Post: #1 Title: المريخ X الامل Author: فيصل نوبي Date: 10-04-2010, 06:44 AM Parent: #0
علي شرف كأس السودان
Post: #2 Title: Re: المريخ X الامل Author: بشير حسـن بشـير Date: 10-04-2010, 06:46 AM Parent: #1
. .
فيصل أخوى
العرجاء لمراحا
. . .
Post: #3 Title: Re: المريخ X الامل Author: فيصل نوبي Date: 10-04-2010, 06:48 AM Parent: #2
الناس ديل يا بشير طالبو بتأجيل مباراتهم مع الاتحاد مدني اها نشوف عطبرة دي بيعملو فيها شنو
Post: #4 Title: Re: المريخ X الامل Author: فيصل نوبي Date: 11-11-2010, 10:39 AM Parent: #3
Quote: يختتم فريق المريخ تدريباته عصر اليوم استعدادا لمباراة الغد امام الامل العطبراوي ضمن منافسة كاس السودان ويشرف علي تدريبات الجهاز الفني بقيادة كروجر ومعاونيه وجميع اللاعبين.
المريخ في معسكر مغلق وكروجر يبعد الشغيل وطارق مختار انتظم لاعبو المريخ وعقب تدريبات عصر امس في معسكر مقفول باستراحة اللاعبين بالخرطوم 2 وقد استبعد كروجر بعض اللاعبين من القائمة المشاركة في مباراة الفريق امام الامل العطبراوي مساء غد الجمعة واللاعبين المستبعدين هم نصر الدين الشغيل، وطارق مختار لنيلهما الانذار الثاني في مباراة جزيرة الفيل وحمد الشجرة وباولو ومصطفي وعلاء الدين بيت المال. برئاسة محمد علي الجاك ضقل ...ثنائي المريخ راجي والسعودي يمثلان امام لجنة التحقيق اليوم يمثل في الواحدة من ظهر اليوم ثنائي المريخ عبدالحميد السعودي وراجي عبدالعاطي امام لجنة التحقيق الرباعية التي شكلها مجلس المريخ بقيادة شيخ العرب محمد علي الجاك ضقل وهاشم الزبير ومتوكل احمد علي بجانب حسن ادريس وستقوم اللجنة بالاستماع لاقوال الثنائي ومن ثم رفع تقرير مفصل لمجلس الادارة بذلك.
Post: #5 Title: Re: المريخ X الامل Author: Deng Date: 11-11-2010, 10:47 AM Parent: #4
فاز المريخ ببطولة كأس الكؤوس الافريقية في العقد الماضي.
ومازال الهلال يعافر ويعمل على الفوز على هذه البطولة التي أنتقدها الهلالاب من قبل.
عقدة الهلال هي أنه لم يحصل حتى الان على أي بطولة قارية وحتى لو كان بطولة سكافا.
هل سيفك الهلال هذه العقدة الان أم ستبقى معه الى وقت لاحق.
ما عارف لو كنت بشجع الهلال كان عملت شنو طيلة الفترة السابقة دي.
Post: #6 Title: Re: المريخ X الامل Author: ياسر بيناوي Date: 11-11-2010, 10:49 AM Parent: #5
الله يدينا الفي مرادنا
خالص الود
Post: #7 Title: Re: المريخ X الامل Author: فايزودالقاضي Date: 11-11-2010, 10:52 AM Parent: #6
Quote: ما عارف لو كنت بشجع الهلال كان عملت شنو طيلة الفترة السابقة دي.
والله يادينق احساس اخير منو تبقى مؤتمر وطني ...
Post: #9 Title: Re: المريخ X الامل Author: حاتم كاهن Date: 11-11-2010, 11:00 AM Parent: #7
Quote: المريخ X الامل
ده بوست ناجح ما في شك يا فيصل ..
يا دينق وفايز بالله لو سمحتوا ما تحرفوا لينا البوست ده عن مسارو ... بوست إسمو المريخ × الأمل ... تجو تنضمو في الهلال ؟؟!!! غايتو حالتكم تحنن الما بيحن ...
Post: #8 Title: Re: المريخ X الامل Author: Maawya Hussein Date: 11-11-2010, 10:57 AM Parent: #6
Quote: ومازال الهلال يعافر ويعمل على الفوز على هذه البطولة التي أنتقدها الهلالاب من قبل.
فرق كبير بين بطولة كاس الكؤوس الافريقيه الملغيه وبين البطولة الكونفدراليه المستحدثه من بطولة الاتحاد الافريقي سابقا والتي ينافس علي بطولتها الهلال السوداني حاليا
Post: #10 Title: Re: المريخ X الامل Author: حاتم كاهن Date: 11-11-2010, 11:06 AM Parent: #8
Quote: فرق كبير بين بطولة كاس الكؤوس الافريقيه الملغيه وبين البطولة الكونفدراليه المستحدثه من بطولة الاتحاد الافريقي سابقا والتي ينافس علي بطولتها الهلال السوداني حاليا
يا معاوية ما تستجيب ياخي .. خلينا في الأمل هسي ... ناس (اللي هم نحنا) همنا الكونفدرالية ... وناس (اللي هم هم ) همهم الأمل .. . . . .
فتمحن ....
Post: #12 Title: Re: المريخ X الامل Author: أحمد ابن عوف Date: 11-11-2010, 11:16 AM Parent: #10
Quote: يا دينق وفايز بالله لو سمحتوا ما تحرفوا لينا البوست ده عن مسارو ... بوست إسمو المريخ × الأمل ... تجو تنضمو في الهلال ؟؟!!! غايتو حالتكم تحنن الما بيحن ...
كاااااااااك
بالله شوف جنس ديل يا كاهن دخلت من باب الشمار اعرف ليك زمن المباراة والقناة الناقلاها لعل وعسى القى ليها زمن الق ليك لجان النادي تحقق في شأن اللعيبة ولجان المشجعين بالبورد تححق في شعور ومشاعر اسياد البلد
يعني طلعت من ولد البوست بحمص ست الـ ......
لوووووووووول
Post: #18 Title: Re: المريخ X الامل Author: فيصل نوبي Date: 11-11-2010, 11:44 AM Parent: #12
احمد بن عوف الكورة باكر الجمعة و في الغالب الساعة 8 كاس السودان ده زي الكرتلة ماف زول بيعرف مواعيدو للأسف
Post: #11 Title: Re: المريخ X الامل Author: Maawya Hussein Date: 11-11-2010, 11:14 AM Parent: #8
في بطولة كاس الكؤوس الافريقيه الملغيه من قبل الاتحاد الافريقي كان التنافس فيها محصورا علي ابطال الكؤوس في بلدانها (كاس السودان) وليس علي ابطال الدوري العام او الدوري المحترفين (الدوري الممتاز)كما هو الان لذلك خلي تاريخ البطولة من اسماء فرق كبيرة مثل الاهلي والزمالك والترجي والوداد والفرق الكبيرة انذاك .
المريخ فاز بالبطولة سنة 1989 بعد ان تخطي اربعه فرق هم البنزرتي التونسي وباترونج الكنغولي وقورماهيا الكيني وبندل يونايتد النيجيري ...يعني ممكن بالحسابات كدا ندي الهلال 8 كؤوس زي دي قبل ما يدخل دوري المجموعات زاتو في بطولة الانديه الافريقيه للاعوام السابقه ونديهو كاسين حاليا لتخطي 6 فرق حاليا قبل الوصول للمباراة الختاميه والتي تتطلب تخطي 8 فرق
Post: #13 Title: Re: المريخ X الامل Author: Maawya Hussein Date: 11-11-2010, 11:22 AM Parent: #11
انت يا نوبي الكلام دا كتبتو براك ولا جبتو من جريده
Quote: يختتم فريق المريخ تدريباته عصر اليوم استعدادا لمباراة الغد امام الامل العطبراوي ضمن منافسة كاس السودان ويشرف علي تدريبات الجهاز الفني بقيادة كروجر ومعاونيه وجميع اللاعبين
لو دا صحفي تبقي مصيبه
Post: #16 Title: Re: المريخ X الامل Author: فيصل نوبي Date: 11-11-2010, 11:43 AM Parent: #13
Post: #20 Title: Re: المريخ X الامل Author: Maawya Hussein Date: 11-11-2010, 11:47 AM Parent: #16
ياخ ناس قوون ديل تحفة من تحف الزمان
Quote: قوون الصحيفة الرياضية الاولي بالسودان الفائزة بجائزة التفوق الصحفي 7 مرات علي التوالي
الشريط دا ماشي من ما الله اداني كمبيوتر وانترنت اصلو ما شفتو وقف :)
Post: #14 Title: Re: المريخ X الامل Author: فايزودالقاضي Date: 11-11-2010, 11:29 AM Parent: #11
مابتفتروا 80 سنة تنظروا وتتكلموا على الفاضي ....البقرا كتباتكم في المنابر وفي الاسواق والجرايد الحائطية يقول عندكم كاس من بره ...
Post: #15 Title: Re: المريخ X الامل Author: أحمد ابن عوف Date: 11-11-2010, 11:36 AM Parent: #14
خلونا في موضوع البوست يا مريخاب
ادونا مواعيد الكورة ومنقولة على ياتو داهية ههههههههههه
لا حولا
Post: #17 Title: Re: المريخ X الامل Author: فايزودالقاضي Date: 11-11-2010, 11:43 AM Parent: #15
يازول عطبرة شنو نحن المحلي ده ختيناه ...صفاقسي بس وعلى القناة الــ7 التونسية ..
Post: #19 Title: Re: المريخ X الامل Author: فيصل نوبي Date: 11-11-2010, 11:46 AM Parent: #17
بيني و بينك كلامو صاح يا معاوية المريخ ده بيشرف علي تدريباته جميع اللاعبين و ناس مرابط و النفطي ديل جايين من تونس ليه ما ياهو عشان الاشراف ده مش ياهو النفطي بينقنق اكتر مما يلعب ؟ ما ده الاشراف ظاااااطو
Post: #21 Title: Re: المريخ X الامل Author: Maawya Hussein Date: 11-11-2010, 11:55 AM Parent: #19
ههههه والله كلامك صاح ..انت عارف التوانسه عاملين اللعب في المريخ نوع من انواع الخمش والغنايم ..(يا صاحبي نروح توة نغنم من المريخ السوداني ونرجع لي بلادنا ونعمر الزوجه والاولاد ) :)
اقرا الكلام التحت البي الاصفر دا ! انت عارف سمسار صفقه التوانسه منو وقابض كم ؟
Post: #22 Title: Re: المريخ X الامل Author: فيصل نوبي Date: 11-11-2010, 12:02 PM Parent: #21
Quote: المريخ فاز بالبطولة سنة 1989 بعد ان تخطي اربعه فرق هم البنزرتي التونسي وباترونج الكنغولي وقورماهيا الكيني وبندل يونايتد النيجيري ...يعني ممكن بالحسابات كدا ندي الهلال 8 كؤوس زي دي قبل ما يدخل دوري المجموعات زاتو في بطولة الانديه الافريقيه للاعوام السابقه ونديهو كاسين حاليا لتخطي 6 فرق حاليا قبل الوصول للمباراة الختاميه والتي تتطلب تخطي 8 فرق
حــريف لكن يا معاوية ......
الزمن داك ناس الهلال كانو محننين و لا قُـصـــر....؟؟؟؟؟؟؟؟؟؟؟؟؟؟؟؟
Quote: الزمن داك الهلال كان بيلعب في دوري الابطال ووصل للنهائي مرتين 87 و92 امام الاهلي القاهري والوداد البضاوي وخسر بالتحكيم في البطولتين
لا يااااااااااااااااااااخ يا سلاااااااااااااام والله انجاز لكن ...
نهائيين اررررربعة مباريات ما جايب فيهم ولا هدف .... !!!!! آآآآآآآآآآآ وللا الحكم نقض فيها هدف ... اتذكرت ... لا خلاص عديناهو ... جبتو فيها قون في اربعة مباريات برضو انجاز والله .
Post: #27 Title: Re: المريخ X الامل Author: omer osman Date: 11-12-2010, 08:18 PM Parent: #26
أين ذهب صاحب البوست .......
نرجوا ان يكون قد استمتع بالرباعية .......
واخد فكرة عن ما ينتظره يوم 18 ...........
Post: #28 Title: Re: المريخ X الامل Author: فيصل محمد رشوان Date: 11-12-2010, 09:23 PM Parent: #27
Post: #29 Title: Re: المريخ X الامل Author: فيصل نوبي Date: 11-12-2010, 09:25 PM Parent: #27
في ذمتك يا عمر إنت مقتنع ؟
Post: #30 Title: Re: المريخ X الامل Author: خالد درق Date: 11-12-2010, 09:37 PM
