يا المعز محجوب .. لو دي طريقتك .. يوم بتكتل ليك زول !!

المعز محجوب

بدون شك هو

افضل حارس مرمى في السودان

وحارس عرين الهلال سيد البلد

ولكن

ومليون خط تحت لكن هذه

طوالي

في كل مباراة


يكرر المعز محجوب

نفس الفيلم

لمن حفظنا الفيلم عن ظهر قلب

عرض أول

عرض تاني

عرض تالت

والفيلم اصبح محفوظ

من كترة التكرار

نفس الغلطات

نفس الهفوات

نفس الانذارات

مافي شي جديد

خروج غير موفق

وثبات غير موفق


وتصرفات غريبة لتضييع الزمن

ومعاها إنذار مجاني


التقدم بالكورة لمكان بعيد

يتطلب تدخل الحكم بانذار شفهي

سرحان في كثير من الاحيان

عدم تنبيه للدفاغ سبب الكثير من الاهداف

اعطاء هدايا للفريق الخصم

الجري نحو خط الدفاع بعد التهديفة لالقاء اللوم عليهم من عدم التغطية

مرات ادعاء الاصابة ومعاها كرت اصفر مجاني (مباراة دجوليبا في الخرطوم)

يعني بصراحة كده

المعز مصر يفقع مرارتنا عديل كده

وبرغم انني وفي لقاء عابر مع الدكتور كرار التهامي في مكتبه بالمغتربين بعد العيد الماضي
بسؤالي له عن المعز قال لي ان الجهاز الفني قد تكلم معه كثيرا لتصحييح مساره وطريقته

وفي مباراة الامس برغم فدائيته

لكن برضو الفيلم مكرر

اها كل هجمة

ونحن يدنا في قلوبنا

الواحد يقول يا الله برة

ويا رب الطف

ويا كريم سهل الامور

اها لسه المعز في حالتو

و قلوبنا قربت تقيف

وبي صراحة كده

يا المعز محجوب

لو دي طريقتك

يوم بتكتل ليك زول

يازعيم

كدة بيكف العين من باقي التيم .. واذا المعز (طبزها) الباقين بيعوضونا ..
خلي في قلبك حجر تقيل .. وكان الحارس بكتل كان في ناس ما فضل
فيهم نفاخ النار ..

انتم تنشدون الكمال .. وناس عندهم (كمال) وبرضهم يقولوا (المعز ولدنا) .

كيفك بعد التيحا ..

عمر علي حسن

يا ريس

تهانينا الحارة

وعقبال اكاس

تابعت رسالتك التي قرأت في اجتماع الاقطاب الاخير

وكانت هامة جدا

فكلنا جنود للهلال

تاني الف مليون مبروك

ويا ريت المعز يتصلح معانا شوية

حملة ضد الجزيرة الرياضية التي تواصل استخفافها بمتابعي ا...سودان وتتجاهل الهلال

الصادق

نحن مقتنعين

البقنع الجزيرة منو ؟

دة نظام لو اتغلبنا نمسحها في المعز

طارق ود جبرين

امانا عليك ما اتكيفت يوم التيحا

بالله ماشرفناك ورفعنا راسك مع المغاربة

خليك انت في زي ده

من باص لي باص

عطبرة مدني كادقلي

ونحن في الجو

مالي

النيجر

ليبيا

وبعد كده بنقول

اللي بعده

حلاقة على الزيرو

عارف اليومين دي لو لاقيتونا

ننتف ريشكم ونصدر مواسيركم

وليبيا فتحت