يا سلفاكير: المواطن الجنوبي قبل الإسفتاء مواطن درجة تانية ، طيب بعد الأستفتاء حيكون شنو؟ خامسة؟

سلفاكير صرح قبل كده إنو لو المواطن الجنوبي عايز يكون مواطن درجة تانية يصوت للوحدة.

وده كلام واضح جداً لا يحتاج كثير عناء لفهمه.


وتيييييب؟

ده كلو رغم التصريحات المتكررة ليك بي إنو إنت مع الوحدة.

تمام؟

أها بعد زيارة واشنطون وعقب حديث (الحقنة) الشهير قلت إنو ما ممكن تصوت للوحدة.

تييييييييييب؟

وفي نفس الوقت وعقب حديث (الحقنة) الشهير ، أطلقت عدة تصريحات عن حق المواطن الجنوبي في البقاء في الشمال وتمتعو بكافة الحقوق.

تمام كده؟

طيب يا سلفاكير : إنت شايف إنو المواطن الجنوبي مفروض يصوت للأنفصال لأنو عايش كمواطن درجة تانية ، وفي نفس الوقت بعد يصوت للإنفصال عايزو يقعد في الشمال ، أها دي تبقي كيف؟ إذا هو هسه بوضعه الحالي مواطن درجة تانية ، أها بعد يبقي تابع لي دولة تانية ، تفتكر وضعو حيكون كيف؟ يعني حيكون مواطن درجة كم كده في رأيك؟

زمان قلت إنو سلفاكير تنقصه الحنكة السياسية ، صحيح ليهو خبرة في الحرب ، لكن الحرب حاجة وعالم السياسة والتصريحات عالم تاني مختلف ، له فنونه وتكتيكاته ، لا أعتقد انه يملكها.

وواضح التعارض الصارخ في تصريحاته المتأرجحة بين الأنفصال تارةً والوحدة تارةً أخري.

بعدين في حاجة مهمة جداً : هل تصريحه بأنه لن يصوت للوحدة يعبر عن الرأي الرسمي للحركة؟ ولا ده رأي شخصي وبس؟

يعني هل تمت مناقشة الأمر والتوصل لي صيغة وقرار يعبر عن التنظيم؟ أم إن الأمر كان مجرد ردة فعل عابرة؟

سلفاكير المفروض من هنا ولحدي موعد الأستفتاء إنو يمتنع عن أي تصريح ، ومن الأفضل إنو يخلي التصريحات دي للناطق الرسمي للحركة عشان ما يحصل التضارب الصارخ ده في التصريحات ، لأنو ده بيرسل إشارات خاطئة بي موقفو الحقيقي ، فليس من الحصافة في شئ التصريح لأجهزة الإعلام الرسمية بتمسكه بالوحدة ثم يعود وخلال فترة وجيزة جداً ليصرح لذات وسائل الإعلام بأنه لن يصوت للوحدة.

أخشي أن تكون هناك ضغوط أمريكية مورست عليه ليدلي بتلك التصريحات ، لأنو التضارب الشديد في مسألة حاسمة كهذه يجب أن يكون دافعه قوي جداً.

في بوست سابق عن المظاهرات التي خرجت في جوبا معجلة بالإنفصال دون حاجة لإنتظار موعد الإستفتاء ، ذكرت إنو أمر الوحدة والإنفصال بيد سلفاكير وحده ، فلو أختار الوحدة سيختارها الجميع ، وإلا فلا.

وإن غداً لناظره قريب.

بعدين ما شايف أنو مسألة بقاء أو ذهاب الجنوببيين من الشمال مسألة ذات قيمة ، فكيف لمن يختار الأنفصال أن يعود ويقيم في بلد إختار أن لا يعيش كمواطن فيها ، خاصة أذا رأي أنه يعيش فيها كمواطن من الدرجة الثانية ، طبيعة الأشياء تفرض نفسها ، فلا أري مبرراً لكل هذا الحبر الذي أريق في أمر البقاء أو الذهاب.

أدوها صنه ، براها بتبقي.

الاخ Mohamed Abdelmotalib Hassan

سلام

اذا كاتوا قبل الانفصال درحة اولى يعنى بعد الانفصال الليق دربوا عديل كده
 

Quote: الاخ Mohamed Abdelmotalib Hassan سلام اذا كاتوا قبل الانفصال درحة اولى يعنى بعد الانفصال الليق دربوا عديل كده

أخونا جمال
سلام

ودي مشكلة التصريحات اللي بتجي في الوقت الغلط في المكان الغلط في المناسبه الغلط.