Post: #1
Title: نقترب من الكأس رويداً رويدا
Author: عمر الفاروق عبد الله الشيخ
Date: 10-04-2010, 11:54 AM
أبني الصغير عثمان ذو الثلاثة أعوام .. منذ يوم الجمعة الفائت يأتيني بالغرفة مرددا ً اهلال هلا أوو أوو وعندما أتمها له في قمته أتعلا يأتي بالفاصلة الموسيقية أوو أوو
ونحن صغار ايضاً كنا عندما نستبق يكون عند الميز أحد المراقبين مردداً واحد استعداد اتنين ضرب نار تلاتة تووف!!
ونحن نقترب من الكأس رويداً رويدا بإذن المولي لعل المراقبين يذكرون الآتي عند الميس:
مباراة جيش النيجر واحد إستعداد
مباريتي قبل النهائي .. اتنين ضرب نار
مباريتي الكأس بحول الله تلاتة تووووووووووووووووف!
مباريتي قبل النهائي سوف نغني هات كأسي تا ررا را هاتها ملآنة فخرا
وفي مسك الختام إن شاء الله سوف نردد مع صغارنا الكأس الكأس شلناه خلاث!!
شلناه خلاص وعندها سوف يفرح ناس ويزعلوا ناس وناس أنا ناس وناس تحتاس يبكوا بث!!
عندها سيفيض النيل قبل ميعاده ويتصالحوا الكانوا إتعادوا وتتصلح شوارع الزلط الكانت غلط!! ونغني كما غني الخليل "بعاين للنجوم وأن بطري الهلال" وبجانب مؤلف موسم الهجرة للشمال للروائي العالمي المرحوم الطيب صالح تنزل رواية جديدة باسم موسم الهجرة للهلال! ونغني مع وردي ومع الكورال وكانت ساعة النصر إكتمال الهلال! ونقول مع نزار بتصرف من عندنا .. الموج الأزرق يأخذني نحو الأعمق وغيرنا يغرق يغرق!!
رويداً رويدا نقترب من الكأس
عندها .. الما عرس يكمل نصف دينه والمدين يحل دينه والعينه زايغي بنعرس ليه تاني .. نسافر جوبا ندعم الوحدة وللفاشر الكبير نلم الشتات وفي الشرق الجميل ناكل سلات ويا الفي شمال ليك شوقنا طال.
رويداً رويدا نقترب من الكأس
رشح معظم الناس الأسبان للفوز بالمونديال وكانت كل الدلائل تشير لذلك وكانت كل المعطيات تؤكد ذلك والآن هلال الجمال مرشح وبقوة كبطل للكونفدرالية وكما الأسبان كل الدلائل تؤكد هذا وكل المعطيات تشير لذلك.
نحن لها
|
Post: #2
Title: Re: نقترب من الكأس رويداً رويدا
Author: محمد المرتضى حامد
Date: 10-04-2010, 12:01 PM
Parent: #1
| Quote: نقترب من الكأس رويداً رويدا |
يا عمر مبروك لكن بالله إنتو لسه بتقتربوا؟
صدقني شايف الهيصه الغرقتو بيها المنبر إعتقدت أن الهلال
فاز بكأس من بتاعات بره ،
أتاريهو إنتو لسه بتقتربوا؟ 
|
Post: #3
Title: Re: نقترب من الكأس رويداً رويدا
Author: عمر الفاروق عبد الله الشيخ
Date: 10-04-2010, 12:15 PM
Parent: #2
Quote: يا عمر مبروك لكن بالله إنتو لسه بتقتربوا؟
صدقني شايف الهيصه الغرقتو بيها المنبر إعتقدت أن الهلال
فاز بكأس من بتاعات بره ،
أتاريهو إنتو لسه بتقتربوا؟ |
ياخي نحن ناس واقعيين وشغالين خطوة خطوة ياحبيبي نسير
بعيد عن الكأس رأيك شنو في عرض الهلال امبارح
|
Post: #4
Title: Re: نقترب من الكأس رويداً رويدا
Author: محمد المرتضى حامد
Date: 10-04-2010, 12:59 PM
Parent: #3
| Quote: ياخي نحن ناس واقعيين |
الياء الثانية زائدة
|
Post: #5
Title: Re: نقترب من الكأس رويداً رويدا
Author: عمر الفاروق عبد الله الشيخ
Date: 10-04-2010, 02:43 PM
Parent: #4
| Quote: الياء الثانية زائدة |
يا ضلنا المرسوم علي رمز الوصافة وشاكي من طول الطريق
زادت الياء أو نقصت نحن لها.. وش باكي
|
Post: #6
Title: Re: نقترب من الكأس رويداً رويدا
Author: محمد المرتضى حامد
Date: 10-04-2010, 04:01 PM
Parent: #5
يا ود المسالمه،
زمان كان في لاعب في الزمالك إسمو (الكاس)
بالله سجلوهو عشان تقولوا جبتو كاس من بَرّه 
-
المشكله إنو تقاعد، يعني تاني ما عندكم فرصه ل (كاس) من بَرَه.
|
|