شوقك شاويني

Post: #1
Title: شوقك شاويني
Author: ود الخليفه
Date: 10-06-2010, 07:15 PM

Post: #2
Title: Re: شوقك شاويني
Author: عوض محمد احمد
Date: 10-06-2010, 07:40 PM
Parent: #1

ود الخليفة
لك من الشكر اجزله

الا مساكين ابناء الجيل الحالى اذ لم يسمعونها و يشاهدونها(لايف) من المادح العظيم على المبارك الراحل بصوته الرائع المميز و بسمته المميز المهيب

Post: #3
Title: Re: شوقك شاويني
Author: ود الخليفه
Date: 10-06-2010, 08:16 PM
Parent: #2

السلام عليكم الاخ محمد

رحم الله المادح علي المبارك

لي زمن بفتش لي تسجيل فيديو لهذه المدحه بي هذا الصوت الشجي

Post: #4
Title: Re: شوقك شاويني
Author: Saifelyazal Elmaki
Date: 10-06-2010, 09:03 PM
Parent: #3

الحبيب ود الخليفة
السلام عليكم ورحمة الله
سبقتني على الشيخ الجليل علي المبارك بشوقك شاوييني
رحم الله علي المبارك فقد كان صادقاً في كلماته
من زمن وأنا بحب الراجل دا ويا ريت واحد انزل لينا
صلاة الله الباعثنا

Post: #5
Title: Re: شوقك شاويني
Author: Saifelyazal Elmaki
Date: 10-06-2010, 09:05 PM
Parent: #4

صلاة الله الباعثنا على محمد ريسنا
كريم يا بارى خلصنا من ابليس لايدنسنا
من الخير لا يفرزنا عليه التقوى فارسنا
بقهر الفوقوا كرسنا حتى لايبقى حارسنا
تكون التقوى هاجسنا كريم الخير يجالسنا
يطيع من كان عايزنا وتحمل ليه مجالسنا
تكون حرزن تؤسسنا وتارث من يؤارثنا
وقوم يازين حسسنا واقعد بينا جلسنا
بقول الحالى انسنا بفتح الماهو ارثنا
كريم بيهو خصصنا اذا مسوهو فرزنا
على مصباحنا ريسنا خطابا ليه خصصنا
اذا ما الدر ميسنا وكل احبابى تارسنا
نهيم ونقاهى هجسنا طرابا وبيهو عرسنا
محمد زاد الحسنى وطابت بيهو انفسنا
شفيعنا وباقى ريسنا فى يوم البعث مهندسنا
من النيران مخلصنا وفى الجنات مورثنا
رسولنا الجاهو اسسنا على الاقوم فرزنا وطاف بى مسو اورثنا
بقول الله حدثنا حلفنا يمين لاما حننساه رسولا غيرو ما كسنا
عظيمه اخلاقه الحسنى له البارى كريم اثنا بمدحه تهنا غوصنا
عشر ناهو وسدسنا ربعناهو وخمسنا عشرنا شالو ما قسنا
فلاح برق هارسنا غرامو وحبوا دارسنا عبيرو و روحو غارسنا
كريم يا بارى ثلثنا بزور السوحو خصصنا كساهو وقبره مسسنا
وقيع ياقابنا وريسنا بشير محبوبنا يجالسنا مقاما عالى بأنسنا
التاج والحله لبسنا معاك فى الروضة اجلسنا خطابا بيهو اريثنا
عدد ما صاح دارسنا ومانطقت احاديثنا وحسا ونام ناعسنا
ابن سليمان تؤسسنا صلاة الله الباعثنا على محمد ريسنا

Post: #6
Title: Re: شوقك شاويني
Author: عوض محمد احمد
Date: 10-06-2010, 09:29 PM
Parent: #5

الرابط ادناه يحوى مجموعة من قصيد الراحل على المبارك

http://tariqahalkaamilah.com/Music%20Folder/Audio%20Library%20Arabic/Al%20Madeeh/alialmubarak.html

Post: #7
Title: Re: شوقك شاويني
Author: أبوعبيدة محمد الأمين
Date: 10-07-2010, 06:46 AM
Parent: #6

رحم الله المحب علي المبارك
وشكر الله لكم أخي الكريم
ونسأل الله أن يبل شوقنا كلنا
لطه الساكن أم صيني

Post: #8
Title: Re: شوقك شاويني
Author: ود الخليفه
Date: 10-07-2010, 04:46 PM
Parent: #7

اللهم صلي على سيدنا محمد النبي الامي

الاخ عوض

للاسف الجيل الذي تتحدث عنه اضاعته قناه الكوثر وساهور والاورغ

مديح المصطفى صلوات الله وسلامه عليه بالطار جزء اصيل من التراث السوداني

اما الموسيقى فقد غيبت بعض المعاني واصبح اللحن اما راقصا يذهب التامل

او مرتبطا في الاذهان بلحن اغنيه وليس سابقا كما كان المغنيين يتبعو اثر

المديح

الاخ سيف اليزل

مشكور كتير علي ايراد النص وكتر خير عوض ان مدانا بلنك لبعض مدائح علي المبارك

الاخ ابو عبيده

طبعا طه في المدحه دي تنشد بالاماله كما عند قراء القران بالدوري عند قراء الخلاوي

وفي هذا ضرب كثير عند مداح السودان و مثال لذلك كلمه الكافرينا

عند حاج الماحي في اسد الله البضرع

الكافرينا دقق طحينا حيث تنشد بالاماله

Post: #9
Title: Re: شوقك شاويني
Author: ود الخليفه
Date: 10-08-2010, 01:10 PM
Parent: #8

للشيخ البرعي مدحه بدايتها

سفينة القوم بسم الله مجريها بها النجاه وبسم الله مرساها

تجري علي البحر فاز السائرون بها الي حظيره رب العرش مولاها

Post: #10
Title: Re: شوقك شاويني
Author: ود الخليفه
Date: 10-11-2010, 12:07 PM
Parent: #9

أخير لنا الفرير قاليهو يا خنزير
ما بينفع التعذير حيدر كلاب النير
ملاهم جنازير

في مدحه شوقك شوي الضمير لحاج الماحي

الاماله ظاهره في كلمه النار