Post: #5 Title: Re: لقد قتلوك أيها الزعيم فقتلوا حلم السودان الجديد Author: خضر عطا المنان Date: 10-12-2010, 09:13 PM Parent: #4
مع تحياتي لك يادكتور وسلامي ..
شكرا لهذه الخاطرة منك وهاأناأهديك هذه الأحرف والتي كتبت منذ ذلك العام وآخر مرة القيتها امام جمع طيب من اخوتي السودانيين كان بالنادي الثقافي العربي بامارة الشارقة عبر أمسية كنت فيها ضيفا على ادارة هذا النادي العامر :
Quote: مرثية : دمعة انسان .. على قبر من كان .. سيغير وجه السودان مدخل : انها حقا الأيام التي يحق لنا تذكره والبكاء عليه .. فهل كان الحال سيكون على ما نحن عليه اليوم اذا كان لا يزال على قيد الحياة ؟؟.. سؤال لا شك انه يسيطر على ذهن وفكر الكثيرين غيري ممن يعرفون قدر الرجل ويعايشون واقع اليوم المخزي الحزين الباكي !!!..أليس كذلك ؟؟. *******************************
وببكيـــك أنا ....... وحزني يغمر الوطن الفســــيـح بى آهة .... بـي دمعــن وحـيـح وبى وجـــعة من قلـبن جـــريـح ببكيك أنــا .....وببكيك أنـا .
كم فقدناك يا (قرنق) كم شربنا المرة بعدك وكــم بكـاك الشـعـب يـــاما يانسمة في الزمن القبيح يا بسمة للساكن الصفيح وعـيـنــو ما لاقـت منـــاما آهـ ... وتاني آهـ .. آهـ من فراقك ياعظيم يـا أمـان أمـة وســــــلاما أنت يــا حـلـم اليـتـامـى وباقـي في التـاريخ عـلامـة في القـلوب حـبك تــنـامى وفوق جـراح الكـل تســــامى ..
ليه بترحل انت ليه والبـلد مـليـان مـآســــي الجرح ما زال بينزف وكل زول مســكين يقـاســـي اليتيم ما زال بيحلم تـمسـح الدمعة وتـواســـي وشعبنا المكلوم وتائه زي مــريكب دون مـراســــي حلمو كان يلقاك معاهو تصلح العـوج الســـياســي ..
****************** خضرعطا المنان العاصمة الدنماركية / كوبنهاغن أغسطس 2005م
Post: #6 Title: Re: لقد قتلوك أيها الزعيم فقتلوا حلم السودان الجديد Author: محمد على حسن Date: 10-12-2010, 09:18 PM Parent: #5
Quote: وستظل حي في قلوبنا لكل عشاق الحرية
بأفكارك ومبادئك أيها الزعيم ..
Post: #7 Title: Re: لقد قتلوك أيها الزعيم فقتلوا حلم السودان الجديد Author: Sabri Elshareef Date: 10-12-2010, 10:04 PM Parent: #6
لا زال حلم السودان الجديد حي وجمرته لن تنطفي
فعلا القائد العظيم قرنق رحمه الله كان من الممكن ان يساعد في تحقيقه لكن ما اراده حققه
وجعل المشروع في عقولنا وقلوبنا وحتما سياتي من يفجر هذا السودان الجديد
سودان لا تحكمه قوانين شريعه غاب
سودان ديمقراطي علماني حر
سودان تنمو اقاليمه سويا شرقا وغربا وشمالا وجنوبا حتي لو قرر اهل الجنوب الاستقلال
فان شمال الجنوب يصبح جنوبا من غير نفط مثقل بنفس قضايا الجنوب من مسيحية ووثنية اسلام وفقر وطموحات للانعتاق
لا زالت جمرة السودان الجديد متقده ونسعي لتحقيقها عبر ثائر جديد او ثائرة جديده
الرحمه والمغفره لقرنق
Post: #8 Title: Re: لقد قتلوك أيها الزعيم فقتلوا حلم السودان الجديد Author: خالد المحرب Date: 10-12-2010, 11:19 PM Parent: #7
الدين كل زول بى دينو لكم دينكم ولدى دين دا كلام جون قرنق ودا الشى اللقيناها قدامنا زمان وسمعنا بيه السودان للجميع نعم وفى الجميع دى وحده وفى الوحده قوه لمن تكون فى هذا البلد وحده معناتو اكبر دوله فى وسط القاره السمراء معاتو دوله عظمى بمعنى الكلمه كلامك صاح يا جون قرنق وغير كلامك دا السودان دا بى وضعو الخلقو عليه الله دا ما بكون سودان موحد تحياتى لى الدكتور صاحب البوست
Post: #13 Title: Re: لقد قتلوك أيها الزعيم فقتلوا حلم السودان الجديد Author: Dr. Ahmed Amin Date: 10-13-2010, 06:12 PM Parent: #8
شيخ العرب ود المحرب
Quote: الدين كل زول بى دينو لكم دينكم ولدى دين دا كلام جون قرنق ودا الشى اللقيناها قدامنا زمان وسمعنا بيه السودان للجميع نعم وفى الجميع دى وحده وفى الوحده قوه لمن تكون فى هذا البلد وحده معناتو اكبر دوله فى وسط القاره السمراء معاتو دوله عظمى بمعنى الكلمه كلامك صاح يا جون قرنق
كلامك حقيقي .. فقد ناضل من أجل سودان الجميع
لا تفرقة بالدين ولا بالجنس ...وطن خير ديمقراطي بحق
احترامي
Post: #11 Title: Re: لقد قتلوك أيها الزعيم فقتلوا حلم السودان الجديد Author: Dr. Ahmed Amin Date: 10-13-2010, 05:58 PM Parent: #7
Quote: لا زال حلم السودان الجديد حي وجمرته لن تنطفي
فعلا القائد العظيم قرنق رحمه الله كان من الممكن ان يساعد في تحقيقه لكن ما اراده حققه
وجعل المشروع في عقولنا وقلوبنا وحتما سياتي من يفجر هذا السودان الجديد
سودان لا تحكمه قوانين شريعه غاب
سودان ديمقراطي علماني حر
أكيد يا صبري .. سيأتي هذا اليوم
فالنار تصقل الحديد .. وما يعانيه الشعب
سينتهي الى فهم جديد وفلسفة في الحكم جديدة
ينطلق بها السودان ماردا .. ليحتل مكانه الذي يستحق
مودتي
Post: #10 Title: Re: لقد قتلوك أيها الزعيم فقتلوا حلم السودان الجديد Author: Dr. Ahmed Amin Date: 10-13-2010, 05:51 AM Parent: #6
أخي محمد على
تحية واسعدني مرورك الكريم
Post: #9 Title: Re: لقد قتلوك أيها الزعيم فقتلوا حلم السودان الجديد Author: Dr. Ahmed Amin Date: 10-13-2010, 03:48 AM Parent: #5
يا سلام يا استاذ خضر ...
Quote: كم فقدناك يا (قرنق) كم شربنا المرة بعدك وكــم بكـاك الشـعـب يـــاما يانسمة في الزمن القبيح يا بسمة للساكن الصفيح وعـيـنــو ما لاقـت منـــاما آهـ ... وتاني آهـ .. آهـ من فراقك ياعظيم يـا أمـان أمـة وســــــلاما أنت يــا حـلـم اليـتـامـى وباقـي في التـاريخ عـلامـة في القـلوب حـبك تــنـامى وفوق جـراح الكـل تســــامى
شكرا لهذا الوفاء لهذا القامة ..
كنا ننتظر الكثير من عودته ..
ولكن أه وتاني أه كما قلت ..
بكاه المهمشين والأحرار من ابناء الوطن الجريح
وقد سجل إسمه مع الخالدين ..
شكرا لإثراء البوست بهذه المرثية العظيمة
Post: #12 Title: Re: لقد قتلوك أيها الزعيم فقتلوا حلم السودان الجديد Author: حيدر حسن ميرغني Date: 10-13-2010, 06:02 PM Parent: #9
شكرا د. احمد لهذا الوفاء والإحتفاء بالزعيم الراحل
Post: #14 Title: Re: لقد قتلوك أيها الزعيم فقتلوا حلم السودان الجديد Author: Dr. Ahmed Amin Date: 10-13-2010, 06:21 PM Parent: #12
Quote: شكرا د. احمد لهذا الوفاء والإحتفاء بالزعيم الراحل
ولدنا حيدر .. تحياتي لك والأسرة
لقد شهد العالم أجمع إستقباله في
الساحة الخضراء .. بعفوية وصدق
لم يحظى زعيم سوداني في تاريخ السودان
بهذه الحشود .. لم يفكر أحد فيهم في جنس
أو دين .. وأكاد أجزم بأنه في تلك اللحظات الخالدة
الكل كان يتمنى بأن يتولى الراحل قرنق قيادة هذا الوطن
