لا حول ولا قوة الا بالله ..عن اي رياضة تتحدثون ؟!!

يصل بنا الحال ان نصف بعضنا (بالتيوس ) وان نتمنى ان تسقط الطائرة المقلة لفريق منافس ؟!!

ويصل بنا الحال ان ندعوا الله ان يخسف بمنافسناالارض !!

لاحول ولا قوة إلا بالله
هؤلا ليس لهم علاقة بكرة القدم
كرة القدم .. محبه .. اخاء .. خسارة .. ربح
وهذه اللعبه مبنية على الاخطاء
اذا مافي خطأ ما في فوز
الروح الرياضية والصدر الرحب مهمة في حياة كل انسان
حتى في تعاملته الاخرى غير الرياضية

كيف وصلنا الى هذا الدرك السحيق من الحقد والجنون ؟

وليد تحياتي

Quote: الروح الرياضية والصدر الرحب مهمة في حياة كل انسان حتى في تعاملته الاخرى غير الرياضية

المصيبة يا وليد غابت هذه الروح وبدأت في الاندثار الا عند القليل ..الامر ينطبق على مشجعي الهلال والمريخ معا ..اصبح الامر واقعا اكثر من ظاهرة ..الكره المتبادل ..وعدم احترام الاخر ..والمسببات كثيرة ..وان كنت احسب ان اخطرها على الاطلاق ما يسمى بالصحافة الرياضية

البدري ... سلامات

Quote: اخطرها على الاطلاق ما يسمى بالصحافة الرياضية

هذه اسمها آ فة الرياضة السودانية وليس لها علاقة بالصافة ( مطبلاتية --- مرتزقة )
مع احترامي للقليل منهم ..

Quote: هذه اسمها آ فة الرياضة السودانية وليس لها علاقة بالصحافة ( مطبلاتية --- مرتزقة ) مع احترامي للقليل منهم ..

شي مؤسف جدا ولا يمت الي الرياضة بصلة













--
مشتاقين يا فردة

حسبو يا حسبو سلامات يا زول

Quote: شي مؤسف جدا ولا يمت الي الرياضة بصلة

بصلة شنو يا حسبو ياخ ؟!! قول توم ..نبق ..قنقليس





*مشتاقين بالاكتر والله ..اين الرهط يا هذا ؟

الحبيب بدرينا وضيوفه الكرام
تحية طيبة
يا زول إن شاء الله عال العال
بالأمس القريب ابتدرنا خيط لنقاش هذا التحول
وعمقه بين مشجعي القمة بشقيه الأحمر والأزرق
وكلنا على علم تام بأن ما يحدث في البلد من تدهور عام
أصاب الرياضة للأسف في مقتل . . أقلام الإعلام هي من أجج نار الحقد وعمق الكراهية
في النفوس انتهت روح التنافس والروح الرياضية واستبدلوا مفردات
(ألف مبروك - هارد لك ) بأماني السقوط المريع حتى اخبث الأماني
اصبحت عادية
وتمنيت من قلبي أن تكون رياضتنا ترتقي لمستوى الاماني
محلصتنا صفر في كل شيء
رحماك ربنا

ود المكي يا صاحب ..سلامات ومشتاقين والله

Quote: أقلام الإعلام هي من أجج نار الحقد وعمق الكراهية في النفوس انتهت روح التنافس والروح الرياضية واستبدلوا مفردات (ألف مبروك - هارد لك ) بأماني السقوط المريع حتى اخبث الأماني اصبحت عادية

لا حول ولا قوة الا بالله

البدري الحبوب سلامات
ياخ دي نماذج سيئة لكن الوجه الجميل والمفرح للرياضة موجود
شوف الزول الراقي kosta هنا


.. بي الجنبة كدا
بت الشيخ لبدت ولا جات قالت مبروك ولا بالعدم غاااااغ حقتها ديك
إن شاء الله المانع خير

طه (كتب) سلامات يا صاحب ومشتاقين والله

Quote: ياخ دي نماذج سيئة لكن الوجه الجميل والمفرح للرياضة موجود شوف الزول الراقي kosta هنا

صاح يا طه النمازج الجيدة موجودة والخير دائما يبقى فينا ... المصيبة يا طه هي تزايد نسبة التطرف بصورة مزعجة ان لم تكن مرضية

Quote: بت الشيخ لبدت ولا جات قالت مبروك ولا بالعدم غاااااغ حقتها ديك إن شاء الله المانع خير

بت الشيخ يا طه قالوا عندها حالة احتباس هلالي ..يعني كريات الدم الزرقاء زايدة عندها وبدأت تهدد مكوناتها الحمراء والصفراء ..عشان كدة هي معتكفة وتفتش في طبيب جراح يرجع ليها الامور زي ايام زمان ..وزيادة علي كدة جاني ايميل يفيد بأنو الاخت بت الشيخ بصدد تأسيس جمعية جديدة تحت مسمى (غاغات بلا حدود )

‏ ‏ السلام عليكم

Quote: ‏ ‏ السلام عليكم

وعليكم السلام ورحمة الله اخانا ابو حسين
.
.
.
.
.
انا لله وانا اليه راجعون....

ابو عبد الله ،،
اتمنى ما يكون فى هلالاب بنفس (تطرف) النماذج التى جئت بها ... واذا كان فى منها يا ريت يكون فى (سانبل) عشان كل المتطرفين من الجهتين ياخدوا على راسهم فى هذا البوست ... ويكون الكسب فى تنظيف الرياضة والرياضيين من مثل هذا الدرن والشواذ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
لكن يا البدرى يا اخوى اخشى انه عرض الهلال فى المبارة الاخيرة خلى الناس تطلع من طورها.. ولا مو كدى ..

سلام عليكم يا بدري
النقلتو دا من منتدى مقفول على المريخاب ولو زرت منتديات الهلالاب ح تلقى زيو وأسوأ
و الحمد لله حتى في داخل المنتديات المقفولة دي توجد اصوات عاقلة ترفض الجاوزات
كلامي دا ما مبرر للإساءات و التطرف لكن كونها في بوردات مقفولة على محبي تيم واحد بجعلها مستورة على الأقل
جمال هلال مريخ في الروح الجميلة و المداعبات و المناكفات التي لا تتجاوز الحدود بين انصار التيمين
الكورة آخر شي مفروض يكون فيه مشاكل أو إساءات او تجريح
اتمنى أن يظل سودانيز اونلاين بعيد عمّا يدور في منتديات هلال مريخ

سلامات يا ود البشرى

Quote: النقلتو دا من منتدى مقفول على المريخاب ولو زرت منتديات الهلالاب ح تلقى زيو وأسوأ

كلامك صاح يا ود البشرى ..وما ورد هنا نقلا من احد منتديات جماهير المريخ المقفولة بالطبع يمكن ان نجد مثله او اسوأ منه كما ذكرت في منتديات جماهير الهلال المقفولة ..

Quote: و الحمد لله حتى في داخل المنتديات المقفولة دي توجد اصوات عاقلة ترفض التجاوزات

وبرضو كلامك هنا صاح ..تجد ادناه رد لاحد الاعضاء في نفس المنتدى تعليقا على الموضوع مثار النقاش

Quote: جمال هلال مريخ في الروح الجميلة و المداعبات و المناكفات التي لا تتجاوز الحدود بين انصار التيمين الكورة آخر شي مفروض يكون فيه مشاكل أو إساءات او تجريح اتمنى أن يظل سودانيز اونلاين بعيد عمّا يدور في منتديات هلال مريخ

ود الخير سلامات

Quote: اتمنى ما يكون فى هلالاب بنفس (تطرف) النماذج التى جئت بها

كيف الكلام ده ؟ امال ناس يحي الخير وذكريا همت ديل يطلعوا شنو؟!!

Quote: لكن يا البدرى يا اخوى اخشى انه عرض الهلال فى المبارة الاخيرة خلى الناس تطلع من طورها.. ولا مو كدى

ياخ صاحبك الله جابو مختفي من اليوم داك وما عارفين بلدو وين ..اما رفعت حاكم فعامل فيها شغال 24 ساعة وما فاضي لي مواضيع الكورة الفارغة دي ...فتأمل !!

Quote: سلام عليكم يا بدري النقلتو دا من منتدى مقفول على المريخاب ولو زرت منتديات الهلالاب ح تلقى زيو وأسوأ و الحمد لله حتى في داخل المنتديات المقفولة دي توجد اصوات عاقلة ترفض الجاوزات كلامي دا ما مبرر للإساءات و التطرف لكن كونها في بوردات مقفولة على محبي تيم واحد بجعلها مستورة على الأقل جمال هلال مريخ في الروح الجميلة و المداعبات و المناكفات التي لا تتجاوز الحدود بين انصار التيمين الكورة آخر شي مفروض يكون فيه مشاكل أو إساءات او تجريحاتمنى أن يظل سودانيز اونلاين بعيد عمّا يدور في منتديات هلال مريخ

دائما واعي يا ودالبشري
الله يطمنك ياخ






---
يا البدري الرهط بخير و صحة عال العال
خضر,كل يوم بضرب البوش المدنكل و بعديه الشاي عند جميلة و بمشي يخش مباريات الهلال
و مورتا, لسة في امورو ديك , كل يوم جكساية جديدة

الرياضة اخاء ومحبة ولكن هناك من حول تشجيع مريخ هلال الي حرب
وان ننسي لا ننسي من الكان مبادر هنا خاصة بعد مباراة الوحدات الاردني
الان ظهر رسل السلام الذين ينادون بالمحبة والبعد عن العصبية
بعد ان الله هداهم في مشاويرهم الطويلة والمحفوظة بكل مفرداتها
القبيحة والتي جرتنا الي ما فيه نحن الان ..... اخوتي لكل
فعل رد فعل ....مثال بسيط ايه دخل المريخ في فرحتهم بنصرهم
علي الاتحاد الليبي ....واحد عامل فيها شاعر صدح بقصيدة
في الاذاعة الرياضية يتهكم فيها علي المريخ وفوزه علي الاتحاد
مدني وهم طبعا فائزين علي التيحا التفتيحا .....لا ينصلح
الحال جتب نصلح انفسنا اولا وكلنا قبل ذلك الاصلاح وحتي اشعار
اخر نحمل نفس امنيات وليد المريخابي .

مهدي الصادق
سلامات وان شاء الله تكون بالف خير

Quote: الرياضة اخاء ومحبة .

الحمد لله انك ابتدرت مداخلتك بهذه العبارة

Quote: ولكن هناك من حول تشجيع مريخ هلال الي حرب وان ننسي لا ننسي من الكان مبادر هنا خاصة بعد مباراة الوحدات الاردني

كما ذكر الاخوة في مداخلاتهم ان الاصوات المتطرفة موجودة عند الجانبين ..وقد ياتيك احدهم ويقول ايضا ان من تسبب في هذه الحرب هم انصار المريخ بسخريتهم من الهلالاب .. عند هزيمة الهلال من الترجي او كمبالا سيتي او...او ....الخ
اذا مثل هذه الحجة حسب رأي الشخصي لا يمكن الاعتماد عليها لتبرير الهوس الذي يحدث حاليا بين مشجعي الفريقين .

Quote: الان ظهر رسل السلام الذين ينادون بالمحبة والبعد عن العصبية بعد ان الله هداهم في مشاويرهم الطويلة والمحفوظة بكل مفرداتها القبيحة والتي جرتنا الي ما فيه نحن الان .....

حتى وان كان ما ذكرته صحيحا فان الرجوع للحق فضيلة اخي الكريم

Quote: اخوتي لكل فعل رد فعل ....مثال بسيط ايه دخل المريخ في فرحتهم بنصرهم علي الاتحاد الليبي ....واحد عامل فيها شاعر صدح بقصيدة في الاذاعة الرياضية يتهكم فيها علي المريخ وفوزه علي الاتحاد مدني وهم طبعا فائزين علي التيحا التفتيحا .....

يا مهدي انا ذكرت واتفق معي معظم الاخوة هنا بمختلف الوانهم الرياضية ان اساس البلاء هو ما يسمى زورا بالاعلام الرياضي ..

Quote: لا ينصلح الحال حتى نصلح انفسنا اولا وكلنا

هنا اتفق معك بالكامل

Quote: قبل ذلك الاصلاح وحتي اشعار اخر نحمل نفس امنيات وليد المريخابي

وما هي امنيات وليد المريخابي ؟ هل قرأتها وفهمتها جيدا ؟ ان كانت الاجابة بنعم فهذه مليون مصيبة ..وربنا يهدي من يشاء