Post: #1 Title: عارف الوجع في الجوف شديد ... Author: محمد البشرى الخضر Date: 10-05-2010, 11:46 AM
لكن ما قايلو للدرجة دي
جزء من عمود الصحفي الوصيفابي عمر المكابرابي
Quote: الهلال (يقلد) المريخ!! × بغض النظر عن (ضعف وهوان) المجموعة الأولى من مسابقة الكونفدرالية نقول مبروك للهلال تربعه على صدارة المجموعة وبلوغ نصف النهائي.
× تأهل الاتحاد الليبي المتوقع بصحبة الهلال لنصف النهائي يؤكد بالدليل القاطع ضعف هذه المجموعة كونه خسر أمام الهلال (رايح جاي).
× المقارنة معدومة بين المجموعة الأولى والمجموعة الثانية من الكونفدرالية.
× فوز الهلال على الاتحاد الليبي بهدفين نظيفين كان متوقعا قياسا بمستوى المنافس الذي يفتقد لأبسط مقومات التنظيم والانضباط التكتيكي داخل الملعب كأنه يلعب بدون مدرب.
× المباراة بصورة عامة كانت عبارة عن (دافوري على أحسن شوية)، شاهدنا فريقين يعتمدان على الإرسال الطويل واللعب في المساحات الواسعة ويمارسان العك الكروي وغابت اللمحات واللمسات الفنية والتمريرات القصيرة في مساحات ضيقة.
× الهلال لم يجد صعوبة في قهر منافسه الذي لعب مستسلما منذ البداية.
× وبقدر الفرق الشاسع بين المجموعتين في الكونفدرالية، كان الفرق شاسعا أيضا بين مباراة الهلال والتيحا ومباراة الأهلي المصري والترجي التونسي في دوري الأبطال من حيث المستوى والفنيات.
× شتان بين مستوى (هلال، تيحا) و(أهلي، ترجي).
×(هلال، تيحا) كورة مسيخة ولكن ضعف مستوى الفريقين يعكس مدى ضعف المجموعة الأولى بصورة عامة باعتبار ان الفريقين تأهلا لنصف النهائي.
× حقا صدق إعلام الهلال عندما وصف بطولة الكونفدرالية ببطولة الضعفاء والحمام الميت.
× الهلال الذي فشل في بطولة الكبار والأقوياء (دوري أبطال أفريقيا) يستأسد على ضعاف وحمام الكونفدرالية.
× حمام ولقى ليهو (جنينة حاتة) يبرطع فيها زي ما عايز.
× لا نبخس فوز الهلال على التيحا ولكن نقول بكل صراحة إن الهلال لم يلاق فريقا قويا في مضمار السباق الأفريقي حتى الآن لكي يختبر قدرات لاعبيه.
× لعب الهلال أمام التيحا بدون خطة ورغم ضعف المنافس تكشفت ثغرات في خط دفاعه وكاد الضيف (الضعيف الخفيف) يبصم مرتين في شباك المعز محجوب.
× الثغرات الواضحة في خط دفاع الهلال مؤشر خطير يهدد الفريق في نصف النهائي.
× وعلى الصربي ميشو مدرب الفريق الكف عن إطلاق التصريحات والتغزل في لاعبى الهلال والاهتمام بسد ثغرات الدفاع.
× القرعة خدمت الهلال عندما وضعته في مجموعة تضم التيحا ودجوليبا وآس فان.
× تخيلوا لو أن الهلال كان في المجموعة الثانية.
× ترى كيف سيكون الحال؟
× الهلال هو الهلال الذي نعرفه لا جديد فيه، بل الجديد الذي يطرأ عليه في كل مباراة تلك الحركات البهلوانية المضحكة التي يمارسها لاعبوه عقب كل هدف يحرزونه.
× بلوغ نصف النهائي أو النهائي في الكونفدرالية إنجاز ليس جديدا على الكرة السودانية.
× سبق للمريخ ان حقق هذا الانجاز للكرة السودانية قبل ثلاث سنوات من الان عندما تأهل لنهائي الكونفدرالية في نسخة 2007.
× وقتها كان نظام البطولة ينص على تأهل فريق واحد من كل مجموعة للنهائي مباشرة.
× المريخ هو السباق دائما ومن بعده يأتي المقلدون.
× والهلال اكبر (مقلدي) المريخ يسير على طريق سار عليه المريخ قبل ثلاث سنوات من الآن.
يا النبي يا الرسول حولا ... ياخي دا موجوع أكتر من أنور سلامة زاتو
Post: #2 Title: Re: عارف الوجع في الجوف شديد ... Author: Hussein Mallasi Date: 10-05-2010, 12:23 PM Parent: #1
Quote: القرعة خدمت الهلال عندما وضعته في مجموعة تضم التيحا ودجوليبا وآس فان.
Post: #3 Title: Re: عارف الوجع في الجوف شديد ... Author: محمد الطيب يوسف Date: 10-05-2010, 12:26 PM Parent: #1
قريتو الصباح يا ود البشري من الجريدة زاتا تصدق المقال محني ياخ والله حالة تحنن وفي مقولة اخري تجنن
Post: #4 Title: Re: عارف الوجع في الجوف شديد ... Author: abuguta Date: 10-05-2010, 12:44 PM Parent: #3
عارف الوجع فى الجوف شديد والوصيف قاعد فى الرصيف منتظر العهد الجديد ونحن واقفين صفوف للازرق قاعدين نريد احرقهم بلهب الانتصار ولع فيهم جمر الحديد سادومبا على نغم السامبا البرينس يالحن القصيد بشة ياولدنا الرهيب مدينة ابداعك عجيب الليلة انا فراح خلاص المعز والمجد التليد كل الاهلة فى انبساط هلالنا فى الابداع فريد
ياود البشرى خلوهم يتنفسون
Post: #5 Title: Re: عارف الوجع في الجوف شديد ... Author: محمد البشرى الخضر Date: 10-06-2010, 06:42 AM Parent: #4
هلا بالشباب هلا والله ...
لا و الغريبة يقول ليك
Quote: لا نبخس فوز الهلال على التيحا ولكن نقول بكل صراحة إن الهلال لم يلاق فريقا قويا في مضمار السباق الأفريقي حتى الآن لكي يختبر قدرات لاعبيه.
يعني كان داير يبخّس كان عمل شنو؟
شكلو الوصيفاب قفلو على التيحة قفلة شديدة لكن خذلهم فيما يبدو
وكتب ايضاً
Quote: فوز الهلال على الاتحاد الليبي بهدفين نظيفين كان متوقعا قياسا بمستوى المنافس الذي يفتقد لأبسط مقومات التنظيم والانضباط التكتيكي داخل الملعب كأنه يلعب بدون مدرب.
و قبل المبارة كتب نفس الكاتب في نفس العمود
Quote: × مستوى الهلال عادي جداً، وإذا لم ينتبه الصربي ميشو لعلاج الأخطاء وزيادة معدل اللياقة البدنية سيكون موقف الفريق محرجاً أمام الاتحاد الليبي الذي نظم صفوفه واستعد جيداً لمباراة الفريقين القادمة
Quote: × الهلال الذي فشل في بطولة الكبار والأقوياء (دوري أبطال أفريقيا) يستأسد على ضعاف وحمام الكونفدرالية.
يعني الهلال يفشل في دوري الأبطال يبقى مفروض يمشي على خطى الوصيف و يفشل في الكونفيدرالية برضو وإلاّ يبقى مستأسد على اتيامها
سنة يا المنطق مبالغة
يا حاجة "صفوة" اتصبّري ... عارف الوجع في الجوف شديد ... واجع حشاك هاريك هري ... لكن كمان ما تكفُري ...
(مع الإعتذار للأغنية)
Post: #6 Title: Re: عارف الوجع في الجوف شديد ... Author: عبدالوهاب علي الحاج Date: 10-06-2010, 06:58 AM Parent: #5
Post: #7 Title: Re: عارف الوجع في الجوف شديد ... Author: محمد البشرى الخضر Date: 10-06-2010, 07:26 AM Parent: #6
وهبة كا رفعت لينا الصورة في سيرفرسودانيز تكون ما قصرت ما شايف حاجة
Post: #8 Title: Re: عارف الوجع في الجوف شديد ... Author: الفاتح خليل الفكي Date: 10-06-2010, 08:14 AM Parent: #7
الأخ / الهلالي الجميل ود البشرى
مليون مبروك فوز سيد البلد وعقبال الكاس باذن الله والله الوصيفاب ديل حيرونا عديل كدا نعمل ليهم شنو ما عارفين والايام دي الحالة تحنن المهم خليهم يفرحوا شوية بهزيمتهم للاهلي الخرطومي الصاعد حديثاً للممتاز ومدربه مازدا المهم هلالنا جميل ونتمنى ان يكون دائماً فوق وخليهم يكتبوا اي حاجة هم يكتبوا ونحن نفوز باذن الله وهم يتفرجوا فينا ويلعبوا داخلياً ويخسروا من الامل عطبرة ونحن نلعب داخلياً وخارجياً ونفوز ونشوف التعبان منو . وفوق فوق هلالنا فوق تحياتي واحترامي لك ولكل الهلالاب الحلوين ،،،،
أبو كريم
Post: #9 Title: Re: عارف الوجع في الجوف شديد ... Author: محمد يوسف الزين Date: 10-06-2010, 08:32 AM Parent: #7
يا حبيب ، ياخ والله مسكين
قال مجموعة ضعيفة!
طيش المجموعة الضعيفة بتاعنا هو هو أس فان النيجري ذات نفسو والذي فعل فعلته في الجماعة وجانا محل الكبار فوق عشان يبقى طيشنا
بالحسابات طيش الطيش فريق المريخ.
مع انو دا ما مكاننا أصلاً ، الهلال مكانو في دوري الابطال الما بعرفو ليهو الجماعة حاجة ولا بعرفو لادوار الاربعة فيهو والنهائيات حاجة.
والله متعتنا بمقال أخينا دا يا عمكـ ، متعك الله
أحييييييييييييي بس الكاس دا ، وبعد ذلك لا اله الا الله ما قادر اتصور حيحصل للوصيفات شنو!
Post: #10 Title: Re: عارف الوجع في الجوف شديد ... Author: محمد يوسف الزين Date: 10-06-2010, 08:37 AM Parent: #9
Quote: والهلال اكبر (مقلدي) المريخ يسير على طريق سار عليه المريخ قبل ثلاث سنوات من الآن.
أوعى يكون قاصد 4 الصفاقسي في ام درمان؟! الزول دا نصيح؟
دي مش نفس أيام مرقنا بفارق هدف وبالحظ في نصف نهائي دوري أبطال افريقيا ؟ الذي كان المريخ طيش مجموعاته السنة الماضية*
____________ * حقيقة تاريخية
Post: #11 Title: Re: عارف الوجع في الجوف شديد ... Author: محمد يوسف الزين Date: 10-06-2010, 08:44 AM Parent: #10
