ما معني اخر الاحزان ؟؟

ما معني اخر الاحزان ؟؟


10-07-2010, 04:25 AM


  » http://sudaneseonline.com/cgi-bin/sdb/2bb.cgi?seq=msg&board=310&msg=1286421955&rn=22


Post: #1
Title: ما معني اخر الاحزان ؟؟
Author: doma
Date: 10-07-2010, 04:25 AM
Parent: #0

لكم يتملكني التعجب من هذه العباره عندما تقال للعزاء
لان الموت الجسدي هو الحقيقه التي لا جدال حولها اي كل حي مصيره الي زوال
فان قلت لشخص ما معزيا جعلها الله اخر الاحزان
فمعني هذا انك تتمني ان لا يري حزنا اخر
اي بمعني ان يكون هو نفسه من ينتقل الي العالم الاخر بعد هدا الحزن الدي اصابه ,
ولا كلامي دا غلط ؟؟؟؟

Post: #2
Title: Re: ما معني اخر الاحزان ؟؟
Author: doma
Date: 10-07-2010, 04:44 AM
Parent: #1

والاغرب يقولون لك
جعلها الله اخر الاحزان
وبذا يطلبون من الله المستحيل
فقد
اقتضت اراده الله نفسه ان يكون هناك موت لكل ما هو حي من مخلوقاته

Post: #7
Title: Re: ما معني اخر الاحزان ؟؟
Author: خالد العبيد
Date: 10-07-2010, 05:06 AM
Parent: #2

سلام يا دوما
اعتقد انو عبارات التعزية بتختلف باختلاف الذوق وثقافة المعزي
واخر الاحزان قد يقصد بها ما تشوف شر تاني
واكيد طريقة التعزية بتختلف من شعب لآخر
واستعمال كلمة زي
sorrow
قد تكون غريبة علينا وليس بها حميمية كما نحس من قائلها
لانو اتعودنا على البكا والنحيب عند فقد عزيز
كما لها اختلافات اخرى مثلا حكى لي صديق قبل فترة
انو اصحاب من المنطقة الصناعية مات زميل لهم
فذهبو للتعزية وقابلو اخو المرحوم وقال له احدهم:
اللستك ده طق متين
واسف ان كانت الطرفة في غير موضعها
واحترامي الزائد

Post: #3
Title: Re: ما معني اخر الاحزان ؟؟
Author: عاطف عمر
Date: 10-07-2010, 04:49 AM
Parent: #1

Quote: لكم يتملكني التعجب من هذه العباره عندما تقال للعزاء
لان الموت الجسدي هو الحقيقه التي لا جدال حولها اي كل حي مصيره الي زوال
فان قلت لشخص ما معزيا جعلها الله اخر الاحزان
فمعني هذا انك تتمني ان لا يري حزنا اخر
اي بمعني ان يكون هو نفسه من ينتقل الي العالم الاخر بعد هدا الحزن الدي اصابه ,
ولا كلامي دا غلط ؟؟؟؟

Quote: فمعني هذا انك تتمني ان لا يري حزنا اخر
اي بمعني ان يكون هو نفسه من ينتقل الي العالم الاخر بعد هدا الحزن الدي اصابه ,

كلامك صاح
أنا كذلك فهمتها هكذا لكن من كثرة استعمال الناس لها أصابني الشك في فهمي
احتفظت بفهمي لنفسي ولم استعملها مطلقاً

شكراً دومة

يبدو أنه قد آن أوان الكشف عن ( الأخطاء الشائعة ) في ثقافتنا

Post: #4
Title: Re: ما معني اخر الاحزان ؟؟
Author: Adil Hamza
Date: 10-07-2010, 04:51 AM
Parent: #3

كلامك عين العقل يا خالة دومة

عادل

Post: #5
Title: Re: ما معني اخر الاحزان ؟؟
Author: khaleel
Date: 10-07-2010, 04:56 AM
Parent: #4

ماما دومة


انا معجب كثير بتلك العبارة وهي تدخل في اطار التخفيف

علي المصاب وهي عبارة علاقات عامة ليس لها علاقة بالقضاء والقدر

يعني زي لما تقول لي زول تصبح علي خير

ويموت

ما بتفرق كتير

هيك ول مو هيك

Post: #11
Title: Re: ما معني اخر الاحزان ؟؟
Author: خالد العطا
Date: 10-07-2010, 05:23 AM
Parent: #4

ماما دومة

سلام وتحية


Quote: جعلها الله اخر الاحزان
وبذا يطلبون من الله المستحيل

Post: #13
Title: Re: ما معني اخر الاحزان ؟؟
Author: doma
Date: 10-07-2010, 05:31 AM
Parent: #11

مرحبا بكل الاحباء الابن عادل حمزه اخونا ود العبيد والعزيز اخي العوض
شكرا لمروركم اللطيف

Post: #16
Title: Re: ما معني اخر الاحزان ؟؟
Author: doma
Date: 10-07-2010, 05:41 AM
Parent: #11

مرحبا الابن خالد العطا
ما فهمت رائك هل توافقني ام تخالفني الرائ ؟؟
ولم افهم معني اللون الاحمر في قولي فهم بذا يطلبون من الله الميتحيل ؟؟
اعلم انه لا شئ مستحيل علي الله مطلقا ولكن الله rational بمعني انه لا يغير قوانينه الطبيعيه
اقتضت حكمته ان تموت الاحياء بفناء مادتها ولا اقصد الفناء بمعني العدم لا
بل تعود الي مكوناتها الاوليه
وما يحزننا عند موت عزيز علينا هو انقطاع وجوده المادي بيننا

Post: #81
Title: Re: ما معني اخر الاحزان ؟؟
Author: خالد العطا
Date: 10-10-2010, 02:51 AM
Parent: #16

ماما

يديك العافية


Quote: مرحبا الابن خالد العطا
ما فهمت رائك هل توافقني ام تخالفني الرائ ؟؟
ولم افهم معني اللون الاحمر في قولي فهم بذا يطلبون من الله الميتحيل ؟؟
اعلم انه لا شئ مستحيل علي الله مطلقا ولكن الله rational بمعني انه لا يغير قوانينه الطبيعيه
اقتضت حكمته ان تموت الاحياء بفناء مادتها ولا اقصد الفناء بمعني العدم لا
بل تعود الي مكوناتها الاوليه
وما يحزننا عند موت عزيز علينا هو انقطاع وجوده المادي بيننا


زي ما زكر الاخوان
المقصود التخفيف من الاحزان
راي انه الله قادر على كل شئ بمعنى قد تستجاب الدعوة من الله سبحانه وتعالى
وتكون فعلا اخر احـزان الشخص

كيف مثلا الخص يموت قبل افاربه واصدقاءه وبذلك يكون ذلك الحزن اخر حزن في حياته من غير ان نغير قوانيين الطبيعة

Post: #6
Title: Re: ما معني اخر الاحزان ؟؟
Author: doma
Date: 10-07-2010, 04:59 AM
Parent: #3

شكرا الاخ عاطف عمر
والله عندي اراء كثيره في ر اسي دا
لكنني اخشي ان يتكالب علي الناس .

Post: #8
Title: Re: ما معني اخر الاحزان ؟؟
Author: doma
Date: 10-07-2010, 05:06 AM
Parent: #6

Quote: يعني زي لما تقول لي زول تصبح علي خير

ويموت

لا موهيك يا خلي
لانك في هذه الحاله انت تتمني له شئ يمكن ان يحدث ويمكن الا يحدث
لكين ان تتمني الا يري حزنا اخر هذا غير ممكن
لان كل حي الي الموت
الا ان تتمنى له الموت بعد هذا الحزن .

Post: #9
Title: Re: ما معني اخر الاحزان ؟؟
Author: khaleel
Date: 10-07-2010, 05:10 AM
Parent: #8

Quote: لانك في هذه الحاله انت تتمني له شئ يمكن ان يحدث ويمكن الا يحدث



طبعا مستحيل الا يحزن مرة

سيحزن وستكون حياته بحر دموع


ولكن للتخفيف عليه في مصابه الاني

تقول له اخر الاحزان ولما يحزن تقول له نفس العبارة

الي حين ميسرة

Post: #12
Title: Re: ما معني اخر الاحزان ؟؟
Author: doma
Date: 10-07-2010, 05:28 AM
Parent: #9

لووووووووول خلي كنت قايله ناس رياضيات وهندسه ديل اقدر الناس لفهم الابستراكت
لكين لقيتك قادي منطق عديل كدا
كونك تقول لزول تصبح علي خير لا غبار علي استعمالها
لانها تحتمل ان يصبح علي خير او لا يصبح
لكين لما تقول له جعلها الله اخر الاحزان
ومن البداهه ان الاحزان جراء موت عزيز لدينا لا انقطاع لها الا بموتنا
فهنا في خطأ منطقي

Post: #10
Title: Re: ما معني اخر الاحزان ؟؟
Author: Elawad
Date: 10-07-2010, 05:11 AM
Parent: #6

والله يا دوما أنا زي أخوي عاطف دا أصلا العبارة دي ما كانت واقعة لي. زي ما قلتِ الموت هو مصير كل حي و إذا تمنينا لشخص أن يكون هذا الحزن آخر أحزانه فهذا يعني ألا يعيش ليرى حزنا آخر و إلا فالموت متربص بكل من حولنا من نحب و من لا نحب.

Post: #14
Title: Re: ما معني اخر الاحزان ؟؟
Author: khaleel
Date: 10-07-2010, 05:32 AM
Parent: #10

Quote: لووووووووول خلي كنت قايله ناس رياضيات وهندسه ديل اقدر الناس لفهم الابستراكت
لكين لقيتك قادي منطق عديل كدا


يا ماما دومة يا بتاعة زراعة انتي


العبارة تاني بقول ليك للتخفيف والمجاملة والعلاقات العامة


ليس لها علاقة بالقضاء والقدر

Post: #50
Title: Re: ما معني اخر الاحزان ؟؟
Author: ايهاب الطيب بله
Date: 10-07-2010, 10:28 AM
Parent: #10

فعلا والله زى لما تقول لى زول اجاركم الله مماذا يجيرهم الله من الموت الذى لا مفر منه وكلنا لها

ام من الاجر طبعا ما واقعا لى عشان كدى ما بستعملها ابدا بس البركه فيكم واحسن الله عزاءكم وللفقيد الرحمه

Post: #15
Title: Re: ما معني اخر الاحزان ؟؟
Author: هاشم أحمد خلف الله
Date: 10-07-2010, 05:32 AM
Parent: #1

هههههههههههه

الله يجازي مِحنك يا خالتو دومه

يادوب عايزة تعرفي اخر الإحزان ؟؟

اخر الأحزان هي عندما ننتقل من الدنيا
إلي العالم الأخر وبرضو مافي ضمان ّّ!!
اتفق معك ومع كل من إعترض على هذه الكلمة
وانا واحد من الناس ما بستخدما نهائي

تليشة :-

يعنى هي بقت على الكلمة دي بس يا خالتو ؟؟

Post: #17
Title: Re: ما معني اخر الاحزان ؟؟
Author: doma
Date: 10-07-2010, 05:46 AM
Parent: #15

Quote: يعنى هي بقت على الكلمة دي بس يا خالتو ؟؟


اهلا الابن الجميل هاشم
لووووول
لا والله بس خالتك قالت تبدا
بي دي وتدخل في الغريق
الا ناس المعلبات ح يدقوني دق العيش

Post: #18
Title: Re: ما معني اخر الاحزان ؟؟
Author: هجو الأقرع
Date: 10-07-2010, 06:06 AM
Parent: #17

الاخت الكريمة دومة ، عساك و الاسرة بخير ، قبل الاتفاق و الاختلاف ، اعتقد و الله اعلم ان العبارة اتت الينا من ثقافات اخرى ، واظن من مصر ، سبحان الله هذه الكلمة منتشره هنا فى التعزيه ، غايتو شكلها كده ما بريح ، و احسن الواحد يبعد عنها ، وطالما الزول دعا حقو يدعو لصاحب المصيبه بالصبر له و الدعاء لميته . معليش شكلو كده كلامى ما هو مرتب بس و الله طالع من وردية ليل ، وانت صاحبت واجب فقلنا نتداخل ونسلم عليك كمان.

Post: #19
Title: Re: ما معني اخر الاحزان ؟؟
Author: Rawia
Date: 10-07-2010, 06:06 AM
Parent: #17

هو الحزن دا الا على فراق حبيب بالموت؟
الحزن بقى ماركة مسجلة في حياتنا
مابتذكر أخر مرة إبتسمت ولا حتى دندنت بأغنية متين
بحلم يكون في آخر لاحزاني
حتى لو بالموت

Post: #20
Title: Re: ما معني اخر الاحزان ؟؟
Author: haroon diyab
Date: 10-07-2010, 06:14 AM
Parent: #19

زينب بت الفحل

سلامات ياخالة

اعتقد باني استخدم هذه العبارة كثيرا

واتفق تماما مع الاخ خليل في انها تقال

للتخفيف عن الحزن .....

واعتقد ايضا والله اعلم بان المقصود بها

ان لايكون في حياتك حزن اكبر من هذا .

هذا والله اعلم

ولكي التحية

Post: #21
Title: Re: ما معني اخر الاحزان ؟؟
Author: doma
Date: 10-07-2010, 06:15 AM
Parent: #19

مرحبا بالاخ هجو الاقرع اسعد ني مرورك
وكلامك منظم رغم انك طالع من ورديه
احتمال الناس البتستعملها تكون ا حاسه انها عباره متحضره لانها من بلاد برا
لكين انا شايفاها عباره جوفاء ومجافيه لطبيعه الاشياء
احسن اقول للزول احسن الله عزاءكم وصبركم علي مراره الفقد.

Post: #23
Title: Re: ما معني اخر الاحزان ؟؟
Author: doma
Date: 10-07-2010, 06:23 AM
Parent: #21

Quote: اعتقد باني استخدم هذه العبارة كثيرا

واتفق تماما مع الاخ خليل في انها تقال

للتخفيف عن الحزن .....

واعتقد ايضا والله اعلم بان المقصود بها

ان لايكون في حياتك حزن اكبر من هذا .

هذا والله اعلم

لوووووووول غايتو الليله زرزره شديده

يبدو ان العباره موضه في اصقاع الدوحه
اتمني ان اري مزيدا من الدفاع عنها من اهل الدوحه
الي الان لم يات كيكي او الابن كمال سالم
دفاع كل من خلي وهارون دياب ضعيف


Post: #27
Title: Re: ما معني اخر الاحزان ؟؟
Author: haroon diyab
Date: 10-07-2010, 06:50 AM
Parent: #23

Quote: دفاع كل من خلي وهارون دياب ضعيف


تصدقي.....

امس مشيت عزاء والجماعة قاعدين

والله وماطالباني حليفة لامن اعزي

واجي في حتة ( جعلها اخر احزانكم )

ارفع ليك صوتي شوية....!!!!

نظام الولد مسقف وكده....!!!!

انا حسع قلته ارمي مداخلتي الفوق دي

واتخارج قبال ماتصحي ...اجي القاكي

مصنقرة بي هنا ومفراكتك في يدك....؟

الليلة يحلنا الحلة بله....!!!!

Post: #30
Title: Re: ما معني اخر الاحزان ؟؟
Author: doma
Date: 10-07-2010, 07:05 AM
Parent: #27

Quote: تصدقي.....

امس مشيت عزاء والجماعة قاعدين

والله وماطالباني حليفة لامن اعزي

واجي في حتة ( جعلها اخر احزانكم )

ارفع ليك صوتي شوية....!!!!

نظام الولد مسقف وكده....!!!!

انا حسع قلته ارمي مداخلتي الفوق دي

واتخارج قبال ماتصحي ...اجي القاكي

مصنقرة بي هنا ومفراكتك في يدك....؟

الليلة يحلنا الحلة بله....!!!!

لوووووووووووول والله انت اعسل زول
اها بعد دا بالله في مآتم الغبش ما تقولوها
احسن تقولوا احسن الله عزاءكم او جبر الله الكسر
.ربنا يصبركم ما في اجمل منها
ايه اخرالاحزان دي ؟؟!!



Post: #22
Title: Re: ما معني اخر الاحزان ؟؟
Author: Gaafar Ismail
Date: 10-07-2010, 06:16 AM
Parent: #19


Quote: فمعني هذا انك تتمني ان لا يري حزنا اخر
اي بمعني ان يكون هو نفسه من ينتقل الي العالم الاخر بعد هدا الحزن الدي اصابه ,
ولا كلامي دا غلط ؟؟؟؟

اختي العزيزة دومه
اوافقك الرأي ..هذه العبارة ليس لها تفسير آخر غير الذي ذكرتيها ..بعضهم يستعمل عبارة ( نسأل الله أن لا يريكم مكروها ) والفقهاء عندهم فيها رأي .

تحياتي ومودتي

Post: #25
Title: Re: ما معني اخر الاحزان ؟؟
Author: doma
Date: 10-07-2010, 06:29 AM

اخي المحترم جعفر اسماعيل
عساك والاسره بكل الخير سرني مرورك

Post: #24
Title: Re: ما معني اخر الاحزان ؟؟
Author: doma
Date: 10-07-2010, 06:27 AM
Parent: #19

لي كدا يا رورو يااخي ابتسمي رغم الاحزان
انها الحياه
فكري بايجابيه
ما عجبتيني اليوم
تعالي نتونس

Post: #26
Title: Re: ما معني اخر الاحزان ؟؟
Author: حامد محمد حامد
Date: 10-07-2010, 06:48 AM
Parent: #24

الاخت دوما

فلكلور شعبى دائما تقال بغرض التخفيف ولا بغرض التحقيق فالعبارة فى حد ذاتها تفقد المنطق كما تقولين ولكن عند ذات الحدث لها وقع اخر فيقبلها المتلقى دون تفكير .

عبارة استخدمها وبالذات مع الاخوة المصريين

Post: #29
Title: Re: ما معني اخر الاحزان ؟؟
Author: doma
Date: 10-07-2010, 06:58 AM
Parent: #26

Quote: فلكلور شعبى دائما تقال بغرض التخفيف ولا بغرض التحقيق فالعبارة فى حد ذاتها تفقد المنطق كما تقولين ولكن عند ذات الحدث لها وقع اخر فيقبلها المتلقى دون تفكير .

عبارة استخدمها وبالذات مع الاخوة المصريين

شكرا الاخ حامد محمد حامد
وبما انها فلكلور شعبي مصري اتمني انكم تستعملوها ليهم
انا غايتوا رجاءا ماتستعملوها معاي

Post: #28
Title: Re: ما معني اخر الاحزان ؟؟
Author: doma
Date: 10-07-2010, 06:54 AM
Parent: #24

لووووول من قبيل اقول انتوا خلي دا بدافع باستماته عن اخر الاحزان كدي مالوا ؟؟؟!!
و بعد قول اخونا هجو الاقرع انها منتشره عندهم وكمان جاء هارون دياب وقال يعتقد انه شخصيا يكثر من استعمالها
مع اني عفيتو من زرزره كلمه يعتقد دي ذات نفسها .
رجعت للبوست الذي رايت فيه عباره جعلها الله اخر الاحزان فوجدت ان من ذكرها هو خلي شخصيا
الحقيقه انا لي زمن العباره دي غايظاني
اها اليوم وقعت عيني عليها في البوست الذي نعي فيه عصام جبر الله عمته
ولم الق بالا لمن هو كاتب العباره
وبعد ان عزيت الاخ عصام
كتبت البوست دا اسال عن معناها وماذا تعني لي

Post: #31
Title: Re: ما معني اخر الاحزان ؟؟
Author: haroon diyab
Date: 10-07-2010, 07:13 AM
Parent: #28

بمناسبة الاحزان وكده

هاكي دي بما انها قدييييييييييمة.....

المسطول قال :

مشيت ليك بيت البكاء قلته اعزي مع الجماعة

عاوز اشيل الفاتحة

لقيتم مسيحيين.....

كشحتهم ليك ب ( قل ياايها الكافرون ) واتخارجت ....!!!!!!

Post: #32
Title: Re: ما معني اخر الاحزان ؟؟
Author: اساسي
Date: 10-07-2010, 07:15 AM
Parent: #28

والله يا دوما الواحد لو تابعكم وانتو بتنتفوا في عبارات مجاملاتنا وتسحقوا فيها واحدة ورا التانية , لو مشي بيت عزاء الا يقول ليهم (الحصل حصل)

Post: #33
Title: Re: ما معني اخر الاحزان ؟؟
Author: فيصل نوبي
Date: 10-07-2010, 07:23 AM
Parent: #32

Quote: والله يا دوما الواحد لو تابعكم وانتو بتنتفوا في عبارات مجاملاتنا وتسحقوا فيها واحدة ورا التانية , لو مشي بيت عزاء الا يقول ليهم (الحصل حصل)



Post: #34
Title: Re: ما معني اخر الاحزان ؟؟
Author: Emad Abdulla
Date: 10-07-2010, 07:26 AM
Parent: #32

Quote: لو مشي بيت عزاء الا يقول ليهم (الحصل حصل)
هههههههه .. الله يكتلك عشان نمشي نقولا ..
أخونا عبدالله ( قعر بابور ) في وفاة جدو عمك عبدالرازق قاعد في الفراش .. جوهم ناس رفعوا الفاتحة مع خيلانو و كحلوهو قاعد بعيد كده ، طوالي كابسوهو ليك : الفاتحة يا عبدالله .. الفاتحة ..
عاين ليهم كدددده و وقف قال ليهم : ما بطال .

...........
راوية كلامها صاح ..
هو الحزن كان بقى بس علي الموت .. البطن مافيها مغسة ..
الحزن متندل و متحمدنا وين ما قبلنا .
و بعدين يا زينب ياخي مالو .. ما نتمني يعني ؟؟ حتي المنى بقي ما ياهو ؟؟
ساكت كده بس نظام احلام زلوط و تخدير لبعضنا - و فايت قعر أضاننا إنه سيك سيك معلق فيك -

Post: #36
Title: Re: ما معني اخر الاحزان ؟؟
Author: انعام حيمورة
Date: 10-07-2010, 07:47 AM
Parent: #34

سلام يا ماما دومة ..

العبارة حقت اهلنا الشوام .. (ربنا جعلها آخر الاحزان ) و (العمر الك) .. يعني ما زينا برفعوا الفاتحة في البكى ..

والغريبة التحلية والباسطة شي اساسي في وجبة البكى ..


ربنا يطول عمرك وما تشوفي حزن يارب


محبتي

Post: #42
Title: Re: ما معني اخر الاحزان ؟؟
Author: doma
Date: 10-07-2010, 08:22 AM
Parent: #36

غايتوا يا بت حيموره اهلكم ديل الياكلو باستطم دي بعيد مننا
انا زولي ميت باسطه شنو
لو قرضت لي كسره ناشفه يكون كتر خيري .
.
في جهات ود بانقا لسع بنسوي الكسره بملاح الويكه والقرع
اختلاف ثقافات كل زول يسوي ثقافتوا في بيئته.
انا غايتوا ما دايره ابقي من الشوام اتمني اني اموت سودانيه غبشاء .
في بلد الخواجات مش ما ببكوا قدام الناس ؟؟
لما ام زوجي وهي يشهد الله كانت لي نعم الام ماتت
بكيتها دمعها سخيا
ما اشتغلت بي زول فيهم

Post: #46
Title: Re: ما معني اخر الاحزان ؟؟
Author: doma
Date: 10-07-2010, 09:59 AM
Parent: #42

شكرا الابن تبلدينا لحضورك اللطيف
ورحم الله والدك ووالدتكم رحمه واسعه وجعل الخير في ذريتهم

Post: #41
Title: Re: ما معني اخر الاحزان ؟؟
Author: doma
Date: 10-07-2010, 08:13 AM
Parent: #34

لوووووووول يا عمده بس خدروها بي شئ معقول اوفر دوز دي بتجيب خبركم
بعدين في ادعيه تاني كدا تقال للميت نفسه انا بفتكرها انها تحف وارجوكم ما تقولوها لي
جني وجن المويه البارده للغسل

Post: #43
Title: Re: ما معني اخر الاحزان ؟؟
Author: doma
Date: 10-07-2010, 08:32 AM
Parent: #34

Quote: و بعدين يا زينب ياخي مالو .. ما نتمني يعني ؟؟ حتي المنى بقي ما ياهو ؟؟
ساكت كده بس نظام احلام زلوط و تخدير لبعضنا - و فايت قعر أضاننا إنه سيك سيك معلق فيك -

تعال يا عماد عبد الله انا قبل كدا مش علقت بوست هنا دا وبنادي فيك بالاسم ما جيت عشان شنو؟؟؟
اتذكرته اسع دي ما تعتمد علي اني مصابه بالخرف

Post: #45
Title: Re: ما معني اخر الاحزان ؟؟
Author: Tabaldina
Date: 10-07-2010, 09:55 AM
Parent: #34

..
.
Quote:
أخونا عبدالله ( قعر بابور ) في وفاة جدو عمك عبدالرازق قاعد في الفراش ..
جوهم ناس رفعوا الفاتحة مع خيلانو و كحلوهو قاعد بعيد كده ، طوالي كابسوهو ليك : الفاتحة يا عبدالله .. الفاتحة ..
عاين ليهم كدددده و وقف قال ليهم : ما بطال .

قرقر قرقر قرقر

------------


هذه لا تضاهيها متعة الا ( الحصل حصل )

Post: #35
Title: Re: ما معني اخر الاحزان ؟؟
Author: abdulhalim altilib
Date: 10-07-2010, 07:46 AM
Parent: #32

الأخت العزيزة / دوما
تحياتي وتقديري ،


هي فعلاً عبارة تتعارض وسنة الحياة في أن الموت
سبيل الأولين والآخرين .. لكن ربما كان المقصود
بها (آخر الأحزان) الكبيرة ، أي ألا تصادف حزناً
كبيراً في حياتك بعد هذا الحزن ، وقد تصادف
أحزان صغيرة عديدة ، ولكننا ندعو الله لك ألا
تفقد عزيزاً آخر حتى تلقى أنت وجه ربك ، وأن
يكون حزنك على رحيل عزيزك ذاك هو آخرها ؟!
أو هكذا ينحو تفكيري عند نطق أو سماع تلك العبارة
الغريبة (آخر الأحزان) ؟!.

و .. أرجو ألا تسبب لك مداخلتي هذه أي (حزن)
حتى ولو كان صغيراً ، إن لم تعجبك أو لم يروق
لك التعليل الذي افترضته لها ؟!

و .. جعل الله كل أيامك افراحاً .. أختي دوما


مودتي ،


( ليمو )

Post: #37
Title: Re: ما معني اخر الاحزان ؟؟
Author: هواري نمر
Date: 10-07-2010, 07:56 AM
Parent: #35

Quote: ما معني اخر الاحزان ؟؟

خالتو دوما..
تحياتي و إحترامي.....

غايتو ما بعرف معناها و لا بحب استعملها ابداَ ,بحس بيها ما حقتنا كده
وبتاعت مسلسلات مسلسلات كده
بمشي الفاتحة أو المقابر:
الفــــــــــاتـــــــــحة
الدوام لله..
الدائم الله والحي الله
شد حيلكم
جبر الله كسركم
الحمد لله, وكلنا ليها
يا زول الصبر الصبر

وووووووو......... غيرها من عبارات التعزية المتداولة..
نسمع ونقول العبارات دي بصوت عالي

Post: #39
Title: Re: ما معني اخر الاحزان ؟؟
Author: doma
Date: 10-07-2010, 08:05 AM
Parent: #37

Quote: لفــــــــــاتـــــــــحة
الدوام لله..
الدائم الله والحي الله
شد حيلكم
جبر الله كسركم
الحمد لله, وكلنا ليها
يا زول الصبر الصبر

وووووووو......... غيرها من عبارات التعزية المتداولة..
نسمع ونقول العبارات دي بصوت عالي

تسلم ياى هواري ولدي
وتسلم الاصاله
كلام يثبت مسمار القلب

Post: #40
Title: Re: ما معني اخر الاحزان ؟؟
Author: doma
Date: 10-07-2010, 08:09 AM
Parent: #35

Quote: ولكننا ندعو الله لك ألا
تفقد عزيزاً آخر حتى تلقى أنت وجه ربك ، وأن
يكون حزنك على رحيل عزيزك ذاك هو آخرها ؟!

شكرا يا ليمو اسعدتني مشاركتك كثيرا
تفسيرك يطابق ما قلت انا به يعني الزول البنعزي فيه دا هو من في الصف

Post: #38
Title: Re: ما معني اخر الاحزان ؟؟
Author: doma
Date: 10-07-2010, 08:01 AM
Parent: #32

Quote: والله يا دوما الواحد لو تابعكم وانتو بتنتفوا في عبارات مجاملاتنا وتسحقوا فيها واحدة ورا التانية , لو مشي بيت عزاء الا يقول ليهم (الحصل حصل)

لوول والله يا السماني يا ولدي الغريبه انا من الناس المكجنيين بكاء ناس المدينه المسيخ والمحشي الفي بيت البكاء
وجني تجي انصاريه سنه تقعد قدامي تقول ما تبكي البكاء حرام
لكين حكايه اخر الاحزان
دي اصلوا يطرشني ويقد اضاني في السودان زمان ما سمعت بيها
وانا بكيت وعزيت وعايشت احزان بعمر ناس البورد ديل كلهم
زول بيكون بكى قدر مافي
وزول بعزي متلي ما في
وزول نجضتوا محن الدنيا دي قدري ما في
الا حكايه اخرالاحزان دي ابدا ما مبلوعه .

Post: #44
Title: Re: ما معني اخر الاحزان ؟؟
Author: Tabaldina
Date: 10-07-2010, 09:51 AM
Parent: #38

..
.
Quote: ما معني اخر الاحزان ؟؟

لا معنى لها ..
جملة خطأ لغويا .. ودينيا وشرعا ..
فالموت كما ذكرتى لا يقف .. والاحزان مستمرة
سمعتها فى يناير فى وفاة ابى رحمه الله
وما مضت 3 اشهر الا تجددت هذه الاحزان ..

--------------

قال تعالى:" قل إن الموت الذي تفرون منه فإنه ملاقيكم ثم تردّون إلى عالم الغيب والشهادة فينبؤكم بما كتنم تعملون"

يعنى سيك سيك معلق فيكـ
وستستمر سلسلة الاحزان بلا اخر .. وبلا توقف
اللهم كن لنا عند موتنا
اللهم سهل علينا حسابنا
اللهم ثبتنا عند سؤال الملكين
اللهم ارحم موتانا وموتى المسلمين ..

تحياتى ..

Post: #47
Title: Re: ما معني اخر الاحزان ؟؟
Author: عاطف عمر
Date: 10-07-2010, 10:08 AM
Parent: #1

Quote: والله عندي اراء كثيره في ر اسي دا
لكنني اخشي ان يتكالب علي الناس

قولي رأيك ولا يهمك يا دومة
إن لم يغير المثقفون أمثالك الواقع الخاطئ فمن يغيره يا ترى ؟؟
التكالب ( على فرض حدوثه ) هو الضريبة الواجبة السداد التي يدفعها كل من يأتي للناس بفهم مغاير لما ألفوه.

وتاني شكراً جزيلاً

Post: #48
Title: Re: ما معني اخر الاحزان ؟؟
Author: عفاف الصادق بابكر
Date: 10-07-2010, 10:20 AM
Parent: #47

Quote: ومن البداهه ان الاحزان جراء موت عزيز لدينا لا انقطاع لها الا بموتنا

أحيييييي يا دوما بعد الحبايب يمشوا تانى اخر احزان شنو .. والله الحزن يسكنك لمن تمشي تخلى الحزن زاتووووو ... قال اخر احزان قال بالله بعد امى خدوج حبيبتى ..وتونه اختى بت حشي امي .. تانى دي اخر احزان .. هى يا دوب الاحزان انطلقت .. استغفر الله العظيم ...


ماما دوما مشتاقين والله مالك مختفية كده ...

Post: #51
Title: Re: ما معني اخر الاحزان ؟؟
Author: doma
Date: 10-07-2010, 10:34 AM
Parent: #48

لهن الرحمه الواسعه يا عفاف
ربي يصبرك يا حبيبه ويقويك
اعلم عمق الجراح وآلامها
ولكنها الحياه .

Post: #49
Title: Re: ما معني اخر الاحزان ؟؟
Author: doma
Date: 10-07-2010, 10:28 AM
Parent: #1


Post: #52
Title: Re: ما معني اخر الاحزان ؟؟
Author: khaleel
Date: 10-07-2010, 10:53 AM
Parent: #49

ماما دومة

حا اهريك النهار دا زي ما قال عادل


Quote: يقال للذين يواجهون اي حزن اخر الاحزان ان شاءالله...


هل هذا تمني جيد ام سيئ؟؟؟

بانتظار ردودكم...

Post: #53
Title: Re: ما معني اخر الاحزان ؟؟
Author: khaleel
Date: 10-07-2010, 10:54 AM
Parent: #52

Quote: أولا أحييك أخى الكريم أمانج لأنك لك وحشه وندعوا الله ألا يحرمنا من وجودك دائما أما بالنسبه للتمنى فهذا تمنى جيد مما لاشك فيه فمن منا يريد أن يعيش فى الأحزان كما أن رسولنا الكريم سيدنا محمد عليه أفضل الصلاه والسلام كان يستعيذ بالله من الحزن ومن الهم وغير هذه الأمور التى تجعل المسلم فى ضيق وندعوا الله أن يعيذنا منها

Post: #54
Title: Re: ما معني اخر الاحزان ؟؟
Author: khaleel
Date: 10-07-2010, 10:55 AM
Parent: #53

Quote: يا صاحب الهم إن الهم منفرج = أبشر بخير فإن الفـارِج الله
اليأس يَقْطَع أحيانا بصاحِبِه = لا تيأسَنّ فإن الكـــافي الله
الله يحدث بعد العُسْر مَيسرة = لا تجزعنّ فإن الصَّـانِع الله
وإذا بُلِيتَ فَثِقْ بالله وارضَ به = إن الذي يَكْشِف البلوى هو الله
والله ما لَك غير اللهِ مِن أحَدٍ = فَحَسْبُك الله .. في كلٍّ لكَ الله

بارك الله لك اخى الحبيب أمانج

وأظن ان هذا دعاء ان يجعل أخر أحزانه هو هذا الحزن الذى هو فيه
والله تعالى أعلى وأعلم

بارك الله فيك

Post: #55
Title: Re: ما معني اخر الاحزان ؟؟
Author: عبد الناصر الخطيب
Date: 10-07-2010, 10:56 AM
Parent: #49

أستاذة/ دومة
تحية طيبة ,,,


في السودان كنا بنعزي بشيل الفاتحة وإن شاء الله البركة فيكم و............... الخ


------------------

جبر الله كسركم وجعلها الله أخر الاحزان

دي لاقتني في التعزية هنا _ المملكة العربية السعودية _
وبستعمله لما يكون العزء ما سوداني , مع ملاحظة انو في جنسيات بتعزي بشيل الفاتحة بس ما معاها
رفعت اليد البنعمله بالطريقة السودانية التقليدية , بعضهم ما عندهم حتت الفاتحة دي وبتكون التعزية فقط بعبارات منها العيارة الواردة أعلاه

عشان كده الواحد ما بدقق فيها كتير بستخدمه لانها التعزية المتعارف عليها _ ما اكتر _
فما عارف هل دي كمان برضها قطعت البحر وبفت مستخدمة في السودان !!!!!!!!


ولك التحية وأكيد التقدير ,,,

Post: #56
Title: Re: ما معني اخر الاحزان ؟؟
Author: khaleel
Date: 10-07-2010, 10:57 AM
Parent: #55

Quote: نعم أخي مليئة بالأحزان
لكن يجوز قولها نوع من أنواع شد الأذر
وقد تكون كلمة إن شاء الله آخر الأحزان تقال على أنها مطلب من الله أن لايأتينا بحزن قبل أن يأتينا فرح وليس المقصود بها آخر العمر

Post: #63
Title: Re: ما معني اخر الاحزان ؟؟
Author: doma
Date: 10-07-2010, 12:58 PM
Parent: #56

ياولد يا خلو ما تبلش حنكشه
وتشيل فاتحه كاربه متل اهلك ناس المعيلق
وود الترابي والحليله
وتقول جبر الله كسركم والدوام لله .

Post: #62
Title: Re: ما معني اخر الاحزان ؟؟
Author: doma
Date: 10-07-2010, 12:52 PM
Parent: #55

Quote: عشان كده الواحد ما بدقق فيها كتير بستخدمه لانها التعزية المتعارف عليها _ ما اكتر _
فما عارف هل دي كمان برضها قطعت البحر وبفت مستخدمة في السودان !!!!!!!!


اهلا بيك يا عبد الناصر الخطيب
القطع البحر كثير
وربنا يستر
ما نتسعود
ونتشومن
ونتلبنن .
شايفه خلو وهارون دياب مجتهدان في نشر ها في البورد هنا

Post: #57
Title: Re: ما معني اخر الاحزان ؟؟
Author: مدثر صديق
Date: 10-07-2010, 10:59 AM
Parent: #49

الخالة
doma
انا غايتو شائف استعمال ( اخر الاحزان ) في السودان قليل جدا و اوافقك الراي انواالجملة دي ما جاية كده من جميع النواحي ( دينية,عقلية ...)
و افضل حاجة سمعتها هي ما قاله النبي صلى الله عليه و سلم لبنته عند وفاة ابنها: إن لله ما أخذ وله ما أعطى وكل شيء عنده بأجل مسمى، فلتصبر ولتحتسب .مع انو بقولوا انهلا مانع من استعمال غير ذلك من الألفاظ نحو: أعظم أجركم... أو أحسن الله عزاءكم وغفر لميتكمو كده ...

Post: #58
Title: Re: ما معني اخر الاحزان ؟؟
Author: khaleel
Date: 10-07-2010, 11:00 AM
Parent: #57

التاصيل لعبارة اخر الاحزان


Quote: عن أنس رضي اللّه عنه أن رسول اللّه صلى اللّه عليه وسلم قال : " اللَّهُمَّ لا سَهْلَ إِلاَّ ما جَعَلْتَهُ سَهْلاً، وأنْتَ تَجْعَلُ الحَزْنَ إذَا شِئْتَ سَهْلاً" " .

رواه ابن السني في " عمل اليوم والليلة " (351) .

قال السخاوي في " المقاصد الحسنة " (176) : حديث: اللَّهم لا سهل إلا ما جعلته سهلاً ، وأنت إن شئت جعلت الحزن سهلاً .

العدني في مسنده من حديث بشر بن السَّري ، وابن حبان في صحيحه من حديث سهل بن حماد أبي عتاب الدلال ، والبيهقي ، ومن قبله الحاكم ، ومن طريقه الديلمي في مسنده من حديث عبد اللَّه بن موسى ، وابن السني في عمل اليوم والليلة ، والبيهقي في الدعوات من طريق أبي داود الطيالسي ، كلهم عن حماد بن سلمة عن ثابت عن أنس رفعه بهذا ، وكذا رواه القعني عن حماد بن سلمة ، لكنه لم يذكر أنساً ، ولفظه : وأنت تجعل الحزن إذا شئت سهلاً ، ولا يؤثر في وصله ، وكذا أورده الضياء في المختارة وصححه غيره .ا.هـ.

Post: #59
Title: Re: ما معني اخر الاحزان ؟؟
Author: Abureesh
Date: 10-07-2010, 11:44 AM
Parent: #58

فهمى يا دومة للعبارة هو إنو الزول لا يموت لا يموت ليه زول لحد ما يعجز وبراه يكره
المواصلـة بهنا ويكون مسرور إنو مشى بى هناك.. وقبل ما يحزن لفراق زول تانى.



.

Post: #60
Title: Re: ما معني اخر الاحزان ؟؟
Author: ابو جهينة
Date: 10-07-2010, 12:06 PM
Parent: #59

دوما
تحياتي

ولا كلامي دا غلط ؟؟؟؟

أبدا ما غلط

لأن آخر الأحزان هو يوم البعث ، حيث لا حزن و لا فرح ... بل هلع و فزع أكبر من ( هاؤم أقرءوا كتابيَ ) و بعدها إما ( جنة أو نار ) .. اللهم أحسن خواتيمنا.

Post: #61
Title: Re: ما معني اخر الاحزان ؟؟
Author: doma
Date: 10-07-2010, 12:42 PM
Parent: #60

Quote: ماما دومة

حا اهريك النهار دا زي ما قال عادل


لووووووووول يخسي عليك يا خلو
لي كدي يعني
انا عملت ليك شنو عشان تهريني كوبي اند بيست ؟؟؟

Post: #66
Title: Re: ما معني اخر الاحزان ؟؟
Author: doma
Date: 10-07-2010, 01:29 PM
Parent: #60

Quote: لأن آخر الأحزان هو يوم البعث ، حيث لا حزن و لا فرح ... بل هلع و فزع أكبر من ( هاؤم أقرءوا كتابيَ ) و بعدها إما ( جنة أو نار )


الاخ العزيز ابا جهينه تحياتي
شكرا للمداخله
ولو انه بيني وبينك ولدت سؤال اخر لدي
يموت الانسان منا اين تذهب الروح وماهو مصيرها منذ خروجها الي يوم البعث ؟؟؟

Post: #65
Title: Re: ما معني اخر الاحزان ؟؟
Author: doma
Date: 10-07-2010, 01:13 PM
Parent: #59

Quote: فهمى يا دومة للعبارة هو إنو الزول لا يموت لا يموت ليه زول لحد ما يعجز وبراه يكره
المواصلـة بهنا ويكون مسرور إنو مشى بى هناك.. وقبل ما يحزن لفراق زول تانى.

لووووووووووول ابو الريش يا صديقنا
ما تدي خلو دا نوع المراقات دي
دعه يعتل
كوبي اند بيست

Post: #64
Title: Re: ما معني اخر الاحزان ؟؟
Author: doma
Date: 10-07-2010, 01:06 PM
Parent: #57

Quote: و افضل حاجة سمعتها هي ما قاله النبي صلى الله عليه و سلم لبنته عند وفاة ابنها: إن لله ما أخذ وله ما أعطى وكل شيء عنده بأجل مسمى، فلتصبر ولتحتسب .


مرحبا بالابن مدثر صديق
وهكذا يكون التسليم بقضاء الله
شكرا للمداخله القيمه

Post: #67
Title: Re: ما معني اخر الاحزان ؟؟
Author: ابو جهينة
Date: 10-07-2010, 04:07 PM
Parent: #64

الغالية دوما

Quote: يموت الانسان منا اين تذهب الروح وماهو مصيرها منذ خروجها الي يوم البعث ؟؟؟


اختلف العلماء في هذا اختلافاً كثيراً، ولكل واحد حجته، فمنهم من قال: هي في الجنة ،
ومنهم من قال: هي عند باب الجنة،
ومنهم من قال: هي على أفنية قبورها،
ومنهم من قال: هي مرسلة تذهب حيث شاءت،
ومنهم من قال: هي عند الله ،
ومنهم من قال: أرواح المؤمنين عن يمين آدم عليه السلام وأرواح الكفار عن شماله.
والصواب: أن الأرواح متفاوتة في مستقرها في البرزخ أعظم تفاوت
فمنها: أرواح في أعلى علِّيين في الملأ الأعلى وهي أرواحُ الأنبياء صلوات الله وسلامه عليهم أجمعين ، وهم متفاوتون في منازلهم كما رآهم النبي في ليلة الإِسراء.
ومنها: أرواح في حواصل طير خضر تسرح في الجنة حيث شاءت وهي أرواحُ بعض الشهداء لا جميعهم
ومنهم: من يكون محبوساً على باب الجنة
ومنهم: من يكون محبوساً في قبره
ومنهم: من يكون مقره باب الجنة
ومنهم: من يكون محبوساً في الأرض ، لم تَعْلُ روحُه إلى الملأ الأعلى فإنها كانت رُوحاً سفلية أرضية، فإنَّ الأنفسَ الأرضيَّةَ لا تجامعُ الأنفس السماوية ، كما لا تجامعها في الدنيا

و الله أعلم

Post: #68
Title: Re: ما معني اخر الاحزان ؟؟
Author: Elawad
Date: 10-07-2010, 05:13 PM
Parent: #67

بمناسبة آخر الأحزان دي بتذكر قصة حدثت لشيخ فاضل و هو من كبار الدعاة و العلماء في السودان... قال إنه كان بحب والده حبا شديدا بصورة يصعب تخيلها و توفي والده فصبره الله على وفاته صبرا جميلا فخطر له خاطر بينه و بين نفسه إنه تاني مافي مصيبة بتهزه (آخر الأحزان!). يقول كأن الله أراد أن يعلمه درسا فبعد فترة قصيرة توفيت صغرى بناته و كانت صغيرة جدا في العمر و لم يكن يعرف مدى تعلقه به و خانته رباطة جأشه في هذه المرة و جزع لوفاتها جزعا شديدا بصورة لم تخطر بباله و لا ببال أحد ممن حوله.
مافي حاجة يا جماعة اسمها آخر الأحزان بس الله يرحم الميتين و يصبر الحيين.

Post: #69
Title: Re: ما معني اخر الاحزان ؟؟
Author: Siham Elmugammar
Date: 10-07-2010, 05:37 PM
Parent: #67

العزيزة دوما والجميع سلام
Quote: لا موهيك يا خلي
لانك في هذه الحاله انت تتمني له شئ يمكن ان يحدث ويمكن الا يحدث
لكين ان تتمني الا يري حزنا اخر هذا غير ممكن
لان كل حي الي الموت
الا ان تتمنى له الموت بعد هذا الحزن .


يا وليد يا اخوى والله ما عندك طريقة لاى تأصيل

فهى امنية مفارقة للمنطق والواقع

وانا مع راوية وعفاف
اساسا مافى حزن عندو اخر عشان الزول يجى يقول ليك انشالله اخر الاحزان
مصيبة الموت لما تقع مافى بعدها دعاء الا رحمة للميت ولاهل الميت الصبر
وجبر الكسر
الحزن فيه من صفات الماء
فالحزن فيه الاسترسال
والاتصال واحيانا حين يشتدبرده يتجمد حزن روح و
تنكمش حتى تبتئس الرئة
وحين يشتد زفير حره يتمدد و يتطلق ح تلهث الرئة

لا انقطاع لحزن حتى يكون منتهاه تمنى ان لايأتى حزن جديد

يا وليد ياأخوى فى زمتك ما ضقت موت مى بت خالتك كيف كان حار
هسه دى لما تخطر ليك حزنها ما بتلقاهو فى محلو قاعد
لا مشى ولانقص... اها الموت وقف عندكم وين فلان من اهلك وووين علان
حتى سارة اخرهم
فى الحارة الزول عاوز الناس المنطقيين
بيقولو كلام منطقى عشان يساعدوك تصبر تصبر تصبر
وتبكى تبكى تبكى
زول يجى يقول لى اخر الاحزان بحس بانها فعلا زى ما وصفتها انت
مجرد مجاملة لا ترقى لما انا فيه من الم
ولاتوفى ما احتاج ان اسمعه
من منطق يستدعى الصبر والتفريج للحزن ان ينسكب حتى لا ينفجر الصدر
كيف يعنى انشالله اخر الاحزان
لايفيد كونها مجاملها لانها كاذبة
وغير مفيدة


كيف يعنى اخر الاحزان؟؟؟؟

لا اخر للاحزان يا دفعة
فليكن دعائنا لبعضنا منطقى وعقلانى وممكنا بحكم سنة الله
التى سناها فى خلقه
حتى يستجيب الله لدعاء حقيقى جاى من القلب وفيه من التمنى
ما فى الامكان
ربنا يصبر الجميع
واللهم لا سهل الا ما جعلته سهلا

Post: #70
Title: Re: ما معني اخر الاحزان ؟؟
Author: jini
Date: 10-07-2010, 07:53 PM
Parent: #69

يعنى لو واحد قالها ليك تفك ليهو بنية فة وشو كدة!
جنى

Post: #71
Title: Re: ما معني اخر الاحزان ؟؟
Author: Siham Elmugammar
Date: 10-07-2010, 11:41 PM
Parent: #70

Quote: يعنى لو واحد قالها ليك تفك ليهو بنية فة وشو كدة!
جنى

لا.... تقدم حسن النية و تقبلها منو!!!!




________________________________
عارفاك بتهظر
تحياتى وسلاماتى لك ولاسرتك

Post: #72
Title: Re: ما معني اخر الاحزان ؟؟
Author: Afraa Sanad
Date: 10-08-2010, 00:51 AM
Parent: #71

Quote:
بعدين في ادعيه تاني كدا تقال للميت نفسه انا بفتكرها انها تحف وارجوكم ما تقولوها لي
جني وجن المويه البارده للغسل


والله يا دومه أنا حركه الغسيل بالتلج دي لمن أسمعا شعره جلدي بت######

بعدين راوية دي ما تسمعي كلاما دا بالله كل يوم مساهرة بي في الضحك والقراقرب لي نصايص الليل و الغنا
مدور

Post: #73
Title: Re: ما معني اخر الاحزان ؟؟
Author: doma
Date: 10-08-2010, 04:50 AM
Parent: #67

ابا جهينه العزيز
مشكور كثير علي معلومات اين تذهب الروح بعد موت الجسد
وبكل صدق قراتها كلها وتمعنت فيها كثيرا طلعت مني كلمه بتقولها لي بت اختي ذات الاربعه عشر ربيعا
لما اقول ليها كلام يكون عندها فيه رائ اخر وما عايزه تقوله hmmmmmmmm
لكين انا اكيد ح اقول ليك ما راقني من كلام العلماء
ان الارواح عند الله

Post: #74
Title: Re: ما معني اخر الاحزان ؟؟
Author: doma
Date: 10-08-2010, 05:08 AM
Parent: #73

Quote: يا وليد يا اخوى والله ما عندك طريقة لاى تأصيل

فهى امنية مفارقة للمنطق والواقع

وانا مع راوية وعفاف
اساسا مافى حزن عندو اخر عشان الزول يجى يقول ليك انشالله اخر الاحزان
مصيبة الموت لما تقع مافى بعدها دعاء الا رحمة للميت ولاهل الميت الصبر
وجبر الكسر
الحزن فيه من صفات الماء
فالحزن فيه الاسترسال
والاتصال واحيانا حين يشتدبرده يتجمد حزن روح و
تنكمش حتى تبتئس الرئة
وحين يشتد زفير حره يتمدد و يتطلق ح تلهث الرئة

لا انقطاع لحزن حتى يكون منتهاه تمنى ان لايأتى حزن جديد

يا وليد ياأخوى فى زمتك ما ضقت موت مى بت خالتك كيف كان حار
هسه دى لما تخطر ليك حزنها ما بتلقاهو فى محلو قاعد
لا مشى ولانقص... اها الموت وقف عندكم وين فلان من اهلك وووين علان
حتى سارة اخرهم
فى الحارة الزول عاوز الناس المنطقيين
بيقولو كلام منطقى عشان يساعدوك تصبر تصبر تصبر
وتبكى تبكى تبكى
زول يجى يقول لى اخر الاحزان بحس بانها فعلا زى ما وصفتها انت
مجرد مجاملة لا ترقى لما انا فيه من الم
ولاتوفى ما احتاج ان اسمعه
من منطق يستدعى الصبر والتفريج للحزن ان ينسكب حتى لا ينفجر الصدر
كيف يعنى انشالله اخر الاحزان
لايفيد كونها مجاملها لانها كاذبة
وغير مفيدة


كيف يعنى اخر الاحزان؟؟؟؟

لا اخر للاحزان يا دفعة
فليكن دعائنا لبعضنا منطقى وعقلانى وممكنا بحكم سنة الله
التى سناها فى خلقه
حتى يستجيب الله لدعاء حقيقى جاى من القلب وفيه من التمنى
ما فى الامكان
ربنا يصبر الجميع
واللهم لا سهل الا ما جعلته سهلا


سهام يا حبيبه
ما بعرف الحزن الا من قاساه وما بعرف الالم الا من عاناه .
حتي الجوع يا سهام ما بعرف قرصته الا زول يكون كابده
انت حزنك كبير يا سهام
وربنا يفرغ عليك صبرا جميلا
ويطمئن قلبك يا سهام
أطمئني انها في كنف الرحيم حيث لا شقاء ولا حزن ولا الم حيث النعيم الازلي .
يا رب تصبرها وتطمئنها.

Post: #75
Title: Re: ما معني اخر الاحزان ؟؟
Author: Rawia
Date: 10-08-2010, 05:45 AM
Parent: #73

Quote: بعدين راوية دي ما تسمعي كلاما دا بالله كل يوم مساهرة بي في الضحك والقراقرب لي نصايص الليل و الغنا
مدور 

فشة عايمة وكدا
بس الحزن دفين

Post: #76
Title: Re: ما معني اخر الاحزان ؟؟
Author: maia
Date: 10-08-2010, 07:06 AM
Parent: #75

الخالة دوما وضيوف البوست الكرام


عندنا كلام كتير يا خالتي دوما بتقال بدون ما نركز في معناه
زي لما الناس تضحك كتير ليه بتقول ربنا يجعله خير

مرة سمعت شيخ مصري بيقول تعليق عن اخر الاحزان قال كانك بتقول للشخص انشالله ما تعيش تاني كتير عشان تشوف احزان

لكن الفكرة عموما بتبقا في انه الناس بتقصد انه ما يكون تاني في حزن

عموما الانسان مخلوق هلوعا جزوعا بيخاف من فكرة الموت

بالمناسبة دي حاحكي ليك تعليق عن حبوبتي ربنا يديها الصحة بتخاف من المرض والموت خوف شديد
وهي من اهل بلدي الذي لا يجيدون الا العربي بطريقة مكسرة ( منطقة السكوت في الشمالية)
مرة سمعت عن عذاب القبر وبيحصل للزول كدا وكدا وهي الكلام ما عاجبها ، طوالي علقت ( الشافوا منو ومنو الجا راجع قاال الكلام ده بيحصل .. ما تكذبوا ساي )

وربنا يبعد عنكم الاحزان

Post: #77
Title: Re: ما معني اخر الاحزان ؟؟
Author: doma
Date: 10-08-2010, 09:12 AM
Parent: #76

Quote: بالمناسبة دي حاحكي ليك تعليق عن حبوبتي ربنا يديها الصحة بتخاف من المرض والموت خوف شديد
وهي من اهل بلدي الذي لا يجيدون الا العربي بطريقة مكسرة ( منطقة السكوت في الشمالية)
مرة سمعت عن عذاب القبر وبيحصل للزول كدا وكدا وهي الكلام ما عاجبها ، طوالي علقت ( الشافوا منو ومنو الجا راجع قاال الكلام ده بيحصل .. ما تكذبوا ساي )
مايا الحبيبه
حبوبتك لها طول العمر
ذكرتني قصه مشابه حكاها لي الوالد عن ابيه اي جدي وحبوبه جدي كانت من المحس لا تجيد العربيه وتخاف من الموت و من منكر ونكير
فقلن لها بنات الحله في منطقه ود بانقا القبه يا حبوبه ست العيله نكير مات ففرحت فرحا شديدا وضبحت عمبلوكا كرامه لموت نكير وامرت بان يجهز اللحم وان تحمله احدي البنات لتذهب به الي شيخ الحله من اهلنا الرازقيه فجاءته وهي تزغرد فلقيها الرجل متسائلا
مالك يا حبوبه ست العيله ان شاء خير ؟؟
قالت ليهو يا شيح سالح(صالح) قالوا نكيرماتت

فاجلسها وتحوقل وقال ليها يا حبوبه ست العيله منكير ونكير فوق اكتافنا هنا واضعا يده علي كتفها
فطقت حبوبه ست العيله الوي بيوي
وغطت وجهها بثوبها وتم قيادتها قواده لبيتها واسبوع قالوا ما مرقت من داخل قطيتها .

Post: #78
Title: Re: ما معني اخر الاحزان ؟؟
Author: doma
Date: 10-08-2010, 09:15 AM
Parent: #75

رورو وعفراء بالله صلحوا السماعات

Post: #79
Title: Re: ما معني اخر الاحزان ؟؟
Author: haroon diyab
Date: 10-08-2010, 09:33 AM
Parent: #78

اكان واحد مستني انو اجي اقول ليهو

ياريت كان يومي قبل يومو/ه....!!!!!

يبقي حيطول.....!!!!!

حسع ياخالة اكان منو داك مات اجي اعزي

اقول ليهم : ( انشاء الله يومي كان قبل يومو/ه )

اها واذا ربنا استجاب.....؟

اشرب هواء انا.....؟

ياستي

خلينا في اخر الاحزان احسن .

وش راااااااااااائق من الصباح

والغدا كواااااااااااااااارع

جمعة مباركة يااجمل خالة

Post: #80
Title: Re: ما معني اخر الاحزان ؟؟
Author: اساسي
Date: 10-09-2010, 08:31 PM
Parent: #79

Quote: علم انه لا شئ مستحيل علي الله مطلقا ولكن الله rational بمعني انه لا يغير قوانينه الطبيعيه
اقتضت حكمته ان تموت الاحياء بفناء مادتها ولا اقصد الفناء بمعني العدم لا
بل تعود الي مكوناتها الاوليه



المقتبس دا يا دومة يشغل بالي منذ ان قرأته قبل ايام وكل يوم افكر في فتح بوست لهذه العبارة العميقة وهذا الفهم المتقدم الموضوع بجملته اي حكمة الله الواسعة في نواميس كونه من الموضوعات التي اجدها تملا تفكيري هذه الايام
ياخ الكلام دا كيفني منك جنس كيف لو قدرت بفتح لي بوست للموضوع دا

الايام دي انت كاتبتي المفضلة , متابع كمان بهناك شهادة عيانك

Post: #82
Title: Re: ما معني اخر الاحزان ؟؟
Author: معاوية المدير
Date: 10-10-2010, 03:05 AM
Parent: #80

Quote: فان قلت لشخص ما معزيا جعلها الله اخر الاحزان
فمعني هذا انك تتمني ان لا يري حزنا اخر
اي بمعني ان يكون هو نفسه من ينتقل الي العالم الاخر بعد هدا الحزن الدي اصابه ,
ولا كلامي دا غلط ؟؟؟؟sudansudansudansudan45.gif Hosting at Sudaneseonline.com



يعني إنتَ زآتك اقطع وِشّك.
معليش يا خالة، الباص ظريف غلبني افوتو


رغم جدية الموضوع. قلنا نطلعكم من الأحزان
آخرها واولها.
ما تشتغلي بي واصلي.
تحياتي...

Post: #85
Title: Re: ما معني اخر الاحزان ؟؟
Author: doma
Date: 10-11-2010, 06:08 AM
Parent: #82

لووووووول
يا ود المدير
مش بالله ياهو معني الكلام؟؟؟!!

Post: #83
Title: Re: ما معني اخر الاحزان ؟؟
Author: almulaomar
Date: 10-10-2010, 08:19 AM
Parent: #1

دومه
تحياتي
من وجهة نظري الشخصية المطششه أن المقصود من العبارة محاولة لتطييب خاطر أهل الميت ومواساتهم ، آخر شنو كمان هي الأحزان عندها آخر ما كلنا حا نتلحس والبقاء للواحد القهار مالك الملك ، وبالجد حكاية إنه المقصود بها المخاطب دي قلبتي فيها الهوبة لمن شعرك إتنكش لأنه لايمكن أن يكون هذا الحزن هو الأخير إلا إذا إنقرض المخاطب بعد أو أثناء هذا الحزن وبذلك يكون بالنسبة له فعلاً آخر الأحزان.
والأحزان أو الحزن قطعاً شئ سئ وشعور قاسي إستعاذ منه رسولنا الكريم عليه أفضل الصلوات وأتم التسليم - فيمكن أن يكون الحزن في كل شئ فشل في الدراسة هزيمة فريقك المفضل طردكم من بيت الإيجار وحتى صلبطة جارتكم فلانه في صحنكم ممكن يكون شعور محزن إلخ ....

Post: #84
Title: Re: ما معني اخر الاحزان ؟؟
Author: doma
Date: 10-11-2010, 06:06 AM
Parent: #83

Quote: ياخ الكلام دا كيفني منك جنس كيف لو قدرت بفتح لي بوست للموضوع دا

الايام دي انت كاتبتي المفضلة , متابع كمان بهناك شهادة عيانك

لوووووووووووووول والله يا اساسي فرحت شديد لانه انت ما من السهوله تشكر ليك زول
وطبعا دي اول مره تقول انه كلامي made sense لووووووول
انت شنننننننننننننناف لا يبزك في الشناف الا عمر الفاروق
سجمي جدا كان قرا الكلام دا عمر وجاني بجاي
بس الحمد لله للان ما سمعني بغني . 

Post: #86
Title: Re: ما معني اخر الاحزان ؟؟
Author: doma
Date: 10-11-2010, 06:28 AM
Parent: #84

مرحب بالملاعمر
اي قالوا الوليدات المسقفين ناي هارون دياب وخليل قالوا كدي
الا انا ما دقه قديمه نوعي دا انقرض عديل كدي
شئ بجبر خاتري وبطمئن قلبي في ساعه الفقد غير ربنا يصبرك ما في .
لووووووووووو ل الشعراصلوا منكوش يا ولدي
والله ذكرتيني ليهو النقوم نشوف ليهو بصاره
الزول ا لو حلق نمر واحد يكون ارتاح منه تماما