October 2010 An Abuja Magistrate Court Tuesday sentenced a man to eight months imprisonment for stealing 20,000 dollars from the Sudanese Ambassador to Nigeria at the Eagle Square venue of the Nigerian 50th Independency anniversary. Rasheed Kareem of Mabushi village, Abuja, was said to have gone to the venue of the celebration and dipped his hand into the pocket of the ambassador and picked 20,000 dollars. Police prosecutor, Isiaka Raheem, a sergeant, had earlier told the court that on October 1, a team of policemen on special duty at the Eagles Square arrested and brought the accused to the Central Area police station for stealing the said money. "The accused dipped his hand into the pocket of the Sudanese Ambassador to Nigeria and removed an envelope containing 20,000 dollars, an offence punishable under section 287 of the Penal Code," the prosecutor said. He stated further that when the ambassador discovered that the money in his pocket had been removed by a thief, he quickly alerted the security men present at the scene. "The policemen launched a search for the accused and got him arrested with the envelope containing the money," Prosecutor Isiaka said. When the charge was read to the accused, he pleaded guilty, but claimed that he did not remove the money from the ambassador's pocket, saying he saw it on the ground and picked it. Following his guilty plea, the prosecutor asked the court to try the accused summarily under section 157 of the Criminal Procedure Code. Magistrate Bashar Attahiru Alkali sentenced the accused to eight months imprisonment or in an alternative pay N5,000 as fine.

ما تحكمو على الزول بى سرعه كده
احتمال يكون ده حافز الشريف

يا ريس سلامات
هو في زول بشيل قروش كاش الزمن دا؟؟!!
وبالكمية دي؟؟؟!!
وكمان سفير؟؟؟!!

ولا الإختراع الإسمو فيزا كارد وتوابعه لسه ما وصل البلد ديك؟!!

Quote: غايتو ال 20 الف دولار دايرة ليها سنوات علشان تلمها فى USA .......

لووول ...

هي لله ... هي لله!



_

ما عرفنا النشال منو فيهم؟؟!!

اللبيب بالاشارة يفهم
Former Vice President Alhaji Atiku Abubakar says he was not at the Eagle Square, venue of the 50th independence anniversary celebration in Abuja last Friday because he was not invited to the occasion. Atiku who spoke with newsmen in Jos yesterday at the national preaching and appeal fund launch for N139,300,000 by the Jamaatu Izalatil Bdi’ah wa Ikamatis Sunnah (JIBWIS) said even as a former vice president, he could not gate-crash into the occasion unless he was invite

المصدر
http://dailytrust.dailytrust.com/index.php?option=com_c...ead-stories&Itemid=8

وياريت زول يترجم

فى اليوم داك وفى المكان داك كان احتفال...
وكان فى جمع تبرعات لجماعة دينية(شنو ما عارف كده اسمها)



وفى نفس الزمان والمكان كان لافى بهناك سفيرنا

وكان معاهو 20 الف دولار كاش



ممممممممممممممممممم

بعد ما قبضوا النشال

السفير ما نكر القروش ؟؟

http://www.sharia-in-africa.net/pages/staff/amara.php

Quote: بعد ما قبضوا النشال السفير ما نكر القروش ؟؟

سؤال كبير محتاج لي إجابه.

أنا زاتي قولتا إحتمال القروش دي تكون قروش الفنانات بتاعت حفلة الشريف.
إحتمال داير يرسلهم لي الفنانات ولا حاجة!.

سفراء الإنقاذ والتوجه الحضارى... بوكو حرام يرحب بكم...

منان

قروش حلال؟؟؟؟؟؟؟؟؟؟؟؟؟؟؟؟؟

حليل زمن كنا دبلوماسيين

وكانو بدونا 313 جنية سوداني في الشهر.... الجنيه يحك الجنيه

و ناس الماليه السودانية عشان ما نتضيم ونتدين كانو بستحسنو فينا ويفكو لينا الجنية بي تلاته دولار


اما بنعمة ربك فحدث*******************

دا جيب شنو البشيل ليهو 250 برميل بترول!!!!

دا جيب شنو البشيل ليهو 250 برميل بترول!!!!

لانه البرميل مليان بقي اخف من الجنيه والدولار!!!!

بقصد سرقته!!

بكوري

ممكن ادخّل خشمي في البوسطي دا؟....واللا ح تشطب نضمي؟.....

مش برضو من الادب نستأذن يا بُرة؟؟؟؟؟

ده سفير دولة ولا تاجر قماشات في السوق، حايم ليهو بمبلغ قدر ده ؟

Quote: An Abuja Magistrate Court Tuesday sentenced a man to eight months imprisonment for stealing 20,000 dollars from the Sudanese Ambassador to Nigeria at the Eagle Square venue of the Nigerian 50th Independency anniversary. Rasheed Kareem of Mabushi village, Abuja, was said to have gone to the venue of the celebration and dipped his hand into the pocket of the ambassador and picked 20,000 dollars.

20000 عشرين ألف دولار, يعني 75000 ريال سعودي بالتمام والكمال,

سفير الهنا دا شايلها في جيبه...... (فقط)...... للتســوق ؟؟؟؟؟

يعني دا كلام ثابت بحكم محكمة واعتراف قضائي (عشان ما يجونا مثقفاتية النفي والإنكار والابتلاع .....)

والزول المعترف ماشي على السجـن لا معارض ولا مناضل ولا لاجئ سياسي ..... وكمان ماهو سوداني,

ملايين السودانيين في الخليج ما بحلموا بالمبلغ دا (مكافأة نهاية خدمة) بعد عشرين سنة خدمة وكوم عيال .......


أحمد الشايقي

ما تستغربوا

ما هو ما كان حايم في سوق اللفه والا سوق سعد قشره


دا كان حايم في سوق بيتسوقوا فيهو بي مبالغ زي دي حاجه عاديه جداً !!




عشرين الف دولار ؟؟؟

غايتو دين النبي العربي ، كان الإسلام

لكن دين ديل من وين؟ يا ربي إنت تعلم .!

الراجل بعد ما قراء البوست ,, نكر القروش وقال ما حقتوا!!
سفير السودان لدي نيجيريا ينفي تعرضه لحادث سرقة بأبوجا

Quote: أبوجا 11/190/2010(سونا) نفي سعادة سفير السودان لدي نيجيريا عوض مرسي طه تعرضه لعملية سرقة بالعاصمة النيجيرية ابوجا أثناء إحتفالات البلاد بالعيد الخمسين للإستقلال في اول من أكتوبر جاء ذلك في تصريح ادلي به لسونا نفى فيه علاقته بالخبر الذي نشرته صحيفة الديلي ترست النيجيرية في السابع من هذا الشهر والذي اشارت فيه الي حكم صادر بمحكمة بابوجا علي متهم قام بعملية نشل بعض الاموال من جيب سفير السودان لدي نيجيريا وقال إنه خبر عار تماما من الصحة وانه لم يتعرض لاي حادث من هذا القبيل وقال السفير إنه قام بمخاطبة الصحيفة المعنية والسلطات المعنية في نيجيريا ينفي فيه علاقته بالحادث المذكور وطالب السفير الصحيفة بالاعتذار عن عملية اقحام إسمه في قضية لا علاقة له بها من بعيد أو قريب وقد وعد رئيس التحرير والذي كان غائبا عن البلاد بمعالجة القضية ونشر توضيحه في نفس الصفحة وكانت الصحيفة قد نشرت في السابع من هذا الشهر خبرا بالخط العريض بصفحة احداث المدينة يتناول حكم اصدرته محكمة بابوجا بحق شاب نيجيري قام بنشل السفير السوداني اثناء الاحتفالات وان السفير قام بتنبيه فريق من رجال الشرطة التي قامت بالبحث عن المبلغ المفقود والذي وجد بحوزة المتهم ولكن المتهم الذي اعترف بالجريمة قال انه لم يقم بنشل السفير ولكنه وجد المبلغ المذكور في ظرف علي الارض وقام بالتقاطه

السفير نكر القروش اها

كده معقول ....

http://www.sudaneseonline.com/ar4/publish/article_1317.shtml

يوم "نشلوا" سعادة السفير/عبدالله علقم
Oct 15, 2010, 08:00
سودانيزاونلاين.كوم Sudaneseonline.com

يوم "نشلوا" سعادة السفير

قام رشيد كريم، وهو نشال نيجيري محترف فيما يبدو، ولا تنقصه الجرأة ولا الحيلة، قام بنشل مظروف من جيب السفير السوداني في نيجيريا يحتوي على عشرين ألف دولار أمريكي (عدا نقدا) بينما كان سعادة السفير يحضر احتفالا رسميا في ساحة النسر في العاصمة أبوجا في يوم الجمعة أول أكتوبر 2010م في مناسبة الذكرى الخمسين لاستقلال نيجيريا، وفور اكتشاف السفير للسرقة قام بإبلاغ الشرطة التي أجرت بحثا مكثفا حتى ألقت القبض على النشال وفي حوزته المبلغ المفقود. وأمام المحكمة اعترف النشال بجنايته ولكنه قال إنه وجد الظرف ملقى على الأرض فلم يتردد في التقاطه ولم يدخل يده في جيب السفير، وحكمت المحكمة على الجاني بالسجن لمدة ثمانية أشهر أو دفع غرامة قدرها خمسة ألف نايرا نيجيرية أي حوالي أربعين دولار أمريكي ، ولم توضح الأخبار إن كان النشال قد دفع الغرامة أم فضل الذهاب للسجن.

وقد علق نائب رئيس الجمهورية النيجيري السابق الحاج أتيكو أبوبكر على الحدث بقوله إنه لم يكن في مكان الاحتفال لأنه لم توجه له الدعوة وأنه حتى بصفة نائب رئيس سابق لا يستطيع أن يدخل إلى مكان الاحتفال بدون دعوة رسمية.

استرد سعادة السفير ماله ، ويظهر أنه مال حلال، ولكن هناك عدة أسئلة لا بد أن تجول في أذهان المتطفلين رغم أن الأمر يخص سعادة السفير وحده.. هل هذه الدولارات ملك خاص للسفير أم ملك للدولة السودانية؟ وهل هذه هي الطريقة المثلى التي يتعامل بها مع مثل هذه المبالغ أيا كان مالكها؟ ولماذا كان سعادته يحمل ذلك المبلغ في مكان الاحتفال؟ والسؤال الأكثر حساسية هو.. كيف تسلل النشال إلى حيث يجلس أو يقف السفير مع إن نائب رئيس الجمهورية النيجيري السابق أكد أنه لا يستطيع الدخول إلى ذلك المكان بدون دعوة رسمية؟ هل هناك طرف ثالث سهّل للنشال الدخول لمكان الحفل وأن ذلك الطرف الثالث كان على علم بأن السفير يحمل ذلك المبلغ في جيبه مما قد يوحي بوجود خلل أمني ما؟

(عبدالله علقم)

[email protected]





_

غايتو اي زول عنده 20 الف دولار نقدي في جيبو وماشي بيهم في الشارع لاي احتفال
ما بطلع من الاحتمالات العشرة التالية

1- استلم او يريد ان يسلم مديونية لي زول نقدا
2- البيع نقدا والبنوك مقفولة
3- غسيل ماشي بيهو المكوة
4- مقرش وعايز ينقط في الحفلة
5- الخوف من المرة تلقاهم في غيابو ومن اين لك هذا
6- الجيب ضيق عشان كده شال 20 الف بس
7- موعد لشراء الزئبق الاحمر سرا
8- عايز يتبرع بيهم نقدا
9- عمولة من عملية تجارية صالحة او فاسدة
10- استلم تحويل نقدي من ويسترن يونيون

والله عرفتها يا جمال السنوسي

Quote: 7- موعد لشراء الزئبق الاحمر سرا

كااااااااك
الزئبق الاحمر طلب رئيس السجاده التجانيه بنيجريا
عشان الفكي بتاع اوكامبو(ههههههههههه)

وتقولي شنو وتقولي منو؟؟!!

يا حولااااااااااا

ونفس:

Quote: موعد لشراء الزئبق الاحمر سرا

الجماعه ديلاك البدعوا مقدراتهم لتنزيل القروش
(هههههههه)غايتو دي بالغته فيها يا جمال السنوسي!!




انتو نسيتوا الناس دي بتدفع (للفقرا) قدر شنو؟؟؟



قال نكرها قال(ههههههه)
طبعا تنكره يا ابو الشباب....


يا اخي الملك عبد الله ما بشيل 20 الف دولار كاش!!


قادر الله!!

ما عشن كده مبطبطين من انفصال الجنوب
عشان بقلل لكم الكاش البقلل النقاش!!




اها ثاني البتدفعوا فقره لايقاف اوكامبو حيقط
وعشان كده نعم النفصال الجنوب......ضروري جدد تجفيف الكاش
بايديكم!!يا ملاعيين.

قروش البترول الشعبنا ما شافها لا تعليم ولا علاج
تبذروا فيها...ربنا يورينا فيكم يوم.

تم نفي هذا الخبر جملة وتفصيلا من قبل السلطات النيجيرية والسفير السوداني

المنشول دبلوماسي أفريقي من بلد أخر غير السودان ..
كانوا جميعا في الأحتفال المذكور والذي جمع عدة دبلوماسيين ..

Quote: تم نفي هذا الخبر جملة وتفصيلا من قبل السلطات النيجيرية والسفير السوداني المنشول دبلوماسي أفريقي من بلد أخر غير السودان .. كانوا جميعا في الأحتفال المذكور والذي جمع عدة دبلوماسيين ..

أعرف سفير السودان لدى نيجريا د. عوض مرسي طه شخصيا وعاش معنا في اليابان عندما كان سفير السودان لدى اليابان . من أبناء حلفا رجل كريم شهم مضياف فاضل لا اصدق أن يكون في جيبه عشرة دولارات ناهيك عن خمسة وعشرين الف دولار.
له ولأسرته الكريمة التحية واطيب الأمنيات

Quote: أعرف سفير السودان لدى نيجريا د. عوض مرسي طه شخصيا وعاش معنا في اليابان عندما كان سفير السودان لدى اليابان . من أبناء حلفا رجل كريم شهم مضياف فاضل لا اصدق أن يكون في جيبه عشرة دولارات ناهيك عن خمسة وعشرين الف دولار. له ولأسرته الكريمة التحية واطيب الأمنيات

نعم وانا اشهد استاذنا جعفر الدكتور عوض رجل كريم وشهم ومضياف واعرفه حق المعرفة وزرته فى المنامة

عندما كان سفير السودان فى البحرين

Quote: أعرف سفير السودان لدى نيجريا د. عوض مرسي طه شخصيا وعاش معنا في اليابان عندما كان سفير السودان لدى اليابان . من أبناء حلفا رجل كريم شهم مضياف فاضل لا اصدق أن يكون في جيبه عشرة دولارات ناهيك عن خمسة وعشرين الف دولار. له ولأسرته الكريمة التحية واطيب الأمنيات

شكراً استاذ جعفر لقد انصفت الرجل فهو فعلا كذلك رجل من كرام الناس دبلماسي محترف دمث الاخلاق بعيد عن الشبهات وهو من مفركة في منطقة سكوت له ولاسرته التحية

وهذا ما كتبه الاستاذ محمد سيد علي همد في منتدى عبري تبج عن السفير عوض مرسي طه

Quote: محمد سيد همد السلام عليكم في أول الكلام سلام بعد هذه الغيبة الطويلة. ليس بعث الحياة في هذا البوست الذى عشعشت فيه العناكب هو الهدف الرئيسي من هذه المداخلة وإن كان هدفا وأرجو أن تكون المداخلة بداية جديدة لتواصل حميم عم أرجاء هذا البوست. السبب الرئيسي لهذا التواجد بعد غياب طال هو وقفة مؤازرة لرجل اعتبره شخصيا حلقة في سلسلة عظماء النوبة بصفة عامة وعظماء سكوت بصفة خاصة رجل عصامي بكل ما تحمل هذه الكلمة من معنى نشأ وتربي في جزيرة صغيرة نائية هناك في شمال سكوت هي جزيرة دفى التابعة لشياخة مفركة وسط أسرة رقيقة الحال كجل أسر المنطقة ولكن رغم رقة الحال كانت غنية بالمعانى الإنسانية الرفيعة والطموح الذى لا يحده حدود.كان منذ نعومة أظفاره شغوفا بالعلم والثقافة وكانت اهدافه في الحياة محسوبه و محددة ومرسومة الخطوات حيث كان يكتب على شنطة كتبه (شنطة الصفيح) اسمه مسبوقا بكلمة السفير منذ المرحلة الأولية وقد كان له ما أراد بفضل من المولى عز وجل وبتصميم وإرادة لا تتوفر إلا لمن كان مثله حيث تخرج في كلية الإقتصاد جامعة الخرطوم بمرتبة الشرف الأولى والتحق بوزارة الخارجية وأثناء الخدمة نال درجة الدكتوراة اذا فالرجل مهني محترف شهد له كل من عاصره في كل المحطات التى عمل بها بالكفاءة والتفانى فى خدمة الجالية ديدنه في ذلك المعاملة الراقية الدافئة والود الذى لا مثيل له وكان بيته في كل مكان عمل فيه محطة لكل زائر قصد الدار ساعدته في ذلك ربة الدار زوجته وبنت عمه التى يحس كل ضيف طرق الباب أنها خالته حتى وإن صغرت الضيف سناً. ذلكم هو الدكتور السفير عوض مرسى طه السفير السودانى بأبوجا الذى إدعت صحيفة نيجيرية أنه نشل مبلغ 20 ألف دولار وهو يتسوق !!!!! ثم تلقفت بعض المنتديات الخبر وراحت تكيل التهم جزافا في حق رجل رضع الأمانة والشرف من حضارة أسلافه قبل أن ترضعه اللبن والدته. هاتفت الرجل في مقر إقامته منزعجا, حالى فى ذلك حال أهله وأسرته وأصدقائه ومعارفه جاءتنى قهقهاته مجللة صافية تشوبها مرارة دفينة وله الحق فهو رجل نبيل عفيف اليد واللسان والتهم نالت رأس ماله في الحياة جورا وظلما وبهتانا قال لا أساس لما نشر في حقه وإن الصحيفة التى نشرت الخبر كذبت الخبر واعتذرت وأن صحيفتين غير تلك الصحيفة نشرت الخبر وأنه إتخذ كل الخطوات التى التى يجب إتخاذها في مثل هذه الحالات وأنه على موعد مع وزير الداخلية النيجيرى يوم 25 من الشهر الجارى ولم يخف د. عوض ما يشعر به من أسف وأسى للسهام التى نالت منه دون التحري من دقة الخبر ولكنه بأخلاق النبلاء ساق لهم العذر لأنهم يجهلونه.أتمنى من هؤلاء بعد أن جلى الأمر أن يوفوا الرجل حقه على الاقل بالاعتذار إليه , وعلى اهله واهلي في هذا البيت الكبير مؤازره الرجل و مناصرته حاشيه:- سوف نقوم بنشر قصاصات من تكذيب الصحف النيجيريه لاحقا

الحمد لله لقد ارتاح قلبى بعد ان علمت ان سفير السودان لدى نيجيريا هو الدبلوماسى المقتدر والعفيف دكتور عوض مرسى طه... اتصل بى بعض الأصدقاء ليقولوا لى أننى جرحت الرجل بجملة قصيرة فذكرت لهم أننى لم أكن اعلم ان المقصود به هو نفس الرجل الذى أعرفه منذ الطفولة انسانا عفيفا وصادقا ومحبوبا من كل من اقترب منه قبل ان يعايشه عن كثب... أسفت لأننى تسرعت فى تعليقى واعتذر عن ذلك... وتذكرت أننى ذات يوم حملت اكثر من ضعف هذا المبلغ فى صرة من تشاد الى السودان أمانات من أساتذة مدرسة الصداقة السودانية التشادية بانجمينا(عبارة عن تحويشاتهم لأشهر طوال) وذلك عندما كنت اعمل بتشاد قنصلا عاما خلآل أعوام 1985 - 1989 ولم انم طيلة الليل فى الخرطوم خوفا من ان اتعرض لسرقة وبيتى يتخرب... وبعد شراب شاى الصباح قمت بجولة طويلة لتوزيع الأمانات على أصحابها.. وعدت الى أهلى ونمت نوم قرير العين هانيها...
وانا اعلم ان أخى وصديقى سعادة السفير عوض مرسى الذى أشاد بأخلاقه الكثيرون ممن أعرفهم رجل جم التواضع وعالى الأخلاق وانه مازال ابن دفى (القلعة) القرية النوبية الوادعة فى شمال الشمال... اليه ابعث اعتذارى بعد ان تأكد لى انه مثلنا يمشى فى الأسواق ويحمل الأمانات الى أهلها ويواصل بنى وطنه بذات الروح النوبية البسيطة والسمحة...
سلامى اليك والى اسرتك والى الأهل بدفى وسرقد ومقركة وكل القرى النوبية المباركة...

نورالدين منان