Post: #1 Title: الرياض ترحب بعضو المنبر (جدو) دكتور علي محمد سعيد دفع الله متعاقداً Author: maman Date: 10-06-2010, 11:49 PM
وطئت فجر اليوم الاربعاء 6 أكتوبر2010م قدما عضو المنبر جدو (الدكتور / علي محمد سعيد دفع الله ) أرض السعودية بمدينة الرياض متعاقداً مع وزارة الصحة السعودية ، .. سيكون الدكتور علي - ان شاء الله - خير خلفٍ لخير سلف ، فقد أمضى والده الشاعر محمد سعيد دفع الله بيننا في الرياض أكثر من ربع قرن من الزمان وخلف ذكريات عطرة.. مرحباً بك د. علي ، ونتمنى لك اطيب الاوقات ومسيرة عمل حافلة بالعطاء والنجاح والتوفيق. لشاعرنا محمد سعيد دفع الله قصيدة رائعة بعنوان (مليت من الغربة آ علي) يخاطب فيها ابنه عندما كان طالبا بالمدارس الثانوية... نستمع اليها بصوت الفنان عبد القيوم الشريف
والآن ،بدأ علي نفسه مشوار غربته والذي نتمنى أن يحقق له أحلامه
مليت من الغربة
مليت من الغربه آعلى ياولدى يا ايدى اليمين داير الرجوع بس كيف يكون يكون وتفكيرى فيهو أنا من متين كل ما أقول اصبر شوي باكر تكون الحالة زين القي الظروف ياها الظروف بل زايده سوء بحلف يمين وآخد لى لفتة على الزمان القاها مرت كم سنين لمتين بتتفك القيود القاسي قلبها ماب يلين
جيت فاكر أنى أكون سعيد بى مال بيجرى على اليدين لكنو مقسوم ياالعزاز رزقا يكون دايما ضنين والشى العجيب مما وصل ولليلى فوق اكتافى دين حسره وهموم متواليات والدمعة يوت هالابه عين نيران مولعى فى القلب مسكين فقد لضرا الأمين كان عيشتو هاديه قبل يجى وفى بيتو كان قوتو اليقين والليله في الأهوال دوام يصرخ ومو لاقى البعين وينك بعدتى على ليه وأنا ليكى كاتلنى الحنين يالسمحه سموكى القرير والناس تجيك من وين ووين وأنا قمت منك شن أقول غير ده المسطر في الجبين يادرة الوطن العزيز ياالنادره ياالماليك وزين عشمى ومناي ارجع واجيك أنا غيرهواك متل السجين داير اكون بين الاهل محضون وحاضن اعز طين داير حياتى مع الصحاب واللقمه مابين العوين يا (لوبه) شمر للضراع والليلى جيت أوصيك دحين كونك تقصرمااظن وأنا عارفو طبعك ياالخزين يات من معلم درسك شاكرك علم وخلقا يزين ما عليك خوف مادام معاك زولا مسمى الزين وزين آنت البتعرف للأصول كاسب رضاء الوالدين من قمت درفونا صغير ماكت يوم نيا عجين دايما مواظب ومجتهد في الجانبين دنيا ودين ورافع السماوات غير عمد داعيهو ينصر وليك يعين
Post: #2 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: حيدر بشير Date: 10-07-2010, 03:17 AM Parent: #1
الاخ العزيز مامان
لك عاطر التحايا
و مرحبآ بالدكتور على بينكم فى الرياض
يعنى حالفين ما تنقصوا يسافر واحد تعوضوه بالتانى سريع
Post: #3 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: صديق الموج Date: 10-07-2010, 03:27 AM Parent: #2
مامان سلام
حباب ود اخوى الدكتور
ياولد ياعلى بلغ ابوك قولو ضمه كده مشتاقين،،،
Post: #4 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: صلاح عثمان Date: 10-07-2010, 03:44 AM Parent: #3
الاح مامان تحياتى الحمدالله على سلامة الدكتور على نتمنى له اقامه طيبه بالرياض ان شاء الله - خير خلفٍ لخير سلف
Post: #5 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: maman Date: 10-07-2010, 06:27 AM Parent: #4
الإخوان :حيدر، صديق وصلاح
التحايا لكم
تقبلوا تشكرات د. علي
Post: #6 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: osman righeem Date: 10-07-2010, 06:43 AM Parent: #5
اخونا مامان
التحايا للجميع
والتمنيات بالتوفيق
Post: #7 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: Al-Shaygi Date: 10-07-2010, 10:21 AM Parent: #1
Quote: الرياض ترحب بعضو المنبر (جدو) دكتور علي محمد سعيد دفع الله متعاقداً
مليون مرحب بالدكتور علي محمد سعيد دفع الله ونتمنى ليه إقامة طيبة في الرياض وما جاورها وعلى المرحبين من الأقاليم مراهاة فروقات التوقيت....
إنت يا مامان جدو مش فاقد الباسورد ليهو زمن؟؟ طيب دي ما فرصة نطلب من بكري يرجهعها ليهو عشان يتحفنا بكتاباته، ولا شنو يا ريس بكري؟؟ حقو كمان يرسل ليه من بريده الخاص على [email protected] وتب ما بيقصر
Post: #8 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: maman Date: 10-07-2010, 11:48 AM Parent: #7
الزعيم عثمان رغيم الحسن
تحاياك وصلت للجميع
الشيخ الشايقي
شكرا على تذكيرنا بفقدان باسويرد جدو... طبعا هو برضو كان مشغول بالعمل والدراسة لكن بعد كدة حيكون عندو شوية وقت. وزي ما قلت أفضل يخاطب الريس بكري مباشرة للحصول على الباسويرد
Post: #9 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: maman Date: 10-08-2010, 00:03 AM Parent: #8
up
Post: #10 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: محمد عبد الماجد الصايم Date: 10-08-2010, 00:14 AM Parent: #9
مامان يا عمكـ مراحب وحباب الدكتور
Post: #11 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: maman Date: 10-09-2010, 09:30 PM Parent: #10
ود الصايم
تحايا بلاحدود من عمك مامان ومن د. جدو. الذي سيحاول الاتصال على البورداب في الرياض بعد الاستقرار
Post: #12 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: اساسي Date: 10-10-2010, 06:25 AM Parent: #11
جــدو
يا حليلك يا دكتور جيت بلد التشفير خلاص والله ليك وحشة شديدة
يا مامان شكرا يا الغبت وجبت
كل التحايا ــــ بالله تلفونه في الخاص لو سمحت يا مامان
Post: #13 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: maman Date: 10-10-2010, 01:05 PM Parent: #12
الأخ أساسي
تحية
تلفون جدو هو 0560700278
مع تحيات مامان
Post: #14 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: mohamed elshiekh Date: 10-10-2010, 01:18 PM Parent: #12
الف مرحبا بالدكتور
واقامه سعيده اتمناها لك بالرياض
الاخ مامان لك التحيه...
Post: #15 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: نادر النور آدم Date: 10-10-2010, 01:24 PM Parent: #14
التحية للدكتور جدو ومرحباً في أجواء الرياض المتقلبة
والتحية لك يا مامان ولكل الناس الراقيين الحواليك
ونتمنى أن نلتقيكم قريباً إن شاء الله
Post: #16 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: طارق ميرغني Date: 10-10-2010, 04:39 PM Parent: #15
اخي مامان
الف مراحب بالدكتور علي
Quote: القي الظروف ياها الظروف بل زايده سوء بحلف يمين
لو ما كده ما كان جاء بعد كلام ابوه
Post: #17 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: آدم جمال أحمد Date: 10-10-2010, 04:48 PM Parent: #16
مألف مراحب بقدومك يا دكتور
Post: #18 Title: Re: الرياض ترحب بعضو المنبر (جدو) دكتور علي محمد سعيد دفع الله متعاقداً Author: ombadda Date: 10-10-2010, 05:39 PM Parent: #17
تداخل جدو معى ببوست قبل اكثر من خمس سنوات..سبب تذكرى له هو انى كثير الرجوع لذاك البوست لعمل مقارنة بين مرتبات الاطباء الان وبين مرتباتهم فى تلك الفترة.
واناشد بكرى بارجاع الباسويرد له فهو من قدامى المحاربين.
